Rusia humbi 30 sisteme artilerie dhe 24 automjete të blinduara të personelit (APV) brenda 24 orëve nga e premtja, 1 shtatori dhe e shtuna, 2 shtator, sipas Ukrainës.

Përveç kësaj, sipas të dhënave të Kievit, numri i përditshëm i humbjeve ruse tregon për 570 forca ushtarake, 12 tanke dhe 12 UAV në të njëjtat 24 orë.

Sipas shifrave të publikuara nga Shtabi i Përgjithshëm i Forcave të Armatosura të Ukrainës në faqen e saj në Facebook, Rusia ka humbur gjithsej 8,637 APV dhe 5,560 sisteme artilerie që nga fillimi i pushtimit të saj më 24 shkurt 2022.

Këto humbje të supozuara vijnë pasi SHBA-të thanë se forcat ukrainase kanë bërë “përparim të dukshëm” në sektorin jugor të frontit.

Numri i humbjeve ruse në Ukrainë është i vështirë për t’u vërtetuar me siguri, pasi Moska konsiderohet se i nënvlerëson ato, ndërsa Ukraina thuhet se i fryn ato.

Ndërkohë media holandeze me burim të hapur Oryx, e cila ka monitoruar humbjet ruse që nga fillimi i konfliktit bazuar në prova fotografike, thotë se Moska ka humbur 107 automjete dhe pajisje mbështetëse artilerie, 509 sisteme artilerie vetëlëvizëse dhe 292 sisteme artilerie të tërhequra deri më tani në lufte.

Sipas Oryx, Rusia ka humbur gjithashtu 959 automjete të blinduara luftarake dhe 346 transportues të blinduar të personelit.

Ndryshe, zëdhënësi i Shtëpisë së Bardhë, John Kirby tha të shtunën se kundërofensiva ukrainase ka bërë “përparim të dukshëm” në tri ditët e fundit “në atë vijë jugore të avancimit që del nga zona e Zaporizhzhia”.