Pas skandalit të gazetarit gjobëvënës Adriatik Doçi, për të cilin janë publikuar të paktën 4 audiopërgjime nga portali PublikTV.Live, prokuroria e Tiranës ka nisur hetimet.

Këto audiopërgjime e kanë nxjerrë zbuluar si shantazhues e gjobaxhi, gazetarin e Carlo Bolinos, i cili rrëfen se si në rolin e gazetarit me një portal anonim “Prapaskena”, u vendos gjoba politikanëve, bizneseve, gjyqtarëve e prokurorëve.

Gazetari nuk ka kursyer asgjë në këtë regjistrim tek gazetarja e PublikTV.Live, duke treguar edhe listën e çmimeve të gjobave që ai i ka vendosur pronarëve të bizneseve dhe jo vetëm.

Mësohet sipas burimeve se pas fillimit të hetimeve për audiopërgjmin, disa personazhe të tjerë jopublike dhe të botës së biznesit, kanë ngritur kallëzime ndaj Doçit dhe “Prapaskenës” së tij. Në Gjykata ka pasur disa kallëzime penale e civile ndaj Adriatik Doçit.

Ndërsa bëhet me dije se dhe një tjetër kallëzim po çohet në SPAK, duke kërkuar hetim të thelluar ndaj Adritik Doçit.

Një audio-përgjim i publikuar nga portali “Publik Live”, ka konfirmuar aktivitetin gjobëvënës të Adriatik Doçit, i cili përmes “Prapaskenës”, vendos gjoba të ndryshme financiare ndaj bizneseve dhe zyrtarëve përmes shantazheve dhe shpifjeve.

Pak orë pas publikimit të audiopërgjimit të pare ku Doçi, tregonte se si vendoste gjoba ndaj biznesit dhe politikanëve të lidhur me kryeministrin Edi Rama, u akuza nga media që kishte realizuar përgjimin për kërcënim dhe sharje të gazetarëve të “PublikTV.Live”.

Si rrjedhojë redaksia e portalit PublikTV.Live, publikoi pjesën e dytë të audiopërgjimit ku Adriatik Doçi tregon se si i përulen drejtorë, deputetë, ministra, madje dhe vetë kryeministri nga informacionet që ai disponon.

Pas dy audiopërgjimeve të publikuara, do të vinte dhe i treti ku gazetari Doçi ka raportuar se ai ka marrëveshje me bizneset në formë reklamash dhe që variojnë nga 2 mijë euro në muaj, deri në 10 apo 20 mijë euro.

Gjithashtu, Doçi tregon se ka dhe raste kur i kanë ofruar edhe shtëpi me çmimin e referencës për gjobat, ku sipas tij një shtëpi që kushton 100 mijë euro, ai e merr me 50 mijë.

Ndërsa në audiopërgjimin e katërt thellohet edhe më tej skandali, pasi gazetari gjobëvënës i Karlo Bolinos rrëfen se si shantazhoi gjykatësin e Elbasanit për llogari të një grupi kriminal droge.

Doçi tregon se si gjyqtari në Elbasan mori para nga ky grup, por edhe favoret seksuale nga vajza të mitura. syri.net