VOAL

VOAL

1027 qytete dhe qyteza janë liruar në Ukrainë që nga nisja e pushtimit, 2620 të tjerë nën pushtim

July 3, 2022
blank

Komentet

blank

Ukraina rifillon sulmet në urën e kontrolluar nga forcat ruse

Forcat ushtarake ukrainase duke përdorur sistemet amerikane në luftimet kundër Rusisë.
RFE/RL

Forcat e armatosura ukrainase kanë sulmuar prapë një urë strategjike që kalon lumin Dniepër në territorin e kontrolluar nga Rusia, në rajonin juglindor Herson të Ukrainës, e cila u dëmtua nga raketat HIMARS të lëshuara në fund të korrikut.

Kirill Stremousov, nënkryetari i administratës ushtarako-civile të rajonit Herson, i emëruar nga Moska, u tha gazetarëve më 8 gusht se raketat ukrainase dëmtuan përsëri urën Antonivskiy gjatë natës, duke shkatërruar pajisjet që përdoreshin për riparimin e urës.

Ai tha se rihapja e urës do të shtyhet për një periudhë të pacaktuar.

Ura ka qenë e mbyllur që nga 26-27 korriku.

Ajo u shënjestrua për herë të parë nga forcat ukrainase më 19-20 korrik me raketat HIMARS, që Shtetet e Bashkuara të Amerikës i kanë dhuruar Ukrainës.

Ura Antonivskiy është ura e vetme në Herson që lidh brigjet e lumit Dniepër. Rreth 1.5 kilometra e gjatë dhe 25 metra e gjerë, ura është e vetmja rrugë për të furnizuar forcat pushtuese ruse në Herson.

blank

Denoncimi i deputeti ukrainas, Oleksiy Goncharenko – Serbët më kërcënuan… Paraqiti rezolutën për njohjen e Kosovës,

Deputeti ukrainas, Oleksiy Goncharenko thotë se serbët e kanë kërcënuar në rrjetet sociale, pasi dorëzoi rezulotën në Parlamentin e Ukrainës, ku kërkohet që vendi të njohë pavarësinë e Kosovës.

Në një intervistë për “Euronews Albania”, Goncharenko u shpreh se ka marrë mbështetje nga shumë njerëz në Kosovë.

“Nga Kosova njoh shumë njerëz që më mbështesin dhe më shkruajnë, pjesa më e madhe nga rrjetet sociale. Ka edhe nga Serbia të cilët kanë reaguar, pjesa më e madhe e tyre kanë nisur kërcënime, por mua kjo nuk më intereson”, theksoi ai.

Goncharenko deklaroi se në lidhje me rezolutën, ka pasur reagime edhe në Ukrainë, teksa shtoi se një pjesë e deputetëve e kanë mbështetur.

“Ka disa reagime brenda shtetit, pjesa më e madhe janë mbështetëse ndaj kësaj rezolute, edhe në media është mbuluar. Sa i përket kolegëve të mi, një pjesë e tyre më kanë kontaktuar për të thënë se më mbështesin. Asnjë deri në këtë moment nuk më ka thënë se nuk e mbështet këtë rezolutë”, nënvizoi deputeti.

blank

 

blank

Papa Françesku: Jam shumë afër Ukrainës dhe dua ta shpreh këtë me një vizitë atje

VOAL- “Unë jam shumë afër Ukrainës dhe dua ta shpreh këtë afërsi me vizitën time në Ukrainë”. Këto janë “fjalët e rëndësishme” të Papa Françeskut të cituara në një postim në Twitter nga ambasadori ukrainas në Selinë e Shenjtë, Andrii Yurash, pas takimit të mëngjesit të sotëm me Papën në Vatikan. “Ukraina e ka pritur Papën për shumë vite dhe veçanërisht që nga lufta dhe do të jetë e lumtur ta përshëndes para udhëtimit të tij në Kazakistan”, garanton Yurash.

Takimi mes Papës dhe Yurashit ishte caktuar për të rënë dakord për mundësinë dhe modalitetet e udhëtimit që Papa synon të bëjë në Kiev, sekretari i Vatikanit për marrëdhëniet me shtetet, mgr. Paul Richard Gallagher. rsi-eb

blank

Iniciativa për njohjen e Kosovës: “Në Ukrainë tash e dinë kush janë miqtë e tyre”

Deputeti i Parlamentit të Ukrainës, Oleksiy Goncharenko, ka dorëzuar dje një draft-rezolutë në organin ligjvënës ku bëhet thirrje që Ukraina ta njohë pavarësinë e Kosovës. Deputeti Goncharenko ka bërë publike iniciativën e tij në rrjetin social Twitter, duke shkruar se shpreson që Ukraina ta njohë pavarësinë e Kosovës sa më parë të jetë e mundur.

