VOAL

VOAL

Pyjet e Çernobilit janë në flakë

March 26, 2022

Komentet

PREMTIMET PARAZGJEDHORE PËR KRYETAR TË REPUBLIKËS – SA PREJ TYRE JANË TË REALIZUESHME!?- Nga Emir Kurtishi, jurist

TË GJITHA RRUGËT TË ÇOJNË DREJT VILËS “VODNO”
Viti 2024 zyrtarisht është shpallur vit i zgjedhjeve, jo vetëm në vendin tonë, por në mbarë botën, ku priten të mbahen edhe një sërë zgjedhjesh presidenciale, parlamentare dhe ato lokale, pa i anashkaluar edhe zgjedhjet për përbërjen e re të Parlamentit Evropian.
Lista e konfirmuar e kandidatëve që do të marrin pjesë në Zgjedhjet për Kryetar të Republikës së Maqedonisë së Veriut, shihet që interesimi është i lartë, por ajo që bie në sy është se nga të gjithë kandidatët janë propozuar nga së paku 10.000 votues, për dallim nga Gordana Siljanovska-Davkova, është e vetmja kandidate e cila është propozuar nga së paku 30 deputetë të Kuvendit të RMV-së.
Për dallim nga zgjedhjet e kaluara për Kryetar të Republikës, ku kishim vetëm një kandidat shqiptar që synonte karrigen e Kryetarit në Vilën Vodno, në këto zgjedhje kemi dy kandidatë të cilët pretendojnë dhe shpresojnë se do të futen në rrethin e dytë që do të mbahet më 8 Maj të këtij viti, së bashku me Zgjedhjet Parlamentare.
Dy kandidatët kryesorë që vijnë nga provinienca e partive politike maqedonase, janë të njëjtit që patën garuar në Zgjedhjet për Kryetar të Republikës në vitin 2019, ku fitues u shpall kandidati aktual, Stevo Pendarovski me gjithsej 435.656 vota apo 51.65% nga numri i përgjithshëm i votuesve, përkundër kandidates aktuale, Gordana Siljanovska-Davkova e cila arriti të merr 377.446 vota apo 44.75% nga numri i përgjithshëm i votave. A do të ketë befasi të reja në këto zgjedhje siç ka pasur dhe pritet të ketë në botë apo edhe këtë vit, zgjedhjet janë të parashikuara si ajo e zgjedhjes së Putinit në Rusi!?
Ndikimi i politikës globale dhe zhvillimi i luftës Ukrainë-Rusi, përkatësisht ndarja në fronte Evropë, SHBA dhe Rusi, dukshëm ka ndikuar dhe ka reflektuar edhe në skenën politike maqedonase. Një garë e ngjajshme interesante për Kryetar të Shtetit këtë vit ka pasur edhe Sllovakia, ku kandidati prorus Pellegrini arriti që t’i fitojë zgjedhjet për Kryetar të Shtetit në Sllovaki me 53% të votave në rrethin e dytë, përkundër kundërkandidatit të tij, ish-ministrin e punëve të jashtme, i njohur në skenën politike sllovake me orientim properëndimor, Ivan Korcok, i cili mori vetëm 47% të votave. Edhe Pellegrini, pas triumfit në zgjedhje, deklaroi se do të jetë kryetar i të gjithë qytetarëve sllovakë dhe se zotohet se do të jetë gjithmonë në anën e Sllovakisë. Befasia në këto zgjedhje për kryetar të shtetit në Sllovaki, ishte mosgarimi i kryetares Caputova, e cila ishte mbështetësja më e madhe e shtetit fqinj, Ukrainës në luftën e saj kundër pushtimit rus. Jo më pak interesante ishin edhe zgjedhjet në Finlandë, ku në mesin e pesë kandidatëve kryesorë kishte edhe një ish-kryeministër, ministra të jashtëm dhe të financave dhe kryeparlamentarë. Gara për shtetin nordik është zhvilluar mes ish-kryeministrit finlandez, Aleksander Stub, i cili në rrethin e dytë politik bëri një rikthim politik, duke e mundur kundërkandidatin, ish-ministrin e punëve të jashtme, Pekka Haavisto me 51.6% të votave, kundrejt 48.4%. Sipas mediave të huaja, vëmendja më e madhe i është kushtuar këtij vendi duke pasur parasysh vendndodhjen strategjike përgjatë kufirit lindor të BE-së dhe NATO-s me një Rusi gjithnjë e më agresive.

PREMTIME QË I TEJKALOJNË KOMPETENCAT E KRYETARIT TË REPUBLIKËS
Sipas Kushtetutës së RMV-së, Kryetari i Republikës është ai që e përfaqëson Republikën dhe është komandant suprem i forcave të armatosura. Kompetencat e tij të përcaktuara me Kushtetutë, më tepër janë të karakterit ceremonial, sepse, kompetencat ekzekutive, përkatësisht bartës i pushtetit ekzekutiv në vendin tonë është Qeveria (Neni 88).
Edhe kësaj radhe, çështja që diskutohet nëpër fushata zgjedhore, sidomos nga VMRO-DPMNE-ja është çështja e censusit zgjedhor, përkatësisht heqja e saj, që u integrua me Amendamentin XXXI të Kushtetutës së RMV-së në vitin 2009 që të zvogëlohej mundësia e dështimit të Zgjedhjeve për Kryetar të Republikës, sepse nga të gjitha kryetarët e deritanishëm, vetëm Kiro Gligorov është zgjedhur që në rrethin e parë, të gjithë të tjerët pas tij, janë zgjedhur në rrethin e dytë, edhe atë Boris Trajkovski me 52,40% të votave; Branko Crvenkovski me 60,64% të votave, kur censusi ishte 50% nga numri i përgjithshëm i votuesve të regjistruar, ndërkaq, Gjorge Ivanov u zgjodh në rrethin e dytë me 42% të votave, kur censusi u ul në 40%. Nëse merret parasysh legjitimiteti i Gjorge Ivanovit dhe të tjerëve pas tij, sigurisht që është më i ulët se i paraardhësve të tyre. Kjo është një indikator se gjithnjë e më shumë, jehona e votuesve bie në çdo cikël zgjedhor, si pasojë e dëshpërimit të votuesve, përkatësisht votuesit ndihen të lodhur me zhvillimin e deritanishëm të politikave, ku më tepër premtohet, se sa diç realizohet. Kjo në përgjithësi krijon klimë apatie, e cila reflektohet në anketat e përgjithshme të realizuara nga institucionet e ndryshme qofshin edhe ato organizata joqeveritare me një mosbesim të thellë ndaj institucioneve relevante në shtetin tonë dhe në daljen e përgjithshme të votuesve në zgjedhje.
Në këtë kontekst janë edhe sloganet e partive politike të cilët mundohen t’i zgjojnë votuesit e tyre nga apatia shoqërore, duke përçuar mesazhe rreziku dhe gjendje kritike, megjithëse, komunikologët i vlerësojnë si shterp dhe mungesë vizioni, duke përdorur slogane me fjalë të njohura e të përdorura përgjatë gjithë kohës. “Guximshëm për Maqedoninë” është për shembull, slogani i Stevço Jakimovskit, i cili edhe është i vetmi prej kandidatëve deri më tani, i cili është futur në listën e zezë të SHBA-së, për të tjerët deri në këtë moment që po shkruaj, nuk ka, por që me gjasë mund të del këto ditë, në përputhje me premtimet e Ambasadores së SHBA-së, e cila pati deklaruar se përgjatë tërë kampanjës listës së zezë do t’i shtohen emra të rinj.
Gordana Siljanovska-Davkova, kësaj here për dallim nga zgjedhjet e kaluara që kërkonte “Drejtësi për Maqedoninë – atdheu thërret”, ka dalur me sloganin “Maqedonia sërish krenare”. Për cfarë krenarije flet, mund të shquhet në përdorimin e retorikës dhe herë-herë sulmeve personale që ia adreson kundërkandidatit të saj, Stevo Pendarovskit dhe Qeverisë mbi zhvillimin e politikave vis a vis zgjidhjes së kontestit të emrit dhe çështja me Bullgarinë. Analogjia mund të jetë e gabuar, poqëse mendohet në “Maqedoninë krenare” të kohës së VMRO-DPMNE-së dhe Gjorge Ivanovit, i cili për dallim nga Stevo Pendarovski, më shumë ka qëndruar në heshtje, dhe ka vepruar atëherë kur s’duhej vepruar, duke krijuar precedente të reja juridike përgjatë kohës së tij. Nëse merret parasysh edhe vetoja presidenciale si mjet i fuqishëm në dorën e Kryetarit të Republikës, për të mos i dekretuar ligjet që janë të dëmshme për rendin juridik, Stevo Pendarovski, megjithëse ka mundur të jetë më aktiv, por qëndron më lart se kryetari paraprak, i cili nuk pati guxim asnjëherë që ligjeve të miratuara nga partia e tij politike, t’i abstenojë.
Kandidati, Stevo Pendarovski, duke vlerësuar veten e tij si të suksesshëm, kësaj here ka dalur me sloganin “Kryetari ynë Stevo”, ku dhe nga reklamat një gjë e tillë kërkohet nga qytetarët. Si slogan është më i thjeshtë dhe vetëpërcaktuar dhe vetëofrues për qytetarët. Deri më tash, mund të thuhet se ka qenë prej kandidatëve më modest dhe njëkohësisht më i moderuar në paraqitjet në fushatë, theks të veçantë duke i vendosur integrimit të vendit në BE dhe shqetësimin e migrimit të qytetarëve.
Maksim Dimitrievski nga Kumanova, e kërkon maksimumin për Maqedoninë e Veriut, kështu titullohet edhe slogani i tij: “Maksimum për Maqedoninë”, duke e vendosur theksin tek dy shkronjat e fundit, që në gjuhën maqedonase domethënë mençuri. Nuk është ndonjë kandidat që duhet nënvlerësuar, sepse largimi i tij, dukshëm e ka dobësuar ish partinë e tij në Kumanovë, megjithatë analizuar në mënyrë objektive, gjasat janë minimale për t’u futur në garën e rrethit të dytë.
“E majta” si gjithmonë e pakënaqur me zhvillimin e politikave të këtij vendi, e natyrshme ishte se do të paraqitet kandidatja e tyre femër, Biljana Vankovska me sloganin: “E rikthejmë dinjitetin e qytetarëve”. Ky slogan, mbase është më i duhuri dhe më i qëlluari për çdo qytetar, për cilin ka nevojë dhe vlerësohet si një ndër arsyet e shumta përse vendosin të largohen nga ky vend. Edhe kjo parti, nuk është për t’u nënvlerësuar, në çdo cikël zgjedhor shënon rritje gjithnjë e më shumë, duke kanalizuar pakënaqësinë e dy partive më të mëdha maqedonase. Kandidati i saj, vështirë që do të arrijë të futet në rrethin e dytë, për shkak të personalitetit të kandidatit dhe retorikës nacionaliste dhe thirrjeve kundër Marrëveshjes së Prespës, e cila me gjasë shumë shpejt mund të përfundojë në listën e zezë të SHBA-së, në përputhje me urdhërin ekzekutiv të miratuar nga Presidenti i SHBA-së.
Për dallim nga maqedonasit, kandidatët shqiptarë, garojnë me slogane të thjeshta si ajo “Kryetari evropian” i kandidatit Bujar Osmanit dhe “Taravari për President”. Edhe këta dy kandidatë, garojnë me retorikën e njohur e të dëgjuar deri më tani të subjekteve politike që garojnë për idenë e integrimit në BE dhe rrezikut prej Rusisë, më i zëshëm në këtë drejtim është kandidati i BDI-së, Bujar Osmani me sloganin e njohur “Po Evropës, Jo Rusisë”, kjo edhe për shkak të përvojës së deritanishme me zhvillimin e politikës së jashtme që është edhe njëra ndër kompetencat e Kryetarit të Republikës. Subjektet e këtyre dy kandidatëve, me vetëdijen se nuk do të arrijnë të futen as në rrethin e dytë zgjedhor në garën për Kryetar të Republikës, që në fillim të fushatës, i pari i cili e lansoi idenë që Kryetari i Republikës të zgjidhet në Kuvend, ishte kandidati Arben Taravari, me çka BDI e zënë ngushtë, idenë e tillë e përpunoi me kandidatin aktual, Bujar Osmani, duke propozuar që i njëjti të zgjidhet në Kuvend me shumicë të Badinterit, me çka Kryetari të ketë edhe zëvendësin e tij.

