VOAL

VOAL

Please Wait ...
0%

Real Madridi nënshkruan me mesfushorin Brahim Diaz

By | January 7, 2019

Komentet

“Babai” i futbollit total, Michels trajneri më i mirë në histori

“Babai” i futbollit total dhe arkitekt në sukseset e para të Ajaksit të madh që dominoi Europën. Eshtë Rinus Michels trajneri më mirë në historinë e sportit të më të dashur në botë. Këtë e ka vendosur “France Football”, revista prestigjoze, e cila në numrin e saj të fundit ka publikuar klasifikimin me teknikët më të mëdhenj të të gjitha kohërave.

Në vendin e parë renditet Michels, i cili ka meritën e vendosjes së bazave të para të futbollit modern kur drejtonte Ajaksin e Amsterdamit në vitet 60’ dhe 70’. Me interpretues të magjishëm, mjafton të përmendësh Johan Cruyff, ai dominoi futbollin europian, duke fituar gjithçka të mundëshme. Po ashtu, nuk mund të harrohen sukeset që pasuan me Barcelonën si dhe me kombëtaren e Holandës, siç ishte triumfi në Kampionatin Europian të vitit 1988.

Sacchi Rinus Michels Alex Ferguson

Në podin e më të mirëve në histori, Michels ndiqet nga Sir Alex Ferguson, trajneri legjendar i Manchester United dhe Arrigo Sacchi, që sipas “France Football” ka meritën “për ndryshimin e mentalitetit” në futbollin italian, kur drejtonte Milanin.

Pesëshja e parë e klasifikimit të 50 trajnerëve më të mirë të historisë së futbollit plotësohet me Johan Cruyff dhe Pep Guardiola, me këtë të fundit që i faturohet shpikja e “tiki-taka”, modeli taktik i një loje spektakolare që i ka lejuar të fitojë gjithçka sidomos në kohën kur drejtonte Barcelonën.
(balkanweb)

Maqedonia e Veriut, një shqiptar kryetar i Federatës së Futbollit

Për herë të parë shtëpia maqedonase e futbollit do të drejtohet nga një shqiptar. Në Kuvendin zgjedhor të Federatës së Futbollit, shqiptari Muhamed Sejdini është zgjedhur me shumicë dërrmuese votash.

Muhamed Sejdini është presidenti i ri i Federatës së Futbollit të Maqedonisë. Në Kuvendin zgjedhor të zhvilluar në Ohër nga 96 delegatë që numëron gjithsej federata, 90-të ishin prezent dhe 82 votuan “Pro” zgjedhjes së Sejdinit në krye të Shtëpisë së Futbollit vendor.

Në garën për postin e presidentit të FFM-së, Sejdini ishte kandidati i vetëm dhe kjo është hera e parë që një shqiptar do ta udhëheq FFM-në.

Muhamed Sejdini: “Nuk do të kisha thënë se për herë të parë është shqiptar apo maqedonas. Ne këtu flasim gjuhën e futbollit dhe rëndësi ka më i miri. Rëndësi ka që të çojmë futbollin përpara dhe dyert e federatës janë të hapura për të gjithë ata që kanë ide dhe që duan që të zhvillohet futbolli në vend”.

Në Kuvendin zgjedhor të federatës vendore morën pjesë Davor Shuker si anëtar i Komitetit të UEFA-së, Hejdi Beha nga FIFA si dhe Gazmend Rustemi si përfaqësues i Agjencisë për Rini dhe Sport.

Sejdini në këtë post do të zëvendësojë Ilço Gjorgjioskin që vitin e kaluar u tërhoq nga kreu i FFM-së, ndërsa Sejdini ishte zëvendës president i këtij institucioni në pesë vitet e fundit.

Lenjani largohet nga kombëtarja: Panuçi kalimtar, sa të jetë nuk vij më

Ermir Lenjani largohet nga kombëtarja shqiptare e futbollit. Lojtari i njohur ka vendosur që të mos pranojë të grumbullohet më për ngjyrat kuqezi, pasi trajneri italian në krye të Shqipërisë e ka lënë jashtë listës për ndeshjet e radhës. Përmes një postimi në faqen e tij në Facebook, ai thotë se pavarësisht se është duke kaluar një formë shumë të mirë, tekniku nuk e ka ftuar.

