VOAL

VOAL

Please Wait ...
0%

Më 6 nëntor Shaqiri në Beograd me Liverpulin

By | October 27, 2018
blank

Komentet

blank

Lojërat Olimpike Dimërore të Pekinit, DW: Siguri e dobët kibernetike, rrezikohen pjesëmarrësit

Kushdo që udhëton në Kinë për Olimpiadën 2022 duhet të dokumentojë gjendjen e tij shëndetësore në App “My2022”. Por softueri ka boshllëqe serioze sigurie, konstatohet në një raport për sigurinë kibernetike.

Sportistë nga e gjithë bota po përgatiten për të marrë pjesë në Lojërat Olimpike Dimërore të Pekinit. Këtë vit këtu bën pjesë edhe respektimi i rregullave përkatëse shëndetësore. Është e detyrueshme, që atletët të instalojnë në smartfonët e tyre aplikacionin zyrtar të quajtur “My 2022”.

Por aplikacioni ka mangësi në kodimin e të dhënave. Këtë e pohon një raport i “Citizen Lab”, të cilin e disponon Deutsche Welle. Një gjë e tillë i vë atletët, gazetarët dhe funksionarët e sportit në rrezik serioz nga hakerat.

Privatësia e tyre nuk mbrohet dhe të dhënat e tyre nuk janë të mbrojtura nga vjedhja dhe survejimi. Për më tepër specialistë të forenzikës kibernetike zbuluan se aplikacioni përmban një listë censure.

Frikë e madhe nga spiunazhi digjital

Gjithsesi siguria e të dhënave në Lojërat Dimërore në Pekin është kritikuar: Gjermania, Australia, Britania e Madhe dhe SHBA u kanë bërë thirrje komiteteve të tyre kombëtare olimpike dhe atletëve të tyre që t`i lenë në shtëpi telefonat dhe laptopët e tyre privatë. Në vend të tyre ata duhet të marrin me vete pajisje ekstra për Olimpiadën, kaq e madhe është frika nga spiunazhi dixhital.

Pikërisht për këtë arsye Komiteti Olimpik Holandez i ka ndaluar në mënyrë eksplicite sportistët e tij, që të sjellin në Kinë smartfonë dhe laptopë privatë. Në My2022-App atletët, trajnerët, reporterët, funksionarët e sportit dhe punonjësit lokalë duhet të regjistrojnë të dhënat e tyre shëndetësore.

MY2022-App: gjurmimi i kontakteve dhe shumë më tepër

Lojërat Olimpike Dimërore fillojnë më 4 shkurt dhe do të jenë lojërat e dyta në kohën e pandemisë Corona. Prandaj nuk është për t’u habitur që ekziston një aplikacion i detyrueshëm për smartphone. Ai u përdor edhe në lojërat verore në Tokio vitin e kaluar. Sipas playbook-ut zyrtar të Komitetit Olimpik Ndërkombëtar (IOC), detyrimi për ta instaluar vlen për të gjithë ata që do të jenë në të ashtuquajturën “flluska olimpike” e krijuar posaçërisht për atletët, trajnerët, reporterët, zyrtarët sportivë, përfaqësuesit diplomatikë dhe mijëra punonjës lokalë. Në fakt aplikacioni i zhvilluar në Kinë synon të monitorojë shëndetin e pjesëmarrësve në Olimpiadë dhe në rastet e testeve pozitive të koronës të gjurmojë kontaktet.

Në aplikacion nuk duhet të vendosen vetëm të dhënat e pasaportës dhe të dhënat personale për statusin e udhëtimit, por edhe informacione mjekësore shumë private dhe të ndjeshme. Për shembull, nëse kohët e fundit keni vuajtur nga simptoma të ngjashme me Covid-19 si ethe, lodhje, dhimbje koke, kollë e thatë, diarre ose dhimbje fyti. Kush vjen nga jashtë, duhet të fillojë të kalojë të dhënat shëndetësore në aplikacion 14 ditë përpara se të hyjë në vend.

Gjurmimi i kontakteve i bazuar në aplikacione shihet në shumë vende si një mënyrë moderne për të luftuar pandeminë Covid19. Por aplikacioni kinez My2022 lejon më shumë sesa thjesht gjurmimin e kontakteve: Ai rregullon autorizimet për të pasur akses në eventet olimpike, shërben si guidë për vizitorët me informacione për programin dhe organizimin e eventeve sportive, ofron shërbime turistike për vizitorët dhe madje përfshin funksione bisede (tekst dhe audio), news feeds dhe transferime të të dhënave për përdoruesit. Apo siç thuhet në përshkrimin në Apple app store: Aplikacioni My2022 “ofron shërbim të personalizuar për grupe të ndryshme përdoruesish për të shijuar Lojërat në mënyrë të gjithanshme me një aplikacion”.

