VOAL

VOAL

Please Wait ...
0%

VIDEO – Gazetarët e Kosovës të ‘revoltuar’ me kryeministrin: Zoti Rama, jemi dhe ne këtu

By | September 14, 2021
blank

Komentet

blank

VIDEO- Dritëro Arifi: Diplomacia e Tiranës duhet të jetë në krah të Kosovës, shqiptarëve iu mungon kohezioni

Profesori i Shkencave Politike, Dritëro Arifi, në një intervistë në Syri Tv, foli për zhvillimet në Kosovë dhe rajon.
Arifi thekson se diplomacia e Tiranës duhet të jetë në krah të Kosovës. Ai shton se shqiptarëve iu mungon kohezioni.

“Shqiptarëve iu mungon kohezioni. Shqipëria sillet ndaj Kosovës sikur çdo gjë është në rregull. Shqipëria duhet të lobojë në BE për Kosovën. Diplomacia e Tiranës duhet të jetë në krah të shqiptarëve. Rama do që të tregojë se është edhe më demokrat se vetë BE-ja.

Nuk mundet që Serbia të na mbajë deklarata të paqes, s’mundet që Vuçiç, zëdhënës i Millosheviçit të na mbajë ligjërata për paqen. Situata nuk rregullohet me një vizitë të Ramës në Prishtinë. Ngjarja në veri ka bërë të kuptojmë se ose jemi shtet ose nuk jemi. Nga konfliktet në rajon preket edhe Shqipëria, prandaj Tirana duhet të reagojë më fuqishëm. Vuçiç ka bërë thirrje për luftë. Serbia është shteti i vetëm në rajon që nuk njeh rregullat e shteteve të tjera”, deklaron Arifi.

blank

KFOR-i shton patrullimet në veri

Foto të ushtarëve britanikë të NATO-s gjatë një ushtrimi në afërsi të Gjakovës më 5 shtator 2021.

Doruntina Baliu

Misioni i Aleancës Veri-atlantike në Kosovë, KFOR ka njoftuar se ka rritur patrullimet në mbarë Kosovën, përfshirë edhe pjesën veriore, teksa të hënën është shënuar dita e tetë qëkur rrugët që çojnë drejt dy pikave kufitare që lidhin Kosovën me Serbinë janë bllokuar.

“KFOR-i po monitoron nga afër situatën në mbarë Kosovën dhe vazhdon të jetë i fokusuar në zbatimin e përditshëm të mandatit të tij – që buron nga Rezoluta 1244 e vitit 1999 e Këshillit të Sigurimit të Kombeve të Bashkuar – që të ofrojë ambient të sigurt dhe lëvizje të lirë për të gjitha komunitetet që jetojnë në Kosovë. KFOR-i ka rritur numrin dhe kohëzgjatjen e patrullimeve rutinë në mbarë Kosovën, përfshirë në veri të Kosovë”, thuhet në deklaratën e misionit të KFOR-it.

Disa media lokale në Kosovë kanë pubikuar fotografi të ushtarëve të KFOR-it, të pranishëm në rrugën kryesore në Jarinjë dhe në rrugë alternative.

Rrugët drejt vendkalimeve kufitare në Jarinjë dhe Bërnjak janë bllokuar nga serbë lokalë me kamionë e mjete të tjera të rënda në shenjë proteste ndaj vendimit për reciprocitet lidhur me targat e automjeteve.

Rama: Serbia duhet t’i ndalojë manovrat teatrale ushtarake

Kryeministri i Shqipërisë, Edi Rama në një vizitë në Kosovë të hënën e ka dënuar sjelljen e Serbisë karshi vendimit të Qeverisë së Kosovës për reciprocitet lidhur me targat.

Rama pas takimit me kryeministrin e Kosovës, Albin Kurti tha se qëndrimi i Shqipërisë është i qartë karshi problemit në dy vendkalime kufitare Kosovë-Serbi.