Ermir Lenjani mbyll reagimin duke theksuar se Panuçi është kalimtar dhe sa të jetë ai nuk do të veshë më fanellën kuqezi. Më 22 mars Shqipëria do të nisë eliminatoret e Europianit 2020 ku fillimisht do të përballet me Turqinë dhe 3 ditë më pas me Andorën.

Postimi i plotë i Ermir Lenjanit

Që nga viti 2013 jam pjesë e Kombëtares shqiptare dhe ndihem krenar për këtë gjë. Sa herë jam ftuar e kam pranuar ftesën me dëshirën më të madhe pasi çdo herë kur e kam veshur fanellën kuq e zi e kam veshur me shumë dashuri. Kam qenë gati gjithmonë, kam sakrifikuar shumë, jam gjakosur, kam qarë e kam qeshur si futbollist i Shqipërisë. Kam pranuar edhe stolin, por jam respektuar gjithmonë. Tani në dy vitet e fundit jam duke kaluar nëpër një formë shumë të mirë, por po injorohem nga trajneri momental i Kombëtares. Nuk kam luajtur asnjë minut në Ligën e Kombeve, por nuk kam bërë zhurmë dhe kam vazhduar të punoj edhe më fort. Kur lëndohen 4-5 lojtarë trajnerit i bie në mend që luan dikund Ermir Lenjani dhe më dërgon ftesë. Faleminderit, por JO. Me lot në sy e them se nuk do të grumbullohem më me Kombëtaren sa të jesh ti aty. Kam kontribuar shumë dhe meritoj respekt. Dashuria ime për Shqipërinë është më e madhe se urrejtja jote për mua. Unë kam qenë, jam dhe gjithmonë do të jem djalë i Shqipërisë, ndërsa ti je vetëm kalimtar.

Përjashtimi i Tomasit, reagon Foto Strakosha: Mbështes Panuçin, ja e vërteta

Kombëtarja është momenti i krenarisë për çdo futbollist. E kush më mirë se një ish-kapiten, një ish-portier dhe një ish-legjendë që e ka veshur prej dekadash ngjyrën kuqezi mund ta dijë këtë. Kristian Panuçi ka mbajtur një standard të lartë, edhe kur është bërë fjalë për një portier të Serisë A, i cili javë pas jave merr elozhet nga mediat italiane.

 

Trajneri i Kombëtares la jashtë grumbullimit Thomas Strakoshën, i cili humbi avionin për të mbërritur në mbrëmje në grumbullim në Durrës. Për këtë, pas publikimit të lajmit ekskluziv, “Panorama Sport” ka kontaktuar ekskluzivisht edhe me babain menaxher të portierit, Foto Strakoshën, ish-kapitenin e Shqipërisë.

Në bisedën telefonike, ish-gardiani i kuqezinjve kërkon me çdo mënyrë të shmangë keqkuptimet për situatën e krijuar, pasi në kryefjalë të asaj që thotë është Kombëtarja, edhe kur bëhet fjalë për të birin.

“Më mirëkuptoni, por e kam të vështirë të flas. Pavarësisht gjithkujt, Kombëtarja është mbi të gjithë”, shprehet Foto sapo nis fjalën e tij.

Si menaxher i Tomasit, cili është komenti juaj për vendimin e trajnerit në lidhje me të?

Edhe në karrierën time, por në të gjithë jetën time, mbi çdo gjë, ka qenë ekipi kombëtar. Dhe për të respektuar edhe momentin e ekipit kombëtar që ka ndeshjen të premten, duke marrë shkas edhe që unë jam prind, babai i Tomasit, nuk do të jem i bindshëm për asnjë. Kështu që, unë jo vetëm e kam për detyrë, por sinqerisht që e respektoj vendimin e trajnerit.

Çfarë ndodhi ekzaktësisht?

