Protesta e sotme në ditën e 12-të mblodhi përsëri mijëra qytetarë shqiptarë në bulevardin para Kryeministrisë, ndërsa nisi me thirrjet për drejtësi ndaj kujtdo që kishte bërë korrupsion.

“Kushdo që ka firmosur për korrupsion, në burg”, ishte një nga apelet e hedhura nga podiumi i protestës prej aktivistes që hapi protestën.

Revolta e shqiptarëve kundër qeverisë do të vazhdojë deri në realizimin e kërkesave për largimin e qeverisë.

“Atdheu nuk shitet, Rama jep dorëheqjen. Belinda në burg”, ishin thirrjet e hedhura nga qytetarët dhe folësit.

“Edi Rama jep dorëheqjen”, “Atdheu nuk shitet”, “Rama në burg, Berisha në burg”, janë thirrjet e qytetarëve që ‘jehojnë’ në Bulevardin “Dëshmorët e Kombit”, shoqëruan ovacionet e protestuesve.

Kjo është ndër protestat më madhështorë që janë zhvilluar në vend, duke pasur një numër të lartë pjesëmarrësish.

“Belinda në burg, drejtorët e Tatimeve në burg, edhe Flamur Nokën në burg, kushdo që ka firmosur korrupsion, në burg”, ishin disa nga thirrjet e tjera të protestuesve para Kryeministrisë. Panorama

Aktori i njohur Mehdi Malkaj i është bashkuar protestës qytetare që po zhvillohet në Tiranë, ku prej ditësh mijëra qytetarë kërkojnë dorëheqjen e kryeministrit dhe ndryshime politike në vend.

Duke folur para protestuesve, Malkaj e cilësoi të veçantë atmosferën e krijuar në shesh, ndërsa tha se qytetarët e mbledhur aty janë njerëz që nuk dorëzohen.

“Jemi në bulevardin qendror, emocion i madh, jemi me ca njerëz që i kanë rënë murit me kokë dhe kanë dalë matanë”, u shpreh ai.

Më tej, aktori dha edhe një mesazh në drejtim të kryeministrit, duke deklaruar se ai nuk guxon të përballet me protestuesit.

“Jemi në një vend ku nuk ia mban kryeministrit të vije të thotë ndonjë fjalë”, tha Malkaj. gsh

Një nga qytetarët pjesëmarrës në protestë që prej ditës së parë, shprehu zemërimin e tij për atë që po ndodh dhe valën e pakënaqësisë popullore ndaj klasës politike dhe qeverisë në veçanti.

I riu që është edhe personi që filmoi dhunën e tërheqjes zvarrë të qytetarit në Zvërnec dhe gardhit me gjemba atje, deklaroi se qytetarët i kanë dhënë shuplakë pushtetit.

“Rama në burg dhe Berisha në burg. Rama duhet të japë dorëheqjen sepse prej 35 vitesh. Ata morën peng Shqipërinë. Ata e kanë shkatërruar Shqipërinë tani e 35 vjet, protestojmë për shkak të situatës politike dhe ekonomike”, tha ai për News24.

Ndërsa më tej shpjegoi edhe përfshirjen në këtë protestë.

“Kam protestuar që ditën e parë të protestës, jam personi që kam bërë edhe videon kur banori kaloi gardhin në Zvërnec dhe u tërhoq zvarrë. Është fatkeqësi dhe e papranueshme që qytetarët të tërhiqen zvarrë”, tregoi ai.

Qytetari deklaron se shuplaka që ka marrë pushteti dhe politika është e rëndësishme.

“Kjo protestë i ka dhënë shuplakë shumë të rëndësishme të gjithë klasës politike dhe atij që drejton. Patjetër që kryeministri do të dorëhiqet patjetër, mendoj se shumë shpejt do japë dorëheqjen, sepse kur populli e urren ai nuk ka pse qëndron aty në krye. Protesta jonë është paqësore, ne nuk kemi lidhje me ata që do mblidhen nesër me vullnet të imponuar dhe do ketë paqe nesër, por do doja që ata t’i bashkohen nesër protestës tonë”, përfundoi i riu.

Mbahet sot dita e 12-të e protestës mbarëkombëtare qytetare kundër qeverisë dhe kryeministrit Edi Rama pas skandalit që ndodhi në Zvërnec me projektin dhe aktet e dhunës dhe tjetërsimit të pronave.

Para nisjes së saj, një prej aktivistëve dhe organizatorëve të saj, drejtues i protestuesve, tha për Neës24 se qeveria dhe Rama do rrëzoheshin pasi gjendeshin përballë vullnetit të 6 mln shqiptarëve.