“Sot jemi dëshmitarë të manovrave teatrale ushtarake të Serbisë në kufirin me shtetin sovran të Kosovës. Ato manovra nuk mbrojnë qytetarët serbë në veriun e Kosovës, siç pretendohet nga udhëheqja e Beogradit zyrtar”, tha Rama.

Këtë koment ai e ka bërë pas raportimeve së ditëve të fundit aeroplanë ushtarakë të Serbisë kanë fluturuar afër pikë kalimeve. Mediat në Serbi kanë raportuar për lëvizje të ushtarëve dhe mjeteve tjera ushtarake në drejtim të kufirit me Kosovën.

Kryeministri shqiptar po ashtu ka dënuar incidentet e djegieve të qendrave të regjistrimit të veturave në veri të Kosovës.

Edi Rama ka thënë se qytetarët serbë në Kosovë nuk kanë nevojë të mbrohen pasi jetojnë të sigurt.

“Qytetarët serbë në Kosovë jetojnë të pakërcënuar nga askush. Madje iu paguhen edhe faturat e energjisë elektrike nga qeveria e këtij shteti këtu si askujt askund, jo vetëm në Ballkan, por edhe në botë”, u shpreh Rama.

Rama po ashtu ka thënë se problematika e tanishme mund të zgjidhet “vetëm me dialog”.

“E drejta këtu është me Kosovën dhe pikë. Serbia nuk ka asnjë drejtë t’i kthejë targat në një përditshmëri konfliktuale ku mizën po e bën buall a thua se Qeveria e Kosovës ka paralajmëruar ndonjë luftë”, tha Rama.

Ai i bëri thirrje edhe Kosovës që të mos krijojë probleme me miqtë ndërkombëtarë përmes mbajtjes së njësive speciale të Policisë së Kosovës në kufi.

“Duhet bërë kujdes që çuarja e njësive speciale në atë zonë, nga nevoja për t’u siguruar se nuk cenohet siguria dhe rendi publik, në momentin e shtrirjes së problemit, mos të kthehet në një problem mes vet Kosovës dhe miqve e partnerëve ndërkombëtarë”, tha Rama.

Kryeministri i Kosovës, Albin Kurti e ka arsyetuar prezencën e njësive speciale në vendkalimet kufitare.

“Njësia Speciale e Policisë së Kosovës nuk ndodhet aty për të demonstruar një forcë por për t’i mbrojtur pikat kufitare dhe policët tanë kufitarë”, tha ai.

Vuçiq: S’lejojmë poshtërimin e Serbisë

Presidenti i Serbisë, Aleksandar Vuçiq tha të hënën, më 27 shtator, se nuk do të lejojë “poshtërimin e Serbisë“. Ai u takua me ambasadorët e vendeve të Quint-it, që kërkuan “shtensionimin e krizës” në veri të Kosovës, thuhet në një komunikatë të lëshuar nga kabineti i Vuçiqit.

“Ne jemi të përkushtuar për ruajtjen e paqes dhe respektimin e Marrëveshjes së Brukselit, por në asnjë mënyrë nuk do të lejojmë poshtërimin e Serbisë apo të qytetarëve të saj”, citohet të ketë thënë Vuçiq gjatë takimit me ambasadorët e SHBA-së, Britanisë, Francës, Italisë dhe Gjermanisë, si dhe me shefin e Delegacionit të BE-së në Beograd.

Ndërkaq, kryeministrja e Serbisë, Ana Bërnabiq, tha se Bashkimi Evropian, në këtë moment, “nuk po bën asgjë, ose po bën fare pak” në lidhje me situatën në Kosovë.

“Nuk kam asgjë të mirë për të thënë për sjelljen e Evropës, për sjelljen e BE-së. Unë mendoj se Marrëveshja e Brukselit është çështje e BE-së. Nënshkrimi i saj ndodhet në Marrëveshjen e Brukselit”, tha Bërnabiq për televizionin serb Pink.

