Shqipëria dhe Mauritania e kanë Festën Kombëtare në të njëjtën ditë.

Sekretari i Departamentit Amerikan të Shtetit, Marco Rubio ka uruar Shqipërinë dhe shtetin islamik të Mauritanisë për ’28 Nëntorin’, datë e cila ka shënuar pavarësinë e këtyre dy vendeve, por mesazhi i kryediplomatit amerikan ka një diferencë të madhe në përmbajtje.

Shqipërisë për Ditën e Flamurit ia dërgon urimin popullit shqiptar, Mauritanisë qeverisë dhe popullit bashkë.

Ai vlerëson Aleancën e përbashkët me NATO-n dhe partneritetin me forcat Ligjzbatuese shqiptare në luftë kundër grupeve kriminale transnacionale, karteleve e trafikut të drogës dhe ata që bashkëpunojnë me ta

Një mesazh shumë i qartë.

Po i sjellim si më poshtë:

“Në emër të Shteteve të Bashkuara të Amerikës, dua të uroj popullin e Shqipërisë ndërsa festoni Ditën e Pavarësisë.

Shtetet e Bashkuara dhe Shqipëria gëzojnë një partneritet të fortë, të ndërtuar mbi një angazhim të përbashkët për një të ardhme më të sigurt dhe më të begatë. Aleanca jonë në NATO është themeli i mbrojtjes sonë të ndërsjellë, dhe ne mirëpresim investimet në rritje të Shqipërisë në sigurinë tonë kolektive. Përveç kësaj, partneriteti ynë me zbatimin e ligjit në Shqipëri i bën qytetarët tanë më të sigurt ndërsa përballemi me kërcënimet e paraqitura nga grupet kriminale transnacionale, kartelet e trafikut të drogës dhe ata që bashkëpunojnë me ta. Ne gjithashtu vlerësojmë bashkëpunimin tonë të ngushtë në adresimin e kërcënimeve kibernetike dhe përgëzojmë Shqipërinë për përparimet e saj të rëndësishme në sigurinë kibernetike.

Ndërsa shënojmë këtë ditë të veçantë, mezi presim të zgjerojmë bashkëpunimin tonë në fushën e sigurisë, lidhjet ekonomike dhe miqësinë e qëndrueshme me Shqipërinë.”

Për Mauritaninë:

Në emër të Shteteve të Bashkuara të Amerikës, dua të uroj popullin e Republikës Islamike të Mauritanisë për 65-vjetorin e pavarësisë së vendit tuaj.

Me këtë rast, ne riafirmojmë partneritetin dhe miqësinë tonë të vazhdueshme me Qeverinë dhe popullin e Mauritanisë. Mauritania luan një rol jetësor në mbështetjen e stabilitetit në Sahel, dhe Shtetet e Bashkuara vlerësojnë shembullin e prosperitetit dhe paqes që Mauritania sjell në rajon. Pres me padurim thellimin e bashkëpunimit tonë në fushat me interes të ndërsjellë që do të forcojnë marrëdhënien tonë dypalëshe dhe do të rrisin sigurinë dhe prosperitetin e të dy kombeve tona.