Në shumicën e vendeve të Ballkanit, shumica e turqve votuan kundër presidentit turk, Recep Tayyip Erdogan.

Kështu raporton agjencia Balkan Insight.

Shtetasit turq në Mal të Zi, Bullgari, Maqedoninë e Veriut, Shqipëri, Greqi, Rumani dhe Serbi votuan në shumicë për Kemal Kilicdaroglu të opozitës.

Por në Bosnje dhe Kosovë, qytetarët turq vazhduan të mbështesin presidentin turk, Erdogan.

Kështu, në Shqipëri, 62.58 përqind e turqve votuan për Kilicdaroglu, kurse 32.48 përqind votuan për Erdogan. Në Kosovë nga ana tjetër, 48.7 përqind votuan për Erdogan dhe 42.8 përqind për Kilicdaroglu.

Edhe për zgjedhjet parlamentare, turqit në Shqipëri votuan për opozitën me 52.7 përqind.

Në total të dielën, Erdogan mori 49.5 përqind të votave, kurse Kilicdaroglu mori 44.8 përqind. Zgjedhjet do shkojnë në balotazh. syri.net