Numri i të vdekurve është rritur në të paktën katër persona dhe nëntë të tjerë janë plagosur pas një sulmi me raketa ruse në qytetin perëndimor të Lviv të enjten, thanë zyrtarët ukrainas.

Raketa goditi drejtpërdrejt një ndërtesë apartamentesh, duke shkatërruar katin e tretë dhe të katërt, tha në Telegram Ministri i Punëve të Brendshme të Ukrainës, Ihor Klymenko.

Njerëzit janë ende të bllokuar nën rrënoja dhe përpjekjet e shpëtimit janë duke vazhduar, tha ai. Deri më tani, shtatë persona janë shpëtuar dhe 64 janë evakuuar, shtoi ai.

Presidenti Volodymyr Zelensky ofroi ngushëllimet e tij për familjet e viktimave dhe u zotua se do t’i përgjigjet sulmit.

“Do të ketë patjetër një përgjigje ndaj armikut. Një e prekshme, “tha Zelensky në një postim në Telegram.