Banorët e fshatit Krushë e Vogël kanë protestuar të mërkurën para objektit të Gjykatës Themelore të Prizrenit, ku po mbahej seanca e fundit në gjykimin për krime lufte ndaj të akuzuarit Darko Tasiq.

Darko Tasiq, i cili deri në vitin 1999 kishte jetuar në Krushë të Vogël, bashkë me familjen e tij, akuzohet nga Prokuroria Speciale e Kosovës për krime të luftës kundër popullatës civile shqiptare.

Disa gra të Krushës së Vogël, që bashkë me shumë anëtarë të familjes u mblodhën para gjykatës, kanë kërkuar dënim maksimal për Tasiq.

Prokurorja Speciale e Kosovës, Drita Hajdari dhe dy mbrojtësit e Tasiqit, Lubomir Pantoviq dhe Dejan Vasiq, kanë paraqitur fjalën e tyre përfundimtare.

Në këtë gjykim ka dëshmuar edhe gazetari britanik John Sweeney, i cili ka bërë dokumentarin “Serb genocide against Albanians” – “Gjenocidi serb kundër shqiptarëve”.

Ai kishte rrëfyer për masakrën në fshatin Krushë e Vogël, në gjykimin ndaj serbit të akuzuar Tasiq.

Sipas Fondit për të Drejtën Humanitare, gjatë konfliktit të viteve 1998-‘99 në Kosovë, janë vrarë më shumë se 13,500 persona. rel

Instituti Kombëtar i Shëndetësisë Publike të Kosovës (IKSHPK) ka njoftuar se janë konfirmuar edhe 141 raste të reja me koronavirus në vend.

Numri i të infektuarve me koronavirus ka shkuar në 1.756.

Laboratori i Mikrobiologjisë Molekulare në IKSHPK sot ka testuar 397 mostra, prej të cilave 141 kanë rezultuar pozitive.

“Rastet pozitive janë nga: komuna e Prishtinës 42 (sipas vendbanimit: 39 raste Prishtinë dhe 2 raste Hajvali dhe 1 rast Barilevë), komuna e Vushtrrisë 30 raste (sipas vendbanimit: 18 raste Stanovc i epërm, 8 raste Vushtrri, 2 raste Maxhunaj, 1 rast Begaj dhe 1 rast Bukosh), komuna e Pejës 18 raste (sipas vendbanimit: 18 raste Pejë), komuna e Mitrovicës 11 raste (sipas vendbanimit: 9 raste Mitrovicë, 1 rast Zhabar dhe 1 rast Shupkovc), komuna e Obiliqit 9 raste (sipas vendbanimit: 6 raste Obiliq, 1 rast Hade, 1 rast Breznicë dhe 1 rast Raskovë), komuna e Prizrenit 7 raste (sipas vendbanimit: 4 raste Prizren, 2 raste Lubizhdë dhe 1 rast Gërnçar), komuna e Fushë Kosovës 6 raste (sipas vendbanimit: 6 raste Fushë Kosovë), komuna e Gjilanit 5 raste (sipas vendbanimit: 4 raste Gjilan dhe 1 rast Cërnicë), komuna e Podujevë 4 raste (sipas vendbanimit: 2 raste Konushevc, 1 rast Gërdovc dhe 1 rast Dumnicë e poshtme), 3 raste Mamushë, 2 raste Viti (sipas vendbanimit: 2 raste Skifteraj) dhe me nga 1 rast vendbanimet: Kamenicë, Partesh, Gabricë-Kaçanik dhe Rahovec”, ka njoftuar IKSHPK.

Instituti po ashtu ka bërë të ditur se janë shëruar edhe 5 persona të prekur nga koronavirusi.

Njoftimi i plotë i IKSHPK’së:

NJËQIND E KATËRDHJETË E NJË RASTE ME COVID-19 DHE PESË TË SHËRUAR!

Sot më 16 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 397 mostra të marra nga Klinika Infektive dhe gjurmimi i kontakteve të rasteve në terren.

Me SARS-CoV-2, janë konfirmuar 141 raste.

Rastet pozitive janë nga: komuna e Prishtinës 42 (sipas vendbanimit: 39 raste Prishtinë dhe 2 raste Hajvali dhe 1 rast Barilevë), komuna e Vushtrrisë 30 raste (sipas vendbanimit: 18 raste Stanovc i epërm, 8 raste Vushtrri, 2 raste Maxhunaj, 1 rast Begaj dhe 1 rast Bukosh), komuna e Pejës 18 raste (sipas vendbanimit: 18 raste Pejë), komuna e Mitrovicës 11 raste (sipas vendbanimit: 9 raste Mitrovicë, 1 rast Zhabar dhe 1 rast Shupkovc), komuna e Obiliqit 9 raste (sipas vendbanimit: 6 raste Obiliq, 1 rast Hade, 1 rast Breznicë dhe 1 rast Raskovë), komuna e Prizrenit 7 raste (sipas vendbanimit: 4 raste Prizren, 2 raste Lubizhdë dhe 1 rast Gërnçar), komuna e Fushë Kosovës 6 raste (sipas vendbanimit: 6 raste Fushë Kosovë), komuna e Gjilanit 5 raste (sipas vendbanimit: 4 raste Gjilan dhe 1 rast Cërnicë), komuna e Podujevë 4 raste (sipas vendbanimit: 2 raste Konushevc, 1 rast Gërdovc dhe 1 rast Dumnicë e poshtme), 3 raste Mamushë, 2 raste Viti (sipas vendbanimit: 2 raste Skifteraj) dhe me nga 1 rast vendbanimet: Kamenicë, Partesh, Gabricë-Kaçanik dhe Rahovec.

Në javën e fundit kemi shfaqje të rasteve pozitive në mesin e punëtorëve të organizatave si: Posta e Kosovës, KEK, KEDS, Galeri e arteve, institucione bankare, shëndetësore, agjensione, kompani tregëtare dhe biznese private.

Sot më 16 qershor 2020, janë shëruar 5 pacientë derisa numri i përgjithshëm i të shëruarve deri më sot është gjithsej 968 raste.

Nga data 08 shkurt deri më 16 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 19.312 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.756 raste, me gjithsej 34 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Në nivel global, nga data 31 dhjetor 2019 deri më 16 qershor 2020 sipas Worldometers, janë raportuar gjithsej 8.183.802 raste të COVID-19 dhe 441.175 raste të vdekjes.

Të nderuar qytetarë!

Që kur ka filluar lehtësimi i masave për disa aktivitete, kemi gjurmuar raste të reja të COVID-19 duke u shtuar rreziku të shpërthejnë vatra të reja epidemike në disa komuna të Kosovës dhe në institucione e degë të ekonomisë, për shkak të mosmbajtjes së distancës dhe mosmbajtjes së maskave.

Duke pasur parasysh se në javën e fundit kemi rritje të rasteve pozitive që në intensitet krahasohen me mesin e muajit prill dhe kemi raste te punëtorët e organizatave publike e private, kemi rekomanduar Ministrinë e Shëndetësisë të mbyllen sektorët ku ka raste pozitive dhe të gjitha rastet pozitive dhe kontaktet e tyre të mbahen në vetizolim, ndërsa BARTJA E MASKAVE MBETET OBLIGATIVE!

Këto ditë vërehet fluks i shtuar i lëvizjes së qytetarëve kudo nëpër Kosovë. Kjo është sjellje e rrezikshme dhe lehtësimi i lëvizjes nuk nënkupton mosrespektimin e rekomandimeve të Institutit Kombëtar dhe Ministrisë së Shëndetësisë me mbajten e distancimit fizik dhe mbajtjen e maskave në vendet publike.

Pakujdesia e disa qytetarëve gjatë këtyre lëvizjeve dhe aktiviteteve, shton rrezikun e përhapjes së infeksionit përderisa virusi SARS-COV-2 është prezent dhe kështu mund të mbingarkohet sistemi shëndetësor me pasoja të pa parashikuara deri në shpërthim e që mund të paraqes rrezik për jetën e qytetarëve.

Si pasojë e mos bartjes së maskave nga ju, qytetarë të nderuar, po rrezikohet shëndeti i juaj dhe i qytetarëve të tjerë dhe po rëndohet situata e përgjithshme epidemiologjike që po mbahet nën kontroll me mund të madh të ekipeve të profesionistëve të Institutit Kombëtar.

Bazuar në këtë, Instituti Kombëtar i Shëndetësisë Publike dhe Ministria e Shëndetësisë rekomandojnë që në mënyrë rigoroze të respektohen masat mbrojtëse të deritashme sipas planit për masat lehtësuese që nënkupton vazhdimin e zbatimit të mëtutjeshëm të rekomandimeve.
IKSHPK e kupton shqetësimin e secilit qytetar për statusin e gjendjes së tij shëndetësore kur ata rezultojnë pozitiv në SARS CoV-2, por qytetarët duhet ta marrin seriozisht apelin tonë për t’i zbatuar me përpikëri rekomandimet dhe bartjen e maskave në vende ku ka grumbuj njerëzish dhe nuk mund të mbahet distanca nën 2 m.

Apelojmë te qytetarët, bizneset, gastronomia, që në mënyrë strikte të respektojnë distancën fizike, përdorimin e maskave, dezinfektimin dhe ajrosjen e lokaleve, duke pamundësuar përhapjen eventuale të infeksionit dhe shmangien e përhapjes në hapësirat e mbyllura.
Duke marrë parasysh nevojat e qytetarëve për shërbime shëndetësore, bëjmë apel te punëtorët shëndetësor t’iu përmbahen rekomandimeve të IKSHPK në aplikimin e masave mbrojtëse duke ruajtur kështu shëndetin e tyre, të pacientëve dhe të gjithë qytetarëve të vendit.
Përpjekja e madhe e përbashkët e derisotme mund të na shkojë huq për shkak të pakujdesisë së mos përmbajtes së tri rregullave themelore, të cilat duhet të jenë përditshmëri e jona edhe pa pandemi, e që nënkupton: mbajtjen e distancës fizike, mbajtjen e maskave dhe larjen e duarve me kujdes disa herë në ditë, për 20-30 sekonda.

Këta numra të këtyre ditëve flasin shumëçka. Këta numra tregojnë përkeqësim të situatës epidemiologjike me rrezik të shkuarjes drejt humbjes së kontrollit, si dhe drejt mbingarkimit pastaj të institucioneve shëndetësore, gjegjësisht të Klinikës Infektive ku fatkeqësisht personat me sëmundje shoqëruese dhe të moshuarit mund të përfundojnë fatalisht.

Kjo ndodhë për shkak të grumbullimit të madh të njerëzve, për shkak të përfshirjes pastaj të njerëzve të moshave të ndjeshme të moshuara, për shkak të përfshirjes së njerëzve me sëmundje kronike të cilët nuk janë të mbrojtur, sepse fatkeqësisht për këtë sëmundje ende nuk ka terapi dhe parandalim me vaksinë dhe e vetmja mundësi e parandalimit është përmbajtja e rekomandimeve të Institutit Kombëtar dhe Ministrisë së Shëndetësisë.

Ne po shkojmë drejt një normaliteti të ri. Ky normalitet i ri paraqet ndërrimin e sjelljeve tona për të mirë, për të mbajtur higjienën, për të mbajtur distancën, për të mbajtur maskën, për të mos përhapur piklat tona të cilat i qesim nga goja çdo ditë, dikush më shumë e dikush më pak, e që rrezikojnë shëndetin e të tjerëve, por në radhë të parë shëndetin e të afërmve, të familjes, të fëmijëve, të farefisit, të komunitetit, dhe pastaj të gjithë qytetarëve.

Zbatimin e rekomandimeve të Institutit Kombëtar duhet ta bëjë çdo qytetar i Republikës së Kosovës, që të ruajë veten, të afërmit dhe të tjerët.

Inspektoratet sanitare të AUV dhe Inspektoratet komunale duhet patjetër të zbatojnë Ligjin për Inspektoratin dhe Ligjin për parandalimin e sëmundjeve ngjitëse dhe të merren masa
përgjegjësie në çdo rast të mos zbatimit eventual të rekomandimeve të Institutit Kombëtar.
Çdo shkelje e rregullave nga kushdo do të konsiderohet rrezikim i shëndetit dhe jetës së të tjerëve.

Nuk ka të drejtë askush të rrezikojë jetën e të afërmve të tyre, të moshuarve dhe personave me sëmundje kronike për shkak të pakujdesit dhe mos zbatimit të rekomandimeve.
Çdo hap që bëjmë përpara, bartë edhe rrezikun me vete derisa virusi është ende në mesin tonë. Të kujdesimi dhe ta ruajmë këtë situatë të qëndrueshme duke pasur parasysh situatën më të rënduar epidemiologjike në shumë shtete të botës.

Vazhdoni të mbani distancën fizike dhe maskat!

Lani duart me kujdes disa herë në ditë nga 20-30 sekonda!

Lehtësimi i masave është bërë për të na bërë më të përgjegjshëm!

Ju lutem të keni kujdes, sepse akoma ekziston rrezik i përhapjes në vendet ku ka grumbullim të madh të njerëzve!

IKSHPK do të vazhdojë të jetë i përkushtuar në zbatimin e Planit të Veprimit të Planit të Gatishmërisë dhe Reagimit kundër koronavirusit Covid-19, dhe të ruaj shëndetin publik të popullatës.
Të dashur qytetarë!

Ju lutemi që t’iu përmbaheni të gjitha rekomandimeve të Institutit Kombëtar të Shëndetësisë Publike. Mbani distancën fizike për së paku 2 metra dhe aplikoni masat e nevojshme higjienike.

Virusi nuk ka këmbë! Mos ia jepni këmbët ju!

NE PO PUNOJMË PËR JU, ANDAJ NA NDIHMONI PAK QË TË JU NDIHMOJMË SHUMË!

Ju faleminderit për mirëkuptim!

I dërguari i posaçëm i Bashkimit Evropian për dialogun ndërmjet Kosovës dhe Serbisë, Mirosllav Lajçak, deklaroi në Prishtinë se nuk e di nëse do të jetë i pranishëm në takimin e 27 qershorit në Uashington, ku do të takohen delegacionet e Kosovës dhe të Serbisë.

Takimi i 27 qershorit në Shtëpinë e Bardhë është paralajmëruar nga i dërguar i posaçëm i Shteteve të Bashkuara të Amerikës për negociatat e paqes ndërmjet Kosovës dhe Serbisë, Richard Grenell.

Lajçak tha se bashkëpunimi ndërmjet BE-së dhe SHBA-së ka qenë i vazhdueshëm, por ka vënë pikëpyetje nëse do të jetë i pranishëm në Shtëpinë e Bardhë më 27 qershor.

“Deri sot, nuk e di. Por ajo që di është se Bashkimi Evropian ka punuar shumë afër me Shtetet e Bashkuara të Amerikës dhe gjithçka që është arritur në dialog, është rezultat i një bashkëpunimi shumë të ngushtë ndërmjet Bashkimit Evropian dhe Shteteve të Bashkuara të Amerikës. Do të dëshiroja që të vazhdonim dhe shpresoj që do të kemi komunikim të ngushtë dhe të vazhdueshëm me SHBA-në”, tha Lajçak.

Këtë deklaratë, ai e ka bërë pas takimit me presidentin e Kosovës, Hashim Thaçi. Lajçak tha se në Kosova ka ardhur në emër të 27 vendeve anëtare të Bashkimit Evropian, i cili, siç tha ai, është shumë serioz kur bëhet fjalë për procesin e dialogut ndërmjet Kosovës dhe Serbisë.

“Unë pres që këtë proces ta përcjellim me sukses dhe të sjellë sukses, ashtu siç ka filluar nga vitin 2011. Pata një bisedë konkrete me presidentin Thaçi për planin, për elementet, metodologjinë dhe do të vazhdojmë komunikimin tonë gjithashtu edhe me përfaqësuesit tjerë të Kosovës”, tha Lajçak.

Ai shtoi se do të shkojë edhe në Beograd, për të biseduar me autoritetet e atjeshme, në mënyrë që të fillojnë përgatitjet për procesin e dialogut dhe të organizohet së shpejt një takim në Bruksel.

Thaçi: Besojmë në angazhimet e administratës amerikane

Ndërkaq, presidenti i Kosovës, Hashim Thaçi tha se gjatë takimit me Lajçakun, ia ka bërë të qartë pozicionin zyrtar të Kosovës, sa i përket dialogut.

“I konfirmova pozicionin zyrtar të shtetit të Kosovës në këtë proces edhe zotit Lajçak, është se ky proces duhet të fillojë me liberalizimin e vizave, ndërsa duhet të përmbyllet me njohje reciproke mes shtetit të Kosovës dhe Serbisë. E ardhmja e Kosovës është e sigurt vetëm duke qenë pjesë e perspektivës evropiane, konkrete. Natyrisht që në këtë drejtim ne do të punojmë ngushtë edhe me Shtetet e Bashkuara që të lëvizim më shpejt, më mirë drejt një marrëveshjeje përfundimtare”, tha Thaçi.

Sipas Thaçit, të gjitha përpjekjet që çojnë drejt normalizimit të raporteve me Serbinë, janë të mirëseardhura, duke shtuar se koordinimi mes Shteteve të Bashkuara dhe BE-së mund të sjellë të mira për Kosovën e Serbinë si dhe për tërë rajonin e Ballkanit Perëndimor.

“Ne besojmë në angazhimet e sinqerta të administratës amerikane. Në fund të fundit, për ne është me rëndësi jetike – besoj që edhe do të ndodhë – që edhe SHBA-ja dhe BE-ja do të kenë një koordinim të suksesshëm si partnerë strategjikë, për Kosovën, Serbinë dhe tërë rajonin e Ballkanit Perëndimor”, tha Thaçi.

Osmani: S’ka negociata për territorin e Kosovës

Përfaqësuesi i BE-së, Lajçak u takua edhe me kryetaren e Kuvendit të Kosovës, Vjosa Osmani.

Osmani tha se kishte një takim konstruktiv me të dërguarin e BE-së dhe potencoi që vetëm Qeveria e Kosovës duhet ta përfaqësojë Kosovën në procesin e dialogut.

“Natyrisht që në emër të Kuvendit të Kosovës, shpreha gatishmërinë tonë që si kuvend të luajmë një rol sa më të fuqishëm mbikëqyrës mbi qeverinë e cila është e vetmja që duhet ta përfaqësojë Kosovën në këtë proces në përputhje me Kushtetutën e vendit dhe vendimin e Gjykatës Kushtetuese. Potencova sërish që presim që ky dialog të jetë mes dy palësh të barabarta dhe se ka kuptim në qoftë se përfundon me njohje të ndërsjellë”, tha Osmani.

Kryeparlamentarja Osmani tha se në dialogun ndërmjet Kosovës dhe Serbisë nuk duhet të diskutohet për territorin e Kosovës. Ajo theksoi se kuvendi tashmë ka miratuar legjislacione që kërkojnë që Kosova në bisedime të mos flasë për territorin dhe sovranitetin.

“Ato përcaktojnë qartë se nuk ka negocim për territorin e Kosovës, nuk ka negocim për sovranitetin e vendit dhe nuk ka negocim të rendit tonë të brendshëm kushtetues. Këto duhet të jenë tri parimet mbi të cilat ndërtohet procesi negociues, përndryshe do të prodhonte një rezultat që do të ishte i paimplementueshëm në terren”, tha Osmani.

Ndërkaq, Lajçak tha se ka njoftuar Osmanin për planet që ka BE-ja për dialogun.

“Roli i parlamentit është i pazëvendësueshëm dhe u pajtuam që ky proces të jetë transparent”, u shpreh Lajçak.

Kjo është vizita e parë e Lajçakut në Kosovë, që prej se në prill u emërua i dërguar i posaçëm i BE-së për dialogun Kosovë-Serbi.

Dialogu mes Kosovës dhe Serbisë është pezulluar nga nëntori i vitit 2018, kur autoritetet e Kosovës patën vendosur taksë 100 për qind në mallrat e Serbisë dhe Bosnje-Hercegovinës.

Kjo masë u zëvendësuar me reciprocitet, mirëpo qeveria e re e kryeministrit të Kosovës, Avdullah Hoti ka hequr të gjitha masat, për shkak të siç është shprehur ai, heqjes së të gjitha pengesave për vazhdimin e dialogut me Serbinë.

Dialogu mes Kosovës dhe Serbisë, i ndërmjetësuar nga Bashkimi Evropian, ka nisur më 2011 në Bruksel. Në tetor të vitit 2019, SHBA-ja emëroi Richard Grenellin, si të dërguarin e tyre për bisedimet ndërmjet Prishtinës dhe Beogradit. rel

Kryetarja e Kuvendit të Kosovës, Vjosa Osmani tha se në dialogun me Serbinë, vetëm qeveria mund ta përfaqësojë vendin.

Këto komente ajo i bëri pas takimit me të dërguarin e posaçëm të Bashkimit Evropian për dialogun, Mirosllav Lajçak.

“Natyrisht që në emër të Kuvendit të Kosovës, shpreha gatishmërinë tonë që si kuvend të luajmë një rol sa më të fuqishëm mbikëqyrës mbi qeverinë e cila është e vetmja që duhet ta përfaqësojë Kosovën në këtë proces në përputhje me Kushtetutën e vendit dhe vendimin e Gjykatës Kushtetuese. Potencova sërish që presim që ky dialog të jetë mes dy palësh të barabarta dhe se ka kuptim në qoftë se përfundon me njohje të ndërsjellë”, tha Osmani.

Kryeparlamentarja Osmani tha se në dialogun ndërmjet Kosovës dhe Serbisë nuk duhet të diskutohet për territorin e Kosovës, sovranitetin dhe rendin e brendshëm kushtetues të Kosovës, pasi sipas saj, ky proces do të sillte rezultate të pazbatueshme në terren.

Ndërkaq, Lajçak tha se ka njoftuar Osmanin për planet që ka BE-ja për dialogun.

“Roli i parlamentit është i pazëvendësueshëm dhe u pajtuam që ky proces të jetë transparent”, u shpreh Lajçak.

Kjo është vizita e parë e Lajçakut në Kosovë që prej se mori postin e të dërguarit të posaçëm për dialogun Kosovë-Serbi. rel

Në foto autori Xhafer LECI dhe Emin FAZLIJA

Në shenjë kujtimi dhe nderi në përvjetorin e pestë të Kryetarit të Besëlidhjes

Emin Fazlija u lind (më 24.09.1937-16.06.2015), në fshatin Vidishiq të Shalës së Bajgorës, komuna e Mitrovicës.
Aktiviteti politik i Emin Fazlisë, alias Emil Kastrioti, daton nga 6 gusht 1952.  Bashkë me disa moshatarë të tij, janë betuar në Flamurin Kombëtar dhe në Zot, se do të punojnë për çlirimin e trojeve shqiptare dhe bashkimin e tyre shtetit Amë-Shqipërisë. Është fjala për ditën kur u themelua Organizata e Parë e Rinisë Nacionaliste Shqiptare në Kosovë, kundra komunizmit pushtues serbo-sllavë. Pra, është data e themelimit të „VOTRËS KOSOVARE NACIONAL DEMOKRATIKE SHQIPTARE”, si vazhdimësi e LNDSH të „Besës Kombëtare“ të prof. Ymer Berishës.
Nga 6 gusht 1952, deri në vdekje të tij, më 16.06.2015, pra, për 63 vite veprimtarie, ka zhvilluar mbi 2 mijë aktivitete në fusha të ndyshme, në veçanti kombëtare për bërjen e Shqipërisë Etnike.
I denuar politik nga Gjyqi i Lartë Ushtarak i ish-APJ-së, më 1960, si Nëntoger-rezervist i APJ-së, pasi që Gjyqi Ushtarak i Zagrebit e dënon me 8 vjet burg të rëndë, “për veprimtari armiqësore kundër shtetit dhe popujve jugosllavë”, i ka vuajtur 6 vjet burg politik.