Për këtë ka shkruar ish-kryediplomati i Kosovës, Petrit Selimi, i cii tha se pas pushtimit të Ukrainës nga Rusia, tashmë populli ukrainas i njeh cilët janë miqtë e vërtetë meqë deri tash kanë ruajtur lidhjet miqësore me serbët.

“Iniciativë e rëndësishme nga deputetët ukrainas, duke bërë thirrje për njohjen e Kosovës. Prej vitesh, Ukraina ka refuzuar të njohë Kosovën, duke ruajtur lidhje miqësore me Serbinë. Pas pushtimit gjenocidal rus, Ukraina e di se cilët janë miqtë e vërtetë. Sigurisht që jo apologjetët e Putinit”, ka shkruar Selimi.

Deputeti Goncharenko po ashtu ka bërë një postim tjetër në Facebook në lidhje me draft-rezolutën e propozuar, duke thënë se shpallja e pavarësisë së Kosovës s’e ka shkelur të drejtën ndërkombëtare dhe shteti njihet nga 22 vende të BE-së si dhe nga ShBA, Britania e Madhe e Kanada.

Ai ka thënë tutje se një hap konsistent para i Ukrainës do të ishte njohja e pavarësisë së Kosovës. Express

blank

Komunikatë për shtyp e NATO-s: Kfor-i është përgatitur të reagojë nëse cënohet stabiliteti në Veri të Kosovës

Komunikatë për shtyp nga NATO: Kfor-i është përgatitur të reagojë nëse cënohet stabiliteti në Veri të Kosovës.

Forcat e udhëhequra nga NATO janë të përgatitura të ndërhyjnë në veri të Kosovës nëse rrezikohet stabiliteti në rajon.

NATO tha në një deklaratë të dielën se tensionet janë në rritje në komunat veriore të Kosovës dhe se KFOR-i i Kosovëspo monitoron nga afër situatën.

 

blank

blank

Banesa u godit nga raketat ruse, vritet bashkë me gruan manjati ukrainas i drithërave

Një nga biznesmenët më të pasur të Ukrainës është vrarë me gruan e tij në granatimet “masive” ruse të qytetit jugor të Mykolaiv.

Oleksiy Vadatursky, 74 vjeç dhe gruaja e tij Raisa vdiqën kur një raketë goditi shtëpinë e tyre gjatë natës, thanë mediat ukrainase.

Z. Vadatursky zotëronte Nibulon, një grup i përfshirë në eksportet e grurit. Ai kishte marrë edhe çmimin “Hero i Ukrainës”.

Kryetari i bashkisë së Mykolaiv, Oleksandr Senkevych tha se ishte ndoshta bombardimi më i rëndë rus i qytetit deri më tani.

Dëme ka pasur një hotel, një kompleks sportiv, dy shkolla dhe një servis, si dhe banesa.

Mykolaiv është në rrugën kryesore për në Odesa, porti kryesor i Ukrainës, dhe është goditur vazhdimisht.

Udhëheqësi i rajonit Vitaliy Kim tha se Vadatursky “bëri shumë për rajonin e Mykolaiv, shumë për Ukrainën”.

“Kontributi i tij në zhvillimin e industrisë bujqësore dhe të ndërtimit të anijeve, zhvillimin e rajonit është i paçmuar”, tha ai në Telegram.

Nibulon ka ndërtuar shumë objekte magazinimi dhe infrastrukturë tjetër për eksportimin e grurit.

Ukraina dhe Rusia janë eksportuesit kryesorë të grurit dhe drithërave të tjera, dhe ndërprerja e eksporteve të shkaktuara nga lufta ka bërë që çmimet e ushqimeve të rriten në mbarë botën.

Të dy vendet nënshkruan një marrëveshje të ndërmjetësuar nga OKB në Turqi javën e kaluar, që synon lehtësimin e krizës ushqimore.

Rifillimi i eksporteve ukrainase është vonuar nga kontrollet e sigurisë. Por të dielën Turqia tha se anija e parë që transportonte grurë pritej të largohej nga Odesa të hënën në mëngjes.

Ukraina akuzon forcat ruse për vjedhjen e grurit nga fermat në tokat e pushtuara dhe eksportimin e tyre nëpërmjet Krimesë. Rusia i mohon këto pretendime.

Ndërkohë në veri, qyteti i dytë i Ukrainës, Kharkiv, u godit përsëri nga raketat ruse, tha kryebashkiaku Igor Terekhov në Telegram. Tre raketa ruse S-300 goditën një shkollë atje, duke shkatërruar ndërtesën kryesore, tha ai.