Protestat në Jarinjë dhe Bërnjak filluan pasi Prishtina vendosi që të gjitha automjetet me targa serbe, që hyjnë në Kosovë, duhet t’i heqin targat dhe të vendosin targa të përkohshme të lëshuara nga autoritetet e Kosovës. Prishtina ka thënë se një gjë e tillë praktikohet për vite me radhë nga Beogradi.

Sipas të dhënave të Ministrisë së Punëve të Brendshme nga 20 deri më 26 shtator janë administruar 10 110 targa të përkohshme për automjetet me targa të Serbisë.

Ndërkaq, Dogana e Kosovës ka bërë të ditur për Radion Evropa e Lirë se gjatë periudhës 20-24 shtator, nga Serbia janë importuar mallra në vlerë prej 3.9 milionë euro.

Pesë ditë para vendosjes së masës së reciprocitetit, përkatësisht nga 15 deri më 19 shtator, ishin importuar mallra në vlerë prej 4.9 milionë eurosh.

Dy incidente në veri

Ditëve të fundit, aeroplanë ushtarakë të Serbisë kanë fluturuar afër pikëkalimeve kufitare. Mediat në Serbi kanë raportuar për lëvizje të ushtarëve dhe mjeteve tjera ushtarake në drejtim të kufirit me Kosovën.

Të shtunën, më 25 shtator, dy incidente janë shënuar në dy komuna në veri të Kosovës. Në Zubin Potok është djegur Qendra për Regjistrimin e Automjeteve, ndërkaq në Zveçan është sulmuar Qendra e Regjistrimit Civil. Kosova ka fajësuar Serbinë se qëndron prapa këtyre dy incidenteve.

Deri më tani, nga Qeveria e Kosovës kanë thënë se nuk do të zmbrapsen nga vendimi për reciprocitet, ndërsa në Beograd kanë kërkuar që forcat speciale të Policisë së Kosovës të largohen nga pikat kufitare si kusht për të nisur dialogun mes dy shteteve.

Kryeministri i Kosovës, Albin Kurti, të dielën, më 26 shtator, priti në takim liderët e partive opozitare, ku u diskutua për situatën në veri të vendit.

Krerët opozitarë Memli Krasniqi dhe Lumir Abdixhiku, sipas njoftimit të qeverisë, shprehën mbështetjen për sundimin e ligjit në mbarë territorin e Kosovës dhe për mbrojtjen e kufijve të shtetit të Kosovës.

SHBA: Po punojmë drejt shtensionimit të situatës

Ndërkohë, të dielën, një zëdhënës i Departamentit amerikan të Shtetit ka thënë për Radion Evropa e Lirë se po punojnë bashkërisht me Bashkimin Evropian dhe NATO-n lidhur me këtë situatë.

“SHBA-ja po punon me Bashkimin Evropian, NATO-n dhe qeveritë e Kosovës dhe Serbisë për të ndërmarrë hapa të menjëhershëm në shtensionimin e situatës dhe për të shmangur veprimet që rrisin tensionet, që vënë në rrezik përparimin e arritur në kuadër të dialogut të ndërmjetësuar nga BE-ja dhe ndikojnë negativisht në jetën e përditshme të qytetarëve”, tha zëdhënësi i DASH-it.

SHBA-ja tha se në takimet e ftuara nga Brukseli, që do të mbahen gjatë ditëve në vijim, do të marrë pjesë edhe Zëvendësndimës sekretari amerikan i Shtetit për Çështje të Evropës dhe Euroazisë, Gabriel Escobar.

NATO-ja kërkon që palët t’i kthehen dialogut

Sekretari i Përgjithshëm i Aleancës Veri-atlantike, NATO, Jens Stoltenberg tha se ka kërkuar nga kryeministri i Kosovës, Albin Kurti dhe presidenti i Serbisë, Aleksandar Vuçiq që të ulin tensionet në veri të Kosovës.

