MINJTË CICËRINË

Minjtë hanë pak bukë

Pak kaça mbi tokë, mbi borë,

Mbi kontenjer

Luadhi i mirëpret si një ekuador.

Verë, dimër cicërinë

Nuk ngrijnë

Gëzof hiri veshur

Kanë edhe sevdanë në tavan.

Përmbyesin gjithçka ,grimcojnë

Dhe në valle lodrojnë

I tepërt s’është i tyre

As një gjigand luadhi

Ai ua shtron pasqyrën dhe kthetrat vizëllimë çeliku

I kanë tjetër soj

i shtimit luadhi s’duron…..

ÇARAVITJA JEVGE*

Minjtë çaravitën kudo e kahdo

Dhe unë u çaravita në hanmin tim,

Pas nëntë muajsh erdhi një Lule në dhomë

Në sofër ishin vetëm tetë lugë

Hajt bac krise llugën

Se kontenjereve

E bëjë lugën

Nëntë dhe të dhjetë

Çorbë patligjanash

Dhe rrojmi si mbret

Mos çaravitet gajdeja

Se dynjaja s’ka lezet….

(*ÇARAVITJE

,është fjalë shqipe e folur nga jevgjit e ka kuptimin shkarravise)

ISHIN TEPËR TË MIRË

Këta zot ishin tepër të mirë,

Zonja ua pruni mëngjesin

Dhe ëmbëlsirat

Nisen ta puthin nga dora

Tej krahut, kofshës

Deri në drynin e pambërthyer.

Zot! Ishin tepër të vyer

Zonjës ia lëmonin flokët, vithet

U ndrinin sytë si pasqyrë

Deri në avullin

E zbërthyer.

Përplot yndyrë.

Të urtë

Tepër të urtë

Çakërdisur

Në fytyrë

Me hajen e mëngjesit

Luante një lyrë.

Zot!

Kishte zbritur racën

Kjo natyrë…

PËRTEJ GARDHI

Ju përtej gardhi, cilin mal vallë bryma po e pret

Lumi i fryrë damarët e vet

Në shoshë ahengu kemi vënë vetë

Krejt i qetë

Sypatrembur rrimë, por me sy disi mbyllur

Orën e lavrojmë më predha,ju kërkesa konsumuese të gjëra.

Cili mal vollet ,po dëfton ferra dhe pse e vonë pranvera

Thias i vimi te dera

Ashkun ua skuq potera

U katranos shekulli se shkeluri,thithëlopë e mjera…

DERDHUR

Panterën e gjeta në shteg ,me thonjtë e saj

Vrerin e paketuar në qese najloni

Triumfalisht u derdhshin

Qendresa më tha qendro

Pathyeshëm…

ÇAFKA

Duken gurëzit , ku toka idhshëm mërrolet boka

Përveç qiellit gjithçka tjetër nxinë dhe në tym hapsinë

S’mbet asgjë mangut deglisi , as pip frashëri e fisit

Akoma ka uzdajë se këto glasa rrinë luhajë

Shiu i shpërlanë ,i dezinfekton e tretësira u vije tamam

Çafkat gurëzit i mbulojnë, ikën prapë më dhunë të vijnë

Dëshirojnë

Fundin e vet që e avullojnë…