Tani nuk dua që të futem në ato debate. Që në momentin që rregullat e trajnerit janë ato, përderisa është thyerje disiplinore që për x arsye të mos arrish në orën e duhur, unë e mbështes dhe e respektoj vendimin e trajnerit.

Po cilat ishin arsyet e Tomasit për të mos u paraqitur në orar në grumbullim?

Juve jua kanë thënë. E keni bërë me dije.

Po, gjithsesi ju mund të keni versionin tuaj edhe si menaxher i tij…

Sado që unë mund të marr vendin tim si menaxher dhe si prind, nuk do të jem dot i bindshëm për njerëzit. Ndoshta ata që më njohin, edhe mund të më kuptojnë. Sado që të marr pozicion unë, të mirë apo të keq, nuk do të jem i bindshëm për opinionin publik. Kështu që, më lejoni me sinqeritet që duke qenë edhe në të mirë të ambientit të ekipit kombëtar të mbetem me kaq.

“Panorama Sport” ka shkruar sot (dje) se vonesa e Tomasit ka ardhur për shkak të një bllokimi në trafik dhe mosarritjeje në orar për avionin. E konfirmoni?

Pse ma bëni këtë pyetje? Po cila mund të jetë arsyeja tjetër? Nuk ka asnjë arsye tjetër veç kësaj. Ishte vonesë. E them me sinqeritet, nëse ishte faji i lojtarit që u vonua, le të mbajë përgjegjësi dhe të dënohet.

Ju personalisht a keni komunikuar me trajnerin Panuçi?

Jo nuk kam folur. Nuk kam as të drejtë komunikimi me të dhe vetëm një herë e kam takuar rastësisht kur ka ardhur për grumbullimin. Nuk e njoh dhe besoj edhe ai nuk më njeh. Vetëm një herë jemi parë.

OLSI TUJANI

INTERVISTËN E PLOTË E LEXONI NË VERSIONIN PRINT TË GAZETËS “PANORAMA SPORT” 

Messi: Ronaldo është mbresëlënës

Barcelonë

Ylli i Barcelonës, Lionel Messi beson se gjiganti katalonjas mund të fitojë Ligën e Kampionëve këtë sezon, megjithëse konisderon se konkurrenca do të jetë e ashpër përkundër faktit se në çerekfinale nuk u kualifikuan Real Madrid, PSG, Bayern Mynih dhe Atletico Madrid, transmeton Anadolu Agency (AA).

“Manchester City dhe Juventus janë të forta. Në çerekfinale të Ligës së Kampionëve nuk duhet pasur nënvlerësime. Ajax ka një skuadër të mrekullueshme të re dhe pamë se mund të bëjnë shumë pasiqë eliminuan Realin. Duhet të përgatitemi për përballjet e vështira në sezon, sepse të korrim fitore ndaj cilit do kundërshtar është e vështirë”, ka thënë Messi, ndërkaq për paraqitjen briliante të Cristiano Ronaldos në triumfin e Juventusit ndaj Atletico Madrid (3:0) theksoi:

“Mendova se Atletico është më e mirë, por Cristiano Ronaldo ishte mbresëlënës. Shënoi tre gola. Kishte një natë magjike”.

Shorti i çifteve të çerekfinales në Ligën e Kampionëve do të mbahet nesër më 15 mars, në selinë e Federatës Evropiane të Futbollit (UEFA) në Nyon të Zvicrës me fillim në ora 12.

Në mesin e 8 ekipeve më të forta plasman kanë siguruar, Liverpool, Tottenham, Manchester City dhe Manchester United (Angli), Barcelona (Spanjë), Juventus (Itali), Porto (Portugali) dhe Ajax (Holandë).

Panucci shpall listën e futbollistëve për ndeshjet me Turqinë dhe Andorrën

Tiranë

Trajneri i Kombëtares së Shqipërisë në Futboll, Christian Panucci, ka publikuar sot listën e futbollistëve të grumbulluar për dy ndeshjet zyrtare me Turqinë dhe Andorrën, transmeton Anadolu Agency (AA).