Ka jetuar në Gjermani prej vitit 1970, deri në vdekje. Numrin e parë të revistës „BESA SHQIPTARE” e ka botuar më 28 Nëntor 1972.
Demonstratën e parë së bashku me sekretarin Vehbi Ibrahimin e bashkëveprimtarë të tjerë e ka organizuar Emin Fazlija, kryetar i Besëlidhjes Kombëtare Demokratike Shqiptare, më 10 qershor 1978, në Shtutgart të Gjermanisë, për nder të 100-vjetorit të Besëlidhjes Shqiptare të Prizrenit.
Ka bashkëpunuar me dr.Fuad Myftija, Isuf Begeja, Hysen Çami e shumë të tjerë. Emin Fazlija dhe bashkëveprimtarët e tij kanë qenë vazhdimisht në shënjestër të UDB-së famkeqe. Emini falë Zotit, fatit dhe organeve, të rendit në Gjermani i ka shpetuar atentatit të mundshëm. Viktimat e para të terorit të Serbosllavisë në mëgrim kanë qenë nga radhët e Besëlidhjes.
Rasim Zenelaj antarë shumë aktiv,plagoset rëndë  në Franfurt të Gjermanisë me 14 maj 1981,me pesё plumba tё njё pistolete „Ceska“, nga 25 vjeçarja serbe  Zorica Aleksic, cila pasi kapet nga policia gjermane ka pranuar se “atentatin e kam bërë me porosi të UDB-së jugosllave”. Atentatorja është dënuar me 7 (shtatë) vjet burg. Por plumbat e zbrazur në shtyllën kurrizore të tij, e lënë përjetësisht në karrikën invalidore.
Sekretari i Besëlidhjes Kombëtare Demokratike Shqiptare, dëshmori Vehbi Ibrahimi, i lindur më 23.5.1938, në Uglar- Gjilan. Dhe, vrarë, më 10.10.1981, nga UDB-a jugosllave në Bruksel-Belgjikë.
Atentatet nga UDB-a Jugosllave,vazhdojnë edhe në radhët e organizatave tjera atdhetare.
Më 17 janar 1982, në Untergruppenbach-Heilbronn të Gjermanisë, nga UDB-a Jugosllave janë vrarë atdhetarët: Vëllazërit Jusuf e Bardhosh Gërvalla dhe Kadri Zeka.
Në Bruksel të Belgjikës më 25.02.1990 vritet Enver Hadri, tani Hero i Kosvës, ndërsa  Musa Hoti vritet me 16.01.2004,po ashtu në Bruksel.
Në vitin 1990 Emin Fazlija përmes telefonit lidhet me Klubin „Migjeni“ në Lubjanë. Në atë rast kishte qëlluar duke kujdestaruar ushtaraku i karrierës, Togeri Baki Mustafi. Nga atëherë përmes letrave këmbyese, Bakiu antarësohet në Besëlidhje. Në qershor 1993 Emin Fazlija udhëton në Lubjanë. Qëllimi i vizitës njohja me oficerët shqiptarë dhe kroatë të armatës ish jugosllave, për organizim në mbrojtje të Kosovës nga pushtuesi serbo-sllavë, të cilët atëherë po zhvillonin lutë kundër pavarësisë së Kroacisë. Atje Emini takohet edhe me Major Xhafer Buza, me biznismenin Qazim Xani dhe kroatin Dobrosllav Paraga, i njohur për mbrojtjen e Vukovarit. Atë Emini e ka njohur edhe më herët në mërgim, si shumë veprimtarë tjerë kroatë, të cilët kanë bashkëpunuar me Eminin për rrënimin e Jugosllavisë.Gjatë viteve 1995-1998, ka vepruar në kuadrin e Këshillit Kombëtar Ushtarak të Republikës së Kosovës, me seli ne Bonn të Gjermanisë. Kryetar i këtij Këshilli ka qenë prof. dr. Mujë Rugova. Ndërsa anëtarë të Këshillit kanë qenë ish-ushtarakë të karrierës nga ish-Jugosllavija, në krye me Ministrin e Mbrojtjes të Republikës së Kosovës, Kolonel Ahmet Krasniqi. Përjashtim bënte Emini, i cili ka qenë civil, i degraduar nga Gjyqi i Lartë Ushtarak i ish-APJ-së më 1961, si Nëntoger-rezervist i APJ-së, pasi që aktiviteti  „politik“, nëse mund ta quajmë ashtu, daton nga 6 gusht 1952.
Me urdhër të Ministrit të Mbrojtjes, Kolonel Ahmet Krasniqi dhe kryeministrit në ekzil dr. Bujar Bukoshi, Emin Fazlija me oficerin Agim Çelaj, tani Hero i Kosovës, me gradë lufte Gjeneral Major, më 11.03.1998, kanë udhtuar për Sarajevë. Për detyrë kanë pasur takimin me gjeneralin e Shtabit të Ushtrisë Boshnajke z. Atif Dudakoviq. Gjenerali Boshnjak, Dudakoviq, i cili e ka njohur mirë Agim Çelajn, nga koha kur ata, bashkarisht, kishin mbaruar Akademinë Ushtarake, i njofton për armatimin modern, të cilin do ua jipte 4 herë me çmim më të lirë, se sa që i kishin blerë për vete gjatë luftës në Bosnje.
Fjala ishte për një armatim prej 7 milon DM, për të cilin ju ka premtuar edhe për transportin nga ana e tij, nga Sarajeva në Tiranë.
Nga kjo punë nuk ka dalur asgjë, sepse Bujar Bukoshi nuk ua ka dhënë parat e premtuara!
Bile, edhe shpenzimet e udhëtimit dhe qëndrimit të tyre 3 ditor, Stuttgart-Sarajevë, i kanë pagur nga xhepi i tyre! Kur jemi tek oficeri Agim Çelaj, vlen ta përmendim se Agimi ka qenë me librezë anëtarësie të Besëlidhjes, por pak kush e kanë ditur, kurrë nuk ka folur për çështje politike.
Gjatë mbajtjes së Akademisë Përkujtimore për Gjeneral Major Agim Çelaj, në Singen të Gjermanisë, më 06.07.2013, organizuar nga SHKSH “ Kosova”, ku një kohë ka qenë krytarë i kësaj Shoqate Agim Çelaj. Nga fjalimet e Emin Fazlija,Adem Demaçi dhe, diskutues të tjerë, pjesëmarrësit të shutmë kanë pasur rastin me mësuar gjëra të padëgjuara deri atëherë.
Linku i shkrimit tim:  http://www.voal-online.ch/index.php?mod=article&cat=INTERVIST%C3%8BPRESS&article=35181

Nga e djathta Emin Fazlija,Adem Demaçi dhe XhaferLeci,në Singen të Gjermanisë,06.07.2013
http://www.voal-online.ch/index.php?mod=article&cat=INTERVIST%C3%8BPRESS&article=35317

Gjatë luftës së fundit 1998-1999 Emin Fazlija ka qendruar gjatë kohë në Shqipëri, duke u marrë me organizimin e luftës si dhe duke ndihmuar me mjete materiale. Ai ka bashkëpunuar me të gjithë. Disa pjesëtarë të Besëlidhjes kanë marrë pjesë në luftë me 1998-1999.
Me shumë konsideratë.

Wendlingen,16.06.2020

Kryetarja e Kuvendit të Republikës së Kosovës, Vjosa Osmani, ka reaguar pasi sot ministri i Punëve të Jashtme të Serbisë, Ivica Daçiq, ka falënderuar sot Algjerinë për pozicionin kundër pavarësisë së Kosovës.

Osmani thotë se kjo është fytyra e vërtetë e Serbisë që të hënën i premtojnë SHBA’së që do të ndalin fushatën kundër Kosovës, ndërsa të martën e rifillojnë kampanjën kundër Kosovës.

“Sot, Daçiq falënderon Algjerinë për pozicionin kundër pavarësisë së Kosovës. Prit një minutë. A nuk janë pajtuar që ta ndalin këtë absurditet. Kjo është fytyra e vërtetë e Serbisë, miq: Të hënën, ata i premtojnë SHBA’së që të ndalin kampanjën. Të martën, ata e rifillojnë atë”, ka shkruar Osmani në llogarinë e saj në twitter, raporton Gazeta Express.

Pajtimin e Serbisë për të ndalë fushatën kundër Kosovës e ka konfirmuar dje emisari i SHBA’së për dialogun, Richard Grenell, kur ka dhënë njoftimin për takimin e 27 qershorit që do të mbahet në Shtëpinë e Bardhë në Washington.

Grenell ka thënë se Serbia është pajtuar që të mos lobojë kundër pavarësisë së Kosovës, derisa Prishtina zyrtare janë pajtuar që të ndalin lobimin për anëtarësim në organizata ndërkombëtare./Express/

Politikania Rada Trajkoviq tha se Presidenti i Serbisë, Aleksandar Vuçiq nuk është një negociator i mirë, por e paraqiti Serbinë si një tavolinë suedeze nga e cila të gjithë marrin atë që dëshirojnë, dhe ai është si një kamerier që merr bakshish dhe e fut në xhep.

“Ai merr diçka për vete nga çdo marrëveshje. A është kjo financiare apo një përpjekje me Amerikën për ta mbajtur atë në pushtet në mënyrë që ai të mos mbahet përgjegjës për atë që ka bërë deri tani,” deklaroi Trajkoviq në televizionin N1.

Ajo tha se duhet të gjendet një mënyrë për të privuar “qeverinë e dëmshme” nga legjitimiteti i saj dhe se çdo qytetar i përgjegjshëm nuk duhet të shkojë në zgjedhjet e ardhshme.

Trajkoviq e vlerësoi udhëtimin e Aleksandër Vuçiqit dhe Hashim Thaçit në Shtëpinë e Bardhë në Washington më 27 qershor si një udhëtim që nënkupton pranimin dhe nënshkrimin e marrëveshjes për Kosovën.

Ajo vlerësoi se një zgjidhje që nuk është një marrëveshje midis Shteteve të Bashkuara të Amerikës dhe Evropës nuk është një zgjidhje që do të ofrojë stabilitet.

Sipas saj, përfaqësuesi special i Bashkimit Evropian për dialogun midis Beogradit dhe Prishtinës, Mirosllav Lajçak, pas vizitës së tij në Prishtinë, ka shumë të ngjarë të shkojë në Beograd me një paralajmërim që duhet të merret seriozisht.

Trajkoviq shtoi se Serbia është në një situatë shumë të vështirë dhe se mesazhi i kancelares gjermane Angela Merkel dhe presidentit francez Emmanuel Macron është thelbësor.

Sipas saj, një kompromis nënkupton gjithmonë zgjidhje të dhimbshme, dhe në këtë rast do të nënkuptonte një zgjidhje që do të stabilizonte si serbët, ashtu edhe shqiptarët.

Përfaqësuesi i posaçëm i Bashkimit Evropian për dialogun mes Kosovës dhe Serbisë, Mirosllav Lajçak, ka njoftuar se është nisur për në Prishtinë, për të nisur më vonë gjatë ditës, vizitën e tij zyrtare.

Lajçak ishte thënë se do të niste vizitën e tij të hënën në Kosovë, mirëpo duket se disa komplikime në udhëtime, kanë shtyrë agjendën e tij.

“Pas një komplikimi të vogël në udhëtim dje, komuniteti ndërkombëtar u aktivizua. Tani janë nisur drejt Prishtinës. Mezi pres të nis vizitën zyrtare në Prishtinë më vonë gjatë ditës”, ka thënë ai përmes një postimi në rrjetin social, Twitter.

Zyra e Bashkimit Evropian në Prishtinë ka thënë një ditë më parë për Radion Evropa e Lirë se Lajçak është nisur në Kosovë “për të diskutuar rreth modaliteteve dhe ai do të sjellë data për rinisjen e dialogut të ndërmjetësuar nga BE-ja, një proces që ka sjellë rezultate reale për njerëzit e Kosovës, që prej se ka nisur”.

Ai pritet të arrijë në Prishtinë në pasditën e së martës me aeroplanin ushtarak zviceran.

Lajçak arrin në Kosovë një ditë pasi i dërguari i Shtëpisë së Bardhë për dialogun Kosovë-Serbi, Richard Grenell, ka njoftuar se përfaqësuesit e këtyre dy shteteve do të takohen në Shtëpinë e Bardhë më 27 qershor.

Kujtojmë se dialogu mes Kosovës dhe Serbisë është pezulluar nga nëntori i vitit 2018, kur autoritetet e Kosovës patën vendosur taksë 100 për qind në mallrat e Serbisë dhe Bosnje-Hercegovinës.

Ndërkohë kjo masë është zëvendësuar me reciprocitet, mirëpo qeveria e re e kryeministrit të Kosovës, Avdullah Hoti ka hequr të gjitha masat, për shkak të siç është shprehur ai, heqjes së të gjitha pengesave për vazhdimin e dialogut me Serbinë.

Dialogu mes Kosovës dhe Serbisë, i ndërmjetësuar nga Bashkimi Evropian, ka nisur më 2011 në Bruksel.

Ish-kryeministri i Kosovës, Albin Kurti, reagon për ndarjen nga jeta të shkrimtarit Moikom Zeqo.

Kurti shkruan se e ka marrë lajmin e hidhur nga bashkëshortja e të ndjerit, ndërsa thekson se nuk e ka përcjellë dot mesazhin e hidhur, pasi mbrëmë ka pas në duar librin e tij të fundit “Centauri i fundit”.

“Moikomi është shkrimtari ynë që ka shkruar e lexuar tejet shumë, si rrallë ndonjë tjetër. Nuk do të ketë pasur kohë për tjetër gjë. I tretur midis librave për të ringjallur ato”, shkruan mes të tjerash Kurti.

Mesazhi i Albin Kurti:

[6/15, 05:03] Moikom Zeqo: Përshëndetje! E paimagjinueshme, Moikomi na la! (Moikomi na la! Nuk po e kuptoja. Moikomi fliste për veten?!)