Trasnmetimi i pasigurt i të dhënave në aplikacion

Boshllëqet në aplikacion u zbuluan nga studiuesit e Citizen Lab, të cilët bëjnë studime mbi sigurinë digjitale rreth çështjeve të të drejtave të njeriut në Munk School of Global Affairs të Universitetit të Torontos. Citizen Lab ka qenë përfshirë edhe në zbulimin e softuerit spiun “Pegasus”. Pika specifike e kritikës janë të ashtuquajturat certifikata SSL, të cilat duhet të sigurojnë që trafiku i të dhënave të ndodhë vetëm ndërmjet pajisjeve dhe serverëve të besueshëm: Sipas raportit të Citizen Lab ato nuk janë të vërtetuara për vlefshmërinë. Kjo mungesë e vërtetimit të certifikatave SSL përbën një dobësi serioze sigurie. Si rezultat, aplikacioni mund të devijohet për të komunikuar me një kompjuter keqdashës, duke lejuar që informacioni të përgjohet apo madje të dhënat e dëmshme të kthehen në aplikacion.

Studiuesit e Citizen Lab, Jeffrey Knockel dhe Lotus Ruan, kanë zbuluar cenueshmëri jo vetëm në lidhje me të dhënat shëndetësore, por edhe me shërbime të tjera të rëndësishme në aplikacion. Kjo përfshin shërbimin e aplikacionit që përpunon të gjitha bashkëngjitjet e skedarëve, si dhe transmetimet zanore. Ekspertët zbuluan edhe se trafiku i të dhënave në aplikacion për disa shërbime nuk është aspak i koduar. Kjo do të thotë që të dhënat e shërbimit të bisedës në aplikacion mund të lexohen shumë lehtë nga hakerat. “Zbulimet tona kanë treguar, se masat e sigurisë së aplikacionit My2022 janë krejtësisht joefektive dhe nuk mbrojnë nga rrjedhja e të dhënave të ndjeshme tek palët e treta të paautorizuara”, thotë Knockel.

Ekipi kanadez ka kërkuar i pari të bëhet më shumë për sigurinë kibernetike – në pamje skiatoret Justine Dufour-Lapointe dhe Chloe Dufour-Lapointe

Censurë? Lista e termave të censuruar ngre pyetje

Studiuesit e IT zbuluan edhe një skedar teksti të quajtur “ilegalwords.txt”. Aty renditen 2,442 fjalë kyçe dhe fraza, kryesisht nga gjuha kineze e shkruar, e përdorur në Republikën Popullore të Kinës, por edhe disa terma nga gjuha ujgure, tibetiane, gjuha kineze e shkruar e përdorur në Tajvan dhe Hong Kong, dhe nga anglishtja. Ndër termat e shumta ka disa sharje, por edhe shprehje që i referohen temave politikisht tabu në Kinën komuniste, që censurohen nga shteti, duke përfshirë: kritikat ndaj Partisë Komuniste Kineze dhe drejtuesve të saj, si dhe fjalë kyçe që lidhen me Falun Gong; protestat e Tiananmenit; Dalai Lamën; dhe pakicën myslimane ujgure në rajonin Xinjiang. Në ujgurisht, sipas Citizen Lab përfshihet p.sh. edhe termi “kurani i shenjtë”.

Eksperti i sigurisë kibernetike në versionin aktual të aplikacionit nuk ka arritur të gjejë të dhëna, që kjo listë censure gjatë përdorimit të përdoret në mënyrë aktive. Po ashtu nuk është fort e qartë se si ky skedar ekziston vërtetë. Jeffrey Kockel nga Citizen Lab thotë, se: “Edhe nëse skeda illegalwords.txt ndërkohë nuk përdoret, My2022 përmban funksione kodimi, që e lexojnë këtë skedë dhe mund të përdoret për censurë, kësisoj lista e censurës aktivizohet lehtësisht.”

Aplikacioni qysh tani përmban një funksion raportimi, në të cilin përdoruesit e tij mund të denoncojnë përdoruesit e tjerë nëse ata e konsiderojnë përmbajtjen e mesazhit si të dyshimtë apo të rrezikshme. Ndër arsyet e mundshme për denoncim është edhe opcioni “përmbajtje politike delikate”, ashtu si përshkruhen zakonisht në Kinë temat e censuruara politike.

Në My2022-App të dhënat private dhe ato mjekësore, sipas studiuesve të Citizen Lab nuk janë të mbrojtura mjaftueshëm.

