Eurodeputeti italian, Maurizio Casasco, njëherazi deputet i Forca Italia, ka mbajtur fjalën e tij në takimin e Partisë Demokratike, me diasporën shqiptare italiane në Breshia.

Gjatë fjalës së tij, Maurizio Casasco theksoi se drejtësia s’mund të jetë një mjet ndëshkimi, duke iu referuar rastit të liderit të opozitës, Sali Berisha.

Gjithashtu Casasco u ndal te historiku i marrëdhënieve miqësore mes Partisë Demokratike dhe Forca Italia që në kohën e Silvio Berliskonit dhe deri te Antonio Tajani, që sipas tij me Sali Berishën kanë një miqësi personale dhe politike.

Casasco: Drejtësia nuk mund të jetë kurrë një mjet ndëshkimi por sot Sali Berisha është sërish i lirë.

Sot ecën krenar krah popullit të tij, krah jush dhe ky është motivi sot, për të mbrojtur lirinë, për të mbrojtur demokracinë.

Nën udhëheqjen e Silvio Berluskonit, Forca Italia ndërtoi ura të forta bashkëpunimi me Partinë Demokratike shqiptare dhe vazhdojmë sot nën udhëheqjen e Antonio Tajanit.

Me Berishën kemi një miqësi personale dhe politike.

Ndajmë të njëjtat vlera, liria individuale, familja, tradita, dinjiteti dhe Europa si koncept i përbashkët.

Shqiptarët janë europianë që nga fillimi i tyre, që nga Gjergj Kastriot Skënderbeu që mbrojti qytetërimin evropian nga kërcënimi otoman. Papa Klementi 11 shqiptar gjithashtu. Janë toka e Nënë Terezës të Kalkutës, që me mëshirën e saj i tregoi botës forcën e dashurisë së pastër.

Është atdheu i Ismail Kadaresë…

Integrimi i Shqipërisë nuk është diçka për tu njohur por është e rrënjosur në shpirtin kulturën historinë dhe kontributin e këtij populli që i ka dhënë qytetërimit evropian. Një identitet që duhet të mbështetet dhe kurrë nuk duhet vënë në diskutim. sn