Kryeministri në detyrë i Kosovës, Albin Kurti, ka komentuar sot në mbledhjen e qeverisë zhvillimet nga Samiti i NATO-s në Hagë, duke e cilësuar atë si një hap të rëndësishëm për sigurinë kolektive dhe për Kosovën.

Kurti përshëndeti vendimin unanim të vendeve anëtare për të rritur shpenzimet në mbrojtje, duke e cilësuar atë si një përgjigje të domosdoshme ndaj sfidave globale të sigurisë.

Ai gjithashtu mirëpriti vendimin për mbajtjen e Samitit të 36-të të NATO-s në Tiranë në vitin 2027, duke e konsideruar atë si një shenjë të angazhimit të rajonit në arkitekturën euroatlantike të sigurisë.

“Përshëndes përfundimin e punimeve në Hagë dhe vendimin për rritjen e shpenzimeve të mbrojtjes. Po ashtu përshëndes vendimin që samiti i radhës të mbahet në Tiranë. Kosova mbetet e palëkundur në rrugën e saj drejt anëtarësimit në NATO,” u shpreh Kurti.bw