VOAL

VOAL

Copyright © 2022

VOAL

Unioni i Gazetarëve Shqiptarë Profesionistë të Diasporës: Fuqia e gazetarëve është e vërteta jo shantazhi e gjobat

March 24, 2023
Unioni i Gazetarëve Shqiptarë Profesionistë të Diasporës (UGSHPD) e mbështet Deklaratën e Këshillit Shqiptar të Medias (KSHM) mbi skandalin e audiopërgjimit ku gazetari shpreh qartë shkelje te rënda të deontologjisë së profesionit.
Kërkojmë që, mbi çka ka ndodhur, të reagojë Urdhëri e shoqatat e gazetarëve Profesionistë në Shqipëri, me masa e akte konkrete.
Misioni i gazetarit është shërbim ndaj publikut dhe fuqia e katërt e një shteti. Por fuqia e gazetarëve është e vërteta jo shantazhi e gjobat.
Kërcënime të tilla bën veç mafia!
E nëse çka dëgjuam në audiopërgjime vërtetohet, kjo merr veç një emër: mafia e medias!
Shantazhi, atje ku sundon mafia, është dukuria që rregullon përditshmërinë dhe perspektivën e xhunglës që ajo ka ndërtuar, në anarshi dhe kaos të plotë, në të gjitha hallkat e jetës në Shqipëri.
Prandaj ne nuk e shikojmë si një rast të shkëputur, por jemi shumë të shqetësuar që kjo dukuri e ka kapluar edhe median. Jemi të shqetësuar edhe nga që rastet nuk hetohen e nuk marrin dënimin e merituar.
Gazetari profesionist nuk ndjehet kurrë i pushtetshëm dhe bën krejt të kundërt e kësaj që dëshmohet në këtë ngjarje.
Si e sheh Komisioni i Medias në Kuvendin Popullor këtë zhvillim? Si e ndjek qeveria dhe zëdhënësit e saj për median zbulimin e kësaj ngjarje në një kohë kur ata janë shumë të ndjeshëm ndaj kritikave dhe lirisë së fjalës dhe asnjëherë nuk ngurojnë të ndëshkojnë me ashpërsi dhe riedukim gazetarët këmbëngulës për të vërtetën në misionin e tyre.
Heshtja e gjatë dhe harresa tregojnë ortakësi dhe shprehin kërcënimin me frikë të këtij pushteti për të patur nënvete një media të ndrojtur.
Një sjellje e tillë njollos punën e çdo gazetari të ndershëm.
  • twitter
  • facebook
  • linkedin
Fjalë kyçe: , , ,

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend