Pas vendimit të Gjykatës Kushtetuese për pezullimin e vendimit të Presidentes, shoqëria kosovare, politikanët, njohësit dhe hartuesit e Kushtetutës janë ndarë në dy taborre! Disa e thonë se Presidentja e ka shkelë Kushtetutën, kurse dikush tjetër e thotë se ka pas të drejt në vendimin e saj! Vetë fakti i pezullimit të “Dekretit” të Presidentes u jepë të drejt të parëve dhe e dëshmon ngutinë dhe gabimin e qëllimshëm të Vjosa Osmani.

Grupet e interesit të ‘kryqëzojnë’ akoma pa e përfunduar fjalën!

Të gjitha partitë pa dallim fuqie elektorale janë duke i bërë kalkulimet e tyre të fundit për ta “pushtuar” kalanë presidenciale! Këtë mundësi ua ka dhënë vakumi kushtetues, i cili ka lënë hapësirë kalkulimesh dhe pazaresh politike për zgjedhjen e presidentit në Kuvend!

Aq të fuqishme dhe të rrezikshme janë grupet e interesit brenda partive tona politike, saqë po ua prishe rehatinë e përfitimit nga të fortët e politikës, të ‘kryqëzojnë’ akoma pa e përfunduar mirë fjalën!

Kosova ka nevojë për unifikim të qëndrimeve dhe vendimeve të institucioneve të larta shtetërore e jo për dualizëm të veprimeve siq kishte ndodhur deri më tani, kur dy krerët më të lartë shtetëror mbanin qëndrime kontraverse karrshi raporteve me aleatët tonë strategjik.

Presidenti i ardhshëm i shtetit të Kosovës duhet të jetë person unifikues i spektrit politik dhe person që e ruan stabilitetin institucional të shtetit!

Për shkak se, si pasoj e disbalancit institucional, gjegjësisht si pasojë e mos koordinimit të Presidentes me Kryeministrin dhe anasjelltas, Kosova për herë të parë u fut nën scanksione ekonomike ndërkombëtare!
Për shkaqet e hendekut të thellë mes Kryeministrit dhe Presidentes nuk e preferoj të flas në mënyrë hipotetike, pasi dy akterët e lartë të politikës kosovare e kanë për obligim që të sqarojnë për opinionin publik arsyet e thyerjes së madhe politike, në mënyrë që të parandalohen spekulimet mediatike, aq shumë të përhapura në vendin tonë!

Lideri shtetëror duhet të jetë me këmbë në tokë e jo me ‘kokë në qiell’

Nga momenti i katapultimit në postin e presidentit, Vjosa Osmanit i hyni vetja në huj! Mendonte se e gjithë bota sillej rreth saj! I harroj të gjithë ata (elektoratin dhe militantët) që e ndihmuan të ngritet në majat e shtetit!

Madje shumë shpejt e injorojë edhe njeriun që ia mundësoj ngritjen në postin e presidentes!

Në kohën kur kryeministri i shtetit u anashkalua nga një pjesë e bashkësisë ndërkombëtare, presidentja Osmani sorrollatej gjithandej botës ndaras nga Albin Kurti, duke e krijuar tek bashkësia ndërkombëtare përshtypjen e dy figurave kontraverse, e dy kokave të një shteti të vogël dhe të pakonsoliduar në Ballkanin Perëndimor me 1001 probleme të pa zgjidhura ndër vite e dekada shkaku i disbalancit institucional, ku njëri lider e drejtonte karrocen e shtetit majtas, e tjetri djathtas!

Kësaj radhe Presidentes i hasi keq sharra në gozhdën e Kushtetueses! Për ngutinë dhe gabimin e pafalshëm, duhet ta merrë ndëshkimin e merituar nga Gjykata Kushtetuese, për shkak se Vjosa Osmani ka shkaktuar ndarje të thella politike dhe polarizim të skajshëm të shoqërisë kosovare!