BBC nuk ishte në gjendje të verifikonte në mënyrë të pavarur raportet e fundit.bw

blank

Ukraina sulmon flotën ruse në Detin e Zi

VOA

Ukraina goditi të dielën selinë e flotës ruse në portin e Sevastolit në Detit të Zi, me një dron ku kishte të montuar sasi eksplozivi. Autoritetet ukrainase bënë të ditur se si pasojë e sulmit në qytetin e kontrolluar nga Rusia, të paktën pesë persona u plagosën. Sevastopoli është qyteti më i madh në Krime dhe një port i madh në Detin e Zi.

Sulmi vjen ndërsa Rusia shënoi sot ditën e Marinës. Presidenti Vladimir Putin mori pjesë në paradën vjetore që u mbajt me këtë rast në Shën Petersburg dhe njoftoi se forcat detare ruse do të pajisen në muajt e ardhshëm me ato që ai i quajti “armë të fuqishme”, duke iu referuar raketa hipersonike me vetëdrejtim “Zircon”.

Armët hipersonike fluturojnë me shpejtësi të paktën 5 herë me shumë sesa shpejtësia e zërit (Mak 5) dhe janë shumë të manovrueshme e në gjendje të ndryshojnë kursin gjatë fluturimit.

Ato janë të ndryshme nga raketat balistike, të cilat gjithashtu mund të fluturojnë me shpejtësi hipersonike prej të paktën 5 Makësh, por kanë trajektore të përcaktuar dhe manovrim të kufizuar.

Aftësia për të lëshuar armë shumë të manovrueshme dhe me shpejtësi hipersonike, i jep një vendi një avantazh të konsiderueshëm, pasi armë të tilla mund të shmangin pothuajse çdo sistem të mbrojtjes nga raketat që është aktualisht në përdorim.

Nuk ka rëndësi se cili është kërcënimi. Nëse nuk mund ta shihni, nuk mund të mbroheni prej tij“, tha gjenerali John Hyten, ish-zëvendës shefi i shtabit të SHBA-ve, gjatë një fjalimi në Uashington, në janar të vitit 2020.

blank

Zelensky urdhëron evakuimin e banorëve nga Donjecku

RFE/RL

Presidenti i Ukrainës, Volodymyr Zelensky, ka njoftuar se Qeveria ka vendosur që të urdhërojë evakuim të detyrueshëm të banorëve nga rajoni i Donjeckut, që është skenë e luftimeve intensive me forcat pushtuese ruse.

Gjatë një adresimi në orët e vona të 30 korrikut, Zelensky tha se qindra-mijëra njerëz ende janë në zonat e luftës në rajonin e Donbasit dhe se ata duhet të largohet.

“Sa më shumë njerëz që të largohen tani nga Donjecku, aq më pak njerëz do të ketë kohë ushtria ruse që të vrasë”, tha ai, duke shtuar se banorët që do të evakuohen do të kompensohen.

Zëvendëskryeministrja Iryna Vereshchuk citohet të ketë thënë se evakuimi duhet të ndodhë para se të nisë stina e dimrit, pasi që furnizimet me gaz natyror në këtë rajon janë shkatërruar.

Zelensky tha se qindra-mijëra persona vazhdojnë të jetojnë në zona të Donbasit ku po zhvillohen luftime të ashpra.

“Shumica po refuzojnë të largohen, por kjo gjë duhet të ndodhë”, tha ai.

Rusia nisi pushimin e paprovokuar të Ukrainës më 24 shkurt. Pas dështoi që ta marrë kontrollin e Kievit, Moska përqendroi ofensivën e saj në rajonin e Donbasit, që përbëhet nga Donjecku dhe Luhansku. Përveç në këtë rajon, luftime të ashpra po zhvillohen edhe në jug të Ukrainës, përkatësisht në rajonin e Hersonit.

blank

OKB: Gati të hetojmë ngjarjen mbi vrasjen e të burgosurve ukrainas të luftës

VOA

Kievi ka kërkuar që Moska të mbahet përgjegjëse për një sulm me raketa ndaj një burgu të mbikëqyrur nga Rusia në Ukrainën lindore, sulm gjatë të cilit u vranë disa dhjetëra të burgosur lufte, shtetas ukrainas.

Të shtunën qeveria ukrainase u bëri thirrje Kombeve të Bashkuara dhe Kryqit të Kuq Ndërkombëtar që të hetojnë menjëherë rreth sulmit të së premtes.

Me rritjen e zemërimit ndërkombëtar mbi ngjarjen, Kombet e Bashkuara premtuan mbështetje për të ndihmuar me hetimet.