Në njoftimin zyrtar nga Federata Shqiptare e Futbollit (FSHF) thuhet se Panucci ka shpallur listën e futbollistëve të grumbulluar për dy ndeshjet e para kualifikuese për Kampionatin Evropian në futboll “EURO 2020”.

Sipas FSHF-së, grumbullimi i ekipit kombëtar të Shqipërisë do të nisë më 17 mars, ku do të zhvillohet edhe seanca e parë stërvitore.

Lista e futbollistëve e publikuar nga trajneri Panucci është si vijon: Etrit Berisha, Alban Hoxha, Thomas Strakosha, Arlind Ajeti, Naser Aliji, Ivan Balliu, Egzon Binaku, Berat Djimsiti, Elseid Hysaj, Ardian Ismajli, Enea Mihaj, Frederic Veseli, Amir Abrashi, Migjen Basha, Ergys Kaçe, Andi Hila, Ledian Memushaj, Kristi Qose, Taulant Xhaka, Kristal Abazaj, Bekim Balaj, Eros Grezda, Armando Sadiku dhe Myrto Uzuni.

Për fazën eliminatore të “EURO 2020” Shqipëria dhe Turqia do të jenë në grupin H, së bashku me Francën, Islandën, Moldavinë dhe Andorrën.

Ndeshja të cilën kombëtarja e Shqipërisë do ta zhvillojë përballë Turqisë më 22 mars do të luhet në Stadiumin “Loro Boriçi” në qytetin e Shkodrës.

Ndërsa ndeshja Andorra-Shqipëri do të luhet më 25 mars në Stadiumin “Estadi Nacional” në Andorra.

Messi i përgjigjet Ronaldos, Barcelona shuplakë Lyon

Në ndeshjen e zhvilluar në Camp Nou, argjentinasi bën gjithçka vet përballë francezëve të Lyon duke shënuar dy gola dhe duke asistuar në dy të tjerë për Pique dhe Dembele. Golin tjetër për katalanasit e shënoi Coutinho. Lyon ishte i pafuqishëm të ndalonte sulmet e vendasve që gjetën avantazhin me anë të Messit në minutën e 18-të. Pesë herë fituesi i Topit të Artë ktheu në gol një 11-metërsh të fituar nga Suarez. Në minutën e 31 ishte Coutinho që dyfishoi rezultatin. Në pjesën e dytë Lyon guxoi të sulmonte dhe ngushtoi shifrat në 2-1 me anë të Tousart. Në 12 minutat e fundit, Messi thelloi rezultatin në 3-1 dhe tre minuta më vonë shërbeu një asist për Pique. Në minutat e fundit kishte kohë edhe për një gol të pestë, këtë herë ishte Dembele i futur në fushën e lojës në pjesën e dytë. Edhe në këtë rast ishte Messi ai që shërbeu për francezin. Me dy golëshin e shënuar, Messi i përgjigjet rivalit të tij Cristano Ronaldo që një natë më parë kishte shënuar një tripletë kundër Atletico Madrid. Messi kryeson listën e golashënuesve të Champions League me tetë gola.

Në takimin tjetër të zhvilluar në Allianz Arena mes Bayern Munich dhe Liverpool, të “Kuqt” e drejtuar nga Jurgen Klopp treguan edhe njëherë se finalja e arritur sezonin e kaluar nuk ishte rastësi. Dy gola të Sadio Mane dhe një gol i Virgil van Dijk i dhanë fitoren 1-3 Liverpool duke i siguruar një vend mes tetë ekipeve çerekfinaliste. Për Bayern golin e vetëm e shënoi mbrojtësi i Liverpool, Joel Matip, i cili në përpjekje për të larguar një top të futur në zonë nga Gnabry, e shty atë në portën e tij.

Shorti për çerekfinalet e Champions League do të hidhet nesër në Nyon të Zvicrës, në orën 12. Kujtojmë që në çerekfinale nuk përjashtohet mundësia e përballjes së ekipeve të të njëjtit shtet, duke parë që mes tetë ekipeve janë katër skuadra angleze

NOTAT – Ronaldo monumental, Bernardeski ndeshje për kornizë. Juvja shkëlqen. Atletiko… zvarritet

Juventusi bëri një ndeshje të madhe dje ndaj Atletikos së Madridit, duke fituar me shifrat 3-0, e duke u kualifikuar kështu në raundin çerekfinal të Champions League. Më poshtë, notat për të dyja ekipet.

