VOAL

VOAL

Please Wait ...
0%

VIDEO – Vajza e Azem Hajdarit mban fjalim si deputete në sallën ku u plagos i ati

By | September 12, 2017

Komentet

Mbahet protesta e opozitës në Tiranë, përplasje mes policisë dhe protestuesve

Gjatë protestës para selisë së Ministrisë së Brendshme të Shqipërisë është tensionuar situata, pas përplasjes mes forcave të policisë dhe protestuesve

TIRANË – Partitë opozitare kanë mbajtur në Tiranë një protestë me thirrjen për dorëheqjen e ministrit të Brendshëm të Shqipërisë, Fatmir Xhafaj, ndërsa gjatë saj ka patur edhe incidente dhe tensione, ku disa persona kanë mbetur të lënduar, raporton Anadolu Agency (AA).

Mbështetësit e Partisë Demokratike të Shqipërisë dhe partive të tjera opozitare janë mbledhur për të protestuar fillimisht në Bulevardin “Dëshmorët e Kombit”, para selisë së Kryeministrisë së Shqipërisë.

Para protestuesve mbajti një fjalim kryetari i opozitës dhe njëkohësisht kryetar i Partisë Demokratike të Shqipërisë, Lulzim Basha, i cila tha se “Sot jemi mbledhur në këtë shesh për të treguar se jemi europianë dhe si europianë ne besojmë tek shteti i së drejtës”.

“Ne sot protestojmë për liri, demokraci e drejtësi me dinjitetin dhe forcën e njerëzve të lirë. Arma jonë e demokracisë është qytetari i lirë, por mbi të gjitha ne kemi nevojë për besimin tek vetja, tek forca jonë, tek energjia jonë, tek fuqia jonë. Ne kemi nevojë të besojmë se ne mund të bëjmë Shqipërinë, kemi nevojë të besojmë se ne mund ta mposhtim të keqen e të ndërtojmë të mirën”, tha Basha.

Pas fjalimit të Bashës protestuesit kanë hedhur tymuese në drejtim të selisë së Kryeministrisë së Shqipërisë, ndërsa më pas janë drejtuar për të protestuar para selisë së Ministrisë së Brendshme të Shqipërisë.

Gjatë protestës para ministrisë është tensionuar situata, pas përplasjes mes forcave të policisë dhe protestuesve.

Policia e Shqipërisë për mbarëvajtjen e protestës kishte marrë disa masa, duke bllokuar disa akse rrugore dhe angazhuar qindra forca policore.

Kujtojmë se Partia Demokratike e Shqipërisë ka publikuar një audio përgjim ku pretendon se Agron Xhafaj, vëllai i ministrit të Brendshëm të Shqipërisë, Fatmir Xhafaj, “organizon trafikun e drogës në qytetin e Vlorës”. Pas publikimit të audio përgjimit, opozita kërkoi dorëheqjen e ministrit Xhafaj.

Opozita e Shqipërisë proteston kundër “qeverisë së drogës”

Gresa Kraja – Mijëra qytetarë nga e gjithë Shqipëria iu bashkuan thirrjeve të opozitës së bashkuar në një protestë në Tiranë kundër Qeverisë së Shqipërisë.

Me thirrje kundër “kanabizimit të vendit” dhe “Rama ik” ata marshuan nëpër rrugët e kryeqytetit deri te ndërtesa e Kryeministrisë dhe Ministrisë së Brendshme.

Protestuesit kërkojnë shkarkimin e ministrit të Brendshëm të vendit, Fatmir Xhafaj, për të cilin thonë se është i përfshirë në krim të organizuar dhe trafik të drogës.

Disa nga protestuesit u përplasën me Policinë e Shtetit pranë ndërtesës së Ministrisë së Brendshme pasi ata kanë hedhur tym sinjalizues dhe mjete të forta në drejtim të ndërtesës.

Ata bënë përpjekje të thyejnë gardhin me tela të vendosur përreth ndërtesës dhe kordonin e policisë, megjithatë u ndaluan nga deputetë opozitarë dhe kryedemokrati Lulzim Basha të cilët po tentonin të qetësonin turmën.

Lulzim Basha, kryetar i Partisë Demokratike duke folur në mesin e protestuesve tha se qytetarët e Shqipërisë nuk do e pranojnë autokracinë, korrupsionin dhe se nuk i mbyllin sytë para krimit dhe drogës.

“Sot nuk duhet të ketë më asnjë iluzion se kjo qeveri mund të çlirohet vetë nga krimi, se kjo qeveri do ta luftojë vetë drogën, se kjo qeveri do të përmirësohet vetë. Sot duhet të jetë e qartë për çdo shqiptar dhe të gjithë botën se është vetëm një rrugë – largimi i kësaj qeverie”, tha Basha.

Edhe Monika Kryemadhi, kryetare e Lëvizjes Socialiste për Integrim tha se hapja e negociatave për anëtarësim në BE do të “bllokohet për shkak të kryeministrit dhe grupit të tij të trafikantëve”.

“Lufta kundër krimit dhe trafikut të drogës janë gjërat më kryesore të cilat e kushtëzojnë hapjen e negociatave të Shqipërisë. Unë mendoj që hapja e negociatave të Shqipërisë nuk ka lidhje me klasën politike por ka lidhje me shqiptarët. Prandaj sot më shumë se kurrë të gjithë kërkojmë ikjen e Edi Ramës me gjithë grupin e tij të trafikantëve të cilët kanë arritur të bllokojnë negociatat, në mënyrë të tillë që të arrijnë t’u japin shans shqiptarëve që me datën 7 qershor europianët t’i thonë po Shqipërisë”, u shpreh Kryemadhi.

