Ndërsa Shqipëria i afrohet zgjedhjeve parlamentare të 11 majit, Partia Popullore Evropiane (EPP) shpreh shqetësimin e saj për situatën aktuale politike. Raportet e përmendura më sipër kanë evidentuar shkelje serioze, përfshirë keqpërdorimin e burimeve shtetërore, blerjen e votës, cenimin e fshehtësisë dhe lirisë së votimit, si dhe njëanshmërinë mediatike. Vëzhgimet më të fundit dhe burimet e sipërpërmendura mbërrijnë në përfundimin se zgjedhjet po minohen nga manipulimi dhe abuzimi me pushtetin; se pluralizmi politik po shtypet përmes presionit institucional dhe se shteti ligjor nuk garantohet për shkak të kapjes së drejtësisë dhe pandëshkueshmërisë.”

PD, evidentohet në raport, ka depozituar mbi 100 ankesa zyrtare në KQZ, përfshirë blerje votash, punësime selektive, përdorim të pasurive publike dhe manipulime në administratë.

Më shumë se 100 ankesa zyrtare janë paraqitur pranë Komisionit Qendror të Zgjedhjeve (KQZ) nga partia kryesore opozitare, Partia Demokratike e Shqipërisë (PD), duke dokumentuar shkelje të dyshuara sistematike dhe të qëllimshme, përfshirë:
⦁ Blerje votash përmes shpërblimeve në para dhe kultivimit të kanabisit;
⦁ Punësime dhe praktika prokurimi elektorale në favor të mbështetësve të Partisë Socialiste;
⦁ Abuzim me funksionet publike dhe median;
⦁ Emërim i paligjshëm i Kryetarit të Bashkisë së Tiranës pas arrestimit të Erion Veliajt, pa një proces demokratik, me qëllim kontrollin e burimeve bashkiake për fushatën e vitit 2025;
⦁ Kërcënime dhe ndjekje penale ndaj kandidatëve të opozitës