VOAL

SHBA

Qeveria amerikane buzë mbylljes së parë pas gati shtatë vjetësh

Një mosmarrëveshje mes partive për shëndetësinë dhe shpenzimet mund ta shkaktojë mbylljen e Qeverisë amerikane për herë të parë pas gati shtatë vjetësh.

Demokratët dhe republikanët në Kongres nuk po arrijnë dot marrëveshje, pavarësisht se mijëra punonjës federalë rrezikojnë të dërgohen në pushim të detyruar nga puna ose të shkarkohen.

Qeveria do të mbyllet në orën 12:01 të mëngjesit të së mërkurës, nëse Senati nuk e kalon një projektligj të Dhomës së Përfaqësuesve, i cili do ta zgjaste financimin federal për shtatë javë, për t’u dhënë kohë ligjvënësve ta përfundojnë punën mbi projektet vjetore të shpenzimeve.

Demokratët në Senat thonë se nuk do ta votojnë projektligjin, nëse ai nuk përfshin zgjatjen e benefiteve shëndetësore që po skadojnë, mes kërkesave të tjera. Presidenti Donald Trump dhe republikanët nuk duan bile as të bisedojnë, duke argumentuar se bëhet fjalë për një projektligj të “pastër” që nuk duhet të jetë i diskutueshëm.

Nuk është e qartë nëse ndonjëra palë do të lëshojë pe para afatit.

“Tani është në duart e presidentit”, tha të hënën udhëheqësi demokrat i Senatit, Chuck Schumer, pas një takimi në Shtëpinë e Bardhë me Trumpin, i cili nuk duket se solli ndonjë përparim të dukshëm.

“Ai mund ta shmangë mbylljen nëse arrin t’i bindë udhëheqësit republikanë të pranojnë atë që duam ne”, tha ai.

Nënpresidenti JD Vance, i cili gjithashtu ishte në takim, tha: “Mendoj se po shkojmë drejt mbylljes, sepse demokratët nuk po e bëjnë gjënë e duhur”.

Edhe ngërçet mes partive mbi shpenzimet e Qeverisë janë të shpeshta në Uashington, ngërçi i tanishëm vjen në një moment kur demokratët e shohin si një mundësi të rrallë për ta përdorur ndikimin e tyre për të arritur synime politike, pasi elektorati i tyre kërkon përballje me Trumpin.

Republikanët, të cilët kanë një shumicë 53-47 në Senat, ka të mundësi të kenë nevojë për të paktën tetë vota nga demokratët për ta kaluar ligjin me 60 vota, pasi senatori republikan Rand Paul nga Kentaki pritet të votojë kundër.

Trumpi nuk ka treguar shumë interes për të pranuar kërkesat e demokratëve për shëndetësinë, edhe pse u pajtua për një takim me ta të hënën. Para se të hynte në takim, ai e bëri të qartë se nuk kishte ndër mend të negocionte sipas kushteve të demokratëve.

“Ideja e tyre nuk është shumë e mirë”, tha Trump.

Ndërkohë, agjencitë federale po shpërndajnë plane emergjente në rast se financimi ndërpritet, përfshirë hollësi për atë se cilat zyra do të qëndrojnë të hapura dhe cilët punonjës do të shkojnë në pushim të detyruar.

Russ Vought, drejtori për buxhet i Trumpit, u tha gazetarëve në Shtëpinë e Bardhë se mbyllja do të menaxhohej “siç duhet, por kjo është diçka që mund të shmanget plotësisht”, nëse demokratët e Senatit pranojnë projektligjin e miratuar nga Dhoma e Përfaqësuesve.

Ngrihet aktakuzë kundër ish-drejtorit të FBI-së, James Comey

Departamenti amerikan i Drejtësisë ka ngritur aktakuzë kundër ish-drejtorit të FBI-së, James Comey, në lidhje me dëshminë e tij para Kongresit amerikan.

Comey – i cili për kohë të gjatë ka qenë në shënjestër të kritikave të presidentit amerikan Donald Trump – akuzohet se ka gënjyer para Kongresit gjatë dëshmisë së tij në shtator të vitit 2020, lidhur me pyetjen nëse kishte autorizuar rrjedhjen e të dhënave të klasifikuar në media.

Duke reaguar ndaj aktakuzës, Comey tha se ndihet i pafajshëm dhe se “kam besim të madh në sistemin gjyqësor federal”.

Avokati i tij, Patrick J. Fitzgerald, tha në një deklaratë: “Jim Comey i mohon plotësisht akuzat e ngritura sot. Ne mezi presim ta shpallim të pafajshëm në gjykatë”.

Nëse shpallet fajtor, Comey mund të dënohet me burgim deri në pesë vjet.

Ai akuzohet për dhënie të dëshmisë së rrejshme dhe për pengimin e një hetimi nga Kongresi.

Aktakuza u ngrit disa ditë pasi Trump i bëri thirrje kryeprokurores së vendit, Pam Bondi, që t’i hetojë në mënyrë më të ashpër kundërshtarët e tij politikë, përfshirë Comeyn.

Trumpi i kishte kërcënuar me burgosje rivalët e tij politikë qysh kur kishte garuar për president në vitin 2015, por aktakuza e së enjtes nënkupton se kjo është hera e parë që administrata e tij ka arritur ta sigurojë një aktakuzë nga një juri e madhe kundër njërit prej tyre.

Departamenti i Drejtësisë i Trumpit po heton gjithashtu kundërshtarë të tjerë, përfshirë prokuroren e përgjithshme të Nju Jorkut, Letitia James, dhe John Boltonin, i cili shërbeu si zyrtar i sigurisë kombëtare gjatë mandatit të parë të Trumpit.

Trump, i cili i ka bërë trysni prokurores së përgjithshme Bondi për t’i ndjekur penalisht Comeyn dhe kritikë të tjerë, e festoi lajmin.

“Drejtësi në Amerikë!” shkroi ai në rrjetet sociale. “Ai ka qenë shumë i dëmshëm për vendin tonë, për kohë kaq të gjatë”.

Trumpi e shkarkoi Comeyn në vitin 2017, në fillim të mandatit të tij të parë. Që atëherë, ai e ka kritikuar rregullisht Comeyn për mënyrën se si e kishte udhëhequr hetimin nga FBI-ja që dokumentoi kontaktet mes rusëve dhe fushatës së Trumpit në vitin 2016.

Qëkurse Trumpi u kthye në Shtëpinë e Bardhë në janar, Departamenti i Drejtësisë ka shqyrtuar dëshminë e Comeyt të vitit 2020, kur ai iu përgjigj kritikave republikane mbi hetimin për Rusinë dhe mohoi se kishte autorizuar publikimin e informacioneve të klasifikuara në media.

Sipas aktakuzës, Comey e mashtroi Kongresin duke deklaruar se nuk kishte autorizuar askënd tjetër të ishte burim anonim në raportimet e mediave për një hetim të FBI-së.

Kurti zhvillon takim me kongresmenin republikan në SHBA, ja për çfarë diskutuan

Kryeministri i Kosovës, Albin Kurti, ka nisur vizitën e tij në SHBA dhe po zhvillon takim me kongresmenin republikan Keith Self.

Takimi që u zhvillua në ambjentet e konsullatës së Kosovës në New York, sipas burimeve u diskutua për marrëdhëniet Kosovë–SHBA, me theks të veçantë në bashkëpunimin në fushën e mbrojtjes dhe sigurisë, si dhe për rolin e diasporës shqiptare në forcimin e lidhjeve mes dy vendeve.

Kurti e informoi kongresmenin për investimet në kapacitetet profesionale dhe operative të Forcës së Sigurisë së Kosovës, përfshirë pajisjet dhe armatimin e siguruar nga ShBA si rezultat i bashkëpunimit të ngushtë në mbrojtje.

Ai përmendi gjithashtu vendimin e qeverisë për pranimin dhe zhvendosjen e përkohshme të shtetasve të vendeve të treta nga ShBA-të, heqjen e tarifës doganore për produktet me origjinë amerikane, si dhe vazhdimin e programit MCC Compact për Kosovën nga administrata e re amerikane.

Në takim u theksua rëndësia e diasporës shqiptare në ShBA, e cila kontribuon jo vetëm në mbajtjen e lidhjeve të forta ndërmjet dy vendeve, por edhe në nxitjen e investimeve të huaja direkte në Kosovë.

Kurti e ftoi Self për vizitë në Kosovë dhe e falënderoi për mbështetjen e tij publike në procesin e anëtarësimit të Kosovës në NATO dhe strukturat e tjera euroatlantike.

Ai shprehu në emër të institucioneve të Kosovës për të avancuar më tej bashkëpunimin me Kongresin dhe Shtëpinë e Bardhë për interesat e përbashkëta midis dy vendeve.

Kurti ndodhet në New York për të marrë pjesë në Javën e Nivelit të Lartë të Sesionit të 80-të të Asamblesë së Përgjithshme të Kombeve të Bashkuara. bw

Avionë luftarakë rusë në distancë goditjeje nga Alaska, reagojnë menjëherë amerikanët

SHBA-të u detyruan të ngrinin avionë luftarakë për të identifikuar dhe përgjuar katër avionë luftarakë rusë që fluturonin pranë Alaskës, në një kohë kur tensionet për Ukrainën janë të larta midis dy vendeve.

Incidenti ndodhi të mërkurën tha organizata amerikane dhe kanadeze e mbrojtjes në një deklaratë të enjten.

Konkretisht, siç thuhet në njoftim, Komanda e Mbrojtjes Hapësinore të Amerikës së Veriut (NORAD) zbuloi dhe gjurmoi dy avionë rusë Tu-95 dhe dy Su-35 që operonin në Zonën e Identifikimit të Mbrojtjes Ajrore të Alaskës. NORAD tha se u përgjigj duke mobilizuar një avion E-3, katër avionë F-16 dhe katër avionë cisternë KC-135.

Avioni rus mbeti në hapësirën ajrore ndërkombëtare dhe nuk hyri në hapësirën ajrore sovrane të SHBA-së ose Kanadasë, tha NORAD.

Zona e Identifikimit të Mbrojtjes Ajrore të Alaskës është një zonë e hapësirës ajrore ndërkombëtare që kërkon identifikim të menjëhershëm të të gjitha avionëve për qëllime të sigurisë kombëtare, tha NORAD.

Sipas CBS Neës, NORAD tha se aktiviteti ushtarak rus ishte rutinë dhe nuk konsiderohej një kërcënim i menjëhershëm, por se ky ishte i fundit në një seri fluturimesh të avionëve rusë që shihen nga shumë si një provë e gatishmërisë së Shteteve të Bashkuara dhe aleatëve të NATO-s.

Ky incident vjen ndërsa autoritetet daneze vazhdojnë hetimin e tyre për dronë të mëdhenj, origjina e të cilëve ende nuk është përcaktuar, që kanë fluturuar mbi disa vende evropiane kohët e fundit.

Në fund të gushtit, NORAD tha se kishte zbuluar dhe gjurmuar një avion zbulues ushtarak rus brenda Zonës së Identifikimit të Mbrojtjes Ajrore të Alaskës, pasi kishte interceptuar të njëjtin lloj aeroplani spiun mbi zonë tri herë në ditët e mëparshme. bw

Kongresi – DOKUMENTI/ 38 kongresmenë amerikanë kërkojnë hetim për Sorosin dhe të majtën ekstreme Nga Tyler O’Neil, THE DAILY SIGNAL

Nga Tyler O’Neil, THE DAILY SIGNAL

Përfaqësuesi Chip Roy, republikan nga Teksasi, po kërkon ngritjen e një komisioni të posaçëm në Dhomën e Përfaqësuesve për të hetuar “paratë, ndikimin dhe pushtetin pas sulmit të së majtës radikale ndaj Amerikës dhe sundimit të ligjit”, duke përdorur fuqi të plotë për thirrje dëshmitarësh (subpoena), pas vrasjes së themeluesit të Turning Point USA, Charlie Kirk.

“Republikanët ende nuk e kanë kuptuar çfarë kohe po jetojmë në Amerikë dhe nevojën për të hetuar infrastrukturën që mbështet Antifa-n dhe kërcënimet e tjera të së majtës,” tha Roy për The Daily Signal gjatë një telefonate të hënën.

“Unë nuk e di ende si t’i mbajmë ata përgjegjës,” pranoi ai. “Duhet të provojmë, por një gjë e di me siguri: duhet t’i nxjerrim në dritë”.

“Duhet ta bëjmë këtë publikisht, përpara gjithë kombit, që të gjithë të shohin çfarë kanë bërë, që kjo është e qëllimshme dhe se jeta e çdo amerikani është më e rrezikuar për shkak të kësaj,” paralajmëroi ai.

Roy tha se 38 republikanë të tjerë e mbështesin thirrjen e tij që Dhoma të krijojë një komision të posaçëm për infrastrukturën e së majtës radikale. Ai i dërgoi një letër Kryetarit të Dhomës, Mike Johnson, si dhe kryetarëve të Komisionit të Drejtësisë (Jim Jordan) dhe Komisionit të Mbikëqyrjes (James Comer) më 11 shtator.

