Po i përgjigjem sulmeve denigratore në adresën e Voal.ch dhe dhe botuesve të saj nga z.Bardhyl Meta në rrjetin social dhe gjithë sulmeve politike që po na vinë  nga militantë të LDK-së, lidërshpin e së cilës e kritikojmë bazuar në faktet, pasi kështu kryejmë misionin tone si gazetarë e përcjellës të fjalës së lirë. Gazetaria profesioniste dhe gazetarët profesionistë po dalin të tepërt. Gazetaria profesioniste po zëvendësohet nga rrogëtarë çinovnikë partiakë që ua paguajnë rrogat partitë, të cilët, përmes manipulimeve dhe thirrjeve populiste, po e rrezikojnë shtetin e Kosovës. Sot është koha për të thërritur SOS. O sot o kurrë! Shqiptarë, kudo që jetoni, pavarësisht bindjeve politike apo fetare, mbështesni lirinë e fjalës e shtypin e lirë, pa të cilën nuk funksionon sistemi dhe juve do t’ju cënohen të parëve liritë elementare qytetare e të njeriut.

Ju lutem të shihni  në fund të replikës sime se si më drejtohet mua z.Bardhyl Meta, pasi unë mbajta qendrim ndaj Isa Mustafës, ish kryetari i LDK-së, i cili i hidhte benzinë zjarrit pas manipulimit të autorësisë të një studimi të Dimal Bashës, duke bërë thirrje jo vetëm për rrëzimin e Kryetarit të sapozgjedhur pas 6 muaj krize të Kuvendit të Kosovës, por edhe të atyre deputetëve që e propozuan dhe që e votuan me 73 vota, duke kërkuar kësisoj rrëzimin e parlamentit dhe rendit kushtetues.

—–

Turpin mbaje për vete e haje me bukë Bardhyl Meta!

Çfarë vjellje, çfarë degjenerimi!

Me këtë fletë-rrufenë që shkruani tregoni përfundimisht fundosjen morale pa kthim të LDK-së në vend të një reflektimi dhe katharsisi!

Po tregon ti injorancë Bardhyl Meta, kur thua se kush jemi ne!

Nuk jemi oligarkë!

Jemi njerëz të lirë pa skeletë në sirtarë që, mbi tre dekada e gjysmë, jemi në shërbim të çështjes kombētare dhe kulturës kombëtare.

CV dhe kariera jonë është e shkëlqyer dhe dy figurat tona, me integritet të pastër të pacënuar, janë model në dallim nga llumi i politikës në emër të së cilës flet ti.

Jam autore e dhjetë librave, 8 librave poetikë dhe dy me publicistikë.

Redaktor i njërit prej tyre është Akademik Mark Krasniqi.

Parathëniet e librave të mi me publicistikë janë shkruar nga emblemat e gazetarisë shqiptare Frank Shkreli, Jusuf Buxhovi dhe Prof. Perparim Kabo.

Jam autore e monografisë ´Hiperbola dhe paralelizmi figurativ në Ciklin e Kreshnikëve’, botuar në Revistën e Akademisë së Shkencave të Shqipërisë Kultura Popullore në dy numra.

Jam skenariste e dy dokumentarëve televizivë të RTSH, njëri kushtuar studjuesit të shquar, Akademikut Qemal Haxhihasani dhe tjetri kushtuar tim eti, poetit Vehbi Skënderi.

E kam filluar aktivitetin e gazetares  pas rrëzimit të diktaturës, sepse, si bija e poetit Vehbi Skënderi, i dënuar edhe si nacionalist nga diktatura enveriste, nuk gëzoja të drejtën e fjalës.

Kam bashkëpunuar menjëherë me shtypin pluralist si gazetën Rilindja Demokratike, Tribuna Demokratike, Kosova, Atdheu.

Karrierën si gazetare e kam nisur si reportere e Zërit të Amerikës dhe nuk jam ndalur.

Kam kontribuar si freelancer tek Gazeta Republika, ku kolumna ime botohej në faqen e pare të gazetës.