 

JUVENTUS

SHEZNI 6 – Pa një ndeshje si spektator pa biletë. Iu desh të ndërhynte vetëm te një gjuajtje e hidhur nga jashtë e Grizmanit.

KANSELO 7 – I ndrojtur në pjesën e parë kur nuk përfitonte nga hapësirat që linin Lemari me Huanfranin. I shkëlqyer në të dytën, sepse jo vetëm që shtyn shumë përpara, por dha edhe asistin e golit të dytë.

BONUÇI 7 – Ishte regjisori i parë i skuadrës së tij, duke lënë pas krahëve atë paraqitje zhgënjyese në Madrid. Tregoi klasin e tij duke luajtur me qetësi dhe me siguri të plotë, ndërsa Grizmani me Moratën as që e gudulisën fare. I përpiktë në leximin e lojës.

KIELINI 7,5 – Gladiatori i zakonshëm dhe vulosi sfidën e 500-të me një paraqitje madhështore. Fshiu nga fusha Moratën dhe shënoi edhe një gol që iu anulua me VAR. Thjesht perfekt.

SPINACOLA 7 – Surpriza e mbrëmjes së djeshme. E nis mirë me disa galopime duke i futur tmerrin Ariasit. Shumë potencë dhe personalitet deri sa i la vendin Dibalës. (Nga min 67′ DIBALA 6 –Hyri me një dëshirë të jashtëzakonshme dhe ndihmoi ekipin të përmirësonte gjeometrinë në fushë. Kush mendoi se ishte i demoralizuar prej stolit, gabohej rëndë).

ÇAN 7,5 – Provë e madhe e mesfushorit që shpeshherë vepron edhe si sulmues i fshehur, por edhe si qendërmbrojtës. I bëri mirë detyrat dhe kombinoi në mënyrë efikase me Kanselon kur ky i fundit dilte në sulm. I kudondodhur.

PJANIÇ 6 – Nuk ishte edhe aq brilant dhe megjithëse u përpoq të improvizonte në fillim, u kthye shumë shpejt të bënte regjisorin e thjeshtë. Në pjesën e dytë pati probleme në këmbë, por shtrëngoi dhëmbët.

MATUIDI 6,5 – I pari që tentoi golin me një gjuajtje nga jashtë që u përplas në trupin e Godinit. Më pas, kur Juvja hidhet e gjitha në sulm, ai ruan mirë balancat dhe është i vëmendshëm sa herë Atletiko merr topin në zotërim. Lojtar shumë i çmuar.

BERNARDESKI 8 – Pjesa e parë ishte për kornizë: Asist për Ronaldon dhe një goditje dënimi e frikshme. Luftoi si luan në pjesën e dytë deri sa mori edhe penalltinë e golit të tretë. Tani e kuptojmë më mirë pse Alegri i besoi atij vendin e titullarit dhe jo Dibalës.

MANXUKIÇ 5 – Nuk ishte në formën e duhur fizike dhe megjithëse shokët i ofruan disa pasime, ai nuk bindi asnjëherë. Godin dhe Gimenez i paraprijnë gjithnjë dhe asnjëherë nuk u shfaq i rrezikshëm. (Nga min 80 KIN 6 – Hyri dhe pas dy minutash pati rastin e artë për të mbyllur takimin. U përshtat mirë me ritmin dhe mbajti në ankth mbrojtjen rivale).

RONALDO 9 – Deri tani në Champions ishte jashtë parashikimeve, sepse kishte shënuar vetëm një gol. Por në ndeshjen më të rëndësishme dhe më të komplikuar u përgjigj siç di ai. Shkeli me këmbë Huanfranin dhe shënoi golin e parë. Kërceu mbi Gimenezin dhe Godinin dhe shënoi të dytin. Lëshoi një predhë nga penalltia dhe shënoi të tretin. Festimet e tij plot zemërim treguan se sa e ndiente këtë ndeshje. U konfirmua “macja e zezë” e Atletikos me një tripletë të rëndë. Monumental.