EPILOGU I ZGJEDHJEVE
Zgjedhjet konsiderohen të suksesshme dhe demokratike, kur përfundojnë pa ndonjë kontest dhe problem të caktuar. Pra, më e rëndësishme se krejt, është epilogu demokratik dhe fer i këtyre zgjedhjeve. Megjithëse rrethi i parë gjithçka e bën më të qartë fotografinë për kandidatin favorit që do të bëhet Kryetar i ardhshëm i Republikës.
Kësisoj, Kryetari i ardhshëm duhet të jetë parasëgjithash përfaqësues i krejt qytetarëve. Këtë detyrë të rëndësishme nuk duhet ta harrojë në asnjë moment. Model i një kryetari të tillë ishte Ivo Josipoviq, Kryetari i Kroacisë. Përpara se të zgjidhje kryetar ishte kryetari i PSD-së dhe deputet në Parlamentin e Republikës së Kroacisë, i zgjedhur nga PSD-ja. Shefi i tij partiak, Zoran Milanoviq, pas zgjedhjes së Josipoviqit për kryetar, tha si në vijim: “I pari fitoi njeriu, më pas PSD-ja”.
Pse të mos kemi edhe kryetar të tillë, i cili pas përfundimit të mandatit ta ndjekë shembullin e Monteskjes, i cili edhe pse ka qenë aristokrat, vullnetarisht ka dhënë dorëheqje prej privilegjeve të cilët i ka pasur si Kryetar i Parlamentit në Bordo!

Investigimi, rasti Lisi- Si blihen ndërkombëtarët e Tiranës

Me fjalë thuhet shpesh se regjimi Rama mbahet në këmbë përmes blerjes së ndërkombëtarëve, por po të gërmosh sadopak gjen edhe fakte që e provojnë këtë. Në emisionin “Report” të RAI 3, është zbërthyer skandali i një McGonigali shumë më të hershëm, kohë përpara sesa të korruptohej ish shefi i zyrës së FBI-së.

Aty tregohet se si në një rast, gjenerali kryesor i Guardia di Financia, ai që përkrah Saimir Tahirit, pohonte në 2015-tën se në Shqipëri ishte shkatërruar 99.2% e fushave me kanabis, kishte marëdhënie financiare me bosë të mafias.

Lapsi.al ka hapur arkivat për të parë se cili ka qenë roli në Shqipëri i Fabrizio Lisit që, ishte njëkohësisht edhe shefi i Interpolit. Nga arkivat rezulton se ai qe një njeri pranë qeverisë, ose më saktë lidhje e sekretarit të përgjithshëm të kryeministrisë, Engjëll Agaçi.

Gazetari i “Report” ka rikthyer në vëmendje një histori të vitit 2020 kur u zbulua se gjeneral Lisit, tashmë në pension, i ishin dhuruar 30 mijë metra katrorë tokë në bregdetin e Vlorës, nga trafikanti Artur Shehu.

Toka në Vlorë, dhuruar fondacionit të gjeneral Fabrizio Lisi

Ai e ka kontaktuar dhe e ka pyetur Fabrizio Lisin se si ishte e mundur që një njeri që paguhej për të luftuar narko tafiqet pranonte të tilla “dhurata”. Fillimisht ish oficeri është përpjekur të devijojë gjatë intervistës, por gazetari italian i ka nxjerrë përpara syve kontratën e dhurimit të firmosur para noterit. Dhe vetëm atëhere Lisi është detyruar të përgjigjet: “Nuk e njihja këtë person. Rastin ma solli Ëngjëll Agaçi. Unë e besoja Agaçin, pasi ai ishte njeri i besuar i kryeministrit shqiptar, Edi Rama”.

RAI 3: Ish-avokati i narko-trafikantëve, pas marrëveshjes Rama-Meloni

Pra, sipas pohimeve, në investigim njeriu i afërt i shefit të qeverisë ka ndërhyrë që një trafikant ti dhurojë një tokë buzë detit që kushton miliona, gjeneratit që kishte për detyrë të monitoronte nga ajri kultivimin e kanabisit në Shqipëri, por që deklaronte publikisht se ai ishte asgjesuar nga policia, kur të gjithë e dinin se vendi qe i mbushur plot.

Pra, këtu nuk kemi të bëjmë thjeshtë me një marëdhënie mes një trafikanti dhe një polici italian që do të përfitojë, por me korruptimin e këtij të fundit për tu përdorur për interesa të qeverisë.

Jo më kot emisioni Report ka këmbëngulur në pistën Agaçi dhe në faktin se ishte pikërisht ai që kishte bërë lidhjen mes trafikantit Artur Shehu dhe Fabrizio Lisit.

Gjenerali i thotë gazetarit: “fola me Ëngjëll Agaçin dhe ai më tha se i pëlqen kjo histori (dhurimi i tokës)”.

Gazetari e pyet: – Ti, i besove se ishte Agaçi në mes?

Gjeneral Lisi: Natyrisht.

Se çka ndodhur në kohën e Fabrizio Lisit tashmë dihet. Atëhere qeveria shqiptare dhe ministri Tahiri, të akuzuar nga të gjitha anët për rritjen e trafikut, organizuan një konferencë pompoze me temë “Antidroga një histori suksesi”. Pikërisht aty u shpall se ishin shkatërruar 99.2% e territorit të mbjellë. Kjo e bëri ambasadorin Lu që të shpallte me të madhe një deklaratë që i mbahet mend edhe sot e gjithë ditën: “ Shqipëria ka bërë një hap të madh përparë në kuftën kundër drogërave”.

Duhet të shihje zbulimet e fundit nga emisioni investigativ i Rai 3 për të kuptuar se e gjithë kjo butafori qesharake e kishte gjenezën tek një gjeneral italian i korruptuar, i paguar nga trafikanëtët, me të cilët pohon se e kishte lidhur një nga njerëzit më pranë Edi Ramës.  /Lapsi.al/

“Mafia shqiptare, e aftë të sjellë në Evropë tonelata me kokainë!”- Prokurori italian: Ka arritur të punojë me ‘Ndrangheta’

Lufta kundër korrupsionit dhe krimit të organizuar ka qenë në qendër të emisionit investigativ “Report” në Rai 3. Sipas investigimit, thuhet se mafia shqiptare ka bërë një rritje epokale në cilësi.

Nicola Gratteri prokuror i Napolit ka deklaruar se mafia shqiptare tashmë është strukturuar dhe ka arritur të punojë në bashkëpunim me N’Dragheta.

Sipas tij, ajo është e aftë që edhe në mënyrë të pavarur të sjellë në Itali dhe në Europë tonelata kokaine

“Mafia shqiptare është e fortë sepse vjen nga shtet ku ka një korrupsion të përhapur. Kështu organizatat kriminale që vijnë nga Shqipëria janë menjëherë të pasura, të forta dhe të pushtetshme. Mafia shqiptare tashmë është strukturuar dhe ka arritur të punojë në bashkëpunim me N’Drangheta. Ka disa vite që e shohim edhe në Amerikën e Jugut dhe është e aftë që edhe në mënyrë të pavarur të sjellë në Itali dhe në Europë tonelata kokaine” – thotë Nicola Gratteri prokuror i Napolit.

