Gazetarja Klodiana Lala ishte mbrëmjen e sotme në “Studio24” teksa u fol mbi goditjen shtetërore ndaj News24 në muajin gusht, kur u mor godina e televizionit.

Lala theksoi se News24 dhe ajo vetë kanë qenë të parët që kanë denoncuar korrupsionin e zv.kryeministres Belinda Balluku, ndërsa në kompjuterin e saj që nuk e ka marrë ende, ndodhet dosja e supervizimit të Tunelit të Llogarasë.

Gazetarja shton se emisioni i saj Në Shënjestër ka konstatuar kosto të fryra për rrugën e Arbrit, si dhe për tunelin e Llogarasë apo Kardhiq-Delvinë.

Klodiana Lala: Rruga Qukës Qafë Plloçë është shembur. Vëreja se së pari nga qytetarët shqiptarë nuk kishte interes. Kishte tentativë për ta relativizuar. Në rrugën e Arbrit konstatuam kosto shumë të fryra. Vetëm në faturën e parë kishte 20 mln euro të fryra taksat tona. Ka problematika. Është një rrugë që ka arritje, por dibranët duhet të kishin një rrugë më me standarde. Kam frikë të kaloj në urën e vashës për shkak të korrupsionit, ato tunele mund të kenë probleme. Qukës-Qafë Plloçë e thoshte që ishte një projekt i bërë në ajër. Një inxhinier foli Në Shenjëstër shpjegoi se kishte një aferë korruptive.

Ajo rrugë po zhvaste mln euro, nuk plotësonte asnjë standard. Rruga është e pakalueshme, tonelata gurë kanë rënë duhet kosto shtesë për ta pastruar. Kardhiq Delvinë e njëjta skandal. Tuneli i Llogarasë 50 mln të zhvatura nga buxheti i shtetit. Pse u paracaktua, pa patur përfitim monetar? Nuk e besoj. Parë në këtë kontekst, qeverisja është bërë më arrogante. Nuk jep llogari. Ne si gazetarë nuk kemi qenë të fuqishëm për të marrë kompjuterat. Edhe sot kur më pyesin, a e ke marrë atë kompjuterin?

Nuk më besojnë. Propagandë është përpjekur për ta zhbërë rolin e gazetarit. Në gjithë ecurinë që do vijë, gazetari më i dobët kur rend drejt të vërtetës është një gjë e mirë për qytetarët. Duhet të denoncojmë, të mos vetëcensurohemi. Ka kolegë që thonë nuk dua ta publikoj këtë lajmin.