Shembuj të dhunës së së majtës

Letra vë në dukje “një prishje të qëndrueshme të rendit dhe ligjit, të nxitur jo rastësisht, por nga një ideologji anti-amerikane”. Ajo përmend disa shembuj të kërcënimeve të dhunshme, përfshirë tentativat për atentat ndaj presidentit Donald Trump, sulmin me armë gjatë stërvitjes së lojës së bejsbollit të Kongresit në vitin 2017, krimet e kryera nga emigrantët e paligjshëm, revoltat e dhunshme ku përfshihet Antifa, qasjen e butë ndaj krimit nga prokurorët e mbështetur nga miliarderi George Soros, dhe të tjera.

Fondacionet “Open Society”, të themeluara nga Soros dhe aktualisht të drejtuara nga djali i tij, Alex, reaguan ndaj akuzave të fundit të Trump se Soros financon dhunën. Sipas tyre, fondacionet “nuk mbështesin dhe as nuk financojnë protesta të dhunshme”. Ata shtuan se “pretendimet e kundërta janë të pavërteta, dhe kërcënimet ndaj themeluesit dhe kryetarit tonë janë skandaloze.”

Organizatat në shënjestër

Letra e Roy vë në dukje se Southern Poverty Law Center (SPLC) ka vendosur Turning Point USA dhe Family Research Council, një organizatë jofitimprurëse konservatore e krishterë, në një “hartë të urrejtjes” së bashku me degë të Ku Klux Klan-it, dhe të dyja organizatat më pas janë përballur me sulme me armë zjarri.

“Mendoj se një komision i përhershëm i posaçëm ka kuptim, ose diçka e ngjashme,” tha Roy. Ai theksoi se çfarëdo komisioni që do të formohet duhet të ketë fuqi të plotë për të thirrur dëshmitarë.

“Kjo është një përpjekje e vazhdueshme, afatgjatë dhe e koordinuar nga e majta radikale për të sulmuar mënyrën tonë të jetesës,” tha ai.

Akuzat ndaj SPLC, Antifa dhe organizatave të tjera

Edhe pse Roy theksoi se nuk ka ende prova që vrasësi i dyshuar i Charlie Kirk ishte i frymëzuar nga SPLC, ai shtoi: “SPLC po vendoste një shenjë, një shenjë metaforike, mbi Charlie Kirk, TPUSA dhe organizata të tjera.”

Ai sugjeroi se SPLC, Antifa, prokurorët me qasje të butë ndaj krimit dhe të tjerë janë të lidhur në një “përpjekje të dukshme dhe të koordinuar.”

Roy përmendi një raport të Law Enforcement Legal Defense Fund për The Wren Collective dhe ndikimin e organizatave të tjera mbi organet e drejtësisë. Sipas raportit, The Wren Collective “ushtron ndikim të padrejtë mbi politikat e drejtësisë penale të prokurorëve progresistë — kontrollon mesazhet, harton politika për gjithçka nga lirimi me kusht deri te rastet e përdorimit të armëve nga policia, madje edhe ndërhyn në çështjet e vrasjeve dhe keqtrajtimit policor.”

Studimi përfundon se “një numër i vogël organizatash të majta për drejtësi sociale, me lidhje të ngushta me donatorët e fushatave, kanë ndikim të jashtëzakonshëm mbi këta prokurorë përmes The Wren Collective.”

Kriza në kufi

Roy gjithashtu theksoi “përpjekjen e koordinuar në kufi.” Ai përmendi një raport të Center for Immigration Studies për një inisiativë të OKB-së, e cila kërkonte nga mbi 200 organizata jofitimprurëse të shpërndanin 1.6 miliardë dollarë në kartela debiti, ushqim, veshje, kujdes mjekësor, strehim dhe transport për miliona emigrantë gjatë vitit 2020.

Megjithëse ai pranoi se disa prej këtyre organizatave mund të synojnë të ndihmojnë “ata që kërkojnë azil,” Roy tha se shumë prej tyre “po përpiqeshin me vetëdije të shkelin ose abuzojnë me ligjet tona të azilit dhe të lejimit të përkohshëm, duke futur individë të rrezikshëm në vendin tonë, duke e ditur se kjo do të çonte në trafikim seksual të vajzave të mitura, në vdekje të amerikanëve dhe në hyrjen masive të fentanilit.”

Klasifikimi i Antifa-s si organizatë terroriste

Roy tha se kishte folur me Trump pas njoftimit të presidentit për ta klasifikuar Antifa-n si organizatë terroriste, një vendim i marrë të hënën.

“Fola me presidentin për ta falënderuar për udhëheqjen e tij, i thashë se e mbështes plotësisht dhe dua të shkojmë edhe më tej me atë që po bëjmë në Dhomë,” tha ai.

Ai shtoi se radikalizimi në shkolla, kundër të cilit po luftonte Charlie Kirk, dhe organizata si Antifa e SPLC “nxisin urrejtje ndaj vendit tonë, mënyrës sonë të jetesës, ligjit dhe forcave të rendit në mënyrë shumë të rrezikshme.”

Roy tha gjithashtu se kishte pasur një “bisedë shumë të mirë” me drejtorin e FBI-së, Kash Patel, dhe e kishte nxitur atë që të “ndjekë gjurmët e parave dhe të fokusohet te Antifa dhe SPLC.”

Ai kujtoi se në vitin 2020 kishte propozuar një ligj për të klasifikuar kartelet meksikane si organizata terroriste, dhe megjithëse kishte pasur kundërshtime, vendimi u zbatua këtë vit.

“Antifa, SPLC dhe organizata të tjera po bëjnë të njëjtën gjë — me taktika dhe nivele të ndryshme dhune — dhe ne duhet ta pranojmë këtë dhe ta adresojmë,” tha ai.

As SPLC, as Open Society Foundations, dhe as The Wren Collective nuk iu përgjigjën kërkesës së The Daily Signal për koment deri në kohën e publikimit.

Vance dhe Rubio i bëjnë jehonë qasjes së re dhe të ashpër të Trumpit kundër luftës së Rusisë

Nënpresidenti amerikan, JD Vance, dhe sekretari amerikan i Shtetit, Marco Rubio, i kanë bërë jehonë qasjes së re, më të ashpër, të presidentit Donald Trump kundër Rusisë, duke e akuzuar Moskën se nuk po bën mjaftueshëm për t’i dhënë fund luftës dhe për t’i ndalur vrasjet në Ukrainë.

Të mërkurën mbrëma, Vance tha se Trumpi “mendon se ata nuk po bëjnë mjaftueshëm në tavolinën e bisedime për t’i dhënë fund luftës… Nëse rusët nuk pranojnë të bisedojnë me mirëbesim, mendoj se do të jetë shumë, shumë keq për vendin e tyre”.

Ndërkohë, Rubio u takua me ministrin e Jashtëm të Rusisë, Sergei Lavrov, në margjinat e Asamblesë së Përgjithshme të OKB-së, ku përsëriti thirrjen e Trumpit “për t’i dhënë fund vrasjeve dhe nevojën që Moska të ndërmarrë hapa domethënës drejt një zgjidhjeje të qëndrueshme të luftës Rusi-Ukrainë”.

Lavrovi u përgjigj duke thënë se ka “interes të përbashkët për të gjetur zgjidhje paqësore” për luftën në Ukrainë.

Por, ai përsëriti nevojën e Moskës për t’i “eliminuar shkaqet rrënjësore të konfliktit ukrainas”.

Kjo është gjuha e Kremlinit për të vendosur kufizime mbi fuqinë ushtarake të Ukrainës dhe një zotim që ajo të mos i bashkohet NATO-s. Këto janë vetëm disa nga kërkesat e shumta historike të Moskës, shumica e të cilave janë të papranueshme për Kievin dhe Perëndimin.

Ndërkohë, në Moskë, zëdhënësi i Kremlinit, Dmitry Peskov, e hodhi poshtë pretendimin se Ukraina mund ta rimarrë të gjithë tokën e saj të pushtuar, duke thënë se “ideja se Ukraina mund të rikthejë diçka është, sipas pikëpamjes sonë, e gabuar”.

Qëndrimi i ri i administratës amerikane vjen pasi Trumpi, duke bërë kthesë të papritur, tha më 23 shtator në rrjetet sociale se Ukraina mund ta rimarrë të gjithë tokën e pushtuar nga Rusia me ndihmën e mbështetësve të saj evropianë.

Rusia kontrollon rreth një të pestën e tokës së Ukrainës, përfshirë gadishullin e Detit të Zi, Krimenë, e cila u aneksua në mënyrë të paligjshme në vitin 2014.

Në të kaluarën, Trump dhe zyrtarë të tjerë amerikanë kanë lënë të kuptohet se Ukraina do të duhet t’i japë pjesë të tokës së vet Rusisë në marrëveshje për paqe.

Presidenti i Rusisë, Vladimir Putin, dhe vendi i tij “janë në telashe të mëdha ekonomike”, shkroi Trump në platformën e tij Truth Social.

“Pasi e kam kuptuar plotësisht gjendjen ushtarake dhe ekonomike të Ukrainës dhe Rusisë, dhe pasi pashë problemet ekonomike që ajo po i shkakton Rusisë, mendoj se Ukraina, me mbështetjen e Bashkimit Evropian, është në gjendje të luftojë dhe të rimarrë të gjithë tokën e saj në formën e saj origjinale”, shkroi Trump.

Në fjalimin e tij para Asamblesë së Përgjithshme disa orë më vonë, Trump tha se Shtetet e Bashkuara janë “plotësisht të përgatitura për të vendosur një rund shumë të fortë tarifash të fuqishme”, nëse Rusia nuk është “gati të bëjë një marrëveshje për t’i dhënë fund luftës”.

Por, ai përsëriti kushtin e tij të fundit që Evropa të ndërmarrë veprime të ngjashme, duke thënë se, “që këto tarifa të jenë efektive, vendet evropiane… duhet të na bashkohen duke miratuar masat të njëjta”.

Këto deklarata nënkuptojnë se presidenti amerikan ka ndryshuar bindshëm qasjen e tij.

Sepse, Trumpi gjatë viteve të fundit e ka lavdëruar shpesh Putinin dhe e ka fajësuar Ukrainën për konfliktin – i cili u shndërrua në luftë të hapur pasi Rusia e nisi pushtimin e fqinjit në shkurt të vitit 2022.

Presidenti i Ukrainës, Volodymyr Zelensky, tha se ishte i befasuar nga deklaratat e fundit të Trumpit, por i quajti ato shenjë pozitive se Uashingtoni do të mbështesë Kievin deri në fund të luftës.

Trumpi bën lëvizjen e papritur, zhduk portretin e Joe Bidenit nga “Korridori i Presidentëve” në Shtëpinë e Bardhë! Ja me çfarë e zëvendësoi

Në një veprim të papritur dhe të pazakontë, Shtëpia e Bardhë ka hequr portretin e presidentit Joe Biden nga “Korridori i Presidentëve”, vendi ku ekspozohen portretet zyrtare të të gjithë presidentëve amerikanë dhe në vend të tij është vendosur një fotografi e një stilolapsi automatik.

Ky korridor ndodhet në krahun perëndimor të Shtëpisë së Bardhë dhe tradicionalisht përmban portretet e të gjithë udhëheqësve të mëparshëm të SHBA-së.

Simbolika e stilolapsit nuk është rastësore. Presidenti Donald Trump e kishte ngritur për herë të parë këtë temë muajt e fundit të mandatit të Biden, duke vënë në dyshim nëse nënshkrimet e presidentit në dekretet dhe ligjet ishin vërtet të tijat, pasi ishin “identike dhe të përsëritura”.

Trump kishte ironizuar se “nënshkrimet nuk i vendos më Biden, por një stilolaps automatik”, duke nënkuptuar se presidenti nuk kishte më kapacitetin mendor për të ushtruar detyrat dhe se bashkëpunëtorët e tij firmosnin në vend të tij. Nëse kjo do të ishte e vërtetë, ligjërisht nënshkrimet e tij do të ishin të pavlefshme.

Shtëpia e Bardhë i kishte mohuar me forcë këto akuza gjatë kohës së presidencës së Biden.

Megjithatë, sipas raportimeve, Trump nuk e ka harruar këtë çështje dhe duket se tani, me një gjest institucionalisht të diskutueshëm, ka vendosur të marrë “hakun” e tij. gsh

Vuçiqi dhe Rubio bisedojnë për thellimin e bashkëpunimit mes SHBA-së dhe Serbisë

Presidenti i Serbisë, Aleksandar Vuçiq, takohet me sekretarin amerikan të Shtetit, Marco Rubio, në Nju Jork, 23 shtator.

Presidenti i Serbisë, Aleksandar Vuçiq, dhe sekretari amerikan i Shtetit, Marco Rubio, kanë biseduar për forcimin e dialogut politik dhe bashkëpunimit ekonomik mes dy vendeve gjatë një takimi në Nju Jork.

Vuçiq dhe Rubio u takuan në Nju Jork mbrëmjen e së martës, në margjinat e Asamblesë së Përgjithshme të OKB-së.

Në një shkrim në llogarinë e tij në Instagram, Vuçiq tha se biseda mes tyre u përqendrua në fushën e ekonomisë dhe tregtisë, veçanërisht sa i përket zgjidhjes së çështjes së tarifave të SHBA-së.

Presidenti amerikan, Donald Trump, vendosi tarifë prej 35 për qind ndaj mallrave serbe muaj më parë.

Zëdhënësi i Departamentit amerikan të Shtetit, Tommy Pigott, tha se Rubio bisedoi me Vuçiqin për thellimin e partneritetit midis Shteteve të Bashkuara dhe Serbisë, përfshirë përmes dialogut strategjik dhe pjesëmarrjes së SHBA-së në ekspozitës ndërkombëtare EXPO 2027, e cila do të mbahet në Beograd.

Vuçiq theksoi se me Rubion e shqyrtoi edhe mundësinë e investimeve të reja, bashkëpunimin në fushën e energjisë dhe teknologjive të reja, si dhe “perspektivat që ofron mekanizmi i dialogut tonë strategjik”.

Në gusht, Rubio paralajmëroi pas një takimi me ministrin e Jashtëm të Serbisë, Marko Gjuriq, se Shtetet e Bashkuara dhe Serbia do të zhvillojnë dialog të përbashkët strategjik në fund të këtij viti.

Mes shqetësimeve të ngritura nga presidentja e Kosovës, Vjosa Osmani, pikërisht nga Nju Jorku se Beogradi paraqet një kërcënim të vazhdueshëm për Prishtinën, Vuçiq tha se theksoi para Rubios se Serbia është e “përkushtuar” për ruajtjen e paqes dhe stabilitetit”.

Vuçiq tha se “ky është parakusht për çdo përparim të mëtejshëm dhe një jetë më të mirë për të gjithë qytetarët, duke shprehur mirënjohje për rolin e Shteteve të Bashkuara të Amerikës në mbrojtjen e sigurisë së popullit serb në Kosovë dhe Metohi, si dhe për kontributin e tyre në procesin e dialogut Beograd–Prishtinë”.

E pyetur në një intervistë për Fox News nëse Kosova dhe Serbia ishin buzë një konflikti në qershor, Osmani tha se fqinjit verior të Kosovës i “pëlqen të shkaktojë probleme herë pas here”.

Ndërkohë, Vuçiq e tha se e vlerëson mbështetjen e SHBA-së në rrugën e Serbisë drejt anëtarësimit të plotë në Bashkimin Evropian, “që është një nga objektivat strategjikë të vendit tonë”.

“Dialogu i hapur dhe i sinqertë, i bazuar në besim dhe respekt të ndërsjellë, është mënyra më e mirë për të forcuar partneritetin Serbi-SHBA”, tha ai.

Donte të vriste Trumpin, dënohet me burgim të përjetshëm atentatori. Më pas ai tenton të vetëvritet…

Burri që tentoi të vriste Donald Trump dy muaj para zgjedhjeve presidenciale në SHBA u shpall fajtor për të gjitha akuzat sot.

Ryan Ruth, 59 vjeç, u dënua, ndër të tjera, për akuzën e tentativës së vrasjes së një kandidati presidencial, e cila dënohet me burgim të përjetshëm. Në fakt, menjëherë pas vendimit, sipas mediave amerikane, ai mori një stilolaps dhe u përpoq të kryente vetëvrasje duke e therur veten në qafë.

Ministrja Pam Bodie komentoi në Platformën X se vendimi i gjykatës dërgon një mesazh të qartë se Departamenti i Drejtësisë është i vendosur “të ndëshkojë të gjithë ata që përfshihen në akte dhune politike”.

Ruth ishte fshehur në shkurre duke mbajtur një pushkë, ndërsa Trump po luante golf në klubin e tij në ëest Palm Beach, Florida. Ai u vu re nga agjentë të Shërbimit Sekret që patrullonin zonën dhe iku para se të mund të qëllonte qoftë edhe një herë.

Prokurori John Shipley i tha gjykatës se plani i tij ishte “i përgatitur mirë dhe jashtëzakonisht serioz”, duke theksuar se “nëse agjentët nuk do ta kishin vënë re, Donald Trump mund të mos ishte gjallë sot”.

Ruth është deklaruar e pafajshme dhe ka marrë vendimin e pazakontë për t’u mbrojtur gjatë gjyqit, i cili filloi më 8 shtator në gjykatën federale në Fort Pierce, Florida. Strategjia e tij bazohej në portretizimin e karakterit të tij si të sjellshëm dhe jo të dhunshëm.

Sipas vajzës së tij, Sarah, 59-vjeçari, i cili punonte si kontraktor çatish, kishte qenë i përfshirë në lëvizjet pro-demokraci në Tajvan dhe Ukrainë.

Ai udhëtoi dy herë në Ukrainë pas pushtimit rus, ku qëndroi për 10 muaj, duke ndihmuar në rekrutimin e vullnetarëve. Siç tha vajza e tij, “ai besonte se kishte detyrë të mbështeste njerëzit që i shihte si të prekshëm ose të pambrojtur” dhe “mendonte se mund të bënte një ndryshim”. bw

“Dënimi të përcaktohet nga ligji, jo dëshira ime”, gruaja e Charlie Kirk e përlotur në homazhet për bashkëshortin e saj: E kam falur autorin e vrasjes

Erika Kirk, e veja e Charlie Kirk, tha të dielën se e fal të riun e akuzuar për vrasjen e bashkëshortit të saj.

“Në kryq, shpëtimtari ynë tha: ‘Atë, fali ata. Sepse nuk dinë çfarë bëjnë.’ Ai djalë. Ai i ri. Unë e fal atë”, tha Erika Kirk në ceremoninë përkujtimore të burrit të saj, me zërin që i dridhej dhe lotët që i rridhnin në fytyrë.

Tyler Robinson, 22 vjeç, është akuzuar për vrasje të rëndë të shkallës së parë për të shtënat fatale të Charlie Kirk më 10 shtator. Prokurori i Përgjithshëm i Qarkut të Utah-ut, Jeff Gray, tha në një konferencë për shtyp të martën se shteti do të kërkojë dënimin me vdekje për Robinson.

Megjithatë, Erika Kirk i tha The New York Times se dëshiron që dënimi i Robinson të përcaktohet nga sistemi ligjor, jo nga dëshirat e saj.

“Shumë njerëz më kanë pyetur: ‘A ndjeni zemërim ndaj këtij burri? Si p.sh., a doni të kërkoni dënimin me vdekje?’”, tha Kirk. “Do të jem e sinqertë. I thashë avokatit tonë se dua që qeveria ta vendosë këtë. Nuk dua që gjaku i atij burri të jetë në regjistrin tim financiar.”

Kirk e përsëriti këtë mesazh gjatë fjalimit të saj lamtumirës të dielën. 36-vjeçarja mori një ovacion të gjatë në këmbë kur u thirr në skenë dhe ishte emocionale gjatë gjithë fjalimit të saj.

“Përgjigja ndaj urrejtjes nuk është urrejtja”, tha ajo. “Përgjigja që dimë nga Ungjilli është dashuria, dhe gjithmonë dashuria”.

Gjatë fjalës së saj, Kirk reflektoi mbi marrëdhënien e saj me bashkëshortin dhe emocionet e saj në ditën e vrasjes së tij dhe në kohën që nga ajo kohë. Ajo kujtoi se pa trupin e tij të pajetë në spital dhe ndjeu tronditje, tmerr dhe “një nivel dhimbjeje që as nuk e dija se ekzistonte”.

Megjithatë, ajo shtoi se “mund ta shihte burrin që e dashuronte”, me “një flokë të vetëm gri në anë të kokës” dhe një buzëqeshje të lehtë në fytyrë.

“Kjo më tregoi diçka të rëndësishme”, reflektoi ajo. “Më zbuloi një mëshirë të madhe nga Zoti në këtë tragjedi. Kur e pashë këtë, më tha se Charlie nuk vuajti”. bw

“Më ke munguar”, zbardhet biseda mes Trumpit dhe Muskut në ribashkimin e papritur: Kam dëgjuar që doje të flisnim

Presidenti amerikan Donald Trump dhe miliarderi Elon Musk u ribashkuan në funeralin e Charlie Kirk të dielën, disa muaj pas grindjes së tyre publike.

Themeluesi miliarder i Teslës shtrëngoi duart me Trump në hapësirën e dedikuar për ta brenda State Farm Arena në Glendale, Arizona , ndërsa më shumë se 60,000 të pranishëm i thanë lamtumirë ndikuesit konservator.

Trump dhe Musk folën për një moment të shkurtër përpara se të ndaheshin.

Ekspertja e transkriptimit të buzëve, Nicola Hickling, zbuloi se Trump e pyeti “si je?” ndërsa iu drejtua Musk për ta përshëndetur.

Musk më pas dukej sikur ngriti supet ndërsa Trump tha: “Pra, Elon, kam dëgjuar që doje të flisnim.”

Me kreun e UFC-së, Dana White, që iu bashkua bisedës, Trump sugjeroi: “Le të përpiqemi të gjejmë një mënyrë për t’u rikthyer në rrugën e duhur”.

Musk përgjigjet duke tundur kokën. Presidenti më pas i afron dorën dhe i thotë: “Më ke munguar”.

Musk është përfshirë në një seri sulmesh në mediat sociale që nga qershori i vitit 2025, kur la rolin e tij si kreu i Departamentit të Efikasitetit të Qeverisë (DOGE).

Biznesmeni sulmoi Trumpin për Aktin ‘One Big Beautiful Bill’, një legjislacion historik për administratën e tij të dytë. Musk paralajmëroi se kjo mund t’u kushtojë taksapaguesve miliarda dhe të rrisë borxhin qeveritar. bw

Trumpi: Charlie Kirk “dëshmor i lirisë amerikane”, Presidenti i SHBA fajëson të majtën për atentatin: Dhuna vjen prej tyre. Vendit iu rrëmbye një nga dritat më të ndritura të kohës sonë!

Presidenti Donald Trump e quajti të dielën aktivistin konservator të vrarë Charlie Kirk, “dëshmor për lirinë amerikane” dhe premtoi gjatë shërbesës përkujtimore se do ta vazhdonte veprën e tij, ndërsa përsëriti akuzat ndaj asaj që e quajti “e majta radikale” për vrasjen e Kirk.

“Dhuna vjen kryesisht nga e majta”, tha Trump.

Trump ka fajësuar të majtën për të shtënat vdekjeprurëse edhe para se të arrestohej një i dyshuar.

“Më pak se dy javë më parë, vendit tonë iu rrëmbye një nga dritat më të ndritura të kohës sonë, një gjigant i brezit të tij, dhe mbi të gjitha, një bashkëshort, baba, bir, i krishterë dhe patriot i përkushtuar. Charles James Kirk u vra mizorisht nga një përbindësh i radikalizuar, gjakftohtë, vetëm pse foli të vërtetën që kishte në zemër.

Kirk nuk i urrente kundërshtarët e tij. Ai u donte më të mirën atyre. Aty është vendi ku unë nuk jam dakord me Charlie. Unë e urrej kundërshtarin tim dhe nuk i dua më të mirën atij. Më vjen keq. Më vjen keq, Erika.

Ai tani është më i madh se kurrë më parë, dhe ai është i përjetshëm. Është i përjetshëm. Dhe thjesht dua të them se e duam, dhe ai po na sheh nga lart tani dhe po thotë: ‘Wow, ç’ turmë e mrekullueshme””, tha Trump.

***

Ceremonia, e organizuar nga organizata konservatore e të rinjve Turning Point USA, e themeluar nga Kirk, mblodhi dhjetëra mijëra pjesëmarrës të veshur me të kuqe, të bardhë dhe blu, të cilët mbushën stadiumin State Farm në Glendale, Arizona.

Miqtë e Kirk dhe konservatorë të tjerë e lavdëruan si një të krishterë frymëzues që themeloi një lëvizje politike, të cilën ata u zotuan se do ta çonin përpara.
Bashkëshortja e tij, Erika, e cila ka marrë drejtimin e Turning Point, mbajti një homazh emocional për burrin e saj, duke parë nga qielli dhe duke pëshpëritur: “Të dua,” përpara se të fliste për përkushtimin e tij ndaj Krishtërimit, familjes dhe aktivizmit. Çifti Kirk kanë dy fëmijë të vegjël.

“Dua që të gjithë ju ta dini, se megjithëse Charlie vdiq shumë herët, ai ishte i përgatitur të vdiste,” tha ajo. “Ai e la këtë botë pa pengje. Ai bëri 100% të gjithçkaje që mundi çdo ditë”, vijoi Erika.

Ajo ofroi gjithashtu falje për 22-vjeçarin që është akuzuar për vrasjen e Kirk, duke cituar rrëfimin biblik ku Jezu Krishti i fali torturuesit e tij ndërsa ishte në kryq.

“Burri im Charlie donte të shpëtonte të rinj, ashtu si ai që ia mori jetën,” tha ajo me lot në sy, ndërsa turma duartrokiste solemnisht.

Disa figura politike e paraqitën vdekjen e Kirk si një moment vendimtar për lëvizjen konservatore, duke u bërë thirrje ndjekësve që të përfundonin punën që ai nisi, shpesh me gjuhë të ashpër.

“Ne do ta mbajmë Charlie-n dhe Erikën në zemër çdo ditë, dhe do të luftojmë edhe më fort për shkak të asaj që na bëtë,” tha Stephen Miller, këshilltari i Shtëpisë së Bardhë, në një fjalim të zjarrtë. “Nuk e keni idenë çfarë dragoi keni zgjuar. Nuk e keni idenë sa të vendosur do të jemi për ta shpëtuar këtë civilizim, për ta shpëtuar Perëndimin, për ta shpëtuar republikën.”bw

Zelensky konfirmon takimin me Trumpin në Nju Jork javën e ardhshme

Presidenti ukrainas Volodymyr Zelensky tha se do të takohet me homologun e tij amerikan Donald Trump në Asamblenë e Përgjithshme të Kombeve të Bashkuara javën e ardhshme në Nju Jork. Zelensky e bëri deklaratën për gazetarët, duke shtuar se donte të diskutonte me Trump garancitë e sigurisë për Ukrainën dhe sanksionet kundër Rusisë.

“Ne kemi hedhur themelet për garancitë e sigurisë, të cilat Evropa është gati t’i ndjekë, duke marrë parasysh praninë e Shteteve të Bashkuara. Kemi pasur shumë diskutime, ka pasur dialog në nivele të ndryshme, përfshirë midis krerëve të ushtrive tona dhe shtabeve të përgjithshme, me evropianët dhe amerikanët. Kryeministri britanik (Keir Starmer ) u takua me Presidentin e SHBA-së dhe u ra dakord që të diskutojmë çështjet përkatëse në takimin tonë dypalësh në Nju Jork”, tha Zelensky.

Trump dhe Zelensky u takuan për herë të fundit në Uashington më 18 gusht, në prani të liderëve europianë. Pas atyre negociatave, presidenti amerikan tha se faza tjetër e përpjekjes diplomatike të nisur nga Shtëpia e Bardhë duhet të jenë bisedimet e drejtpërdrejta mes Zelensky-t dhe Putinit, qoftë në format bilateral apo në prani të vetë Trump-it.

Por Kremlini nuk ka treguar gatishmëri për të takuar presidentin e Ukrainës, duke e ftuar Zelensky-n në Moskë dhe duke refuzuar vendet e tjera. Kievi e refuzoi propozimin për bisedime në Moskë, ndërsa Putin më pas deklaroi se një marrëveshje për territoret e pushtuara të Ukrainës ishte “e pamundur”. bw

U hoq si pjesë e forcave të policisë- Panik në stadiumin ku do të mbahet funerali i Charlie Kirk, arrestohet një person i armatosur

Shërbimi Sekret ka kaluar në gatishmëri të lartë pas arrestimit të një burri të armatosur brenda stadiumit State Farm në Arizona, ku pritet të zhvillohet të dielën ceremonia mortore e Charlie Kirk.

Ngjarja ndodhi të premten dhe ka ngritur menjëherë shqetësime serioze për sigurinë e pjesëmarrësve në ceremoni.

Sipas raportimeve të The Washington Post, burri kishte me vete një armë zjarri dhe një thikë. Ai u ndalua nga agjentët e Shërbimit Sekret dhe pretendoi se ishte pjesë e forcave të zbatimit të ligjit, duke justifikuar kështu armatimin e tij.

Por zëdhënësi i Shërbimit Sekret, Anthony Guglielmi, konfirmoi se i ndaluari nuk ishte pjesë e personelit të autorizuar për sigurinë e eventit dhe u arrestua menjëherë. Hetimet mbi motivet e tij janë ende në zhvillim. bw

Vrasja e aktivistit republikan Charlie Kirk, Obama: SHBA po përballet me një krizë politike të paprecedentë

Ish-presidenti amerikan Barack Obama paralajmëroi se Shtetet e Bashkuara rrezikojnë të përfshihen nga një krizë politike e paprecedent, pas vrasjes së Charlie Kirk, një figurë e njohur e së djathtës konservatore.

Duke folur gjatë një aktiviteti në Pennsylvania, Obama u shpreh se nuk e njihte personalisht Kirk dhe se kishte shumë mosmarrëveshje me pikëpamjet e tij, por e përshkroi ngjarjen si “të tmerrshme dhe tragjike”.

Obama kritikoi tonin përçarës të presidentit aktual Donald Trump dhe theksoi se ish-presidentë republikanë në të kaluarën kishin vepruar në mënyrë bashkuese në kohë tensionesh.

“Në momente të tilla, kur tensionet janë të larta, një pjesë e rolit të presidentit është të afrojë njerëzit, jo t’i ndajë”, u shpreh Obama.

Ai i bëri thirrje publikut të respektojë të drejtën e të tjerëve për të shprehur mendime ndryshe, duke nënvizuar rëndësinë e dialogut civil.

Shtëpia e Bardhë reagoi ashpër, duke e cilësuar Obamën si “arkitektin e ndarjes politike moderne” në vend.

Ndërkohë, para arrestimit të Tyler Robinson, i akuzuar për vrasjen e Kirk, mbështetës të Trump kishin akuzuar aktivistë të së majtës dhe retorikën e demokratëve si përgjegjës për klimën e dhunshme politike.

Obama vuri në dukje se nuk kishte përdorur vrasjen në kishën e afrikano-amerikanëve në Karolinën e Jugut në 2015 për të sulmuar kundërshtarët politikë. Ai kujtoi gjithashtu qëndrimin bashkues të presidentit George W. Bush pas sulmeve të 11 Shtatorit 2001, kur deklaroi qartë se “SHBA nuk është në luftë me Islamin”.

Duke cituar retorikën e fundit të Trump dhe disa ndihmësve të tij, të cilët kanë quajtur kundërshtarët “insekte” apo “armiq që duhet të goditen”, Obama theksoi: “Ky është një problem më i thellë që ka përfshirë kulturën politike amerikane, dhe është diçka me të cilën të gjithë duhet të përballemi.”

Ai gjithashtu vlerësoi guvernatorin republikan të Utah, Spencer Cox, si shembull të respektit dhe civilitetit në debatin publik, pavarësisht mosmarrëveshjeve politike. gsh

“Bella Ciao”, vrasësi i Kirk kishte gdhendur mesazhin në plumb

Një i ri nga Utah, Tyler Robinson, 22 vjeç, është vënë në pranga nga FBI, pasi dyshohet se qëndron pas atentatit me snajper ndaj aktivistit politik Charlie Kirk, ngjarje që ndodhi të mërkurën në ambientet e Universitetit të Utah. Sipas burimeve të hetimit, një nga plumbat që u përdor në atentat kishte të gdhendur shprehjen “Bella Ciao”, një detaj që ngre shumë pikëpyetje për qëllimet e autorit. Nuk është sqaruar ende nëse ky ishte plumbi që e goditi për vdekje Kirk-un.

Presidenti Donald Trump konfirmoi arrestimin gjatë një interviste televizive, duke shtuar se autori e kishte pranuar krimin përpara babait të tij. Ky i fundit më pas e bindi të birin që të dorëzohej. Hetuesit po analizojnë postime në platformën Discord, ku Robinson fliste për një plan të detajuar për të vrarë Kirk-un.

Pamjet e sigurisë tregojnë të dyshuarin duke arritur në zonën e kampusit me një makinë Dodge Challenger rreth katër orë para ngjarjes. Ai shihej me veshje të thjeshta – një bluzë kafe, pantallona të shkurtra të çelëta, një kapele të zezë me logo të bardhë dhe atlete me ngjyra. Guvernatori i Utah, Spencer Cox, tha se në momentin e arrestimit, veshja e Robinson përputhej me atë që u pa në kamerat e sigurisë. bw

Arrestohet autori i vrasjes së aktivistit Charlie Kirk, Trump: Shpresoj që të dënohet me vdekje

Donald Trump tha të premten se është “shumë i bindur” se i dyshuari për vrasjen e Charlie Kirk është arrestuar dhe po merret në pyetje. Ai tha se babai i të dyshuarit po bashkëpunonte me hetuesit për ta gjetur atë.

“Unë besoj me besim të madh se e kemi atë në paraburgim “, tha Trump gjatë një paraqitjeje në Fox News

Trump tha se dikush “shumë afër tij e dorëzoi atë” dhe se lajmi do të shpallej më vonë të premten.

“Kjo është ajo që ndodh kur ke disa fotografi të mira “, tha presidenti, duke iu referuar fotove më të qarta të të dyshuarit të publikuara të enjten nga FBI.

Trump tha se personi që dha informacionin ishte “një person që ishte i përfshirë në zbatimin e ligjit, por ai ishte gjithashtu një person besimtar. Një prift”. Babai i burrit që u arrestua po bashkëpunonte me hetuesit, shtoi ai.

Përveç Trump, katër burime të ndara i thanë CNN se një person ishte në paraburgim dhe po merrej në pyetje në lidhje me të shtënat fatale të Kirk.

Në këtë kontekst, zyrtarët shtetërorë dhe federalë do të mbajnë një konferencë për shtyp në orën 16:00 lidhur me kërkimin për autorin e vrasjes së Charlie Kirk, sipas asaj që u njoftua nga zyra e guvernatorit të Utah-ut . Ky zhvillim ka të ngjarë të lidhet me zbulimin e presidentit amerikan.

Trump vazhdoi komentet e tij duke e quajtur Kirk njeriun më të mirë ndërsa dënoi autorin e vrasjes, të cilin autoritetet ende nuk e kanë emëruar.

“Epo, shpresoj që ai do të shpallet fajtor, mendoj dhe shpresoj që të marrë dënimin me vdekje”, tha Trump.

Presidenti tha gjithashtu se nuk e kishte parë videon e vdekjes së Kirk.

“Nuk doja ta shihja, e dëgjova”, tha Trump.

Autoritetet amerikane të sigurisë kishin nisur një kërkim për burrin që vrau Charlie Kirk të mërkurën pasdite, ndërsa lëshuan gjithashtu një apel të ri për këdo që ka informacion që të paraqitet.

Menjëherë pasi u publikuan katër fotot e reja të vrasësit të Kirk , autoritetet publikuan një video të kamerës së sigurisë që kapi momentin kur personi i kërkuar iku me vrap disa sekonda pasi qëlloi me armë. bw

Donald Trumpi nderon viktimat e 11 Shtatorit: Kurrë nuk do ta harrojmë atë ditë të zezë! Përbindësha të egër sulmuan qytetërimin tonë

Presidenti amerikan Donald Trump mori pjesë të enjten në ceremoninë përkujtimore të 24-vjetorit të sulmeve terroriste të 11 Shtatorit 2001, që u zhvillua në Pentagon, duke nderuar 2.977 viktimat dhe duke përsëritur zotimin se “ajo ditë nuk do të harrohet kurrë nga Amerika”.

“Përbindësha të egër sulmuan simbolet e qytetërimit tonë. Por në Virxhinia, në New York dhe në qiellin e Pensilvanisë, amerikanët nuk u tërhoqën. Ata qëndruan, treguan guxim dhe botës i thanë se nuk do të dorëzohemi kurrë”, deklaroi Trump me tone të theksuara patriotike.

Gjatë fjalimit, ai solli në vëmendje disa prej historive prekëse të viktimave, si mesazhi i fundit i pasagjerit Brian Sweeney drejtuar bashkëshortes së tij Julie nga avioni United Flight 175, telefonata e stjuardesës Renée May drejtuar nënës së saj për t’i thënë “Të dua”, apo guximi i Chuck Costello, i cili vrapoi në Qendrën Botërore të Tregtisë për të shpëtuar persona të bllokuar në ashensor.

“Në atë ditë tragjike, pamë shpirtin heroik amerikan gjithandej, te policët, zjarrfikësit, pjesëtarët e forcave të armatosura dhe në zemrat e çdo qytetari që iu përgjigj thirrjes së historisë,” u shpreh Trump.

Presidenti nuk la pa kritikuar ashpër administratën e ish-presidentit Joe Biden. Ai përsëriti deklaratën se “vendi ishte si i vdekur” nën udhëheqjen e paraardhësit të tij dhe tha me krenari se kishte propozuar që Departamenti i Mbrojtjes të riemërtohej si “Departamenti i Luftës”.

“Vitin e kaluar ishim një vend i vdekur. Tani jemi vendi më i ‘nxehtë’ në botë”, deklaroi Trump, duke iu referuar kthimit të tij në skenën politike dhe rritjes së mbështetjes në sondazhe.

Fjalimi i Trump për 11 Shtatorin erdhi në një moment të rëndësishëm për garën presidenciale të vitit 2024, ku ai është kandidati kryesor republikan, pavarësisht sfidave ligjore që po përballet. gsh

‘Nuk do harrojmë kurrë’, mesazh i Ambasadës së SHBA në 24-vjetorin e sulmeve të 11 shtatorit

Ambasada e Shteteve të Bashkuara të Amerikës në Tiranë nëpërmjet një postimi në rrjetin social facebook ka reaguar për 24-vjetorin e sulmeve të 11-shtatorit në Nju Jork.

Në postim thuhet se nderohen jetët e humbura dhe qëndrueshmëria e një kombi.

Postimi i Ambasadës Amerikane:

[🇦🇱] Kujtojmë 11 Shtatorin: sot nderojmë jetët e humbura, heronjtë që reaguan dhe qëndrueshmërinë e një kombi. Nuk do të harrojmë kurrë.
[🇺🇸] Remembering 9/11: today we honor the lives lost, the heroes who responded, and the resilience of a nation. We will never forget.