“Kam biseduar me kryeministrin e Kosovës, Albin Kurti dhe presidentin e Serbisë, Aleksandar Vuçiq lidhur me nevojën për shtensionimin e situatës në veri të Kosovës. Është vitale që Prishtina dhe Beogradi të tregojnë përmbajtje dhe t’i kthehen dialogut. Mandati i misionit të NATO-s, KFOR-it mbetet që të sigurohet që të ketë ambient të sigurt dhe liri të lëvizjes për të gjithë”, ka shkruar në Twitter, Stoltenberg.

Edhe Ambasadori i Gjermanisë në Kosovë, Jörn Rohde u ka bërë thirrje Kosovës dhe Serbisë që të ulin tensionet dhe të gjejnë zgjidhje përmes dialogut.

“Situata në veri duhet të shtensionohet. I bëj thirrja të dyja palëve që të flasin me njëra-tjetrën dhe jo për njëra-tjetrën. Rruga më e mirë përpara: takohuni në Bruksel dhe gjeni zgjidhje sa më shpejt që të jetë e mundur”, ka shkruar ai në Twitter.

Çështja e targave është e rregulluar me Marrëveshjen e Brukselit për lëvizjen e lirë, në kuadër të dialogut ndërmjet Kosovës dhe Serbisë, ku ishte përcaktuar që të gjithë pronarët e veturave që banojnë në Kosovë, duhet të përdorin targat ‘KS’ (Kosovë) ose ‘RKS’ (Republika e Kosovës) dhe kështu t’i hiqnin nga përdorimi targat që për serbët e Kosovës i lëshonte Ministria e Punëve të Brendshme e Serbisë.

blank

Kurti: Në takimin me Ramën nuk u përmend fare Ballkani apo Serbia (video)

Në fund të konferencës së përbashkët për shtyp, pas takimit në Prishtinë, kryeministri Albin Kurti tha para gazetarëve se do të japë një njoftim të rëndësishëm.

Ai u shpreh se gjatë takimit me kryeministrin Edi Rama, përreth një orë e gjysmë, nuk është përmendur fare fjala Ballkan apo Serbi, por vetëm Kosovë dhe Shqipëri.

“Në fund dua të jap një njoftim të rëndësishëm. Gjatë takimit tonë, rreth 1 orë e gjysmë, ku kryeministri Rama ka ardhur pothuajse me gjysmën e kabinetit të tij dhe unë thuajse me gjysmën e kabinetit, më shumë kanë biseduar ministrat tanë, se ne të dy. Për një orë e gjysmë nuk është përmendur as fjala Ballkan, as Serbi, përveç Kosovë e Shqipëri. Mos të krijohet përshtypja se ne kur takohemi flasim vetëm politikë ndërkombëtare, se kemi aq shumë punë për të bërë”, tha Kurti.

blank

Tek Xhaxhiu i ftuar kësaj here Robert Papa: Shqiptarët kombi më proamerikan në botë !Zonja Juri Kim nuk ka gradën e Ambasadores!

Tek Xhaxhiu i ftuar kësaj here Robert Papa:

Shqiptarët kombi më proamerikan në botë !

Zonja Juri Kim nuk ka gradën e Ambasadores!

Ju ftojmë ta ndiqni!

 

 

blank

Evi Kokalari: Bashës i ka mbetur vetëm vula e PD dhe Grida Duma. Firmosni thirrjen e Kuvendit

Aktivistja shqiptare në Amerikë, Evi Kokalari ka marrë fjalën në ‘Foltoren’ e ish-kryeministrit Sali Berisha.

Gjatë fjalës së saj, Kokalari është shprehur se Bashës i ka mbetur vetëm vula dhe logoja e PD-së. Ajo tha se, Basha ka emëruar deputetë njerëz si Grida Duma e disa të tjerë, të cilët janë të vetmit që i kanë mbetur.