Në reportazh thuhet se Shqipëria renditet nga Transparency International si një nga vendet më të korruptuara në Europë.

Një rekord i trishtë i mbajtur prej disa dekadash. Gazetari kujton se vite më parë, kur sapo kishte ardhur në pushtet, kryeministri Edi Rama kishte emëruar si këshilltar ish-prokurorin italian Francesco Mandoi që për 20 vjet kishte qenë një pikë lidhjeje mes prokurorisë italiane të anti-mafias dhe dhe prokurorisë shqiptare.

“Nuk pati zhvillime të mëdha të ndonjë konsulence. Këshilltar në letra, por nuk më dëgjuan kurrë. Nuk më telefonuan kurrë edhe pse kishte shumë punë për të bërë. Anëtarët e mafias shqiptare apo narkotrafikantët kanë përfaqësuesit e tyre brenda institucioneve dhe kanë mundësi për të kushtëzuar veprimet e qeverisë” – thotë ish këshilltari i Edi Ramës, prokurori i antimafias italiane Francesco Mandoi. gsh

Gazmet Bardhi: ‘Investigimi i RAI 3 mbi Olsi Ramën pohoi denoncimin e opozitës! SPAK të rihapë procesin që varrosi Edi Rama’

Investigimi i programit televiziv shtetëror Italian “Rai 3”, për lidhjet e forta të krimit të organizuar me qeverisjen e Edi Ramës, është dëshmi e vërtetësisë së shqetësimit të opozitës në këto 11 vjet. Shembulli më domethënës i kësaj lidhje është ndërtimi për herë të parë në Shqipëri i Laboratorit më të madh në Ballkan të përpunimit të kokainës në Xibrakë. Policia dhe Prokuroria në atë rast kanë dështuar me dashje hetimin e plotë të rastit!

Dokumentet e konfirmuara dje nga investigimi i “Rai 3”, pohojnë hijen e dyshimit mbi rolin e Olsi Ramës në trafikun ndërkombëtar të kokainës që planifikohej të realizohej përmes Laboratorit të Xibrakës.

Nga dokumentet e hetimeve të prokurorisë rezulton se vëllai i kryeministrit shqiptar Edi Rama ka përdorur për lëvizjet e tij të njëjtën makinë që ishte në shërbim të një karteli të narko-trafikut shqiptar, persona që janë gjykuar tashmë pjesërisht dhe që kanë qenë në prani direkte të Olsi Ramës gjatë disa kontrolleve të policisë.

Roli i personave të paidentifikuara me dashje nga Policia dhe Prokuroria ka mbetur ende i pazbardhur. Është e domosdoshme që pa asnjë vonesë SPAK të rihapë procedimin penal 335/1-2016, të cilin Edi Rama do të dëshironte ta varroste përgjithmonë. Kjo është arsyeja pse ai bëri gjithcka për të izoluar lajmin mbi denoncimin dhe mohoi çdo kontroll të Parlamentit mbi këtë çështje, duke shkelur Kushtetutën dhe Rregulloren e Kuvendit.

Por ndërsa në Shqipëri ia arriti përmes personit ndaj medias dhe propagandës ta izolonte, me shpresën se SPAK nuk do të veprojë, dokumentet e publikuara dje nga programi më i rëndësishëm investigativ “Report”, në një nga mediat me serioze shtetërore italiane “Rai 3”, pohuan edhe më fuqishëm vërtetësinë e denoncimit të bërë nga ana jonë.

Investigimi i djeshëm i medias italiane rikonfirmon se e vërteta as nuk fshihet, as nuk mund të izolohet. Koha kur anëtarët e mafias shqiptare apo narkotrafikantët kanë përfaqësuesit e tyre brenda institucioneve, dhe kushtëzojnë veprimet e qeverisë, duhet të marrë fund. Shqipëria nuk ka të ardhme tjetër përveç rrugës europiane, me luftë reale ndaj korrupsionit dhe krimit të organizuar. Pa devijime, dhe pa mbyllur sytë ndaj njerëzve të veshur me pushtet nga Edi Rama!

ImageImage

RAI shkërmoq Reformën në Drejtësi: Vettingu është proces politik i kontrolluar nga pushteti i Ramës – Si u përjashtua prokurori Hajdarmataj

Televizioni publik italian RAI i ka kushtuar një emision të zgjeruar investigativ Shqipërisë mbrëmjen e së dielës (21 prill).

Tema kryesorë e investigimit ka qenë marrëveshja e dyshimtë mes kryeministrit të Shqipërisë Edi Rama dhe asaj italiane, Georgia Meloni, por në emision është trajtuar edhe reforma në drejtësi, përdorimi politik i drejtësisë nga Edi Rama, lidhjet e qeverisë Rama me narkotrafikun, madje implikimin e sekretarit të Përgjithshëm të kryeministrisë Engjëll Agaçi, lidhjet e vëllait të kryeministrit, Olsi Rama, me laboratorin e kokainës në Xibrrakë etj.

Lexo edhe: VIDEO/ RAI 3 konfirmon denoncimin e Bardhit me dokumente: Olsi Rama lëvizte me trafikantët e drogës, emri iu fshi nga dosja gjyqësore!

Gjatë emisionit ‘Report’ është trajtuar edhe një segment që i përket drejtësisë, siç është vettingu, një proces për të cilin media shtetërore italiane thotë se është një proces politik i kontrolluar nga pushteti. Për këtë është intervistuar gjyqtari italian Francesco Mandoi, i cili ka thënë se ka qenë këshilltar i Edi Ramës, por që në fakt nuk i është kërkuar kurrë asnjë këshillë prej kryeministrit shqiptar.

Faktin që vettingu ka qënë një proces tërësisht politik, emisioni “Report” e fakton me rastin e përjashtimit nga sistemi të Besim Hajdarmataj, ish-kreu i Prokurorisë së Krimeve të Rënda, të cilin media italiane e quan si “prokuror i bezdisshëm” për pushtetin, gjë që i ka kushtuar edhe nxjerrjen jashtë sistemit me vetting.

Pjesë nga emisioni “Report”:

‘Report’ sjell në vëmendje se në klasifikimin e ‘Transparency International’, Shqipëria cilësohet si vendi më i korruptuar në Europë, një primat i trishtë i mbajtur për dhjetë vite. Për të tentuar të rregullojë pak pozicionin e tij Edi Rama, referon ‘Report’, pak vite më parë ai ka emëruar një super këshilltar, për luftën kundër korrupsionit, gjyqtarin italian Francesco Mandoi për 20 vite figura që lidh antimafien italiane dhe magjistraturën shqiptare të cilin ‘Report’ e interviston.

‘Jam këshilltar në letra, por nuk kam dhënë kurrë ndonjë këshillë’ zbulon ai për gazetarin e ‘Report’

Që nga 2009 Shqipëria kërkon të hyjë në BE dhe për këtëarsye ka iniciuar disa reforma. ‘Po bëjmë të pamundurën për reformën në drejtësi’ deklaron për ‘Report’ ministri i brendshëm Taulant Balla, por është pikërisht reforma në drejtësi që preokupon më shumë ndërkombëtarët nënvizon gazetari i Rai 3. Qveria Rama ka zhvilluar një procedure kontrolli për gjyqtarët e prokurorët e quajtur vetting përballë një komisioni të zgjedhur nga Parlamenti.

Lexo edhe: VIDEO/ RAI 3 konfirmon denoncimin e Bardhit me dokumente: Olsi Rama lëvizte me trafikantët e drogës, emri iu fshi nga dosja gjyqësore!

‘Kontrolli nuk realizohet nga këshilli i lartë i ministrive publike, por prokurorët kontrollohen nga policë që janë nën ndikimin politik dhe jo vetëm, por ka një presion shumë të madh mbi gjyqtarët’ shprehet Francesco Mandoi për ‘Report’ që Rama e ka emëruar vetë si këshilltar që nuk e ka pyetur kurrë.

Gazetari i ‘Report’ pyet gjyqtarin italian: Me këtë procedurë, a po bën qeveria Rama një gjueti shtrigash për magjistratët e pavarur?

Mandoi: Sigurisht që po. Ka nisur një gjueti shtrigash kundër gjyqtarit tëbezdisshëm.

‘Report’ sjell në vëmendje se një nga gjyqtarët e bezdisshëm është Besim Hajdarmataji cili nga 2016 deri ne 2018 ka qenë kreu i Prokurorisë të Krimeve të Rënda dhe në 2021 është përjashtuar nga magjistratura pas procedurës sëvettingut.

Gazetari i Rai3 e ka intervistuar për emisionin ‘Report’: Çfarë gjetën për ju nëvetting?

Hajdarmataj: Kanë marrë disa fashikuj të disa kohëve më parë dhe më kanë thënë që nuk kam monitoruar mirë punën e disa vartësve të mi. Kanë hetuar edhe mbi të ardhurat e mia, por që nuk ka rezultuar ndonjë gjë me rëndësie megjithatë më kanë hequr nga magjistratura kështu jam detyruar të bëj rekurs në gjykatën e Strasburgut.

Gazetari: A mendoni se kjo ka qenë një hakmarrje për hetimet që keni bërë?

Hajdarmataj: Jam absolutisht i bindur për këtë.

‘Report’ kujton se kur Hajdarmataj ishte ne krye të prokurorisë për krimet e rënda ai ka hetuar mbi disa figura qëndrore të qeverisë Rama si ish-ministri i Brendshëm, Saimir Tahiri i akuzuar se ka favorizuar një nga grupet e mafias shqiptare

Hajdarmataj: Nda hetimit kishte dalë se Tahiri ishte i përfshirë në trafikun e drogës që shkonte nga Shqipëria drejt Italisë. Kemi mundur të bëjmë hetime të limituara pasi Tahiri kishte lidhje të forta me Policinë.

