Tre nga autorët e sulmit ndaj avokatit Sokol Mëngjesi vijojnë të jenë në kërkim.

Sipas rindërtimit të ngjarjes, 3 persona kanë kryer sulmin, një i ka pritur me makinë, ndërsa një i pestë është ndaluar si organizator i sulmit.

Dritan Nano dyshohet se ka porositur dhunën ndaj avokatit Sokol Mëngjesi. Policia e ka arrestuae atë dje disa orë pas ngjarjes.

Në kërkim vijojnë të jenë Elton Kasaj, Drivald Alia dhe Romario Tabaku. Ka qenë pikërisht ky i fundit ai që ka larguar tre autorët nga vendi i ngjarjes me një makinë tip “Audi”. Ndërsa Dorian Alia i cili gjithashtu ishte protagonist i goditjeve barbare ndaj Mëngjesit është vetëdorëzuar në Policinë e Tiranës pak pasi u shpall në kërkim.

Ndërkohë, Policia e Shtetit ka ofruar 20 mijë euro për këdo që jep informacion që çon në arrestimin e autorëve.

Detajet e ngjarjes
Arrestohet organizatori i sulmit – Dritan Nano
Vetëdorëzohet – Dorian Alia

Në kërkim
Elton Kasaj
Romario Tabaku
Drivald Alia

bw

Avokati Sokol Mëngjesi u dhunua ditën e djeshme në zonë e ish-Bllokut, ndërkohë që dërgonte djalin në kopsht.

Gazetari Igli Çelmeta raporton se gjendja e tij shëndetësore vijon të mbetet e rëndë, ndërkohë që vazhdon të jetë në monitorim intensiv nga stafi mjekësor në reanimacion.

Pse ndodhi ngjarja:

Avokati Sokol Mëngjesi ka përfaqësuar një palë që e ka fituar në proces gjyqësor çështjen e pronësisë në shkallë të parë edhe në Apel. Pala fituese nuk ka respektuar detyrimet që kanë pasur ndaj avokatit dhe studios ligjore “ALTERUM SHPK”. Disa prej përfituesve nuk kanë rënë dakord me shpenzimet në studion ligjore.

Kanë qenë më total 8 trashëgimtarë që i përfaqësonte si avokat Mëngjesi dhe një nga 8 trashëgimtarët nuk ka pranuar të zbatojë kontratën mes Mëngjesit dhe 8 trashëgimtarëve. Çështja është fituar në dy shkallët e gjyqësorit nga 8 trashëgimtarët që përfaqësonte avokati. Në të tilla kushte, avokati ka kërkuar të respektohet kontrata që kishin lidhur dhe dyshohet që vetëm Dritan Nano nuk ka pranuar.

I gjendur në këtë situatë, dyshohet se Nano ka angazhuar lidhjet e tij shoqërore duke kërcënuar avokatin që të tërhiqet nga përqindja që duhet të merrte.

Takimi i para një muaji ka qenë i fundit para dhunës, sqarues, por nuk kanë rënë dakord, pasi Sokol Mëngjesi ka pretenduar se ka një kontratë që duhet ta zbatojë studio ligjore. Çështja për të cilën bëhet fjalë është një truall toke ku rezultojnë pronarë 8 anëtarët, ku momentalisht mbi këtë truall është ndërtuar.

Sipas rindërtimit të ngjarjes, 3 persona kanë kryer sulmin, një i ka pritur me makinë, ndërsa një i pestë është ndaluar si organizator i sulmit. Dritan Nano dyshohet se ka porositur dhunën ndaj avokatit Sokol Mëngjesi. Vijojnë të jenë në kërkim Elton Kasaj, Drivald Alia dhe Romario Tabaku. Ka qenë pikërisht ky i fundit ai që ka larguar tre autorët nga vendi i ngjarjes me një makinë tip “Audi”. Ndërkohë, Policia e Shtetit ka ofruar 20 mijë euro për këdo që jep informacion që çon në arrestimin e autorëve të cilët vijojnë të jenë në kërkim.

Organizatori i sulmit Dritan Nano është arrestuar ditën e djeshme, ndërsa Dorian Alia është vetëdorëzuar.

Në kërkim mbeten tre anëtarë të tjerë pjesëmarrës në sulm, Elton Kasaj, Romario Tabaku dhe Drivald Alia.

(BalkanWeb)

© SYRI.net

Të tjera detaje dalin në dritë në lidhje me dhunimin e avokatit të njohur Sokol Mëngjesi, i cili ra pre e dhunës mëngjesin e sotëm.

Ngjarja ndodhi pranë një kopshti në zonën e ish-Bllokut. Gazetari Igli Çelmeta raporton për BalkanWeb se sipas dëshmitareve okularë, në momentin që Mengjësi është sulmuar nga tre agresorët dhe goditur, ai ka tentuar që të largohet, por fatkeqësisht ka rrëshqitur dhe ka goditur kokën në trotuar.