Krejt çfarë dihet për vrasjen e Charlie Kirkut

Charlie Kirk, aktivist konservator, u vra më 10 shtator në Utah.

Associated Press

Charlie Kirk, shefi dhe bashkëthemelues i organizatës rinore konservatore, Turning Point USA, u vra me armë zjarri të mërkurën mbrëma gjatë një tubimi në një kolegj në Utah.

Kirk njihej gjithandej për podkastet e tij, ishte luftëtar kulture dhe aleat i presidentit amerikan, Donald Trump.

Ai e udhëhoqi një përpjekje për ta rindërtuar strategjinë e Partisë Republikane për nxjerrjen e votuesve në zgjedhjet e vitit 2024, duke u bazuar në idenë se kishte mijëra mbështetës të Trumpit që rrallë votonin, por që mund të bindeshin të votonin.

Vrasja e tij është shembulli më i fundit i dhunës politike në Shtetet e Bashkuara të Amerikës, që prek një gamë të gjerë ideologjish politike dhe të dy partitë kryesore.

Më poshtë mund të lexoni krejt çfarë duhet të dini për vrasjen e Kirkut:

Një plumb nga çatia

Kirk po fliste në një debat të organizuar nga Turning Point USA në Universitetin “Valley” në Utah, kur autoritetet thanë se dorasi hapi zjarr nga një çati aty pranë.

Video të postuara në rrjetet sociale e shfaqin Kirkun duke folur me mikrofon dore nën një tendë të bardhë. Një e shtënë dëgjohet dhe Kirku e çon dorën e djathtë në qafë, ndërsa gjaku i rrjedh nga ana e majtë e saj.

Universiteti i “Valley” në Utah është universiteti publik më i madh i këtij shteti, me 47.000 studentë, dhe ndodhet rreth 64 kilometra në jug të kryeqytetit Salt Lake City.

Autoritetet besojnë se dorasi veproi i vetëm

Dorasi e kishte vënë në shënjestër një njeri të vetëm, tha Beau Mason, komisionar i Departamentit të Sigurisë Publike të shtetit.

Guvernatori i Utah, Spencer Cox, e quajti vrasjen “vrasje politike”.

Një “person me interes” u ndalua të mërkurën në mbrëmje, tha Cox, megjithëse nuk u bë e ditur për cfarë akuzash. Zyrtarët nuk kanë të dhëna që tregojnë se ndonjë person tjetër është i përfshirë në vrasjen, shtoi guvernatori.

Oficerët u panë duke e shikuar një fotografi në telefonat e tyre dhe duke ua shfaqur atë njerëzve për t’i pyetur nëse e njihnin personin e interesit. Autoritetet thanë se dorasi kishte veshur rroba të errëta.

Charlie Kirk duke folur në kampusin e Universitetit "Valley" në Utah, pak para se të vritej me armë zjarri, më 10 shtator. — Charlie Kirk duke folur në kampusin e Universitetit “Valley” në Utah, pak para se të vritej me armë zjarri, më 10 shtator.

Dy persona u ndaluan të mërkurën, megjithatë ata u liruan menjëherë pasi u përcaktuar se nuk kishin lidhje me ngjarjen, sipas zyrtarëve të sigurisë publike në Utah.

Universiteti tha se kampusi u zbraz menjëherë dhe mbetet i mbyllur. Mësimet u anuluan deri në një njoftim të ardhshëm. Ata që ishin ende në kampus u urdhëruan të qëndronin në vend deri sa policia t’i nxirrte jashtë në mënyrë të sigurt.

Rritja e Kirkut lidhej me Trumpin

Kirk ishte vetëm 18 vjeç kur e bashkëthemeloi Turning Point-in në periferi të Çikagos në vitin 2012 me aktivistin William Montgomeryn. Ata synonin të luftonin për taksa të ulëta dhe qeverisje të kufizuar në kampuset universitare.

Turning Point mbështeti me entuziazëm Trumpin pasi ai siguroi nominimin republikan për president në vitin 2016. Kirk shërbeu si ndihmës personal i djalit të madh të Trumpit, Donald Trump Jr., gjatë fushatës së përgjithshme.

Lidhja me Trump ndihmoi në rritjen e shpejtë të Turning Point. Së shpejti, Kirk u bë figurë e zakonshme në televizionet kabllore, ku ai futej në betejat kulturore dhe lavdëronte presidentin.

Kontributet për grupin u dyfishuan dhe më pas u trefishuan, duke arritur në 79.2 milionë dollarë në vitin 2022, sipas të dhënave tatimore publike. Grupi thotë se tashmë ka prani në pothuajse 4.000 shkolla të mesme dhe kampuse universitare, duke vepruar si një markë konservatore që promovon qindra influencerë online.

Charlie Kirk flet në skenë me presidentin Donald Trump gjatë America Fest 2024 në Arizona, më 22 dhjetor 2024.

Kirk ishte i njohur për deklaratat provokuese mbi çështjet racore që ai përdorte për të tërhequr gjeneratën Z.

“Më vjen keq. Nëse shoh një pilot me ngjyrë, do të mendoj: ‘Shpresoj shumë që të jetë i kualifikuar’”, tha Kirk gjatë një episodi të podkastit në vitin 2024 me aktivistin tjetër të djathtë, Jack Posobeic.

Ai shprehej kundër shpalljes së Juneteenth si festë federale, duke e quajtur atë lëvizje “antiamerikane” që promovonte “një vizion neo-segregacionist” që, sipas tij, kërkonte të zëvendësonte Ditën e Pavarësisë.

Vrasja e Kirkut u dënua nga të dyja partitë

Si republikanët, ashtu edhe demokratët e dënuan menjëherë vrasjen e Kirkut.

Trump urdhëroi uljen e flamujve në gjysmë shtizë dhe nxori një proklamatë presidenciale. Presidenti, i cili vetë u plagos lehtë në vesh kur u qëllua gjatë fushatës zgjedhore vitin e kaluar, tha se kishte marrëdhënie të ngushta me Kirkun.

Ai e përshkroi Kirkun në Truth Social si një “djalë të mrekullueshëm nga koka deri te këmbët. Zoti e bekoftë!”

Guvernatori demokrat i Kalifornisë, Gavin Newsom, i cili në mars kishte ftuar Kirkun në podkastin e tij, shkroi në X: “Sulmi ndaj Charlie Kirk është i neveritshëm, i poshtër dhe i papranueshëm”.

Fjalët e fundit të Charlie Kirk para se të merrte plumbin fatal. Pamjet mund ta kenë “kapur” vrasësin para dhe pas të shtënave

Charlie Kirk, një aktivist konservator 31-vjeçar, po fliste hapur për dhunën me armë pak çaste përpara se të qëllohej për vdekje gjatë një eventi në Universitetin Valley në Orem, Utah, të mërkurën pasdite. Kirk, i cili ishte ulur nën një tendë dhe po u përgjigjej pyetjeve të publikut i veshur me një bluzë të thjeshtë të bardhë me fjalën ” Liri ” dhe pantallona të errëta, u sulmua kur një anëtar i publikut mori mikrofonin për ta sfiduar duke diskutuar për të shtënat masive në Shtetet e Bashkuara. “A e dini se sa amerikanë transgjinorë kanë qenë autorë të të shtënave masive në 10 vitet e fundit?” pyeti anëtari i publikut, duke sfiduar aktivistin.

BREAKING: This was Charlie Kirk’s last interaction with the audience before being shot in the neck in Utah:

Audience member: “Do you know how many transgender Americans have been mass shooters over the last 10 years?”

Kirk: “Too many.”

The same audience member went on say the… pic.twitter.com/9LxoFGA6W1

— Brian Krassenstein (@krassenstein) September 10, 2025

Përgjigja e tij ishte ” shumë “, mes brohoritjeve të forta të turmës. I njëjti burrë i tha më pas Kirkut se numri ishte ” pesë “, duke e pyetur nëse e dinte sa persona me vrasje masive kishin ndodhur në Amerikë në 10 vitet e fundit.

“A po i numërojmë bandat apo jo?” pyeti Kirk . Këto ishin fjalët e tij të fundit përpara se plumbi ta godiste dhe ta rrëzonte nga karrigia, me gjak që i rridhte nga qafa. U dëgjuan britma të pushtuara nga paniku. Influencuesi 31-vjeçar u plagos rëndë dhe u largua me nxitim nga truprojat e tij.

🚨 VIEWER DISCRETION🚨

ACTUAL FOOTAGE OF CHARLIE KIRK SHOOTING.

This footage is insane, truly sick

They tried to assassinate trump and now Charlie Kirk.

Prayers for Charlie Kirk. pic.twitter.com/TFYSdvnizz

— EUROPA WATCH (@EuropaWatch_) September 10, 2025

Presidenti Donald Trump njoftoi vdekjen e Kirkut menjëherë pas kësaj. “I Madhi dhe madje Legjendari Charlie Kirk ka vdekur. Askush nuk e kuptoi ose nuk e kishte zemrën e të rinjve të Shteteve të Bashkuara më mirë se Charlie”, shkroi presidenti në Truth Social.

Ndërkohë, hetimi ndaj personit të armatosur është ende duke vazhduar . Autoritetet e kanë përshkruar incidentin tragjik si një “vrasje politike” dhe besojnë se i dyshuari ka vepruar i vetëm.

Sipas zyrtarëve, plumbi fatal “erdhi” nga maja e Qendrës Losee, rreth 60 metra larg vendit ku po fliste Kirk .

Siç mund ta shihni në foton më poshtë, personi i armatosur ishte në ndërtesën në të majtë, ndërsa Kirk po fliste në zonën e treguar nga shigjeta e bardhë në të djathtë.

Xartis Dolofonia

Në fakt, pamjet që qarkullojnë në mediat sociale lidhin një figurë të zezë në çatinë e ndërtesës, përballë vendit ku ndodhej Kirk, me vrasësin e aktivistit.

Vrasja e politikanit republikan, Trumpi urdhëron uljen e flamujve në gjysmështizë në SHBA: Charlie Kirk ishte një lider i guximshëm dhe patriot i madh

Presidenti i SHBA-së, Donald Trump, ka urdhëruar uljen e flamujve në të gjithë vendin në gjysmështizë, në shenjë respekti për kujtimin e aktivistit politik amerikan, Charlie Kirk, i cili u vra.

“Në nder të Charlie Kirk, një Patriot të Madh Amerikan, po urdhëroj që të gjithë flamujt amerikanë në të gjithë Shtetet e Bashkuara të ulen në gjysmështizë deri të dielën në mbrëmje në orën 6 pasdite”, tha ai në një postim në rrjetet sociale.

Në një deklaratë të lëshuar nga Shtëpia e Bardhë, Presidenti Trump e ka cilësuar Kirkun si një figurë të rëndësishme në shoqërinë amerikane, duke theksuar se kontributet e tij kanë qenë vendimtare në mbështetje të vlerave konservatore dhe në forcimin e dialogut politik në SHBA.

“Charlie Kirk ishte një lider i guximshëm dhe një zë i fuqishëm për brezat e rinj që besojnë në liritë dhe principet e këtij kombi. Angazhimi i tij për të mbrojtur liritë e individëve dhe për të forcuar frymën e demokracisë amerikane do të mbetet i paharruar,” ka deklaruar Trump.

Kirk ishte 31 vjeç. Ai lë pas gruan dhe dy fëmijë.

I dyshuari për të shtënat nuk është në paraburgim për momentin. bw

U vra me snajper- Cilësohej si “zëri i rinisë së MAGA”, kush ishte aleati i ngushtë i Trump, Charlie Kirk

Aktivisti konservator amerikan Charlie Kirk, 31 vjeç, një nga figurat më të njohura të së djathtës amerikane dhe aleat i ngushtë i Presidentit Donald Trump, u vra të mërkurën gjatë një eventi në Utah Valley University, ku po zhvillonte turin e debatit publik “Prove Me Wrong”.

Sipas autoriteteve amerikane, Kirk u qëllua me armë në qafë nga një person ende i paidentifikuar plotësisht edhe pse i dyshuari është arrestuar. Politikani 31-vjeçar u transportua me urgjencë në spital, por plagët rezultuan fatale. Ai mori një plumb në qafë. FBI dhe ATF janë përfshirë në hetim, ndërsa një person është marrë në paraburgim si i dyshuar. Pamjet e sulmit qarkulluan shpejt në rrjetet sociale, duke shkaktuar reagime të mëdha.

Kush ishte Charlie Kirk?

Lindur më 1993, Kirk themeloi në moshën 18-vjeçare Turning Point USA (TPUSA), një organizatë që u kthye në lëvizjen më të madhe konservatore në kampuset universitare amerikane.
Ai shërbeu gjithashtu si CEO i Turning Point Action dhe organizatave të tjera simotra, duke u bërë një figurë kyçe në mobilizimin e votuesve të rinj konservatorë.
Moderator i podcast-it The Charlie Kirk Show, ai ishte një nga zërat më të dëgjuar të së djathtës, shpesh duke ngritur debate mbi teorinë kritike të racës, ndryshimet klimatike dhe çështje sociale.