‘Report’ shpjegon se sinjalizimet e para për rastin në fjalë vijnë nga një ish polic i anti drogës në Vlorë, Dritan Zagani që ka paguar shtrenjtë integritetin e tij. Sot ai është i detyruar të jetojë me identitet të rremë në Zvicër ku i është dhënë strehim politik.

‘Kishte një grup të narko trafikut të drogës që pas zgjedhjeve të 2013 u bënë shumë të fuqishëm. Duke hetuar mbi këtë fakt, marr vesh se këta ishin kushërinjtë e ministrit tim, në atë kohë ministri i brendshëm’ shprehet mes të tjerash Zagani në intervistën e gazetarit për ‘Report’.

Emisioni ‘Report’ shpjegon me detaje lidhjen e Tahirit me Habiljat dhe lidhjet e tyre memafian italiane. Rrëfen historinë e Zaganit më pas atë tëTahirit duke përcjelle foto të tij me personazhe të botës së krimit edhe brenda burgut.

Më pas radhën e kanë Xhafaj dhe Ahmetaj. ‘Report’ shpjegon me detaje lidhjet dhe përfshirjet e tyre me botën e krimit dhe korrupsionin dhe nuk kursen as Olsi Ramën, vëllain e kryeministrit Rama.

‘Disa hije arrijnë deri tek vëllai i kryeministrit Edi Rama. Nga dokumentet e hetimeve të prokurorisë në 2016-ën që emisioni ‘Report’ i publikon ekskluzivisht më poshtë rezulton se vëllai i kryeministrit shqiptar ka përdorur për lëvizjet e tij të njëjtën makinë që ishte në shërbim të një karteli të narko-trafikut shqiptar, persona që janë tashmë gjykuar dhe që kanë qenë në prani direkte të OlsiRamës gjatë disa kontrolleve të policisë. Nga ky hetim lindi një proces gjyqësor ku narko-trafikantët janë dënuar ndërsa OlsiRama as të paktën nuk u mor në pyetje. Emri i tij, madje është fshirë nga dosjet gjyqësore” – nënvizon‘Reportduke publikuar edhe faksimilie të lëvizjeve të Olsi Ramës dhe anëtarëve të bandës së Xibrakës.

‘Pavarësisht rasteve të veçanta, në dekadën e fundit që i përket kohës së qeverisjes Rama, mafia shqiptare ka bërë një rritje epokale në cilësi’ thuhet ne ‘Report’

Në emisionin e Rai 3 intervistohet edhe Nicola Gratteri prokuror i Napoliti cili shprehet se: ‘Mafia shqiptare është e fortë sepse vjen nga shtet ku ka një korrupsion të përhapur. Kështu organizatat kriminale që vijnë nga Shqipëria janë menjëherë të pasura, të forta dhe të pushtetshme. Mafia shqiptare tashmë është strukturuar dhe ka arritur të punojë në bashkëpunim me Ndrangheta. Ka disa vite që e shohim edhe në Amerikën e Jugut dhe është e aftë që edhe në mënyrë të pavarur të sjellë në Itali dhe në Europë tonelata kokaine’.

 

‘(Hot)spot albanese’ – Emisioni investigativ i RAI 3 ndjek Engjëll Agaçin, ‘avokat i bosëve më të fuqishëm të narkotrafikut shqiptar’

Mbrëmjen e së dielës, emisioni investigativ ‘Report’ i RAI 3 ka zbuluar detaje nga kampet e refugjatëve që po ndërtohen në Shqipëri falë marrëveshjes së kryeministres italiane Georgia Meloni dhe kryeministrit shqiptar Edi Rama. 

(“Report”, programi që bëri histori në fushën e gazetarisë investigative në TV. Sigfrido Ranucci dhe ekipi i Report edhe një herë në rreshtin e parë me hetime dhe njohuri mbi politikën, ekonominë dhe shoqërinë.)

PJESA I

“Marrëveshja Rama-Meloni për emigrantët do t’i kushtojë italianëve rreth 1 miliardë euro për 5 vjet. Politika italiane e ka cilësuar mes të tjerash këtë marrëveshje, si një spot elektoral për kryeministren Meloni në prag të zgjedhjeve europiane.

Marrëveshja mes dy vendeve ka marrë në nëntorin e kaluar edhe bekimin e Presidentes të Komisionit EuropianUrsulavon del Leyen duke e cilësuar si një model i mundshëm për Europën. Më pas kjo u ndoq nga Komisari Europian për Emigracionin që i hapi zyrtarisht rrugën marrëveshjes.

Marrëveshja parashikon që Italia të paguajë ndërtimin e dy kampeve në Shëngjin dhe Gjadër nga zero, pasi atje nuk ekziston asgjë dhe afati i parashikuar për përmbylljen e punimeve është 20 maji i këtij viti ne prag të zgjedhjeve europiane.

Ministri i Brendshëm italian është i ngarkuari me menaxhimin e tenderave për ndërtimet e kampeve dhe ka siguruar që afatet do të respektohen, por stafi i emisionit ‘Report’ ka zbarkuar në Shëngjin për të monitoruar situatën e punimeve, por ajo çfarë kanë gjetur është vetëm fillimi i disa punimeve sporadike.

Ne kantier ‘Report’ ka mësuar diçka që qeveria italiane e kam mbajtur në heshtje që do të thotë kompaninë që ministria italiane ka caktuar për të bërë punimet. Në tabelën informuese në hyrje të zonës së ndërtimit shënohet emri ‘AKKAD’, shoqëri ndërtimi pulieze e drejtuar nga barezi Fabrizio Palmiotti, President i Rrjetit të Ndërtimeve nëPuglia.

Në Gjadër punimet janë edhe më të vonuara kështu afati i përfundimit të punimeve duket se ka rrëshqitur nga maji në nëntor shoqëruar me rritje të kostove fillestare.

Kryeministria italiane, Giorgia Meloni parashikon të sjellë në Shqipëri 36 mijë emigrantë në vit për 5 vite duke menduar se qeveria e saj është në gjendje të shqyrtojë 3 mijë kërkesa për azil në muaj dhe sipas ‘Report’ optimizmi i qeverisë së saj duhet të përballet me pesimizmin e burokracisë italiane.

Për këtë arsye ‘Report’ i është drejtuar specialistëve të ‘NumeroVerde’ që merren me asistencë tëemigranteve për kërkesat për azil dhe sipas eksperiencës së tyre vetëm për të prezantuar kërkesën duhen rreth 3 muaj.

Specialistët sjellin në vëmendje si shembull zyrën e Romës dhe shpjegojnë se ngadalësia e procedurës ka bërë që aktualisht të shqyrtohen kërkesat dhe te zhvillohen audiencat e aplikimeve tëvitit 2022.

Me pak fjalë, sipas tyre, procedurat për shqyrtim të kërkesave për azil si dhe marrja e dokumenteve apo lejes zgjasin rreth dy vite e gjysmë ndërkohë kur Meloni pretendon se do ta kryejë këtë procedurë në vetëm 28 ditë.

Marrëveshja është realizuar për shkak të marrëdhënieve të mira mes dy vendeve, por mbi të gjitha ajo është firmosur veçanërisht për shkak të marrëdhënieve jashtë mase të mira mes Melonit dhe Ramës.

Mes të dyve është instaluar në raport që nuk limitohet në protokollet formale të shteteve siç është parë edhe në Samitin e BE në Moldavi e më pas me pushimet verore të Melonit në Shqipëri në vilën në plazh të kryeministrit Rama.

Image

PJESA II (VAZHDIM)

‘Report’ rrëfen se ka provuar të kontaktojë Ramën për të kërkuar një intervistë, por nuk kanë marrë një përgjigje. Për këtë arsye ‘Report’ ka mbërritur në Tiranë gjatë një Samiti ndërkombëtar (Samiti 2 ditor BE-Ballkan Perëndimor në shkurt) dhe kanë tentuar t’i bëjnë ndonjë pyetje kur ai priste miqtë në tapetin e kuq.

Gazetari i ‘Report’: Kryeministër jam nga ‘Report’, Rai 3. A mund t’ju bëj ndonjë pyetje?

Rama: Më vonë.

Pas një ore pritje gazetari ritenton t’i bëjë pyetje: Z. Kryeministër a mund t’u pyes për marrëveshjen Itali – Shqipëri? T’ju pyes si ka mundësi kaq shumë bujari për ne italianët? Për 5 vite ne italianëve do të na kushtojë 100 milionë euro siguria për këtë marrëveshje.

Rama: Nuk i bëj unë llogaritë tuaja.

Gazetari: Është ajo çfarë ju i kërkoni Italisë

Rama: Jo, zero!

Image

Në këtë marrëveshje duket se do të ketë një të papritur ku një biznesmen italian, themelues i televizionit ‘Agon Channel’ mund të sekuestrojë pjesë të këtyre parave. Qeveria e Tiranës i ka mbyllur Becchettit aktivitetin e sapo nisur dhe për këtë arsye ai e ka cuar çështjen në një gjykatë ndërkombëtare duke arritur të fitojë çështje e për këtë arsye qeveria shqiptare i detyrohet atij një shifër prej 135 milion euro dëmshpërblim.

Për këtë gazetari i ‘Report’ pyet Ramën kur po priste miqtë në tapetin e kuq gjatë samitit të shkurtit: Bechetti do t’ju sekuestrojë 135 mijë euro nga marrëveshja

Rama: Kush është ky?

Gazetari: Biznesmeni, pronari i ‘Agon Channel

Rama: Nuk e njoh. Nuk më rezulton.

Në fakt shqiptarët e njohin Becchettin dhe e dinë historinë e tij. 10 vite më parë kur u pre një mandat arresti për Becchettit ai ia mbathi për Londër ku jeton ende sot në një nga lagjet më luksoze të kryeqytetit.