Ndërsa kryeministri Edi Rama, i cili po qëndron në qytetin e Beratit për të prezantuar projektet për qarkun e qytetit tha “teksa qentë lehin ne vazhdojmë të ecim para”.

Ai u fokusua te punësimi, ku tha se synimi për këtë vit është që nga Zyrat e Punësimit të punësohen 25 mijë punëkërkues të rinj.

Partia Demokratike e Shqipërisë javë më pare ka publikuar një përgjim telefonik te vëllait tëministrit të Brendshëm ku dëgjohet se bën marrëveshje me trafikantë te drogës ne Shqipëri.

Këto përgjime vijnë disa javë pasi ish ministri i Brendshëm shqiptar Saimir Tahiri, i akuzuar po ashtu për përfshirje në krim te organizuar me trafikim te drogës ka dhënë dorëheqje nga posti i tij prej deputeti dhe nga imuniteti i tij si deputet.

Ai aktualisht po mbahet në arrest shtëpiak dhe është nën hetime nga Prokuroria e Shtetit.

Shqipëria ka marr rekomandim pozitiv për nisjen e negociatave për anëtarësim në Bashkimin Evropian në muajin prill të këtij viti.

Shqipërisë i ishte dhënë statusi i kandidatit për Bashkim Evropian në vitin 2014 dhe ka pritur fillimin e negociatave për anëtarësim deri tani. Negociatat për t’iu bashkuar familjes evropiane pritet të fillojnë në muajin qershor të 2018-s.

Megjithatë, zyrtarë të BE-së kanë thënë se Shqipëria duhet të vazhdojë të punojë në pesë prioritetet që përfshijnë: reformën në administratën publike, efikasitetin e gjyqësorit, luftën kundër korrupsionit, luftën kundër krimit të organizuar dhe forcimin e mbështetjen e të drejtave të njeriut.

Tiranë: Protesta e opozitës: “Rama ik, Xhafaj Ik”.

Ilirian Agolli – Partia Demokratike dhe aleatët e saj zhvilluan sot një tubim proteste së bashku me mijëra anëtarë dhe mbështetës të opozitës, duke kërkuar largimin nga postet të kryeministrit Edi Rama dhe ministrit të brendshëm, Fatmir Xhafaj, pas dyshimeve se ky i fundit ka favorizuar vëllain e tij për t’iu shmangur dënimit me 7 vjet burg burg për trafik droge nga drejtësia italiane.

Protestuesit nga Tirana dhe nga krahina të tjera u bashkuan në shëtitoren “Dëshmoret e Kombit” me thirrjet: “E duam Shqipërinë si gjithë Europa”, “Rama ik, Xhafaj Ik”.

Kryetari i Partisë Demokratike, Lulzim Basha, akuzoi qeverinë për lidhje të ngushta me grupet kriminale, që i mbron duke shfrytëzuar postin.

“Kjo qeveri nuk mund të çlirohet vetë nga krimi, as do ta luftojë vetë drogën. Ka vetëm një rrugë: largimi i kësaj qeverie nga njerëzit, nga populli i bashkuar. Sot jemi mbledhur me qindra mijëra në këtë shesh për të treguar se jemi europianë dhe si europianë i qëndrojmë përballë qeverisë më antieuropiane që ka sot Europa. Dielli për shqiptarët lind nga Perëndimi. Përpjekja jonë është beteja mes njerëzve që duan drejtësi dhe atyre që kanë kapur drejtësinë, beteja mes njerëzve që duan siguri dhe rend, dhe aleancës së pushtetit me krimin” – tha kryetari i Partisë Demokratike, Lulzim Basha.

Ai tha se autokracia, korrupsioni nuk pranohen, se nuk mbyllen sytë para krimit dhe drogës.

“Rilindja është një projekt anti-kombëtar, që ndërtoi një sistem kriminal politik dhe ekonomik. Në këtë sistem, pushteti nuk buron nga politika, por nga pazaret, nuk buron nga vota, por nga paraja, nuk buron nga vullneti i njerëzve të lirë, por nga forca e dhunës” – tha ai.
Pas fjalimit të zotit Basha, protestuesit marshuan në shëtitore deri te sheshi Nënë Tereza. Ata patën përplasje me policinë te kryeministria dhe te ministria e brendshme, teksa hidhnin vezë dhe tymuese, por drejtuesit e opozitës i larguan vet njerëzit nga këto skena.

FOTOT – Gjakoset kryeredaktori i RD-së, Bledi Kasmi, Basha: Përgjegjës janë Rama e Agron Fatmir Xhafaj

Ka mbetur i lenduar kryeredaktori i gazetes Rilindja Demokratike, Bledi Kasmi, gjate protestes qe po mbahet nga opozita, te vendosur tashme prane Ministrise se Brendshme.

Ne nje postim ne Facebook, ish-kryeminstri Sali Berisha ka bere publike foton e Kasmit, teksa shihet i gjakosur, ku ka marre plage ne koke, ndersa shkruan se “narkobanditet me uniforme pergjakin protesten e opozites”.

Ne perfundim te protestes kreu i PD-se, Lulzim Basha u nis me urgjence drejt Spitalit Ushtarak, ku ndodhet i shtruar Kasmi.

“Ky është një turp i paparë që u plagos kryeredaktori i RD, Bledi Kasmi. Përgjegjës për këtë është Edi Rama dhe Agron Fatmir Xhafaj. Këto akte burracake tregojnë se orët e Ramës dhe Xhafajt në krye të kupolës mafioze janë të numëruara”, tha Basha nga selia e PD.