[6/15, 05:04] Moikom Zeqo: Jam Lida, e shoqja, që po ju shkruaj.

(Nuk po e përcillja mesazhin. Mbrëmë kisha në duar librin e tij të fundit: Centauri i fundit.)

Moikomi është shkrimtari ynë që ka shkruar e lexuar tejet shumë, si rrallë ndonjë tjetër. Nuk do të ketë pasur kohë për tjetër gjë. I tretur midis librave për të ringjallur ato. Mënyrë, shpejtësi ekzistence. Në tri kohë: prej librit, te biseda, te shkrimi. Vinte prej emrave të personazheve, te titujt e librave, te biografitë e shkrimtarëve. Endej nëpër rrënoja si nëpër skenografi të pafundë. Ndoshta profesioni i parë ia kishte ushtruar këtë cilësi prekjeje të emrave si të ishin gjëra të thyeshme, si sendet e lashtësisë. Bota e merrte në të thënat e Moikomit një distancë skene dhe ti ishe me të bashkë në sallë, në sallën e skenës së botës. Gjithë llojet e emrave kalonin në skenë, të montuar sipas një stili surrealist.

Unë, ndoshta ne, pra edhe të tjerët, e shihnim si të ishte narratori. Aq i veçantë saqë i vetmuar, por gjithnjë solidar saqë bashkë-aktivist. Me dije të gjerë ngaqë kureshtar porsi fëmija më kureshtar. Me kulturë të thellë ngaqë i mësuar nga veprat kulmore artistike.

Kështu u krijua ai si enciklopedi e gjallë – nga historia antike dhe qytetërimet e lashta jashtevropiane te romanet e gjuhës të shekullit XX, pasion i pandërprerë. Edhe i sëmurë punonte e mendonte njësoj. Sëmundja e tij e rëndë ishte e pavërejtshme. Moikom Zeqo ishte shkrimtar i ethshëm.

Ishte ministër kulture, deputet kuvendi, drejtor muzeu. Para së gjithash ishte lexues që studion, kjo specie në zhdukje. Mbi të gjitha ishte shkrimtar që lexon, ky zanat i shpërfillur.

“Kalorësit Dardanë” është ndër librat e parë që kam lexuar si fëmijë. Kosovën e ka dashur shumë dhe aktivisht. Lëvizjen tonë posaçërisht. Ka ardhur shpesh në Prishtinë. Interesohej vazhdimisht, na këshillonte privatisht e na mbështeste publikisht.

Përmes kujtimeve tona do të rrojë me ne. Përmes librave të tij do të rrojë edhe pas nesh.

Biri im, drita e syve të mi, po te pres natë e ditë te pragu i derës

Mesazhi i Nanës, Nesrete KUMNOVA, drejtuar Albionit, djalit të saj të zhdukur këtu e 21 vjet më parë

Zgjohu biri im, Albion, sot shënohet 21 vjetori i lirisë së Kosovës! Zgjohu bir, eja në përqafimin e munguar, të pritur që nga viti 1999.

Nëna të pret tek pragu i derës çdo ditë e natë, me shpresën se do të kthehesh, por ti ende askund!

Sytë e mi janë shndërruar në liqe lotësh nga malli i pashuar dhe pritja e pa fund!

Eja bir, të festojmë bashkë lirinë e vendit, Kosovës, që aq shumë e deshe dhe për të cilën edhe u sakrifikove!

Sot të gjithë festojnë dhe kanë arsye të festojnë, por unë pres bashkë me shumë nëna tjera, zbardhjen e fatit tënd dhe të shumë shqiptarëve të vrarë!

Ku je bir, Albion, drita e syve të mi!

Sa e bukur do të dukej liria sikur ta festonim së bashku, por ja që ti u bëre shqiponjë lirie dhe ike në pa kthim!

Sikur të preheshe i qetë në varrin tënd, në dheun e lirë të Kosovës, nëna do ta stoliste varrin me lule të lirisë, por ja që varri yt rri i zbrazur dhe pret trupin tënd!

E ç ‘kuptim ka liria për mua, kur nuk të kam pranë, kurrë nuk mund të sjellë lule as tek varri, pasi për 21 vjet rresht nuk pushova së kërkuari dhe nuk ë gjeta!

E dikush edhe ngre dolli, kur ne qajmë! Le të festojnë të gjithë, sepse liria është e të gjithëve, por le të mendojnë edhe për nënat që po vdesin në pritje, për djemtë që mbetën të ngujuar nëpër varrezat masive të

Serbisë armike! Vetëm kur të kthehesh ti dhe të gjithë shqiptarët, do ta ndjejmë festën dhe do të derdhim lot gëzimi mbi varrin tënd!

Vetëm atëherë do të qëndroj e qetë dhe krenare përjetësisht duke të lëmuar ballin mbi mermerin e ftohtë!

Biri im, Albion, kudo që ndodhesh, urime dita e çlirimit të Kosovës!

E di që ti e ndjenë këtë gëzim, pa marrë parasysh ku gjendesh, por mos harro se në zemrën e nënës qëndron si kështjellë e pamposhtur përherë” shkruan Kumnova në kujtimin e saj për të birin.”

Gjykata Kushtetuese pritet që të interpretojë ligjshmërinë e pjesëmarrjes dhe votimit të deputetit Etem Arifin në seancë, në ditën kur u zgjodh Qeveria Hoti. Vota e 61 pro ekzekutivit, mund të sjellë një skenar të ri politik në vend. Për këtë temë, gjatë ditës kanë folur për Gazetën Express njohësit e çështjeve kushtetuese.

Ani pse me vendimin për ligjshmërinë e dekretit të presidentit, LVV’ja e Albin Kurtit nuk u nda e kënaqur, kjo parti edhe dje dërgoi një kërkesë në Gjykatën Kushtetuese.

Nga ky institucion, Vetëvendosje ka kërkuar që të interpretojë ligjshmërinë e pjesëmarrjes dhe votimit të deputetit Etem Arifit në seancën ku u zgjodh Qeveria e re në krye me Avdullah Hotin.

Ankesa e LVV’së rreth ligjshmërisë së votës së deputetit Etem Arifi, mund të sjellë një realitet të ri politik në vend.

Për këtë çështje, Gazeta Express ka folur me njohës të Kushtetutës dhe të punës së Kuvendit.

Profesori i të drejtës Kushtetuese, Mazllum Baraliu ka thënë për Gazetën Express se nëse vendimi del ndesh me Kushtetutën do të ketë rrjedhojë si në rastin e Behgjet Pacollit.

“Mund të ketë rrjedhoja negative në validitetin, legjitimitetin e vendimit të Kuvendit, gjegjësisht të mocionit, mund të ketë rrjedhoja se si do të mund të veprojë Gjykata. Nëse dikush voton duke pasur vendim të plotfuqishëm gjyqësor me aktgjykim i dënuar me burgim aktiv, efektiv, atëherë sigurisht është diskutabile edhe me pasoja situata çfarë mund të rrjedhë”, thotë ai.

Baraliu shton se pasi që kjo votë ishte vendimtare për qeverinë, që kaloi me numrin minimal që i duhej për qeveri, atëherë del se nuk është përmbushur kushti Kushtetues.

“Kushtetuesja do të duhej të thoshte në pika të caktuar se çfarë ndodhë me vendimin për mocion, a është i vlefshëm apo i pavlefshëm. Në qoftë se dikush me vendim të plotfuqishëm të formës së prerë të Gjykatës është dënuar me diçka me burgim efektiv, nuk mund ta ushtrojë funksionin e deputetit. Më tepër se kaq nuk mund të thuhet. Ajo që do të thuhet në vendim, varet se a do ta pranojë kërkesën e LVV’së Gjykata dhe nëse e pranon do të duhej të thotë në pikat e vendim të saj se çka ndodhë dhe se si ka ndodhë procedura”, thotë Baraliu.

Eugen Cakolli nga KDI ka thënë për Gazetën Express se nuk beson që Gjykata të zhvlerësojë mandatin e deputetit Etem Arifi. Sipas tij, rrjedhimisht Gjykata nuk do të anulojë as procesin e formimit të Qeverisë Hoti.

“Paraprakisht, unë konsideroj që çështja e deputetit Arifi është më se e qartë, dhe e njëjta nuk do të duhej të vihej në diskutim në nivele të tilla fare, meqenëse i njëjti ka humbur mandatin në legjislaturën e kaluar e jo në tanishmen”, thotë ai.

Tutje, nga KDI shtojnë se edhe nëse Gjykata do të merrte vendim që deputeti e ka humbur mandatin, kjo sipas tij nuk do të kishte efekt juridik apo kushtetues lidhur me formimin e Qeverisë.

“Edhe në praktikën e Gjykatës Kushtetuese, ta zëmë, në rastin e ish-Presidentit Behgjet Pacolli, përkundër faktit që Gjykata e kishte vlerësuar procesin kundërkushtetues, të gjitha vendimet e marra nga ai kishin mbetur në fuqi. Prandaj, besoj që do të ishim sërish në një situatë përafërsisht të njëjtë, meqenëse deputeti Arifi, përveç se ka votuar në zgjedhjen e qeverisë ‘Hoti’ ka votuar edhe në zgjedhjen e ish-Qeverisë ‘Kurti’, dhe në një sërë vendimesh tjera, prej periudhës kur ai pretendohet që ka humbur mandatin, anulimi i së cilave do të krijonte pasiguri të madhe institucionale. Rrjedhimisht, anulimi i vendimeve që janë marrë nga deputeti Arifi është pothuajse i pamundur juridikisht dhe politikisht”, thotë ai.

Gazeta Express kishte raportuar pas votimit të Qeverisë Hoti se VV e ka kontestuar votën e Arifit, duke deklaruar se do të kërkojnë interpretim të ligjshmërisë së këtij votimi.

Kushtetuta e Kosovës e saktëson se mandati i deputetit bëhet i pavlefshëm nëse deputeti dënohet me vendim gjyqësor të formës së prerë për ndonjë vepër penale, me një ose më shumë vjet burgim.

Për rastin e Arifit, Zyra Ligjore e Kuvendit ka përgatitur një opinion ligjor, që është shpërndarë në kryesi me datë 18 maj.

Aty thuhet se nga analizimi i dispozitave kushtetuese dhe ligjore si dhe nga konstatimi i gjendjes faktike, del se vendimi për Arifin ka marrë formën e prerë para se ai të certifikohej si deputet në këtë legjislaturë.

Në përfundim të këtij opinioni të hartuar nga zyra ligjore thuhet se në këtë rast nuk gjejnë zbatim dispozitat kushtetuese dhe ligjore që lidhen me rolin e Kuvendit për marrjen e deputetit.

Sipas Kuvendit, KQZ’ja është organ kompetent  për verifikimin e kritereve formale që duhet të plotësojnë kandidatët për deputet, para certifikimit të tyre./GazetaExpress/

Gjenerali i NATO-s Wesley Clark deklaroi në emisionin “Real Story” në “News 24” se shkëmbimi i territoreve ka qenë një ide e hedhur që në kohën e luftës së Kosovës, por shtoi se NATO nuk ka qenë dakord.

“Ka pasur thashetheme përpara bombardimeve se Milloshevic do tërhiqej dhe do jepte pjesën jugore të Kosovës, nëse merrte Veriun.

Ne atë kohe, ne vlerësuam se nuk ishte një ide e mirë. NATO nuk e mori asnjëherë në konsideratë. Duket se është një ide që vijon të jetë e pranishme”, tha Clark.

Prishja artificiale e koalicoinit LVV-LDK, mocioni i mosbesimit dhe rrëzimi i Qeverisë Kurti, sipas një skenari paraprak, të bërë nga Hashim Thaçi dhe Isa mustafa, për ta bërë një qeveri kukull, në shërbim të presidentit aktual dhe miqëve të tij serbë, ka polarizuar shoqërinë kosovare, në përgjithësi, por LDK-në në veçanti. Qëllimi është shumë planësh. Realizimi i projektit Thaçi-Vuçiq dhe dobësimi, deri në ndarje të LDK-së. Për këtë janë angazhuar shumë kalemxhinj, opinionistë, medie dhe format tjera të komunikimit elektronik.

Njëri nga më të zëllshmit është edhe miku im Fatmir Bajraj, nga radhët e LDK-së në Gjermani. Ai me disa bashkëmendimtarë të tij, me shkrimet e tyre të shpeshta, kinse mbrojnë LDK-në, por në fakt ata mbrojnë klanin brenda LDK-së, nga LDK-istët e vërtetë. Në këtë mënyrë ata po e thellojnë përçarjen dhe po e dëmtojnë rëndë LDK-në. Vrazhdësia e fjalorit të Fatmir Bajraj dhe e miqëve të tij, në sulmin ndaj kuadrove të vjetër dhe të rinj, të LDK-së, të cilët shprehin shqetësimet e tyre të ligjshme, për katandinë e tanishme të LDK-së, nuk përkon me frymën rugoviane.

