Ish Kongresmeni Joe DioGuardi,presidenti i Ligës Qytetare Shqiptaro-Amerikane i shoqëruar nga bashkëshortja e tij ekspertja e Ballkanit Shirley Cloyes DioGuardi pas 14 vitesh kanë ardhur në Kosovë me qëllim të promovimit të historisë së shpëtimit të hebrenjve te shqiptarët gjatë Holokaustit.

Ata janë të shoqëruar edhe nga përfaqësues të Ligës Qytetare Shqiptaro-Amerikane.

Këshilltarja për çështje të Ballkanit Perëndimor në këtë Ligë, Shirley Cloyes Diogardi, krahas ish-Kongresmenit DioGuardi tha se qëndrim të njëjtë lidhur me Asociacionin ndan edhe kryetari i Komisionit për Marrëdhënie me Jashtë në Senatin amerikan, Bob Menendez.

“Senatori Menendez e ka bërë të qartë që Asociacioni nuk është hapi i ardhshëm që duhet të merret. Ju do të dëgjoni deklarata të ndryshme nga qeveria jonë, por është e rëndësishme që kosovarët të aktivizohen dhe të tregojnë se si dëshirojnë që të shkojë procesi”, ka thënë ajo.

Ish Kongresmeni Joe DioGuardi theksoi se Asosacioni nuk duhet të themelohet sepse mund të shkaktojë më tepër tensione se progres./Koha.net