Asnjë reagim i Komitetit Organizator Kinez ndaj boshllëqeve të sigurisë

Në fillim të dhjetorit 2021 Citizen Lab në mënyrë konfidenciale ia ka komunikuar Komitetit Organizator konstatimet. Citizen Lab – sikurse është e zakonshme në rast të boshllëqeve të sigurisë – i ka kërkuar organizatorëve kinezë të Olimpiadës, që t’i shmangin pikat e dobëta të sistemit përpara se të publikohet raporti. “Deri tani Komiteti Organizativ nuk ka reaguar ndaj zbulimeve”, thotë Jeff Knockel për DW.

Ndonëse ndërkohë janë publikuar disa aktualizime të App-Stores nga Apple dhe Google, verifikimi nga studiuesit e sigurisë të Citizen Lab të ndërmarra më 17 janar 2022 nuk kanë konstatuar ndryshime lidhur me listën e censurës dhe të ashtuquajturat pika të dobëta.

Në playbook për atletët dhe funksionarët, Komiteti Ndërkombëtar Olimpik shkruan se My2022-App është në “përputhje me standardet ndërkombëtare si dhe me legjislacionin kinez”.

Por Citizen Lab bazuar tek zbulimet e veta arrin në konkluzionin, se transmetimi i informacioneve personale “mund të jetë një shkelje direkte e ligjeve kineze për mbrojtjen e të dhënave”. Sepse në Kinë sipas rregullores për mbrojtjen e të dhënave informacionet për gjendjen shëndetësore të një personi duhet të komunikohen dhe regjistrohen në mënyrë të koduar.

Rezultatet e paraqitura në raportin e Citizen Lab venë pikëpyetje edhe ndaj gjigantëve perëndimorë të teknologjisë, që ofrojnë My2022-App: Apple dhe Google.

“Si Apple edhe Google sipas normativave ndalojnë që aplikacioni të transmetojë të dhëna sensible të pakoduara. Të dyja duhet të vendosin tani, nëse problemet e paszgjidhura të sigurisë duhet të kenë si rrjedhojë shuarjen e app stores”, thotë Knockel për DW.

Komiteti Organizator 2022 në Pekin e mbron App duke theksuar, se ai “është verifikuar me sukses” nga sipërmarrjet Google, Apple dhe Samsung. “Ne kemi marrë masat si për transmetimin e koduar të informacioneve personale, për të mbrojtur të dhënat private”, i tha të hënën (17.01) Komiteti agjencisë kineze të lajmeve Xinhua.

DW

blank

Kosovë, Shpejtim Bajoku zgjidhet boksieri më i mirë i vitit 2021

Prishtinë

Federata e Boksit të Kosovës (FBK) ja ka ndarë çmimin e boksierit më të mirë të vitit 2021 boksierit Shpejtim Bajoku nga klubi BoxGollaku, raporton Anadolu Agency (AA).

Në ceremoninë e ndarjes së çmimeve për boksierët më të mirë të vitit 2021 morën pjesë kryetari i Federatës së Boksit të Kosovës (FBK), kryetari i Komitetit Olimpik të Kosovës (KOK), përfaqësues nga Ministria e Kulturës, Rinisë dhe Sportit si dhe boksierë nga gjithë vendi.

Bajoku gjatë vitit 2021 rrëmbeu vendin e parë në disa gara vendore dhe rajonale, si ajo në turneun dyditor “Adem Jashari” në Prishtinë dhe Kampionati Ballkanik për seniorë i cili u mbajt në Zagreb të Kroacisë, ku ai u shpall kampion.

Po kështu, nga të pranishmit u tha se boksieri Bajoku ishte përgatitur mjaft mirë për të fituar edhe në Kampionatin Botëror të Boksit në Beograd, ku ai bashkë me delegacionin e Kosovës nuk u lejuan nga autoritetet serbe që të hynin në Serbi për pjesëmarrje, gjatë muajit tetor.

Tek, kategoria e boksierëve seniore, Donjeta Sadiku, e cila mori pjesë në Lojërat Olimpike “Tokio 2020”, u shpall si boksierja më e mirë për vitin 2021.

Kreu i Federatës së Boksit, Enver Krasniqi tha se edhe pse në kohë pandemie, Federata ka arritur të përmbushë kalendarin e saj të garave ndërkombëtare dhe vendore.

“Arritja më e madhe ishte fitorja e dy medaljeve të arta, (Bashkim Bajoku, Shpëtim Bajoku) dhe dy të bronzta (Patriot Behrami dhe Besart Pireva) në Kampionatin ballkanik në Zagreb”, tha Krasniqi.

Federata e Boksit të Kosovës (FBK) në vitin 2021 ka zhvilluar gjithsej 15 gara ndërkombëtare dhe 13 kombëtare, ka marrë pjesë në tre kampionate evropiane, U22, U18 dhe U14 si dhe në Lojërat Olimpike “Tokio 2020”.

blank

Gjykata miraton dëbimin e Novak Gjokoviçit nga Australia

VOA

Shpresat e tenistit serb Novak Gjokoviç, për të luajtur në turneun Australian Open, u rrënuan të dielën pasi një gjykatë hodhi poshtë ankesën e tij ndaj një urdhri dëbimi.