Pjesë nga fjala e aktivistes, Evi Kokalari:

Sot pas 30 vitesh PD është marrë peng nga PS-ja dhe ne nuk kemi opozitë. Unë jam shumë dakord që Basha të jetë ish-kryetar i PD-së.

Problemi është se Basha nuk ka mundur të ketë bazën me vete. Nëse Basha do të shkonte në një nga qytetet shqiptare për të mbledhur bazën e PD-së, nuk do të mblidheshin më shumë se 5 veta. Unë shikoj se kudo që shkon Sali Berisha, ka një bazë shumë të fortë, e kjo është ajo që do e shpëtojë PD.

Sali Berisha ka një detyrë shumë të rëndësishme që të rindërtojë PD-në me parimet e Partisë Republikane në SHBA.

Po përfitoj nga rasti që të fus pikëpamjet e Partisë Republikane amerikane në PD. Duhen parë ndryshimet mes PD dhe PS, dhe ndryshimet janë të mëdha.

Fushatat primare është gjëja më e rëndësishme në një parti. Jam habitur se si Lulzim Basha kishte fuqinë të vendoste si kandidate për deputete Grida Dumën dhe ndonjë tjetër, se veç ata e mbrojnë.

Bashës aktualisht i ka ngelur vetëm vula dhe logoja e PD. E vetmja gjë që duhet bërë tani dhe Sali Berisha duhet të ua thotë është që kush ka të drejtën e votës të shkojë e të firmosë formularët për të thirrur kuvendin.

Do të mbledhin më shumë firma se sa duhen. Ndihëm e shqiptarëve të SHBA do ta keni, ndihmën e republikanëve Amerikanë do e keni. Sapo të kemi kryetarin e ri të PD-së do të nisim një punë intensive për të punuar shumë afër me Partinë Republikane të SHBA.

blank

VIDEO VIRALE- SYRI TV- Tensionet, Serbia drejton armët nga Kosova

Serbia rreshton ushtrinë e saj pranë kufirit me Kosovën.

Tensionet e ditëve të fundit lidhur me reciprocitetin për targat, bënë që forcat e armatosura të këtij shteti të vendosen në gatishmëri të lartë për luftim. Ato janë të vendosura në Rashkë dhe Novi Pazar.

Serbia pretendon se me këtë po dërgon një mesazh të qartë për palën tjetër.

Ndërkohë një video e SYRI TV, e cila tregon se si xhandarmëria serbe i ka drejtuar pushkët për nga Kosova, u bë virale në rrjetet sociale. Nga ana tjetër, forcat speciale të Kosovës janë në gatishmëri të lartë.

Ajo tregon edhe njëherë se sa e rënduar është situata, ndërkohë që retorika është ndezur në maksimum.

blank

VIDEO- Arifi: E kemi mirëpritur vendimin e Kurtit për reciprocitetin, u forcua shtet-ndërtimi i Kosovës

Kryetari i Alternativës për Ndryshim në Luginën e Preshevës, Shqiprim Arifi, në një intervistë për moderatoren Armela Ferko, për Syri Tv, foli për reciprocitetin e targave që Kosova ka vendosur ndaj Serbisë.

Arifi thekson se vendimi është mirëpritur nga shqitarët që jetojnë në Luginë, pasi qytetarët mendojnë se kështu forcohet shtet-ndërtimi i Kosovës.

Ne e kemi mirëpritur vendimin e marrë nga Albin Kurti. Ky vendim forcon shtet-ndërtimin e Kosovës. Të gjithë shqiptarët janë të kënaqur me këtë vendim, madje thonë se është vendim i vonuar.

Reciprociteti duhet edhe në nivel kombëtar. Serbët në veriun e Kosovës e përdorin flamurin e Serbisë, ndërsa shqiptarët në Luginën e Preshevës nuk e përdorin flamurin shqiptar.