Gazetari i ‘Report’  ka shkuar ta intervistojë dhe në momentin e parë të intervistës i vë në dukje bluzën që Becchetti ka veshur mbi të cilën ka të shkruar: Më mirë ngjyra gri se e zeza dhe kështu e pyet se çfarë kërkon të thotë. Becchetti i përgjigjet: Më mirë ngjyra gri e qiellit të Londrës se sa e zeza e burgut. E në këtë rast gazetari e pyet: Pse rrezikoni burgun në Shqipëri? Becchetti: Sepse jam i persekutuar politik. Kam një histori unike në Europë.

Beccheti rrëfen më tej se ai është ndëshkuar se ka kritikuar qeverinë Rama. Kështu ai rrëfen kalvarin e tij pas përballjes me Ramën: me sekuestrimin e bizneseve të tij dhe dënimin me 17 vite heqje lirie. Tregon se si ka çuar çështjen në një gjykatë arbitrazhi dhe ka fituar por 135 milionë eurot ende nuk i ka parë nga qeveria Rama. Vendimi i gjykatës në favor të Becchettit është e njohur nga të gjitha konventat ndërkombëtare të nënshkruara edhe nga vetë Shqipëria. Pavarësisht kësaj Edi Rama në mënyrë konstante ka deklaruar se nuk ka ndër mend ti paguaj asnjë cent Francesco Becchettit.

Mesa duket përfituesi i vetëm i kësaj marrëveshje do të jetë Francesco Becchetti që mund te thuhet se ka pasur idenë gjeniale te gjejë mënyrën se si t’i marrë paratë e dëmshpërblimit qeverisë Rama. Një mënyrë që sipas Becchetit është të mbrojë të drejtat e tij dhe 135 milionë euro që Italia do t’i japë atij që e ka persekutuar janë të tijat.

Pretendimin në formë kërcënimi që ai ka bërë duket se si qeveria shqiptare ashtu edhe ajo italiane e kanë marrë seriozisht pasi sepse në marrëveshje është shtuar një pikë në bazë të së cilës Italia i garanton Shqipërisë se përmes kësaj marrëveshje asnjë sasi parash nuk do te mund të sekuestrohet nga një palë e tretë. ‘Është një shkelje e të drejtave të njeriut dhe e konventave ndërkombëtare shprehet Becchetti. ‘Është anti kushtetuese dhe nul’ shton ai.

Becchetti nuk duhet nënvlerësuar shprehet drejtuesi i emisionit të Rai 3, pasi në të kaluarën ai ka arritur te marrë një shumë prej 600 milionë euro nga dy kompani si Enel dhe Deutche Bank.

PJESA III (VAZHDIM)

Dy qendrat për emigrantet që do ndërtohen me paratë e italianëve në Shqipëri do të jenë pronë e shqiptarëve dhe Italia do t’i përdorë ato vetëm për 5 vitet kur do të shtrihet marrëveshja, por që mund të zgjaten edhe për 5 vite të tjera shtesë.

Ndërkohë gazetari i ‘Report’ e pyet Ramën gjatë Samitit të Shkurtit kur ai po priste miqtë në tapetin e kuq: Kryeministër, nëse pas 5 vitesh ndryshon qeveria dhe nuk do të jetë më kjo mazhorancë, a rrezikon që marrëveshja të prishet meqë zgjat vetëm 5 vite?

Rama: 5 vite do të zgjasë dhe nuk do ta prishë askush. Për ta rinovuar pastaj do mendojnë të tjerët.

Gazetari: Mund edhe të mos e rinovojnë apo jo?

Rama ngre supet: Nuk e di

Opozita në Shqipëri edhe pse me problemet e saj, drejtohet nga Sali Berisha, president pas diktaturës komuniste dhe kryeministër i vendit deri ne 2013. Në 30 dhjetorin e 2023 ai është dënuar me arrest shtëpie e që nga ajo ditë, nga dritarja e shtëpisë ku banon mban çdo ditë protestë poshtë së cilës mblidhen ndjekës, simpatizantë e mbështetës të tij të cilët mes shumë kauzash protestojnë edhe kundër marrëveshje Rama-Meloni.

‘Report’ ka kërkuar të intervistojë Sali Berishën i cili i ka pritur në shtëpi së bashku me dhëndrin i cili edhe ai është në gjendje arresti shtëpie.

‘Jam në arrest shtëpie për arsye totalisht politike’ nis intervistën Berisha për gazetarin e ‘Report’.

Gazetari: Jeni i akuzuar për korrupsion

Berisha: Nuk jam i akuzuar për korrupsion, jam nën hetim. Për arsye politike, për arsye se Edi Rama i frikësohet rikthimit të Sali Berishës ai ka marrë këto masa.

Para se Berisha të arrestohej beteja e tij e fundit në Kuvend me Ramën ka qenë pikërisht marrëveshja Itali – Shqipëri.

‘Kam kundërshtuar këtë marrëveshje për problemin me të drejtat e njeriut.’ Nuk mund të pranoj kurrë që policët shqiptarë dhe policët italianë të jenë gardianët e të drejtave të njeriut. Jo!’ – shprehet Berisha

Gazetari: nëse ju do tëbëheshit kryeministër, ju do ta vinit në diskutim këtë marrëveshje?

Berisha: Qeveria ime nuk do ta pranonte. Për këtë mbase qeveria italiane nuk do të ishte e lumtur, por jo.

‘Report’ sjell në vëmendje se në klasifikimin e ‘Transparency International’, Shqipëria cilësohet si vendi më i korruptuar nëEuropë, një primat i trishtë i mbajtur për dhjetë vite. Për të tentuar të rregullojë pak pozicionin e tij Edi Rama, referon ‘Report’, pak vite më parë ai ka emëruar një super këshilltar, për luftën kundër korrupsionit, gjyqtarin italian Francesco Mandoi për 20 vite figura që lidh anti mafien italiane dhe magjistraturën shqiptare të cilin ‘Report’ e interviston.

‘Jam këshilltar në letra, por nuk kam dhënë kurrë ndonjë këshillë’ zbulon ai për gazetarin e ‘Report’

Që nga 2009 Shqipëria kërkon të hyjë në BE dhe për këtëarsye ka iniciuar disa reforma. ‘Po bëjmë të pamundurën për reformën në drejtësi’ deklaron për ‘Report’ ministri i brendshëm Taulant Balla, por është pikërisht reforma në drejtësi që preokupon më shumë ndërkombëtarët nënvizon gazetari i Rai 3. QveriaRama ka zhvilluar një procedure kontrolli per gjyqtarët e prokurorët e quajtur vetting përballë një komisioni të zgjedhur nga parlamenti.

‘Kontrolli nuk realizohet nga këshilli i lartë i ministrive publike, por prokurorët kontrollohen nga policë që janë nën ndikimin politik dhe jo vetëm, por ka një presion shumë të madh mbi gjyqtarët’ shprehet FrancescoMandoi për ‘Report’ që Rama e ka emëruar vetë si këshilltar që nuk e ka pyetur kurrë.

Gazetari i ‘Report’ pyet gjyqtarin italian: Me këtë procedurë, a po bën qeveria Rama një gjueti shtrigash për magjistratët e pavarur?

Mandoi: Sigurisht që po. Ka nisur një gjueti shtrigash kundër gjyqtarit tëbezdisshëm.

‘Report’ sjell në vëmendje se një nga gjyqtarët e bezdisshëm është Besim Hajdarmataji cili nga 2016 deri ne 2018 ka qenë kreu i Prokurorisë të Krimeve të Rënda dhe në 2021 është përjashtuar nga magjistratura pas procedurës së vettingut.

Gazetari i Rai3 e ka intervistuar për emisionin ‘Report’: Çfarë gjetën për ju në Vetting?

Hajdarmataj: Kanë marrë disa fashikuj të disa kohëve më parë dhe më kanë thënë që nuk kam monitoruar mirë punën e disa vartësve të mi. Kanë hetuar edhe mbi të ardhurat e mia, por që nuk ka rezultuar ndonjë gjë me rëndësie megjithatë më kanë hequr nga magjistratura kështu jam detyruar të bëj rekurs në gjykatën e Strasburgut.

Gazetari: A mendoni se kjo ka qenë një hakmarrje për hetimet që keni bërë?

Hajdarmataj: Jam absolutisht i bindur për këtë.

‘Report’ kujton se kur Hajdarmataj ishte ne krye te prokurorisë për krimet e rënda ai ka hetuar mbi disa figura qendrore tëqeverisëRama si ish ministri i Brendshëm, Saimir Tahiri i akuzuar se ka favorizuar një nga grupet e mafias shqiptare

Hajdarmataj: Ndaj hetimit kishte dalë se Tahiri ishte i përfshirë në trafikun e drogës që shkonte nga Shqipëria drejt Italisë. Kemi mundur të bëjmë hetime të limituara pasi Tahiri kishte lidhje të forta me Policinë.

‘Report’ shpjegon se sinjalizimet e para për rastin në fjalë vijnë nga një ish-polic i anti drogës në Vlorë, Dritan Zagani që ka paguar shtrenjtë integritetin e tij. Sot ai është i detyruar të jetojë me identitet të rremë në Zvicër ku i është dhënë strehim politik.

‘Kishte një grup të narko-trafikut të drogës që pas zgjedhjeve të 2013 u bënë shumë të fuqishëm. Duke hetuar mbi këtë fakt, marr vesh se këta ishin kushërinjtë e ministrit tim, në atë kohë ministri i brendshëm’ shprehet mes të tjerash Zagani në intervistën e gazetarit për ‘Report’.

Emisioni ‘Report’ shpjegon me detaje lidhjen e Tahirit me Habiljat dhe lidhjet e tyre me mafian italiane. Rrëfen historinë e Zaganit më pas atë të Tahirit duke përcjelle foto të tij me personazhe të botës së krimit edhe brenda burgut.