Marrëdhënia me Donald Trump

Charlie Kirk u konsiderua një nga arkitektët e lidhjes mes gjeneratës së re konservatore dhe Donald Trump.

Në vitin 2016, TPUSA dhe vetë Kirk u rreshtuan hapur në mbështetje të kandidaturës së Trump, duke ndihmuar në mobilizimin e votuesve të rinj në shtetet vendimtare.
Kirk shpesh quhej “zëri i rinisë së MAGA” dhe Trump e kishte ftuar disa herë në Shtëpinë e Bardhë gjatë presidencës së tij.

Në vitet e mëvonshme, Kirk e mbështeti fuqishëm narrativën e Trump rreth zgjedhjeve të vitit 2020, duke u bërë një figurë e rëndësishme në rrjetin e influencës së tij.
Trump reagoi pas lajmit të vrasjes, duke e quajtur atë “një patriot të madh dhe mik besnik” dhe duke shtuar se “Amerika humbi një luftëtar të pakompromis për vlerat konservatore.”

Një figurë kontraverse

Kirk ishte njëkohësisht i adhuruar dhe i kritikuar. Mbështetësit e shihnin si mbrojtës të fortë të lirisë së fjalës dhe vlerave tradicionale, ndërsa kritikët e akuzonin për shpërndarje dezinformatash rreth COVID-19 dhe për retorikë polarizuese. Iniciativat e tij si Professor Watchlist kishin ngritur debate të ashpra mbi lirinë akademike.

Impakti i vrasjes së tij në SHBA

Vrasja e Charlie Kirk pritet të ketë ndikim të madh në politikën konservatore amerikane. Ai ishte vetëm 31 vjeç dhe i konsideruar si një nga figurat që mund të drejtonte brezin e ardhshëm të liderëve republikanë.

Ngjarja tronditi botën politike amerikane, duke hapur diskutime mbi sigurinë e figurave publike dhe polarizimin e thellë në shoqërinë amerikane. bw

Trumpi: Udhëheqësit evropianë do të vizitojnë SHBA-në për të diskutuar mbi luftën në Ukrainë

Presidenti Donald Trump ka bërë me dije se disa udhëheqës evropianë pritet të vizitojnë Shtetet e Bashkuara të hënën ose të martën për të diskutuar mënyrat për t’i dhënë fund luftës në Ukrainë.

Trump shtoi se planifikon të flasë së shpejti edhe me presidentin rus Vladimir Putin, ndërsa paralajmëroi një fazë të dytë të sanksioneve ndaj Moskës. Kjo nismë vjen pas një vale të re dhe intensive bombardimesh nga Rusia, ku u përdorën mbi 800 dronë dhe dhjetëra raketa, përfshirë një sulm që goditi ndërtesën qeveritare kryesore në Kiev, duke shkaktuar katër viktima.

Presidenti ukrainas Volodymyr Zelensky përshëndeti përpjekjet për sanksione të reja, duke i quajtur ato “ideja e duhur”. Ai i bëri thirrje vendeve evropiane që të ndalojnë blerjen e energjisë ruse, duke thënë se “nuk mund të kemi asnjë marrëveshje me Rusinë nëse duam t’i ndalojmë ato”.

Zelensky gjithashtu mbështeti propozimin e Trump për vendosjen e tarifave dytësore ndaj vendeve që vazhdojnë tregtinë me Rusinë, si një mënyrë për të ndalur financimin e luftës nga Moska.

Sipas Qendrës për Kërkime mbi Energjinë dhe Ajrin e Pastër, Rusia ka gjeneruar rreth 985 miliardë dollarë nga eksporti i naftës dhe gazit që nga marsi i vitit 2022. Kina dhe India mbeten blerësit më të mëdhenj, ndërsa BE ka shpallur objektivin për të ndaluar të gjitha blerjet deri në vitin 2027.

SHBA-të kanë vendosur tashmë tarifa prej 50% ndaj mallrave nga India për shkak të vazhdimit të blerjeve të naftës ruse. Nga ana tjetër, Rusia ka intensifikuar bashkëpunimin energjetik me Kinën dhe ka rënë dakord me OPEC+ për të rritur prodhimin e naftës, duke ulur çmimet në tregjet globale.

Sekretari amerikan i Thesarit, Scott Bessent, deklaroi se rritja e sanksioneve dhe tarifave dytësore nga vendet evropiane do të çonte ekonominë ruse në “kolaps total”, duke detyruar presidentin Putin të rikthehet në tryezën e negociatave.

“Ne jemi në një garë tani – sa gjatë mund të rezistojë ushtria ukrainase dhe sa gjatë mund të mbijetojë ekonomia ruse”, tha Bessent. bw

I tronditur nga sulmi i fundit rus në Ukrainë, Trumpi: Gati për sanksione të tjera ndaj Moskës

Presidenti i Shteteve të Bashkuara, Donald Trump, deklaroi të dielën nga Shtëpia e Bardhë se është i gatshëm të kalojë në fazën e dytë të sanksioneve kundër Rusisë, në kuadër të konfliktit në Ukrainë.

“Jemi të përgatitur për një raund të ri masash ndaj Rusisë, nëse situata në Ukrainë nuk ndryshon,” u shpreh Trump në deklaratën e tij, pa dhënë më shumë detaje mbi natyrën e sanksioneve të reja.

Ky paralajmërim vjen në një moment të tensionuar, sidomos ditën e sotme, kur mbi 800 dronë rusë goditën Ukrainën dhe kur diplomacia ndërkombëtare përpiqet të gjejë një rrugëdalje për konfliktin që vijon prej gati katër vitesh. bw

“Trumpi po shqyrton mundësinë e sulmeve në Venezuelë”, CNN: Do të godasë kartelet e drogës, mund të sjellë rrëzimin e Maduros

Presidenti i SHBA-së, Donald Trump, po shqyrton mundësinë e kryerjes së sulmeve kundër karteleve të drogës në Venezuelë, raportoi CNN të premten, duke cituar burime të njohura me çështjen.

Diskutimet e raportuara vijnë ndërsa Pentagoni ka vendosur të paktën tetë anije luftarake dhe një nëndetëse në Karaibet lindore.

Sipas CNN, sulmi me raketa i së martës ndaj një anijeje që dyshohet se kontrabandonte drogë nga Venezuela ishte vetëm hapi i parë në përpjekjet e Trump për të neutralizuar trafikun e drogës në rajon dhe potencialisht për të rrëzuar presidentin venezuelian Nicolas Maduro.

SHBA-të vendosën sanksione të gjera ndaj qarkut të Amerikës së Jugut të sunduar nga socialistët gjatë mandatit të parë të Trump në detyrë, duke synuar tregtinë e naftës dhe sektorin financiar. Muajin e kaluar, Prokurorja e Përgjithshme Pam Bondi dyfishoi shpërblimin për informacionin që çoi në arrestimin e Maduros në 50 milionë dollarë.

Edhe pse Trump mohoi planet për ndryshim regjimi të premten, ai i përshkroi zgjedhjet presidenciale të Venezuelës në vitin 2024 si “shumë të çuditshme”. Sekretari i Shtetit Marco Rubio deklaroi më parë këtë javë se SHBA-të do të “luftojnë kundër karteleve të drogës kudo që janë”.

Maduro i ka mohuar akuzat për përfshirje në trafikun e drogës dhe është zotuar se do ta shpallë Venezuelën një “republikë të armatosur” nëse sulmohet nga SHBA-të.

“Ashtu siç nuk ishte e vërtetë që Iraku kishte armë të shkatërrimit në masë, as ajo që po thonë për Venezuelën nuk është e vërtetë”, tha Maduro të premten, duke iu referuar logjikës pas pushtimit amerikan të Irakut në vitin 2003. bw

Trumpi nënshkruan urdhrin ekzekutiv: Pentagoni riemërtohet Departamenti i Luftës

Presidenti i SHBA-së, Donald Trump, nënshkroi të premten një urdhër ekzekutiv që e riemërton Departamentin e Mbrojtjes në “Departamenti i Luftës”, duke u rikthyer në emrin që kishte deri pas Luftës së Dytë Botërore, kur qeveria amerikane kërkoi të theksonte rolin e Pentagonit në parandalimin e konflikteve.

Trump e firmosi urdhrin në një ceremoni në Zyrën Ovale. Ky është ndryshimi i fundit i emrit në ushtrinë amerikane, i cili ka përfshirë vendimin e tij për të mbajtur një paradë ushtarake në qendër të Uashingtonit dhe për të rivendosur emrat e bazave ushtarake që u ndryshuan pas protestave kundër racizmit në vitin 2020.

Urdhri i lejon Sekretarit të Mbrojtjes Pete Hegseth dhe vartësve të tij të përdorin tituj të tillë si “Sekretar i Luftës” dhe “Zëvendës Sekretar i Luftës” në korrespondencën zyrtare dhe njoftimet për shtyp. Hegseth udhëzohet të rekomandojë veprime legjislative dhe ekzekutive për ta bërë ndryshimin të përhershëm.

Ndryshimet e emrave të departamenteve janë të rralla dhe kërkojnë miratimin e Kongresit, ku republikanët kanë shumicën dhe nuk kanë treguar ndonjë qëllim për të kundërshtuar iniciativat e Trump.

Departamenti i Mbrojtjes quhej Departamenti i Luftës deri në vitin 1949. Historianët thonë se u riemërua pjesërisht për t’i treguar Uashingtonit se, në epokën bërthamore, SHBA-të ishin të përqendruara në parandalimin e konfliktit.

Riemërtimi do të ishte i kushtueshëm, duke kërkuar ndryshime në tabelat dhe shkronjat e përdorura jo vetëm në Pentagon, por në të gjitha instalimet ushtarake në të gjithë botën. Përpjekja e ish-presidentit Joe Biden për të riemërtuar nëntë baza ushtarake që nderonin udhëheqësit e Konfederatës do t’i kishte kushtuar ushtrisë 39 milionë dollarë. Hegseth e ndryshoi vendimin këtë vit. bw

Tonelata kokainë, kulla me lejen e Ramës dhe deputetë, DASH thërret Dumanin për kartelet shqiptare të drogës

Grupet e strukturuara kriminale shqiptare të përfshira në trafikun ndërkombëtar të kokainë në nga Amerika Latine në BE mesa duket janë kthyer në një shqetësim të madh për Shtetet e Bashkuara të Amerikës.

Këtë shqetësim zyrtarët e departamentit amerikan të shtetit ia kanë komunikuar vetëm kreut të SPAK Altin Dumani në takimin e zhvilluar pak ditë më parë në Washington.

Ky fakt është konfirmuar për Syri Tv nga vetë Departamenti Amerikan i Shtetit pas një kërkesë për informacion.

Shtetet e Bashkuara po punojnë me Shqipërinë për qëllimet tona të përbashkëta për ndalimin e trafikut të drogës, krimit të organizuar dhe migracionit të parregullt. Zyrtarë të lartë të Departamentit u takuan me Shefin e Prokurorisë Speciale (CSP) Dumani për të diskutuar fushat e bashkëpunimit të dobishëm reciprokisht”, thuhet ne reagimin e DASH për Syri Tv.

Prej vitesh agjencisë ligjzbatuese të vendeve partnere kanë ngritur alarmin për tonelatat e kokainës që grupet e strukturara kriminale shqiptare sjellin në Amerika Latine në Evropë.

Këto grupe kanë pasur akses të pakufizuar për të pastruar paratë në ndërtim në Shqipëri, ku Kryeministri Rama ka firmosur qindra leje ndërtimi, kryesisht për kulla dhe investime strategjike në bregdet.

Ndër rastet më flagrante janë lejet për ndërtime për Elvis Docin dhe Altin Hajrin të firmosura nga Edi Rama, teksa Hajri dhe Doçi janë dy eksponentë të krimit të organizuar që operojnë në Durrës.

Grupet e strukturara kriminale janë angazhuar dhe në fushatë zgjedhore ku kandidatët e tyre të mazhorancës kanë dalë ndër më të votuarit në zgjedhjet e 11 Majit. sn

“Robotët janë këtu”, Zonja e parë e SHBA-së, Melania Trump kërkon vëmendje të veçantë për Inteligjencën Artificiale te fëmijët

Zonja e parë e Shteteve të Bashkuara, Melania Trump, po mbështet inteligjencën artificiale të sigurt dhe ka inauguruar një grup pune për edukimin e fëmijëve në lidhje me këtë teknologji.

Të enjten në mbrëmje, elita e teknologjisë, përfshirë drejtorin ekzekutiv të OpenAI, Sam Altman, dhe drejtorin ekzekutiv të Meta, Mark Zuckerberg, morën pjesë në një takim në Shtëpinë e Bardhë me Presidentin Donald Trump.

Dita ishte për të promovuar iniciativën e Presidentit për inteligjencën artificiale, por zonja e parë udhëhoqi krijimin e një grupi pune për inteligjencën artificiale dhe edukimin e fëmijëve, duke thënë “robotët janë këtu”.

Urdhri ekzekutiv i presidentit u nënshkrua në prill për të promovuar shkrim-leximin dhe aftësitë në përdorimin e inteligjencës artificiale midis të rinjve amerikanë.

Këto janë të gjitha gjërat që tha zonja e parë.