Tre anëtarë të Gjykatës Federale vendosën të lënë në fuqi një vendim të së premtes të ministrit të Emigracionit, për anulimin e vizës për 34-vjeçarin serb, për shkak të interesit publik.

Vendimi do të thotë se ka të ngjarë që Novak Gjokoviçi, i cili nuk është vaksinuar kundër COVID-19, do të qëndrojë në paraburgim në Melburn derisa të dëbohet.

Zakonisht dëbimi përfshinë edhe ndalimin e hyrjes në Australi për tre vjet me radhë.

Ministri Alex Hawke e anuloi vizën me arsyetimin se prania e Novak Gjokoviçit në Australi mund të jetë një rrezik për shëndetin publik dhe “mund të jetë kundërproduktive ndaj përpjekjeve për vaksinimin” në shkallë të gjerë në Australi.

Viza e Gjokoviçit u anulua fillimisht më 6 janar në aeroportin e Melburnit, disa orë pasi ai mbërriti për të marrë pjesë në turne, ndërsa pohoi se kishte siguruar një dokument që e përjashtonte nga rregulli sipas të cilit vizitorët që futen në Australi, duhet të jenë të vaksinuar kundër COVID-19.

Pas mbërritjes, zyrtarët e Forcave Kufitare vendosën se dokumenti i Novak Gjokoviçit është i pavlefshëm dhe ai u mbajt së bashku me azilkërkuesit e tjerë në një hotel paraburgimi të emigracionit për disa ditë.

blank

Gjokoviq ndalohet sërish në Australi, e deklarojnë kërcënim publik

RFE/RL

Australia e ktheu Novak Gjokoviqin në mbajtje të shtunën (15 janar), duke thënë se kundërshtimi i yllit të tenisit ndaj vaksinimit mund të shkaktojë “trazira civile”.

Pasi një herë nuk arriti të largonte 34-vjeçarin e pavaksinuar nga vendi, qeveria konservatore e Australisë po përpiqet sërish.

Dhe Gjokoviq po lufton për herë të dytë, me një apel të ri gjyqësor të planifikuar për të dielen.

Çështja do të shqyrtohet nga ora 9:30 nga Gjykata Federale me tre gjyqtarë, një format që lë pak hapësirë për të apeluar çdo vendim.

Tani për tani, tenisti serb është rikthyer në një burg famëkeq të imigracionit në Melburn pas disa ditësh lirie pas apelit të tij të parë të suksesshëm gjyqësor.

Një kolonë automjetesh u pa duke lëvizur nga zyrat e avokatëve të tij – ku ai ishte mbajtur nën roje për pjesën më të madhe të së shtunës — në ish- objektin e hotelit Park.

Për miliona anembanë botës, ylli serb njihet më së miri si një kampion i padiskutueshëm i tenisit dhe lidhur me qëndrimin e tij kundër vaksinimit.

Në dosjet gjyqësore, Australia e ka paraqitur atë si një figurë kyqe për kundërshtarët e vaksinimit dhe një katalizator për “trazira civile” të mundshme, që duhet të largohet në interes të publikut.

Prania e Gjokoviqit në Australi “mund të nxisë ndjenjën kundër vaksinimit”, argumentoi ministri i imigracionit, Alex Hawke, duke justifikuar përdorimin e tij të fuqive të gjera ekzekutive për të hequr vizën e tenistit.

Jo vetëm që Gjokoviq mund t’i inkurajojë njerëzit të shkelin rregullat shëndetësore, tha Hawke, por prania e tij mund të çojë në “trazira civile”.

Presidenti serb, Aleksandar Vuçiq akuzoi të premten Australinë për “keqtrajtim” të yllit më të madh të vendit dhe një heroi kombëtar.

“Nëse donit ta ndalonit Novak Gjokoviçin të fitonte trofeun e 10-të në Melburn, pse nuk e kthyet menjëherë, pse nuk i thatë se është e pamundur të marrësh vizë? ka thënë Vuçiq në Instagram.

“Novak, ne jemi pranë teje!”, shtoi ai.

Gjokoviq ka fituar nëntë herë Australian Open dhe shpresonte që ta mbronte titullin javën e ardhshme. Ai shpresonte që ta fitonte këtë garë, me qëllim që të bëhej tenisti më i suksesshëm në histori të këtij sporti me një rekord prej 21 titujsh Grand Slam.

Fillimisht Gjokoviqit i ishte anuluar viza pasi arriti në Melbërn më 6 janar. Autoritetet kufitare gjetën se ai kishte “dështuar që të ofronte të dhëna të duhura” për një përjashtim mjekësor, që i mundësonte t’i shmangej rregullave për koronavirus.

