VOAL

VOAL

Veseli: Zgjedhjet e parakohshme janë të pashmangshme

Kryetari i Partisë Demokratike të Kosovës, Kadri Veseli pas dorëheqjes së Ramush Haradinajt nga posti i kryeministrit tha se zgjedhjet e parakohshme janë të pashmangshme.

Në një konferencë për media, Veseli tha se PDK-ja është e gatshme për zgjedhje.

“Vendimi i ish-kryeministrit për dorëheqje është vendim personal dhe si të tillë e kemi pranuar, pavarësisht se për këtë nuk pasur asnjë njoftim ose konsultë paraprake. Tashmë, zgjedhjet e parakohshme janë të pashmangshme. PDK është e gatshme për zgjedhje kurdo që të caktohen ato. Ajo që mund të diskutohet është vetëm koha kur duhet të mbahen”, tha Veseli.

Kreu i PDK-së tha se lidhur me caktimin e datës së zgjedhjeve duhet të ketë konsultime mes partive politike.

“Për këtë besoj se do të kemi konsulta dhe me partnerët e tjerë të koalicionit të deritanishëm dhe partitë e tjera politike, në pajtim me Kushtetutën dhe ligjet që kemi në fuqi”, tha Veseli.

Ramush Haradinaj më 19 korrik njoftoi për dorëheqjen e tij nga posti i kryeministrit, pasi tha se ka marrë ftesë për t’u intervistuar në Hagë. Ai tha se është thirrur në Prokurorinë e Posaçme për krime lufte në Hagë, ku siç thuhet mund të paraqitet javën që vjen. Haradinaj në konference e tij pas dorëheqjes, theksoi se nuk mund të lejonte që në Dhomat e Posaçme të paraqitej si kryeministër dhe për këtë arsye ka dhënë dorëheqje.

AFP: Mund të thirren në Hagë edhe Thaçi e Veseli

VOAL – Kryeministri i Kosovës Ramush Haradinaj, një ish-komandant i guerrilasve të UÇK-së, dha dorëheqjen të premten pasi u thirr nga drejtësia ndërkombëtare si një i dyshuar për krime lufte gjatë dhe pas konfliktit të viteve 1998-99.

“Kam marrë thirrjen e Gjykatës Speciale (e krijuar në vitin 2015 me mbështetjen e BE-së, dhe më është dhënë zgjedhja nëse do të pyes veten si kryeministër apo qytetar i thjeshtë), zgjodha opsionin e dytë”, shpjegoi 51 vjeçari në media.

Haradinaj vuri në dukje se për momentin nuk ka akuza kundër tij dhe se do të ri-kandidohet sapo kreu i shtetit Hashim Thaçi të ketë vendosur datën për zgjedhjet e ardhshme.

Në një intervistë dhënë më parë këtë vit, ai pati thëne se Prishtina do t’iu përgjigjej të gjitha kërkesave nga Haga, ku në janar filloi marrja në pyetje e dy ish-zyrtarëve të tjerë, Rrustem Mustafa dhe Sami Lushtaku. Akuzat e para duhet të mbërrijnë para fundit të vitit. Mediat kosovare supozojnë se ato mund të prekin jo vetëm Haradinajn, por edhe Thaçin dhe Presidentin e Kuvendit Kadri Veseli.
/ AFP

Tërhiqet Isa Mustafa, s’kandidon për Shef të LDK-së

Isa Mustafa më në fund ka vendosur të tërhiqet nga gara për Kryetar të LDK-së. Burime të Express kanë thënë se lideri në largim i LDK-së u ka thënë në Kryesi se s’do të jetë kandidat. Të njëjtin qëndrim ua ka thënë edhe kryetarëve të Degëve me të cilët është takuar të enjten.

Nëse e mban fjalën që e ka dhënë në Kryesi të LDK’së atëherë Isa Mustafa s’do të jetë as kandidat për Shef të LDK’së.

Burime të Express kanë thënë se Mustafa u ka treguar anëtarëve të Kryesisë se nuk do të jetë kandidat edhe për një mandat për të udhëhequr partinë e themeluar nga Ibrahim Rugova.

“Ka thënë se do të mbikëqyr procesin deri në fund. Por na ka thënë se s’do të jetë kandidat për Kryetar të LDK’së”, ka thënë një anëtar i Kryesisë së LDK’së pa dashur t’i përmendet emri.

Njëra prej arsyeve për largim nga kreu i LDK’së, sipas burimeve, është edhe gjendja e tij shëndetësore.

Por edhe mungesa e përkrahjes e konfirmuar nëpër sondazhe të ndryshme.

Ndërkohë, në garë kanë shfaqur ambicie për të hyrë Agim Veliu dhe Lutfi Haziri.

Por në lojë po vazhdon të mbetet edhe Avdullah Hoti.

Sipas burimeve të Express Shefin e deputetëve të LDK’së përpos Isa Mustafës e përkrahin edhe Gazemend Muhaxheri, Imri Ahmeti dhe Kujtim Shala.

Ndërkohë, një pjesë e anëtarësisë së LDK’së po vazhdon ta përkrahin rikthimin e Fatmir Sejdiut. Nuk dihet nëse Fatmir Sejdiu ka përkrahjen edhe të delegatëve tjerë përpos Prizren, Gjakovë e Podujevë.

Express ka shkruar një ditë më parë se Agim Veliu s’po e fsheh më kandidaturën për Shef të LDK’së.

Edhe Lutfi Haziri ka muaj që e ka shpallur kandidaturën për pasardhës të Isa Mustafës.

Në zgjedhjet e fundit në LDK, Haziri kishte thënë se nuk po i hyn garës për ta marrë kreun e partisë pasi nuk po dëshiron ta rrëzojë Kryeministrin Mustafa nga pozita partiake.

Ndërsa, tash ka shfaqur ambicien për t’u bërë Shef i LDK’së por paraprakisht ka kërkuar një marrëveshje politike. Ka kërkuar unitet në parti për të mos pasur çarje pastaj. Ka shfaqur gatishmëri t’i bashkojë të gjitha grupet që aktualisht janë në parti, edhe t’i merr afër vetes themeluesit e partisë.

Vjosa Osmani, kohëve të fundit, ka refuzuar të flasë konkretisht se kur do t’i hyjë garës për Kryetare të Partisë. Në garën e fundit në LDK s’ishte lejuar as të kanidonte meqë nuk kishte kaluar garën në Këshill të Përgjithshëm të LDK’së.

Ndryshe, Isa Mustafa, kishte marrë LDK’në në fundin e vitit 2010, kur kishte mundur Fatmir Sejdiun. Prej atëherë, Mustafa ka shënuar tri humbje të zgjedhjeve nacionale, ka humbur Komunën e Prishtinës, por ka rikthyer disa komuna që me herët e kishte humbur LDK’ja përfshirë Pejën, Gjilanin e Lipjanin. Isa Mustafa ishte rizgjedhur Kryetar i LDK’së në mandatin e kaluar me aklamacion pasi nuk e kishin lejuar të kishte kundërkandidat. Vjosa Osmani kishte dështuar të mblidhte nënshkrimet për ta sfiduar Mustafën.

Vitin e kaluar, Shefi i LDK’së kishte pasur probleme shëndetësore derisa ishte trajtuar Gjermani. Gjatë gjithë kohës, LDK ishte udhëhequr prej Nënkryetarëve të Partisë. Aktualisht, LDK ka numrin më të madh të deputetëve në Parlament dhe numrin më të madh të Komunave.

Krejt këto zhvillime po ndodhin në kohën kur Ramush Haradinaj dha dorëheqje pasi tha se i erdhi ftesa nga Gjykata Speciale, e cila është krijuar për t’i ndjekur ish-udhëheqësit e UÇK’së të dyshuar se kanë kryer krime lufte.

Kohëve të fundit, Haradinaj prishi raportet me Liderin e PDK’së, Kadri Veselin, i cili nga Washingtoni tha se Kryeministri i Kosovës po flet me Amerikën sikur me Serbinë. Haradinaj tha se një deklaratë e tillë është servilizëm politik.

Haradinaj ka kërkuar të shkohet në zgjedhje të jashtëzakonshme dhe t’i kthehet vendimmarrja popullit. PDK ka mbetur e hutuar nga ky vendi. LDK e Vetëvendosje kanë kërkuar zgjedhje të jashtëzakonshme sikurse edhe PSD e NISMA e Fatmir Limajt.

Presidenti pritet gjatë ditëve të thërras partitë politike për t’u konsultuar për dy opsionet: themelimin e një Qeverie të re ose shkuarjen në zgjedhje.

Praktikisht, ekziston vetëm një opsion pasi askush s’ka numra për të ndërtuar Qeverinë e re, pasi askush s’mund të llogarisë as në votat e Listës Srpska, e cila ka braktisur koalicionin prej vitit të kaluar kur u vendos taksa 100 për qind ndaj produkteve serbe.

Qeveria e Ramush Haradinaj prej kur vendosi taksën mbeti Qeveri e pakicës e mbështetur për disa vendime nga PSD e Shpend Ahmetit.

Ramush Haradinaj është Kryeministri i gjashtë i Kosovës pas Bajram Rexhepit, Bajram Kosumit, Agim Çekut, Hashim Thaçit e Isa Mustafës.

Haradinaj kishte udhëhequr Qeverinë e Kosovës edhe një herë për 100 ditë kur ishte detyruar të jepte dorëheqje në mars të vitit 2005 për të shkuar në Tribunalin e Hagës si i akuzuar për krime lufte. Atje ishte shpallur dy herë i pafajshëm.

Asnjëri prej Shefave të Qeverisë prej pasluftës s’e ka përfunduar mandatin kushtetues.

Prej pasluftës janë mbajtur gjashtë palë zgjedhje nacionale.

Kurti fton Thaçin të caktojë datën e zgjedhjeve

Kryetari i Lëvizjes Vetëvendosje, Albin Kurti, në një konferencë për media të shtunën, tha se Kosova po vuan pasojat e votimit të Gjykatës Speciale nga ata që morën vendime të liga e kishin qëndrime të gabuara.

Kurti, para medieve ka ftuar presidentin e Kosovës, Hashim Thaçi që sa më shpejtë ta caktojë datën e zgjedhjeve.

Sipas Kurtit, Haradinaj është i lirë dhe se siç tha ai nga Gjykata Speciale vetëm do të intervistohet siç ka ndodhur edhe me komandantë të tjerë të ish-UÇK-së.

Lideri i Vetëvendosjes, tha se Kosova tashmë nuk e ka një Qeveri të pashpresë ashtu siç ishte e madhe.

“Nuk e kemi një Qeveri që ishte e mbrapshtë edhe e pashpresë ashtu siç ishte e madhe. Tash shpresa është te ndryshimi, të zgjedhjet, te liria, te demokracia te vetëvendosja”, tha Kurti.

Kurti theksoi se Vetëvendosje është e gatshme për zgjedhje të reja.

Kryeministri i Kosovës, Ramush Haradinaj, ka dhënë dorëheqje të premten. Këtë vendim ai e bëri publik në mbledhjen e rregullt të Qeverisë së Kosovës.

Arsyeja e dorëheqjes, siç tha Haradinaj, është sepse ai ka marrë ftesë nga Gjykata Speciale në Hagë, në cilësinë e të dyshuarit.

“Arsyeja e këtij vendimi është se kam marrë thirrje të paraqitem për t’u marrë në pyetje nga Dhomat e Specializuara në Hagë si i dyshuar”, tha Haradinaj.

Ai tha se nderi i postit të kryeministrit duhet të ruhet dhe se ai do të paraqitet në Hagë për intervistim.

Kurti: Ish-kryeministrin e kemi paralajmëruar disa herë – sa më afër gjarprit aq më i rrezikuar je!

Lideri i Vetëvendosjes, Albin Kurti, në një konferencë për mediat komentoi doreheqjen e Ramush Haradinajt dhe ftesën e marrë nga Gjykata Speciale, si dhe arsyet pse ra qeveria Haradinaj.

“Ish-kryeministrin e kemi paralajmëruar disa herë sa më afër gjarprit aq më i rrezikuar je”, tha Kurti në konferencë. Albin Kurti kur flet për “gjarpërin” i drejtohet presidentit Hashim Thaçi, për shkak të nofkës që kishte në luftë.

Rexhep Selimi e ka parlajmëruar në Kuvend, shtoi ai.

“Sot ne i vuajmë pasojat e qëndrimeve të liga dhe vendimeve të gabuara vite me parë kur politikanët që deshën më shumë vetëveten sesa shtetin Kosovës ia bënë të keqen”, tha ai për themelimin e Gjykatës Speciale.

Shpresa është te Vetëvendosja dhe zgjedhjet e reja, tha Kurti.

“Nuk e kemi më një qeveri që ishte e mbrapshtë dhe e pashpresë tash shpresa është te ndryshimi, të zgjedhjet, të liria te demokracia te VV-ja”, tha Kurti.

Jakup Krasniqi ftohet në Hagë

Ish zëdhënësi i Ushtrisë Çlirimtare të Kosovës, Jakup Krasniqi, tha të shtunën se është ftuar nga Dhomat e Specializuara të Gjykatës së Posaçme në Hagë për t’u paraqitur më 24 korrik, por nuk e bëri të qartë se në çfarë cilësie është ftuar atje.

Ftesa u bë publike një ditë pasi që kryeministri i Kosovës, Ramush Haradinaj paraqiti dorëheqjen e pakthyeshme nga posti i tij. Në një vendim të papritur, ai tha se arsyeja për dorëheqjen është “ftesa për t’u marrë në pyetje nga Dhomat e Specializuara në Hagë si i dyshuar”.

Zoti Krasniqi, i cili pas luftës ka shërbyer në poste të lartë politike në vend, tha të shtunën se “pavarësisht bindjeve të mia që Gjykata Speciale e ngritur mbi bazën e raportit të Dick Martit, miratuar nga Këshilli i Evropës, i cili fund e krye është sajuar në Beograd me shpifje e gënjeshtra dhe me motiv e qëllim të komprometimit dhe inkriminimit të luftës së drejtë e të pastër të Ushtrisë Çlirimtare të Kosovës, përkundër qëndrimit tim të hapur kritik e kundërshtues për krijimin me presion të kësaj gjykate, unë do të prezantohem në hetuesinë e saj në datën e caktuar në cilëndo cilësi. Me besim në drejtësinë, i bindur se e vërteta është që gjatë luftës në Kosovë, Serbia ka kryer gjenocid, kurse konstruktet e saj monstruoze për UÇK-në do të bien poshtë, unë do të jem atje për të dhënë kontributin tim për ndriçimin e së vërtetës historike”.

Zoti Krasniqi dhe zoti Haradinaj janë zyrtarët më të lartë të thirrur për t’u paraqitur në Hagë, ku deri tash janë ftuar rreth 50 ish pjesëtarë të Ushtrisë Çlirimtare të Kosovës.

Në fillim të muajit gusht të vitit 2015, parlamenti i Kosovës miratoi me shumicë votash ligjin për Gjykatën e Posaçme, që me emrat dhomat e specializuara, do të veprojë në Hagë, nën ligjet e Kosovës dhe me prokurorë e gjykatës ndërkombëtarë.

Ideja për themelimin e gjykatës pasoi hetimet e pretendimeve të të dërguarit të Këshillit të Evropës Dick Martty për trafikim organesh në Kosovë, përkatësisht përfshirjen e disa prej ish-drejtuesve të Ushtrisë Çlirimtare të Kosovës, në krime të luftës.

Hetimet kishin nxitur reagime dhe protesta ne Kosovë, ku pohohet se në këtë mënyrë po bëhet barazimi me mizoritë e forcave serbe gjatë luftës së viteve 1998 1999 që mori fund me ndërhyrjen e NATO-s. za

Mosakreditim dhe depolitizim të universiteteve politike (publike) në Kosovë! – Nga Florim Zeqa

Gjendja e tanishme e arsimit shqip në Kosovë lirisht mund të krahasohet me nivelin e pasluftës së dytë botërore, të viteve ’50-ta apo 60-ta, ku gati gjysma e popullsisë nuk e kanë ditur shkrim-leximin. Rezultatet e PISA-s nga viti nëj vit po na bëjnë të ndihemi të turpëruar si shoqëri, si pasardhës të rilindasve, të gjeneratës së artë të arsimit të viteve të ’70-ta, ’80-ta dhe ’90-ta, të kuadrove të nivelit më të lartë evropian e botëror.

Universitetet publike; Universiteti i Prishtinës “Hasan Prishtina”, Universiteti i Prizrenit ”Ukshin Hoti”, Universiteti i Pejës ”Haxhi Zeka”, Universiteti i Gjakovës, ”Fehmi Agani”, Universiteti i Gjilanit ”Kadri Zeka”
Universiteti i Mitrovicës ”Isa Boletini”, Universiteti i Shkencave të Aplikuara në Ferizaj, Fakulteti i Studimeve Islame në Prishtinë dhe Akademia e Kosovës për Siguri Publike ( Shkolla e Shërbimit Policor të Kosovës).

Universitetet private; Akademia Evolucion, Kolegji AAB, Kolegji AUK, Kolegji, Heimerer, Kolegji Biznesi, Kolegji Dardania ,Kolegji Evropian Dukagjini, Kolegji, ESLG, Kolegji Evropian i Kosovës, Kolegji FAMA , Kolegji Gjilani, Kolegji i Menaxhmentit Internacional Globus, Kolegji Iliria, Kolegji i Shkencave Mjekësore Rezonanca, Kolegji ISPE ,. Kolegji Evropian Juridika (Pjeter Budi), Kolegji Riinvest, Kolegji i Shkencave të Aplikuara Teknike Tempulli, Kolegji UBT, Kolegji Universi, Kolegji Universum, SHLP Design Factory dhe International Business College Mitrovica.

Kosova e tepër e ngushtë për numër enorm të universiteteve

Por si duket ky numër enorm i universiteteve dhe kolegjeve do te rritet akoma më tepër, ngase janë në rritje “kërkesat” për universitete publike edhe në qytete tjera,…për të shkaktuar kështu ndarjen e dijes në bazë të përkatësisë rajonale politike dhe fuqisë elektorale të liderëve aktual,…për t’i lënë vendin në fund ndoshta edhe universitetit të Shtimjes për prodhimin e kuadrove me të meta mentale për përmbushjen e “mozaikut” universitar në Kosovë!
Kërkoj falje për ketë të fundit, që e përdora si metaforë që i shkon për shtati asaj metaforës së pasluftës në Kosovë; “po të kisha ditur se është kaq lehtë më kryer fakultetin, do ta kisha mbaruar edhe shkollën e mesme…”, flitej kështu për të “diplomuarit” në universitetin e Tiranës e Prishtinës në periudhen e pasluftës të liderëve të ndryshem politik pa diplomë të maturës!
Kosova është një territor tepër i ngushtë gjeografik për absorbimin e të gjitha këtyre universiteteve e kolegjeve, që janë bërë sikur objektet fetare të pasluftës që mbinin ngado e kudo, edhe aty ku nuk kishte fare nevojë për to!
Kjo logjikë e mbrapsht e hapjes e vendeve të “reja” të punës, është logjikë e kthimit mbrapa e jo e ecjes përpara, ngase kuantiteti nuk e përcakton asnjëherë kualitetin në arsim. Nga të gjitha këto universitete publike (politike) që veprojnë aktualisht,…nesër mund të bëhen edhe pesëdhjetë sosh dhe asnjëherë të mos arrihet kualiteti që dikur ishte në Universitetin e Prishtinës.