Fatmiri me shokë kërkon pajtim pa asnjë kusht me politikën qorre të kryetarit të kontrabanduar Isa Mustafa. Përndyshe të gjithë ata që mendojnë ndryshe dhe kjo është shumica absolute e elektoratit të LDK-së dhe të popullit të Kosovës, sulmohen me fyerje e sharje, deri në “jashëqitje e LDK-së”, “albinista”, “bolshevikë” dhe pisllëqe tjera, jashtë çdo norme njerëzore. Simpatitë dhe antipatitë, preferencat ose jo për njërin apo tjetrin politikan apo koalicion, janë normale, nëse debati zhvillohet normalisht, pa fyerje, sharje, kërcënime e linçime, por me fjalor brenda etikës të shprehjes publike. Në të kundërtën, vrazhdësia e fjalorit, degradon edhe komunikimin ndër njerëzor.

Përmenda me emër vetëm Fatmir Bajraj, si mik të vjetër, ndërsa të tjerët as që meritojnë të jenë as anëtarë, as simpatizantë të LDK-së, aq më pak të thirrën rrejshëm, në emër të rugovizmit! Unë këta i quaj patriotë parashutista, të cilët lëshohen nga ajri, për ta ndotur tokën, mjedisin! Gojështhurur, servilë e lakej të neveritshëm.

Të gjithë e dimë çfarë edukate, kulture e fjalori të pastër ka pasur Presidenti Dr.I.Rugova. Si nuk u vije turp të fyejnë shumë përsonalitete të devotshme në radhët e LDK-së, në veçanti Vjosa Osmanin e Donika Gërvallën, të dyja  atdhetare, rugoviste dhe besnike në radhët e LDK-së. Vjosa Osmanin dhe Donika Gërvalën në Facebook, disa mjeranë të cilëve nuk ju dihet e kaluara e as kontributi i tyre, për çështjen tonë kombëtare, pa fije turpi, sikur të ishin nga Shumadija e Serbisë, me fjalët më banale i quajnë: “Rrugaqe, Pela të Trojës, Buallica, Lopë, Dele” dhe fjalë të tjera, të cilat nuk më lejon karakteri t`i përmendi.

Në emër të cilit Rugovizëm thirrën këta përçarës? Të Isa Mustafës, i cili u përpoq ta ndryshojë edhe logon e LDK-së në “Lidhja “, por hasi në kundërshtim nga Komunat e Kosovës.
Fatimr Bajraj, në vend se të shkruajë për Isa Mustafën se kurrë nuk ka qenë antar i LDK-së dhe se nuk e ka të drejtën morale, si ish funksionar në kohën e komunizimit jugosllav, shumë i afërt dhe besnik i titoizmit, nuk do të duhej të ishte i pari i LDK-së, Fatmiri e quan “diplomatin dhe politikanin më të madh në Ballkan”!? Punë për të!
Skandaloze, Fatmir Bajraj e quan “jashtëqitje”, Rugovistin e devotshëm Prof.Dr.Rexhep Gjergjin, njëri nga themeluesit e LDK-së, bashkëpunëtor i afërt i kryetarit Rugova. Prandaj i bëj thirrje Fatmirit, që të reflektojë, me pendesën e madhe, sepse ka shkuar larg në kritika subjektive, paushalle dhe sulme agresive, me zhargon rrugash, edhe ndaj atyre që nuk mund të matet as në dashurinë për rugovizmin e LDK-në dhe aq më pak në vlerësimin e rrjedhave politike vendore e ndërkombëtare.
Unë kam shkruar edhe

më herët për Isa Mustafën, por kësaj radhe po përmendi vetëm dy raste për të kaluarën e tij. Ai nuk meriton të jetë i pari i LDK-së, bile jo vetëm kaq, por është nënçmim i madh për LDK-në, ta këtë në krye të saj një  besnik të moçëm të ish komunizmit, i cili gjithnjë e më shumë, me përkrahësit e tij, janë duke e shkatërruar LDK-në !

1.-Pjesëmarrja e Isa Mustafës me delagacionin e Kosovës në ceremoninë e varrimit të Titos në Beograd me 1980 dhe,

2.- Insert nga Stenogrami i Mbledhjes së mbyllur të Qerverisë së Kosovës, kryesuar nga Jusuf Zejnullahu dhe të Qeverisë së Serbisë, kryesuar nga Stanko Radmilović, 9 qershor 1990, në Gërmi, Prishtinë: “Ministri Isa Mustafa distancohet nga mendimi se anëtarët e Këshillit Ekzekutiv të Kosovës (Qeveria e Kosovës e kryesuar nga  Kryeministri Jusuf Zejnullahu), “veprojnë nga pozita e alternativës kosovare (LDK-së). Kjo është një deklaratë për të cilën nuk ka asnjë argument dhe kësisoj nuk duhet dhënë mendime paushalle”,- deklaron, veç tjerash Isa Mustafa.

Kush e ka menduar atëherë se ky burrë që po distancohej prej LDK-së, një ditë do të jetë udhëheqës kryesor i saj?!?

Dhe për fund, mos të harrojmë, se Hashim Thaçi i krijoi dhe shkarkoi tri qeveri: të Isa Mustafës, Ramush Haradinajt dhe Albin Kurtit.
Hashimi e krijoi edhe Qeverinë Avdullah Hotit. Po sa të mbarojë punë me miratimin dhe nënshkrimet e planeve të tij, do ta rrëzojë edhe Qeverinë Hoti!

 “E kuptuat?
Hoti ia la Thaçit detyrën e kryenegociatorit me Serbinë! Prandaj Thaçi i shkoi Shalës pas mesnate për votën e Hotit”, – thotë Prof.Dr.Enver Bytyçi!
Wendlingen,10.06.2020

Akademia e Shkencave dhe Arteve të Kosovës dje kanë publikuar një dokument në të cilin kanë përmbledhur të gjitha marrëveshjet e nënshkruara deri tani në mes të Kosovës dhe Serbisë nën ndërmjetësimin e Brukselit. Një dokument të tillë e kanë hartuar dy anëtarët e kësaj akademie, Arsim Bajrami, dhe Gjyljeta Mushkolaj, të dy profesorë në Fakultetin Juridik të Universitetit të Prishtinës.

Pas publikimit të këtij dokumenti, në ambientet e Akademisë së Shkencave është organizuar sot edhe një debat ku ka marrë pjesë kryeministri në detyrë, Avdullah Hoti dhe kreu i LDK’së, Isa Mustafa.

Hoti ka prezantuar fillimisht kornizën e tij për dialogun në të cilën gjithashtu ka propozuar krijimin e një uniteti dhe gjithpërfshirje.

Një gjë të tillë e ka vlerësuar Arsim Bajrami, i cili më tej ka folur edhe për punën e Asociacionit të Komunave me Shumicë Serbe.

Bajrami në fjalën e tij ka thënë se themelimi i Asociacionit tashmë është një obligim ndërkombëtar për Kosovën dhe se nuk duhet lënë si çështje të diskutueshme meqë sipas tij, nëse shtrohet si problematikë në Bruksel do t’i shkaktojë Kosovës vetëm probleme.

Bajrami ka sugjeruar Hotin që punën e Asociacionit ta vendos si prioritet të qeverisë së tij, duke thënë se duhet krijuar një komision respektiv që do të themelonte statutin e Asociacionit të Komunave me Shumicë serbe.

Kur ka folur për statutin, Bajrami ka rikujtuar propozimin e ish-kryeministrit Mustafa, i cili kishte kërkuar që të hartohet një klauzolë për Asociacionin e cila fillimisht do të merrte miratimin nga Gjykata Kushtetuese e Republikës së Kosovës.

“Është çështja e Asociacionit të Komunave me shumicë serbe. Tanimë ky është detyrim ndërkombëtar për Kosovën. Personalisht iu këshilloj që ta merrni si obligim të Qeverisë këtë punën e Asociacionit. Të themeloni një komision respektiv që të themeloj statutin e këtij Asociacioni. Qeveria e Isa Mustafës ka qenë shumë pragmatike kur ka propozuar që të hartohet një klauzolë që statuti i Asociacionit paraprakisht do të marrë verifikimin në Gjykatën Kushtetuese, në mënyrë që të konstatohet që ky asociacion të jetë në pajtim”, ka thënë Bajrami në fjalën e tij.

Sipas ish-minsitrit lënja e një çështje të tillë si të diskutueshme vetëm sa do t’i shkaktojë probleme Kosovës.

“Personalisht iu këshilloj që në qeveri ta vendosni si prioritet, që të mos lihet si një çështje e diskutueshme dhe që të vendoset si e tillë në Bruksel., sepse do të shkaktojë më shumë telashe për Kosovën”, ka thënë ndër të tjera Arsim Bajrami./Express/

I ngarkuari me punë në ambasadën e Japonisë në Kosovë, Ogasawara Mitsunori. Prishtinë, qershor, 2020.

Ambasadori i Kosovës në Francë, Qëndrim Gashi ka reaguar pas raportimeve se ai është i implikuar në lobimin lidhur me idenë e shkëmbimit të territoreve me shtetin serb, raporton Gazeta Express.

Përmes Twitterit, Gashi ka shkruar se një gjë e tillë nuk është e vërtetë, duke thënë se është fatkeqësi që betejat personale dhe ato të brendshme politike sakrifikojnë të vërtetën që do të duhej të raportonin mediat.

“Është fatkeqësi që betejat personale dhe beteja e brendshme politike e sakrifikojnë të vërtetën të cilën do të duhej ta raportonin mediat”, ka thënë ai, duke shtuar se autorja e raportit, Jeta Xharra edhe herë të tjera ka tentuar ta implikojë në ngjarje të paqena.

“Gazetarja në fjalë nuk është hera e parë që tenton të më implikojë në ngjarje të paqena”, ka shkruar Gashi.

BIRN ka raportuar sot se kanë zbuluar dëshmi të reja lidhur me lobimin e institucioneve të Kosovës për idenë e shkëmbimit të territoreve me Serbinë.

Në këtë shkrim thuhet se ambasadori Gashi personalisht ka avokuar për shkëmbim territoresh përderisa shkruhet se një akademik amerikan ka zbuluar se si Hashim Thaçi i ka kërkuar atij që të përgatisë një punim në mbrojtje të këtij plani.

Ish – Ministrja e Integrimeve nga radhët e PDK’së Dhurata Hoxha e cila po ashtu është subjekt i këtyre shkrimeve ka paralajmëruar padi ndaj gazetares Jeta Xharra./GazetaExpress/

Lëvizja Vetëvendosje ka njoftuar se të martën ka dërguar në Kuvendin e Kosovës një kërkesë për interpelancë, rreth heqjes së masave të reciprocitetit të Kosovës ndaj Serbisë.

“Heqja e masave të reciprocitetit, është heqje dorë nga subjektiviteti shtetëror, kurse lejimi nga Qeveria e paligjshme dhe jolegjitime i emërtimeve jokushtetuese në kohën përkundër se kishte filluar të respektohej emërtimi kushtetues Republika e Kosovës, është zmbrapsje e dëmshme politike dhe tregtare për shtetin e Kosovës”, është thënë në njoftimin e LVV-së.

Qeveria e kaluar e Kosovës, e drejtuar nga Albin Kurt, pati zëvendësuar taksën 100 për qind ndaj importeve të Serbisë me masë të reciprocitetit.

Mirëpo kryeminsitri aktual, Avdullah Hoti, ka hequr të gjitha masat ndaj Serbisë, më 6 qershor, për shkak të siç është shprehur ai, heqjes së të gjitha pengesave për vazhdimin e dialogut me Serbinë.

Ky proces është pezulluar prej vendosjes së taksës nga autoritetet e Kosovës në mallrat serbe, në nëntor të vitit 2018.

Përndryshe, dialogu mes Kosovës dhe Serbisë, i ndërmjetësuar nga Bashkimi Evropian, ka nisur më 2011 në Bruksel. rel

Presidenti i Kosovës Hashim Thaçi bëri të ditur se Kosova është gati që të rikthehet në procesin e dialogut me Serbinë.

Në një konferencë për media, presidenti Thaçi, vendimin e qeverisë për heqjen e masave të reciprocitetit, e quajti të rëndësishëm.

