Autori i ktij libri poetik, Hasan Korbi, kushtuar valltarit brilant, atdhetarit të dëshmuar dhe misionarit veteran të arsimit, Sadik Maxharraj-Baca, u lind më 8 shkurt të vitit 1958 në Kavajë. Ka kryer studimet në Gjuhë dhe Letërsi Shqipe. Jeton dhe vepron në qytetin e Kavajës, në Shqipëri. Shkrimtari dhe studjuesi Hasan Korbi, ka botuar 23 libra, të zhanreve të ndryshme, prej të cilave 9 vëllime poetike, 8 libra historike, 3 monografi, 1 autobiografi dhe 2 romane.

     Ndër botimet e Hasan Korbit veçojmë: “Almanaku i Shtëpisë së Pionierit ( poezi), “ Sërish një ditë do të kthehesh “ ( poezi), “Vargje ujvarë ” ( poezi), “Gjurmë në përjetësi” ( poezi ), “ Shkolla ime mësuesi im” ( histori), “ Gjeneza e nënës sime” ( histori), “ Ecje në rrugën e traditës” ( histori), “ Portret patrioti” ( monografi), “ Gjatë në kujtesë” ( monografi ), “ Jeta ime” ( autobiografi), “ Zemër e dhimbur”  (roman), “Plaga e një nëne” ( roman), etj.

Vëllimi poetik” Për Ty vargjet kuq e zi…” i tejkalon kufijtë e Shqipërisë dhe depërton në Kosovë, në një pjesë të gjeografisë së copëtuar shqiptare. Në këtë poezi, me një theks të veçantë, autori i këndon, në variante të ndryshme, personazhit kryesor të këtij libri, valltarit, atdhetarit dhe misionarit të arsimit shqip Sadik Maxharrajt, Bacës.

“ Me plisin e bardhë borë,

Veshur kuq e zi…”

Me duart e pëllëmbët shpërndarë,

Statujë e derdhur në natyrë

Baca Maxharrë!!!

Janë këto vargje të mrekullueshme që i paraprijnë fillimit të këtij libri, që mund të konsiderohet, padyshim, libër i një rëndësie të veçantë letrare, këtu te ne, në Kosovë.

Vëllimi poetik “ Për Ty vargjet kuq e zi… “ hapet me poezinë “ Brezave do t’ua lë…”, e cila është një poezi e realizuar artistikisht dhe përkushtuese, për të ardhmen e brezave të rinj, për një të ardhme të ndritur.

“Të kërcejmë vallën, këngën ta këndojmë” është vargu më i fuqishëm me një porosi të qartë, një porosi kjo që Baca ua lë fëmijëve të tij, por edhe gjeneratave të reja.

E kuqja dhe e zeza është ngjyra Shqipëri.”

Kudo mbjellë trimëri…” ( Kosova ime)

Kosovar i nënës Shqipëri.” ( Njësh me vallen)

Poeti Korbi, në anën tjetër, personazhin e tij e sheh si vlerë të madhe të Istogut, Kosovës dhe të Shqiptarisë, por edhe të vallës dhe krenarisë:

Lart tundë shaminë, lartësia nuk ka mbarim.” ( Krenaria jonë)

Baca Maxharr, ti je vlerë e vallës, krenaria jonë.”

Një shpirt i madh i punës me plot verë…” ( Për Ty Bacë)

Baca në vendlindjen e tij, por edhe në komunën e Istogut, njihet edhe si historian, (anëtar i kryesisë të Shoqatës së Historianëve “Ali Hadri”, dega në Istog), andaj disa poezi lidhen edhe me veprimtarinë e tij historike. Personazhi i këtij vëllimi poetik, Sadik Maxharraj- Baca, prehje dhe kënaqësi të veçantë gjen gjatë vizitave të monumenteve të ndryshme historike, si në Kosovë, Shqipëri dhe Maqedoni, pra aty ku valojnë lirshëm flamujt kuq e zi.

Në këtë aspekt, Baca shpeshherë afër këtyre monumenteve historike qëndron krenar, në Prizren, Krujë, Lezhë, Vlorë, dhe gjetkë. Andaj, me kënaqësi të thellë shpirtërore poeti Korbi shkruan edhe poezinë me titull “ Bacë, Ti në Prizren”, e cila del edhe mjaft e arrirë në pikëpamje artistike.

Putha me plot mall flamurin shqiptar…”

Dhe pas gjithë kësaj poeti Korbi i kthehet prapë Istogut të lashtë, vendlindjes së Dr. Ibrahim Rugovës, bukurive natyrore të këtij qyteti të paqes, ku shprehet edhe lumturia dhe krenaria e tij poetike.

Me flladin tënd…

I lumtur ndjehem … Istog të dua.” ( Istog.)

Atdhetarizmi zë një vend të veçantë në këtë vëllim poetik. Autori i librit Bacën e vlerëson si atdhetar të madh, i cili qëndroi i pathyeshëm në erëra të ndryshme, që frynë gjatë kohërave të ndryshme historike, por edhe si pishtar i lirisë së vendit, kundër pushtuesit serb.

Më je i dashur sa ma s’ka… “

Në këtë vëllim poetik kemi edhe shumë poezi të tjera të nivelit të lartë artistik , si: “Portreti yt”, “ Ti njeriu… Bacë…”, “ Kur e di se jam shqiptar”, “ Me krah shqiponjë”, “ Flijohet”, etj,

Te poezia “ Portreti yt” poeti Korbi përshkruan, pos realitetit të pamjes së personazhit, të cilin për herë të parë fizikisht e ka parë një ditë para promovimit të këtij libri në Istog, edhe për qëndresën e tij, duke e krahasuar atë me “ trupin lis të gjatë shekullor”, që është edhe një krahasim shumë i fuqishëm:

Me emrin Kosovar…” ( Portreti yt)

Ose:

Vishësh Ti kombëtaresh .

Kërcimi yt nuk ndalet. ( Po aty)

Libri mbyllet me poezinë “ Lexoj në foto…” . Poezia është përmbledhëse dhe trajton përmes fotografive pjesëmarrjen e Bacës në festival dhe simpoziume shkencore, të mbajtura viteve të fundit në Prizren, Krujë, Vlorë , Lezhë, Elbasan, etj.:

Zëri të buçet me zjarr zemre, për Ty o Atdhetar… ( Lexoj në foto)