Tashmë disa nga mbështetësit e tij janë rrugës për në Uashington

Ish-presidenti i SHBA-së do të dalë para një gjykatësi federal me akuzat për përpjekje për të përmbysur rezultatin e zgjedhjeve të vitit 2020

VOAL- Donald Trump del sot, të enjten, në gjykatën në Uashington pasi u akuzua për tentativë për të përmbysur rezultatet e zgjedhjeve të vitit 2020. Disa orë para paraqitjes, ish-presidenti amerikan denoncoi një “instrumentalizim të paprecedentë të drejtësisë” ndaj tij.

Eksponenti republikan – i cili synon të kthehet në Shtëpinë e Bardhë dhe që deri tani shfaqet i fortë në kryesimin në sondazhet për zgjedhjet paraprake të partisë së tij – gjithashtu shkroi në rrjetin e tij social “Truth” se rivali i tij demokrat dhe presidenti aktual Joe Biden është në origjinë të këtij procesi të ri ligjor. “Demokratët duan të bëjnë fushatë kundër meje, përndryshe nuk do t’i drejtoheshin këtij manipulimi të paprecedentë të sistemit të drejtësisë,” tha ai.

Aktakuza kundër tij është publikuar të martën dhe ka 45 faqe. Ai i referohet një “skeme kriminale”, duke e akuzuar atë për minimin e themeleve të demokracisë amerikane, duke tentuar të ndryshojë procesin e numërimit të rezultateve të zgjedhjeve. Akuza shumë të rënda, të paprecedentë, por edhe shumë të vështira për t’u provuar.

Këto fakte kanë të bëjnë me kohën e Trump në Shtëpinë e Bardhë, në krahasim me dy çështjet e tjera penale të ngritura kundër tij këtë vit: një për mashtrim kontabël në lidhje me pagesën e një ylli porno, heshtjen e të cilit ai donte të blinte për marrëdhënien që kishte me gruaja, tjetri për cenim të sigurisë kombëtare duke mbajtur dokumente të klasifikuara në vilën e tij luksoze në Mar-A-Lago në Florida. Ato kanë të bëjnë përkatësisht me periudhën para dhe pas mandatit të tij presidencial.

Gjykata ku ai do të duhet të paraqitet ndodhet pak hapa larg Kapitolit, selia e Kongresit, e sulmuar më 6 janar 2021 nga qindra mbështetës të Donald Trump, të cilët vendosin të pengojnë certifikimin e fitores së Joe Biden.rsi-eb