Trajneri ALEGRI 7,5 – Bëri të gjitha lëvizjet e duhura. Rrezikoi shumë me Bernardeskin në vend të Dibalës, por italiani nuk tradhtoi. Vendosi befasisht Spinacolën në krahun e majtë dhe Atletiko nuk kuptonte fare se ç’bëhej aty. Më pas futi edhe Kinin në fund fare duke rrezikuar pa fund. U shpërblye me një përmbysje fantastike. Ishte Juventus magjik dhe për meritë të tij.

ATLETIKO

OBLAK 6 – Shumë i zoti me reflekset, por nuk kishte menduar se Juvja do shënonte dy gola nga pika më e fortë e Atletikos: nga ajri.

ARIAS 5 – E humb që në start duelin me Spinalcolën dhe pastaj trulloset fare. Hallka më e dobët e mbrojtjes së spanjollëve.

GODIN 5,5 – Në dyshim deri në minutat e fundit, sepse kishte probleme fizike. Provoi me të gjitha mënyrat dhe luftoi sa mundi, por ka përgjegjësi te goli i dytë i Ronaldos.

GIMENEZ 5,5 – Bëri një gabim trashanik në golin e dytë të Ronaldos sepse ishte pozicionuar keq.

HUANFRAN 5 – Vendimtar te goli i parë i Juventusit kur i humbi nga shikimi Ronaldo. Pas atij momenti nuk e mori më veten dhe në minutat e fundit u zhduk pothuajse fare, sepse Juvja bëri çfarë deshi në krahun e tij.

SAUL 5 – Mesfushorët e Juves e futën në “morsë” dhe ai ishte gjithnjë në kohë vonesë. Pak i dobishëm për skuadrën në fazën ndërtuese.

RODRI 5 – E njëjta gjë si edhe me Saulin. Ndeshje anonime për të, sepse praktikisht nuk e sheh asnjëherë topin. Ndoshta edhe sepse Atletiko ishte e vendosur keq gjithnjë.

KOKE 5- Dukshëm Siemone i kishte kërkuar që ai të mendonte më shumë për mbrojtjen dhe jo për sulmin. Por, me sa duket, e kishte marrë aq shumë seriozisht, saqë me kalimin e minutave u shndërrua në një mbrojtës i djathtë duke mos bërë asgjë në fazën ndërtuese.

LEMAR 5 – Mesfushor në letër sepse në fushë ishte thjesht një mbrojtës krahu. Gabime pa fund në zotërimin e topit, pak i guximshëm në dalje dhe shpesh i hutuar. Simeone e hoqi me të drejtë nga fusha pas një ore.

KORREA 4,5 – Duhej t’u jepte një shkëndijë miqve, por prej një gabimi naiv vulosi kualifikimin e Juves në çerekfinale. Shkaktoi penalltinë e Bernardeskit në minutën e 85-të. Një çmenduri e vërtetë.

GRIZMAN 5 – Një fantazmë. Mjaftoi gjesti që bëri në fillim të pjesës së parë kur mori topin dhe në vend që të avanconte drejt portës rivale, ngadalësoi për të përfituar sekonda. Ky ishte mentaliteti i gjithë Atletikos: të zvarritemi.

MORATA 5 – Mori pjesë pa dashje tek aksioni i golit të parë të Ronaldos, kur me një pasim gabim ua dha topin juventinëve. Pati një rast të mirë, por nuk e çoi sferën në rrjetë. Në pjesën e dytë pastaj Kielini e “fut në xhep” dhe nuk i lejon asnjë milimetër hapësirë.

Trajneri SIMEONE 5 – U paraqit në Torino me dy gola avantazh dhe vendosi të mbrohej sa më shumë të mundej. Pas 11 minutash, skuadra e tij ishte e gjitha duke vrapuar pas topit sepse Juvja bënte ligjin. Me një lojë të tillë nuk mund të shkosh larg në Champions. Kjo ishte humbja më e rëndë nën drejtimin e tij dhe jo vetëm në planin taktik, por edhe moral.

