VOAL

VOAL

Please Wait ...
0%

“Pesë vite më parë qaja nga dëmtimi”, Gega: Nesër vrapoj me vajzat më të shpejta të botës

By | August 3, 2021
blank

Komentet

blank

Gianni De Biasi i trishtuar për Ylli Mihalin: Prehu në paqe miku im!

Mesazheve të shumta ngushëlluese të ndarjes nga jeta të mjekut të Kombëtares, iu është bashkuar edhe ish-trajneri kuqezi Gianni De Biasi, pasi me Ylli Mihalin punoi për gjashtë vite…

“Jam vërtet i trishtuar për humbjen e mikut tim Ylli. Personi që e vlerësova shumë, njerëzisht dhe profesionalisht. Fiziku i tij i bëshëm fshehu një shpirt të mirë dhe bujar, një person autentik që e donte punën e tij dhe Kombëtaren tonë.

Fatkeqësisht do të kem një mik më pak në Shqipëri, por unë do të mbaj praninë tënde të dashur Ylli në zemrën time. Faleminderit për gjithçka. PREHU NE PAQE MIKU IM!”

blank

Sono davvero addolorato per la scomparsa dell’amico Ylli. Persona che ho apprezzato tantissimo, umanamente e professionalmente. Il suo fisico da lottatore nascondeva un animo buono e generoso, una persona autentica che amava il suo lavoro e la nostra Squadra Nazionale. Purtroppo ci sarà un amico in meno in Albania, ma la tua presenza caro Ylli la porterò nel mio cuore. Grazie di tutto. RIP

blank

Tenis: Medvedev mposht Gjokoviqin në finalen e turneut US Open

New York

Në finalen e meshkujve të turneut të tenisit US Open, rusi Daniil Medvedev u bë kampion duke mposhtur rivalin serb Novak Gjokoviq, raporton Anadolu Agency (AA).

Në finalen e turneut që u zhvillua në stadiumin Arthur Ashe në New York të SHBA-së, 25-vjeçari Medvedev triumfoi me tri sete me rezultatin e njëjtë, 6:4, duke u bërë rusi i tretë në historinë e tenisit të meshkujve që fiton një turne Grand Slam.

Ndërkaq, 34-vjeçari Gjokoviq nuk e siguroi arritjen e quajtur “Calendar Slam”, marrjen e katër titujve Grand Slam brenda një viti kalendarik. Kjo arritje për herë të fundit u vulos nga Rod Laver në vitin 1969.

Duke folur para spektatorëve pas ndeshjes, Gjokoviq uroi rivalin e tij.

“Ishte një ndeshje dhe turne i shkëlqyeshëm. Nëse dikush e meritonte këtë kampionat, ishe ti. Ke luajtur mirë”, tha ai.

Medvedev gjithashtu iu drejtua Gjokoviqit me fjalët: “Për mua, ti je lojtari më i mirë në histori”.

blank

FFK bën njoftim të rëndësishëm për tifozët që do jenë në stadium sonte

Federata e Futbollit e Kosovës ka dalë me një njoftim të rëndësishëm për ata që kanë bileta për ndeshjen e sontme mes Kosovës dhe Spanjës që luhet në stadiumin “Fadil Vokrri”.

“Federata e Futbollit të Kosovës njofton poseduesit e biletave që t’i ruajnë ato si dëshmi për lëvizje të lirë pas ndeshjes Kosovë – Spanjë gjatë orës policore”, thuhet fillimisht në njoftim.

Kujtojmë se ora policore në Kosovë nis nga ora 22:00.

“Gjithashtu njoftojmë të gjithë ata që e shfrytëzojnë parkingun prapa Pallatit të Rinisë që pagesën e parkingut mund ta bëjnë edhe gjatë hyrjes, me qëllim që të shmanget grumbullimi dhe tollovia e tepërt e veturave tek pjesa e pagesës pas përfundimit të ndeshjes”, thuhej tutje në njoftim.

Në stadiumin “Fadil Vokrri” për ta përcjellur ndeshjen është i lejueshëm vetëm 10% e kapacitetit të stadiumit. /Gazeta Express/

blank

Media spanjolle: Mjedis armiqësor në Kosovë

Kosova do të luajë një tjetër ndeshje të rëndësishme për kualifikueset e Botërorit. Sfida e 8 shtatorit me Spanjën në Prishtinë merr vëmendjen e madhe edhe për shkaqe politike, pasi ky vend nuk e Kosovën si të pavarur.