Shtimi i universiteteve dhe rritja e analfabetizmit

Thellësisht jam i bindur së shumica e akredituesve të këtyre institucioneve të larta arsimore në vend nuk e kuptojnë fjalën Universitet (njohuri të gjëra), ngase më siguri do të përmbaheshin pak nga “fabrikimi” i këtyre institucioneve të larta arsimore në vend, të quajtura “universitete”.
Po ndodhë kështu në mungesë të një strategjie nacionale për arsimin e lartë, për çka çdo vit kemi rritje të titujve “akademik e shkencor”, rritje enorme të të diplomuarëve dhe rënje të cilësisë dhe kualitetit në arsim.
Më gjithë këtë shtim të universiteteve, analfabetizmi në Kosovë ka shënuar ngritje enorme, si pasojë e udhëheqjes së antivlerave me këto universitete në njërën anë, dhe në anën tjetër të rënjes së cilësisë së studimeve në këto universitete, kemi degradim edhe të sistemit shëndetësor, juridik, kulturor, pse jo dhe politik të vendit tonë.
Janë të shpeshta rastet kur nxënësit më sukses të shkëlqyeshëm nga shkollat e mesme, të mbesin jashta “amfiteatrove”,…ndërsa në anën tjetër nxënës e nivelit të mesëm dhe të ulët i zëjnë vendet e tyre në këto universitete,…duke e patur të sigurtë që në fillim diplomimin dhe “specializimin” në afatin e parapar të këtyre “akademive” universitare, si rezulat i privilegjeve; nepotizmit, familjarizmit, korrupsionit e dukurive tjera negative të përhapura në shoqërinë tonë këtyre 7-8 viteve të fundit.

Kostoja e lartë financiare e universiteteve politike

Përderisa shtetet më të zhvilluara ekonomike, të shtyrë nga kriza financiare në Eurozonë, përditë bëjnë shkurtime të shpenzimeve buxhetore, ne në Kosovë, në vendin më koeficientin më të ulët të zhvillimit ekonomik në Evropë, i rrisim shpenzimet buxhetore pa asnjë kriter, pa asnjë strategji të qartë zhvillimore,…thuajse jemi më të pasurit e më të mënçurit e globit tokësor!
Në të kaluaren jo shumë të largët, Kosova mburrej më kuadrat e dalura nga Universiteti publik i Prishtinës, në veqanti me nivelin e lartë profesional, shkencor dhe akademik, që nivelizoheshin më kuadrat e universiteteve më prestigjioze evropiane e botërore.
Kosova si një vend i vogël, do t’i mjaftonte një universistet publik (shtetëror), i konsoliduar mirë, i pajisur me infrastruktur akademike, me kushte të volitshme për studentet; me konvikte bashkëkohore, me transport të organizuar mirë për studentet nga qendrat e tjera e shumçka tjetër,…që do ta kishin koston më të ulët buxhetore se sa hapja e universiteteve në çdo pjesë të vendit, dhe ajo çka është më e rëndësishmja do të kishim prodhim të kuadrove cilësore për nevojat e vendit e jo fabrikim të tyre sipas orekseve partiake!

Depolitizimi i universiteteve dhe kolegjeve, imperativ i ngutshëm kohor

Fati i mosakreditimi i tri univeristeteve publike (politike), mund t’i pret edhe universitetet e tjera të hapura gjatë fushatave zgjedhore nga presidenti (ish kryeministri)Thaçi.
Janë këto universitetet të themeluara pa asnjë analizë paraprake, por vetëm si premtim elektoral gjatë fushatave zgjedhore, pa buxhet dhe pa kushte infrasturkturore.
Në këto universitete kryesisht janë rehatuar militantët partiak, me studime themelore dhe me notë mesatare shumë të ulët. Katër nga rektorët e universiteteve publike (politike) vijnë nga PDK. Të mos flasim për numrin enorm të personave që mbajnë pozita udhëheqëse në këto universitete dhe që kanë lidhje të ngushtë me politikën.
Në mesin e ligjeruesve dhe stafit udhëheqës të universiteteve politike (publike) janë edhe gratë e disa prej liderëve shtetërorë më diploma të fabrikuara, siq janë edhe shumica e liderëve partiak dhe shtetërorë të Kosovës.
Mosakreditimi i tri universiteteve, përveqse dështim i menaxhmentit të universiteteve, duhet të shërbejë si alarm për cilësinë e dobët në universitetet publike (politike) dhe kolegjet private.
Mosakreditimi duhet të pasohet me depolitizim të universiteteve politike (publike) dhe kolegjeve private të Kosovës.

LDK kërkon nga presidenti Thaçi t’i nisë konsultimet për datën e zgjedhjeve

Selia e Lidhjes Demokratike të Kosovës

Lidhja Demokratike e Kosovës ka kërkuar nga Presidenti i Kosovës që t’i nisë konsultimet me partitë politike për caktimin e datës së zgjedhjeve të parakohshme.

Thirrja e LDK-së, drejtuar presidentit Hashim Thaçi pasoi mbledhjen e kryesisë së kësaj partie e thirrur pas dorëheqjes së Ramush Haradinajt nga pozita e kryeministrit.

“Kryesia vlerëson se pas dorëheqjes së kryeministrit, Kosova nuk ka qeveri dhe LDK kërkon nga presidenti që t’i nis konsultimet për datën e zgjedhjeve”, tha kryetari i kësaj partie, Isa Mustafa.

Pas dorëheqjes së Haradinajt, Mustafa tha se ”LDK nuk pranon asnjë zgjidhje tjetër përveç zgjedhjeve”.

Kryeministri i Kosovës, Ramush Haradinaj, ka dhënë dorëheqje të premten.

Haradinaj tha se ka dhënë dorëheqje pasi që ka marrë ftesë për intervistim nga Gjykata Speciale në Hagë, në cilësinë e të dyshuarit.

Asnjë politikan në Kosovë nuk guxon të fillon bisedimet politike me Serbinë para mbajtjes së zgjedhjeve të reja dhe formimit të qeverisë legjitime Nga Nue Oroshi

Asnjë politikan në  Kosovë nuk guxon të fillon bisedimet politike me Serbinë para mbajtjes së zgjedhjeve të reja dhe formimit të qeverisë legjitime

Dorëheqja e kryeministrit të Kosovës Ramush Haradinaj, për shkak të ftesës që kishte marrë nga gjykata  speciale në Hagë po përcillet me një mjegullnajë  dhe eufori të madhe.Jo vetëm për këtë fakt por për faktin se kjo gjykatë ka shpërndarë edhe shumë ftesa të tjera.Natyrisht se me dorëheqjen e kryeminstrit tash Kosova ka mbetur në një vakum institucional.Këtë vakum institucional mundën ta shfrytzojnë qarqet anti Kosovë siç janë Rusia-Turqia dhe Serbia që të bëjnë qmos që të luajnë çdo gurë që në mënyrë të vrullshme   ta bëjnë një marrëveshje gjentellmenesh që ta ndajnë Kosovën.

Zatën edhe takimi i këtyre ditëve i Edi Ramës me diktatorin e Turqisë, Erdogan ka qenë në përputhshmëri me këtë projekt fatkeq për ndarjën e Kosovës.Pse u goditë kaq shpejtë Ramush Haradinaj i cili dy herë ishte dalur i pafajshëm dhe jo të tjerët?! Kjo pyetje lidhet direkt me këmbëngulsinë e Ramush Haradinajt për ti mbrojtur kufijtë e Kosovës.Dhe kjo këmbëngulësi si duket ja ka shpejtuar edhe ftesën që sa më shpejtë të thirret në gjykatë.

Problemi qëndron në faktin se elita politike në Kosovë e në veçanti qytetarët e Kosovës duhet të jenë të kujdesshëm që kurrsesi mos të lejohet që të shfrytzohet vakumi institucional dhe të ndahet Kosova. Këtë e them për faktin se edhe organet drejtuese të reja kryesisht Institucionet Evropiane nuk e marrin detyrën e tyre para 1 nëntorit, kohë e cila do të mjaftonte që të mbahen zgjedhjet në Kosovë dhe të dalë një Qeveri e re.

Bisedimet nuk duhet të rifillojnë asesi para se me u formu Institucionet e reja Evropiane dhe para se ta marrë pozitën e kryetares se komisionit Evropian që është post i ngjashëm me një kryetarë të Qeverisë Evropiane Gjermania që vjen nga CDU një parti përkrahëse e çështjes shqiptare Ursula von der Leyen.Këtë gjë duhet ta kenë të qartë edhe dy partitë e mëdha opozitare Vetvendosje dhe LDK se rruga në këto momente për ta formuar ndonjë Qeveri çfardo çoftë ajo para zgjedhjeve të jashtzakonshme është një vetvrasje politike  për këto dy parti si dhe i shkaktojnë një dëmë shumë të madh Kosovës.

Që tani duhet lobuar më të madhe në takime me Kryetaren e Komisionit Evropian Ursula von der Leyen në mënyrë që Qeveria dhe institucionet e ardhshme të Kosovës mos të shkojnë me duar në  xhepa në bisedime me Serbinë sikur kanë shkuar deri më tani,por të themelojnë ekipe ekspertësh që janë njohës të lëmive të  ndryshme politike, kulturore, ekonomike, historike, arkeologjike si dhe lëmi të tjera.

Natyrisht që pas këtyre zgjedhjeve do të këtë edhe ndryshime politike qoftë në Parlamentin e Kosovës, në Qeverinë e re të Kosovës,por kryesore është që në krye të institucioneve të Kosovës të vijnë politikanë me një karaktër të fortë kombëtar dhe me një përgatitje të madhe intelektuale dhe politike.

Duhet kuptuar një herë e përgjithmonë se politika është një art më i vështirë se sa duket në pamjen e parë.Për faktin se politikani  i vërtetë gjatë gjithë kohës së qevërisjes ballafaqohet me dy çështje,  të lakmisë për pushtet dhe pasuri që i ofron detyra si udhëheqës shtetëror,si  dhe punës për shtet dhe mirëqenie të popullit.

Fatkeqësisht në këto njëzët vitët e fundit shumica e politikanëve të Kosovës e zgjodhën të parën pa e parë mirqenien e popullit dhe Kosova tash ka ardhur në këtë gjendje që jemi ne sot.

Raportet e këqija me Haradinajn reflektohen edhe në reagimin e Thaçit

Hashim Thaçi ka bërë një reagim interesant rreth dy orë pasi Ramush Haradinaj shpalli dorëheqjen për shkak të ftesës për t’u intervistuar nga Gjykata Speciale. Ai e ka potencuar se lajmin për dorëheqjen e Haradinajt e ka mësuar nga mediat e jo që është informuar nga ish –Kryeministri, duke dëshmuar kështu se raportet mes të dyve nuk janë të mira.

Pastaj ai nuk ka bërë ndonjë koment rreth aktit të dorëheqjes së Ramush Haradinajt – zakonisht në momente të tilla thuhen fjalë të mëdha për veprime të tilla, por Thaci ka thënë se vetëm e respekton vendimin e tij“.

Po ashtu ai e ka relativizuar paksa peshën e Kryeministrin duke dhënë lajme se edhe këshilltari i tij Bislim Zyrapi dhe disa eprorë tjerë të UÇK ‘së janë ftuar.

Thaci nuk ka treguar se cili do të jetë vendimi i tij nëse vendi do të shkojë në zgjedhje, apo do të ketë zëvendësim të Haradinajt dhe rikompozim të koalicionit. Ai ka thënë se vendimin do ta publikojë shpejtë.

Haradinaj e Thaçi kanë pasur përplasje të shpeshta viteve të fundit për shkak të dialogut Kosovë –Serbi. Haradinaj vazhdimisht ka thënë se Thaçi ka hyrë në aranzhmane për ndarjen e Kosovës ndërkohë që ish-Kryeministri është goditur shpesh për shkak të taksës së vendosur ndaj mallrave serbe.

Ky është postimi i plotë i Thaçit.

Me keqardhje mësova që Gjykata Speciale ka ftuar për intervistim ish-shefin e Shtabit të UÇK-së, Bislim Zyrapi, njëherësh këshilltar i imi, ish-komandantin e Zonës Operative të Dukagjinit, kryeministrin Ramush Haradinaj, si dhe disa ish-eprorë të tjerë të UÇK-së. Nga mediat tani u informova edhe për vendimin e Kryeministrit të Republikës së Kosovës, Ramush Haradinaj, për dorëheqjen e parevokueshme nga pozita e tij. Unë e respektoj vendimin e tij dhe si President i Republikës së Kosovës ju siguroj se do të veprojë bazuar në kompetencat e mia kushtetuese dhe ligjore, për të cilat qytetarët e Kosovës do të njoftohen me kohë. Unë besoj në pastërtinë e luftës së Ushtrisë Çlirimtare të Kosovës dhe besoj në vlerat e larta morale të ushtarëve të lirisë. As vlerat e lirisë sonë dhe as luftën e UÇK-së nuk mund ta cenojë askush! HTH

Avni Delvina: Kush është shqiptar me Ramushin! – Ti Shqipëri më jep nder!

Piktori i shquar Avni Delvina gijthmonë me grafikat e tij të fuqishme kësaj herë na sjell grafikën nga cikli :
Ti Shqiperi, me jep nder,me jep emrin shqipetar,
zemren ti ma gatove plot me deshire e me zjarr!

Kush është shqiptar është me Ramushin!

 

U tha se u ndalua në Vjenë, flet Daut Haradinaj: Çfarë ndodhi në aeroportin austriak

Deputeti i Aleancës për Ardhmërinë e Kosovës, Daut Haradinaj, ka hedhur poshtë lajmet se është ndaluar nga policia austriake mbi bazën e një urdhër-arresti të Serbisë.

Ai thotë se është ndaluar thjesht për konsultë ndërsa ka publikuar një foto në rrjetet sociale duke thënë se është i lirë në Vjenë.

“Lajmi nuk është i vërtetë, ishte vetëm një konsultë disa minutëshe me policinë në aeroport. Nuk ka të bëjë as me ndalim dhe as me arrestim. Jam në Vjenë i lirë dhe duke u bazuar në planin tim”, tha Haradinaj për Klan Kosovën.

Ai falenderon autoritetet austriake për korrektesën e treguar.

“Falënderoj policinë dhe shtetin austriak për korrektësinë e vazhdueshme, si në këtë rast, ashtu edhe në mbështetjen e vazhdueshme të cilën ia kanë dhënë Kosovës pa rezervë. Mesazhi im për miqtë dhe dashamirët të shqetësuar, jam i lirë dhe jam shumë mirë. Shumë shpejt takohemi në Kosovë – i falënderoj të gjithë për mbështetjen”, përfundoi ai.

Haradinaj: S’është vendosur që Kosova të hyjë në votim për anëtarësim në INTERPOL

Autoritetet e Kosovës janë duke shqyrtuar vendimin rreth përpjekjes së radhës për anëtarësim në INTERPOL. Asambleja e Përgjithshme e kësaj organizate, pritet të mbahet gjatë vjeshtës, në Kili. Kryeministri i Kosovës, Ramush Haradinaj tha se Kosova edhe zyrtarisht është në rend të ditës si temë, por ende nuk ka hyrë në rend të ditës votimi për anëtarësim.

“Se a do të hyjmë në votim është çështje a kualifikohemi ne në agjendë, por edhe është vendim i yni se a duam të hyjmë apo jo në votim. Asambleja mbahet në Kili, një shtet që nuk e njeh Kosovën, kështu që e shqyrtojmë a do të hyjmë në agjendën e votimit apo jo”, tha Haradinaj, pas një vizite që i bëri komunës së Fushë Kosovës.
Më 20 nëntor të vitit 2018, Kosova nuk kishte arritur të anëtarësohet në INTERPOL, pasi nuk mori shumicën e nevojshme, prej dy të tretave të votave të vendeve pjesëmarrëse në Asamblenë e Përgjithshme të kësaj organizate, që u mbajt në Dubai.

Tentativat e Kosovës për anëtarësim në INTERPOL kanë nisur që nga viti 2010. Atë kohë, Komiteti Ekzekutiv i kësaj organizate, nuk e kishte marrë fare parasysh kërkesën e parashtruar nga Prishtina zyrtare. Më 2015 dhe 2016, Kosova kishte aplikuar, por nuk ishte futur në agjendën e Asamblesë së Përgjithshme. Më 2017, Kosova pati tërhequr vullnetarisht kërkesën, për shkak të mbështetjes së pamjaftueshme.

Macron më i hapur për opsionet rreth Kosovës, por ai do të bashkëpunojë ngushtë me Merkelin

Franca është e interesuar jashtëzakonisht shumë për të gjetur një zgjidhje për Kosovën, dhe për një gjë të tillë është zotuar presidenti, Emmanuel Macron, përgjatë vizitës së tij në Beograd.

Sipas disa ekspertëve të politikës së BE-së, në përpjekjet për të organizuar nëj takim ndërmjet Kosovës dhe Serbisë gjatë vjeshtës në Paris, thonë se ai nuk është vetëm.

Ata thonë se ai në mënyrë aktive do të bashkëpunojë me kancelaren gjermane, Angela Merkel, shkruan Danas, transmeton Gazeta Express.

Naim Leo Beshiri, drejtor ekzekutiv i Institutit për Çështje Evropiane, ka thënë për Danas se Macron “nuk ka aq ndikim në nivelin ndërkombëtar për të qenë i aftë që të zgjidh një problem me të cilin janë marrë shumë presidentë”.

“Ndërmjetësuesit paraprak të dialogut të Brukselit, Catherine Ashton dhe Federica Mogherini, nuk kanë mundur që të gjejnë një ujdi me elitat politike në Beograd dhe Prishtinë, dhe ajo çfarë po e shohim sot është përpjekje për të zgjidhur konfliktin e fundit të dy shteteve të ish-Jugosllavisë nga shtetet anëtare të BE-së. Dhe pyetja është se cilat janë kapacitetet negociuese të Makronit, që t’i marrë përsipër nga Merkeli, për të ulur tensionet në rajon, në rajon, gjë që mund të dërgojë në një zgjidhje të përhershme për çështjen e Kosovës”, thotë Beshiri, transmeton Gazeta Express.

Beshiri thotë se presidenti francez ka ambicie për të mbetur në histori, dhe në të njëjtën kohë ai është realist dhe nuk dëshiron të bëjë bisedime të cilat nuk dërgojnë një zgjidhje.

“Ai ka anuluar takimin e Parisit, që ishte caktuar për në fillim të korrikut, pasi që Prishtina dhe Beogradi treguan që nuk do të jenë të pjekura politikisht”, shton tutje Beshiri.

Ndër të tjera Beshiri thotë se çështjet e ndjeshme është e pamundur të zgjidhen pa përfshirjen e Shteteve të Bashkuara të Amerikës.

Në anën tjetër Igor Novakoviq, ka thënë për Danas se Franca do të jetë në vazhdim më aktive në kërkim të zgjidhjes për ta hapur dialogun, e cila sipas tij padyshim që do të mbetet nën patronatin e Bashkimit Evropian.

“Megjithatë, çdo veprimtari do të koordinohet nga afër me Gjermaninë. Është e mundur që Franca të jetë më e hapur për zgjidhje të caktuara se Gjermania. Por theksi duhet që të jetë në normalizimin e raporteve, që do të siguronte qëndrueshmëri. Dhe pyetja do të ishte se pas nënshkrimet a do të zbatohej një marrëveshje e tillë”, ka thënë Novakoviq.

Macron do të emërojë të dërguarin e posaçëm për Kosovën

Presidenti francez Emmanuel Macron planifikon të emërojë një të dërguar të posaçëm për Ballkanin Perëndimor, i cili do të luajë një rol aktiv në zgjidhjen e çështjes së Kosovës, sipas portalit serb Blic, transmeton zeri.info.