“Kosova e ka të qartë se çfarë kërkon në dialog, e kërkon njohjen reciproke dhe përshpejtim të rrugës për anëtarësim në Kombet e Bashkuara. Në këtë, Kosova është bashkë me Shtetet e Bashkuara të Amerikës dhe gjithë aleatët e tjerë. Nuk kemi çka të hezitojmë, është një rrugëtim i sigurt që ne kemi shpresë dhe do të përmbyllet sipas vullnetit të qytetarëve të vendit”, tha Thaçi.

Presidenti Thaçi tha se në procesin e dialogut me Serbinë duhet lëvizur sa më shpejtë, që në këtë në mënyrë, sipas tij, Kosova të bëhet pjesë e NTAO-s dhe të anëtarësohet në të gjitha mekanizmat tjerë ndërkombëtarë.

I pyetur nga gazetarët se a mund të arrihet marrëveshje me Serbinë brenda vitit, presidenti Thaçi tha se ka besim që gjërat do të lëvizin në drejtim të duhur.

“Kam besim të plotë në energjinë dhe dinamikën e SHBA-së dhe presidentin Donalad Trump dhe ambasadorit (Richard) Grenell. Ne duam dhe destinacioni ynë është i qartë, që të jemi pjesë e familjes evropiane, por ne jemi të vetëdijshëm se punën e shpejtë në këtë proces e ka udhëhequr SHBA-ja”, tha Thaçi. Në të njëjtën kohë, Thaçi shtoi se Kosova do të punojë në zbatimin e plotë të marrëveshjeve të arritura në fillim të këtij viti, si marrëveshja për linjën ajrore Prishtinë – Beograd dhe autostradën që lidh Kosovën me Serbinë dhe gjithashtu edhe linjat hekurudhore Kosovë – Serbi.

Dialogu Kosovë-Serbi, i cili ka nisur qysh në vitin 2011 me ndërmjetësimin e BE-së, është ndërprerë qysh në fund të vitit 2018, për shkak të një takse që u kishte vënë Qeveria e atëhershme e Kosovës prodhimeve të importuara nga Serbia. rel

Kryetari i Komitetit për Punë të Jashtme të Dhomës së Përfaqësuesve, Eliot Engel ka mirëpritur rifillimin e programeve në Kosovë të Korporatës së Sfidës së Mijëvjeçarit (MCC).

Megjithatë, Engel ka kritikuar MCC-në që në muajin mars pezulloi disa programe të zhvillimit ekonomik në Kosovë, duke thënë se nuk është dashur të bëhej një gjë e tillë.

“Jam i lumtur që MCC ka rifilluar punën në Kosovë. Nuk do të duhej fare që të pezullonte fondet. Kosova ka plotësuar kriteret e MCC-së. Ngrirja e fondeve të MCC-së për të detyruar Kosovën që të ndryshojë politikat është kundër asaj që vetë MCC-ja qëndron”, ka thënë ai.

Më 6 qershor, në ditën kur Qeveria e Kosovës shfuqizoi vendimin për reciprocitetin me Serbinë, Korporata e Sfidave të Mijëvjeçarit njoftoi se do të zhbllokojë programet për Kosovën, të cilat ishin pezulluar në muajin mars të këtij viti. Në mars, MCC kishte pezulluar programet për Kosovën, pasi në fuqi ishin ende pengesat tregtare të vendosura ndaj Serbisë, të cilat SHBA-ja bënte thirrje që të largoheshin. rel

Instituti Kombëtar i Shëndetësisë Publike të Kosovës (IKSHPK) njofton se gjatë të shtunës ka regjistruar 36 raste të reja me koronavirus në vend, ndërkaq një pacient me sëmundjen COVID-19, ka ndërruar jetë.

“Rastet pozitive janë raste kontakti nga: komuna e Vushtrrisë 24 raste (sipas vendbanimit: 15 Nedakoc, 6 Vushtrri, 2 Novolan dhe 1 Reznik), komuna e Mitrovicës 6 raste (sipas vendbanimit: 6 raste Mitrovicë) dhe Fushë Kosovë 6 raste (sipas vendbanimit: 6 Miradi e Poshtme)”, thuhet në njoftimin e Institutit.

Qendra Klinike Universitare e Kosovës, ka njoftuar se në orët e mbrëmjes të së shtunës, ka vdekur një pacient nga Vushtrria, me inicialet G.SH, ka ndërruar jetë pasi ishte prekur nga COVID-19, sëmundja që shkakton koronavirusi.

“Pacienti vuante edhe nga sëmundje të tjera shoqëruese”, njofton QKUK.

Gjatë 24 orëve të fundit, IKSHPK ka njoftuar po ashtu se janë shëruar tetë pacientë, duke e çuar në 884 numrin e përgjithshëm të të shëruarve.

Bazuar në të dhënat e fundit, deri tani në Kosovë janë regjistruar 1 194 raste me koronavirus. Ndërkaq, 31 pancientë kanë vdekur. rel

Kryetari i Partisë Demokratike të Kosovës, Kadri Veseli tha se qeveria ka bërë mirë që ka shfuqizuar masat e reciprocitetit.

Por Veseli ka thënë se reciprociteti, taksa, demarkacioni dhe dialogu, janë keqpërdorur në vazhdimësi, siç u shpreh ai, “për interesa të politikës ditore”.

“Sot, qeveria e status quos dhe vazhdimit të mashtrimit, largoi vendimin mashtrues për reciprocitetin, dhe mirë ka bërë. Por është vijim i një kurthe të ngritur nga Albin Kurti para ikjes nga pushteti, si shantazh politik dhe hakmarrje për t’i vendosur një tjetër pengesë Kosovës.

Ai tha se “lufta për pushtet” e ka verbuar Lidhjen Demokratike të Kosovës dhe Lëvizjen Vetëvendosje, të cilat sipas tij, keqpërdorën kauzat qytetare dhe dëmtuan interesat afatgjate nacionale të Kosovës.

Pas votimit në mbledhjen e Qeverisë së Kosovës për shfuqizimin e reciprocitetit, kryeministri Avdullah Hoti argumentoi se Kosova ka hequr pengesat për rifillimin e dialogut, duke theksuar se tani Serbia duhet të ndalë fushatën e çnjohjeve të pavarësisë së Kosovës dhe t’i rikthehet bisedimeve.

Vendosja e reciprocitetit ishte kundërshtuar nga Shtetet e Bashkuara dhe Bashkimi Evropian, që kërkonin të hiqej kjo masë që të riniste dialogu.

Fillimisht taksa 100 për qind e vendosur në fund të vitit 2018 dhe më pas reciprociteti i vendosur ndaj Serbisë në prill të këtij viti, u panë si pengesa për vazhdimin e dialogut ndërmjet Kosovës dhe Serbisë.

Dialogu politik ndërmjet Prishtinës dhe Beogradit është ndërprerë në fund të vitit 2018, kur u vendos taksa 100 për qind. Beogradi ka kërkuar heqjen e të gjitha pengesave, në këmbim të kthimit në tavolinën e bisedimeve. rel

Kryetari i Lidhjes Demokratike të Kosovës, Isa Mustafa, partia e së cilit udhëheqë me qeverinë, tha se heqja e reciprocitetit ndaj Serbisë, i hap rrugë rinisjes së dialogut me Serbinë.

Përmes një postimi në Facebook, ai e cilësoi si “vendim të guximshëm” heqjen e reciprocitetit dhe tha se pret nga Serbia që të dëshmojë se është e interesuar për dialog dhe të ndërmarrë masa për të krijuar kushte, që bisedimet të rikthehen.

Kryeministri i Kosovës, Avdullah Hoti tha se me heqjen e reciprocitetit, Kosova ka hequr pengesat për procesin e dialogut, por theksoi se tani i mbetet Serbisë, që të heqë pengesat, duke kërkuar ndaljen e fushatës së çnjohjeve të pavarësisë së Kosovës.

Fillimisht taksa 100 për qind e vendosur në fund të vitit 2018 dhe më pas reciprociteti i vendosur ndaj Serbisë në prill të këtij viti, u panë si pengesa për vazhdimin e dialogut ndërmjet Kosovës dhe Serbisë.

Dialogu politik ndërmjet Prishtinës dhe Beogradit është ndërprerë në fund të vitit 2018, kur u vendos taksa 100 për qind. Beogradi ka kërkuar heqjen e të gjitha pengesave, në këmbim të kthimit në tavolinën e bisedimeve. rel

Presidenti i Kosovës, Hashim Thaçi ka mirëpritur vendimin e Qeverisë së Kosovës për të shfuqizuar masat e reciprocitetit ndaj Serbisë.

Përmes një postimi në rrjetin social Facebook, Thaçi tha se tani presioni ndërkombëtar duhet drejtuar kah Serbia, që siç u shpreh ai “pa humbur kohë të rifillojë dialogu, i cili duhet të përfundojë me njohje reciproke ndërmjet dy shteteve”.

Masat e reciprocitetit ndaj Serbisë u vendosën nga Qeveria e kaluar e Kosovës më 1 prill, pasi paraprakisht ishte shfuqizuar edhe taksa 100 për qind ndaj produkteve nga Serbia dhe Bosnjë e Hercegovina.

Kryeministri i Kosovës, Avdullah Hoti tha se me heqjen e reciprocitetit, Kosova ka hequr pengesat për procesin e dialogut, por theksoi se tani i mbetet Serbisë, që të heqë pengesat, duke kërkuar ndaljen e fushatës së çnjohjeve të pavarësisë së Kosovës.

Fillimisht taksa 100 për qind e vendosur në fund të vitit 2018 dhe më pas reciprociteti i vendosur ndaj Serbisë në prill të këtij viti, janë parë si pengesa për vazhdimin e dialogut ndërmjet Kosovës dhe Serbisë.

Dialogu politik ndërmjet Prishtinës dhe Beogradit është ndërprerë në fund të vitit 2018, kur u vendos taksa 100 për qind. Beogradi ka kërkuar heqjen e të gjitha pengesave, në këmbim të kthimit në tavolinën e bisedimeve. rel

Ish-kryeministri i Kosovës, Albin Kurti – që qeveria e udhëhequr nga ai kishte vendosur masat e reciprocitetit me Serbinë në prill të këtij viti – tha se me vendimin e fundit të qeverisë, për të shfuqizuar këto masa, Kosova ka marrë fajin për mungesën e deritanishme të dialogut.

Kurti tha se me këtë vendim, Qeveria e Kosovës i ka bërë “shërbim të mirë Serbisë”, duke shtuar se tani Kosova do të hyjë në dialog si fajtore për vonesën e rifillimit të këtij procesi.

Kryeministri i Kosovës, Avdullah Hoti tha se me heqjen e reciprocitetit, Kosova ka hequr pengesat për procesin e dialogut, por theksoi se tani i mbetet Serbisë, që të heqë pengesat, duke kërkuar ndaljen e fushatës së çnjohjeve të pavarësisë së Kosovës.

Reciprociteti ishte kundërshtuar nga Shtetet e Bashkuara dhe Bashkimi Evropian, që kërkonin të hiqej kjo masë që të riniste dialogu.

Fillimisht taksa 100 për qind e vendosur në fund të vitit 2018 dhe më pas reciprociteti i vendosur ndaj Serbisë në prill të këtij viti, u panë si pengesa për vazhdimin e dialogut ndërmjet Kosovës dhe Serbisë.

Dialogu politik ndërmjet Prishtinës dhe Beogradit është ndërprerë në fund të vitit 2018, kur u vendos taksa 100 për qind. Beogradi ka kërkuar heqjen e të gjitha pengesave, në këmbim të kthimit në tavolinën e bisedimeve.  rel

Kryetarja e Kuvendit të Kosovës Vjosa Osmani ka kritikuar Qeverinë e Kosovës, pas heqjes së reciprocitetit me Serbinë.

Osmani, që vjen nga Lidhja Demokratike e Kosovës – partia që udhëheqë me Qeverinë e re të Kosovës – tha se reciprociteti nuk është “pengesë”, por barazi, andaj ajo shtoi se me këtë vendim, Kosova ka hequr dorë “nga e drejta për t’u trajtuar sovran si Republikë e Kosovës”.

Kryeministri i Kosovës, Avdullah Hoti tha se me heqjen e reciprocitetit, Kosova ka hequr pengesat për procesin e dialogut, por theksoi se tani i mbetet Serbisë, që të heqë pengesat, duke kërkuar ndaljen e fushatës së çnjohjeve të pavarësisë së Kosovës.

Reciprociteti ishte kundërshtuar nga Shtetet e Bashkuara dhe Bashkimi Evropian, që kërkonin të hiqej kjo masë që të riniste dialogu.

Fillimisht taksa 100 për qind e vendosur në fund të vitit 2018 dhe më pas reciprociteti i vendosur ndaj Serbisë në prill të këtij viti, u panë si pengesa për vazhdimin e dialogut ndërmjet Kosovës dhe Serbisë.

