Ekonomia e vendit po rritet me ritme më të shpejta se sa ulja e numrit të personave që vuajnë nga një formë e rëndë e varfërisë.

Sipas të dhënave të fundit të Eurostat Shqipëria kryesoi Europën për nivelin e lartë të popullsisë rreth 42 për qind që është në rrezik për të qenë e varfër pasi vuan nga një formë e rëndë e përjashtimit social me 2024 (Europa të dhëna 2024, Shqipëria 2023).

Të dhënat referojnë se më shumë se 1 milion shqiptarë vuajnë nga një formë e rëndë e varfërisë.

Për vitin 2024, Çekia, Solvenia dhe Hollanda kishin përqindjen më të ulët të popullsisë në rrezik varfërie dhe në anën tjetër Shqipëria, Rumania dhe Turqia kishin përqindjet më të larta.

Të 1 milion shqiptarët jetojnë në familje që nuk mund të përballojnë të paktën shtatë nga trembëdhjetë kategoritë e privimit (6 kategori që lidhen me privimin në nivel individi dhe 7 kategori që lidhen me privimin në nivel familje).

Në nivel familje konsiderohen vështirësi: Vonesat në pagesat e kredisë ose të qerasë për banesën kryesore, shpenzimet për shërbimet bazë, blerjet me këste ose pagesa të tjera të kredive të marra;

Pamundësia për të përballuar shpenzimet për pushimet vjetore një javë larg nga shtëpia; Pamundësia për të përballuar një shpenzim të paparashikuar financiar me vlerën 30.000 lekë të reja;

Pamundësia për të përballuar një vakt me mish, pule, peshk (ose ekuivalentin për vegjetarianët) një herë në dy ditë; Pamundësia financiare e familjes për mbajtjen e shtëpisë ngrohtë në mënyrë të përshtatshme;

Pamundësia financiare për të pasur një makinë për përdorim personal dhe Zëvendësimi i mobilieve të vjetra me të reja.

Treguesit për Shqipërinë, sipas Eurostat, janë dukshëm më të lartë krahasuar me vendet e tjera fqinje të Ballkanit Perëndimor ku Mali i Zi ka 34.1% të popullsisë në rrezik varfërie, Maqedonia e Veriut 32.6%, Serbia 30%./Monitor

Kryeministri në detyrë, Albin Kurti, së bashku me ministrin në detyrë të Mbrojtjes, Ejup Maqedonci, dhe përfaqësues të tjerë nga Qeveria dhe Kuvendi i Kosovës, bënë homazhe në nderim të Xhevdet Lecit, në përvjetorin e 26-të të rënies së tij heroike.

Në këtë ceremoni përkujtimore, Kurti vlerësoi lart figurën dhe veprën e Xhevdet Lecit, duke theksuar angazhimin e tij të palodhur për të drejtat e shqiptarëve, veçanërisht gjatë viteve 1999.

“Gjatë dekadës së ’90-ta, Xhevdet Leci kontribuoi pa pushim në mbrojtjen e të drejtave të shqiptarëve dhe të drejtave të njeriut në përgjithësi. Ai ishte një patriot i devotshëm dhe humanist, që e forconte dhe zgjeronte përditë rezistencën popullore, e cila fillimisht ishte paqësore dhe e paarmatosur, për të kaluar më pas në kryengritje të armatosur çlirimtare të udhëhequr nga UÇK-ja”, deklaroi Kurti.

Ai gjithashtu shtoi se figura si ajo e Xhevdet Lecit, që përfaqësojnë më të mirën e historisë sonë, duhet të shërbejnë si model dhe frymëzim për të rinjtë, në mënyrë që historia të jetojë brenda vetëdijes sonë kolektive.