Postimi i Berishes:

Narkobanditet me uniforme pergjakin protesten e opozites, godasin kryeredaktorin e gazetes Rilindja Demokratike, Bledi Kasmi! sb

Protesta e opozitës – Del harta e familjeve politiko-mafioze të vendit

PD shpalos simboliken e dyte te protestes, harten e familjeve mafioze te vendit me gjithe mbiemrat e njohur per shqiptaret. Harta i eshte vene para deres ministrit te Brendshem, Fatmir Xhafaj, per largimin e te cilit proteston sot opozita e bashkuar.

 

HARTA

Harta e familjeve politiko mafioze është një instalacion për të simboliziar qeverinë e Edi Ramës në 5 vitet e fundit. Për herë të parë, gjatë qeverisë së Ramës Shqipëria mori kudo në Perëndim imazhin e një vendi që, me mbeshtetjen e qeverisë, prodhon dhe trafikon vetëm kanabis dhe krim, duke u cilësuar gjerësisht në botë si Kanabistan. Harta është rreth 2 metra e gjysëm e lartë dhe mban emrat e personave të akuzuar publikisht ose që janë dënuar vetë për krime të rënda, ose që kanë lidhje të forta me trafikun e drogës dhe krimin e organzuar me vend. Në hartë janë emrat e Mark Frrokut, Arben Ndokës, Armando Prengës, deputetët e qeverisë të përjashtuar për vrasje, prostitucion,trafik droge. Janë emrat e Vangjush Dakos, Qazim Sejdinit, Elvis Roshit, kryebashkiakëve të lidhur me krimin e organizuar dhe trafikun e drogës, si dhe të njerezve të afërt politikë të Edi Ramës, Fatmir Xhafaj, Saimir Tahiri, Granoz Ruci e Taualnt Balla. Bashkë me Balilin, Eskobarin e Ballkanit që kontrollon Sarandën dhe nuk kapet nga policia, harta e drogës dhe e familjeve mafioze me mbështetje qeveritare, është dëshmia se Edi Rama bashkëqeveris me krimin e organizuar.

Simbolika e trete 

 

Banderola me slloganin “Poshtë Pashallarët e Krimit”, risjell në vëmendje skandalin Xhafaj për shkak të episodit të njohur kur, gjatë pazarit për drogën, Agron Xhafajn e quajnë “Pasha”.

Banderola mban portretet e Edi Ramës dhe dy ministrave të tij të Brendshëm, Fatmir Xhafaj dhe Saimir Tahiri me nga një kryq të kuq mbi secilin portret.

Banderola është një nga simbolet kryesore të protestës së Partisë Demokratike, duke dhënë mesazhin e opozitës së shqiptarëve nuk u duhet nje qeveri dhe një kryeministër në shërbim të krimit, i cili është kthyer në pengesën kryesore për nisjen e bisedimeve të anëtarësimit te vendit ne Bashkimin Europian.

Video – LIVE- Protesta e opozitës

Ka nisur protesta e opozites se bashkuar. Ashtu si ishte paralajmeruar opozita proteston duke nisur nga ora 11:00 dhe pa nje ore mbylljeje, në bulevardin “Dëshmorët e Kombit” për të kërkuar largimin e ministrit të Brendshëm, Fatmir Xhafaj.

Kreu i opozitës dhe aleatët e tij opozitarë u bënë thirrje shqiptarëve të bashkohen për të kërkuar largimin e ministrit të Brendshëm, 17 ditë pas denoncimit të parë që bënë nga selia blu për dosjen e vëllait të tij, të dënuar nga drejtësia italiane me 7 vjet e dy muaj heqje lirie.

Ora 11:10/ Basha: Xhafaj e mori pergjigjen mbreme 

Pas pyetjes se gazetares se Xhafaj e ka sfiduar Bashen, duke i thene se nese pergjimi eshte autentik, ai do te largohet, ne te kunderten, Basha duhet te mbaje pergjegjesi e te dorehiqet.

“Xhafaj, e mori pergjigjen, merre dhe ti lexoje, se qytetaret jane te qarte, ja shikoje”

Ora 11:00/ Basha del nga selia, prin protestuesit

Ne oren e percaktuar per nisjen e protestes, kryedemokrati Lulzim Basha ka dale nga selia blu, shoqeruar nga deputete demokrate dhe i eshte bashkuar protestuesve qe ishin mbledhur. Ne krye te tyre, nisi marshimi proteste i planifikuar nga PD.

Ne te njejten kohe ka dale edhe kryetarja e LSI-se, Monika Kryemadhi, shoqeruar ne krah nga nje vajze e vogel dhe ish ministrja Klajda Gjosha.

Ora 10:40/ Protetuesit mblidhen poshte zyres se Xhafajt

Protestues te shumte jane mbledhur nderkohe poshte zyres se ministrit te Brendshem, Fatmir Xhafaj, me kerkesen per largimin e tij nga detyra, pas videopergjimit me vellane e akuzuar prej PD si bossi i droges ne Vlore.

Ora 10:37/ Panair Pune para zyres se Rames 

 

Një i ri është vendosur në rolin e kryeministrit Rama dhe i ulur në një tavolinë përpara kryeministrisë improvizon intervista në panairin e punës. Ai ben intervista punë për postin e Ministrit të Brendshëm.

“Po kërkojmë një ministër të brendshëm që e ka vëllain trafikant por që opozita nuk e di që e ka vëllain trafikant. Po kërkojmë, po kërkojmë. Por besoj se panairi do e gjejë një ministër të Brendshëm”, ironizoi “Rama” aktor.