Dialogu politik ndërmjet Prishtinës dhe Beogradit është ndërprerë në fund të vitit 2018, kur u vendos taksa 100 për qind. Beogradi ka kërkuar heqjen e të gjitha pengesave, në këmbim të kthimit në tavolinën e bisedimeve. rel

Qeveria e Kosovës, në mbledhjen e sotme ka votuar për të shfuqizuar masat e reciprocitetit ndaj Serbisë. Këto masa u vendosën më 1 prill nga qeveria e kaluar e udhëhequr nga Albin Kurti.

Kryeministri i Kosovës, Avdullah Hoti tha se me heqjen e reciprocitetit janë hequr pengesat për vazhdimin e dialogut me Serbinë.

“Kemi marrë një vendim të rëndësishëm sot, duke i hequr pengesat për procesin e dialogut, në përputhje me zotimet që kemi dhënë para partnerëve tanë ndërkombëtar.

“Tani presim që të njëjtën gjë ta shohim nga pala serbe, që të heqin të gjitha pengesat dhe t’i japin frymë procesin e dialogut. Por ne ruajmë të gjitha të drejtat tona, si shtet sovran, që të vendosim të gjitha masat e nevojshme, për të ruajtur sovranitetin tonë, në koordinim me partnerët tanë”, tha kryeministri Hoti, duke shtuar se shfuqizimi i masave të reciprocitetit është bërë për një kohë të arsyeshme, që t’i jepet shansë dialogut, por theksoi se nuk mund të japë një datë të saktë se për sa kohë ky vendim do të mbetet në fuqi.

Kryeministri Hoti tha se për vendimin për shfuqizimin e masave të reciprocitetit është koordinuar me partnerët ndërkombëtarë. Ai tha se gjatë takimit që ka pasur të premten me ambasadorin amerikan në Prishtinë, Philip Kosnett ka marrë zotimin se Shtetet e Bashkuara do të ndihmojnë që Serbia po ashtu të heqë pengesat për dialog, siç është fushata për çnjohjet e pavarësisë së Kosovës.

“Kemi një dakordim me miqtë tanë ndërkombëtarë që presioni i tyre do të jetë edhe karshi Serbisë, që edhe ata të heqin pengesat për dialog dhe pasi të heqin ato pengesa për dialog, ne do të ulemi në tavolinën e bisedimeve”, tha Hoti.

Kryeministri Hoti tha se ai është i gatshëm që menjëherë sapo Serbia të ndalë fushatën e çnjohjeve, të rinisë dialogun me ta, dhe potencoi se procesin e dialogut do ta udhëheqë ai dhe jo presidenti i Kosovës, Hashim Thaçi.

“Jemi të gatshëm që të ulemi menjëherë në tavolinën e dialogut. Kryeministri i vendit, në bazë të kompetencave kushtetuese, e udhëheqë dialogun. Edhe po të doja unë, nuk mund t’i transferoj kompetencat e mija kushtetuese, as te presidenti e as te askush tjetër. Unë nuk dua dhe nuk do t’i transferoj ato kompetenca”, tha Hoti gjatë konferencës për media pas mbledhjes së qeverisë.
Vuçiq: Heqja e reciprocitetit, vendim i mirë

Vendimin për heqjen e masave të reciprocitetit e ka mirëpritur presidenti i Serbisë, Aleksandër Vuçiq, duke e cilësuar këtë si vendim të mirë.

“(Presidenti i Kosovës, Hashim) Thaçi e bëri këtë sepse donte të thoshte ‘nuk më intereson BE-ja, më intereson vetëm SHBA-ja’. Ne nuk jemi në të njëjtin pozicion. Ne mendojmë se (Kosova) është fëmija i tyre (SHBA-së). Nga ana tjetër, është një ide e mirë për të hequr të gjitha pengesat tregtare midis Prishtinës dhe Beogradit. Unë thjesht dua të theksoj se ne nuk jemi në të njëjtin pozicion”, tha Vuçiq gjatë një interviste dhënë sot për televizionin serb, Prva.

Qeveria e kaluar e Kosovës kishte hequr taksën 100 për qind ndaj produkteve nga Serbia dhe Bosnjë e Hercegovina, dhe më 1 prill kishte vendosur masat e reciprocitetit ndaj produkteve nga Serbia.

Ky vendim nuk ishte mirëpritur nga Shtetet e Bashkuara dhe Bashkimi Evropian, pasi reciprociteti u pa si pengesë për vazhdimin e dialogut ndërmjet Kosovës dhe Serbisë.

Dialogu ndërmjet Kosovës dhe Serbisë u ndërpre në fund të vitit 2018, kur Qeveria e Kosovës që atëbotë udhëhiqej nga Ramush Haradinaj, vendosi taksë 100 për qind ndaj produkteve nga Serbia dhe Bosnjë e Hercegovina. Që atëherë, Beogradi ka kushtëzuar rikthimin në tavolinën e bisedimeve me heqjen e të gjitha pengesave të vendosura nga Prishtina zyrtare. rel

Atmosfera politike që na kan krijuar këto struktura, me asistimin e mediave të tyre, është atmosferë e sëmuar ngjashëm më veprimet psikopatike në shumë filma. Është brengosëse preukopimi dhe fiksionet e tyre që më çdo kusht të qëndrojnë në pushtet! Këta njerëz të gardës së vjetër politike , jo që nuk po heqin dorë nga pushteti, por i kan filluar paralajmërimet e reja kërcënuese. Janë mësuar më pushtet autokratik , dhe janë mësuar edhe më të mira materjale të popullit. Këta kanë të drejtë të na shajnë , rrahin, burgosin , vrasin dhe të pshurrin e dhinë mbi neve, e ne të mbesim më sy lartë kah qielli, në mëshirën e tyre , kur atyre ju bëhët mjaftë. U lëshuan si ujqëritë e tërbuar në luftë kunder ,Albin Kurtit midis pandemie, qe së bëjnë njerëzit normal të kësaj bote. U treguan së janë të sëmuar pas pushtetit, u treguan së janë klane dhe tarafe perfituese .U treguan së nuk kan tru për shtet. Retardimet e tyre kan edhe karakter emocional. Kjo është një sëmundje , më e madhe së shizofrenia. A ka gjë më taksirat për një popull që këta njerëz ta na diktojnë jetën shoqërore e politike? Sulmet e tilla akute retarduese emocianale, tashmë janë bërë të rrezikshme . Kërcnimet e tyre kan kaluar na sadizëm të hapur.Të gjitha këto po bëhën për motivin e vetëm së këta njerëz veq pushtetit dhë parasë nuk shohin asgjë përpara veti. Reakcionet e tyre janë të tilla. Po gjejnë motive të rreme dhe fallco, e cakun e kan krejtë të mbetja më çdo kusht në pushtet. Këta janë duke na mundur momentalisht të gjithëve , por jo edhe të vërtetën. Këta po bëhën gjithnjë e më të rrezikshem edhe për fëmijët tanë , për familjët tona. Po shohim dhe po ndëgjojme së çfarë privilegjesh shoqërore kanë për vete, bashkë më familjët e tyre .Këta po e shohin veten si elitë dhe qytetarë të klasit të parë, kurse të gjithë neve që jemi shumica, si qytetarë të rendit të dytë, apo hiq kurkushat. Ne, sot po jetojmë në një sistem që ngjanë në fashizëm të vërtetë. Kosova nuk ka mbetur as shtet e as koloni. Kosova po rrezikohet të zhbëhet! Kosovën nuk po e mbron askush! Gjithashtu bëhët fjalë edhe për dehumanizim . Kosova po stagnon .Nuk po lirohemi nga krizat politike dhe institucionale, deri në acarim për eskalim të situatës.Gjendjën nuk po e lënë të përmirësohet .Kur viktimat e demonëve vuajnë, atëherë demonët ndihen të lumtur. Ata popullin e vet e konsiderojnë më shumë si të pavlerë, si diqka iracionale. ”Bota nuk kërcnohet nga njerëzit që bëjnë keq , por nga ata që i lejojnë”-Albert Ajnshtajn.

Ish-kryeministri Albin Kurti shkruan në “Facebook” se zgjedhjet janë qëllimi i tij politik, pasi sipas tij, zgjedhjet janë parimi i shkelur demokratik.

“Zgjedhjet janë qëllimi ynë politik sepse zgjedhjet janë parimi i shkelur demokratik. I ftoj të gjithë qytetarët që ta nënshkruajnë peticionin në sheshin e qytetit të tyre, nëse nuk e kanë bërë këtë deri tani”, shkruan Kurti.

Me qeverinë e re të Kosovës të Avdullah Hotit, zv.kryeministri i ri do të jetë një serb. Bëhet fjalë për kryetarin e Listës Srpska, Goran Rakiç.

Ai do të ketë jo një por dy pozicione në këtë qeveri, do të jetë zëvendëskryeministër por dhe ministër i Pushtetit Lokal.

Kush është Goran Rakiç

Rakiç është me profesion është ekonomist, ai ka lindur në 1971 në Mitrovicë. Ai është i martuar dhe është babai i dy fëmijëve.

Goran Rakiç ka mbajtur detyra të rëndësishme edhe më parë, e më e fundit është kryetar i Mitrovicës së Veriut. Për shkak se mbante këtë rol para se dje të emërohej zv.kryeministër, Mitrovica e Veriut do të shkojë drejt zgjedhjeve të jashtëzakonshme.

Ligjet e Republikës kërkojnë që në momentin që një kryetar komune pranon pozitën e ministrit, ai duhet të japë dorëheqje nga pozita e mëparshme. Si rezultat Mitrovica e Veriut brenda 45 ditësh duhet të mbajë zgjedhjet e reja për kryetarin e ri.

Rakiç ka kryer funksionin e kryetarit të komunës së komunës së Mitrovicës së Veriut që nga viti 2014. Ai e fitoi mandatin e tij të dytë katërvjeçar në vitin 2017 duke fituar zgjedhjet lokale. Që nga viti 2017, ai ka qenë dhe kryetar i Listës Serbe.

Mirëpo emërimi i tij si zv.kryeministri i ri nuk është pritur mirë nga të gjitha palët. Partia Zgjidhje ka reaguar ashpër, duke thënë se Rakiç nuk e njeh pavarësinë e Kosovës dhe akuzohet si nxitës i trazirave dhe si i përfshirë në korrupsion.

“Rakiç nuk e njeh shtetin e pavarur të Kosovës dhe e cilëson si Beogradi, Kosova dhe Metohia. Është akuzuar si nxitës i trazirave të marsit 2014 në veriun e Mitrovicës dhe për përfshirje në korrupsion. Sot Kosova do të ketë jo vetëm një qeveri me partitë humbëse të zgjedhjeve të tetorit 2019, që nuk njeh vullnetin e shumicës së zgjedhësve, por edhe e varur nga Beogradi. Lista Serbe do të ketë edhe poste të tjera në agjenci dhe ministri, që kanë lidhje me sigurinë publike të Kosovës”, thuhet mes të tjerash në denoncimin e Partisë Zgjidhja.

Ndërkohë vetëm pak ditë më parë, qendra për gazetari hulumtuese në Serbi e njohur ndryshe si CINS, akuzoi Goran Rakiçin se ai ka prona dhe të ardhura të cilat nuk i ka deklaruar në Agjencinë Kundër Korrupsionit në Beograd.

Po ashtu kjo Agjenci thoshte se është duke verifikuar nëse Rakiç dhe pesë funksionarë në Kosovë kanë shkelur ligjin, ku nëse vërtetohet një gjë e tillë, ata edhe mund të sanksionohen.

Sipas Ligjit për Agjencinë Kundër Korrupsionit, të gjithë zyrtarët janë të detyruar të paraqesin një raport mbi pasurinë dhe të ardhurat kur ata marrin një detyrë, e nëse ka ndonjë ndryshim të pasurisë, apo raporte të jashtëzakonshme nëse ka të ardhura që tejkalojnë pagën mesatare vjetore.

Po ashtu pak ditë më parë, kryetari i Partisë Republikane të Kosovës, Faton Kurti u shpreh u alarmuar pas lajmeve se Goran Rakiçi mund të bëhej zv.kryeministri i ri.

Ai e quajti atë satelit të Alekandër Vuçiçit dhe shtoi se po i fut duart thellë në informacionet sekrete të Kosovës.

Ai ka kritikuar ashpër koalicionin e ri dhe u bëri thirrje deputetëve të mos e votonin qeverinë e re të formuar edhe nga Lista Serbe.

Lista serbe ka 10 deputetë në Kuvendin e Kosovës, të cilët i dhanë votat LDK-së që të miratonte qeverinë.  Qeveria e re e koalicionit LDK-AAK-Nisma-minoritetet u votua dje me 61 vota pro, 24 kundër dhe 1 abstenim.