Xhevdet Leci, një aktivist i përkushtuar për çështjen kombëtare, humbi jetën më 18 maj 1999 në përpjekje për të mbrojtur civilët e zhvendosur në zonën e Barilevës, duke u përballur me forcat policore serbe. bw

Një mbrëmje e mbushur me muzikë, spektakël dhe energji, por edhe me tensione dhe protesta. Eurovision 2025 në Bazel u fitua nga Austria me këngëtarin me origjinë filipinase, JJ me këngën “Wasted Love”. Me një zë kontratenor të veçantë dhe një skenografi që përshkruante një varkë në mes të skenës, JJ emocionoi audiencën dhe juritë evropiane me një baladë për një dashuri platonike dhe të parealizuar.

Austria arriti një total prej 436 pikësh, duke marrë 179 pikë nga televotimi i publikut dhe duke qenë një nga këngët më të vlerësuara edhe nga juritë profesioniste të vendeve pjesëmarrëse.

Në vendin e dytë u rendit Izraeli me 357 pikë, në një edicion të shënuar nga përplasjet në qendër të qytetit të Bazelit mes policisë dhe protestuesve pro-palestinezë, disa prej të cilëve tentuan të hynin edhe në skenë gjatë performancës së këngëtares izraelite, Yuval Raphael.

Në vendin e tretë u rendit Estonia me 356 pikë. Shqipëria u pozicionuar në vendin e 8-të me 218 pikë, prej të cilave 173 pikë erdhën nga publiku.

Në skenën e Eurovision 2025 në Bazel, Shqipëria u paraqit me një performancë dinamike që tërhoqi vëmendjen e publikut europian. Shkodra Elektronike interpretoi këngën “Zjerm”, një krijim unik që bashkoi elementë të muzikës elektro-pop me motive tradicionale shqiptare.

Performanca u karakterizua nga energji dhe një vizualitet që solli në skenë simbole kombëtare në një formë bashkëkohore. “Zjerm” u dallua për stilin e tij të veçantë dhe përpjekjen për të përfaqësuar një identitet muzikor modern që nuk harron rrënjët.

Përmes një skenografie të kuruar, kënga përcolli një mesazh për bashkëjetesë kulturore duke lënë gjurmë me origjinalitetin e saj.

Në një mbrëmje magjike, ku dritat shumëngjyrëshe vallëzonin mbi skenë, nisi nata finale e Eurovision 2025 në Bazel. Spektakli nisi me interpretimin e fituesit të vitit të kaluar, Nemo me “The Code”, përmes një performance energjike. Ashtu siç e do tradita, finalja nisi me paradën e madhe të 26 artistëve me flamujt e vendeve të tyre.

Dyshes së moderatorëve, Hancel Bruger dhe Sandra Shtuder, në finale uu bashkua edhe ylli i spektakleve italiane, Michelle Hunziker.

Ndërkohë, në mesin e performancave më të komentuara ishin dhe përfaqësuesit e Italisë, ku Lucio Corsi, i përkrahur publikisht nga emra të mëdhenj si Andrea Bocelli, Laura Pausini, Eros Ramazzotti dhe Gianna Nannini, mahniti publikun me këngën “Volevo essere un duro”. Me një stil që nuk pranon kompromise, Cors rrëmbyeu zemrat e shumë shikuesve, përfshirë edhe Ed Sheeran, i cili në rrjetet sociale e quajti këngën italiane “të shkëlqyer”. Italia u rendit në vendin e pestë.

Franca u përfaqësua nga Louane, e njohur nga filmi “La Famille Bélier”, me këngën “Maman”, një baladë me shpresën për të thyer mallkimin 48-vjeçar pa fitore për Parisin në Eurovision. Ndërkohë, San Marino solli një shpërthim energjie me DJ-n e famshëm Gabry Ponte dhe këngën “Tutta l’Italia”, i veshur me një kostum argjendi që bëri të kërcente e gjithë arena.