Më pas radhën e kanë Xhafaj dhe Ahmetaj. ‘Report’ shpjegon me detaje lidhjet dhe përfshirjet e tyre me botën e krimit dhe korrupsionin dhe nuk kursen as Olsi Ramën, vëllain e kryeministrit Rama.

‘Disa hije arrijnë deri tek vëllai i kryeministrit Edi Rama. Nga dokumentet e hetimeve të prokurorisë në 2016-ën që emisioni ‘Report’ i publikon ekskluzivisht më poshtë rezulton se vëllai i kryeministrit shqiptar ka përdorur për lëvizjet e tij të njëjtën makinë që ishte në shërbim të një karteli të narko-trafikut shqiptar, persona që janë tashmë gjykuar dhe që kanë qenë në prani direkte të OlsiRamës gjatë disa kontrolleve të policisë.

Nga ky hetim lindi një proces gjyqësor ku narko-trafikantët janë dënuar ndërsa Olsi Rama as të paktën nuk u mor në pyetje. Emri i tij, madje është fshirë nga dosjet gjyqësore” – nënvizon ‘Report duke publikuar edhe faksimilie të lëvizjeve të Olsi Ramës dhe anëtarëve të bandës së Xibrakës.

‘Pavarësisht rasteve të veçanta, në dekadën e fundit që i përket kohës së qeverisjes Rama, mafia shqiptare ka bërë një rritje epokale në cilësi’ thuhet ne ‘Report’

Në emisionin e Rai 3 intervistohet edhe Nicola Gratteri prokuror i Napolit i cili shprehet se: ‘Mafia shqiptare është e fortë sepse vjen nga shtet ku ka një korrupsion të përhapur. Kështu organizatat kriminale që vijnë nga Shqipëria janë menjëherë të pasura, të forta dhe të pushtetshme.

Mafia shqiptare tashmë është strukturuar dhe ka arritur të punojë në bashkëpunim me Ndrangheta. Ka disa vite që e shohim edhe në Amerikën e Jugut dhe është e aftë që edhe në mënyrë të pavarur të sjellë në Itali dhe në Europë tonelata kokaine’.

PJESA IV (VAZHDIM)

Gjatë këtyre viteve Italia është përpjekur të intensifikojë luftën kundër narko trafikut dhe ka vendosur edhe një zyrë në Tiranë, pranë ambasadës dhe përgjegjësitë i ishin besuar Shefit të Intepolit ku ishte Gjenerali Lisi, Gjenerali i Guardia di Finanza  asnjëhërë i hetuar.

Lisi, njeriu me shumë lidhje është personi qëështë takuar me Engjëll Agaçin, por kush është Agaçi? -referon dhe ngre pyetjen prezantuesi i ‘Report’ ne Rai 3.

‘Kam njohur dhe takuar shumë njerëz, nga Obama tek Papa e shumë të tjerë’ referon mes të tjerash Lisi për ‘Report’ . Në kohën kur ishte në krye të Interpolit janë ngritur shumë pikëpyetje.

Disa anomali të rënda të Gjeneralit Lisi lidhen me Shqipërinë…

‘Kemi parë vete Lisin me narkotrafikantë shqiptarë. Në marrëdhënie punësh personale me to në Shqipëri, gjatë periudhës që po bëheshin hetime për ish ministrin Tahiri’ rrëfen Dritan Zagani për ‘Report’.

‘Report’ zbulon se Lisi kishte një fondacion në të cilin ishin pjesë edhe funksionarë të lartë të Ambasadës italiane ne Shqipëri. Në 2015, fondacionit të Gjeneralit i dhurohen 30 mijë metër katrorë të një plazhi ku dhuruesi bujar ishte Artur Shehu, narko trafikant dhe drejtues i mafias shqiptare

Gazetari pyet Lisin: Fondacioni juaj ka marrë si dhuratë një terren nga njënarkotrafikat, Artur Shehu? Ketu kemi kontratën dhe ne të shkruhet Artur Shehu. Është një transaksion që ju bëhet nga një narkotrafikant shqiptar.

Lisi: Po, por kjo është bërë para një noterit

Gazetari: Po, por mbetet gjithmonë njënarkotrafikant. Çfarë bën Shefi i Interpolit me njënarkotrafikant shqiptar?

Lisi: Artur Shehu jetonte jashtë shteti, por në Shqipëri nuk kishte asnjë precedent penal.

Gazetari: Po, por ne Itali ishte person në kërkim. Ishte në biznes me ‘Sacra Corona Unita (organizatë mafioze)

Lisi: Po, por unë nuk mund të shkoj të kontrolloj letrat e të gjitha prokurorive në Itali për të parëcfarë shkruhet

Gazetari: Po, por Gjeneral që Shehu ishte një peshk i madh i mafias shqiptare e dinin të gjithë, mendoj edhe ju që në atë kohë ishit…

Gjenerali: Kur kanë ndodhur këto gjëra ma kanë thënë, kujdes me këto njerëz…

Lisi, edhe për pozicionin që kishte mund ta bënte qoftë edhe një verifikim të thjeshtë për narkotrafikantin i cili është arrestuar për raportet e tij me ‘CosaNostra’ dhe dy vite para se ti dhuronte terrenin Lisit, ne 2013 mediat shqiptare shkruanin për arrestimin e Artur Shehut që e kërkonte Prokuroria e Lecespër shkak të lidhjes së tij me kreun e ‘SacraCoronaUnita’ dhe mbetet mister se si shefi i Interpolit ka arritur të hyjë në kontakt me njënarkotrafikant të njohur. – sqaron gazetari.

Gjenerali Lisi: Kam folur me Engjell Agaçin për këtë dhe me thotë që më argëton kjo histori, por të shohim se nuk është e thjeshtë. Bëri një punë të mirë sepse jo vetëm gjeti gjurmë, por gjeti edhe se kush ishte pronari.

Gazetari:Dhe ju i besuat sepse ishte Agaçi ne mes?

Lisi: Po, tjetër person nuk di…

Engjëll Agaçi është një avokat i rëndësishëm shqiptar që ka një zyrë edhe në Romë që ndër vite, mes klientëve të tij, janë edhe disa nga bosët kryesor të mafias shqiptare me procese gjyqësore në Itali. Ne 2016 disa prej të asistuarve të tij përfundojnë në qendër të një polemike gjyqësore. Sipas asaj që referojnë gjyqtarët italian disa të dënuar në Itali me 10 deri në 20 vite burg, dërgoheshin me shumë lehtësi në Shqipëri  dhe në momentin që arrinin atje vuanin dënime shumë më të ulëta ose liroheshin nga burgu – referon ‘Report’.

Gazetari i Rai 3 pyet gjyqtarin italian, këshilltarin e emëruar nga Rama, por që Rama nuk pyeti kurrë: Shumë gjyqtar janë ankuar për këtë, që ato i dënonin dhe pastaj nëse i çonin nëShqipëri…

Gjyqtari italian, Francesco Mandoi: Po, po. I nxirrnin. Në Itali nëse një person dënohej me 20 vite burg bënin deri në 6 vite burg dhe nëse nëItali dënohej 3 vite në Shqipëri dilte nga burgu.

Ndërkohë avokati Agaçi, ka braktisur klientët në Itali dhe është kthyer me kohë të plotë në Shqipëri ku po bën një karrierë brilante si Sekretar i Përgjithshëm ne Këshillin e Ministrave të qeverisë Rama. Këtë verë kur Meloni u takua me Ramën në Shqipëri ishte prezent edhe Engjëll Agaçi.

Këtë e konfirmon gjatë intervistës për Rai 3 edhe Ministri i brendshëm, Taulant Balla– shpjegon ‘Report’

Gazetari, gjatë kohës së qëndrimit në Shqipëri, bëri disa tentativa për t’u lidhur me Engjëll Agaçin për ta intervistuar, por pa sukses dhe kur humb të gjitha shpresat e sheh teksa del papritur nga godina e kryeministrisë. Vrapon për ti marrë një intervistë apo deklaratë, por e ndalon polici duke i kërkuar të largohet.

‘Engjëll Agaçi ka qenë avokati i bosëve më të fuqishëm të narkotrafikut shqiptar, ka qenë gjithashtu këshilltar i Gjeneralit Lisi, Shef i Interpolit italian kur qëndronte ne atë zyrë për të bërë ndërlidhjen mes policive kundër narkotrafikut. Lisi është këshilluar nga Agaçi për një veprim imobiliar dhe Agaçi e ka vënë në kontakt me Artur Shehun, kreu i narkotrafikut  ne kontakt me ‘CosaNostra’ dhe ‘SacraCoronaUnita’.

Lisi për ‘Report’ është shprehur se nuk e ka ditur se kush është Shehu dhe se i ka besuar Agaçit.’ shprehet drejtuesi i emisionit ‘Report’ duke shkuar drejt fundit të një reportazhi të gjatë.

Dritan Zagani: “E verteta sado te zhytet, kurre nuk mbytet” (video)

“E verteta sado te zhytet, kurre nuk mbytet”
Ja pra qe edhe krisma paska pasur, biles qenkan degjuar edhe pertej detit…😂😂 me ç’fare po duket edhe ndonje “gjyle” e madhe do plasi se shpejti 😉.
P.s..nje falenderim të veçante per gazetarin qe me ne fund ia doli te beje punen e tije fisnike per zbardhjen e te vërtetave deri ne fund.

‘Sunday Express’: Si po trafikohen nga Britania në Shqipëri paratë e pista të drogës

Policia britanike vëren se paratë që mendohet se krijohen nga bandat e kokainës dhe kanabisit, po zhvendosen jashtë Britanisë me furgonë për t’u pastruar në prona dhe biznese. Një investigim i gazetës britanike “Sunday Express” zbuloi se 4 anëtarë të dyshuar të një grupi të krimit të organizuar, të përfshirë në kontrabandën e parave të pista nga Britania në Shqipëri ishin arrestuan vetëm këtë muaj.