Sipas gazetës, Macron njoftoi presidentin serb Aleksandër Vuçiq për këtë gjatë vizitës dy-ditore në Beograd. Presidenti francez synon të angazhohet më aktivisht në këtë rajon, thotë burimi i Blic dhe shpjegon:

“Franca dëshiron të luajë një rol kyç në zgjidhjen e problemeve midis Prishtinës dhe Beogradit. Për shkak të detyrimeve të shumta Macron nuk mund të merret në nivel ditor me zgjidhjen e çështjes së Kosovës, por ai synon që në periudhën e ardhshme të gjejë një njeri të besueshëm i cili do të jetë përgjegjës për atë pjesë të Evropës. Ai do të jetë i dërguari francez për Ballkanin Perëndimor. Me këtë figurë të re, Macron synon do të forcojë praktikisht ndikimin e tij në këtë rajon”.

Haradinaj: Qëndrimet tona të ndara, po e ndihmojnë Serbinë

Kryeministri i Kosovës, Ramush Haradinaj, tha të mërkurën se qëndrimet jo unike të udhëheqësve të Kosovës rreth tarifave ndaj mallrave serbe dhe bisedimeve me Beogradin, e kanë bërë Serbinë më të fortë dhe i kanë dhënë mundësi të kushtëzojë kthimin në tryezën e bisedimeve.

Ai i bëri këto komente duke reaguar ndaj intervistës së kryetarit të parlamentit të Kosovës, Kadri Veseli, dhënë Zërit të Amerikës, në të cilën ai tha se ka dallime konceptuale me kryeministrin Haradinaj rreth tarifave dhe bisedimeve.

“Dhe ka një pragmatizëm ku unë e mbroj interesin tim, duke mos lejuar asnjëherë që komunikimi me Serbinë, forma në të cilën komunikoj me Serbinë të bartet njëtrajtshëm edhe me Shtetet e Bashkuara dhe Bashkimin Evropian. Ky është dallimi mes meje dhe kryeministrit Haradinaj, i cili duhet ta bëjë këtë dallim. Kur flas për Serbinë, edhe 1000 për qind ia vë taksën, por kur flasim me Shtetet e Bashkuara dhe Bashkimin Evropian ne duhet të jemi pragmatikë, duhet të jemi pak më të mençur. Kjo është çështja që dallon”, tha zoti Veseli.

 

Veseli: Nuk mund t’i vëmë bashkë SHBA-në, BE-në dhe tarifat ndaj Serbisë

Pozicioni im është shumë i qartë që nga fillimi, është transparent: Kosova ka të drejtën legjitime të marrë vendimet të cilat janë qoftë tarifa, qoftë mbrojtja e sovranitetit dhe integritetit territorial e institucional. Por duhet ta dimë, i gjithë populli ynë e di: populizmi është një opium që krijon një favor në një moment të caktuar për politikanë të caktuar. Për periudhën afatgjatë ne duhet të jemi të mençur dhe nuk kemi rrugëtim tjetër pa SHBA dhe Bashkimin Evropian, nuk mund të jemi të suksesshëm në qëllimin që kemi. Në qoftë se i vëmë bashkë: SHBA, Bashkimin Evropian, si dhe çështjen tarifën edhe Serbinë është gabim. Ne duhet të gjejmë momentumin dhe rrugën e cila e dallon Serbinë nga gjuha e cila përdoret ndaj nesh nga Bashkimi Evropian dhe SHBA. Për këtë arsye thashë, për Serbinë e vë edhe 1000% tarifën, por me Bashkimin Evropian dhe SHBA ne tregojmë se jemi tolerantë. Kam propozuar edhe një suspendim (pezullim) por ai suspendim nuk është i përjetshëm. Serbia po manipulon, (Aleksandër) Vuçiçi po manipulon.

 

“E pash intervistën, është kualifikim i paqëndrueshëm, pra, nuk kam qasje me Amerikën si me Serbinë. Me Serbinë njëherë jam nda në luftë, kam qenë ​krah për krah me Amerikën. Kemi dallime në tema me Serbinë të shumta, ma pak me Amerikën. Kemi dallim në një temë; suspendimin e taksës. Sikur kryetari Veseli e të tjerët të kishin qenë unik Amerika, ndoshta do të na kishte përkrahur më shumë, po kjo dëshirë me fol ndryshe po na bën dëm si Kosovë e na ka lënë ku jemi sot”, tha të mërkurën kryeministri Haradinaj.

Ai hodhi poshtë çdo mundësi që këmbëngulja për tarifat të jetë populizëm.

“Fatkeqësisht besnikëria ndaj atdheut ndaj temave të interesit nacional nuk duhet me u kalkulu kështu. Populizëm ose miqësi me Amerikën për Veselin e të tjerët ka qenë kur ishin momente të tjera, u pa se nuk e kemi fort shqetësim qasjen ndaj Amerikës se kemi fol me një gjuhë tjetër, ju e dini për cilën temë e kam fjalën. Ndërsa, kur janë temat e interesit nacional, me i kërku Kosovës me e suspendu taksën pra me ja dhanë tregun shtetit që e mohon ekzistencën tonë është e padrejtë. Edhe nuk shpjegohet kjo kurrqysh s’ki qysh me e shpjegu, nuk është në logjikën e Amerikës, e as të askujt tjetër, por, është fatkeqësia e udhëheqësve tonë që shkojnë atje dhe i thonë duhet me e gjet një zgjidhje, në vend se me i thanë ka të drejtë kryeministri jonë, kemi të drejtë që e kemi vendosë taksën… Po shihet këta unë e kam pas shumë të vështirë me e mbajt këtë drejtim politik, pikërisht për shkak të këtyre thyerjeve, se jam ankuar disa herë që nuk kemi qenë unik fatkeqësisht. Dhe kjo pastaj e bën Serbinë më të guximshme edhe nuk lëshon pe përderisa gjysma jonë i thotë kemi me e hekë taksën pse me e ardhë Serbia në dialog?”, tha kryeministri Haradinaj.

Qeveria e Kosovës u vuri tarifa prej 100 për qind mallrave nga Serbia në nëntor të vitit të kaluar në shenjë kundërvënieje ndaj qasjes së Beogradit ndaj shtetësisë së Kosovës.

Beogradi kushtëzon rifillimin e bisedimeve të pezulluara me heqjen e këtyre tarifave, ndërsa Prishtina kërkon që bisedimet të mos kushtëzohen.

INDEKSONLINE NJOFTON NGA KOSOVA SE DIKUSH PO E VRET PËR TË DYTËN HERË AT SHTJFEN GJEÇOVIN DHE GJERGJ KASTRIOTIN SKENDERBEUN

– MBETET PËR TU PARË NËSE PËR KËTO AKTE ANTI-KOMBËTARE, FAJTORË JANË “HADUTËT” E RENDOMTË, A PO DIKUSH TJETËR!

“Bustet para shkollave në Kosovë po mbesin pa koka, hajdutët po i vjedhin ato!

Busti i At Shtjefën Gjeçovit që ishtë i vendosur në shkollën fillore në Zllakuqan të Klinës është lënë pa kokë.

Persona të panjohur e kanë vjedhur atë, teksa dyshohet se ky akt ka ndodhur gjatë vikendit, pasi që në shkollë nuk ka pasur personel e as roje, përcjellë Indeksonline.

Derisa policia është duke hetuar rastin, ky veprim po konsiderohet si i shëmtuar dhe i ulët.

Këto janë disa nga komentet e mësimdhënësve të Komunës së Klinës:

Cenimi i bustit te A’t Shtjefen Gjeçovit ne oborrin e shkolles se Zllakuqanit, eshte nje akt vandal, I trishtueshem dhe ogurzi. Prandaj institucionet komunale dhe ato shtetrore duhet te vihen ne veprim menjehere ne zbulimin e rastit, qe busti te kthevet ne vend e vet dhe akteret e ketij veprimi te shemtuar te marrin denimin e merituar”.

Edhe këtë veprim është në gjendje t’a bëjë dora dhe mendja e shëmtuar e ndonjë injoranti të krisur mendërisht, dhe skajshmërisht e dënueshme , kushdo qoftë ai apo ata

Nuk është hera e parë që koka e një busti në një instistucion shkollor është vjedhur. Ditë më parë edhe në fshatin Treboviq dikush mori kokën e bustit të Gjergj Kastriotit Skenderbeut./Indeksonline/

Engel i bën thirrje BE-së të liberalizojë vizat me Kosovën

Kryetari i Kuvendit të Kosovës, Kadri Veseli gjatë takimit me kongresistin, Eliot Engel

Kryetari i Kuvendit të Kosovës, Kadri Veseli, gjatë qëndrimit në Shtetet e Bashkuara, ka takuar kongresistin, njëherësh kryesues i Komitetit për Marrëdhënie me Jashtë, Eliot Engel.

Sipas një komunikate nga zyra e kryetarit të Kuvendit, gjatë takimit, kongresisti Engel ka thënë se Shtetet e Bashkuara do të vazhdojnë të jenë përkrah Kosovës në të gjitha proceset që ajo ka para vetes.

“Bashkimi Evropian duhet të ndërmarrë hapa të shpejtë për liberalizimin e vizave për qytetarët e Kosovës dhe të punojë bashkë me Kosovën në proceset euro-integruese”, ka thënë Engel.

Në këtë takim, Veseli dhe kongresisti, Engel diskutuan edhe për nismën e kryeparlamentarit për dënimin e krimeve që Serbia ka kryer në Kosovë.

Kongresisti Engel, ka thënë se “kriminelët duhet të përgjigjen para drejtësisë për të gjitha krimet që kanë kryer ndaj popullatës civile gjatë luftës në Kosovë”.

Gjatë vizitës në SHBA, kryetari i Kuvendit ka takuar disa senatorë dhe kongresistë. Të martën, në forumin e liderëve parlamentarë të organizuar nga Kongresi Amerikan, në Washington, Veseli ka theksuar rëndësinë e njohjes së Kosovës nga vendet që ende nuk e kanë njohur.

Kadri Veseli e quajti “fosil që s’i ndihmon të vërtetës”, Jusuf Buxhovi i reagon ashpër Kadri Veselit

Buxhovi: Ka mbetur pa iu bashkuar fushatës linçuese vetëm edhe presidenti, që e gjitha të marrë vulën shtetërore nga “Triumvirati i komandantëve”

Kryetari i Kuvendit të Kosovës, ka reaguar për deklaratën e historianit Jusuf Buxhovi se “UÇK-ja ka qenë e drejtë, por nuk ka qenë e pastër”.

Veseli në një intervistë për Zërin e Amerikës, e ka quajtur “një lloj fosili” Buxhovin, i cili sipas tij, “nuk i ndihmon as qartësimit të së vërtetës historike dhe vrasjeve të pasluftës”.

“Është një nga elementët më të dhembshëm pas luftës së Kosovës, së cilës duhet t’i shkohet deri në fund. Ka të bëjë me vrasje pas luftës të cilat janë kriminale nga njerëz të këqij të cilët nuk ia duan të mirën Kosovës, por personi i cili e ka vënë këtë theks në këtë formë njëngjyrëshe, është lloji i fosilit i cili nuk i ndihmon as qartësimit të së vërtetës historike, pavarësisht se lufta në Ushtrinë Çlirimtare të Kosovës”, ka deklaruar Veseli.

E ndaj kryeparlamentarit ka reaguar historiani Buxhovi, i cili ka akuzuar Veselin për përfshirje në “fushatën linçuese kundër mendimit të lirë dhe të autoritetit shkencor”, përcjell Bota sot.

Buxhovi ka thënë se kësaj fushate, ka mbetur pa iu bashkuar vetëm edhe presidenti në mënyrë që e gjitha të marrë vulën shtetërore nga “Triumvirati i komandantëve”.

“Pas Kryeministrit, në SHBA, në vendin e demokracisë dhe të lirisë, në fushatën linçuese kundër mendimit të lirë dhe të autoritetit shkencor, qenka përfshirë edhe Kryeparlamentari i Kosovës. Mbetet që asaj t’i bashkohet edhe Presidenti në mënyrë që e gjitha të marrë vulën shtetërore nga Triumvirati i komandantëve!”, ka shkruar Buxhovi në një postim në Facebook.

Kosova merr kryesimin në procesin e SEECP-it

Prishtinë

Ministri i Punëve të Jashtme i Kosovës, Behgjet Pacolli ka hapur sot solemnisht në ambientet e ministrisë kryesimin e Kosovës në Procesin e Bashkëpunimit të Evropës Juglindore apo SEECP-it, në prani të ambasadorëve të vendeve mike.

Pacolli e quajti të rëndësishme për Kosovën këtë detyrë, posaçërisht pasiqë kjo po ndodhë në të njëjtin vit kur Kosova po kryeson Fondin e Ballkanit Perëndimor (WBF) dhe Iniciativën Rajonale për Migrim Azil dhe Refugjatë (MARRI).

Duke treguar prioritetet e Kosovës në këtë proces, Pacolli tha se Kosova do të jetë kryesuese në SEECP deri në korrik të vitit 2020.

“Kosova synon të kontribuojë tutje për një mjedis të paqes, të sigurisë, të marrëdhënieve fqinjësore të mira, të stabilitetit, duke kapërcyer ndarjen përmes një qasjeje gjithëpërfshirëse dhe koherente ndaj bashkëpunimit rajonal dhe duke promovuar integrimin evropian. Kryesimi i Kosovës do të jetë një vazhdimësi e parimeve të kartës së SEECP, deklaratave të samitit të SEECP dhe do të bashkëpunojë ngushtë me të gjitha shtetet pjesëmarrëse të SEECP-së dhe strukturat relevante rajonale dhe ndërkombëtare”, tha Pacolli.

Ai tutje tha se në këtë aspekt, janë vendosur tri prioritete të Kosovës. Fokusimi në lidhshmërinë ekonomike. Fokusi tek rinia, si një nga asetet kryesore të shoqërisë dhe fokusi në kulturë dhe turizëm, për të cilën pikë tha se Kosova dhe rajoni kanë nevojë për ri-brendim dhe rizhvillim.

“Kur flasim për prioritetet, procesi i integrimit në Bashkimin Evropian mbetet synimi ynë kryesor, përmes të cilit gjatë kryesimit tonë do të listojmë të gjitha prioritetet tona. Do të përpiqemi të përdorim strategjinë më të mirë të Ballkanit Perëndimor duke shpresuar dhe dëshiruar që Ballkani Perëndimor të mbetet prioritet i udhëheqësisë së re të BE”, tha Pacolli.

Në këtë konferencë u bë e ditur se si aktivitet i parë që do të mbahet në shtator të vitit 2019 me kryesimin e Kosovës në këtë proces, do të jetë takimi joformal i ministrave të Punëve të Jashtme të SEECP-së në New York, në margjinat e Asamblesë së Përgjithshme të Kombeve të Bashkuara.

Kosova iu bashkua kuadrit të SEECP-së për bashkëpunim rajonal në Samitin e Parisit në vitin 2014. aa

Mbështetja për Buxhovin, mbështetje e së vërtetës dhe vlerave të demokracisë – Nga Florim Zeqa

 

Deklarimet e shkrimtarit të njohur, Prof. Jusuf Buxhovi për luftën e UÇK-së dhe zhvillimeve politike në LDK, ngjallen reagime të shumta në mediat e shkruara dhe ato elektronike.
Menjëherë pas intervistës së Jusuf Buxhovit në Rubikon (KTV), vërshuan sulmet, kërcënimet, linçimet, sharjet dhe fyerjet publike kundër tij.
Megjithatë veçohen dy deklarata kundër Jusuf Buxhovit që elektrizuan opinionin e gjërë kosovarë.

I pari, ishte Gani Koci me deklaratën sa fyese, po aq kërcënuese ndaj Jusuf Buxhovit; “Lufta e UÇK-së, do të duhej të pastronte ‘sojin e buxhovëve’!”
Dihet botërisht se Jusuf Buxhovi nuk e sulmoj luftën çlirimtare të populit të Kosovës, e cila është e drejtë dhe e patjetërsueshme, por ai me argumente i demaskoj individët të cilët me veprimet e tyre njollosën luftën çlirimtare.
I dyti, ishte kryetari i LDK-së, Isa Mustafa, që fyeu rënd dhe nënçmoi paturpërisht historianin e shquar dhe njërin nga themeluesit e LDK-së, Prof. Jusuf Buxhovin duke quajtur “një hiq dhe dezertorë të LDK-së…”.

Deklaratat e Kocit dhe Mustafës prodhuan më qindra e mijëra reagime të qytetarëve (mërgimtarëve), por edhe të shtresave tjera të shoqërisë kosovare, të intelektualëve e gazetarëve, të analistëve dhe publicistëve gjithandej vendit e në Diasporë, por për habi deri më tani nuk pati reagime dhe as përkrahje (mbrojtje) institucionale për histrorianin që i doli në mbrojtje së vërtetës dhe vlerave të lirisë sonë.
Mbetët e pajustifikueshme heshtja e ASHAK-ut, e Institutit të Historisë, Institutit Albanologjik dhe botës akademike në përgjithësi. Po ashtu i pajustifikueshëm është fakti që, asnjëra nga degët e LDK-së nuk e kundërshtuan deklaratën fyese e tepër nënçmuese të kreut të LDK-së kundër historianit Jusuf Buxhovi, i cili nuk shpiku gjë të re, përveqse i përseriti disa nga të vërtetat e hidhura për LDK-në.
Kjo flet qartë për situatën në të cilën e ka katandisur LDK-në lideri diktatorial dhe monstrumi i politikës kosovare, Isa Mustafa.
Katandisje kjo deri në përmasat e vetëshkatërrimit. Nuk ka si të jetë ndryshe, kur nuk reagon asnjë kryetarë dege, asnjë deputet apo zyrtarë i lartë i LDK-së kundër reagimit fyes e nënçmues të kryetarit Mustafa, kur i drejtohet Buxhovit më fjalët; “Je askushi, që ke dështuar dhe ke braktisur LDK-në per të shetitur rreth globit, tash flet me porosi…..”.
Kjo situatë nënshtruese e zyrtarëve të lartë, kryetarëve të degëve dhe deputetëve të LDK-së ndaj Isa Mustafës, i tejkalon edhe përmasat e regjimeve më diktatoriale.
Deklaratat e kreut të LDK-së, përveq nivelit të ulët intelektual prej pseudoakademiku (akademik pa asnjë titull shkencorë), e dëshmojnë edhe karakterin e tij shpirtëror (egon dhe urrejtjen patologjike) në raport me figurat më të ndritura dhe më markante, siq është Jusuf Buxhovi në rastin konkret.
Cinizmi i pseudoakademikut shkon aq largë, kur i thotë Buxhovit, njërit nga themeluesit e LDK-së; “e ke braktisur partinë”, duke harruar se në kohën kur është themeluar LDK-ja, Isa Mustafa ka qenë pjesë e aparatit shtetëror të Millosheviqit në Kosovë.
Për më tepër se kaq, për të qenë ironia akoma më e madhe, as atëherë në themelim, as si ministër i financave në ekzil dhe as sot si kryetar i LDK-së, Isa Mustafa nuk ka pasë dhe nuk ka librezë anëtarësie të LDK-së.
Ky është paradoksi dhe rasti më skanadaloz që mund t’i ndodhë një partie politike, që të mbajë në kreun e saj një njeri pa qenë pjesë organike dhe kontribuese e saj (pa pagesë anëtarësie).