Në Australi ka pasur zemërim të madh të publikut, pasi ky shtet ka pasur disa nga rregullat më strikte kundër pandemisë.

Gjokoviqi ishte ndaluar dhe kishte qëndruar për disa orë në aeroport ku kishte kaluar në kontrollet e migracionit. Më pas ai qëndroi disa ditë në një hotel të shndërruar në qendër për migrantë.

Disa ditë më vonë, një gjykatës hodhi poshtë vendimin e autoriteteve për anulimin e vizës dhe urdhëroi lirimin e tij, duke thënë në vendim se zyrtarët kufitarë kishin injoruar procedurat gjatë arritjes së Gjokoviqit në Australi.

Por, ministri Hawke të premten ia anuloi sërish vizën Gjokoviqit, duke përdorur fuqitë që dalin nga Akti për Migrim i Australisë.

Ky akti lejon dëbimin e kujtdo që ministri e sheh si rrezik potencial “për sigurinë shëndetësore apo rendit të komunitetit australian”, por megjithatë, Gjokoviq mund ta apelojë këtë vendim.

Vendimi për anulimin e vizës vjen pasi Gjokoviqi foli për pretendimet se ai kishte bërë deklarime të rreme në formularin e udhëtimit – ku thuhej se ai nuk kishte udhëtuar në ndonjë shtet tjetër 14 ditë para se të arrinte në Australi. Në fakt, tenisti serb, në atë periudhë kishte udhëtuar për në Spanjë.

Ai tha se ky ishte një gabim i bërë nga agjenti e tij dhe e quajti “gabim njerëzor”, duke shtuar se nuk ishte i qëllimshëm.

Gjokoviq po ashtu e ka pranuar se është takuar me një gazetar dhe ka bërë sesion fotografish pasi kishte dalë pozitiv në COVID-19.

blank

Australia ia anulon sërish vizën Gjokoviqit

RFE/RL

Australia ia ka anuluar vizën tenistit serb, Novak Gjokoviq për të dytën herë me radhë.

Vendimi i ministrit për Emigrim të Australisë, Alex Hawke nënkupton se tani Gjokoviq përballet me dëbim nga shteti.

Megjithatë, tenisti 34-vjeçar ende mund të apelojë vendimin për të qëndruar në Australi.

Tenisti numër një në botë në kategorinë e meshkujve ishte paraparë që të luante në turneun Australian Open, që nis të hënën.

“Sot ushtrova të drejtën time… për të anuluar vizën e Novak Gjokoviqit duke u thirrur në arsye shëndetësore, pasi ishte në interes të publikut që të veproja kështu”, tha ministri përmes një deklarate.

Ky vendim gjithashtu nënkupton se Gjokoviqi mund të përballet me një ndalesë trevjeçare për marrjen e vizës së re australiane, edhe pse një ndalesë e tillë mund të hiqet.

Gjokoviq ka fituar nëntë herë Australian Open dhe shpresonte që ta mbronte titullin javën e ardhshme. Ai shpresonte që ta fitonte këtë garë, me qëllim që të bëhej tenisti më i suksesshëm në histori të këtij sporti me një rekord prej 21 titujsh Grand Slam.

Fillimisht Gjokoviqit i ishte anuluar viza pasi arriti në Melbërn më 6 janar. Autoritetet kufitare gjetën se ai kishte “dështuar që të ofronte të dhëna të duhura” për një përjashtim mjekësor, që i mundësonte t’i shmangej rregullave për koronavirus.

Në Australi ka pasur zemërim të madh të publikut, pasi ky shtet ka pasur disa nga rregullat më strikte kundër pandemisë.

Gjokoviqi ishte ndaluar dhe kishte qëndruar për disa orë në aeroport ku kishte kaluar në kontrollet e migracionit. Më pas ai qëndroi disa ditë në një hotel të shndërruar në qendër për migrantë.

Disa ditë më vonë, një gjykatës hodhi poshtë vendimin e autoriteteve për anulimin e vizës dhe urdhëroi lirimin e tij, duke thënë në vendim se zyrtarët kufitarë kishin injoruar procedurat gjatë arritjes së Gjokoviqit në Australi.

Por, ministri Hawke të premten ia anuloi sërish vizën Gjokoviqit, duke përdorur fuqitë që dalin nga Akti për Migrim i Australisë.

Ky akti lejon dëbimin e kujtdo që ministri e sheh si rrezik potencial “për sigurinë shëndetësore apo rendit të komunitetit australian”, por megjithatë, Gjokoviq mund ta apelojë këtë vendim.