Pasi në dokumentet e tyre iu kanë referuar Kosovës si Republikë, 16 kamionë me mallra nga Serbia kanë hyrë në Kosovë.

Por 13 kamionë të tjerë që nuk u ishin përmbajtur masave të reja të reciprocitetit, nuk janë lejuar të futen në Kosovë.

Sipas zëdhënësit të Doganave të Kosovës, Adriatik Stavileci, vendimi ka dhënë efekte, duke kthyer mbrapa disa mauna, por nuk ka ndaluar importet në tërësi nga ky shtet, raporton KOHA.

Vendimi për shtim të masave të reciprocitetit obligon Agjencinë e Ushqimit dhe Veterinës të përdorë stemën dhe emrin Republika e Kosovës në certifikata fitosanitare dhe veterinare.

Kriteret e vendosura me vendimin e Qeverisë atëherë në detyrë, sipas zëdhënësit të kësaj agjencie, Lamir Thaçi, janë duke u zbatuar gjatë kontrollit të brendshëm dhe atij kufitar.

KOHA ka provuar që të marrë një qëndrim nga ana e Ministrisë së Punëve të Jashtme, përkatësisht nga Zyra ndërlidhëse e Kosovës në Beograd se sa kompani serbe kanë kërkuar leje nga zyra për eksportin e mallrave në Kosovë sipas rregullave të reja tregtare, por ajo nuk është përgjigjur gjatë ditës së mërkurë.

Përveç vendimit, Ministria e Ekonomisë ka miratuar një urdhëresë për zbatimin e masave të reciprocitetit në marrëdhëniet tregtare me Serbinë.

Me të i kërkohet Inspektoratit të Tregut t’i largojë nga tregu të gjitha mallrat nga Serbia që nuk janë në përputhje me Kushtetutën e Kosovës dhe legjislacionin në fuqi, duke u kushtuar vëmendje të veçantë shenjave kombëtare të konformitetit.

Qeveria e udhëhequr nga Kurti, më 31 mars, kishte marrë vendim për heqjen e taksës dhe vendosjen graduale të reciprocitetit, ndërsa pak para largimit nga pushteti i ashpërsoi ato.

Heqja e taksës ka ndikuar që importet nga Serbia për dy muaj të jenë afro 35 milionë euro, ndërkohë eksporti vetëm rreth 3 milionë euro.

Kryetari i LDK-së, Isa Mustafa ka thënë se ka pritur që Kryetarja e Kuvendit Vjosa Osmani ta drejtojë seancën ku u votua qeveria në krye me Avdullah Hotin.

“Është një vendim dhe përcaktim i saj. Edhe pse nuk pranoi, seanca u mbajt. E vlerësoj drejtimin e seancës sot nga Kujtim Shala si nënkryetar i Kuvendit. Kam pritur që Vjosa Osmani si anëtare dhe nënkryetare e LDK-së do ta drejtojë këtë seancë dhe do ta përkrahë zgjedhjen e Avdullah Hotit, por nuk ndodhi. Nuk shoh arsye që dikush që është anëtar i LDK-së të mos e përkrahë familjen e vet në çastet jetike të saj, sepse edhe ky moment ka qenë jetik për LDK-në dhe Kosovë”, ka thënë i pari i LDK’së, derisa ka paralajmëruar se kjo çështje do të diskutohet në parti.

“Ne do të diskutojmë në Këshillin e Përgjithshëm dhe Kryesi të LDK-së. Nuk janë çështje që mund t’i anashkalojmë, sepse janë sjellje që nuk janë në harmoni me atë çfarë Statuti i LDK-së thotë për çdo anëtar të LDK-së. Besoj se shpejti do të marrim vendim për këtë. Sot kemi një rast të veçantë dhe nuk dua ta vë në hije duke u marrë me Vjosa Osmanin dhe ata që nuk kanë votuar sot”, tha Mustafa.

I pyetur se a do të jetë Vjosa Osmani në selinë e LDK-së ku po festohet për qeverinë e re që do të drejtohet nga Avdullah Hoti, Mustafa ka thënë se dyshon se do të ndodhë një gjë e tillë.

“Meqë Vjosa Osmani nuk ishte në Kuvend, dyshoj që do të jetë edhe këtu. Por këtu janë ata që e duan LDK-në”, kathënë Mustafa./Express/

VOAL – Më 3 qershor 2005, gazetari i shquar shqiptar Bardhyl Ajeti u qëllua nga afër në kokë me pistoletë ndërkohë që kthehej nga puna për në shtëpi. Pas një qëndrimi të shkurtër në Spitalin e Prishtinës, ai u dërgua në një spital të Milanos (Itali).

Më 25 qershor 2005 ndërroi jetë në një spital të Milanos Bardhyl Ajeti (lindur më 29 maj 1977), kolumnist i gazetës së përditshme Bota Sot, e cila botohej në Prishtinë, në Shkup, në Zyrih dhe në Nju Jork. Bardhyl Ajeti shkruante kolumna të përditshme për gazetën Bota Sot, gazetë që përkrahte dhe mbështeste liderin shqiptar, arkitektin e pavarësisë së Kosovës Ibrahim Rugova, themelues dhe udhëheqës i Lidhjes Demokratike të Kosovës, partia e parë shqiptare pluraliste.

Në kolumnat e tij Bardhyl Ajeti denonconte krimet politike në Kosovë dhe kërkonte daljen e vrasëve dhe urdhëruesve të vrasjeve para drejtësisë.

Disa javë para se të vritej, Bardhyl Ajeti i kishte shkruar një letër Komisionerit të Përkohshëm të Mediave pranë UMNIK-ut, i cili ishte mbikqyrës ndërkombëtar i mediave në Kosovë. Në lerën e tj Bardhyl Ajeti i shkruante komsionerit se jeta e tij ishte nën kërcënim.

Në një raport të Departamentit Amerikan të Shtetit është theksuar se nuk janë bërë hetime për vrasjen e Bardhyl Ajetit.

Bardhyl Ajeti nuk ishte i vetmi gazetar i Bota Sot i vrarë në Kosovë. Bekim Kastrati, vrarë më 19 tetor 2001 në fshatin Llaushë pranë Prishtinës, ishte gjithashtu gazetar i Bota Sot.

Edhe Enver Maloku i cili u vra në Prishtinë më 11 janar 1999 ishte bashkëpunëtor i ngushtë i Bota Sot. Gjithashtu Xhemail Mustafa, i cili u vra më 23 nëntor 2000 ishte bashkëpunëtor i ngushtë i Bota Sot.

Deputeti i Kuvendit të Kosovës nga radhët e Lëvizjes Vetëvendosje, Liburn Aliu, ka thënë se partia e tij do të përkrahte një qeveri tranzitore të cilën e ka propozuar kryeparlamentarja Vjosa Osmani, në krye me Murat Jasharin si kryeminsitër.

“Mendoj që është një ide e mirë të kemi një qeveri tranzitore tu e pasur parasysh që kjo qeveri që ka qenë e varur prej listës serbe. Qeveria do të duhej të udhëhiqej nga Murat Jashari”, ka thënë Aliu.

Vjosa Osmani, ka folur për vendimin e Gjykatës Kushtetuese një ditë para seancës ku pritet që të votohet qeveria në krye me Avdullah Hotin.

Ajo ka thënë se pavarësisht mospajtimeve rreth disa pjesëve të arsyetimit të Gjykatës, Kushtetuta jonë nuk lë hapësirë e rrugë tjetër sa i përket zbatimit të vendimeve nga ana e institucioneve.

Osmani ka theksuar se zgjedhjet janë i vetmi opsion.

“Politikisht, siç e kam thënë edhe në të kaluarën, zgjedhjet janë i vetmi opsion që do të mund të rikthenin legjitimitetin e institucioneve”, ka theksuar ajo për Blic.

Por në ndërkohë, ka shtuar ajo, deri sa do të krijoheshin rrethanat për zgjedhje për shkak të pandemisë, “mendoj se e vetmja mënyrë për të parandaluar polarizimin ekstrem dhe përplasjet e mëdha në këto kohë sfiduese do të kishte qenë një qeveri tranzitore, ta zëmë për 6-9 muaj, e udhëhequr nga një figurë unifikuese mbi-partiake dhe me ministra teknik”.

Kjo sipas Osmanit, do mundësonte tejkalimin e krizës politike e ekonomike, përgatitjen për organizim të zgjedhjeve të reja, arritjen e konsensusit rreth dialogut dhe mbrojtjes së integritetit territorial.

Kryetarja e Kuvendit konsideron se qeveritë që janë të varura nga Lista Serbe, nuk kanë sjellë stabilitet.

Duke marrë parasysh që edhe Qeveria Hoti do të varet nga votat e Listës Serbe, Osmani konsideron se asnjë vendim më nuk është vetëm i Kosovës, por si rezultat i kompromiseve me Serbinë.

“Qeveritë që varen në tërësi nga Lista Serbe asnjëherë nuk kanë sjellur as sukses e as stabilitet, sepse varshmëria nga Lista Serbe rrezikon arritjen e çdo objektive apo suksesi në të mirë të vendit”, ka theksuar ajo.

Ajo paralajmëron që nëse Qeveria varet nga Lista Serbe, as ligjet e thjeshta nuk do të mund të miratohen pa pajtimin e Beogradit.

“Asnjë vendim më nuk është vetëm i vendit tonë por është rezultat i kompromiseve Kosovë-Serbi. Pra as edhe ligjet më të thjeshta nuk do të mund të kalojnë pa pajtimin e listës serbe, që do të thotë pa pajtimin e Beogradit”, ka theksuar ajo.

Ndryshe, Osmani kishte votuar kundër rrëzimit të Qeverisë Kurti, ndërkohë që ka kundërshtuar koalicionin e LDK-së me AAK e Nisma

KOSOVA

Në sheshin ”Nënë Tereza” të Prishtinës në Kosovë do të nënshkruhet peticioni për zgjedhje të reja.

Sot në 18:00 do të mblidhen firmat teksa nesër Kuvendi mban seancën e jashtëzakonshme për votimin e qeverisë së re me mandatar nga LDK dhe kryeministër Avdullah Hotin.

Vetëvendosja kundërshtoi vendimin e Gjykatës Kushtetuese duke e quajtur të padrejtë dhe gjyqtarët të kapur por sot mund të jetë dita e fundit e Albin Kurtit dhe Vetëvendosjes në qeveri.

Qendra Kombëtare për Menaxhimin Kufitar ka sqaruar se të gjithë personat që hyjnë në Republikën e Kosovës dhe e kanë të kryer testin për Covid 19, jo më të vjetër se 4 ditët e fundit, nuk janë të obliguar të qëndrojnë në vetizolim.

Por, nëse nuk e posedojnë testin, ata nënshkruajnë deklaratën për vetizolim, për shtatë ditë.

Kështu thuhet në një sqarim për media nga Qendra Kombëtare për Menaxhimin Kufitar e Kosovës

Sipas komunikatës, kur ekipi mjekësor që gjendet në pikën kufitare, vlerëson se udhëtarët kanë simptoma të COVID 19, atëherë ata i bëjnë udhëzimet mjekësore se si duhet të veprojnë.

Më tutje në komunikatë thuhet se për të hyrë në Republikën e Kosovës, shtetasit e huaj që nuk kanë test të COVID 19, duhet të kenë dëshmi të ligjshme për vendqëndrimin e tyre në Kosovë (leje-qëndrim ose kontratë qiraje, si dhe dëshmi të tjera të pranueshme).

“Kjo bëhet në mënyrë që të sigurohet se ata do të respektojnë masën e vetizolimit. Andaj ata persona që nuk paraqesin dëshmi të vendqëndrimit nuk u lejohet të hyjnë në Kosovë”, thuhet në sqarim.

Përjashtim nga ky rregull bëjnë studentët të cilët vijnë në Kosovë për t’iu nënshtruar provimeve, me kusht që të kthehen ne vendet e tyre të njëjtën ditë. Hyrja bëhet duke dëshmuar dokumentin studentor.

Të gjithë ata që kanë për qëllim kalimin transit nëpër Republikën e Kosovës, përjashtohen nga këto rregulla.

Nga 1 qershori në Kosovë ka hyjë në fuqi faza e tretë e lehtësimit të masave që janë vendosur për të parandaluar përhapjen e koronavirusit të ri.

Nga kjo datë janë hapur kufijtë tokësorë, por sipas vendimit të Qeverisë se Kosovës të gjithë personat obligohen t’iu nënshtrohen kontrolleve mjekësore në kufi dhe t’i zbatojnë masat kundër Covid-19, sëmundja që shkaktohet nga koronavirusi. rel