Të larguarit, pasojë e klaneve mafioze dhe grupeve të interesit

Të “larguarit” nga LDK-ja, siq është rasti Prof. Jusuf Buxhovit dhe shumë intelektualëve dhe veprimtarëve (në mesin e tyre edhe unë), janë pasojë e klaneve mafioze dhe grupeve të interesit në LDK, e në veçanti e klanit “Riinvest”, klanit më mafioz dhe më të rrezikshëm në vend pas klanit “Pronto”.
Ne veprimtarët e LDK-së rugoviane, jemi ata, që asnjëherë nuk jemi ndalur së vepruari për të mirën e vendit, qoftë përmes aktiviteteve, qoftë përmes shkrimeve nëpër gazeta, opinioneve dhe analizave të pavarura në mediat elektronike dhe botimit të librave voluminoz si të Buxhovit dhe të tjerëve, në mesin e të cilëve janë dhe tre librat mi autorial kushtuar zhvillimeve politike në vend, e në veçanti në LDK, siq është libri “THIRRJE NGA SHPIRTI”, përmes të cilit i drejtohem elektoratit të pastër rugovian, për bashkërendim të forcave për nxjerrjen e LDK-së nga kthetrat e uzurpatorëve dhe puçistëve të sojit më të keq.
Kur jemi në segmentin veprimtarisë letrare dhe shkencore, le të del dikush e t’na thotë, se cilat janë veprat letrare apo shekncore mbi të cilat e mori titullin “Akademik” Isa Mustafa!?
Ndryshe, sa për ngritjen politike të Isa Mustafës janë të informuar të gjithë në Kosovë. I madh dhe i vogël i dijnë mirë shkallët e ngritjes së Isa Mustafës në majat e LDK-së dhe të qeverisjes në Kosovë, për të cilat kësaj radhe nuk do i ngarkojë lexuesit e këtyre rreshtave.
Por është një e vërtetë e pakontestueshme, Isa Mustafa është dhe do të mbetët në histrorinë e LDK-së, si shkatërruesi i saj, i cili e varrosi trashëgiminë rugoviane e tri shkronjave të arta “LDK” në Kuvendin e VIII-të të saj, e që unë asokohe përmes shkrimit autorial “LDK-ja Rugoviane Post-mortum”, të datës 31.05. 2015, i shkrova këtë epitaf; “Lavdi LDK-së Rugoviane (23 dhjetor 1989-21 janar 2006), varrosur me 31 maj 2015-të nga Isa Mustafa me sejmenët e tij…!”, e që më vonë Isa Mustafa e transformoj në “Lidhja”, produkt i Riinvest-it kriminal.
Dikush mund të pyes, pse Riinvesti kriminal!? Përgjigja është fare e thjeshtë; krim nuk është vetëm vrasja me plumb e një njeriu, por akoma më e rëndë është vrasja e shpresës dhe ardhmërisë së shumë gjeneratave në këtë vend.

Punën kolosale të profesor Jusuf Buxhovit duhet çmuar dhe mbështetur pa asnjë rezervë, si një punë shkencore që çonë në zbardhjen e së vërtetës historike për luftën çlirimtare dhe zhvillimet e tjera politike pa ndikime ideologjike e partiake, e cila shkon në funksion të të gjithë qytetarëve të vendit, prandaj mbështetja për Buxhovin është mbështetje e së vërtetës dhe vlerave të demokracisë.

MOS E SULMONI KOT PROFESORIN JUSUF BUXHOVI – Nga Bardh Nengurra

Qe dy tri ditë derisa i lexojë reagimet e shumta të disa personave publik e politik kunder deklaratës së Prof. Jusuf Buxhovi tnë TV programin RUBIKON të Adriatik Kelmendit  …..” LUFTA E UÇK-së nuk ka qenë luftë e pastër “, mue me kujtohet nji proverb slloven që thotë; …kur i shkel macës bishtin ajo mjaullinë.
Dhe që kjo thanje asht me vend e deshmojnë katërciprishtë reaguesit e parë kunder Prof. Jusuf Buxhovi. Për qudi të parët që reaguen janë dy personalitete tashma të njohuna e të perfoluna sa emni i tyne asht ba i neveritshem dhe pse asht ba i tillë fajin e kan ata vetë.
Dje lexova reagimin nga LPK-isti, ish deputeti i PDK-së dhe tash njifar zavendësministri diku ( ec e mbaje mend se ku kur kjo qeveri bandite i ka mbi 100 të tillë ), pra lexova reagimin e Gani Kocit. Gani Koci nuk kishte reague , por ai direkt e kishte kerrcnue me jetë Prof. Jusuf Buxhovi. …” UÇK-ja asht dasht ti pastrojë të gjitha mbeturinat si ti i thotë shoku Gani Koci Prof. Buxhovi. Kësaj në popull i thonë; …mos e dvet se kallxon vetë.
Unë e ndegjova me kujdes deklaratën e Prof. Jusuf Buxhovi dhe ajo që ky Profesor i nderuem, ku shkrimtar i merkullueshem dhe ky historian i jashtzakonshem e tha në RUBIKON të z. Adriatik Kelmendi në asnji rast nuk e akuzon as nuk e denigron Luftën e UÇK-së e as UÇK-në.  Perkundrazi deklarata e Prof. Jusuf Buxhovi e ngritë në vendin e merituem UÇK-në dhe luftën e sajë çlirimtare. Mirpo Prof. Jusuf Buxhovi si intelektual e si shkenctar i mirfilltë flet nji realitet per veprimet dhe krimet që njerzit apo individ të veshun me uniformën e UÇK-së që shumica e tyne dikur ishin veteemnue si Komandanta  i kan ba. Në deklaratën e vetë analitike Prof. Jusuf Buxhovi nuk e permend asnji emen të asnji ushtari apo komandanti. Andaj shtrohet pyetja se pse reagon shoku Gani Koci ? Pse kërrcnon ky njeri i mjerë.
Shtrohet pyetja pse reagon edhe shoku Nasim Haradinaj?! Pse që të dy këta po mjaullijnë si maca kur i shkelet bishti? Kush i permendi këta? Askush. Kush i akuzojë këta per të gjitha ato vrasje gjatë luftës, pasluftës dhe deri sa definitivisht banda enverostaliniste e LPK-së nuk e mori pushtetin në Dardani dhe tash atë pushtet e mban tue sundue popullin në vend që ta qeverisë shtetin. Tue vjedh shtetin në vend që të punojë per të miren e qytetarit . Ne emisionin RUBIKON askush e as Prof. Buxhovi nuk i akuzojë këta dy, pra nuk i akuzojë  shokët Gani Koci e Nasim Haradniaj.
Unë mbajë mend se reagime si tash kunder Prof. Jusuf Buxhovi ka pas edhe pas skeçit humoristik të grupit te humoristve STUPCAT per UÇK-në dhe ” komandantat ” e sajë . Mirpo grupi STUPCAT nuk asht kërrcnue me jetë sikur se e kërrcnon bualli drenicak, LPK- isti Gani Koci  tash Prof. Jusuf Buxhovi. Reagimi kaq i ashper dhe me kërrcnim me jetë që vjen nga shoku Gani Koci vertetonë katërciprishtë thanjen me vend dhe të drejtë të Prof. Buxhovi. Pra deshmonë se jo krejtë Lufta dhe krejt Ushtarët dhe komanduesit e UÇK-së kan qenë njerëz të pastër dhe luftëtar. Reagimi i Gani Kocit e edhe i Nasim Haradinajt dëshmonë se jo rastësishtë dhe as jo aksidentaisht u vranë njerzit ma eminent të strukturave shtetnore e partiake të LDK-së, të FARK-ut dhe edhe ushtar e Komandant të devotshem të UÇK-së.
Do fillojë me i numrue disa vrasje mizore të aktivistve, luftëtarve dhe Komandantve të Luftës që u eliminuen nga dora tinzare me vrasësa shqipfolësa e asnjihere nga plumbi i pushtuesit serb.
Gani Koci dhe Nasim Haradinaj a mund ta akuzoni e sulmoni Prof. Jusuf Buxhovi, ti Gani Koci a ke pse ta kërrcnosh Prof. Buxhovi perderisa deri sot nuk u zbadh vrasja e Ministrit të Mbrojtjesh së Repubikës së Kosovës Kolonel Ahmet Krasniqi? Vrasja e Komandanti Sali Çekaj, Komandantit Agim Ramadani, e Ilir Konushevcit , Ardian Krasniqit, e gazetarit Ali Uka, e aktivistit mergimtar Sadri Ramqaj etj, etj. Si mund ta themi se Lufta e UÇK-së paska qenë e pastër derisa Ministri i Luftës vritet nga prita në qender të Tiranës, derisa dy nga Komandantet dhe Strategët e Luftës Çlirimtare dhe të Betejës së Koshares , Sali Çekaj e Agim Ramadani vriten dhe per vrasjen e tyne gjithmonë asht perflitë se mund ti ketë vra dora tinzare e ndonji shqipfolësi dhe se këto dy vrasje të këtyne dy Komandantve deri sot nuk u zbardhën! Nuk u zbadhen as vrasjet e Kolonelit Ahmet Krasniqi, të gazetarit Ali Uka dhe as të Ilir Konishecit e Ardian Krasniqit. Atdhetari Sadri Ramqaj u zhduk pa gjurmë . Andaj vjen pyetja a ka dikush arsye tash me e kërrcnue Prof. Jusuf Buxhovi pse ky e foli nji realitetë?! Jo nuk ka, por realiteti padyshim se i prek ata që e kan mizën nën kapuq sikur thotë populli.
Strukturat LPK-iste enverostaliniste të UÇK-së të tri grupacioneve ; Drenicë, Llap dhe Dukagjin dhe të perkrahuna nga SHISH i Fatos Klosit në Tiranë kan ba me qindra vrasje gjatë luftës, kan dhunue femnat shqiptare , kan dhan urdhna me vra njerzit e LDK-së,  dhe këto që po i shkruej këtu, unë vetem se po i rikujtojë ashtu sikurse ne RUBIKON i rikujtojë edhe Prof. Jusuf Buxhovi dhe që të gjitha me radhë dihen se cilat ishin viktimat, por pos dy tri rasteve nuk ” dihen ” dorasit dhe dhunuesit. Per të gjitha ka dëshmi e deshmitar, dhe per të gjitha disa nga viktimat që kan mbijetue dhe edhe bashkluftëtar e familjar të tyne kan shkrue e tregue. Se ka pas elemente të pista në UÇK deshmojë edhe Luftëtari Shefqet Kabashi në Pervjetorin e Masakrës në burgun Dubravës si dhe pastaj intervista e z. Kabashi në tv. T 7 te Berat Buzhala. Krejt çka i tha Shefqet Kabashi pas dy ditve ja vertetojë tash i ndjeri Rrok Berisha . Dëshmi ka në librat: ” LUFTA PA MASKA ”  autor Komandanti dhe Heroi i gjallë Gani Geci, në librat ” KËSHTU FOLI TAHIR ZEMAJ ” VËLLIMI 1 DHE 2. por deshmi ka edhe në librat ” DIALOG ME KOMANDANTIN  ” dhe ” PAQJA E GJENERALIT ” të autorve Bardh Hamzaj e Blerim Shala libra këto që flasin per Ramush Haradinaj gjatë luftës. Në njenin nga këta dy libra Ramushi detajishtë tregon se si i ka spjegue tash i ndjeri Mujë Krasniqi rastin e vrasjes së Ardian Krasniqit në Kliçinë. Dhe sipas asaj që Mujë Krasniqi i ka tregue Ramushit delë se Ardian Krasniqi nuk asht vra nga plumbat e policisë serbe, ka vend dyshimi se jeten ja ka marr ( me apo pa qellim vetem Zoti dhe autori e dinë )plumbi i bashkluftëtarit me të cilin ishin bashk. Lexoni këto libra dhe pastaj gjykoni. Mos kerrcnoni Prof. Jusuf Buxhovi sepse ai asgja të re nuk tha. Asnji shpifje as denigrim nuk e bani. Askush nuk ka pse ndihet i ofenduem apo i kerrcnuem nga ato që i foli Prof. Buxhovi. Dhe askush mos të ndihet i perfolun as nga ky shkrim i imi , as unë asgja të re nuk po shkruej. Të gjitha këto dihen dhe jan perflit tashma qe dy dekada. Per disa raste të perfoluna si krime të UÇK-së kunder pales tjetër me ideologji ndryshe, pra kunder LDK-së dhe njerzve të saj ka disa deputet , ministra dhe ish deputet e ish ministra qe jan hetue, jan gjykue dhe janë shpall fajtor dhe kan ba me vite burg. Andaj pse shoku Gani Koci e kërrcnon Prof. Jusuf Buxhovi. Pse shoku Nasim Haradinaj ndihesh i indinjuem me deklaraten e z. Buxhovi?
Prof. Jusuf Buxhovi nuk shpifi, as nuk tha asgja senzacionale. Nuk dekonspirojë askend dhe as nuk lendojë askend. Bile me quditë ti shoku Nasim Haradinaj që edhe je Sekretar i Organizatës së Veteranve të UÇK-së dhe qe me ngulm e mbron numrin e 60 e kusur mija veteranve , ndersa pos teje asnji ish luftëtar as bashkëluftëtar i joti nuk reagojë apo sulmojë Prof. Jusuf Buxhovi. Reagove vetem ti!!! Mirpo a nuk e pate thanë ti në TV para opinionit shqiptar, kur u folë se sa aktivisti i LDK-së u vra në këto 30 vjetet e veprimtarisë së LDK-së, a nuk pate thanë ti shoku Nasim: …. PUNË E MADHE QË JANË VRA NJERZIT E LDK-SË ? Si ka mundësi që atë ditë në TV ti shoku Nasim nuk ndjen keqardhje pse janë vra njerzit e LDK-së ndersa tash sulmon, ofendon e akuzon poshtërsishtë Prof. Jusuf Buxhovi pse ky e riperseriti ate që ti e ke pranue jo fortë moti dhe nuk ke ndje aspak keqardhje per jetnat e tyne?!
Njerzit e LDK-së nuk jan vra vetem gjatë Luftës , por ata jan vra edhe pas luftës. Dhe nese nuk i paskan vra strukturat kundershtare me ideologji të majtë enverostaliniste sikur se ishit juve e ashtuqujtuna UÇK e Shtabit të Frognerit dhe e Shtabit të Pergjithshem të Drenicës  atëhere kush i paska vra ata pra?! Serb nuk ka  pas në Dardani kur u vra Enver Maloku, as kur u vranë :  Xhemajl Mustafa, Smajl Hajdaraj, Ukë Bytyçi, Shaban Manaj, Ismet Rraci, Xhafer Krasniqi, Bardhyl Ajeti, Besim Kastrati , Bekim Dajaku, Tahir Zemaj, Hasan Zemaj, Enis Zemaj, Rexhë Osaj, vëllaznit Musaj të Strellcit, kur u ba atentati në Fetah Rudin, kur u vra Haki Imeri, Shefki Popova, as kur u ban tri tentim vrasje me atentat ndaj Presidentit Ibrahim Rugova. Kush e bani atentatin kundër Komandantit Gani Geci me çrast ati ju vran dy bashkëudhtaret dhe bashkluftëtaret ndersa ai shpetoj me disa plumba në trup? A nuk po perplaset Ganiu me drejtësinë dhe me juve ish Komandantat e UÇK-së per ti zbardh atentatet qe dikush po ja ban per të saten here?! Andaj ju që kercnoni e sulmoni, që e shani e ofendoni Prof. Jusuf Buxhovi bani mirë me heshtë derisa askush juve nuk po ju permend dhe lutne zotin që dikush nji ditë mos të del me farë argumentesh me ju permend e me ju akuzue. Mos per kohën e luftës,p.sh. me ju ba pyetjen athue dikush e dekonspirojë Mujë Krasniqin që ra në priten serbe dhe u vra me mbi 40 luftëtarët e ti derisa transportonin armë nga Shqipnia. Bani mirë të keni droe se dikush herdokur do ju konfronton me faktin se derisa nuk mbarojë lufta ishit njerëz të perndjekun nga pushteti serb, por ishit me nji ekonomi bukur të vobekt familjare ndersa menjihere pas luftës u bat pronar te qindra hektarve tokë, të pronave me vlerë dhjetra milonave dhe ate jo vetem në Dardani gjithandej, por edhe në Shqipni në bregdetin e sajë. Edhe pasunimi me metoda bolshevike me haraqe, kerrcnime, fajde, dhe zhvatje asht veper penale dhe antikombëtare.
13.07.2019

KUR FLET BUXHOVI, DRIDHET KUPOLA E KRIMIT NË KOSOVË – Nga BINAK MAXHARRAJ

 

Kur flet Buxhovi, nuk belbëzon, por e thotë të vërtetën e dhimbshme, e dridh krejt Kosovën më shifra, fakte dhe emra – foli për rrugën e dhimbshme nëpër të cilën kaloi Kosova e kapur nga komandantët, të cilët i sollën Kosovës një shkatërrim total të mireqenies, duke e vjedhë dhe plaçkitë vendin, duke i detyruar të rinjët të IKIN nga Kosova.

Jusuf Buxhovi ia futi tutën dhe tmerrin edhe panhajnisë, klanit PRONTO, ua qiti për lëndinë edhe të gjitha vrasjet qe janë ba pas luftës. Tha u vranë 103 zyrtarë te devotshëm të LDK, 92 pjesëtar te UÇKs-s dhe mbi 600 te tjerë vetëm pas luftës. Ai veç e tha një diçka qe dihet, qe flitet ne opinion qe 20 vite. E sulmuan paushall, pa asnjë argument, thjesht e linçuan si ne mesjetë.

Pra, kur flet Jusuf Buxhovi, dridhet krejt Kosova, dridhet e gjithë kupola e krimit të organizuar të udhëhequr nga uzurpuesit e luftës, të cilët me punët e tyre të pista po e rrezikojnë ardhmërinë e Kosovës.

Evropa nuk ish dashur t’i mbeshtesë regjimet antidemokratike në Ballkan?! – Nga Skënder MULLIQI

U bënë 24 vite nga masakra e Srebrenicës, ku kriminelët serbë pushkatuan dhe mbyten për së gjalli 8300 njerëz të komunitetit boshnjak, per ti vazhduar këto masakra serbët gjakprishur edhe kunder shqiptarëve në Kosovë.Zemrimi dhe frustrimi në Ballkanin Perëndimor, nuk është shuar veq sa është rritur edhe pas gjithë këtyre viteve. Sigurisht së rriten paknaqësit, rritët zemrimi dhe frustrimet e qytetarëve , së drejtësia kurrë deri më sot nuk ka rënë në vend. Serbia nuk u dënua për gjenocid, dhe kjo është padrejtësia më e madhe që iu është bërë popujëve jo sllavë më rastin e shpërbërjës së dhunshme të ish-Jugosllavisë. Është e pakuptueshme së si shtetet Perëndimore të cilat e ndalën luftën, nuk e panë të arsyeshme që Serbia ta vuaj dënimin e merituar për gjenocidin e shkaktuar , sikur e vuajti këtë Gjermania Naciste e Luftës së Dytë Botërore.Është shumë e padrejtë që në një luftë locale ranë kaq shumë njerëz , e përnime erdhi në shprehje thënja famëkeqe e kriminelit të luftës, Sllobodan Milosheviq , së serbëve nuk do tu mungoj asnjë fije floku. Në fakt pak fije floku iu munguan , së u dënuan disa udhëheqës ,e shumë prej tyre mbeten të lirë , por aq më keq , që nuk u dënua Serbia për gjenocid .Kjo është një temë sigurisht e gjerë e cila është elaboruar shpesh deri më sot, por edhe në këtë përvjetor të kësaj masakre.
-Këta pak rreshta për këtë temë të gjerë më shërbyen si hyrje në gjithë ate qka po ndodhë edhe pas shumë vitesh , më shtetet e Ballkanit Perëndimor. Nuk po ka qetësi kurrsesi në këtë pjesë të Evropës, por tash nga regjimet jo demokratike te instaluara në këto shtete, por edhe nga sherret e mëdha të Serbisë , për përfitime të reja territoriale.Nuk na interesojnë protestat në Serbi, kunder Vuqiqit, kjo është punë e tyre. Por, sigurisht së nuk mund të jemi indiferent karshi protestave që I kishim në Kosovë , dhe protestat e opozitës të cilët tash e disa ditë po mbahen në Shqipëri . Po protestohet në dy shtetet shqiptare kunder hajnave, rrenacakëve, dredharakëve dhe kontrabandistëve të drogave, siq po shprehen edhe protestuesit dhe udhëheqësit opozitarë . Shumë nga paknaqësit qytetare në dy shtetet tona i kan shkaqët dhe motivet e përbashkëta.Njerëzit gjithnjë e më shumë po i kundërshtojnë njerëzit e korruptuar në pushtet më mendësi autokratike .Këto elita politike në Prishtinë dhe në Tiranë I kan degraduar keq shtetet, I kan kapur fortë për gryke, të cilat sa nuk kan pelcitur. Shumë keq po injorohen kwrkesat e qytetarëve, të cilët për gjendjën e keqe politike dhe ekonomike kan faj edhe vet.Gjendja për të mirë nuk ndryshon vetevetiu pa ia ba hyzmetin.Aq me keq kur drejtuesit e dy shteteve shqiptare po luajnë lojëra të rrezikshme ,duke e pru në pyetje edhe sovranitetin e Kosovës, të fituar më gjak.Kjo nuk ishte dashur të na ndodhë tash, kur Kosova është shtet I lire dhe sovran .Reagimet qytetare lidhur më këtë temë shumë të ndieshme deri me sot janë kurrfare.Nuk mund ti lejohet askujt që të bëjë pazare të ndyta më territoret edhe ashtu të tkurrura shqiptare .Këtë le ta dinë mirë Thaqi i Kosovës e Rama i Shqipërisë me sejmenet e tyre.Asgjë në këtë botë nuk mund të fshihet shumë gjatë, dhe as planet djallëzore të tyre për shitjën e territoreve tona, Serbisë së çetnikut në pushtet, Aleksander Vuqiq.Abuzimet dhe tradhëtitë kombëtare e kan koston e lartë në secilin shtet, jo vetëm më largim nga pushteti, por deri në dënimet më të rënda më heqje lirie…Bashëksia Ndërkombëtare ishte dashur të mos i mbeshtes udhëheqjet e tilla të mbushura më mëkate dhe antidemokratike , që po e mbajnë paqën e rreme në Ballkanin Perëndimor .Çdo durimi qytetarë një ditë i vjen edhe fundi…

Shkoi Bajrushi n’Amerikë, që t’i thotë Mustafës ik! – Nga Florim Zeqa

Intervista e shkrimtarit Jusuf Buxhovi në “Rubikon” u bë “hit” në të gjitha debatet televizive, në mediat e shkruara dhe ato elektronike, e të mos flasim për rrjetet sociale, ku fotoja e Buxhovit ka pushtuar të gjitha dritaret e librit të madh e të pa fund të Facebook-ut.