Lidhur me tragjedinë në burgun në Olenivka, jemi gati të dërgojmë një grup ekspertësh të aftë për të kryer një hetim, me pëlqimin e palëve“, tha Farhan Haq, zëvendës zëdhënës i Sekretarit të Përgjithshëm të OKB-së nëpërmjet një deklarate të lëshuar të shtunën.

Ndërkohë Moska dhe Kievi vazhdojnë të akuzojnë njëra-tjetrën lidhur me sulmit me raketa. Deri tani pretendimet e palëve nuk kanë arritur të verifikohen në mënyrë të pavarur.

Ministria ruse e mbrojtjes njoftoi për 40 të vrarë dhe 75 të plagosur, të cilën mbaheshin në një burg në Olenivka, pjesë e provincës Donetsk që kontrollohet nga separatistët rusë. Një zëdhënës i separatistëve tha se numri i të vdekurve ishte 53 dhe akuzoi Kievin se e kishte qëlluar godinën me raketa HIMARS të prodhuara nga SHBA-të.

Forcat e armatosura të Ukrainës e hodhën poshtë këtë pretendim, duke akuzuar Moskën për goditje me artileri të burgut, me synimin për të fshehur keqtrajtimin e të burgosurve. Në fjalimin e tij të përditshëm drejtuar kombit Presidenti ukrainas Volodymyr Zelenskyy e cilësoi sulmin një krim lufte të qëllimshëm nga ana e Rusisë. Ai tha se ishin vrarë më shumë se 50 të burgosur lufte.

Zoti Zelenskyy bëri thirrje për shpallje të Rusinë si një vend që financon terrorizmin. Të premten në mbrëmje sekretari amerikan i Shtetit Antony J. Blinken zhvilloi një bisedë telefonike me ministrin e Jashtëm ukrainas Dmytro Kuleba ku i shprehu ngushëllimet e tij mbi vdekjen e mbi 50 të burgosurve ukrainas.

Sekretari Blinken ripohoi angazhimin e SHBA-ve për ta mbajtur Rusinë përgjegjëse për mizoritë e kryera kundër popullit të Ukrainës. Blinken-Kuleba përsëritën gjithashtu nevojën për zbatimin e shpejtë të marrëveshjes së ndërmjetësuar nga OKB-ja për eksportin e drithit ukrainas.

blank

Rrjeti i agjentëve rusë në Ukrainë

VOA/Marrë nga Reuters

Kur automjetet e para të blinduara të ushtrisë pushtuese ruse arritën në zemër të centralit bërthamor të Çernobilit pasditen e 24 shkurtit, ata u ndeshën me një njësi ukrainase të ngarkuar me mbrojtjen e objektit.

Në më pak se dy orë dhe pa shkëmbime zjarri, 169 anëtarët e Gardës Kombëtare të Ukrainës dorëzuan armët. Rusia mori në dorë Çernobilin, një depo me disa tonelata material bërthamor dhe pikë kyçe në korridorin drejt Kievit.

Rënia e Çernobilit, dallohet si një anomali në luftën pesë mujore, si një operacion i suksesshëm në një kohë kur Moska është përballuar me një rezistencë të fortë ukrainase gjatë operacioneve të saj brutale në rajone të ndryshme të këtij vendi.

Tani një hetim nga agjencia e lajmeve Reuters ka zbuluar se suksesi i Rusisë në Çernobil nuk ishte i rastësishëm, por pjesë e një operacioni të gjatë të Kremlinit për të infiltruar agjentë sekretë në shtetin ukrainas.

Pesë individë me njohuri mbi përgatitjet e Kremlinit thanë se planifikuesit e luftës në rrethin e ngushtë të Presidentit Vladimir Putin besonin se, të ndihmuar nga këta agjentë, Rusisë do t’i duhej vetëm një forcë e vogël ushtarake dhe disa ditë për ta detyruar administratën e presidentit ukrainas Volodymyr Zelenskyy të largohej, të arratisej ose të kapitullonte.

Përmes intervistimit të dhjetëra zyrtarëve në Rusi dhe Ukrainë dhe një rishikimi të dokumenteve të gjykatës ukrainase dhe deklaratave për hetuesit, lidhur me një hetim mbi sjelljen e atyre që punonin në Çernobil, agjencia e lajmeve Reuters ka vërtetuar se ky infiltrim ka depërtuar shumë më thellë nga sa është pranuar publikisht.

Ndër zyrtarët e intervistuar përfshihen edhe njerëz brenda Rusisë të cilët u informuan mbi planet e Moskës si dhe hetues ukrainas të ngarkuar me gjurmimin e spiunëve.