Serbia, duke mos pasur reciprocitetin, ka forcuar pozitën e serbëve në Kosovë. Vendimi është brenda kornizës së mbrojtjes së autoritetit të shtetit të Kosovës dhe reciprociteti duhet të zgjerohet e nuk duhet të ketë kthim mbrapa. Institucionet tona vetë duhet të forcohen.

Fatkeqësisht Tirana e Prishtina vazhdojnë të kenë politikë të pakoordinuar për reciprocitetin, por duhet ta kishin të përbashkët, sepse vlen për të forcuar autoritetet tona’, deklaroi Arifi.

blank

Arkiv: Ish-Kongresmeni Joe DioGuardi interviston Pjetër Arbnorin, kryetarin e Parlamentit të Shqipërisë

 

Intervistë e ish-Kongresmenit Joe DioGuardi me Kryetarin e Parlamentit të Shqipërisë Pjetër Arbnori.

Z.Joe Dioguardi kishte shkruar ne Shqipëri i shoqëruar me një delegacion kongresual përfaqësues i tre komiteteve të Kongresit për të mbledhur fakte dhe për të ndihmuar Shqipërinë të bëhet anëtare e Aleancës Verio-Atlantike. Është vitit 1993. Më poshtë po ju sjellim intervistën e plotë:

blank

Sopranoja me famë botërore Inva Mula: Në atë Gala mungonin Edit Mihali, Zana Turku, Lili Cingu, Marjana Leka, Xhovana Doko etj.

Intervistat e Inva Mulës janë ngjarje për jetën artistike.

Ajo është gjithmonë primadona, jo vetëm si soprano me famë botërore, por edhe sepse me zërin e saj ajo shqipton të vërtetat për të cilat shumë artistë të tjerë heshtin.

Inva Mula është artiste e madhe dhe indipendente.

Intervista sot tek Tiranapost ka marrë shkas për një scoop skandal të drejtuesave të Teatrit të Operas dhe Baletit të cilët në mbrëmjen gala organizuar me rastin e 65 vjetorit dhe rinkonstruksionit të TOB nuk e ftuan  në skenë sopranon, dhe jo vetëm kaq, në atë skenë mungonin edhe plot emra të tjerë të rëndësishëm për Teatrin e Operas dhe Baletit.

Në këtë gala ishte i ftuar i madhi Placido Domingo, emri i të cilit kishte direkt lidhje me sopranon, sepse Inva Mula është artistja e parë shqiptare që fitoi konkursin e Pacido Domingo në Paris.

Në këtë intervistë Inva thotë se i erdhi shumë keq që në këtë gala as si imazh nuk u shfaqën prindërit e saj, artistët Nina Mula dhe Anvi Mula.

Por asaj i vjen keq që aty mungonin edhe plot artistë të tjerë, që kishin dhënë jetën për artin, sepse thotë Inva Artistët japin jetën për artin.

“Unë isha e ftuar si spektatore, por unë nuk mund të isha spektatore, unë mund të isha edhe 99 vjeç dhe nuk mund të isha spektatore”, thotë Inva Mula.

Pastaj ajo shton: “Ne nuk kemi të drejtë që të harrojmë Artistët.

Në atë Gala mungonin Edit Mihali, Zana Turku, Lili Cingu, Marjana Leka, Xhovana Doko etj.

Problemi në Shqipëri është se ne në Shqipëri nuk kemi memorie.

Në 65 vjetorin e këtij teatri të gjithë Artistët kanë kontributin e tyre, secili nga një tullë.

Shumë artistë shqiptarë janë larguar nga kjo botë shumë të varfër. Për këta Artistë nuk pati as një homazh..