Nga debatet e shumta përshtypje më bëri paraqitja e ish mikut tim të mirë dhe ish kryeredaktorit të gazetës “Bota Sot”, Bajrush Morina, publicist dhe analist i shquar në emisionin “Info Magazine” në “KLAN KOSOVA” të Baton Haxhiut.
Në lidhjen direkte nga New Yorku, Bajrush Morina në “Info Magazine”, nuk e tha asnjë fjalë për Jusuf Buxhovin, por tha se: “Komunikimi i të parit të LDK-së me anëtarësinë e pakënaqur nuk përkon fare me ‘rugovizmin’,…“Edhe në kohën e Ibrahim Rugovës ka pasë njerëz të pakënaqur, por mënyra se si i ka heshtur ose injoruar ata Ibrahim Rugova është në kundërshtim me këtë që po bën Isa Mustafa”.
Ishte kjo befasia më e këndshme përgjatë këtyre tre viteve të fundit, për shkak se isha mësuar ta shihja gjithnjë Bajrush Morinën më shumë si zëdhënës dhe mbrojtës të Isa Mustafës, sesa një gazetar të mirë.
Ju dashtë Bajrushit të largohet nga “tabela e shahut” (zhvillimet politike në vend) që të kuptojë më drejtë e më mirë realitetin në LDK, pra ju dasht që të shkojë shumë largë për ta kuptuar se, Isa Mustafa dhe klani i tij , jo vetëm që nuk përkojnë fare me frymën rugoviane, janë armiqt më përfid të liderit historik Ibrahim Rugova dhe të LDK-së.
Ju dashtë Bajrushit të shkoi n’Amerikë, që t’i thotë Mustafës ik, dhe jo vetëm, tani po kërkon të largohen të gjithë pleqt, siq i quan ai gardën e vjetër në LDK.
Madje, Bajrushi ka shkuar aq largë duke thënë se “ata që po e “godasin” LDK-në janë askushi”,…“janë individë që edhe në kohën e Ibrahim Rugovës e kanë braktisur LDK-në, janë shëtitur përreth globit të partive tjera, nuk kanë zënë vend askund dhe tani rikthehen për të qenë guardian të “rugovizmit” për interesa të tyre dhe të porositësve”.
Në është ky një dëshprim i çastit apo këndellje e Bajrush Morinës mbetët të shihet gjatë ditëve dhe muajëve në vazhdim. Për shkak se jemi mësuar ta shohim Morinën në situatata të tilla edhe më parë, siq ishte rasti me zgjedhjet e 8 Qershorit 2014, ku nga zhgënjimi që nuk i mori votat e majftueshme për t’u bërë deputet, i akuzoi bashkëpartiakët, gjegjësisht strukturat e larta të LDK-së për vjedhje të votave të tij,…por jo shumë largë, pas një darke të shijshme me strukturat e larta të LDK-së, e tërhoqi deklaratën kontraverse.
Duke qenë se jam ndër të parët në Kosovë, mbase edhe i vetmi deri më sot që e ka quajtur liderin diktatorial të LDK-së, Isa Mustafën, monstrum të politikës kosovare, në të njëjtin mendim mbetem edhe sot, edhe përkundër kërcënimeve e shantazheve nga ish bashkëpartiakët, nga ish miqt e mirë si Bajrush Morina e të tjerë që më “penalizuan” me mosbotim të shkrimeve dhe mbyllje të portaleve për shkak të pikëpamjeve të mia rreth LDK-së, e në veqanti ndaj liderit aktual, që tashmë ka kaluar përmasat e monstrumit politikë, duke u shndërruar në përbindësh të rugovizmit në LDK.

Më vie mirë, që më në fund edhe Bajrush Morina u bind se Isa Mustafa nuk paraqet frymë rugoviane në LDK. Uroj që kësaj radhe Morina t’i shkojë deri në fund betejesë së filluar kundër klanit të Isa Mustafës.
Bajrush dëshmohu se je me ujkun e jo me arushën!

Unë jam Jusuf Buxhovi Nga Valon Rugova

Mbrëmë, zoti Jusuf Buxhovi, tha se lufta e UÇK-së nuk kishte qenë e pastër sepse 102 zyrtarë të LDK-së ishin vrarë. Deklaratë e fortë! E guximshme! Bile, shumë e guximshme për një burrë që nuk ka akumuluar kapital e nuk shoqërohet me njerët të fortë rreth vetes. Për një njeri që mund ta zatetësh nëpër sokaqet e Prishtinës, e në shesh, duke ecur vetëm, me çapa të vegjël, mendueshëm.

Por, ja që edhe Buxhovin e hëngrën të gjallë. Gani Koci i PDK-së i tha spiun i Serbisë. Tha bile edhe se UÇK-ja do të duhej ta hiqte qafe. A s’përbën kjo thirrje për vrasje, o miqtë e mi? Po, iu them unë. Thirrje për vrasje është. Siguria e z.Buxhovi është në rrezik. Ec e dije se çka mund të bëj një i krisur kur e dëgjon Kocin duke folur kaq emocionalisht dhe e takon Buxhovin në ndonjë skutë të kryeqytetit, siç ndodh rëndom, krejt të vetëm.

Mirëpo, të merremi paksa me deklaratën e Buxhovit: a është e vërtetë se lufta e UÇK-së nuk ishte e pastër? Pajtohem plotësisht. Lufta ishte e drejtë por nuk ishte aspak e pastër. Asnjë luftë në këtë dynja nuk është dhe nuk mund të jetë e pastër. Veç imagjinoni, kemi të bëjmë me vrasje njerëzish, me plumba, me krisma që t’i fusin ethet në bark, me frikë që menjëhershëm të injekton urrejtje për tjetrin.

Duam a s’duam ta pranojmë, UÇK-ja nuk ishte një ushtri e organizuar dhe e disiplinuar dhe kjo çelë hapësira të mëdha për dyshime. Si mund të përmbahej, në rend të parë, gjithë ajo urrejtje masive që e pamë pas lufte për serbët? Në ushtri të organizuara, janë komandantët ata që dirixhojnë ushtarët. Bile, edhe nëpër ushtri të organizuara është zor të përmbahet pezmi e urrejtja, dhuna e panevojshme e gjithë ai akumulim i ndjesive të këqija. Lëre më në ushtri të çorganizuar e që, le ta themi troç, s’kishte urrejtje veç për forcat serbe, por kishte edhe për njerëzit e LDK-së.

Po, or vëllezër e motra, UÇK-ja qysh në luftë e shfryu dufin e saj në kundërshtarët politikë. E më pas, edhe pasluftës. Nuk po flas për vrasje e për dhunë, po flas për retorikën e egërsuar ndaj njerëzve të palës tjetër politike.

Po, or vëllezër e motra, janë mbi 100 njerëz që dyshohet se u vranë për motive politike. Hajt po të ishte një a dy, a tre më së shumti, por mbi 100 është goxha shumë si shifër që të mohohet e shpërfillet në tërësi. Ky është një problem i madh i shoqërisë sonë!

Lufta e UÇK-së, po e përsëris, ishte e drejtë dhe na ndihmoi të çliroheshim nga Serbia. Por, të mos bëhemi njerëz të ligë, të mos mohojmë se ky formacion ushtarak ka mëkatet e veta.

UÇK-ja bëri edhe luftë politike. Dhe nuk duhet shumë punë që ta kuptojmë se liderët e saj, përmes një gjuhe agresive e mosduruese, përçarëse e të egër, e futën një popull në bela. Ne e kemi dëgjuar me veshët tanë deklaratën e Thaçit për Rugovën në kohën e luftës. Po ashtu, me sytë tanë i kemi parë veprimet përçarëse të tij. Kjo ka qenë e hapur për të gjithë. Publike. S’ka kurrfarë sekreti.

E pra, pse po ngulmohet që të mbrohet pastërtia e saj? Epo, kam drojë se këtu nuk është në pyetje aspak Serbia. Domethënë, kur thonë “lufta e UÇK-së ishte e pastër” nuk e kanë ndërmend aspak Serbinë, por fshehjen e panevojshme për sytë tanë, të asaj belaje të brendshme.

Ata duan që Kosova të harrojë ata 102 zyrtarë të vrarë të LDK-së. Dhe problemi, për fat të keq, është edhe më i thellë se kaq. Sepse, duke mos e pranuar UÇK-në si një ushtri të zakontë e të çorganizuar, domethënë ashtu siç ishte, ata po kërkojnë ta identifikojnë veten me të. Po kërkojnë ta identifikojnë veten me vrasës e përçarës.

UÇK-ja bëri luftë të drejtë dhe pa fijen e dyshimit mund të themi se kishte edhe ushtarë që nuk kanë bërë kurrfarë krimi, e që kanë qenë idealistë të vërtetë, që meritojnë të puthen në ballë. Por, kishte edhe ushtarë e komandantë, që përçanë e vranë. A s’është në të mirën edhe të vetë ushtarëve të mirë e të pastër të UÇK-së që të dihet se kush ishte i keq e kush ishte i mirë? Pa dyshim që po. Veç i keqi nuk do që të evidentohet e keqja e tij. E prandaj, kërkon ta uniformojë moralin e UÇK-së. Të gjithë të mirë. Pse? Sepse frikësohet që gjykimi popullor do ta identifikojë si të keq, që do t’i dalë e zeza sheshit. Që thjesht ky gjykim popullor do të jetë haku kundër tij.

Eh, po pra miqtë e mi, nuk është telashja te Jusuf Buxhovi, një vrojtues i drejtë e që e tha atë që e mendonte. Telashja është te ata njerëz që e shkelën demokracinë, e shkelën gjyqësinë, e shkelën ekonominë dhe po e shkelin edhe fjalën e lirë.

Buxhovi fizikisht mund të ecë vetëm. Por, ai nuk është vetëm. Ai është një prej nesh.

Kërkohet mbrojtja e Jusuf Buxhovit nga SHBA, Bashkimi Evropian dhe Gjermania Nga Agron Jaha

Amerika, Bashkimi Evropian, dhe sidomos Gjermania duhet të vihen publikisht në mbrojtje të mendimit të lirë dhe të ndërpriten menjëherë kërcënimet ndaj intelektualit erudit, Prof. Jusuf Buxhovit, të gjithë intelektualët e vërtetë shqiptar dhe evropian duhen të ngrejnë zërin e protestës kundër linçimeve dhe kërcënimeve serioze të cubave kundër personalitetit të prof. Buxhovit, për shkak të qëndrimeve të tija parimore dhe demokratike.

Prof. Jusuf Buxhovi nuk ka probleme me të shkuarën e tij, ata, të cilët po shihet se kanë probleme serioze, ata duhet të disiplinohen përfundimisht nga forca e botës së qytetëruar dhe t mos lihet e ardhmja e Kosovës në mëshirën e një klase të shantazhuar dhe banditeske politike.

Edhe populli shqiptar, nëse ende është gjallë, duhet të vëhet në mbrojtje të profesorit, me këtë ju mbroni Kosovën dhe të ardhmen e juaj dhe të fëmijëve Tuaj. Pra, të solidarizohemi të gjithë me qëndrimet e drejta të Jusuf Buxhovit dhe në funksion të së mirës së përbashkët.

Serbët që u arrestuan për spiunazh në Kosovë deklarojnë se punuan me urdhër të Beogradit

Të dyshuarit për spiunazh deklarojnë se urdhrat për mbledhjen e dokumenteve i morën nga MPB-ja e Serbisë, raporton T7

Herët në mëngjes doli në terren. Bozhidar Dejanoviq nuk ndodhej në zyrën e tij në Komunën e Kllokotit.

Por për të njëjtin janë grumbulluar dokumente që destinacion kishin Serbinë.

Veçse dy bashkëkombës të tij nuk arritën që ato t’i qesin përtej kufirit të Kosovës.
VAZHDON INTERVISTIMI I “SPIUNËVE”

Prokuroria e Gjilanit ka marrë në pyetje dy serbët, nën dyshimin se dokumentet që posedonin Dalibor Dajiq dhe Trajan Trajkoviq ishin sekrete shtetërore.

Sipas informacioneve të siguruara nga T7, kjo dyshe ka pranuar se kishte presion nga Ministria e Punëve të Brendshme e Serbisë.

Madje, para prokurorit e kanë pranuar edhe vet të pandehurit.

“Nuk ka qenë dëshirë e imja, unë kam mundur ditën e nesërme ta dërgoj dokumentacionin në Vrajë, kanë kaluar më shumë se tre muaj dhe kam qenë i detyruar që ta dërgoj dokumentacionin përveç kërkesës nga MUP-i, udhëzimit me telefon të Departamentit të Arsimit, si dhe raportit të Inspektorit të Arsimit, ku ndër të tjera udhëzojnë që dosja e Bozhidarit të dërgohet në Vrajë”.

Madje, që këto dokumente të siguroheshin ka pasur edhe kontrolle nga shteti i Serbisë.

“Ne kërkesën nga MUP-i, e kemi marrë me datë 20 mars 2019 ndërsa kësaj kërkese iu kemi përgjigjur më 10 korrik 2019, pra gati katër muaj, ne e kemi pasur një frikë dhe kjo ka qenë arsyeja e vonesës”

Sipas të njëjtave burime të T7, Inspektorati MUP-it kishte vizituar shkollën “Mlladen Markiviq” në Mitrovicën e Veriut, ku Trajkoviq mban pozitën e ushtruesit të detyrës së drejtorit.

Aty ata kanë kërkuar edhe dokumente në këtë shkollë.

“Inspektori Asiq më ka thirrur mua në telefon disa herë se për se nuk po e dërgoni dokumentacionin e kërkuar, me që kërkesa e MUO-it ka qenë e datës 20 mars 2019, pra më shumë se tre muaj e gjysmë ne nuk ju kemi përgjigjur, dhe dyshoj se kontrolli i Inspektoratit të Arsimit në shkollën time ka ndodhur pikërisht për këtë arsye dhe ka qenë kërkesë e departamentit të Arsimit që na ta dërgojmë këtë dokumentacion dhe kjo sigurisht ka ndodhur për shkak të presionit të MUP-it që i ka bërë Departamentit të Arsimit në Mitrovicë. Inspektori Asiq a kam informata ka komunikuar edhe me Daliborin Dajiq, meqë Bozhidari punon në dy shkolla”

Nga organi i akuzës në Gjilan kanë konfirmuar për T7 pas intervistimit të pandehurit janë liruar me procedurë të rregullt.

Sipas tyre dokumentet të cilat këta të dyshuar kishin duhet të verifikohet se a bëhet fjalë për dokumente të klasifikuara me ligj.

Dosja, të cilën të njëjtit posedonin, e që kishin për qëllim të e dërgonin në Republikën e Serbisë, përmbante dokumentacionin e kryetarit të komunës së Kllokotit, duke përfshirë, dy diploma, kontrata kolektive dhe vendimin e fundit mbi marrëdhënien e punës. /Kaltrina Zymberi, T7.

Abdixhiku: Zaevi e vërtetoi skenarin e zi ku është përfshirë Thaçi me Vuçiqin, Erdoganin e Putinin

Deputeti i Lidhjes Demokratike të Kosovës, Lumir Abdixhiku, i ftuar mbrëmë në emisionin DPT te Fidani në T7, ka folur për telefonatën që kryeministri i Maqedonisë së Veriut, Zoran Zaev, pati me dy komikët rusë, derisa ka komentuar edhe votat e mocionit për rrëzim të Qeverisë, shkruan Gazeta Express.

Abdixhiku duke folur në T7 tha se Zaev ka shpërfaqur një skenar të zi të Kosovës, që është i orkestruar nga presidenti i Kosovës, Hashim Thaçi, me asistencë të kryeministrit të Shqipërisë Edi Rama.

“Po besoj që kryeministri i Maqedonisë Veriore me kredibilitetin e vet ndonëse me një rast të gabuar e shpërfaqi një plan që padyshim e kemi dëgjuar si skenari më i zi i Kosovës, e skenari më i zi i Kosovës duket kështu, presidenti i Kosovës, Hashim Thaçi i asistuar nga kryeministri i Shqipërisë Edi Rama, është në bisedime të drejtpërdrejta me presidentin e Serbisë, Vuçiq dhe po asistohet nga Rusia e Turqia në ndarjen përkatësisht copëtimin e kufijve të pavarësisë së Kosovës që është më e thellë se diskutimi i demarkimit dhe skenari është frikësues jo vetëm të asaj që po diskutohet në tavolinë, po veç në ëndërr me e pa dikush që është në agjendë të Rusisë duhet me u shqetësu e me e bo temë nacionale, vetë fakti që presidenti i Kosovës e kryeministri i Shqipërisë për Kosovën është rast i paprecedent dhe i trishtueshëm”, ka deklaruar deputeti i LDK-së.

Tutje, Abdixhiku ka përmendur edhe rezolutën e propozuar nga LDK-ja e Vetëvendosja, me një pikë të vetme ajo për të mos negociuar me kufijtë e Kosovës.

“Kryeministri i Kosovës ka pasur disa herë raste që të ndërpresë presidentin dhe rasti i parë ka qenë në nëntor të vitit të kaluar ku si opozitë kemi propozuar rezolutën me një rresht të vetëm, kufijtë e Kosovës janë të negociueshëm. Haradinaj nuk e ka votu këtë rezolutë, idenë se kufijtë janë të panegocitueshëm dhe e ka lënë presidentin e vendit të merret me dialogun, ai kishte thënë se nuk merret me dialog se është sport i rëndë për të. Me këtë plasim ia ka mundësuar atij të diskutojë me një agjendë serbo-ruse”, tha deputeti, derisa ka shtuar se është një marrëveshje për qeverisje që është bërë nga presidenti e kryeministri.