Vendimi për anulimin e vizës vjen pasi Gjokoviqi foli për pretendimet se ai kishte bërë deklarime të rreme në formularin e udhëtimit – ku thuhej se ai nuk kishte udhëtuar në ndonjë shtet tjetër 14 ditë para se të arrinte në Australi. Në fakt, tenisti serb, në atë periudhë kishte udhëtuar për në Spanjë.

Ai tha se ky ishte një gabim i bërë nga agjenti e tij dhe e quajti “gabim njerëzor”, duke shtuar se nuk ishte i qëllimshëm.

Gjikoviq po ashtu e ka pranuar se është takuar me një gazetar dhe ka bërë sesion fotografish pasi kishte dalë pozitiv në COVID-19.

blank

Interi triumfoi ndaj Juventusit, fitoi Super Kupën italiane

Inter Milan fitoi Superkupën e Italisë 2021, mbrëmë, duke mposhtur Juventusin me rezultat 2-1 në stadiumin San Siro të Milanos, transmeton Anadolu Agency (AA).

Juventus realizoi i pari në minutën e 25-të, pasi mesfushori amerikan, Weston McKennie, shënoi me një goditje me kokë brenda zonës. Sulmuesi spanjoll Alvaro Morata krosoi topin nga e majta për ta asistuar McKennie-n.

Interit iu dha një penallti në minutën e 34-të pasi sulmuesi boshnjak Edin Dzeko u faullua në zonë.

Sulmuesi argjentinas Lautaro Martinez mori përsipër penalltinë dhe me një gjuajtje të fortë shënoi nga pika e bardhë, teksa Interi barazoi ndeshjen.

Pjesa e parë u mbyll 1-1.

Asnjëra skuadër nuk shënoi në pjesën e dytë dhe ndeshja shkoi në kohën shtesë.

Kur të gjithë prisnin që fituesi të zgjidhet përmes penalltive, sulmuesi kilian i Interit, Alexis Sanchez, shënoi golin e fitores në minutën e 121-të.

Matteo Darmian i Interit priti një top në kuadratin e Juventusit, duke përfituar nga gabimi i mbrojtjes së Juventusit.

Pastaj Sanchez kontrolloi topin për të shënuar nga afër, ndërsa Interi fitoi Superkupën.

Sanchez u shpall lojtari i ndeshjes pas fishkëllimës së fundit.

Kampioni italian i vitit 2021, Inter, fitoi Superkupën për herë të gjashtë në histori. Herën e fundit, skuadra nga Milano e fitoi këtë titull në vitin 2010.

Ndërkohë, skuadra humbëse, Juventusi, ende mban rekordin e këtij trofeu me nëntë fitore në total.

Juventusi fitoi për herë të fundit Superkupën e Italisë në vitin 2020.

blank

Kosova mposht Turqinë në shtëpi për kualifikime të botërorit në hendboll

Prishtinë

Kombëtarja e Kosovës në Hendboll ka mposhtur atë të Turqisë me rezultat 26 me 24 në kuadër të kualifikimeve evropiane për Kampionatin Botëror të Meshkujve 2023, raporton Anadolu Agency (AA).

Ndeshja, e cila ishte mjaft dinamike, në pjesën më të madhe ka qenë me rezultat të ngushtë të epërsisë prej 1 ose 2 pikësh nga Turqia, e ndjekur nga Kosova.

Pjesa e parë e ndeshjes përfundoi me rezultat të barabartë 13 me 13.

Por përkushtimi më i madh në sulm i vendësve në pjesën e dytë, bëri që ata të barazojnë në fund të pjesës së dytë, për të krijuar më pas në 5 minuta të vazhdimit një epërsi prej 2 pikësh, të cilën arritën ta mbanin deri në fund.

Pas 5 ndeshjeve të luajtura në grupin e fazës së parë kualifikuese drejt Kampionatit Botëror, Kosova ka tani 1 fitore 1 barazim dhe 3 humbje.

Grupit i prin Greqia me 4 fitore, më pas ndodhet Turqia me 2 fitore e 3 humbje, e treta është Belgjika me 1 fitore, 1 barazim e 2 humbje, kurse në fund ndodhet Kosova me bilancin e lartcekur.

Më 15 janar Kosova do të luajë kundër Belgjikës në Prishtinë.

blank

Djokovic mund të përballet me pesë vjet burg nëse zbulohet se ka gënjyer për testin për Covid

Novak Djokovic mund të përballet me pesë vjet burg nëse zbulohet se ka gënjyer për testin e tij pozitiv për Covid në Australi.

Numri një i botës në tenis e pranoi se gënjeu në formularin e deklaratës së tij të hyrjes dhe vetëdije kishte kontakte me persona të tjerë derisa ishte infektuar me Covid.

Ndërsa bota pret vendimin përfundimtar të ministrit, Alex Haëke, në lidhje me vizën e tij, Djokovic po drithërohet pas akuzave për gënjeshtra.

