Presidenti ukrainas, Volodymyr Zelensky thotë se bota beson te Ukraina dhe është frymëzuar nga guximi i ushtarëve të saj.

Përmes një postimi në Twitter, Zelensky u shpreh se ukrainasit janë të aftë kur ndodhen të gjithë së bashku.

“Bota beson në Ukrainë. Bota është frymëzuar nga guximi ynë, i frymëzuar nga heronjtë tanë. Dhe më e rëndësishmja, ukrainasit besojnë në Ukrainë, ukrainasit e shohin atë që ne të gjithë jemi të aftë kur jemi bashkë. Ne jemi më të fortët kur jemi të bashkuar”, shkroi Zelensky në Twitter.