Kam kontribuar si redaktore tek Zëri i Rinisë me kryeredaktor Ilir Yzeiri dhe kolegë Mark Markun, Agron Tufën e të tjerë.

Tek Gazeta Shqipëria RTSH, bashkë me kryeredaktorin shkrimtarin Fatos Kongolin, ku kontribuoja si redaktore, kemi botuar këtë revistë të RTSH.

Tek BotaSot, kam kontribuar një dekadë të gjatë (1988- 2008) si redaktore kolumniste, ku kryeredaktor ishte Skënder Bucpapaj.

Kam përkthyer dhe vazhdoj majat e poezisë botërore dhe po ashtu kam me qindra e qindra shkrime autoriale të botuara prej 1991.

Prej 2008 jemi pronarë dhe botues të portalit të mirënjohur Voal.ch, duke përçuar kulturë dhe mbështetje proceseve demokratike në trojet shqiptare me një lexueshmëri qindramijë lexues.

E kam intervistuar Ibrahim Rugovën tri herë në Tiranë, prej kur filloi ta vizitonte Shqipërinë pas rrëzimit të diktaturës prej 1992-1995.

Dëshmitarët janë të gjallë.

Pra e njoh politikën e Kosovës prej vitit 1991-1992 dhe e njoh historinë e Kosovës.

I kam njohur personalisht shumë prej aktorëve të saj kryesorë.

Ibrahim Rugova thosh se “çdokush e tregon veten me veprimet e tij”.

Sikur je duke e treguar edhe ti.

Me ty njihemi prej 1992 kur LDK Dega në Zvicër ftoi delegacionin e RTSH me në krye  drejtorin e saj të Përgjithshëm Skënder Buçpapaj, emër i ndritur i kulturës shqiptare. Ti na ke shoqëruar. Njeri i kultivuar. Kemi patur respekt për ty. Përse përzihesh atje ku nuk të takon. Ke parë ti që ne të të jemi adresuar ty apo të kemi bërë ty përgjegjës për kataklizmën në LDK? Përgjegjës eshte kryetari dhe enturazhi.

Ne jemi gazetarë profesionistë prej gjithë jetës.

Në Zvicër, sot Atdheu ynë i dytë, kemi mbërritur me 15 mars 1996, fillimisht diplomatë, pastaj azilantë politikë për shkak të profesionit e tashmë të natyralizuar.

Në Zvicër si profesionistë jemi të regjistruar në regjistrin e gazetarëve,

Jemi anëtarë aktivë të disa organizmave zvicerane dhe ndërkombëtare të gazetarëve.

Jemi anëtarë aktivë të Mediengewerkschaft SSM – Le SSM, le syndicat suisse des medias – me qendër në Zürich;

Jemi anëtarë aktivë prej 1992 të IFJ – International Federation of Journalists – me qendër në Bruksel,

Jemi prej mbi dy dekadash anëtarë aktive të APES – The Foreign Press Association in Switzerland and Liechtenstein, – me qendër në Gjenevë

Kemi themeluar edhe Unionin e Gazetarëve Shqiptarë Profesionistë të Diasporës me qendër në Zvicër.

Aktiviteti ynë si gazetarë dhe si botues është i pavarur dhe jo partiak, nuk kemi pranuar kurrë projekte partish, as sponsorizime, as reklamë. Nuk i kemi kërkuar askujt pare! Kemi jetuar me djersën e ndershme të ballit dhe talentin tonë. Deri tani shtypi sponsorizohet nga oligarkë ose partiakë, por jo nga mecenatë që t’i kushtohen interesit kombëtar. Mediat po mbahen nga financime të dyshimta dhe korruptive!

Ne krenohemi me CV e biografinë tonë! Janë dekada kontributi, i pandalur, kemi rrëzuar tabu dhe Zoti deshi që të realizohej kjo ëndërr.

Por pa demokracinë kjo ëndërr venitet!

Prandaj nuk ndalemi në përmbushjen e detyrës që ka shtypi i lirë. Të shqiptojë të vërtetën.