“Normalisht presim mbështetje edhe më të madhe dhe grumbullim. Meqë kjo protestë për 10 ditë eci normalisht them se protesta do rritet. Pavarësisht se pati tentativa nga hiena dhe të tjera për ta provokuar e përçarë. Rama do rrëzohet se s’bën, është vullneti i 6 milionë shqiptarëve dhe do rrëzohet. Unë nuk do jem në politikë, nuk jam politikan, por janë shqiptarët, vullneti i tyre”, tha ai mes të tjerash.

Ndërsa vuri në dukje edhe sjelljen e politikës që e cilësoi “kupolë” në 35 vite, duke shkaktuar këtë gjendje dëshpëruese social-ekonomike, ai nënvizoi se nuk është shkak vetëm qeveria, por edhe opozita, e cila herë pas here përpiqet të kapë protestën.

“Jemi kundër dyshes që ka marrë peng, nuk jemi vetëm kundër Ramës dhe Ballukut, por e gjithë kupolës. Presim të vijnë 20 mijë emigrantë nga mërgata, nga çdo qytet i botës ku ika shqiptarë. Duke mos e ditë se kush është drejtues, se do e kishin kapur për qafe këta, por duke e ditur se është vullnet popullor, nuk e dinë, nuk i kanë kapur. Ne jemi kundër kupolës së partive dhe ka pasur tentativa edhe nga elementë të opozitës, por do dalin me kalimin e kohës”, deklaroi aktivisti. 

Pas një marshimi të jashtëzakonshëm dje në Bulevard, ku morën pjesë qindra mijëra qytetarë, mbahet sot protesta e radhës, e cila ka hyrë në ditën e saj të 12.

Me thirrjet ‘Shqipëria nuk shitet’, edhe sot qytetarë do të vijojë protestën kundër qeverisë, duke kërkuar pareshtur dorëheqjen e Ramës.

Ashtu si dje, protesta do të nisë në orën 18:00.

Bien sanksionet, Lideri i opozitës Sali Berisha mund të udhëtojë drejt SHBA-ve.

Ndërkohë në mbërritjen e tij në kuvend ku u prit me duartrokitje nga deputetët e opozitës kreu demokrat tha se, ”Unë erdha”. “U krye!”.

Mijëra qytetarë shqiptarë kanë pushtuar bulevardin mbrëmjen e sotme me larmi thirrjesh e parullash, me banera e postera ku spikasnin deri ironitë ndaj qeverisë, teksa u kërkua dorëheqja e kryeministrit Edi Rama.

Ndërsa ecnin së bashku në bulevard, ‘deti’ i protestuesve nuk i mungoi as thirrjet “Arresto Belindën”, “Tepsia do kurban” apo “Rama në burg, Berisha në burg” dhe “Poshtë qeveria”.

Mijëra qytetarë shqiptarë janë mbledhur të bashkuar në ditën e 11-të të protestës kombëtare, teksa nga sheshi “Skënderbej” ku u grumbulluan në orën 18:00 vijuan më tej edhe me marshimin në bulevard dhe drejt kryeministrisë.

Kjo protestë përkon edhe me 148-vjetorit të Lidhjes së Prizrenit, ndërsa iu bashkuan edhe qindra qytetarë nga diaspora shqiptare.

Me thirrjet “Rama jep dorëheqjen”, “Rama në burg, Berisha në burg”, apo “Prizren 1878, Tiranë 2026”, ata u orientuan edhe për protestë qytetare dhe të rrinin të bashkuar.

“Ju lutem mos bini pre e provokimeve”, tha mes të tjerave një nga aktivistët.

Nuk mungonin edhe banerat, pankartat dhe parullat, si ajo me mbishkrimin “Shqipëria nuk është n shitje”, apo “Nuk i ke larë ende hesapet me studentët”, “Studentët janë këtu”, “Duam shtet e jo pushtet” dhe të tjera.

Kjo protestë ka bërë bashkë të gjithë shqiptarët të cilët protestojnë jo vetëm në Shqipëri, por edhe jashtë kufijve.

Protesta ka bërë jehonë edhe në mediat e huaja, të cilët kanë pasqyruar atë çfarë ka ndodhur në këto 11 ditë. Prestigjiozja “Reuters”, po ashtu ta transmetuar live, protestën në Tiranë.

Protesta e sotme mbahet edhe me rastin e 148-vjetorit të Lidhjes së Prizrenit.

Kryeministri Rama, pak ditë më parë, “sulmoi” influencerat duke u shprehur se “u kujtuan ani të mbrojnë Atdheun” dhe se shkojnë në protestë vetëm për like dhe views.