Një zëdhënës i NCA tha se “oficerët besojnë se grupi operon nën maskën e një kompanie korrierësh legjitimë”.

Më 13 prill, një shtetas shqiptar, 48 vjeç, u arrestua në Dover kur në automjetin e tij iu sekuestruan 200 mijë £ në kartëmonedha. Në të njëjtën ditë, dy burra, të moshave 34 dhe 22 vjeç, si dhe një 17-vjeçar u arrestuan në Tottenham Hale, në veri të Londrës, kur u sekuestruan rreth 150 mijë £ para të thata.
Hetimi kishte filluar në shkurt 2022 pasi zyrtarët e Forcave Kufitare ndaluan një shtetas shqiptar në tunelin e Kanalit të La Manshit. Brenda furgonit të tij, me destinacion kryeqytetin shqiptar Tiranën, oficerët gjetën 390 mijë £ ndërsa 150 mijë £ të tjera u gjetën në shtëpinë e tij në Haringey. Investigimi i “Sunday Express” zbuloi se praktika e përdorimit të firmave të korrierëve me bazë në Mbretërinë e Bashkuar për të lëvizur para të padeklaruara është goxha e përhapur.

Në maj të vitit 2021, policia shqiptare sekuestroi 123 mijë £ të fshehura në një furgon Mercedes të dërguar nga kompania “Sihana Transport” me qendër në Luton, i cili lëvizte mallra të ligjshme.
Bandat shqiptare të krimit po përdorin firma korrierësh të regjistruara në Mbretërinë e Bashkuar për të transportuar pakot e parave në atdheun e tyre. Paratë që mendohet se në disa raste janë gjeneruar nga organizatat e kokainës dhe shtëpive të barit po zhvendosen nga Britania me furgona për t’u pastruar në prona dhe biznese.

Investigimi i “Sunday Express” zbuloi se korrierë të regjistruar në “Companies House” drejtohen nga disa nga shtetas shqiptarë të cilët reklamojnë në rrjetet sociale se transportojnë sende të ligjshme mes dy vendeve, siç mund të jenë mobiljet. Në disa raste ata janë përfshirë në dërgimin e parave cash të padeklaruara dhe të paktën një rast u gjetën edhe armë zjarri. Javën e kaluar kjo gazetë zbuloi se gjigantët e mediave sociale po ndihmojnë në nxitjen e një fluksi punonjësish shqiptarë të drogës të promovojnë një mënyrë jetese kriminale.

Shoferi Olsi Sefolli, 24 vjeç, u arrestua pasi nga skanimi me rreze X i furgonit të tij u gjetën të fshehura 10 pako me para. Sefolli nga Durrësi (Shqipëri) mohoi në polici të kishte dijeni për to. Ai tha se e kishte marrë furgonin në portin e Ankonës në Itali nga një tjetër shofer i ardhur nga Britania e Madhe. Gjatë gjykimit të tij, kushëriri i Olsit, Guxim Sefolli, 30 vjeç, nga Lutoni, i cili zotëron “Sihana Transport”, dëshmoi duke pranuar se ishte ai që kishte fshehur paratë në furgon pa dijeninë e dy shoferëve. Ai tha se paratë ishin për të blerë një apartament në Vlorë.

Ai mohoi se ishin të ardhura kriminale dhe tha se ishin kursimet e tij të fituara në mënyrë legjitime nga viti 2017 e më pas, por edhe të bëra me punë të zezë në ndërtim që nga ardhja e tij në Mbretërinë e Bashkuar nga 2010 deri në 2017. Guximi nuk u përball me asnjë sanksion, por Olsi u shpall fajtor për mosdeklarim të ardhurash dhe u dënua me 9 muaj burg me kusht.

E njëjta firmë u vu në vëmendjen e policisë shqiptare në prill të vitit të kaluar kur në një furgon në saj në Portin e Durrësit u gjetën 8 pistoleta dhe municione luftarake. Raportimet në Shqipëri përmendën Guxim Sefollin si pronar të furgonit dhe thanë se ngarkesa ishte nisur për në Angli.

Struktura Speciale Kundër Korrupsionit dhe Krimit të Organizuar në Shqipëri (SPAK) kërkoi mbështetje nga autoritetet e Mbretërisë së Bashkuar për të hetuar rastin dhe forcat shqiptare thanë se drejtuesi i furgonit mbetet nën hetim. Guxim Sefolli është kontaktuar për një koment përmes një faqeje në Facebook për firmën e korrierëve, e cila që atëherë ka ndryshuar emrin.

“Një klient përdori kompaninë time për të sjellë disa tavolina nga Shqipëria dhe fshehu këto armë pa dijeninë time. Sapo e zbulova këtë, bëra një kallëzim në stacionin e policisë lokale dhe më vonë inteligjenca e Mbretërisë së Bashkuar më pyeti për detaje dhe unë dhashë gjithçka” – tha ai për armët.

Ai tha se emri i tij në Shqipëri në lidhje me të dyja rastet kishte ndikuar në reputacionin e tij ndaj dhe ai është zhvendosur në profesione të tjera. Në një rast tjetër, u gjetën 225 mijë £ në rezervuarin e karburantit të një furgoni Mercedes të regjistruar në Mbretërinë e Bashkuar në portin italian të Barit në shkurt 2021.

“Këto automjete e bëjnë udhëtimin çdo javë. Ka një rrjet të mirëorganizuar” – tha një zëdhënës i doganës italiane në atë kohë. “NCA nuk konfirmon ose mohon në mënyrë rutinore hetimet” – tha një zëdhënës i NCA.

Nga kontrollet e mediave online nga gazeta janë gjetur 28 kompani të regjistruara në Britaninë e Madhe, të specializuara në transportin e rrobave, mobiljeve apo sendeve të tjera nga qytete të ndryshme drejt Shqipërisë. “Brenda komunitetit shqiptar në Mbretërinë e Bashkuar dihet mirë se disa nga këto firma nxjerrin para kontrabandë jashtë vendit” – tha një burim shqiptar.

“Forca Kufitare është e vendosur në përpjekjet e saj për të zbuluar dhe konfiskuar mallra të dëmshme ose para të padeklaruara” – tha një zëdhënës i Zyrës së Ministrisë së Brendshme. ©Marrë nga Sunday Express sn

ANSA: Agaçi ish-avokat i trafikantëve të drogës nga Tirana tentoi korruptimin e kreut të intepolit Romë

Marrëveshja mes Italisë dhe Shqipërisë për emigrantët mund të kushtojë rreth 1 miliardë euro, pa zgjidhur asnjë problem dhe me rrezikun që një pjesë e këtyre parave të sekuestrohet nga një sipërmarrës i njohur italian, i cili pretendon se Tirana i ka borxhe.

Gjithashtu, njeriu kyç në marrëveshjen e kërkuar nga qeveria Meloni është Engjëll Agaçi.

Sekretar i Përgjithshëm i kryeministrit Edi Rama dhe ish-avokat i eksponentëve kryesorë të mafies shqiptare në Itali, njëkohësisht në qendër të një tentative të bujshme për të korruptuar kreun e Interpolit të Romës.

Këto e më shumë do të zbulohen dhe mbështeten mbrëmjen e sotme (e diele 21 prill) në orën 21:00 në Rai 3 në emisionin ‘Report’, në një investigim të realizuar nga gazetari GiorgioMottola i cili flet edhe për disa çështje ligjore të ministres Daniela Santanché, e cila ka nënshkruar edhe ajo njëmarrëveshje me Tiranën.

‘Report’ ka investiguar mbi operacionin e emigrantëve në Shqipëri dhe ka zbuluar‘një seri të gjatë mospërputhjesh’. Nga dokumentet e konsultuara del se krahasuar me 36 mijë emigrantë të parashikuar nga Meloni, dy qendrat e pritjes shqiptare do të presin maksimumi 2822 emigrantë, duke qenë se kapaciteti maksimal është më pak se një mijë persona.

Dhe kostot tashmë janë jashtë kontrollit: ndërtimi i dy qendrave ka shkuar nga 35 milionë në 65 dhe rrezikon të rritet më tej duke qenë se afati i punimeve tashmë është shtyrë nga maji në prill. Kostot të cilat, siç del nga dokumentet e konsultuara nga ‘Report’, do të përballohen me shkurtime të rënda për Ministrinë e Universitetit, Mjedisit dhe Shëndetësisë (italiane).

Por ekziston edhe rreziku që një pjesë e parave të destinuara për Shqipërinë mund të përfundojnë duke përmbushur llogaritë e Francesco Becchetti, sipërmarrës i diskutueshëm, themelues i ‘Agon Channel’ dhe nip i ManlioCerroni sipërmarrës landfillesh.

Shqipëria u dënua me 135 milionë euro dëmshpërblim për biznesmenin italian (Becchetti), por nuk ka ndërmend ta paguajë. Dhe për këtë arsye ai gjeti një mënyrë të sekuestronte një pjesë të fondeve të destinuara për qeverinë e Tiranës (nga Italia, përmes paktit të emigrantëve).

‘Report’ ka zbuluar identitetin e njeriut kyç në marrëveshjen mes Italisë dhe Shqipërisë, ai është Engjëll Agaçi, Sekretar i Përgjithshëm i Ramës. Agaçi është një avokat i rëndësishëm shqiptar me zyrë edhe në Romë. Në të kaluarën, klientë të tij ishin disa nga bosët kryesorë të mafies shqiptare, të gjykuar në Itali.