Në krahë kemi Sovranin që me votën e tij nxjerr nga skena politike ata që nuk e meritojnë.

Ti je i verbër apo dallkauk që na mohon kontributin tonë të vyer në shërbim të kombit dhe kulturës!

Ty të ka zënë amnezia, që harron kontributin tonë në mbështetje të Ibrahim Rugovës, LDK dhe personaliteteve të saj.

Të gjitha ato që them e shkruaj mbështeten në fakte.

Faktin e kam far, më udhëheq, nuk më lë të gaboj.

A doli LDK në zgjedhjet e 2021 me 12%?

A u votua vetëm nga 110 mije votues në zgjedhjet e 2021 aq sa është votuar Donika Gërvalla në zgjedhjet e 2025?

A ishte Isa Mustafa kryetar i LDK-së më 2021?

A premtonte Isa Mustafa perpara zgjedhjeve se do ta nxirrte ne opozitë Hashimin?

A bënte pastaj aleance qeverisëse me PDK-në?

A e zgjodhët President Hashim Thaçin me votat e LDK-së dhe me urdhër të Isa Mustafës?

Dmth a e gënjente, mashtronte dhe manipulonte Isa Mustafa, elektoratin?

Të gjitha këto të vjellat që ke shkruar për Voal.ch dhe botuesit e saj ktheji mbrapsht, sepse je duke sulmuar brutalisht dhe në mënyrë agresive një medium në shërbim të fjalës së lirë dhe dy personalitete të publicistikës e gazetarisë shqiptare, që i kanë kushtuar jetën këtij misioni të shenjtë të mirëinformojnë opinionin shqiptar.

Ne jemi pronarë dhe botues të Voal.ch që ka një publik disa qindra mijë lexues.

Juve prandaj po ju përcëllon fort dhe u përcëllofshi në kazanin e rrenave tuaja.

Ne përçojmë të vërtetën që ju e manipuloni, por që përgjigjen ua jep flakë për flakë elektorati i Kosovës.

Turp t’ju vijë ju që nuk e votuat Donika Gërvallën!

Turp t’ju vijë ju që e mbajtët 6 muaj ngërçin institucional!

Turp t’ju vijë ju që, me Isa Mustafën në krye, i jeni sulur si bisha tani Dimal Bashës për diçka që nuk e ka bërë!

Turp t’ju vijë që më sulmoni mua, një gazetare femër, dhe botuesit e Voal.ch, që nuk kanë asnjë lidhje financiare apo interesash me asnjë parti politike.

Diçka që e keni zanat, se kështu keni sulmuar edhe Vjosën, edhe Donikën, ndersa elektorati i Kosovës ju ka dhënë atë që meritoni!

E përsëris: Voal.ch nuk e mbajnë financiarisht as partitë, as oligarkët.

E mbajmë ne, pronarët dhe botuesit e saj si shërbim i pastër opinionit publik sipas  thënies së njohur të John F Kennedy: Mos pyet se çfarë bëri Atdheu për ty, po çfarë bëre ti për Atdheun!

PS: Përgjigjen që ta dhashë, do ta bëj publike bashkë me këtë vjelljen që ke shkruar.

—————————————

Bardhyl Meta

Po Ju, kush ishit e jeni…!?

– Sa here që mbahen zgjedhje ne Kosovë – përmes Por(dh)talit tuaj (ku jeni e vetmja e „punësuar) – tentoni t’denigroni LDK e udheheqjet e saj…, nderkohe qe ne te vertete, kerkoni t‘gjeni sponsore – per dy tre parfyme e ndonje qera banesa – permes shkrimeve nga zurichu…

Asnje lidhje, por vertet asnje lidhje as informate burimore per dhe me realitetin kosovar se keni!?

Asnje!?

Aq me pak, realitenit partiak apo brenda partiak n’LDK se keni!?

Çfare hipokrizie e çfarë pakulture dhe injorance e pashembullt!

Aq budallenje i konsideroni kosovaret!?

Turp!?

————————————-