Këshilltari ndërkombëtar për gjeopolitikën Mark J. Finlay ka komentuar zhvillimet politike dhe protestat në Shqipëri, duke theksuar se vendimi për të ardhmen e vendit u takon shqiptarëve.

Ai tha se gjatë vizitës në Tiranë ka takuar qytetarë që ndajnë shqetësimin për mungesën e progresit dhe kërkesën për ndryshim.

Finlay u shpreh i impresionuar nga mënyra se si janë zhvilluar protestat kundër qeverisë, duke i cilësuar ato si të qëndrueshme, paqësore dhe domethënëse.

“Është në dorën e shqiptareve për të vendosur, por ajo që dua të them është se është një vend që do ndryshim, transparencë dhe drejtësi. Unë kam takuar burra dhe gra të mrekullueshëm që ndajnë zhgënjimin e njerëzve që protestojnë, sa i takon mungesës së progresit që mund të ndihet herë pas herë.

Më duhet të them se jam i impresionuar që ka patur protesta të qëndrueshme, paqësore kundër qeverise, që kërkojnë ndryshim.

Ajo që kemi përjetuar në Irlandën e Veriut është se kur të rinjtë janë në pushime, ne do kishim parregullsi sepse është vështirë për tu kontrolluar një protestë., Por kjo ka qenë një protestë e disiplinuar dhe shumë domethënëse.

Unë erdha në Tiranë për të dëgjuar dhe jo për të bërë deklarata., Ajo që kam dëgjuar dhe që ka qenë e mrekullueshëm dhe shpreson që të informohem më shumë që kur të kthehem në Uashington të takoj liderët atje, të jap një pikëpamje se çfarë kam parë dhe ajo që po ndodh në këtë qytet”, tha ai për News24.

I pyetur nëse protestat janë kundër qeverisë apo kundër një projekti, ai deklaroi se janë kundër qeverisë. Sipas tij qytetarët dalin në protestë për shkak të mungesa e progresit.

“Mendoj se është kundër qeverisë, mendoj se është nga mungesa e progresit dhe njerëzit duan ndryshim. Ajo që dëgjoj nga njerëzit është një projekt që mund të ketë nxitur, por kjo është shumë më tepër se kaq dhe kudo ku kam shkruar njerëzit me kanë thënë se kjo nuk ka të bëjë me Zvernecin apo Sazanin, por ka të bëjë më pakënaqësinë, me mungesën e transparencës, me mungesën e drejtësisë dhe mundësive. Njerëzit e rinj duan të shohin mundësi ekonomike”, deklaroi ai.