Në sfidën e parë luajtur në Sevilla, mediat dhe televizioni vendas hoqën simbolet dhe deformuan emrin e Kosovës. Dhe tashmë iberikët i druhen se i pret një ambient armiqësor. Gazeta spanjolle AS artikullin kryesor e ka pikërisht me këtë titull: ‘’Mjedis armiqësor në Kosovë’’. Një etiketim i pabazë që lë pas parimet e sportit.

blank

Sa u përket skuadrave, për të dyja është e rëndësishme, sidomos për spanjollët, të cilët rrezikojnë kualifikimin. Humbja në Suedi ka ndërlikuar shumë pozitat e kombëtares së drejtuar nga Luis Enrike dhe duket se fitorja e fundit ndaj Gjeorgjisë thjesht i mban në garë, sepse tashmë nuk mund të lihet asnjë pikë, duke nisur nga Kosova.

Nga ana tjetër, Dardanët do të kërkojnë vijimin me rezultate pozitive, duke shpresuar për të paktën një barazim. Natyrisht, do të jetë e vështirë, por kosovarët nuk janë dorëzuar pa luajtur sfidën.

blank

Prej gati një jave në spital, bota e futbollit në ankth për legjendën Pele

Legjenda e futbollit brazilian dhe atij botëror, Pele është shtruar në spital. 80-vjeçari ndodhet në këtë gjendje që 6 ditë më parë, por jo në rrezik kritik për jetën.

Sipas mediave vendase, Pele po kryen kontrolle rutinë në spitalin Albert Einstein në Sao Paulo pasi ka shfaqur probleme shëndetësore. Deri tani nuk ka ende asnjë informacion më tepër lidhur me këto probleme teksa menaxheri i legjendës braziliane, Joe Fraga, shprehet se nuk ka asgjë për t’u shqetësuar.

Më herët, mediat kanë raportuar se Pele-s i ka rënë të fikët, por këtë e ka mohuar vetë ish-lojtari. Përmes një postimi në Instagram, ai shkruan se ai është në gjendje të mirë shëndetësore dhe se kishte shkuar në spital për vizita mjekësore rutinë.

“Djema, nuk më ra të fikët dhe jam shumë mirë me shëndet. Unë shkova për provimet e mia rutinore, të cilat nuk kisha qenë në gjendje t’i bëja më parë për shkak të pandemisë. Lërini ata të dinë që unë nuk luaj të dielën tjetër” – shkruante Pele.

Tifozët e tri herë kampionit të botës kanë shprehur shqetësimet e tyre pas publikimit të dokumentarit të legjendës. Tifozët shprehen se në filmin e publikuar, Pele nuk ishte në gjendje të mirë shëndetësore, pasi në një pjesë ai shfaqet me një karrocë mbështetëse.

blank

Pezullimi i ndeshjes Brazil-Argjentinë, reagon FIFA

Shtëpia më e madhe e futbollit në botë, FIFA ka reaguar pas incidentit që ndodhi në ndeshjen Brazil-Argjentinë, e vlefshme për kualifikimet për Kampionatin Botëror të vitit të ardhshëm.

Ndeshja u ndalua nga autoritetet braziliane, pasi katër futbollistë argjentinas që vinin nga Anglia nuk iu kishin përmbajtur rregullave të karantinës.

Edhe pse autoritetet nuk i përmendën me emra lojtarët, bëhet fjalë për lojtarët që luajnë në Premierligë, Emiliano Buendia dhe Emiliano Martinez të Aston Villas dhe Giovani lo Celso dhe Cristian Romero të Tottenhamit.

Pas këtyre ngjarjeve ka reaguar FIFA që ka thënë se do të merret një vendim për këtë rast.

“FIFA’s i vjen keq për skenat që çuan në pezullimin e ndeshjes midis Brazilit dhe Argjentinës për kualifikueset CONMEBOL për Kupën e Botës 2022, e cila pengoi miliona tifozë të shijojnë një ndeshje midis dy prej kombeve të rëndësishme të futbollit në botë. Raportet e gjyqtarëve të ndeshjes i janë dërguar FIFA -s. Ky informacion do të analizohet nga organet përkatëse disiplinore dhe një vendim do të merret në kohën e duhur”, thuhet në deklaratën e FIFA-s.

/Gazeta Express/

blank

Historike, Shqipëria mund për herë të parë Hungarinë, Broja hero, realizon gol trepikësh

Për herë të parë në histori, atëherë kur duhej, Shqipëria i shënon Hungarisë duke marrë një fitore jetike për kualifikueset e botërorit “Katar2022”. Kuqezinjtë triumfojnë në Elbasan Arena falë një super goli të realizuar nga Armando Broja. Në topin e parë që i erdhi në këmbë, në rastin e parë rast, Armando Broja ishte thjeshtë fantastik. Në minutën e 87-të sulmuesi kuqezi mbrojti mirë topin në zonë dhe me një të djathtë potente dërgoi topin në rrjetë dhe Shqipërinë në avantazh përballë Hungarisë. Kjo fitore ndez edhe një herë ambientin rreth kombëtares, një fitore minimale që mban të ndezur këtë fushatë kualifikueseh.