Në një deklaratë të publikuar së fundmi dhënë ai në Gjykatë, 34-vjeçari pranoi se e dinte se ishte pozitiv me Covid më 16 dhjetor.

Djokovic “Më 16 dhjetor 2021, u testova dhe u diagnostikova me SARS-CoV-2 (Covid)”.

Megjithatë, Djokovic më vonë pretendoi në një deklaratë publike se ishte në dijeni më 17 dhjetor.

Dhënia e informacioneve mashtruese në gjykatë është një krim i dënueshëm me pesë vjet burg.

Djokovic haptazi e ka pranuar se theu rregullat për Covid, madje ka dhënë edhe një intervistë për L’Equipe, teksa e dinte se ishte pozitiv. /Gazeta Express/

blank

Australia shtyn vendimin për Novak Djokovic, në hetim për deklaratë të rreme në kufi

Ende nuk ka ardhur një vendim i qeverisë australiane në lidhje me tenistin serb Novak Djokovic, nëse numri 1 në botë do të luajë në Australian Open apo jo. Djokovic fitoi dje betejën në gjykatë, që i dha të drejtë të luajë në grand slam që nis më 17 janar, edhe pse i pavaksinuar.

Tenisti ka nisur menjëherë stërvitjen dhe po përgatitet për Australian Open, ku është kampion në fuqi. Gjithsesi, Ministria e Emigracionit ka apeluar vendimin dhe ka fjalën e fundit, teksa mund të anulojë lejen e qëndrimit dhe të kthejë mbrapsht në vendlindje tenistin.

Vendimi i qeverisë ishte planifikuar për sot, por mësohet se është shtyrë për të mërkurën. Nga ana tjetër, mediat australiane bëjnë me dije se Djokovic po hetohet për deklaratë të rreme. Në aeroport, i pyetur nëse ka lëvizur në vende të tjera teksa ka qenë i infektuar, tenisti ka thënë jo.

Ndërkohë që, pas infektimit më 16 dhjetor, ai ka qenë i pranishëm në disa evente dhe nuk ka kryer karantinën e detyruar. Për pasojë, ai po hetohet për deklaratë të rreme në kufi. Djokovic qëndroi për stërvitje në Spanjë, nga ku u nis më pas për Australi. bw

blank

Muzike dhe pornografi shfaqen befasisht gjatë transmetimit të gjyqit të Djokovicit

Kontradiktave mes drejtësisë dhe autoriteteve australiane iu shtua edhe një incident interesant që ndodhi gjatë seancës gjyqësore që vendoste për çështjen e Novak Djokovicit.

Hakerët hakuan lidhjet e internetit për të transmetuar muzikë me zë të lartë dhe përmbajtje pornografike.

Për shkak të situatës së krijuar nga koronavirusi, seanca që vendoste nëse Djokovicit do t’i lejohej hyrja në Australi u mbajt virtualisht, transmeton Gazeta Express.

Pak minuta para se seanca të fillonte, gazetarët klikuan në një link që kishte skaduar, të ofruar nga gjykata, pa e ditur se ai link ishte ndryshuar.

Në vend se ta shihnin seancën, atyre iu shfaqën imazhe pornografike. /Gazeta Express/

blank

Më 10 janar 1949 lindi boksieri i famshëm George Foreman

VOAL – George Foreman, boksieri i paharrueshëm dhe i paharruar, i cili u bë kampion olimpik në moshën nëntëmbëdhjetë vjeç, lindi më 10 janar 1949 në Marshall, Teksas (SHBA). Një atlet i madh, ai konsiderohet nga shumica e kritikëve të specializuar si boksieri më i mirë i të gjitha kohërave pas të paimitueshëm Cassius Clay.

Si çdo boksier i mirë amerikan që respekton veten, origjina e tij shënohet nga lodhja dhe ashpërsia e lagjeve të varfëra. Fillimet, më shumë se në ring, e shohin atë protagonist në rrugët e kryeqytetit Teksan, Hjuston, ku u zhvilluan ndeshje epike por edhe të çrregullta, të braktisura rrallë nga George i paepur. Siç thonë ata, ai forcon kockat. Dhe çfarë kockash. Vetëm pak vite më vonë, ishte viti 1968, duke mahnitur botën, ai fitoi medaljen e artë në Lojërat Olimpike në Mexico City, falë një përzierjeje shpërthyese të klasit të patejkalueshëm dhe fuqisë së jashtëzakonshme.

Duke folur për këtë fitore, një anekdotë kurioze sheh si protagonist të saj një italian, njëzet e tre vjeçarin Giorgio Bambini, i cili, duke u dashur të takonte Foremanin e nënshtruar në gjysmëfinale, pas një grushti të vetëm u shtri në tapetin e unazës, i shurdhër ndaj të indinjuarve, nxitjet e trajnerëve që i bërtisnin, ngrihuni menjëherë në këmbë. “Isha i çmendur, ai më vret” hyn në histori, i murmuritur nga fëmijët, fjalë për fjalë i tmerruar nga kundërshtari.