Ne nuk duhet të heshim, për gjëra të rëndësishme ne nuk duhet të heshtim…”

Më poshtë po e sjellim intervistën e plotë:

 

blank

blank

blank

VIDEO nga SYRI TV- Braçe akuza qeverisë: Skemat për fshatin kanë dështuar

Ish-zv. kryeministri Erion Braçe ka zgjedhur të bëjë opozitën e qeverisë Rama, duke e kritikuar për politiken fiskale në sektorin e Bujqësisë. Braçe ka deklaruar se keqqeverisja dhe taksimi jo i duhur ka zhytur këtë sektor në krizë e për pasojë ka larguar krahun e punës e ka mbyllur ferma bujqësore.

Nga SYRI TV

Vetëm një ditë pasi boshatisi zyrën e tij në kryeministri, ish-zv. kryeministri Erion Braçe ka marrë rolin e opozitarit ndaj qeverisë së Edi Ramës.

Sot, me anë të një statusi, Braçe ka lëshuar akuza ndaj qeverisë, ku për vite ishte numri 2, se ka lënë në harresë sektorët jetikë duke thelluar hendekun e varfërisë për shqiptarët. Ai ka shigjetuar Kryeministri Rama për deklaratat e tij se s’ka krah pune, duke publikuar të dhëna për numrin e punëtorëve të larguar.

‘S’kemi punetore!

S’kemi punetore!

Po humbim punetore ne fakt!

A e mbani mend 2018-ten?

Koha kur nje politike fiskale vrau punen e qindra mije bujqeve!

Duhet ndryshim tani qe te mos humbim punetoret e rinj te bujqesise e blegtorise!

Në bujqësi në gjashtë muajt e fundit kemi humbur 29.000 punëtorë.

Rroga e referuar nga INSTAT aty është vetëm 35. 580 lekë’, shkruan Braçe në Facebook.

Më tej ish-zv. Kryeministri Braçe ka bërë edhe një pasqyrë të gjendjes aktuale të sektorit të bujqësisë, duke dhënë shifrat se si politikat fiskale e kanë shkatërruar këtë sektor.

Madje, nëpërmjet të shifrave Braçe ka nxjerrë se si superprodhimi I rajonit ka dëmtuar fermerët vendas, kjo një paralajmërim për rritjen e pasojave me zbatimin e projektit të Open ballkan, ku prodhimi i rajonit nuk do të ketë më asnjë barrierë doganore.

‘Kemi humbur 100.000 krerë nga 2018, 54. 000 vetëm lopë sepse skema nuk favorizon përpunimin e prodhimit vendas të prodhuesve të qumështit; Kemi humbur 300. 000 krerë të leshta, sepse skema nuk favorizon përpunimin e prodhimit vendas të prodhuesve të qumështit e të mishit prej tyre; kemi humbur 23.000 tonë qumësht, 7. 000 tonë grurë për të njëjtën arsye:

Nuk humbin para te sjellin qumeshtin nga Maqedonia, Kosova, Bosnja, Serbia, nuk humbin para te sjellin mishin nga Argjentina, Brazili, nuk humbin para te sjellin ullirin nga Greqia, te sjellin perime per konservim nga cilido vend i botes;

TVSH ka rregjimin 20 me 20% ne rastet e importit te lendes se pare per perpunim!’, vazhdon Erion Braçe me shënimin e tij në rrjetet sociale.

Duke shmangur angazhimin e qeverisë, ku nuk është më pjesë, Erion Braçe ka theksuar se ardhja në ndihmë të fshatit me politika të reja fiskale është një detyrë e Partisë Socialiste.

blank

VIDEO LIVE- Pritje madhështore në Fier, mijëra qytetarë presin Sali Berishën

Ish-kryeministri Sali Berisha ka mbërritur në Fier, ku do të takohet me anëtarësinë e PD-së.

Ai është pritur nga qindra qytetarë që në Lushnje që e kanë shoqëruar deri në Fier.

Në këtë qytet ishin mbledhur mijëra qytetarë si jashtë dhe brenda sallës.