Ora 10:30 Policia rrethon kryeministrin dhe ministrine e Brendshme 

Kordone policie jane pozicionuar rreth kryeministrise dhe ministrise se Brendhsme, nderkohe qe opozita eshte gati per protesten e paralajmeruar.

 

Ora 09:26/ Shpaloset simbolika e pare e protestes

 

Ora 09:00/ Ja sa protestues jane nisur nga rrethet 

LSI njofton per numrin e protestuesve te nisur nga rrethet, konkrerisht: Qarku Korce 2000. Qarku Elbasan 3000. Qarku Berat 3000. Qarku Durres 2500. Qarku Vlore 1500. Qarku Gjirokaster 1500. Qarku Diber 1000. qarku Shkoder 2000. Qarku Lezhe 2000. qarku Kukes 500. Qarku Fier: 3000

Nderkohe sipas gazetarit te Panorama, nga Shkodra, referuar burimeve nga PD e Shkodrës janë nisur rreth 5000 protestues të organizuar. Nga Dibra, mesohet se jane nisur mbi 1500 protestues.

Ora 07:30/ Nisen makinat nga rrethet

Nga Shkodra po vijne me dhjetera makina qe mbajne parrulat me zhargonin e Agron Xhafajt, qe njihet ne Vlore me titullin pasha. “Na prit pasha! Pasha po vijme! Kush eshte pashai.

 

Cfare do te ndodhe 

Partia Demokratike është kujdesur që protesta në çdo rast të cilësohet popullore, pasi sipas demokratëve ajo bëhet për një kauzë kombëtare, siç është shkëputja e lidhjeve të qeverisë me krimin. Për këtë arsye pritet që në krah të kreut të PD-së të jenë veç qytetarëve edhe artistë, intelektualë dhe shtresa të tjera të shoqërisë, që kanë protestuar këto kohë kundër qeverisë.

Burime të “Panorama” nga grupi i organizatorëve të protestës sqarojnë se ndryshe nga protesta e 27 janarit, kjo e sotmja do të jetë një marshim i qytetarëve duke nisur nga Ministria e Brendshme në drejtim të Kryeministrisë. Fillimisht protestuesit do të grumbullohen pranë sheshit “Skënderbej”, ku edhe ndodhet godina e Ministrisë së Brendshme. Organizatorët flasin për një protestë ku simbolika kryesore do të lidhet me përgjimet e shfaqura nga opozita, në të cilat vëllai i Fatmir Xhafajt dhe “Dëshmimtari X” përdorin epitete si “Pasha”, “Babale” apo shprehje “Po ma sulmojnë shumë vëllain”, “Ata në Itali janë zbërthyer fare”, “Fol me Ermalin”.

Të gjitha këto simbolika do të jenë të shfaqura në pankartat që protestuesit do të mbajnë në duar. Organizatorët e protestës theksojnë se parashikohet një protestë paqësore, por dinamika dhe zhvillimi i saj do të varet shumë nga pakënaqësia dhe revolta e atyre që do të jenë në shesh. Nuk përjashtohet që protestuesit të hedhin edhe objekte në drejtim të Ministrisë së Brendshme.

Sipas planit paraprak të hartuar nga opozita, protestuesit pasi të kenë marshuar në bulevardin “Dëshmorët e Kombit”, do t’i drejtohen Kryeministrisë ku edhe kreu i PD-së, Lulzim Basha, do të flasë në një podium të vogël për të përcjellë mesazhet politike të protestës. Sipas burimeve nga selia blu, pjesëmarrja e qytetarëve në protestë pritet të jetë e madhe për shkak të ndjeshmërisë publike që ka sjellë përgjimi i publikuar nga PD, por edhe pakënaqë- sisë gjithmonë e në rritje ndaj qeverisë së Edi Ramës.

 

 

Njoftimi i plotë: DEKLARATË E POLICISË SË SHTETIT PARA TUBIMIT – 25 Maj 2018

Policia e Shtetit për tubimin e subjektit politik Partia Demokratike, parashikuar të zhvillohet në datë 26 Maj 2018, ora 11:00 në Bulevardin “Dëshmorët e Kombit”, do të bllokojë qarkullimin e automjeteve në disa akse rrugore të brendshme të Tiranës.

Duke filluar nga ora 00:00 e datës 26 maj, deri në përfundimin e tubimit nuk do lejohet qarkullimi i mjeteve në rrugët:

– Bulevardi “Dëshmorët e Kombit”, nga kryqëzimi i rrugës “Bajram Curri” deri tek kryqezimi i rrugës “Abdyl Frashëri” dhe anasjelltas;

– Rruga “Ismail Qemali” nga degëzimi me rrugën “Papa Gjon Pali II” deri tek Bulevardi “Deshmorët e Kombit” do të jetë e bllokuar;

– Rruga “ Papa Gjon Pali II” nga degëzimi me Bulevardin “Bajram Curri”, deri tek degëzimi i rrugës “Themistokli Germenji” dhe anasjelltas, do të jetë e bllokuar dhe nuk do të lejohet parkimi i mjeteve në të dy anët e rrugës;

Duke filluar nga ora 07:00 e datës 26 maj deri në përfundim të tubimit, nuk do të lejohet qarkullimi i mjeteve të të gjitha kategorive nga Bulevardi “Dëshmorët e Kombit” në drejtim të rrugës “Abdi Toptani”.