PJESA PARE
Jemi të pafat por jemi aty, në lojë, për të marrë një rezultat pozitiv përballë Hungarisë, një ndeshje që duhet fituar me çdo kusht për të mbajtur të ndezur këtë fushatë kualifikuesesh. Me një skemë të njëjtë, por me aktorë ndryshe, të kushtëzuar nga mungesat dhe dëmtimet, Shqipëria bind në 45 minutat e para, është më e qartë në fushën e lojës, ka më shumë dëshirë, por sërish hasim jo pak vështirësi edhe kur kundërshtari zbret në portën tonë pa shumë probleme. Nedim Bajrami vërtetoi që në debutim se është një lojtar me shumë klas dhe me një vizion të qartë, me topin në këmbë është një rrezik konstant në çdo moment.

Shqipëria krijoi disa aksione të mira gjatë pjesës së parë ndërsa flagrant ishte rasti i shpërdoruar nga Marash Kumbulla në minutën e 33-të ku i vetëm në shtyllën e dytë nuk arriti të shtynte topin në portën e boshatisur. Fraksioni i parë mbyllet në barazim pa gola ndërsa në pjesën e dytë na duhet diçka më shumë për të mposhtur Hungarinë.

7-Shqiperia zbret me një kundërsulm të shpejtë, por Balaj nuk arrin të shërbej si duhet duke fituar vetëm një goditje këndi
12-Ismajli me kokë nuk arrin të ul topin si duhet në kuadrat
14-Aksion perfekt, kombinime shumë të bukura ndërmjet Bajramit dhe Uzinit, me këtë të fundit që gjuan bukur por topi përfundon pak mbi tranversë
18-Një përgjumje në mbrojtje në minutën e 18-të, një top i gjatë i hungarezëve për pak na kushtoi shumë, por për fat të mirë, Berisha i vëmendshëm ndal në dy kohë duke shmangur një rast shumë të rrezikshëm.
29-Nedim Bajrami është magjik me topin në këmbë, në minutën e 29-të ishte thjeshtë i pafat teksa goditja e tij nga jashtë zonës nuk shkoi në kuadrat.
33-E pabesueshme se çfarë rasti humbet Kumbulla në minutën e 33-të, i vetëm në shtyllën e dytë, pranë vijës fatale në mënyrë të çuditshme nuk arrin të shtyjë topin në rrjetë
44-Për pak befasohemi sërish në minutën e 44-ët, por Berisha i vëmendshëm kontrollon saktë

blank

“Elbasan Arena”, patronazhistët i bëjnë surprizën e veçantë Taulant Ballës. Tifozët i përgjigjen: Rama ik! (VIDEO)

Një episod aspak i zakontë është regjistruar në ndeshjen Shqipëri-Hungari, që po zhvillohet në “Elbasan Arena”.

Gjatë pjesës së parë, mbi fushën e blertë është ngritur një dron me një banderolë ku shkruhej: “Taluant Balla, Elbasani ty të do”. Ndërkohë tifozët e pranishëm në stadium i janë përgjigjur me thirrjet: Rama ik!

Kujtojmë se Rama njoftoi në mbledhjen e Asamblesë Kombëtare të PS, se gjatë këtij mandati qeverisës Balla nuk do të jetë më drejtues i Qarkut të Elbasanit, duke i besuar atij Fierin.

Në një prononcim për mediat, vetë Balla tha se do të ketë dy përgjegjësi, një për të ngritur zërin për qytetarët e qarkut të Elbasanit, të cilët e zgjodhën deputet dhe e dyta për të riorganizuar Partinë Socialiste në Qarkun e Fierit, qark ky që drejtohej në të kaluarën ngë Gramoz Ruçi, tashmë i larguar nga politika aktive.

Rama njoftoi në mbledhjen e Asamblesë Kombëtare të PS, se gjatë këtij mandati qeverisës Balla nuk do të jetë më drejtues i Qarkut të Elbasanit, duke i besuar atij Fierin.

blank

Vrioni tregon eksperiencën te Juventus: Ronaldo më mori mënjanë dhe më tha diçka shumë të bukur

Sulmuesi i Kombëtares shqiptare, Xhakomo Vrioni, u la jashtë nga Reja për ndeshjet e shtatorit, por ai pret shansin e vet. Vrioni është futbollist i dalë nga akademia e Juventusit, por i huazuar te skuadra austriake e Tirolit,

Aventura në Austri ka nisur në mënyrën më të mirë për Vrionin që ka gjetur rrjetën 4 herë në 6 ndeshje të luajtura. Në një intervistë për gazetën italiane ‘’Tuttosport’’, 22-vjeçari u shpreh se ka një kujtim të bukur me Ronaldon i cili i ka treguar një sekret që nuk do ta thotë kurrë.