Sali Berisha është pritur nga kreu i PD-së së Fierit, Luan Baçi ai i cili e ka shoqëruar në ambientet e brendshme.

blank

VIDEO – Shqipëria po plaket dhe varfërohet, shtesa natyrore më e ulëta në rajon

Emigracioni nga varfëria, ulja e lindshmërisë dhe numri i lartë i vdekjeve, pritet të shkrijnë popullsinë shqiptare me 25% deri në vitin 2050. Në vendin tonë, lindjet kanë shënuar pikën më të ulët që prej 60 vitesh.  Nga ana tjetër 80% e emigrantëve shqiptarë janë në moshë vitale duke thelluar më tej fenomenin e ‘ikjes së trurit’.

Nga SYRI TV

Shqipëria pritet të humbasë 25% të popullsisë deri në vitin 2050, pasi politika e 30 viteve të fundit nuk ka mundur ta ndalë emigracionin dhe uljen e lindshmërisë, referuar të dhënave të Eurostat. Popullsia e vendit po tkurret me ritme më të shpejta se parashikimet, si rrjedhojë e rënies së lindshmërisë, por edhe emigracionit. Nga viti 1990, kurba demografike ka pësuar tkurrje, madje më të mëdha se projeksionet e bëra nga organizmat kombëtarë dhe ndërkombëtarë.

Nga viti 1989 deri më 2020, grupmosha 15-29 vjeç ka pësuar rënie me 30%, kjo pasi emigrimi i tyre ka qenë në nivele të larta, duke u pasuar ndjeshëm edhe me norma negative lindshmërie nga viti në vit. Në Shqipëri lindjet kanë shënuar pikën më të ulët që prej 60 vitesh, duke rënë në 1.37 fëmijë për një grua në moshë riprodhuese, nga 2.1 që është kufiri i nevojshëm për ruajtjen e popullsisë dhe kjo situatë është e lidhur ngushtësisht me emigracionin dhe faktorë të tjerë ekonomik të brendshëm.

Sipas të dhënave të Eurostat, nga viti 2010 deri në vitin 2019 kanë aplikuar për azil në vendet e BE-së, 219 mijë shqiptarë, 80% e të cilëve të moshës nën 34 vjeç. Arsyet e dhëna nga ta, në sondazhe lidhen me papunësinë dhe mungesën e shpresës. Emigracioni në nivele të larta i njerëzve të arsimuar nga vendi do të varfërojë ekonominë shqiptare dhe gjithashtu ndikon negativisht në rritjen e qëndrueshme dhe afatgjatë të vendit.

Shqipëria renditet e para edhe për numrin e studentëve që ndjekin arsimin jashtë vendit, me përkatësisht 18,181 studentë, e ndjekur nga Serbia me 15,749 studentë. Një factor më shumë ky ër të kuptuar se popullsia shqiptare po shkon drej plakjes me largimin e të rinjvë në moshë vitale. Ekspertët analizuan se ikja e trurit sjell një rënie ekonomike duke ulur edhe më shumë mirëqenien e kombeve më të varfra. Ky fenomen shkakton probleme komplekse shoqërore që e lënë vendin të pazhvilluar nga ana intelektuale dhe teknologjike, si dhe thellon edhe më shumë hendekun midis vendeve të zhvilluara dhe atyre në zhvillim.

Krahas emigracionit dhe ikjes së trurit, Shqipëria është goditur në humbje njerëzore edhe prej situatës me pandeminë. Një raport i Komisionit Europian njoftoi se Shqipëria kishte shtesën e vdekjeve në vitin 2020 më të lartën në Europë, si pasojë e përhapjes së Covid-19.

Sipas të dhënave kombëtare nga INSTAT në total, në vitin 2020-n, humbën jetën 27,605 persona, me një rritje prej rreth 26% në raport me vitin e mëparshëm, ose rreth 5,700 persona më shumë.


blank
blank
blank
blank
blank
blank
blank
blank
blank
blank
blank
blank
Send this to a friend