Suedia çmendi audiencën me grupin Kaj dhe këngën “Bara bada bastu”. Danimarka u rikthehe në finale pas gjashtë vitesh mungesë me Sissal dhe “Hallucination”, një miks elektropop me atmosferë hipnotike. Greqia solli emocione me Klavdia Papadopoulou dhe këngën “Asteromata”, që përkujton tragjeditë historike të grekëve të Pontit, ndërsa Armenia u përfaqësua me Parg dhe këngën “Survivor”.

Momente tensioni nuk munguan, pasi gjatë performancës së përfaqësueses izraelite Yuval Raphael, disa protestues tentuan të hyjnë në skenë, por u ndaluan menjëherë nga sigurimi. Skena u rikthye shpejt në normalitet.

Malta solli ngjyra me Miriana Conte dhe këngën “Serving”, një shoë i mbushur me ndryshime veshjesh, akrobaci dhe një dedikim për Toto Cutugnon, fituesin e Eurovision 1990. Zvicra, si vendi mikpritës u rendit e dhjeta dhe u përfaqësua nga Zoë Më me këngën “Voyage”, një përvojë poetike mes tymit e dritave që pushtoi arenën. Gjermania solli një frymë urbane me duon Abor & Tynna dhe këngën “Baller”, një produksion elektropop i plotë energji me tekst në gjuhën gjermane. Ndërkohë, Polonia u kthye tek natyra me Justyna Steczkoëska dhe “Gaja”, një himn për Tokën me skenografi impresionuese që përfshinte elemente uji, zjarri dhe planetësh.

Renditja e Eurovision 2025

Austria – JJ – Wasted Love

Izraeli – Yuval Raphael – New Day Will Rise

Estonia – Tommy Cash – Espresso Macchiato

Suedia – KAJ – Bara Bada Bastu

Italia – Lucio Corsi – Volevo essere un duro

Greqia – Klavdia – Asteromáta

Franca – Louane – Maman

Shqipëria – Shkodra Elektronike – Zjerm

Ukraina – Ziferblat – Bird of Pray

Zvicra – Zoë Më – Voyage

Finlanda – Erika Vikman – Ich komme

Holanda – Claude – C’est La Vie

Letonia – Tautumeitas – Bur Man Laimi

Polonia – Justyna Steczkowska – Gaja

Gjermania – Abor & Tynna – Baller

Lituania – Katarsis – Tavo Akys

Malta – Miriana Conte – Serving

Norvegjia – Kyle Alessandro – Lighter

Mbretëria e Bashkuar – Remember Monday – What The Hell Just Happened?

Armenia – Parg – Survivor

Portugalia – NAPA – Deslocado

Luksemburgu – Laura Thorn – La Poupée Monte Le Son

Danimarka – Sissal – Hallucination

Spanja – Melody – Esa diva

Islanda – VÆB – Róa

San Marino – Gabry Ponte – Tutta L’Italia

bw

Bashkimi Evropian planifikon të dyfishojë dërgesat e municioneve të kalibrit të rëndë në Ukrainë gjatë këtij viti.

Kryetari i Komitetit Ushtarak të Bashkimit Evropian, Robert Brieger, e bëri këtë deklaratë pas një takimi të shefave të mbrojtjes të BE-së që u mbajt në Bruksel.

“Qëllimi është të dërgohen 2 milionë fishekë municione të kalibrit të rëndë në vendin tuaj gjatë vitit aktual. Pra, bëhet fjalë për dyfishimin e sasisë së vitit të kaluar”, tha ai.

Sipas Brieger, BE-ja do t’i inkurajojë shtetet anëtare të prodhojnë dhe të sigurojnë më shumë municione për të përmbushur këtë qëllim.