Devijimet do të prekin edhe linjat e transportit publik, ku linja e “Tiranës së Re” do të kthehet tek sheshi “Willson”, linja e Kamzës do të kthehet tek sheshi para ish-Kafe “Florës”, linja e Saukut do të kthehet tek rruga “28 Nëntori” pranë Sahatit.

Policia e Shtetit kërkon mirëkuptimin e operatorëve të transportit publik qytetas, që ditën e shtunë deri në përfundim të protestës, të mos përdoren mjetet e transportit artikular, për shkak të devijimeve dhe bllokimeve që do të bëhen për arsye sigurie.

Të shtunën, nga ora 07:00 deri në përfundim të protestës brenda Unazës së Madhe dhe rrugëve të tjera të brendshme, nuk do të lejohet qarkullimi i mjeteve të tonazhit të rëndë të të gjitha kategorive.

Mjetet e transportit të pasagjerëve që do të vijnë nga qytetet e tjera nuk do të lejohen në brendësi të Tiranës, përveç vendeve të miratuara nga Drejtoria Vendore e Policisë Tiranë, që janë:

– Pallati i sportit “Asllan Rusi”, në rrugën “Dritan Hoxha”;
– Pallati me shigjeta në rrugën “Konferenca e Pezës”;
– Rreth-rrotullimi i Fakultetit Ekonomik në rrugën e “Elbasanit”;
– Ura e Brrylit në “Bulevardin Zhan D’Ark”.

Mjetet e transportit që vijnë nga rrethet pasi të zbresin qytetarët në vendet e caktuara sipas Planit të Masave, do të kthehen dhe vendosen:

– Mjetet që vijnë nga rreth-rrotullimi i “Fakultetit Ekonomik” do të vendosen në rrugën “Shahin Toci” pranë Terminalit të Jug-Lindjes;
– Mjetet që vijnë nga sheshi “Shqiponja” do të vendosen në rrugën “Teodor Keko”;
– Mjetet që vijnë nga Pallati me shigjeta në rrugën “Teodor Keko”;
– Mjetet që vijnë nga pjesa lindore e qytetit, do të sistemohen përballë Maternitetit të Ri.

Policia e Shtetit kërkon mirëkuptimin për largimin e mjeteve të parkuara në rrugët e sipërpërmendura, në të kundërt do të spostohen me mjete ngritëse.

Gjithashtu luten qytetarët që të shmangin përdorimin e panevojshëm të automjeteve ditën e nesërme, sidomos në segmentet që lidhin qendrën e qytetit me Bulevardin “Dëshmoret e Kombit”, për shkak të devijimeve dhe kufizimeve, deri në përfundim të tubimit.

Plani i masave për sigurinë e tubimit u hartua me mbështetjen e misioneve ndërkombëtare, që asistojnë Policinë e Shtetit.

Gjithashtu, veprimtaria e Policisë së Shtetit, në ditën e tubimit, do të asistohet dhe monitorohet edhe nga ekspertë të huaj, të atashuar pranë Ministrisë së Brendshme.

Policia e Shtetit, njeh dhe respekton të drejtën e qytetarëve për të manifestuar dhe si gjithmonë mbetet e angazhuar në zbatimin me korrektësi të ligjit dhe u bën thirrje qytetarëve dhe përfaqësuesve të subjekteve politike, të ushtrojnë të drejtat e tyre në përputhje me Kushtetutën dhe legjislacionin në fuqi.

Policia e Shtetit ka të gjitha kapacitetet për të garantuar të drejtën e tubimit, sipas përcaktimeve ligjore. Në të njëjtën kohë, nuk do të tolerohen sjellje apo veprime që cënojnë rendin dhe sigurinë publike.

PROTESTA

Opozita ka dorëzuar në Policinë e Tiranës kërkesën për zhvillimin e protestës së të shtunës. Protesta është parashikuar të nisë në orën 11:00, ndërsa në kërkesë nuk përcaktohet një orar për mbylljen.

 

Kjo përkon me diskutimet që bëhen ende në radhët e partive opozitare, por dhe brenda Partisë Demokratike për zgjatjen e protestës për 72 orë. Kryetari i PD-së, Lulzim Basha, ka postuar në “Facebook” spotin që fton qytetarët në protestë, më 26 maj në orën 11.00.

“Me paratë e krimit dhe drogës ata po kapin ekonominë, duke na lënë të papunë e të varfër. Nuk ka të ardhme për shqiptarët me krimin në pushtet. Është në dorën tonë t’i largojmë”, thuhet në spot, shoqëruar me foto të zyrtarëve të maxhorancës, që janë përfolur për lidhje me krimin dhe afera korruptive. Por sekretari i Përgjithshëm i Partisë Demokratike, Arben Ristani, ka sqaruar dje se protesta do të mbyllet ditën e shtunë dhe nuk do të ketë ngujim të protestuesve para godinës së Kryeministrisë.

“Protesta do të jetë paqësore. Presim një pjesëmarrje të fuqishme kundër keqqeverisjes. Është lënë pa orar, jo se do të zgjasë shumë. Do të mbyllet brenda ditës së shtunë, por do të ketë kohëzgjatjen e saj normale. Sigurisht, që ka njerëz që duan ta shprehin revoltën më fort, por çelësi i suksesit për ne, është pjesëmarrja. Mesazhi është që kjo qeveri duhet të largohet, Shqipëria nuk mund të ecë me trafikantë droge. Kështu si jemi, nuk kemi të ardhme. Në protestë janë të ftuar të gjithë, pavarësisht divergjencave, janë të gjithë të interesuar për t’u bashkuar kundër një të keqeje që na godet të gjithë njëlloj”, tha dje Ristani.