Fill pas dhunës, autorët, ku dy prej tyre janë identifikuar dhe për tjetrin po punohet ende, janë larguar nga vendi i ngjarjes. Ndërkohë, avokati ka pësuar lëndime në kokë dhe fraktura, duke i shkaktuar një hemorragji të vogël.bw

Detaje të reja janë zbuluar në lidhje me dhunën e ushtruar mëngjesin e sotëm ndaj avokatit Sokol Mëngjesi, në zonën e ish-Bllokut

Gazetari Igli Çelmeta, në një raportim nga Spitali i Traumës tha se gjendja e tij është e stabilizuar. Në spital ka qenë edhe drejtori i policisë Tonin Vocja.

Polica është drejt identifikimit të autorëve, ku janë identifikuar dy prej tyre.

Mësohet se autorët e kanë mbajtur Mëngjesin nënë vëzhgim dhe më pas mëngjesin e sotëm e kanë sulmuar.

Kamerat e sigurisë. Pamjet e të cilave janë sekuestruar nga autoritetet, kanë regjistruar tre autorët të veshur me të zeza dhe me kapele.bw

E paprecedentë ishte ngjarja që ndodhi sot në mes të ish-Bllokut, ku Dekani i Fakultetit Juridik, avokati i njohur që mbron edhe ish-kryeministrin Sali Berisha, Sokol Mëngjesi, u dhunua nga persona ende të paidentifikuar nga policia. Në një lidhje live për News24, nga vendi i ngjarjes, gazetari Igli Çelmeta raportoi se gjithçka ndodhi pasi Mëngjesi, ashtu si për çdo ditë, po çonte djalin e tij në kopsht.

Tre persona, të cilët ka dyshime se kishin planifikuar gjithçka, pasi prej ditësh mendohet se ndiqnin avokatin, i kanë zënë këtij të fundit dhe e kanë dhunuar. Kjo gjë është faktuar dhe nga kamerat e sigurisë të zonës që duket se kanë filmuar gjithçka.

Sakaq, avokati ndodhet në spital, pasi ka dëmtime në kokë dhe trup, për shkak të goditjeve që ka pësuar nga grushtet, por dhe leva.
Policia po punon për identifikimin e autorëve.

Sakaq, në vendin e ngjarjes ndodhet një grup i posaçëm hetimor i ngritur nga prokuroria dhe komisariati nr.2.

Sokol Mëngjesi është avokat me përvojë disa vjeccare në jurisprudencë. Ai është angazhuar si ekspert në fushën e ndryshimeve ligjore nga institucione publike, të tilla si Kuvendi i Shqipërisë, Ministria e Drejtësisë dhe Shkolla e Magjistraturës.

Prej shtatorit të vitit 2020, Sokol Mëngjesi është Dekan i Fakultetit të Drejtësisë në Universitetin e Tiranës. Mëngjesi ka një përvojë të gjatë edhe në mësimdhënie, ndërsa është autor edhe i një numri të madh punimesh shkencore të paraqitura në konferenca shkencore kombëtare dhe ndërkombëtare, artikujsh shkencorë të botuar në revista shkencore kombëtare dhe ndërkombëtare, si dhe monografish e tekstesh shkollore në Shqipëri dhe Greqi.

(BalkanWeb)

Detaje të reja janë zbuluar në lidhje me sulmin e ndodhur ndaj avokatit të ish-kryeministrit Sali Berisha.

Gazetari Igli Çelmeta raporton për BalkanWeb se ngjarja ka ndodhur mëngjesin e sotëm në zonën e ish-Bllokut, aty ku avokati Sokol Mëngjesi ka shtëpinë.

Tre autorët, të cilët ende nuk janë identifikuar i kanë zënë pritë Mëngjesit pranë një kopshti, ku avokati kishte dërguar të birin dhe e kanë goditur me grushte e sende të forta në fytyrë dhe trup.

Policia ka sekuestruar kamerat e sigurisë në zonë për të bërë të mundur identifikimin e autorëve.

Gazetari Çelmeta raporton se Mëngjesi ende nuk ka dhënë deklarimet e tij, ndërsa po bën të gjitha ekzaminimet në spital.

Mësohet se ai ka fraktura në kokë dhe dertime në trup, por për momentin është në urgjencë në gjendje të stabilizuar.

Sakaq, policia ka marrë në pyetje të gjithë qytetarët që janë bërë dëshmitarë të ngjarjes së rëndë, që ndodhi në një zonë të populluar.

(BalkanWeb)

Sokol Mëngjesi, avokati i kreut të opozitës shqiptare, Sali Berisha është goditur me grushte.

Ngjarja raportohet se ka ndodhur në zonën e ish-Bllokut.

Ai është dhunuar nga persona ende të paidentifikuar. sn