“Përveç armikut të jashtëm, ne për fat të keq kemi një armik të brendshëm dhe ky armik nuk është më pak i rrezikshëm”, tha në një intervistë sekretari i Këshillit të Sigurisë Kombëtare dhe Mbrojtjes së Ukrainës, Oleksiy Danilov.

Në kohën e pushtimit, tha zoti Danilov, Rusia kishte agjentë në sektorët e mbrojtjes, sigurisë dhe zbatimit të ligjit në Ukrainë. Ai nuk pranoi të jepte emra, por tha se tradhtarë të tillë duhet të “neutralizohen” me çdo kusht.

Byroja Shtetërore e Hetimeve të Ukrainës po heton nëse Garda Kombëtare ka vepruar në mënyrë të paligjshme duke i dorëzuar armët e saj armikut, tha një zyrtar lokal për agjencinë e lajmeve Reuters. Byroja Shtetërore e Hetimeve nuk ka komentuar ndërsa Garda Kombëtare mbrojti veprimet e njësisë së saj në central, duke vënë theksin mbi rreziqet e konfliktit në një objekt bërthamor.

blank

Kastroi ushtarin e kapur rob, ky është krimineli i luftës më i kërkuar

Gazeta britanike, Daily Mail, publikoi disa foto të ushtarit rus, që akuzohet se kastroi një të burgosur lufte ukrainas. Ky ishte një nga krimet më të rënda të luftës që prej 24 shkurtit.

DM shkruan se besohet se ushtari rus është një 39-vjeçar, që lufton në rajonin e Luhanskut me njësinë e njohur me emrin Bryanka-SSSR. Grupi i tij është i njohur për dhunën dhe brutalitetin. Ata janë filmuar disa herë duke bërë përshëndetje naziste.

Burimet ukrainase thonë se ushtari rus është nga rajoni Kalmykia, pranë Detit Kaspikl. Ai punonte si riparues në kryeqytetin e këtij rajoni dhe kishte rekorde kriminale për shkak të kredive të papaguara.

Pamjet e denoncuara nga një deputete ukrainase janë shumë të rënda dhe redaksia ka zgjedhur të mos i publikuar.

Ushtari rus luftonte në krah të trupave çeçene. Në pamje shihet se si ata vënë poshtë një të burgosur lufte ukrainas dhe përdorin një thikë për t’i prerë organin gjenital para kamerave. Ushtarët e tjerë ruse tallen dhe njëri madje duket sikur po bën një telefonatë me të shoqen.

Pak më vonë u publikua një video ku shihet se si ushtarin e qëllojnë në kokë, përpara se trupin e tij ta tërheqin me litar në rrugë.

Pamjet e publikuara në median sociale janë konfirmuara si të vërteta nga ekspertët.

syri.net

blank

Ukraina njofton se ka vrarë mbi 100 ushtarë rusë në Herson

RFE/RL

Ushtria ukrainase tha më 30 korrik se ka vrarë mbi 100 ushtarë rusë dhe ka shkatërruar dy depo municionesh gjatë luftimeve të fundit në rajonin e Hersonit, ku Kievi po përqendron kundërofensivën e tij më të madhe që nga fillimi i luftës.

Komanda jugore e ushtrisë tha se është ndërprerë qarkullimi i trenave nga Hersoni mbi lumin Dniepër, dhe kjo ka të ngjarë të izolojë edhe më shumë forcat ruse në perëndim të lumit. Po ashtu, një gjë e tillë, pritet të shkaktojë ndërprerje të furnizimeve për Rusinë nga Krimeja e aneksuar.

Javëve të fundit, Ukraina ka përdorur sistemet raketore me rreze të gjatë veprimi, që Perëndimi ia ka dhuruar, për të goditur tri pikë-kalime mbi lumin Dinepër. Këto sulme ia kanë bërë më të vështirë Rusisë furnizimin e forcave të saj.

“Si rezultat i luftimeve që vendosën nën kontroll lidhjet kryesore të transportit në territorin e pushtuar, është vërtetuar se qarkullimi hekurudhor mbi lumin Dniepër është i pamundur”, tha ushtria ukrainase përmes një deklarate.

Ushtria ukrainase tha se afër 170 ushtarë rusë dhe shtatë tanke janë shkatërruar në luftimet më 29 korrik në jug të Ukrainës.

Këto pretendime nuk kanë mundur të verifikohen në mënyrë të pavarur.

Rajoni i Hersonit, që kufizohet me Krimenë, ra nën kontrollin rus pak pas nisjes së pushtimit më 24 shkurt.


Send this to a friend