Rrugëtim jete- Nga Namik Selmani

January 17, 2026

Poetit Neki Lulaj me rastin e ditëlindjes së tij

Bërliqi

të mësoi Alfabetin e pagabuar të Odës e  Kullës

Aty dëgjove urimet që kishin shijen më të ëmbël

Kur

shkove në botë e të doli brazda e parë e rrudhës

I fute

ato në kasafortën e mallit, vargut  e të ëndrrës.

Aty

preke me mollëza duar nëne gjysheje,  bacaloku.

Ah

 që s’kishe kurorë floriri t’ua jepje dhuratë.

Para

varfërisë dhe luftës u bëre strehë zogu

Pranë

çiftelisë e lahutës të vinin heronjtë në radhë.

Sot,

ke nostalgji për abetaren e thinjat e para

A

për hapin djalëror  që e uli vrullin në udhë.

Jetuam, vëlla

e lamë pas mijëra dëshira të bardha

Lamë

tringëllima zilesh mërgimtare si oxhaku me prush.

Lamë

ca fjalë të pathëna për ata që shpejt na ikën.

Që

mbetën si frymë ku mbin gruri e çelën qershitë sythe.

Prekje

mallin për prindër, teksa nisje i bekuar ditën.

U bëre

karvanar i mëmëdheut si dallëndyshe.

I gjakose

pak gjunjët në shtigje, në gurë të thiktë a ferra.

Ke

lotuar si fëmijë nga gëzimi i babait e nga dhimbja

Në vite

Mijëra trasta emocionesh të vuri në zemër jeta

Me

besën ndaj truallit me ty u bë binjake rilindja.

Brenda vetes

vure male, dete, libra, dogana, avionë.

Me shkronjë shqipen

jeta të bëri si amëze në kohëra.

Në

ditëlindje ditarët e shpirtit i mallshëm shfleton

Ballë

botës së zhurmshme më e dashur të bëhet Kosova.

Spyer,13 janar 2026

• twitter

  Follow
• facebook
• linkedin

Fjalë kyçe: NAMIK SELMANI