“Kryeministri, presidenti, kanë marrëveshje të qeverisjes dhe të ndarjes së pushteteve. Janë bashkë hisenik në qeverisjen e Kosovës, Qeveria Haradinaj sot qëndron në këmbë falë votave që Thaçi i kontrollon te PDK po edhe te partitë tjera.

Dialogu për Haradinaj është sport i rëndë, kështu ka thënë me këto kontratat e mëdha unë mirren, t’i merru me këto ndarjen e territoreve, fakti që qeveria e Haradinaj varet prej votave të Hashim Thaçit ai është i pafuqishëm, që të votojë një rezolutë me vetëm një rresht që kufijtë e Kosovës nuk negociohen nuk ka guxu me votu, kaq është guximi politik i AAK-së”, ka shtuar tutje.

Sipas tij, presidenti ka motive pse është futur me një aventurë që i konvenon Rusisë.

“Thaçi i ka motivet e veta pse futet në një avanturë që i konvenon Putinit, zhvillon takim me të për ta njoftuar dhe për të marrë bekimin e Rusisë. Motivi i tij është shumë i rëndësishëm dhe lidhet drejtpërdrejtë me Gjykatën Speciale, theksoi ai.
DPT, Lumir Abdixhiku – 11.07.2019

Deputeti i Kuvendit të Kosovës nga radhët e Lidhjes Demokratike të Kosovës, Lumir Abdixhiku, ka deklaruar se partia e tij duhet ta udhëheqë vendin. Ai ka thënë se pjesë e qeverisë së ardhshme të vendit duhet të jetë edhe Lëvizja Vetëvendosje.

“Është momentumi që, 20 vjet pas çlirimit të Kosovës, të jenë në front LDK’ja dhe VV’ja”, është shprehur ai në emisionin “DPT Te Fidani”, në televizionin T7.

Ai ka thënë se, “përkundër dallimeve” që kanë këto dy parti, ato duhet të bëhen bashkë.

“Një aleancë e tillë do të ringjallte sado pak shpresat në Kosovë. Duhet numrat nuk po funksionojnë ndryshe, ne duhet të krijojmë një front një platformë politike që i ngjall qytetarëve shpresën se po ndodh një ndryshim, në momentin që ndodhë një gjë e tillë e kemi më të lehtë shkuarjen në zgjedhje. Duhet të ndodhë fillimisht afrimi i partive politike, kjo ka ndodhë sepse kemi pas një sërë takimesh ka pas takime me LDK e VV dhe kanë nisur një sërë takimesh mes LDK e PSD-së.

Për faktin që PSD përfundimisht del nga koalicioni. Ska diskutim që prej nëntorit ka qenë pjesë e koalicionit. Pa dashur mi thumbu ata kanë prodhu shkelje kushtetuese dhe rrjedhimisht i vetmi kontribut që kanë bërë kanë dhënë arsye se duhet të bjerë qeveria”, tha deputeti.

Deputeti i LDK-së ka thënë se opozita mund të dalë me një “test mocion” kundër qeverisë së Ramush Haradinajt para shtatorit. /GazetaExpress/

Sulmet kibernetike, Kosovës i kanë ardhur nga Serbia deri te Rusia

Arton Konushevci

Krimet kibernetike përbëjnë sot një nga shqetësimet e mëdha për sigurinë në mbarë botën. Edhe Kosova ka qenë e ekspozuar disa herë nga sulmet kibernetike, të cilat kryesisht kanë ardhur nga Serbia, Bosnje e Hercegovina, Maqedonia e Veriut, por edhe nga Rusia.

Autoritetet përgjegjëse thonë se Kosova ka dhe siguron një mjedis të sigurt të hapësirës kibernetike, duke minimizuar dhe parandaluar kërcënimet kibernetike në bashkëpunim me partnerët vendorë dhe ndërkombëtarë.

Abdulselami Shkodra, zëvendësministër i Ministrisë së Punëve të Brendshme, tha për Radion Evropa e Lirë, se sikurse edhe shumë vende të ndryshme, edhe Kosova është e ekspozuar ndaj sulmeve të ndryshme kibernetike.

“Në rast të tentimeve për ndonjë sulm eventual në sistemet e institucioneve të vendit dhe qytetarëve, do të merren masat, të cilat janë të nevojshme, siç janë ato preventive dhe ato të rikuperimeve të shpejta, në rast të ballafaqimit me ato sulme”, tha Shkodra.

Sulmi kibernetik është një veprim kriminal që zhvillohet në rrjetin e komunikimit, duke keqpërdorur sistemin dhe të dhënat kompjuterike. Me një sulm të tillë, zyrtarët e Ministrisë së Punëve të Brendshme thanë se Kosova u ballafaqua në fund të vitit të kaluar, kur një nga institucionet e Kosovës ishte sulmuar nga hakerët serbë.

Zëvendësministri Shkodra theksoi se Kosova qëndron më së miri në rajon sa i përket kësaj fushe, pasi që, siç tha ai, vendi ka strategjinë kombëtare për sigurinë kibernetike si dhe Këshillin kombëtar për implementimin e strategjisë. Shkodra tha se Kosova apo institucionet e saj, në bazë të vlerësimeve, mund të kenë pasur sulme nga IP-të [Protokolli i Internetit të një sistemi] adresat e shteteve që nuk ia duan të mirën Kosovës.

“Ne kemi qenë të atakuar vitin e kaluar prej IP-ve që kanë ardhur nga vendet jo dashamirëse të Kosovës, siç është fqinji ynë verior Serbia, njëra nga IP-të që janë sulmuar institucionet e vendit ka qenë nga Federata Ruse, nga Bosnjë e Hercegovina dhe një nga vendet e rajonit Maqedonia. Të njëjtit kanë synim që të hynë në sistemet kompjuterike të institucioneve të vendit, mirëpo deri tani janë zmbrapsur me sukses”, tha Shkodra.

Ministria e Jashtme e Kosovës në dhjetor të vitit të kaluar pati njoftuar përmes një postimi në Twitter se ka qenë cak i një sulmi kibernetik.

“Autoritetet përkatëse janë përgjigjur dhe janë duke punuar për të mbajtur sistemin e komunikimit të sigurt dhe në funksion. Hetimet e para tregojnë se burimet e sulmeve kanë ardhur nga Serbia dhe Bosnja”, kishte shkruar MPJ në Tëitter.

Në organizatën joqeveritare Siguria Kibernetike dhe Privatësia, thonë se Kosova është duke bërë përpjekje për mbrojte nga sulmet e mundshme kibernetike, por, ndryshe nga institucionet e shtetit, në këtë organizatë thonë se puna lë shumë për të dëshiruar për atë që ëshët bërë deri tani.

Mentor Hoxhaj nga organizata Siguria Kibernetike dhe Privatësia tha për Radion Evropa e Lirë, se të gjithë shfrytëzuesit e internetit duke nisur nga ata individual e deri të institucionet e nivelit lokal, qendror, publik e privat janë të ekspozuar ndaj sulme të mundshme kibernetike. Sipas tij, kur flasim për ngritjen e kapaciteteve për mbrojtje nga sulmet kibernetike ende ka punë për të bërë.

“Kosova ka shumë për të bërë për tu përgatitur lidhur me sfidat të cilat e presin në fushën e sigurisë kibernetike. Momentalisht Kosova nuk është e përgatitur për sfidat aktuale në fushën e sigurisë kibernetike. Kosova është mjaft e ndjeshme ndaj sulmeve të tilla. Nuk shohim që institucionet e Republikës së Kosovës kanë marr masa serioze për tu mbrojtur nga sulmet e mundshëm”, tha Hoxhaj. Ai tha po ashtu se nga disa hulumtime dhe testime të bëra është vërejtur se shumë institucione nuk kanë ndërmarr ende masat minimale për t’u mbrojtur nga sulmet kibernetike.

“Ende është duke u punuar, ende nuk janë kapacitet e nevojshme si njerëzore ashtu edhe teknike për t’u përballur me sulme të mundshme të cilat mund t’i kenë institucionet shtetërore apo institucionet publike dhe private. Po ashtu, nëse i marrin parasysh edhe vlerësimet që i kemi bërë sa i përket nivelit të sigurisë së institucioneve publike dhe private, ne kemi bërë edhe disa kërkime të vogla dhe po them se Kosova lë mjaft për dëshiruar kur sheh se institucionet publike nuk kanë marr masat bazike”, tha Hoxhaj.

Nga ana tjetër, zëvendësministri Shkodra i hedh poshtë pohime se institucionet nuk kanë kapacitet për të punuar në ketë drejtim.

“Institucionet e vendit kanë kapacitet të nevojshme e të bollshme njerëzore në ketë rrafsh dhe të njëjtat bëjnë punën në mënyrë të përkushtuar dhe ju themi qytetareve dhe institucioneve se të njëjtat marrin masa të nevojshme që ata të jenë të sigurt”, tha Shkodra.

Kosova ka Ligj për Parandalimin dhe Luftimin e Krimit Kibernetik. Po ashtu zyrtaret e Ministrisë Punëve të Brendshme thonë se aktualisht është duke u draftuar edhe projektligji për siguri kibernetike. Ata thanë se në ligjin e ri do të përfshihen shumë segmente të cilat do të krijojnë lehtësime më të mëdha për veprim në këtë fushë.

Mos Ndëgjueshmëria Qytetare…?! – Nga Skënder MULLIQI

Ekzistojnë mendime të ndryshme , lidhur me Mos Ndëgjueshmerinë Qytetare. Disa këtë e elaborojnë si mos respektim të rendit dhe të ligjit, e shumica pajtohen se mos bindja qytetare është e domosdoshme në shtetet kur tentohet të instalohet autoritarizmi. Mos ndëgjueshmëria qytetare gjithnjë e më shumë duket së do të vjen në shprehje edhe në botën shqiptare. Ka mundësi të ketë radikalizim të gjendjës së gjerat nuk po shkojnë mirë.Mos ndëgjueshmëria qytetare në kuptimin e gjerë të fjalës , është mos bindja e pergjithshme karshi pushteteve të cilët pushtetin e shfrytëzojnë për interesa te veta , duke mos e pasur parasysh interesin e përgjithshem. Kjo mos ndëgjueshmëri qytetare , duhet të bëhët pa dhunë .Ky concept politik kërkon qytetarë aktiv dhe më mëndje të kthjelltë. Disa forma të mos ndëgjueshmerisë së qytetare janë edhe bojkotimi I institucioneve të shtetit, duke I ikur konfliktit të hapur më pushtetin. Mos ndegjueshmëria qytetare është bllokimi në një formë apo tjetër I atyre sistemeve ku qytetarët e konsiderojnë së nuk punohet si duhet, ose janë kunder interesave të tyre .Këto organizime qytetare duhet të bëhën në mënyrë të pa dhunshme , duke pasur gjithnjë para sysh jetën publike.Mos ndëgjushmëria qytetare sipas njohësve të kësaj lëmie ka gjasa për sukses nese bartësit janë njerëzit e ri, me ide të reja dhe creative, në mbrojtje të së drejtës së shkelur. Kjo arrihet gjithashtu duke pasur para sysh gjithmon synimin e dëshiruar, në të kundertën mos ndëgjueshmëria pak ka mundesi dhe gjasa për rezultate pozitive .Mos ndëgjushmëria qytetare konsiderohet si e drejtë apsolute, dhe mjet real në luftë për demokratizim të një shoqërie.Kjo nuk guxon të jetë punë stihike , iracionale , pa strategji dhe taktikë vepruese .Për një sukses të tillë janë të nevojshem edhe numrat. Sa më masovike që bëhët mos ndëgjueshmëria edhe gjasat për sukses bëhën reale.Sigurisht së këtë gjë duhet ta përcjellë edhe organizimi I mirë.Kemi shumë shëmbuj në histori të mos ndëgjueshmerisë qytetare si Rezitenca Paqësore e Gandit në Indi në luftën për pavarësi, që në shprehje ka ardhur mos ndegjushmeria në menyrë jo violente.Pastaj , kemi protestat e Nelson Mendelës në Afrikë kunder Aperteidit, Martin Luter Kingun në luftë për të drejtat e zezakeve , Revolucioni në Egjipt kunder okupimit britanik , e shumë shëmbuj tjerë në botë. Nga këndi filozofik , mos ndëgjushmëria qytetare ka për qëllim të bëhën korrigjime në ligje , si dhe të bëhën ndryshime përmbajtësore në funksionimin e institucioneve shtetërore. Ka edhe shumë interpertime të tjera. Edhe interpetimet mediatike kan ndikim në mënyren së si paraqiten kërkesat e qytetareve . Kjo nese nuk bëhët në menyrë korrekte e veshtirëson situatën në opinionin e gjerë public. Nismat e tilla të mos ndëgjushmerisë qytetare shumë lehtë mund të fragmentizohen duke u bërë të pakuptueshme për shumicën . Suksesi arrihet nese nuk kemi ngjyrime partiake e ideologjike.Potencialet e atyre që marin nisma të tilla nuk guxojnë të binë në kurtha të komoditetit .Fushata e mos ndëgjueshemerisë bëhët duke iu drejtuar qytetarëve në rrugë, në vende tjera publike , dhe duke trokitur derë në derë siq thuhet. Ne situata të tjera të metodave brutale , këto nisma futën në kurtha të lloj llojshme , edhe pushtetare .Pushteteve duhet bërë presion të madh më çdo formë demokratike të disponueshme për ndryshime pozitive …

TURBULENCAT E VERIUT TË KOSOVËS – Nga BINAK MAXHARRAJ

Çprej së kanë dalë serbet nga shpellat e Karpateve dhe dhunshëm si bishat e egra janë versul në hapesirat e Ballkanit diku kah fundi i shekullit të XII, te cilët janë ndesh me vendasit Shqiptaret, ne këto hapesira kurr nuk ka pasë qetesi. Nuk ka pas qetesi për arsye sepse Serbet me ndihmën e fares së tyre të prishtë Ruset gjithëmonë ishin agresor ndaj Shqiptareve. Kështu ndodhi ne Krizën e Lindjes të vitit 1878, kur më terheqëjën e Turqeve nga Ballkani, Serbet iu versulën Sanxhakut të Nishit e cila ishte kryesishte e banueme me shqiptare (psh.ne këtë kohë Krushumlia ishte 100%e banueme me shqiptarë, Prokupla me 80%, Nishi me 60% etj.),dhe me një mareveshje edhe më Turqit u versulen dhe një teritor me të madh së sa Kosova e sotme e banë tingllim duke shfaros çdo gjë qe ishte shqiptare. U spastruan, u banë rrafsh me tokë mbi 630 fshatra shqiptare . Qe nga ajo kohë Serbet vazhdimisht ishin agresor në trojet shqiptare. Politika pansllaviste e kishte këtë qellim të grabitë tokat shqiptare dhe ti deboj sa më shumë shqiptaret. Qe nga ajo kohë shqiptaret janë në ndjekje të vazhdueshme, u ndoqën shumë në Turqi, ua ndrruan prejardhej, u ndoqen veç qe te largohën nga këto troje qe te mos kët më shqiptar. Kështu sot vetem në Turqi jetojnë mbi 5 milion shqiptar,pra me shumë se sa ne Kosovë e Shqiperi.

Politika serbomadhe vazhdimisht ka qenë agresive jo paqesore me Shqiptarët.Kështu me vonë  Shqiptaret edhe u ndanë më dhunëu ne disa shtete veq qe të mos jenë të bashkuar dhe të fortë në Ballkan.Politikë të këtillë ka qenë edhe në kohën e mbretesisë slave ku shqiptaret ishin në shënjestër të zhdukëse se tyre,por kjo vazhdoi edhe në ish-jugosllavisë ku shqiptaret vazhdimisht ishin në fokus të ndjekjes dhe zhdukes së tyre.Mjafton të përmrndet politika e Titos dhe e Aleksandër Rankoviqit e cila i presekutonte dhe vazhdimisht i ndiqete shiptaret që të shpërngulëshin për në Turqi,bile ka pas edhe Mareveshje më Turqin,por edhe projekte Serbo-Medha për debimin e shqiptareve nga trojet e veta.

Se sa ishte agresive dhe jo kurr miqesore politika pansllave ndaj Shqiptareve e tregon fakti edhe tragjedia dhe zullumi,vrasjet që i bani  Sllobodan Millosheviqi ne luften e fundit në Kosovës ku i masakroi mbi 13 shqiptare,Kosovën e bani tokë të djegur,prdhunoi me mije qe qindra vajza,motra dhe nat tona,i deboj nga Kosova mbi 800 mijë shqiptare,vetem për një qellim të caktuar ta mbajë Kosovën pa shqiptare.Por e pesoi keq erdhi deri të Kryengritja e shqiptareve me UÇK dhe me intervenimin e NATO ne krye me Amerikën dhe Kosova disi shpetoi duke u pavaresue dhe sot është shtet i pavarur.

Por,kjo pavarësi sikur është më bishtë,sepse duke e patur parasysh synimin shekullor të Serbisë për me grabitë toka shqiptare,si ne te kaluarën dhe synim të vetin shumëvjeçar e kishte që më çdo kusht të mos e leshoi Veriun e Kosovës për shkak të pasurive të mëdha që gjenden aty.

Mu për këtë arësye fillë pas luftës ndodhën dy ngjarje shumë të dhembshme për Kosovën.E para,me 2-3 shkurtë 2000 ndodhi tragjedija kur në Mitrovicë ndodhi e papritura kur Oliver Ivanoviqi kishte nisë luftën për spastrimin etnik të Mitrovicës.Ate natë bandat çetnike serbe vran me shtra shqiptar dhe plagosën me qindra të tjerë qe nuk donin ti leshonin shtepite e tyre.Por dhuna e bani të vetën me ndihmën e KFOR-it Françez qe ishte instalue qellimshëm ne Veri.Ate natë edhe u përzunë nga Veriu në jugun e Mitrovicës mbi 15 mijë shqiptar të cilët edhe sot e kësaj dite jetojnë si refugjat në shtetin e tyreTë nesermën u panë rojet e Urës në Mitrovicë e cila nenkuptonte edhe ndarjen e Veriut.

Kurse,e dyta ka te bajë së menjëherë pas luftës shumë shqiptare ia mesynë të këthehen në shtepiat e tyre në Veriun e Mitrovicës por u ndaluan nga KVOR-i Françesz,por kësaj i ndihmoj shumë edhe Hashim Thaçi dhe Kadri Veseli të cilët ishin prezent aty gjoja për ta çetesuar situatën,por ishte planë që mos te këthehn shqiptarët, ti pengonin shqiptarët te këtheheshin në shtepit e tyre.Kjo u ba ne mbikqyrjën e fort te Sherbimit sekret Françës DGSE nen derigjimin e Agjetit Françes Danjear Arnaudi i ndihmuar edhe nga Hashim Thaçi pasiqe Hashim Thaçi ishte agent i këtij sherbim,por edhe i UDB-ës.

Në këtë menyrë filloi ndarja e Veriut të Mitrovicëes,ajo së shpejti u mbush më serb te ardhur nga Serbia të cilët shumë prej tyre ishin edhe kriminel.Çdo gjë shqiptare u zhduk sa qelë e mshelë syt,aty u instalu edhe Car Llazari,nga aty u largu Aden Jashri,çdo gjë frymonte serbisht,me simbole,me mbishkrime,etj.njeriu kishte përshtypjën së je ne Serbi e jo në Kosovë.Aty filloi krimi i organizuar sepse ishte tokë qe nuk vepronin ligjet,por çdo gjë atje dirigjohëj nga Beogradi e jo nga Prishtina.Kështu,Bergradi nenmbikqyrën e çetnikut Presidentit të Serbisë Alesandër Vuçiq e mori mbikqyrjën e plotë te Veriu të Kosovës e cila tani po dirigjohet nga Lista Serpska.