Kjo akuzë e Ramës ka marrë përgjigje nga influencerë të shumtë nga influencerat, ndërsa një prej tyre, Griselda Katirai, ka dalë sot në shesh me lugë dhe pirunj gjigandë, ndërsa në një dorë mban një tepsi ku janë vënë fotot e Ramës dhe Berishës.

“Me lugë të madhe! Tepsia do kurban! Ne influencerat kemi një pije të re, quhet Ramingo ik! Kjo është pija më e re!”, shprehet ajo.

Të tjera parulla dhe thirrje lidheshin edhe me patriotizmin dhe shqiptarizmin.

“Nga Çamëria në Mollë të Kuqe, jemi shqiptarë”, “Shqipëria nuk është në shitje”, “Rama jep dorëheqjen”, “O sot o për 148 vjet”, janë disa nga pankartat që qytetarët mbajnë në duar.

Protesta në Tiranë sa vjen e bëhet edhe më masive. Në ditën e 11 të revoltës së tyre, shqiptarët kanë mbushur Bulevardin drejt Kryeministrisë në një tubim madhështor, siç nuk është parë në asnjë protestë tjetër. Revolta shqiptare ka bërë jehonë edhe në mediat e huaja. Prestigjiozja “Reuters” ka transmetuar live, protestën, por jo vetëm edhe media të tjera i kanë dhënë zë tubimit në Tiranë.

“Reuters” po e mbulon drejtpërdrejt protestën e sotme, e cila nisi marshimin nga Sheshi “Skënderbej” dhe protestuesit tani ndodhen përpara Kryeministrisë.BW

Epërsia numerike e shqiptarëve në ditën e dhjetë të protestës po tregon se sa ajo (protesta), e ka çarmatosur dhunën e pushtetit. Me energji dhe pjesëmarrje ajo (protesta),  e ka strukur ditë pas dite arrogancën e kryeministrit i cili nga distanca ku vazhdon të kujtojë qark më qark Ditëlindjen e 35 të PS kërkon njëkohësisht ta shesë bullizmin vulgar tek përkrahësit e vet si “humor” duke thumbuar protestën. 

Mbahet sot protesta kombëtare, e cila ka hyrë në ditën e saj të 11. Pas një shfaqjeje të jashtëzakonshme dje, ku nga ora 18:00 deri në orën 00:00 të mesnatës, rrugët e kryeqytetit oshëtinë nga brohorimat e qytetarët, të cilët njëzëri kërkuan dorëheqjen e kryeministrit Edi Rama.

Ashtu si për çdo ditë, edhe sot protesta do të nisë në orën 18:00, për të pritur më shumë qytetarë, ndërsa dje iu bë thirrje Diasporës që të marrë pjesë në tubim. Qëndrimi i protestuesve është i qartë; qeveri teknike dhe e përfaqësuar nga intelektualë të vendit.

Tubime janë organizuar edhe në shtete të tjerë ku jetojnë shqiptarët, të cilët i janë bashkuar kësaj proteste që mori zë në Tiranë. Duhet ritheksuar se protesta e organizuar në Tiranë, jehoi edhe jashtë kufijve. Me thirrjet “Revolucion”, “Shqipëri e Re”, Edi Rama në burg Berisha në burg”, qytetarët kërkojnë largimin e kësaj qeverie dhe theksojnë se nuk do të dorëzohen deri në dorëheqjen e Ramës. bw

Mijëra protestues janë mbledhur edhe sot pasdite para kryeministrisë dhe këkojnë në kor dorëheqjen e kryeministrit Edi Rama.

Protesta e cila nisi për të mbrojtur lagunën e Nartës, po nxjerr në sipërfaqe oqeanin e pakënaqësive të akumuluara nga arroganca dhe babëzia e pushtetit.

Ndërkohë në podium qytetarë të ndryshëm po mbajnë fjalime, duke kërkuar dhe qeveri transitore por dhe dorëheqjen e tij.

Kjo është dita e 10-të radhazi e protestës ndërsa nesër kanë thirrur një protestë mbarëkombëtare. Duke thirrur ‘bashkohuni me ne!’ u kërkohet të gjithë shqiptarëve nga qytetet të bashkohen nesër para kryeministrisë me thirrjen: Rama jepe dorëheqjen!’

Sërish agjencia Reuters, një nga më të mëdhatë në botë, po e transmeton live protestën në platformat e saj sociale.

Ndërkohë, një ditë më parë Taulant Balla e sulmoi këtë agjenci se pse po e transmeton live protestën.

Kujtojmë se kjo protestë ka tërhequr vëmendjen e shumë medieve të mëdha ndërkombëtare.