Kosovë, shënohet Dita Olimpike 2018, vrapojnë Fëmijët e Pavarësisë

“Besoj se sot janë 5-6 mijë fëmijë që vrapojnë. Një ditë do t’i kemi 20 mijë sepse sipas informatave që i kam supozohet se rreth 30 mijë fëmijë kanë lindur në vitin 2008 kur është shpallur pavarësia e Kosovës”, tha Hasani

PRISHTINË – Me rastin e Ditës Olimpike 2018 e cila shënohet çdo vit në Kosovë, Komiteti Olimpik i Kosovës (KOK) organizoi një aktivitet në qendër të Prishtinës ku vrapuan rreth 2.400 fëmijë të lindur në vitin e 2008 që është edhe viti kur është shpallur pavarësia e Kosovës.

Gara e vrapimit për Ditën Olimpike në Kosovës këtë vit shënohet për të shtatën herë me radhë. Në Prishtinë kjo garë filloi nga sheshi “Zahir Pajaziti” deri tek Teatri Kombëtar i Kosovës. Ndërsa aktiviteti i njëjtë, gara e vrapimit të fëmijëve u mbajt edhe në sheshet e qyteteve të tjera të Kosovës, si në Gjilan, Mitrovicë, Pejë, Gjakovë, Prizren dhe Ferizaj.

Kryetari i KOK-ut, Besim Hasani në një prononcim për AA tha se Komiteti Ndërkombëtar Olimpik i themeluar më 23 qershor 1894, që nga viti 1948 i ka autorizuar komitetet olimpike ndërkombëtare të organizojnë aktivitete për promovimin e sportit nëpër gjenerata të ndryshme.

Hasani tha se e veçanta e fëmijëve të cilët kanë marrë pjesë në garën e vrapimit është se këta fëmijë kanë të lindur në vitin 2008 kur është shpallur pavarësia e Kosovës. Ai tha se këta fëmijë kanë vrapuar nga viti 2012 që nga fillimi i organizimit të garave të vrapimit nga KOK-u për Ditën Olimpike të Kosovës. Duke bërë të ditur se këta fëmijë në atë kohë kanë qenë 4 vjeç Hasani tha se ata sot janë 10 vjeç dhe vrapojnë si më të rritur.

“Besoj se sot janë 5-6 mijë fëmijë që vrapojnë. Një ditë do t’i kemi 20 mijë sepse sipas informatave që i kam supozohet se rreth 30 mijë fëmijë kanë lindur në vitin 2008 kur është shpallur pavarësia e Republikës së Kosovës”, u shpreh Hasani.

Ndërsa, fituesi i garës, Engjëll Shehu, i lindur në vitin 2008 për Ditën e Pavarësisë së Kosovës (17 shkurt 2008) tha se është një ditë e veçantë për gjithë popullin.

“Në këtë olimpiadë nuk kam menduar që do të fitoj vendin e parë por sipas të tjerëve kam fituar dhe nuk jam shumë i gëzuar sepse kjo nuk do të thotë që jam më i miri”, tha ai.

Kujtojmë se Komiteti Olimpik i Kosovës është themeluar më 27 maj 1992 ndërsa nga dhjetori i vitit 2014 është anëtar i Komitetit Olimpik Ndërkombëtar.

Kushtetuta e Kosovës nuk është e paprekshme

Ceremonia e nënshkrimit të Kushtetutës së Republikës së Kosovës.

Kushtetuta e Kosovës, përderisa vlerësohet si Kushtetutë demokratike, ajo nuk është e paprekshme ndaj ndryshimeve brenda saj dhe kjo, deri më tash, është dëshmuar në dy raste, vlerësojnë njohësit e çështjeve juridike dhe kushtetuese.

Megjithatë, sipas tyre, ndryshimet kushtetuese, në vendet demokratike, bëhen për të mirën e përgjithshme. Por ndryshimet e tilla, siç thonë ata, për shkak të kompromiseve politike, mund ta dëmtojnë vetëfunksionalitetin e shtetit.

Së fundmi, Lista Serbe ka deklaruar se formimi i Asociacionit të komunave me shumicë serbe nuk do të jetë i mundur pa ndryshime kushtetuese.

Por, siç thonë njohësit e çështjeve juridike dhe kushtetuese, për ndryshimet kushtetuese nevojitet konsensus i gjerë brenda spektrit politik ose një kompromis politik, i cili do të prodhonte një pajtim të spektrit politik lidhur me ndryshimet eventuale kushtetuese.

Mazllum Baraliu, profesor i së Drejtës Kushtetuese, duke folur për Radion Evropa e Lirë, thekson se vetë shteti i Kosovës dhe Kushtetuta e vendit, janë produkte të kompromiseve, të cilat në fakt e kanë dëmtuar dhe frenuar zhvillimin normal të vendit.

Nisur nga kjo përvojë, siç thotë ai, ndaj kërkesës së Listës Serbe për ndryshime kushtetuese nuk duhet qasur me asnjë kompromis politik.

“Kompromise jo, në asnjë mënyrë, sepse do të duhej konsensus. Me kompromise të shumta dhe të dëmshme, metastazike do të thosha, është ndërtuar ky shtet dhe ato kompromise po hakmerren duke krijuar reperkusione të pariparueshme dhe duke krijuar metastaza politike dhe konstitucionale”.

“Prandaj, edhe kërkesat e Listës Serbe, nuk janë racionale me kushtëzimet për Asociacionin, Sidomos ato janë antikushtetuese dhe nuk është e lehtë që të arrihen (ndryshimet kushtetuese) pa pëlqimin e shumicës”, thotë Baraliu.