Cristiano Ronaldo përmbys i vetëm Atletico Madrid dhe kualifikon Juventus

Cristiano Ronaldo përmbys i vetëm Atletico Madrid dhe kualifikon Juventus për në çerekfinale të UEFA Champions League. Portugezi shënoi tre herë në fitoren 3-0 për bardhezinjtë përballë madrilenëve që kishin fituar ndeshjen e parë 2-0 në stadiumin Wanda Metropolitano. Kjo është hera e katërt për Cristiano Ronaldo që shënon tripletë kundër Atletico Madrid. Pas kësaj fitoreje, Juventus tregoi edhe njëherë se është mes pretendentëve për të fituar trofeun më të lakmuar për klube, trofe që klubi torinez nuk e ka fituar prej 23 sezonesh kur mundte në finale Ajax.

Ndërkohë që në sfidën tjetër të mbrëmjes, atë mes Manchester City dhe Schalke, ‘qytetarët’ e drejtuar nga Pep Guardiola shkatërruan skuadrën gjermane me rezultatin e thellë 7-0. Gjithçka e lehtë për kryesuesit e Premier League të cilët kishin fituar edhe në Arena AufSchalke me rezultatin 2-3. Golat për Manchester City u shënuan nga gjashtë lojtarë të ndryshëm; Aguero (dy gola), Sane, Sterling, Bernardo Silva, Foden dhe Gabriel Jesus.

Sot do zhvillohen dy përballjet e fundit që do të na njohin me dy skuadrat e tjera çerekfinaliste. Barcelona pret francezët e Lyon në Camp Nou, ndërsa Bayern Munich do të presë Liverpool në Allianz Arena. Të dy takimet kanë përfunduar në barazim pa gola në ndeshjet e para.

Gjashtë skuadrat e kualifikuara deri më tani për në çerekfinale janë: Ajax, Porto, Manchester United, Tottenham, Juventus dhe Manchester City./Përgatiti Irin Mesi

Cristiano Ronaldo përmbys i vetëm Atletico Madridin dhe kualifikon Juventusin

Cristiano Ronaldo përmbys i vetëm Atletico Madrid dhe kualifikon Juventus për në çerekfinale të UEFA Champions League. Portugezi shënoi tre herë në fitoren 3-0 për bardhezinjtë përballë madrilenëve që kishin fituar ndeshjen e parë 2-0 në stadiumin Wanda Metropolitano. Kjo është hera e katërt për Cristiano Ronaldo që shënon tripletë kundër Atletico Madrid. Pas kësaj fitoreje, Juventus tregoi edhe njëherë se është mes pretendentëve për të fituar trofeun më të lakmuar për klube, trofe që klubi torinez nuk e ka fituar prej 23 sezonesh kur mundte në finale Ajax.

Ndërkohë që në sfidën tjetër të mbrëmjes, atë mes Manchester City dhe Schalke, ‘qytetarët’ e drejtuar nga Pep Guardiola shkatërruan skuadrën gjermane me rezultatin e thellë 7-0. Gjithçka e lehtë për kryesuesit e Premier League të cilët kishin fituar edhe në Arena AufSchalke me rezultatin 2-3. Golat për Manchester City u shënuan nga gjashtë lojtarë të ndryshëm; Aguero (dy gola), Sane, Sterling, Bernardo Silva, Foden dhe Gabriel Jesus.

Sot do zhvillohen dy përballjet e fundit që do të na njohin me dy skuadrat e tjera çerekfinaliste. Barcelona pret francezët e Lyon në Camp Nou, ndërsa Bayern Munich do të presë Liverpool në Allianz Arena. Të dy takimet kanë përfunduar në barazim pa gola në ndeshjet e para.