Pse ndodhë kjo ne Veriun e Kosovës.Mbajtja dhe mndësisht shkeputja e Veriut të Kosovës ishte anderr e moçme serbe.Serbisë nuk i hanë palla për serbet e Veriut të Kosovës,por hallin e ka për pasurit e sajë qe janë më te mëdhajat ne Evrope e më gjertë.Sipas anlistvev dhe eksperteve ndërkombetar vlera e Veriut të Kosovës është më e madhe se sa dy herë e gjysmë krejtë Serbia.Pra,Serbija është ne gjendje të bejë çmos qe Veriun e Kosovës ta marr,për këtë u zhvilluan edhe bisedimet ne dialogun me Serbinë ku çarqet e caktuar pro slave ruse-serbe e shantazhuan Hashim Thaçin qe te bisedoj edhe për kufijt e Kosovës,pra për ndarjën e Kosovës .Hashim Thaçi për disa kohë nuk e lëshonte nga goja tërmet ndarje,copëtim dhe korigjim të kufijve.E bente këtë sepse ishte i shantazhuar më shumë dosje nga Serbia për të kasluarën e tij,pra më fjaë tjera Hashim Thaçi ishte rob i Serbisë.Por,shpresën për ndarjën e Kosovës ia shuajti Angela Mërkel ku i tha haptas së nuk ka korigjim e as ndarje të Kosovës.Por ky hala nuk bindet me këtë,fillon të vazhdoi të punoi në këtë drejtim.

Sërbija nuk heq dorë kollaj nga Veriu i Kosovës,ajo e luan lojën e djallit qe ti instrumentalizoi serbët e veriut me skena të ndryshme,protesta,venje e pengesa në rrugë,për mospërfilljën e ligjeve dhe Kushtetutës së Kosovës por vetm at të Serbisë,e pengon Kosovën qe te inkuadrohet dhe pranohet në instittucionet ndërkombetare etj.Mu për këtë arësye Qeveria e Kosovës u detyrua qe Serbisë të ia venë taksën 100% në mallrat qe hyjnë në Kosovë.Taksa edhe u ba mollë sherri midis Kosovës dhe Serbisë.Kosova nuk lëshon per në mbajtën e taksës kurse Serbia e bojktoton dialogun dhe e kushtëzon nisjen e sajë me heqëjën e takses.Bile i alarmaoi edhte të gjitha institucionet ndërkombëtare së pa u hequr taksa nuk ka dialog më Kosovën.Por Kosova nuk ëlëshonë pe.

Dua të theksoi këtu se taksa është vetem si preteksë,është vetem si pasojë,kurse shkaku dhe arësyeja qendron diku tjetër që ta tregoi Kosovën si problematike me te cilën nuk mund të bisedohet në dialog.Qellimi kryesor,siç theksova edhe m pare është jo taksa,por teritori i Veriut të Kosovës në te cilin të krijoj sa më shumë eksese,probleme për ta bindë Bashkësinë nderkombetare se i vetmi qe e vetmja zgjidhje është ndarje e Veiut të Kosovës.Këtu është qellimi i Serbisë dhe ky ka qenë përgjithëmon qe të krijojë situat dhe skenare të ndryshme për ta treguar gjoja gjendjen e mjerueshme të serbeve të jetojnë ne Veriune Kosovës.

Në këtë vazhdë në shenjë proteste Serbia e inskenoj edhe sihariqin e fundit protestën e serbeve për mungesën e mallërave ushqimore si pasojë e takëses 100%.U mbyllën,sipas direktives së Beogradit,të gjitha dyqanet ushqimore,kiosqet,furrat,pompat e benzinave,u mbyllën kafiterit,lojrat e shumë gjëra të tjera,jo pse nuk kishte mallra,sepse ato depërtonin gjithëlsesi nga Sërbia,por mallërat më qellim u hoqen nga shitorte dhe dyqanet,kiosket,për te kijuar situatën se Serbet e Veriut po vuajn edhe nga uria.Pra,më fjal tjera u paralizu e tërë jate në Veri për te dramatizu çeshtjën e taksës edhe më shumë.

Pra,nuk është hera e parë qe Serbia inskenon skena të këtilla.Këtyre skenarëve nuk u beson më askush,bile as ndërkombëtaret.Këtë tambulencë serbia e banë me qellim se a mos po mundet qe edhe në këtë mënyrë ta heqë taksën.Foret e Serbisë nuk i hanë më askush,ato janë sos,nuk kanë efekt.Nuk ësht taksa ajo e cila po e pengon serbin,sepse taksat doganore janë të zakonshme midis shteteve,por Serbija përmes takses mundohet më e zbutë situatën aspak situatën e vshtirë qe e ka,me plorë pritesta të përditeshme qe kërkojnë dorëhqjën e Vuçiqit.Udheheqëja e Serbisë e cila aspak nuk dallon nga ajo e Millosheviqit nuk e ka qellimin e takses por problemin e ka aty se nuk mund të pajtohet më humbjën e Kosovës,qe si preteks e ka se siç thoë Vuçiq n”nuk mund te arrijmë një mareveshje me shqiptarët pa marr diçka Serbia,pra pa e marr Veriun e Kosovës,dhe mu për këtë arsye lidershipi i Serbisë nuk mund te gjejë zgjidhje tjetër demokratike për një Maraveshje demokratike te njohjës së Kosovës në kufijtë ndërkombëtarisht të pranuar.Dhe Serbija me këtë lidership pasardhës të Millosheviqit nuk është ne gjendje këtë ta bëjë,dhe mu për këtë arësye edhe nuk guxon te vazhdoi deialogun

Jusuf Buxhovi: Lufta e UÇK-së nuk ka qenë e pastër

Historiani Jusuf Buxhovi, në një intervistë të emisionit Rubikon, u ftua të flas rreth disa temavë shumë të ndishme në opinionin publik. Kryesisht u diskutua rreth vrasjes së 102 anëtarëve të LDK-së pas luftës dhe marrja e pushtetit nga UÇK-së pas luftës ishte një puç.

Në intervistë e sipër, Buxhovi tha se UÇK-ja nuk ishte e pastër sepse janë vrarë mbi 100 zyrtarë të LDK-së

“UÇK-ja nuk ka qenë e pastër. Ka qenë e drejtë, por ka pasur shumë gjëra të këqija. Janë vrarë mbi 100 zyrtarë të LDK-së”, ka thën Buxhovi.

Shkrimtari Buxhovi gjithashtu ka komentuar edhe ndërkombëtarët dhe rezolutën 1244.

“Në Kosovë ka ndodh një fenomen shumë interesant sepse faktori ndërkombëtarë është kujdes që Rezoluta 1244 të sjellë një infrastrukturë demokratike në një shtet të lirë ku çlirimi të kthehet në liri dhe çlirimi të kapet nga çlirimtarët dhe për këtë fajin më të madh e kanë faktori ndërkombëtar”, ka shtuar Buxhovi.

Maloku pasi u ftua nga Tribunali: Djemtë e mi i nxora jashtë vendit, s’munda t’iu siguroj kushte në Kosovë

Ish-eprori i UÇK-së, Naim Maloku, ka njoftuar sot se është ftuar nga Gjykata Speciale e Hagës në cilësinë e dëshmitarit. Këtë njoftim ai e ka dhënë nga Sllovenia, pasi atje është duke u rikuperuar pas një operacioni që ka pasur.

Teksa ka folur për situatën në Kosovë, Maloku ka treguar se tre dejmtë e tij janë detyruar që të largohen drejt shteteve të huaja, pasi nuk kanë arritur të gjejnë zgjidhje në Kosovë.

“Tre djemtë e mi janë jashtë Kosovës. Unë s’kam mujt me iu bo zgjidhje në vendin e vet, janë detyru me u largu”, ka thënë Maloku në infomagazinë.

Ndër të tjera ai ka thënë se e respekton vendimin e Kuvendit të Kosovës për themelimin e Tribunalit, dhe ka treguar se do t’i përgjigjet ftesës së Gjykatës Speciale.

“Unë e respektoj vendimin e Kuvendit të Kosovës për me e themelu tribunalin. Do ta respektoj dhe do t’i përgjigjem ftesës”, ka potencuar Maloku.

Ai ka treguar se momentalisht është duke u trajtuar në spitalin onkologjik në Ljublanë, duke shtuar se nuk ka mundësi të shkojë në Hagë.

“Aktualisht jam duke u trajtuar në spitalin onkologjik në Ljublanë, nuk kam mundësi me shku në Hagë, por jam i gatshëm me iu përgjigj atyre kurdo që e shohin të arsyeshme”, shton tutje Maloku.

Për Gjykatën Speciale thotë se është mirë që të fillojnë proceset sa më parë, dhe të mbyllet një herë e mirë ajo çështje. Sipas tij aty do të dalë e vërteta për luftën çlirimtare të UÇK-së.

“Gjykata Speciale tashmë masi është votu nga Kuvendi i Kosovës, mendoj që sa më parë të fillojnë proceset është më mirë. Që të dalë e vërteta për UÇK-në, ka qenë luftë clirimtare, sepse nuk kemik pasur rrugë tjetër, përvec rezistencës së armatosur. Kemi luftuar në vendin tonë, nuk kemi shkuar në ndonjë vend tjetër për t’i djegur kishat apo shtëpitë. Kemi luftu me e heq ushtrinë dhe policinë serbe nga Kosova”, ka thënë ndër të tjera Maloku./GazetaExpress/

Haradinajt i kërkohet ta marrë pësipër udhëheqjen e dialogut

Arton Konushevci

Kryeministri i Kosovës, Ramush Haradinaj është vënë në thumb të kritikave të opozitës dhe analistëve politikë, për shkak të, siç thuhet, hezitimit të tij për të marrë rolin prijës në përfaqësimin e Kosovës në fazën e ardhshme të dialogut me Serbinë. Sipas opozitës, por edhe njohësve të zhvillimeve politike në Kosovë, që nga aktvendimi i Gjykatës Kushtetuese për të shpallur jokushtetues Ligjin për delegacionin e Kosovës në bisedimet me Serbinë, është qartësuar se kompetencën dhe përgjegjësinë ligjore për ta udhëhequr dialogun e ka kryeministri i Kosovës, në konsultim me presidentin.

Në kabinetin e kryeministrit Haradinaj, thonë se nuk ka hezitim për të marrë përsipër udhëheqjen e dialogut, por rikujtohet se Haradinaj po kërkon një konsensus të gjerë në lidhje me këtë proces.

Këshilltarja për media e kryeministrit, Ramush Haradinaj, njëherësh edhe zëdhënëse e Qeverisë së Kosovë, Donjeta Gashi, tha për Radion Evropa e Lirë se kryeministri Haradinaj asnjëherë nuk i ka ikur përgjegjësisë për dialogun. Ajo tha se kryeministri konsideron se Kosova nuk ka kohë për të humbur, por nga ky proces duhet të ketë rezultate konkrete.

“Nuk është hezitim sa i takon anës së kryeministrit, por është insistim që për çështjet madhore që kanë të bëjnë me definimin e të gjitha aspekteve me shtetin serb, të ketë gjithëpërfshirje dhe të ketë një dialog përmbajtjesor, një dialog të kornizuar që çon në njohje reciproke, në një marrëveshje finale ligjërisht të obligueshme në kufijtë ekzistues”, tha Gashi.

“Ky është qëndrimi i kryeministrit dhe në vazhdimësi për këtë qëndrim ai ka ftuar të gjitha palët në Kosovë që të ulen në tavolinë dhe të bashkohen sa i përket çështjes së dialogut me Serbinë”, theksoi zëdhënësja Gashi.

Kryeministri i Kosovës, Ramush Haradinaj ka deklaruar disa herë se për çështje të mëdha e të rëndësishme siç është dialogut me Serbinë, duhet të ketë një angazhim të të gjitha partive politike. Haradinaj ka thënë se një marrëveshje kornizë për bisedimet ndërmjet Kosovës dhe Serbisë është më se e domosdoshme.

Në anën tjetër, Jeta Krasniqi, njohëse e procesit të dialogut politik ndërmjet Kosovës dhe Serbisë nga Instituti Demokratik i Kosovës, thotë për Radion Evropa e Lirë se udhëheqësit e institucioneve nuk duhet të ikin nga përgjegjësia. Krasniqi tha se të gjitha obligimet kushtetuese duhet kryhen nga krerët e institucioneve të cilat kanë marr përsipër udhëheqjen e vendit.

“Dialogu Kosovë Serbi nuk është çështja apo tema më atraktive, është një çështje e vështirë dhe mund të ketë edhe një kosto politike, por derisa kemi institucione, derisa ka përfaqësues të institucioneve, ata duhet të kenë përgjegjësinë për të marrin edhe koston politike”, tha Krasniqi.

“Kjo çështje nuk ka të bëjë me preferenca apo dëshira nëse duan apo jo, kjo ka të bëjë me obligime dhe në momentin që personat e caktuar marrin përgjegjësinë për të udhëhequr dikasteret e caktuara”, tha Krasniqi.

Sipas saj, çështja e dialogut me Serbinë, duhet të ketë një konsensus gjithëpërfshirës, pasi që ky proces dhe një marrëveshje eventuale duhet të votohet në Kuvendin e Kosovës.

“E vetmja mënyrë, pavarësisht se kush është në pushtet, që të ecet përpara është përmes ndërtimit të një konsensusi politik për faktin se marrëveshja eventuale duhet të votohet në Kuvend me dy të tretat e votave”.

“Meqë është një çështje kaq delikate dhe e rëndësishme duhet të ndërtohet një konsensus që në fazën fillestare. Ajo që është për ne relevante dhe duhet të merret seriozisht nga krerët e institucioneve, ky konsensus duhet të ndërtohet brenda kornizës kushtetuese”, tha Krasniqi.

Aktualisht, procesi i dialogut ndërmjet Prishtinës dhe Beogradit, në formatin e udhëhequr nga Bashkimi Evropian, është i bllokuar. Ndërkaq, një tentativë e re për t’i vazhduar takimet, është provuar të lansohet nga kancelaria gjermane Angela Merkel dhe presidenti francez, Emmanuel Macron, por e cila po ashtu nuk ka rezultuar me vazhdimin e dialogut.

Për të vazhduar dialogun në Bruksel, Beogradi ka vendosur si kusht heqjen e taksës doganore prej 100 për qind, të cilën Qeveria e Kosovës e ka vendosur për të gjitha importet nga Serbia dhe Bosnje e Hercegovina.

Por, autoritetet në Prishtinë kanë deklaruar se taksa 100 për qind ndaj mallrave serbe, nuk paraqet pengesë për vazhdimin e dialogut, por pengesa qëndron në mungesën e gatishmërisë së Serbisë për ta njohur Kosovën.

Në anën tjetër, Shtetet e Bashkuara të Amerikës kanë ritheksuar se e mbështesin dialogun ndërmjet Kosovës dhe Serbisë, të lehtësuar nga Bashkimi Evropian. Zyrtarët e lartë amerikanë kanë thënë se është fundamental për të ardhmen e të dyjave vendeve, Serbisë dhe Kosovës, që të gjejnë një rrugë për të normalizuar raportet.

Edita Tahiri: “Mogherini u fut në aventura të cilat mund të sillnin luftë në Ballkan”

Edita Tahiri, ish-kryenegociatorja e Kosovës për bisedimet me Serbinë, thotë se përfaqësuesja e lartë e BE-së, Federica Mogherini, deri para një viti ka mbrojtur parimet evropiane në Ballkan, përderisa së fundmi i ka shkelur pikërisht parimet e tilla, duke hyrë në aventura, të cilat do të mundë të sillnin luftë në Ballkan

Ish-kryenegociatorja e Kosovës për bisedimet me Serbinë Edita Tahiri disa herë është takuar në Bruksel me përfaqësuesen e lartë të Bashkimit Evropian për Politikë të Jashtme dhe Siguri, Federica Mogherini, me ç’rast ka krijuar vlerësime të ndryshme për punën pesëvjeçare të kryediplomates evropiane.

Sipas saj, deri para një viti Mogherini ka mbrojtur parimet evropiane në Ballkan, përderisa së fundmi i ka shkelur pikërisht parimet e tilla.

“Nga përvoja ime që kam pasur me zonjën Mogherini, deri para një viti ajo ka qenë në mbrojtje të parimeve evropiane në Ballkan e të cilat kanë qenë që gjashtë vendet e Ballkanit, duke përfshirë edhe Kosovën, të bëhen anëtare të BE-së. Mirëpo se çfarë ndodhi në vitin e fundit dhe pse ajo shkeli parimet evropiane e doli në disa aventura, të cilat do të mundë të sillnin luftë në Ballkan, këtë nuk e di”, thotë Tahiri për gazetën “Zëri”.

Pasardhësi i Mogherinit pritet të jetë kryediplomati spanjoll Josep Borrell.

Aklamacionistët e LDK-së i dhanë vulën e turpit procesit zgjedhor! – Nga Florim Zeqa

Mbase me efektin e shkrimit autorial “Lidhja” që po e rrënon në themel LDK-në e Rugovës, të datës 23.06.2019, arrita të rikthejë tri shkronjat e arta në kuvendet e fundit zgjedhore të degëve të LDK-së, por jo edhe frymën rugoviane.

Aklamacioni, e kundërta e votës së lirë

Zgjedhja me aklamacion e kryetarëve nëpër degët e LDK-së, përveqse dhunim i demokracisë, paraqet shkelje statutore dhe shpërfillje të vullnetit te elektoratit.
Aplikimi i praktikave moniste në sistemin demokratik i ngulfati reformat dhe pengoi dryshimet aq të nevojshme në subjektin më të vjetër politik në Kosovë.
Vota e fshehtë si instrument demokratik, përveqse do t’i jepte ngjyrim të mirë procesit zgjedhor, do te krijonte besueshmëri më të lartë për kryetaret e rinjë (të vjetër) të degëve të LDK-së.
LDK-ja si parti më e vjetër e skenës politike, do duhej të ishte shembull për subjektet tjera dhe udhërrëfyese e zhvillimeve demokratike ne vend.
Jam i bindur se shumica e kryetarëve të sapozgjedhur do të fitonin edhe përmes votës së fshehtë, por jo edhe votat maksimale siq ndodhi me aklamacion.
Me këtë mënyrë antidemokratike të zgjedhjes, gjegjësisht të shmangies së votimit, aklamacionistët dhe puçistët në LDK frocuan akoma më shumë pozitat e tyre, duke u dëshmuar se janë vërtetë uzurpatorë të gjithëpushtetshëm në këtë subjekt politik.
Aklamacioni, përkatësisht shmangia nga vota e fshehtë është praktikë e regjimeve totalitare, gjegjësisht e diktatorëve dhe uzurpatorëve të pushtetit.
Mbrojta e “aklamacionit” duke u thirur në elasticitetin e statutit (të parenovuar) të partisë, është mbrojtje e klaneve mafioze dhe pengimit të reformave në këtë subjekt politik.
Zgjedhjet nëpër degë, dëshmuan se LDK-ja as kësaj radhe nuk arriti të reformohet, këndellet e forcohet ashtu siq e dëshironte elektorati i saj, përkundrazi u bunkerizua akoma më shumë pas liderit diktaorial të partisë.
Përfundimisht, me këtë produkt të zgjedhjeve të brendshme në LDK, më këto struktura udhëheqëse, më këto figura përverse politike, më shumë biznesmen milionerë sesa udhëheqës politikë, LDK-ja nuk ka gjasa të fitoj zgjedhjet në nivel vendi, kurdo që të mbahen ato (vjeshtë apo pranverë), për shkak se të sapo zgjedhurit janë figura të konsumuara, jo kredibile, të dështuara dhe të urryera nga elektorati rugovian dhe ai kosovar në përgjithësi.