Florent Spahija, ekspert ligjor nga Instituti Demokratik i Kosovës, thotë për Radion Evropa e Lirë se Kushtetuta e vendit nuk është e paprekshme. Por, sipas tij, ndryshimet e shpeshta kushtetuese për vendet në tranzicion, siç është Kosova, nuk janë fare të mira.

“Për ne, në rastet kur dëshirojmë ta ndryshojmë Kushtetutën, normalisht që nevojitet një spektër i gjerë politik të merret vesh dhe të pajtohet që të ndryshohet në të mirë të vendit, çdo herë”.

“Absolutisht nuk do të duhej të ndryshohej Kushtetuta për t’i përkrahur disa mendime ose vendime të pakicave, në kuptimin që Asociacioni i komunave me shumicë serbe të bëhet ashtu siç e kërkojnë ata, e jo siç kërkohet me Kushtetutë”.

“Për shkak se, nëse ne e ndryshojmë Kushtetutën për Asociacionin, ashtu siç ata e mendojnë, atëherë i bie që ne do ta ndryshonim Kushtetutën për të keqen e vendit dhe ne me Kushtetutë do ta njohim një shtet brenda shtetit”, vlerëson Spahija.

Por, kërkesa e përfaqësuesve serbë në institucionet e Kosovës, për ndryshime kushtetuese, nuk është e vetmja. Spektri politik shqiptar në Kosovë, tash e disa vite, në vazhdimësi ka kërkuar ndryshimet kushtetuese për transformimin e Forcës së Sigurisë së Kosovës në Forca të Armatosura të Kosovës. Por, deputetët e Listës Serbe e kanë penguar një gjë të tillë, duke u betonuar në qëndrimin e tyre që të mos ofrojnë dy të tretat e votave të dyfishta, që nënkupton të pakicave, në favor të këtyre ndryshimeve kushtetuese.

Baraliu thekson se spektri politik shqiptar në Kosovë duhet të ketë kujdes që të mos bjerë në grackën e kompromiseve politike.

“Duke pasur parasysh këto situata, këtë frymë dhe shkronjë të Kushtetutës, si dhe konfiguracionin e saj, më konkretisht, për të domosdo lypsen edhe kompromise”.

“Por, mbi të gjitha, lypset konsensus prej të gjithëve, për arsye se nuk ka mundësi që të ndryshohet dhe të plotësohet e aq më pak të rishkruhet Kushtetuta pa pëlqimin e atyre, të cilët këto ingerenca i kanë marrë me Dokumentin e Ahtisaarit dhe tashmëjanë të përfshira tash e sa vite si praktikë kushtetuese”, shton Baraliu.

Megjithatë, Spahija shpreh mendimin se ndryshimet kushtetuese, për cilëndo arsye, nuk duhet të bëhen me kompromise politike.

“Kjo për shkak se nuk na duhet një ushtri në qoftë se nuk e kemi një shtet dhe sovranitet të kompletuar. Unë konsideroj që interesat politike të momentit mund të jenë të dëmshme për gjeneratat e ardhshme dhe Kushtetuta nuk duhet të mendohet si diçka që ‘është bërë sot dhe po e ndryshojmë nesër’, pasi që pasojat mund të jenë më të mëdha”.

“Nëse, ne si shoqëri, në fillim jemi pajtuar me këtë Kushtetutë, që ka dalë nga Dokumenti i Ahtisaarit – jemi pajtuar si shoqëri, pasi që është diskutuar në rang të gjerë që kjo të jetë forma e Kushtetutës – atëherë, nëse ne e ndryshojmë, kështu vazhdimisht i krijojmë probleme shtetit tonë. Do të thotë, nëse me Kushtetutën i krijojmë probleme funksionimit, atëherë unë nuk besoj që do të ishte mirë që ta ndryshojmë”, thekson Spahija,

Sidoqoftë, zyrtarët e Qeverisë së Kosovës kanë theksuar se Asociacioni i komunave me shumicë serbe do të themelohet vetëm sipas Marrëveshjes së Brukselit, e cila parasheh edhe vlerësimin e kësaj marrëveshjeje nga Gjykata Kushtetuese. Kjo e fundit në verdiktin e saj të dhjetorit të vitit 2015, ka konstatuar se në 23 pika marrëveshja nuk është në harmoni me Kushtetutën.

Sipas zyrtarëve të Qeverisë së Kosovës, që çdo pretendim më tepër ose për t’i kushtëzuar institucionet e Kosovës nga ana e Listës Serbe “mund të quhet vetëm një shantazh politik, përkatësisht një kërkesë, e cila vetëm sa e neglizhon krijimin e këtij Asociacioni dhe nuk e përshpejton atë”.

  • 16x9 Image

    Bekim Bislimi

    Bekim Bislimi ka lindur më 20. 03. 1968 në Vërban të Vitisë. Prej muajit dhjetor të vitit 2001 e deri më tash punon si korrespondent i Radios Evropa e Lirë, për shërbimin në gjuhën shqipe.

Një çadër e dytë para Kryeministrisë? Kryemadhi: Protesta është atje, ne udhëhiqemi nga qytetarët

Kryetari i PD-së Lulzim Basha ka postuar në Facebook spotin që fton qytetarët në protestë më 26 maj në orën 11.00.