«Sot është një ngjarje e bukur», tha ajo, duke filluar takimin. «Po jetojmë në një botë mrekullish».

Më pas ajo vuri në dukje rreziqet e inteligjencës artificiale, të tilla si teknologjia që ua heq vendet e punës të sapodiplomuarve dhe rreziku i saj për shëndetin mendor. Po atë ditë me ngjarjen, Komisioni Federal i Tregtisë tha se po hetonte OpenAI dhe kompani të tjera të inteligjencës artificiale për ndikimin që kanë chatbot-et e tyre në shëndetin mendor të fëmijëve.

“Ne duhet ta menaxhojmë rritjen e inteligjencës artificiale me përgjegjësi”, tha ajo, duke shtuar se “gjatë kësaj faze primitive” ajo duhet t’i nënshtrohet “udhëzimit të kujdesshëm”.

Por ajo nuk ishte krejt e zymtë për inteligjencën artificiale, ajo tha se ajo ishte gjithashtu “motori më i madh i progresit në historinë e Shteteve të Bashkuara të Amerikës”.

Titanët e teknologjisë reaguan pozitivisht ndaj fjalimit të saj.

«Është një nder i vërtetë për mua të jem këtu», tha Pichai i Google. «Ju po i frymëzoni vërtet të rinjtë që ta përdorin teknologjinë në mënyra të jashtëzakonshme», shtoi ai.

Trumpi paralajmëron Putinin: Do të ketë pasoja nëse nuk respektohen interesat e SHBA-së për Ukrainën

Presidenti amerikan Donald Trump u shpreh me tone të forta gjatë një takimi me homologun polak, duke paralajmëruar se çdo vendim i presidentit rus Vladimir Putin për Ukrainën, nëse nuk përputhet me interesat e SHBA-së, do të ketë pasoja serioze.

“Ai do të marrë një vendim, dhe çfarëdo që të jetë, ne ose do të jemi të kënaqur ose jo. Dhe nëse nuk jemi të kënaqur, atëherë do të shihni që ndodhin gjëra,” tha Trump para gazetarëve.

I pyetur për refuzimin e Putinit për t’u takuar me presidentin ukrainas Volodymyr Zelensky, Trump reagoi i irrituar:

“Si e dini këtë? Si mund të jeni kaq i sigurt? A e dini vërtet çfarë ndodh pas skene?”

Ai kujtoi se SHBA ka vendosur tashmë sanksione ndaj Indisë, të cilat sipas tij kanë kushtuar qindra miliarda dollarë, dhe shtoi se ende nuk ka aktivizuar “fazën dy” dhe “fazën tre” të sanksioneve – duke lënë të kuptohet për masa shumë më të forta nëse situata nuk ndryshon. Me tone të ashpra, Trump iu drejtua gazetarëve: “Nëse thoni se nuk ka veprim, ndoshta duhet të gjeni një punë të re.”

Sa i përket paradës ushtarake në Kinë, Trump e përshkroi atë si “shumë të bukur” dhe “tepër mbresëlënëse”. Ai shtoi se SHBA duhej të përmendej në fjalimet e liderëve kinezë për ndihmën që, sipas tij, kishte ndikuar në “fitimin e lirisë” së Kinës. “Mendoj se donin që unë ta ndiqja, dhe e ndoqa. Marrëdhëniet e mia me të gjithë janë shumë të mira. Do ta shohim se sa të mira janë javën që vjen, ose pas dy javësh,” përfundoi presidenti amerikan, duke lënë të hapur pritjen për zhvillime të rëndësishme në të ardhmen e afërt. gsh

Ambasadori amerikan në NATO: SHBA-ja do stabilitet në Ballkanin Perëndimor

Në një nga panelet e Forumit Strategjik të Bledit, ambasadori amerikan në NATO, Matthew G. Whitaker, tha se Shtetet e Bashkuara të Amerikës po ndjekin nga afër situatën në Serbi dhe në entitetin Republika Sërpska të Bosnje e Hercegovinës, me synimin që të mos lejohet asnjë zhvillim që mund të çojë në konflikt rajonal.

“Po ndjekim me shumë kujdes gjithçka që po ndodh si në Republikën Sërpska, ashtu edhe në Serbi. Aktualisht, jemi të përqendruar që situata të mos shndërrohet në një konflikt të mundshëm rajonal”, tha Whitaker.

Ai theksoi se SHBA-ja “do stabilitet në Ballkanin Perëndimor” dhe kjo, siç tha, është e rëndësishme edhe për partnerët evropianë brenda NATO-s, të cilët “e kanë detyrim të veprojnë së bashku në situata krize”.

Serbia ka qenë prej muajsh e përfshirë nga protestat antiqeveritare, të cilat shpesh janë shndërruar në episode dhune, ndërsa presidenti Aleksandar Vuçiq, pa asnjë provë, akuzon agjitatorë të huaj për përpjekje për të nxitur revolucion.

Në Republikën Sërpska, Millorad Dodik sfidon vendimin e Gjykatës së Bosnje e Hercegovinës për t’ia hequr mandatin presidencial pas një dënimi dhe vazhdimisht kërcënon me ndarjen e këtij entiteti nga pjesa tjetër e Bosnjës.

I pyetur nëse NATO-ja do të ndërhynte, nëse kriza politike do të përshkallëzohej në një konflikt të armatosur, sidomos në Bosnje dhe Hercegovinë, por edhe në Serbi, Whitaker tha se NATO-ja vepron me unanimitet, por shtoi se “jemi shumë larg diçkaje të tillë”.

“Nëse NATO-ja do të përfshihet… Rregulli numër 1 në politikë është të mos u përgjigjesh hipotezave. Mendoj se duhet të shohim se si do të zhvillohen gjërat”, tha Whitaker.

“Ne do të vazhdojmë t’i inkurajojmë të gjitha palët që të punojnë në përputhje me marrëveshjet e Dejtonit”, tha ai, duke iu referuar marrëveshjeve që i dhanë fund luftës në Bosnje në vitet ’90.

Ambasadori amerikan tha, po ashtu, se “NATO-ja është më e fortë se kurrë” dhe se “kjo duhet të jetë shumë shqetësuese për kundërshtarët tanë”.

Në pyetjen nëse presidenti amerikan, Donald Trump, mund të takohej me presidentin serb, Aleksandar Vuçiq, ose me ish-presidentin e Republikës Sërpska, Millorad Dodik, Whitaker tha se për takime të tilla nuk ka asnjë paralajmërim, por se ato mund të diskutohen nëse do të kishte përfitime të qarta për paqen dhe stabilitetin.

Ai tha se presidenti Trump ka një aftësi të veçantë për të komunikuar me liderë botërorë, për të përdorur ndikimin e presidencës amerikane dhe fuqinë e shtetit, në të mirë të paqes, demokracisë, stabilitetit dhe zhvillimit ekonomik.

Ai theksoi se, nëse Trump do të vendoste të takohej me Vuçiqin ose Dodikun, një gjë e tillë nuk do të bëhej për të forcuar pozitën e tyre politike, por vetëm nëse do të shërbente për avancimin e interesave më të gjera të paqes dhe stabilitetit.

“Sigurisht që nuk do të pranonte një takim që synon forcimin e pozicionit politik të ndonjë udhëheqësi. Kjo nuk është ajo që bën presidenti Trump”, tha ambasadori amerikan.

Ai e përshkroi Trumpin si “paqebërës”, duke theksuar se politika e tij fokusohet në rezultate dhe në krijimin e mundësive për përparim.

“Përplasja me Zelenskyn ishte e dobishme”- J.D. Vance flet për tensionin në Zyrën Ovale: Kemi dallime, por duam të mbrojmë integritetin territorial të Ukrainës

Zëvendëspresidenti amerikan, J.D. Vance, ka komentuar për herë të parë përplasjen që ndodhi në muajin shkurt në Zyrën Ovale me presidentin ukrainas, Volodymyr Zelensky. Edhe pse incidenti shkaktoi jehonë ndërkombëtare dhe tension mes dy vendeve, Vance e cilëson ballafaqimin si një moment të rëndësishëm, që ndihmoi në sqarimin e mospajtimeve reale mes Uashingtonit dhe Kievit.

Në një intervistë për USA Today, ai theksoi se përplasja ndihmoi në ndërtimin e një linje më të qartë komunikimi dhe në qartësimin e pozicioneve përballë një konflikti që ka hyrë në vitin e tretë. “Ndonjëherë njerëzit nuk bien dakord,” tha Vance. “A doja që kjo të ndodhte përpara kamerave? Jo domosdoshmërisht. Por ishte e dobishme për të kuptuar se ku qëndronim.”

Vance shtoi se përballja bëri që opinioni publik amerikan të kuptonte më mirë diferencat mes qeverisë së Trump dhe qëndrimeve të presidentit ukrainas. Ai kritikoi mungesën e vullnetit të Zelenskyt për të negociuar me Rusinë, si dhe e quajti zhgënjyese qasjen e administratës Biden, që sipas tij ka derdhur miliarda dollarë ndihma për Ukrainën pa një strategji të qartë për paqen.

Ndërkohë, përplasja në Zyrën Ovale nuk kaloi pa reagime në Evropë. Kryetari i CDU-së gjermane, Friedrich Merz, e cilësoi incidentin si një përshkallëzim të qëllimshëm nga SHBA, duke i dhënë ton më të fortë krizës diplomatike.

Megjithatë, Vance thekson se aktualisht administrata Trump dhe presidenti Zelensky janë më të afruar se kurrë në qëllimin e përbashkët për të arritur një marrëveshje paqësore. “Edhe pse kemi dallime, është e qartë se të dy palët duam të mbrojmë integritetin territorial të Ukrainës. Ne nuk duam që Rusia të pushtojë të gjithë vendin,” përfundoi ai. gsh

“S’do të lejojmë psikopatët të shkatërrojnë Amerikën”, Trumpi thirrje të fortë kundër George Sorosit: Ai dhe djali i tij mbështesin protesta të dhunshme në gjithë vendin!

Presidenti i SHBA Donald Trump ka lëshuar akuza në drejtim të miliarderit George Soros dhe djalit të tij, Alexander Soros.

Në një reagim në rrjetet sociale, Trump i kërkoi drejtësisë amerikane që të ngrejë akuza ndaj tyre në bazë të ligjit RICO, i cili përdoret për ndjekjen penale të organizatave kriminale. “George Soros dhe djali i tij super-radikal majtist duhet të akuzohen sipas ligjit RICO për mbështetjen e protestave të dhunshme dhe shumë veprimeve të tjera anembanë vendit”, shkroi Trump.

Trump nuk është ndalur me kaq, duke e quajtur Sorosin dhe ekipin e tij “psikopatë”. “Kini kujdes, ju po ju vëzhgojmë!”. Ai shtoi: “Nuk do t’i lejojmë këta të çmendur të shkatërrojnë Amerikën, pa i dhënë kurrë mundësinë të ‘marrë frymë’ dhe të jetë E LIRË”, shkruan Trump.

Kujtojmë se George Soros, 95 vjeç, është një nga mbështetësit më të mëdhenj të iniciativave progresiste në botë përmes Fondacioneve të Shoqërisë së Hapur, të cilat ai i themeloi pas dekadave të suksesit financiar në vitet ’70 dhe ’80. bw

“Uashingtoni i gatshëm të ndihmojë Kievin pas luftës”, Financial Times: Ukraina do të përfitojë mbrojtje ajrore dhe…

Uashingtoni është i përgatitur të ofrojë shërbime të agjencive inteligjente dhe mbështetje ajrore për Ukrainën pas luftës, sipas një raportimi nga Financial Times.

FT ka cituar katër zyrtarë të cilët thanë se SHBA-të do të ishin të gatshme të kontribuonin me mbikëqyrje dhe zbulim, si dhe me asete të mbrojtjes ajrore.

Kjo do t’i vinte në ndihmë çdo ekipi të udhëhequr nga evropianët në terren, shtoi raporti i zbuluar.

Javën e kaluar, presidenti amerikan Donald Trump tha se nuk e kishte përjashtuar vendosjen e trupave amerikane në tokë në Ukrainë, por tha se ato mund të ofrojnë mbështetje ajrore si pjesë e një marrëveshjeje për t’i dhënë fund luftës.

“Ne jemi të gatshëm t’i ndihmojmë ata me gjëra të ndryshme, veçanërisht, ndoshta… nga ajri”, tha Trump për Fox News, megjithëse nuk dha detaje të tjera. bw

Trumpi e ngre mundësinë e një “lufte ekonomike”, nëse Rusia nuk lëviz drejt paqes

Presidenti i Shteteve të Bashkuara, Donald Trump, sërish e ka hedhur poshtë mundësinë e ndonjë takimi së shpejti mes udhëheqësve rusë dhe ukrainas, si dhe ka folur për mundësinë e sanksioneve të reja ndaj Moskës, megjithëse tha se edhe pala ukrainase është në faj.

“Unë dua që ajo [lufta] të përfundojë”, u tha Trump gazetarëve të martën në Shtëpinë e Bardhë.

“Ajo që e kam në mendje është shumë, shumë serioze, nëse më duhet ta bëj. Por, dua ta shoh [luftën] duke përfunduar”, theksoi ai.

“Ne duam përfundimin e saj. Ne kemi sanksione ekonomike”, paralajmëroi ai.