“Ugiçët” ua zunë frymëm të rinjëve entuziast

Pothuajse në të gjitha degët e LDK-së u rizgjodhen kryetarët paraprakë, anipse shumica prej tyre janë humbës serik të zgjedhjeve komunale. Kjo rujatje e vazhdimësisë së humbësve serik të zgjedhjeve u bë për qëllime “madhore” të liderit të partisë, pasi edhe ai është humbës serik i katër plaë zgjedhjeve, por që i shërben atij për vazdimin e sundimit në parti dhe rritjen e ambicies për rikthim në pushtetin qendror.
Ndryshimet e vogla kozmetike që ndodhën në disa degë, po ashtu u bënë më direktivat e liderit të partisë, siq ishte rasti i Prizrenit. Në ishte kjo zgjedhje me marrëveshje apo pazar politik, mbetët të shihet më vonë.
Marrë në përgjithësi kryetarë të degëve u rizgjodhën “ugiçët” e LDK-së, duke ua zënë frymën të rinjëve entuziast, vullnetmirë dhe shpresëdhënës për këtë subjekt.
“Gjithçka u krye me aklamacion, pa asnjë lloj votimi…, gjithçka ishte përgatit për të penguar ndryshimin…, delegatët u ndanë të dëshpruar…, kështu e paska “demokracia”…, nuk na ka mbetur tjetër vetëm të shkojmë në Vetëvendosje…, t’i ndihmojmë Albinit, se i vetëm nuk mund të bëjë gjë, për shkak se strukturat e LDK-së nuk e duan ndryshimin, por vazhdimësinë e qeverisjes me partnerin e vjetër (PDK-në), përfundon rrëfimin delegati që nuk arriti ta bëjë ndryshimin e dëshiruar në një degë të LDK-së!
Deri në këtë situatë e kanë sjellë elektoratin rugovian grupet e interesit në LDK.
Kështu, LDK-ja, dikur parti e besës dhe shpresës së shqiptarëve të Kosovës, po zbehet e po zhbëhet shkaku i monopolit dhe privatizimit të kësaj partie nga grupet e interesit dhe urithët e nëntokës së saj.
Si produkt i kësaj situate, zgjedhjet e brendshme në LDK, përveq parregullsive dhe jo legjitimitetit për shkak të dhunimit të votës së lirë, janë shndërruar në maskaradë mashtruese dhe fyese për elektoratin rugovian.

Tradita e mashtrimit vazhdon…

Nga zgjedhjet në zgjedhje, kemi përseritje të së njëjtës “këngë”, pra kemi rizgjedhje dhe vetëm rizgjedhje me aklamacion të figurave të njëjta në krye të partisë, duke e privuar në tërësi elektoratin nga zgjedhja përmes votës së lirë.
Në kuvendet zgjedhore të degëve parregullsia e parë fillon zgjedhjen e kryetarit me aklamacion dhe pa asnjë kundër kandidatë, për të vazhduar me propozimet e kandidatëve për anëtarë të kryesisë dhe për delegat në Këshillin e Përgjithshëm, përkatësisht në kuvendin qendror zgjedhor, kur 70 përqind e të propozuarëve shkojnë drejtëpërdrejtë nga kryesitë e degëve, për të vazhduar me propozimet e njerëzve të tyre edhe për 30 përqindëshin e mbetur, duke i vendosur kështu delegatët para aktit të kryer.
Për të evituar kalimin eventual të ndonjë kandidati jashtë rrethit klientelist të kryetarit, pas kryerjes së votimit të fshehtë për kryesi dhe KP, bëhet po ashtu numërimi i fshehtë i votave, përkatësisht futja e listës nën tavolinë dhe nxjerrja e listës tjetër të përgatitur paraprakish nga grupet e interesit në kryesi.
Kjo është e vërteta e hidhur e ruajtjes së vazhdimësisë së kapjes dhe uzurpimit të LDK-së nga grupet e interesit. Për të qenë ironia edhe më e madhe, pas arritjes së cakut, eskponentët e sapozgjedhur dalin në opinion dhe tallen me elektoratin me slloganin e njëjtë “Tradita vazhdon” (tradhtia vazhdon)!
Për fund, kuvendi qendror zgjedhor i LDK-së, nuk do të jetë më shumë dhe as më pak sesa reprizë e kuvendit të VIII-të dhe përseritje e zgjedhjeve të fundit nëpër degë!

Intelektualët i përkasin popullit, jo pushtetarëve! – Nga Florim Zeqa

 

Tendenca e përfitimit nga vlerat e të tjerëve është njëra nga dukuritë më të shëmtuara të politikanëve (pushtetarëve) të pasluftës.
Ndarja dhe klasifikimi i intelektualëve jo për nga veprat dhe meritat, por nga përkatësia ideologjike, nga kundërshtia apo dëgjueshmëria është produkt i kusarëve politikë që nuk shohin përtej hundës së tyre.
Çdo ditë jemi dëshmitarë të organizimit të përvjetoreve nën patronatin e presidentit dhe kryeminstrit, kohëve të fundit edhe të organizimit të ceremonive të varrimit të familjarëve të njerëzve të pushtetit me para të shtetit, por asnjëherë deri më tani nuk janë bërë publike shumat e shpenzuara për rastet në vaçanti apo në përgjithësi nuk janë bërë publike lëvizjet financiare nga Ministria e Financave për këto destinacione.
Arka e shtetit është gjithnjë e hapur për njerëzit e pushtetit, ndërsa është e mbyllur për njerëzit që kanë kontribuar më së shumti për shtetin.
Kështu, pushtetarët me paratë e shtetit i ndajnë dhe diskriminojnë qytetarët e vendit; në qytetarë të rangut të parë, të dytë, të tretë e kështu më radhë.

Ndarja e intelektualëve, produkt i pushtetarëve

Brenda 10 ditësh na ikën nga kjo botë dy intelektualë të spikatur, dy atdhetarë të devotshëm, dy penda të krijimtarisë letrare dhe publicistike.
Mjerimi më i madh i një pushteti është ndarja e dëshmorëve dhe intelektualëve në baza partiake dhe ideologjike. Sikurse dëshmorët dhe heronjët që janë të popullit dhe vetëm të popullit, edhe intelektualët i përkasin popullit e jo pushtetarëve.
Pra vetëm brenda 10 ditësh në Kosovë u shuan tri figura të jetës politike, publicistike, letrare e kulturore (Rrok Berisha, Gani Sylaj dhe Xhemshit Duriqi), por që nuk u trajtuan njëjtë prej pushtetarëve, dy prej të cilëve janë pjesë e kësaj analize.
Njërit prej tyre (Rrok Berishës) ceremonia e varrimit iu krye vetëm prej familjes, por me pjesëmarrjen e shumë atdhetarëve, i injoruar nga mediat (e pushtetit) dhe pa pjesëmarrjen e pushtetarëve, ndërsa tjetrit (Gani Sylajt) nën patronatin e presidentit dhe mbështetjes së fuqishme mediale.
I pari është gazetari i njohur dhe publicisti Rrok Berisha, i cili ndërroi jetë më 26. 06. 2019, ndërsa i dytë është idealisti dhe politikani Gani Sylaj që ndërroi jetë më 04.07.2019.
Nëse i referohemi biografisë së këtyre dy figurave të shquara të kombit, kemi të bëjmë me dy profile intelektualësh të përmasave kombëtare.

Kush është Rrok Berisha!?

I pari, Rrok Berisha i lindur më 5 gusht të vitit 1956 në Gllogjan të Lugut të Baranit. Shkollën fillore e kreu në vendlindje, gjimnazin në Prishtinë, studimet në FSHNM, për Biologji – Kimi. Gjatë shkollës së mesme boton vargjet e para poetike, në gazetën e shkollës dhe në revistën “Zëri i Rinisë”. Gjatë studimeve ishte bashkëpunëtor aktiv i gazetës studentore “Bota e Re”. Nga viti 1978 – 1990 ka punuar gazetar në RTP ( Radiotelevizionin e Prishtinës). Rrok Berisha ka bashkëpunuar ngusht me QIK-un, gazetën “Bujku” dhe “Informatorin“.
Nga ajo kohë e deri në fund të jetës së tij, Rrok Berisha ishte marrë me gazetari dhe publicistikë, përkatësisht me shkrime politike të botuara kryesisht në gazetën “Bota Sot” dhe portalet e kohës.
Rrok Berisha, gazetar, politikan dhe poet, me pendën e tij luftoi të keqën dhe mbrojti interesin e popullit të tij.
Rrok Berisha ishte edhe ndër themeluesit e Partisë Shqiptare Demokristiane. Në zgjedhjet e marsit 1998, Berisha ishte zgjedhur deputet i Parlamentit të Kosovës (për zonën e Lugut të Baranit, nga PSHDK-ja).
Berisha kishte ndihmuar në sistemimin dhe organizimin e njësiteve operative të UÇK-së në Dukagjin, të oficierëve të FARK-ut. Ai ka qenë i caktuar drejtor për informim në Zyrën e Brigadës 131 të njësive operative të UÇK-së në Baran, përkatvsisht ushtar dhe shef i Zyrës për Informim i Njësive Operative të UÇK-së-Brigada 131 “Adrian Krasniqi”, Baran i Ultë (Pejë).
Rroku dha kontribut në ndërtimin e Institucioneve paralele të Republikës se Kosovës, që ishin e vetmja mënyrë e funksionimit të jetës e veçmas në segmentet e arsimit dhe shëndetësisë. Rroku dhe familja e tij shquhen edhe për në ndihmën humanitare, për mbijetesën fizike të kombit në aksionin e gjërë–familja ndihmon familjes dhe aktiviteteve të ndryshme dhe jo vetëm, shtëpia e tij në Gllogjan (Lugu i Baranit) ishte bazë e aktiviteteve-kombëtare e politike, i kishte gjithmonë dyert e hapura per aktivitete politike, kulturore dhe arsimore, ishte vend strehim i qindra e qindra te shpërngulurve nga vatrat e luftë.
Pas masakrës së Kralanit në shtëpinë e Rrokut për një kohë qëndruan mbi 55 gra e fëmijë nga fshatrat Brojë e rrethinë të Skënderajt.
Në këtë shtëpi gjetën strehim, ushqim dhe qetësi shpirtërore shumë familje shqiptare në përiudhën e parë të luftës, derisa forcat çetnike serbe e kallën me mjete djegëse, me 4 gusht 1998-të. Shtëpia e Rrokut ishte vendtakim i faktorit politik dhe ushtrarak i të dy krahëve të UÇK-së.
Më 3 korrik 2010, Rrok Berisha jep dorëheqje nga të gjitha postet partiake dhe i perkushtohet krijimtarisë letrare dhe publicistikës”.
Nga krijimtaria letrare e Rrok Berishës veçojmë si në vijim;
Vëllimet poetike: “Ti aty mbush ujë”; “Kërkimi i vetvetes”; “Vetmia e udhëtimit”; “Larg e Afër”; “Shpirti i dritës së amshuar” ( poezi kushtuar Nënë Terezës, shqip- anglisht); “Akuarelet e Shpirtit” “Kujtimet e varura” dhe “Pesha e Hapit”.
Vëllimet publicistike: “Krimbi në mollë”; “Bardh e Zi”; “Kukullat”; ”Shitësit e Mjegullës”; “Argatët e Dreqit”. “Letër Jo e Zakonshme” (memoare dhe pjesë ditari nga koha e kaluar dhe periudha e luftës); si bashkautor me Mikel Gojanin monografinë ”Anton Frrokaj – në piedestalin e përjetësisë”.

Kush është Gani Sylaj!?

I dyti, Gani Sylaj u lind me 14 janar 1952, në fshatin Kishnarekë, Komuna e Drenasit, ish Gllogoc. Shkollën fillore e ka nisur në Kishnarekë, ndërsa e ka përfunduar në Komoran. Në Prishtinë ka mbaruar Shkollën e Mesme Normale në vitin shkollor 1971/72. Në vitin 1973 regjistron degën e Filozofi-Sociologjisë në Fakultetin Filozofik, të cilin e ndërprenë në vitin 1974, kur i përkushtohet tërësisht organizimit ilegal në Grupin Revolucionar të Kosovës. Në vitin 1979 burgoset dy muaj për kundërvajtje, në Gjykatën komunale në Drenas, ish Gllogoc. Pa mbaruar këtë dënim, në Burgun e Prishtinës, dërgohet në Burgun e Shkupit, ku në vitin 1980 dënohet me 4 vjet burgim. Fillon vuajtjen e dënimit në Burgun e Idrizovës, në Maqedoni deri në shkurt të vitit 1982, kur Sigurimi jugosllav e transferon në Burgun e Prishtinës, për ta dënuar me 12 vjet burg, të cilat i mbajti në burgun e Mitrovicës dhe në Burgun Hetues të Somborit, në Vojvodinë. Nga burgu është liruar në vitin 1990.
Pas burgut, nga viti 1990 – 1994 ushtron disa funksione dhe merret me një sërë aktivitetesh: me iniciativën e kolektivit të shkollës fillore të fshatit të lindjes, zgjidhet drejtor i Shkollës Fillore. Kur u themelua Lidhja e Arsimtarëve Shqiptarë, u zgjodh kryetar për Komunën e Drenasit, ndërsa në kuadër të kryesisë së kësaj shoqatë ishte i ngarkuar edhe me detyra të tjera; në Lidhjen demokratike të Kosovës, anëtar i kryesisë së degës së Drenasit dhe delegat në kuvendin e saj; në Lëvizjen për Republikën e Kosovës, kryetar; Në Këshillin për Financim, anëtar i kryesisë së degës në Drenas dhe anëtar i komisionit të kontrollit në nivel të Këshillit. Një ndër redaktoret e Gazetës “Bashkimi” etj.
Ishte bashkëpunëtor i Ministrisë së Arsimit në mërgim; Anëtar i Kryesisë së Lidhjes së Arsimtarëve dhe Pedagogëve Shqiptarë në Zvicër; kryetar i Emergjencës për Zvicër; Kryetar i degës së Lidhjes së Bashkuar Demokratike në Zvicër etj.
Prill-qershor të vitit 1999, Zëdhënës i UÇK-së dhe Zëvendëskomandant për Zonën e Veriut; anëtar i Fondit Vendlindja Thërret; 1999-2000, në Qeverinë e Përkohshme të Kosovës, Zëvendësministër i Ministrisë për Emigracion; 2000-2001 drejtor i Agjencisë së Lajmeve “Kosovapress”; 2001-2002, ndjek kursin për organizimin e partive politike në kuadër të NDI-së, (Instituti Nacional Demokratik).
Gjatë viteve 2002-2005, ishte Kryetar i degës së Partisë Demokratike të Kosovës për Drenas dhe anëtar i Këshillit Drejtues i PDK-së; Kryetar i Komunës së Drenasit; i certifikuar për pushtetin lokal në Universitetin Georgetoën në Uashington, SHBA (2004);
2006-2011. Drejtues ekzekutiv në Shoqatën e ish-të Burgosurve Politikë; 2008-2011 anëtar i Bordit të Drejtorëve të PTK-së, etj.
Nga viti 2017 ka ushtruar detyrën e nënkryetarit të Komunës së Drenasit.

Konkluzioni i pavarur analitik

Pra, nga ajo që mësuam nga biografitë e këtyre dy intelektualëve, i pari, Rrok Berisha na del një profil i intelektualit të përmbajtur, të guximshëm dhe të qëndrueshëm në vizionin e tij, ndërsa i dyti, Gani Sylaj, asnjëherë nuk është mjaftuar me ato që i ka sjellur koha, gjithnjë ka kërkuar diçka ndryshe duke lëvizuar nga njëri skaj në tjetrin, nga njëri subjekt në tjetrin për të realizuar objektivat e tij personale dhe jo vetëm.
Ashtu sikurse në veprimtarinë e tyre atdhetare dhe politike, dallimi mes këtyre dy intelektualëve, përveqse në pikëpamjet ideologjike, është edhe tek qëndrimet dhe afërsia me pushtetin.
Përderisa i pari, Rrok Berisha asnjëherë nuk u pajtua me prapësitë e kohës, me devijimet dhe denigrimet e politikës, duke i mbajtur në thumb të kritikave politikanët (pushtetarët) e kohës, i dyti, Gani Sylaj u qëndroj më afër pushtetarëve të pasluftës, duke u rreshtuar në krahun ideologjik (PDK), u bë pjesë përbërse e pushtetit lokal dhe atij qendror.
Kjo qasje kontraverse, bëri që i pari, Rrok Berisha të injorohet në vazhdimësi nga pushtetarët deri në ditën e fundit të shkuarjes në përjetësi, ndërsa i dyti, më urtësinë e një intelektuali dhe elasticitetin e një politikani, përveqse pjesë përbërëse e pushtetit, u nderua edhe me “Dekoratë” nga presidenti Thaçi.
Në fakt, kjo flet më shumë se asgjë tjetër për rrugëtimin jetësor dhe politik të këtyre dy intelektualëve të spikatur të kombit.
Dy intelektualët e sipërpermendur janë shëmbull për gjeneratat e ardhshme. Sikurse njëri, ashtu edhe tjetri lanë pas vetës nga një veprimtari të bujshme politike, krijuese dhe atdhetare.
Por Rrok Berisha la diçka më shumë se kaq, një javë para se të largohet nga kjo botë, e la një testament të fuqishëm për drejtësisnë kosovare…
Modestia dhe sinqeriteti, pavarësia dhe guximi janë vyrtyte të njerëzve të mëdhenjë.
Liderët shtetëror që ndajnë heronjët e dëshmorët, që klasifikojnë intelektualët dhe krijuesit sipas bindjeve, dëshirave apo urrejtjes së tyre, nuk janë udhëheqës shtetëror por pushtetarë dhe uzurpatorë të institucioneve shtetërore.
Vdekja e intelektualëve e varfëronë kombin, gëzon politikanët injorantë!

Një ditë pasi foli kundër ndryshimit të kufijve, Engel shkon te Thaçi

Presidenti i Kosovës, Hashim Thaçi, është takuar sot me kongresmenin amerikan, Eliot Engel, të cilit i ka kërkuar të angazhohet që SHBA-ja ta ketë në fokus Kosovën deri në anëtarësimin e plotë të shtetit në instancat më të larta ndërkombëtare.

Ky takim i tyre vjen vetëm një ditë pasi Engel kishte vizituar Luginën e Preshevës, dhe prej atje kishte shprehur qëndrimin e tij të prerë kundër idesë për shkëmbim të territoreve.

Megjithatë nuk dihet nëse Engel e ka përsëritur qëndrimin e tij kundër pazareve me kufij edhe në këtë takim me Thaçin.

Përveç tjerash kreu i shtetit e ka falënderuar kongresmenin amerikan, për gjithë atë që SHBA-ja ka bërë prej vitesh për të ndihmuar Kosovën në shtetndërtim.

“Ju jam mirënjohës për angazhimin tuaj personal, prej dekadash, për Kosovën dhe popullin shqiptar në përgjithësi”, ka thënë Thaçi në takim, siç njofton zyra e tij.

Ndërsa kongresisti Engel ka thënë se është i gëzuar që është përsëri në Kosovë, veçanërisht për të qenë pjesë e shënimit të 4 Korrikut me inaugurimin e ambasadës së re amerikane.

Engel ka theksuar progresin e madh që Kosova ka bërë në vitet që nga pavarësia dhe ka shprehur shpresën e tij se vendi do të vazhdojë të përparojë në rrugën drejt prosperitetit, demokracisë dhe sundimit të ligjit.

Thaçi në fund i ka bërë thirrjes kongresmenit Engel që të angazhohet që SHBA-ja të mbetet e fokusuar në çështjen e Kosovës deri në përmbylljen e plotë të stories së Kosovës, me konsolidimin e plotë ndërkombëtar të vendit./GazetaExpress/


Send this to a friend