“Ne përpiqemi të vendosim stimuj për shtetet anëtare që të sigurojnë më shumë, të prodhojnë edhe më shumë, duke përdorur kontratat e përcaktuara nga Agjensia Evropiane e Mbrojtjes. Por gjithashtu duke ngritur iniciativa të reja, qofshin ato financiare apo nëpërmjet intensifikimit të bashkëpunimit me industrinë e mbrojtjes të Ukrainës”, shpjegoi kryetari i Komitetit Ushtarak të BE-së. bw

 Kush jemi ne? Më 6 Qershor 2021, 12 profesionistë të medias shqiptare me banim në Zvicër, Itali, Francë, Kroaci, Kanada dhe SHBA ishin nismëtarë për të formuar shoqatën tonë si një organizatë jofitimprurëse për lirinë e fjalës dhe shtypin e lirë. UGSHPD u themelua më 8 Korrik, 2021.

Qëllimet tona:

-Të ndihmojmë debatin publik për të vërtetën duke synuar një shkallë të lartë profesionalizmi në gazetari përmes një etike të lartë dhe standardeve profesionale. -Të promovojmë gazetarinë në gjuhën shqipe kudo ku jetojnë shqiptarë.

-Të mbrojmë interesat profesioniste të anëtarëve të saj, të krijojë dhe të mbajë marrëdhënie me autoritetet, organizatat homologe të vendeve ku jetojnë e veprojnë anëtarët, në mënyrë që të lehtësojë veprimtarinë profesioniste të gazetarëve të diasporës shqiptare kudo në botë.

-Të mbështesim dhe të promovojë drejtësinë sociale duke denoncuar rastet e racizmit, intolerancës, paragjykimeve e diskriminimeve ndaj minoriteteve.

Anëtarët e Bordit të UGSHPD

Skënder Buçpapaj President

Alba Kepi-Sekretare e Përgjithshme

Artan Kutra- zv/president

Rafaela Prifti-Zëdhënëse

Genc Burimi-Auditor

Elida Buçpapaj- Arkëtare

Ardian Murraj- Komisioni i Etikës

Unioni i Gazetarëve Shqiptarë Profesionistë të Diasporës (UGSHPD)

Verband Albanischer Berufsjournalisten der Diaspora (VABD)

Union of Professional Albanian Journalists of Diaspora (UPAJD)

L’Union des journalistes professionnels albanais de la diaspora (UJPAD)

Unione dei Giornalisti Professionisti Albanesi della Diaspora (UGPAD)

Presidentja e Kosovës, Vjosa Osmani, në Tiranë, më 15 maj 2025.

Partia Demokratike mban sot protestën e paralajmëruar më parë nga kryedemokrati Sali Berisha si një akt ndaj manipulimit të rezultatit të zgjedhjeve, duke i quajtur procesin më të grabitur ndonjëherë në historinë shqiptare.

Fillimisht policia refuzoi kërkesën e PD, me arsyetimin se vendi ku tubimi pritej të mbahej ishte shumë pranë vendit ku do të organizoheshin aktivitetet në kuadër të Samitit të Komunitetit Politik Europian.

Megjithatë, ditën e djeshme u arrit një dakordësi mes policisë dhe PD, dhe protesta e demokratëve do të mbahet në Bulevardin e Ri.

Kjo zonë do të merret përsipër nga policia e kryeqytetit duke garantuar rendin dhe sigurinë gjatë tubimit. bw

Pavarësisht Samitit të Komunitetit Politik Europian që do të zhvillohet të premten e 16 majit në Tiranë, Partia Demokratike është e vendosur në mbajtjen e protestës gjatë kësaj dite.

U përfol se mund të kishte një spostim nga Bulevardi “Zogu i Parë” në një vend tjetër, por nuk do të ketë asnjë zhvendosje, teksa disa qindra metra më larg në sheshin “Skënderbej” janë në aktivitet liderët europianë.

Policia i refuzoi lejen për protestë te Zogu i Parë, madje u ndryshua edhe posteri, por PD është e vendosur që t’i shkojë deri në fund ashtu siç lajmëroi në fillim.

Nesër protesta do të zhvillohet te Bulevardi Zogu i Parë, kryqëzimi me rrugën Fortuzi, te Ministria e Drejtësisë, ora 17:00. Ky është njoftimi përfundimtar. bw