“Me paratë e krimit dhe drogës ata po kapin ekonominë, duke na lënë të papunë e të varfër. Nuk ka të ardhme për shqiptarët me krimin në pushtet. Është në dorën tonë t’i largojmë”, thuhet në spot, shoqëruar me foto të zyrtarëve të maxhorancës që janë përfolur për lidhje me krimin dhe afera korruptive.

Ndërkohë Gazeta Shqiptare mëson se tubimi do të nisë në orën 11:00 nga Sheshi Skënderbej dhe përgjatë bulevardit. Leja është kërkuar për një afat të pacaktuar.

Po ashtu flitet për një protestë disaditore të opozitës, njësoj si vendosja e çadrës në Bulevard.

Pyetjes se a do të qëndrojë opozita në protestë apo do të shpërndahet? Monika Kryemadhi i është përgjigjur kështu: Protesta është atje, ne udhëhiqemi nga qytetarët. Ne mund të jemi organizatorët, mund të jemi iniciatorët por ne tashmë jemi peng i qytetarëve dhe do të bëjmë atë çfarë qytetarët kërkojnë në protestë ditën e shtunë.

Gazeta Shqiptare mëson se të premte në mbrëmje policia e shtetit kalon në gatishmëri.

Sekretari i Përjithshëm i PD-së Arben Ristani ka deklaruar se protesta e 26 majit do të jetë paqësore dhe nuk do të zgjasë pafundësisht.

I ftuar në Report Tv, Ristani theksoi se protesta do të nisë dhe mbyllet të shtunën.

“Protesta do të jetë paqësore. Presim një pjesëmarrje të fuqishme kundër keqqeverisjes. Është lënë pa orar jo se do të zgjasë shumë. Do të mbyllet brenda ditës së shtunë, por do të ketë kohëzgjatjen e saj normale. Sigurisht që ka njerëz që ka njerëz që duan ta shprehin revoltën më fort, por çelësi i suksesit për ne është pjesëmarrja. Mesazhi është që kjo qeveri duhet të largohet, Shqipëria nuk mund të ecë me trafikantë drogë. Kështu si jemi nuk kemi të ardhme. Në protestë janë të ftuar të gjithë, pavarësisht divergjencave janë të gjithë të interesuar për t’u bashkuar një të keqeje që na godet të gjithë njëlloj.” tha Ristani

Kujtojmë se në kërkesën e saj PD ka njoftuar se protesta do nisë në orën 11:00, por nuk ka përcaktuar kohëzgjatjen e saj.

SHBA parandaloi një sulm të madh kibernetik rus

Departamenti amerikan i Drejtësisë tha se ka kapur një domen interneti, të kontrolluar nga një grup hakerësh i lidhur me inteligjencën ushtarake ruse, i cili ka planifikuar një sulm të madh kibernetik, me gjasë në Ukrainë.

Autoritetet amerikane thanë se ky domen do t’iu mundësonte hakerëve të marrin kontrollin e kompjuterëve dhe të vidhnin informacione të vlefshme.

Më herët, Agjencia për Siguri e Ukrainës ka paralajmëruar për sulme të mundshme kibernetike nga Rusia gjatë ngjarjeve të mëdha, të tilla si ndeshja finale e Ligës së Kampionëve në futboll, e planifikuar për 26 maj në Kiev.

Ndihmësi i drejtorit të FBI-së, Scott Smith, tha se kjo agjenci amerikane “ka marrë një hap kritik në minimizimin e sulmit kibernetik”.

FBI tha se domeni është krijuar nga një grup hakerësh që e quan veten Fancy Bear.

Ky grup fajësohet për një varg sulmesh në disa qeveri dhe caqe të ndjeshme, si rrjetet e energjisë, Organizata për Siguri dhe Bashkëpunim në Evropë dhe Agjencia Botërore Anti-Doping.

Durrës: Grabitet prokuroria; dyshohet humbja e dosjeve mbi tjetërsim pronash

Prokuroria e Durrësit u grabit natën nga persona të panjohur, që kanë vjedhur material nga zyrat e prokurorëve.

Në hyrjen kryesore të prokurorisë nuk ka shenja dhune, por pastruesja njoftoi dëmtimin e dyerve në katin e katërt dhe të pestë të ndërtesës.

Policia nisi hetimet për zbardhjen e ngjarjes, duke kontrolluar së pari për gjurmë gishtash të autorëve dhe me pamjet e kamerave të sigurisë.

Prokuroria është rrethuar nga një numër i madh policësh, ndërsa prokurorët po kontrollojnë me imtësi se çfarë dokumentash mungojnë.

Sipas disa të dhënave paraprake nga vendngjarja, dyshohet se objekt i këtij sulmi ka qenë zyra e prokurorit Afrim Shehu, i cili, mes shumë çështjesh të tjera, ka në duar edhe dosje hetimore për tjetërsim pronash në bregdet.

Po ashtu është grabitur edhe zyra e një oficeri të policisë gjyqësore.

Kjo është hera e dytë brenda dy javësh që materialet Prokurorisë së Durrësit grabiten nga persona të panjohur.

Postieri i këtij institucioni u grabit nga dy persona më 8 maj, ndërsa trasnportonte postën me dosje dhe dokumenta, që ai kishte tërhequr nga posta.

Një ditë më parë një i dënuar u arratis nga gjykata e Vlorës, sapo u dha vendimi me burgim, duke vrapuar përmes sallës së gjyqit dhe doli nga ndërtesa, ku masat e sigurisë vlerësohen si minimale nga drejtuesit e saj.

Përfaqësues të prokurorëve dhe gjyqtarëve kanë kërkuar vazhdimisht përforcimin e masave mbrojtëse në institucionet e tyre dhe për sigurinë personale të tyre.