Prandaj, nuk duhet shumë për të kuptuar pse George Foreman fitoi shpejt pseudonimin “Vrasësi”, jo aq për ligësinë e tij (që në fakt nuk ekziston fare), por për fuqinë proverbiale dhe vdekjeprurëse të goditjeve të tij, ata e kthyen atë në një makinë unazore të vërtetë. Pas suksesit të jashtëzakonshëm olimpik, në vitin 1969 u bë profesionist.

Katër vjet më vonë ai u bë kampion bote duke zbritur në raundin e dytë Joe Frazier, kampion i Olimpiadës së kaluar, të luajtur në Tokio në 1964.

Por fatkeqësia e Foreman-it (nëse mund ta përkufizojmë kështu) është se ai ishte bashkëkohës i Cassius Clay, i njohur si Muhamed Ali, kampioni i madh përgjegjës për humbjen e parë të gjigantit të butë që u rrit në rrugë.

Ajo shfaqet në vjeshtën e vitit 1974 kur të dy takohen në Kinshasa për një ndeshje historike (kthyer në modë falë filmit dokumentar “When we were kings”, “When we were kings”), një takim që e sheh Foremanin të përjetojë atë që dikush ka përkufizoi “gjestin më të bukur atletik të shekullit”, që është vrasja nga Cassius Clay e legjendës Foreman, i cili do të pësojë një KO dramatike në raundin e tetë.

Paradoksalisht, megjithatë, kjo disfatë e shenjtëroi atë në histori, duke e lidhur pazgjidhshmërisht me jetën e rivalit të tij. Mbështetësit pretendojnë se George Foreman ishte tani në bulevardin e perëndimit të diellit kur u përball me atë ndeshje, duke u deklaruar i sigurt se ai me siguri do ta fitonte atë, vetëm nëse do ta kishte luftuar një ose dy vjet më parë.

Vitin e ardhshëm (1977) Foreman shpalli tërheqjen e tij përfundimtare nga skena konkurruese në botë.

Dhjetë vjet më vonë vjen njoftimi i bujshëm i rikthimit të tij në botën e boksit, tashmë tullac, i yndyrshëm dhe me sa duket shumë i ndryshkur. Tifozët e vjetër, të trembur, shqetësohen për efektet e mundshme jo të shëndetshme të kësaj qiraje, ndërsa kritikuesit flasin për një lëvizje të ngathët reklamuese.

Megjithatë, pas disa takimeve paraprake, Foreman dëshmon se nuk bën aspak shaka dhe në të vërtetë është i vendosur që të shpenzojë në maksimum mundësitë e fundit sportive. Kundërshtarët e tij, Dwight Muhammad, Qawi Like, Bert Fabbrica, Gerry Cooney dhe Adilson Rodrigues dinë diçka për të, aq sa kundër parashikimeve të të gjithëve më 5 nëntor 1994 në Las Vegas ai arrin të rikuperojë titullin e botës në peshën e rëndë kundër Michael Moorer për WBO.

Në moshën 45 vjeç e 9 muaj, George Foreman bëhet kështu kampioni më i vjetër i botës në historinë e boksit: kjo arritje në fakt duhet të konsiderohet e barabartë me atë të Muhamed Aliut kur ai e mposhti atë në ndeshjen legjendare.

Sot Foreman, i cili është bërë një figurë e njohur në vendin e tij, është rrethuar me një familje të bukur, është bërë një predikues ungjillor dhe boton libra recetash në të cilat jep këshilla për gatimin dhe për përgatitjen e hamburgerëve të paimitueshëm./Elida Buçpapaj

blank

Raportohet se Djokovic është arrestuar në Australi, pasi fitoi apelin

Novak Djokovic pak orë më parë e fitoi apelin në gjykatën australiane dhe iu lejua hyrja në Australi dhe pjesëmarrja në Australian Open.

Megjithatë, raportet nga Australia jo shumë kohë pasi ai u lirua nga vendi ku po qëndronte raportojnë se tenisti serb është arrestuar.

blank

Avokati që vepron në emër të qeverisë, Christopher Tran, i tha gjykatës se Ministri i Emigracionit, Alex Hawke tani mund të shqyrtojë nëse do të ushtrojë ndërhyrje ministrore dhe të ri-anulojë vizën.

Gjykatësi Kelly tha se nëse 34-vjeçarit serb i anulohet viza sipas diskrecionit të ministrit, ai nuk do të mund të hyjë në Australi për tre vjet. /Gazeta Express/


blank
blank
Send this to a friend