Në vitin 2016, disa nga klientët e tij përfunduan në qendër të një polemike ligjore. Sipas asaj që kanë raportuar magjistratët italianë, shumë bosë të mafias shqiptare, të dënuar me 10 deri në 20 vjet në Itali, u ekstraduan shumë lehtë në Shqipëri, ku pasi mbërritën ata vuanin dënime shumë më të ulëta ose madje u liruan nga burgu sipas ‘Report’.

Avokati Agaçi zë një nga postet qendrore të qeverisë Rama, si Sekretar i Përgjithshëm i Këshillit të Ministrave. Kur Giorgia Meloni shkoi me pushime në Shqipëri këtë verë për të diskutuar detajet e marrëveshjes për emigrantët, ai ishte gjithashtu i pranishëm, përkrah Edi Ramës dhe kryeministres italiane.

‘Raport’njofton: ‘Agaçi ka qenë konsulent i kreut të ‘Interpol’, Gjeneral Lisi, oficer ndërlidhës mes Tiranës dhe Romës, në luftën kundër trafikut të drogës. Lisi duhej të menaxhonte një operacion pasurish të paluajtshme që kishte të bënte me zotërimin e disa tokave për fondacionin e tij dhe iu drejtua avokatit Agaçi i cili e vuri në kontakt me një ‘prestanome’që quhet Artur Sheu, kreu i trafikantëve të drogës në kontakt me ‘CosaNostra’ dhe ‘SacraCoronaUnita’.

Lisi ka deklaruar për ‘Report’ se nuk e dinte kush ishte Sheu dhe se kishte besim tek Agaçi.

Edhe Rama dhe qeveria jonë i besuan Agaçit.Ishte ai që në rolin e këshilltarit ligjor të Ramës, ndoqi në emër të qeverisë shqiptare ankesën e paraqitur nga opozita në Gjykatën Kushtetuese shqiptare në lidhje me marrëveshjen mes Italisë dhe Shqipërisë për emigrantët, që mund të bllokonte gjithçka.

Agaçi shpëtoi milion investime që do të mbërrijnë nga Italia në Shqipëri. (Po flasim për rreth një miliard euro në 5 vjet). sn

Berisha flet për RAI 3 nga arresti shtëpiak: Nuk akuzohem për korrupsion, jam nën hetim për arsye politike

Ish-kryeministri Sali Berisha, ka folur për median shtetërore italiane, RAI, në një dokumentar investigativ rreth marrëveshjes Rama-Meloni për ngritjen e kampeve të refugjatëve në Shqipëri.

Berisha ka theksuar në intervistë se ndodhet në arrest politik.

Më tej, ai ka folur për marrëveshjen për refugjatët për të cilën ka thënë se e ka kundërshtuar për shkak të shkeljes së të drejtave të njeriut.

Pjesë nga intervista:

Po. Jam në një arrest shtëpie për proces totalisht politik. Unë nuk jam i akuzuar për korrupsion, por jam vënë nën hetim, por për arsye politike, për frikën që Edi Rama ka nga rikthimi i Sali Berishës dhe që ka adoptuar këto masa”. Janë këto fjalët që lideri demokrat, Sali Berisha, tha në emisionin “Report” të RAI 3 dhe që trajtoi çështjen e marrëveshjes Rama – Meloni për emigrantët.

***

Dokumentari ngriti shqetësimin se milionat e hedhura nga qeveria italiane mund të shkojnë dëm pasi nëse opozita vjen në pushtet ajo nuk do ta rinovojë marrëveshjen pas 5 vitesh kur edhe skadon.

E kam kundërshtuar këtë marrëveshje për problemin e të drejtave të njeriut. Nuk mund të pranosh që policë shqiptarë apo italianë janë gardianë të të drejtave të njeriut. Jo. Këto kampe duhet të ishin mbikëqyrur nga parlamentar, nga OKB-ja… Qeveria ime nuk do ta pranojë këtë marrëveshje. Ndoshta qeveria italiane nuk është e lumtur me këtë, por kjo duhet sqaruar” – thotë Berisha.bw

RAI 3 zbërthen paktin Rama-Meloni për refugjatët: Kush është personi kyç i marrëveshjes! Mafia shqiptare ka njerëz në institucionet shtetërore, kushtëzojnë veprimet e…

Emisioni investigativ “Report” të RAI 3 trajtoi mbrëmjen e së dielës marrëveshjen mes Shqipërisë dhe Italisë për çështjen e emigrantëve. Në investigimin e RAI-it u shfaq Engjëll Agaçi si personi kyç i kësaj marrëveshje mes dy kryeministrave, marrëveshje e cila nuk ka patur transparencën e duhur nga asnjëra palë.

Media italiane e ka cilësuar Agaçin si ish-avokat i narkotrafikantëve dhe person që ka tentuar të korruptojë kreun e interpolit të Romës.

Por gazetari Giorgio Mottola ka shkuar edhe më tej gjatë emisionit duke u ndalur në luftën ndaj korrupsionit dhe krimit të organizuar. Ai është ndalur edhe tek akuzat që i janë bërë Olsi Ramës, vëllait të kryeministrit Edi Rama nga opozita.

“Disa hije arrijnë deri tek vëllai i kryeministrit Edi Rama. Nga dokumentet e hetimeve të prokurorisë në 2016-ën që emisioni “Report” i publikon ekskluzivisht më poshtë rezulton se vëllai i kryeministrit shqiptar ka përdorur për lëvizjet e tij të njëjtën makinë që ishte në shërbim të një karteli të narko-trafikut shqiptar, persona që janë tashmë gjykuar dhe që kanë qenë në prani direkte të Olsi Ramës gjatë disa kontrolleve të policisë.

Nga ky hetim lindi një proces gjyqësor ku narko-trafikantët janë dënuar ndërsa Olsi Rama as të paktën nuk u mor në pyetje. Emri i tij, madje është fshirë nga dosjet gjyqësore” – thuhet në dokumentin e emisionit “Report” të RAI 3 që ka publikuar edhe fotot e Olsi Ramës.

Pas akuzave të përfaqësuesve të opozitës, vetë Olsi Rama si dhe kryeministri Edi Rama i mohuan akuzat duke paralajmëruar një padi për shpifje në gjykatë për Gazment Bardhin.

“Pavarësisht rasteve të veçanta, në dekadën e fundit që i përket kohës së qeverisjes Rama, mafia shqiptare ka bërë një rritje epokale në cilësi, citohet” – në reportazhin e RAI 3.

“Mafia shqiptare është e fortë sepse vjen nga shtet ku ka një korrupsion të përhapur. Kështu organizatat kriminale që vijnë nga Shqipëria janë menjëherë të pasura, të forta dhe të pushtetshme. Mafia shqiptare tashmë është strukturuar dhe ka arritur të punojë në bashkëpunim me N’Drangheta.

Ka disa vite që e shohim edhe në Amerikën e Jugut dhe është e aftë që edhe në mënyrë të pavarur të sjellë në Itali dhe në Europë tonelata kokaine” – thotë Nicola Gratteri prokuror i Napolit.

Në reportazh thuhet se Shqipëria renditet nga Transparency International si një nga vendet më të korruptuara në Europë. Një rekord i trishtë i mbajtur prej disa dekadash. Gazetari kujton se vite më parë, kur sapo kishte ardhur në pushtet, kryeministri Edi Rama kishte emëruar si këshilltar ish-prokurorin italian Francesco Mandoi që për 20 vjet kishte qenë një pikë lidhjeje mes prokurorisë italiane të anti-mafias dhe prokurorisë shqiptare.

“Nuk pati zhvillime të mëdha të ndonjë konsulence. Këshilltar në letra, por nuk më dëgjuan kurrë. Nuk më telefonuan kurrë edhe pse kishte shumë punë për të bërë. Anëtarët e mafias shqiptare apo narkotrafikantët kanë përfaqësuesit e tyre brenda institucioneve dhe kanë mundësi për të kushtëzuar veprimet e qeverisë” – thotë Mandoi.bw

Po lejojmë që paraja e pisët të na orientojë të ardhmen politike, ekonomike e institucionale Nga Alba Kepi

Kam kundërshtuar sa mundem me analizën e profesionin tim Paktin Meloni-Rama duke e konsideruar qysh në firmën e tij më 6 nëntor 2023 një reklamë elektorale të KM Italiane në zgjedhjet Europiane të qershorit 2024 e një reklamë internacionale për KM shqiptar.

Përtej antiligjshmërisë së ekstraterritorialitetit të një projekti të tillë në një territor shqiptar, e përtej pabesisë që u bëhet emigrantëve që nisen në varka vdekje me të vetmen shpresë për të mbërritur në një territor BE, (e jo në Shqipëri), ky Pakt do të lulëzojë grupet kriminale shqiptare e biznesin e tyre në trafikun e qënieve njerëzore.

Kjo foto êshtë kopertina e kronikës speciale të Report që do të transmetohet sonte në Rai3.

Në kronikën e sotme zbardhet dhe roli i një ish avokati të narkotrafikantëve të Tiranës e aktualisht brenda oborrit të Ramës. (besoj se e dini kush është)

Qartë kjo kopertinë shpreh se nuk do jenë qëndra hotspot (kampe) por një spot- reklamë e Melonit për në votën e PE.

Ndërsa në Itali çdo detaj i këtij Pakti zbardhet e analizohet me seriozitetin maksimal të opozitës, në Shqipëri ka një reagim të vakët sa absurd.

Po lejojmë një gabim e një përsëritje të historisë që favorizoi në të shkuarën fuqizimin e grupeve kriminale shqiptare e që sot kanë evoluar në njê sofistikim të korrupsionit në çdo nivel e të mafiozëve që orientojnë ekonominë, politikën dhe votën.

Po lejojmë të na orientojë të ardhmen politike, ekonomike e institucionale paraja e pisët fituar mbi lëkurën e emigrantëve.

Mund të jetë art pop i teksti që thotë "HoT HOTSPOT SPOT ALBANESE"


Send this to a friend