Trump shtoi: “Nuk do të jetë një luftë botërore, por do të jetë një luftë ekonomike. Një luftë ekonomike do të jetë e keqe, dhe do të jetë e keqe për Rusinë, dhe unë nuk e dua këtë”.

Ka kohë që Trump e përdor kërcënimin me sanksione ekonomike apo tarifa të larta kundër vendeve të tjera në çështje ndërkombëtare.

Ai ka paralajmëruar por ende nuk ka vendosur masa ekonomike kundër Moskës, megjithëse SHBA-ja dhe Perëndimi kanë vendosur një sërë sanksionesh të rënda ndaj Rusisë prej se ajo e filloi pushtimi e plotë të Ukrainës në shkurt të vitit 2022.

“Mendoj se, në shumë mënyra, ai [presidenti rus Vladimir Putin] është aty. Ndonjëherë ai është aty dhe [presidenti ukrainas Volodymyr] Zelensky nuk është aty”, nënvizoi ai.

“Duhet t’i kem të dy njëkohësisht”, shtoi Trump pas një mbledhjeje të transmetuar në televizion të kabinetit, që zgjati tri orë e 16 minuta.

“As Zelensky nuk është plotësisht i pafajshëm. Unë kaloj shumë mirë me të tani, por kemi marrëdhënie shumë më ndryshme sepse tani nuk po ia japim asnjë qindarkë Ukrainës”, tha Trump, duke iu referuar një marrëveshjeje ku anëtarët e NATO-s blejnë armë amerikane për t’u përdorur nga Kievi.

Trump gjithashtu la të kuptohej për mundësinë e masave kundër Kievit, por nuk dha hollësi.

“Unë kam marrëdhënie shumë të mira me Putinin. Nëse mund t’i shpëtoj mijëra njerëz nga vdekja përmes sanksioneve ndaj Rusisë ose Ukrainës ose kujtdo tjetër, është mirë”, shtoi ai.

Kur u pyet për refuzimin e Putinit për t’u takuar ballë për ballë me Zelenskyn dhe për dyshimet e Kremlinit mbi “legjitimitetin” e udhëheqësit ukrainas, Trump tha: “Nuk ka rëndësi çfarë thonë [rusët]. Të gjithë po bëjnë shfaqje. Janë broçkulla”.

Rusia ka vazhduar me pushtimin e plotë të Ukrainës pa ndërprerje pas takimeve të Trumpit me Putinin në Alaskë, më 15 gusht, dhe me Zelenskyn dhe liderët evropianë në Shtëpinë e Bardhë tri ditë më vonë.

Trump, i cili që prej se e mori detyrën në janar ka kërkuar ta ndërmjetësojë përfundimin e luftës, i përdori ato takime për ta organizuar një takim ballë për ballë mes Putinit dhe Zelenskyt, të cilët nuk janë takuar që nga viti 2019.

Zelensky – i cili ka kërkuar një takim të tillë me Putinin – më 26 gusht tha se Turqia, vendet e Gjirit ose shtetet evropiane mund të shërbejnë si mikpritës të çdo takimi që ai mund të mbajë me Putinin.

Megjithatë, ministri i Jashtëm rus, Sergei Lavrov, i tha javën e kaluar televizionit NBC se “agjenda e një takimi të tillë nuk është gati aspak”.

I dërguari special i Trumpit, Steve Witkoff, më pas tha se së shpejti do të takohet me përfaqësuesit ukrainas në Nju Jork.

“Po takohem me ukrainasit këtë javë… dhe ky është një sinjal i madh”, i tha ai Fox News. “Ne flasim me rusët çdo ditë”.

Ndërkohë, udhëheqësit ushtarakë ukrainas njoftuan Zelenskyn mbi zhvillimet në lindje të vendit, ku Rusia ka shënuar fitore në fushëbetejë muajt e fundit kundër ushtrisë së dërrmuar dhe pajisur dobët ukrainase.

“Vëmendja jonë kryesore tani është e përqendruar kryesisht në Pokrovsk, Dobropillia, Novopavlivsk, Kupiansk, si dhe në drejtimet e Zaporizhjas”, shkroi në Telegram komandanti i lartë ushtarak i Ukrainës, gjenerali Oleksandr Syrskiy.

Syrskiy raportoi se “kemi prirje pozitive në zonat kufitare të rajoneve Sumi dhe Harkiv”, megjithëse pretendimet nga fushëbeteja nuk mund të verifikohen gjithmonë menjëherë.

Kievi ka kërkuar me urgjencë më shumë armë nga Perëndimi mes shqetësimeve se, edhe pas dy samiteve të fundit në Shtetet e Bashkuara, Rusia “nuk është e interesuar” për paqe, tha një këshilltar i lartë i Zelenskyt për Current Time, më 25 gusht.

Shtetet e Bashkuara dhe vendet evropiane i kanë dhënë Ukrainës ndihmë dhe pajisje ushtarake me vlerë miliarda dollarë që nga fillimi i pushtimit të plotë, megjithatë Trump i ka bërë trysni Evropës ta marrë përsipër pjesën më të madhe të barrës.

Trumpi kërkon të rikthejë emrin historik të Pentagonit, nga “Departamenti i Mbrojtjes” në “Departamenti i Luftës”

Presidenti amerikan Donald Trump ka shprehur sërish dëshirën për të rikthyer emrin historik të Pentagonit, duke e quajtur atë “Ministria e Luftës” në vend të “Ministrisë së Mbrojtjes”.

Gjatë një takimi të mbajtur të hënën në Shtëpinë e Bardhë me presidentin e Koresë së Jugut, Lee Jae-myung, Trump deklaroi:

“E quajmë Ministria e Mbrojtjes, por mes nesh, mendoj se do ta ndryshojmë emrin.”

Në një tjetër ngjarje të po së njëjtës dite, Trump e argumentoi propozimin e tij me fjalët:

“Duam mbrojtje, por duam edhe sulm.”

Ai ka përdorur më parë këtë retorikë, duke iu referuar ministrit të Mbrojtjes, Pete Hegseth, si “ministri i Luftës” dhe ka akuzuar “korrigjimin politik” si arsye për ndryshimin e emrit dekada më parë.

Megjithatë, sipas historianëve dhe dokumenteve zyrtare të qeverisë amerikane, ky pretendim i Trump nuk mbështetet në fakte.
Pas Luftës së Dytë Botërore, në vitin 1949, presidenti Harry Truman riorganizoi strukturat ushtarake të SHBA-së, duke krijuar Ministrinë e Mbrojtjes me qëllim të përmirësimit të bashkëpunimit mes forcave tokësore dhe detare, të cilat deri atëherë funksiononin në ministri të veçanta.

“Qëllimi ishte që pushteti ushtarak të përqendrohej në një strukturë të përbashkët për të siguruar mbrojtjen kombëtare, jo luftën agresive”, tha profesori i historisë Krister Knapp nga Universiteti i Uashingtonit në St. Louis.

Sipas The Washington Post, një ndryshim zyrtar i emrit do të kërkonte miratim nga Kongresi amerikan, pasi Ministria e Mbrojtjes është krijuar me ligj. Deri tani, nuk ka të dhëna konkrete nëse Trump, në rast se rikthehet në pushtet, do ta ndjekë zyrtarisht këtë iniciativë.

Ministria e Luftës u krijua në vitin 1789 nën udhëheqjen e George Washington dhe mbikëqyrte vetëm ushtrinë tokësore. Më vonë, në vitin 1798, u formua edhe Ministria e Marinës për flotën detare dhe trupat detare.

Pas përfundimit të Luftës së Dytë Botërore, Truman shtyu për një reformë të thellë: në vitin 1947 u krijua Fondacioni Kombëtar i Mbrojtjes, që bashkoi forcat tokësore, detare dhe Forcat Ajrore të sapokrijuara, dhe në vitin 1949, ky institucion u shndërrua në Ministrinë e Mbrojtjes.

Reforma e Truman përfshinte gjithashtu krijimin e CIA-s dhe të Këshillit të Sigurisë Kombëtare, duke formësuar arkitekturën moderne të sigurisë në SHBA gjatë Luftës së Ftohtë. Sipas Knapp, “fokusi kaloi nga lufta në strategjinë e parandalimit”, veçanërisht ndaj Bashkimit Sovjetik. gsh

Donald Trumpi: Shumë amerikanë do dëshironin një diktator! Unë nuk iu pëlqej, s’jam i tillë!

Donald Trumpi ka deklaruar se shumë amerikanë, sipas tij, do të dëshironin të kishin një diktator, gjatë një konference të gjatë për shtyp në Shtëpinë e Bardhë, ku u diskutuan çështje të ndryshme, përfshirë sigurinë publike dhe kritikat e tij ndaj kundërshtarëve politikë.

“Shumë njerëz thonë ‘ndoshta do të na pëlqente të kishim një diktator’. Unë nuk pëlqej diktatorët. Nuk jam diktator. Jam dikush me shumë shëndet të mirë të mendjes dhe inteligjencë,” tha presidenti republikan, i cili akuzohet nga kundërshtarët e tij për tendencë autoritare për shkak të politikave të tij lidhur me migracionin dhe sigurinë publike.

“Ti dërgon ushtrinë dhe, në vend që të të falenderojnë, të akuzojnë për sulm ndaj demokracisë,” shtoi ai, duke iu referuar reagimeve pas vendimit të tij për të dërguar Gardën Kombëtare në rrugët e Washingtonit për të mbajtur rendin.

Trump gjithashtu nënshkroi një dekret për të parashikuar dënime me burg për çdo person që digjet flamurin amerikan, pavarësisht vendimit të Gjykatës së Lartë të vitit 1989, e cila kishte shpallur se protesta të tilla janë të mbrojtura nga e drejta e lirisë së shprehjes, një e drejtë themelore në Kushtetutën amerikane.

“Po të diegësh flamurin, do të shkosh në burg për një vit, pa mundësi për t’u liruar para se të kryesh dënimin tënd të plotë,” tha Trump. Panorama

Trumpi urdhëron masa ndëshkuese ndaj djegies dhe përdhosjes së flamurit amerikan

Presidenti amerikan, Donald Trump e ka nënshkruar të hënën një urdhër ekzekutiv duke urdhëruar sistemin gjyqësor që t’i ndëshkojë ata që djegin apo përdhosin flamurin amerikan.

“Nëse digjni një flamur, ju do të burgoseni për një vit, pa mundësi për të dalë më herët”, ka thënë Trump teksa e ka nënshkruar urdhrin në Zyrën Ovale.

Urdhri udhëzon gjyqtarët që t’i ndëshkojnë njerëzit që shkelin ligjet për përdhosjen e flamurit dhe të ngrejnë padi për të sqaruar fushëveprimin e Amendamentit të Parë lidhur me këtë çështje.

Ai, gjithashtu, ka kërkuar që shkelësve t’iu pezullohen vizat, lejet e qëndrimit dhe procedurat e naturalizimit.

“Flamuri amerikan është simbol i jetës tonë kombëtare, i cili duhet t’i bashkojë dhe përfaqësojë të gjithë amerikanët”, është thënë në urdhër.

“Përdhosja është vepër shumë ofenduese dhe provokative. Është deklaratë përbuzjeje, armiqësie dhe dhune kundër kombit tonë”, është thënë mes tjerash në dokument.

Administrata Trump ka thënë se në vendimin e Gjykatës Supreme për Amendamentin e Parë nuk mbrohen veprimet sikurse përdhosja e flamurit amerikan.

Mirëpo, Gjykata Supreme ka thënë më 1989 se djegia, apo shkatërrimi i flamurit kombëtar, mbrohet si e drejtë e shprehjes së lirë./rel

Pentagoni shkarkon shefin e Agjencisë së Inteligjencës pas vlerësimit të sulmit ndaj Iranit

Gjenerali i lartë, Jeffery Kruse, nuk do të jetë më në krye të Agjencisë së Inteligjencës së Mbrojtjes (DIA). Sipas burimeve, edhe dy komandantë të tjerë të lartë ushtarakë janë larguar nga postet e tyre nga Pentagoni.

Departamenti i Mbrojtjes nuk ka dhënë ende asnjë sqarim zyrtar për këto shkarkime.

Në muajin qershor, presidenti Donald Trump kishte kundërshtuar fort një raport të DIA-së që ishte publikuar në media, në të cilin thuhej se sulmet ndaj Iranit kishin arritur vetëm të vononin përkohësisht programin bërthamor iranian, për disa muaj. Shtëpia e Bardhë e kishte quajtur raportin “plotësisht të gabuar”.

Trump kishte deklaruar se objektet bërthamore në Iran ishin “shkatërruar plotësisht” dhe kishte akuzuar mediat për përpjekje për të njollosur një nga goditjet ushtarake më të suksesshme në histori. Panorama

Faqja 2 prej 141‹ Prapa 123 4 5 6 Para ›Fundi »

Një plumb nga çatia

Autoritetet besojnë se dorasi veproi i vetëm

Rritja e Kirkut lidhej me Trumpin

Vrasja e Kirkut u dënua nga të dyja partitë

Lajmet me interesante

Lajmet e fundit

ARKIVA E LAJMEVE

RRETH NESH

NEWS LETTER

SOCIAL