Gjashtë skuadrat e kualifikuara deri më tani për në çerekfinale janë: Ajax, Porto, Manchester United, Tottenham, Juventus dhe Manchester City./Përgatiti Irin Mesi

 

Champions League: Juventus i beson Ronaldos përmbysjen e madhe kundër Atletico Madridit

Një mision i vështirë, por aspak i pamundur. Me këtë bindje, Juventus kërkon të përmbysjë humbjen 2-0 në ndeshjen e vajtjes kundër Atletico Madrid, për të siguruar biletën për në çerekfinalet e Champions League.

Përballë formacionit të “Cholo” Simeones, kampionëve italianë iu duhet një sipërmarrje e vërtetë, por dy janë detajet që i shtojnë dozat e optimizmit të popullit bardhezi Cristiano Ronaldo dhe faktori fushë.

Ndeshjet e javës së kaluar e bënë të qartë se asgjë nuk është e pamundur në Champions League. Megjithatë, për t’i shënuar tre gola kundër Atletico Madridit të Diego Simeones, ke nevojë për diçka me të vërtetë të veçantë.

Trajneri i Juventusit, Massimiliano Allegri, shpreson se kjo gjë e veçantë do të jetë Cristiano Ronaldo. Portugezi i ka shënuar dhjetë ose më shumë gola në tetë sezonet e fundit të kësaj gare, mirëpo deri më tani e ka shënuar vetëm një.

Tre mungesat e sigurta për “Zonjën e Vjetër” janë Alex Sandro, Cuadrado dhe Khedira.

Me mungesa të rëndësishme zbret në “Allianz Stadium”, Atletico Madrid. Diego Costa, Felipe Luiz, Lucas Hernandez dhe Thomas duhet të shqetësojnë Simeonen, që gjithsesi rrezatoi siguri në konferencën zyrtare për mediat, jo më shumë për epërsinë që i jep fitorja 2-0 e ndeshjes së parë, se sa për besimin që ka te skuadra e tij.

Kosova më e frikshme se kurrë, ja lojtarët e grumbulluar për 2 sfidat e marsit

Është bërë publike sot lista e përfaqësueses së Kosovës për 2 sfidat e muajit mars, që do të zhvillojnë ndaj Danimarkës dhe Bullgarisë.



Florent Hasani, Bersant Celina, Bernard Berisha janë 3 futbollistët e rinj të ftuar nga trajneri Shaland, të cilët nuk ishin në dispozicion të teknikut në ndeshjen e fundit ndaj Azerbajxhanit.

Celina dhe Berisha kanë qenë pjesë e Kosovës në grumbullimet e mëparshme, ndërkohë që Hasanin do të jetë hera e parë që do të veshë fanellën e Përfaqësueses A.

Mesfushori po kalon një formë të shkëlqyer në kampionatin hungarez, madje së fundmi gjeti edhe rrugën e rrjetës në sfidën ndaj skuadrës së Liridon Latifit. Hasani me herët ishte pjesë e Kosovës U-21, ndërsa në futbollin kosovar ka luajtur me Vushtrrinë dhe Trepçën ’89.

LISTA E LOJTARËVE TË GRUMBULLUAR

Portierë:
Samir Ujkani – Caykur Rizespor
Arijanet Muric – Manchester City
Visar Bekaj – FC Prishtina

Mbrojtës:
Amir Rrahmani – GNK Dinamo Zagreb
Fidan Aliti – Kalmar
Mërgim Vojvoda – Royal Excel Mouscron
Leart Paqarada – SV Sandhausen
Benjamin Kololli – FC Zurich
Arbenit Xhemajli – Neuchâtel Xamax
Mirlind Kryeziu – FC Zurich

Mesfushorë:
Florent Hasani – Diosgyor
Bersant Celina – Sëansea
Valon Berisha – SS Lazio
Hekuran Kryeziu – FC Zurich
Herolind Shala – Vålerenga Fotball
Idriz Voca – FC Luzern
Besar Halimi – Brøndby
Arbër Zeneli – Reims
Milot Rashica – SV Ëerder Bremen
Edon Zhegrova – Basel
Bernard Berisha – Akhmat Grozny

Sulmues:
Vedat Muriqi – Caykur Rizespor
Atdhe Nuhiu – FC Sheffield Ëednesday
Lirim Kastrati – Lokomotiva Zagreb.