Pas debutimit tuaj në Serie A me Juventusin e Sarrit dhe 1 vit trajnim nga Pirlo, pse zgjodhët të largoheni përsëri drejt Austrisë?

Të provosh një përvojë në një kampionat të huaj ka qenë gjithmonë një ëndërr e imja. Kështu, kur Juventusi dhe agjenti im Silvio Paliari më ofruan këtë mundësi, unë nuk e hodha poshtë. Dhe unë jam gjithnjë e më i kënaqur me zgjedhjen që kam bërë. Këtu në Uatens gjeta një mjedis të mirë, një ekip të shkëlqyer dhe një klub super të organizuar.

Nga cili sulmues jeni frymëzuar?

Që fëmijë kam pasur pikë të dobët Bobo Vierin. Tani shikoj me kujdes Levandovskin, Benzeman dhe Kristiano Ronaldo, me të cilin gjithashtu pata kënaqësinë të stërvitem për një vit e gjysmë te Juventusi.

Çfarë mendoni për CR7?

Gjëja e parë që vjen në mendje, përveç faktit se është një makinë perfekte në gjithçka, është profesionalizmi. Takova një kampion vërtet maniak. Por gjithashtu mësova shumë nga Dibala dhe Morata, me të cilët krijova një miqësi të mirë.

Çfarë anekdote u thoni miqve tuaj kur ju pyesin për Ronaldon?

“Cristiano një herë më mori mënjanë dhe më tha diçka shumë të bukur. E mbaj në zemër, si sekret. Unë nuk po e them këtë për ta treguar sekretin: Unë kurrë nuk ia kam thënë askujt, madje as miqve të mi më të ngushtë, dhe kurrë nuk do ta them.

Shokët e mi të skuadrës te Tiroli më bëjnë shumë pyetje për Juventusin. Dhe jo vetëm për Ronaldon. Mbrojtësit janë të intriguar nga Kielini, De Ligt dhe Bonuçi “. bw

blank

U bë i famshëm nga ‘bluza’ plastike e Leo Messit, djali afgan i fshehur dhe i frikësuar nga talebanët kërkon ndihmë

Murtaza Ahmadi u bë famshëm në vitin 2016, kur një fotografi e tij u bë virale në rrjetet sociale teksa kishte veshur një këmishë me emrin Leo Messi, e cila ishte bërë nga një qese plastike. Tani, realiteti i të voglit është shumë i ndryshëm.

blank

Djali është 10 vjeç dhe jeton i fshehur me familjen e tij në Kabul, kryeqytetin e Afganistanit, pasi iu desh të iknin nga qyteti ku jetonin më parë.

Ai aktualisht po kërkon ndihmë për të lënë vendin pasi talebanët erdhën në pushtet.

Djali dhe familja e tij i përkasin popullit Hazara, një grup që është vazhdimisht nën sulm, veçanërisht nga Shteti Islamik.

blank

Në vitin 2016 Murtaza u takua me Leo Messin, i cili i dha një top dhe bluza të autografuara, edhe pse pas kësaj ai u përball me kërcënimet nga ekstremistët dhe frikën e një rrëmbimi të mundshëm, pasi mendohej se ylli argjentinas i kishte bërë një donacion.

blank

“Dua të udhëtoj në një vend të sigurt nga Afganistani. Ju lutem më shpëtoni nga kjo situatë ”, iu është drejtuar djali futbollistëve te botës, veçanërisht Messit, në mënyrë që ai të largohet nga vendi me familjen e tij dhe“ të luajë futboll në paqe ”.

Sipas të afërmve të tij, Murtaza jeton me frikën se talebanët do të arrijnë në shtëpinë e tij.

blank

FOTOT+VIDEO- 4 shtator 2004, dita kur Kombëtarja shqiptare mposhti Greqinë kampione Europe

Para një ndeshjeje të rëndësishme si kjo me Hungarinë dhe pas një humbjeje dërrmuese si ajo me Poloninë, Shqipërisë i duhet një shembull frymëzimi për t’u ringritur dhe për t’ia dalë mbanë!

Dhe si sot, më 4 shtator të vitit 2004 kuqezinjtë kanë mundur Greqinë kampione Europe! Më frymëzuese se kaq nuk mund të ketë! Në stadiumin “Qemal Stafa” kombëtarja helene vinte me petkun e Kampiones së Europës, teksa kombëtarja shqiptare e drejtuar nga Hans Peter Brigel e mposhti me rezultatin 2-1, falë një perle të Adrian Aliajt nga një goditje e magjishme nga goditja e dënimit dhe nga goli i Muratit, ndërsa për grekët realizoi Janakopulos.

blank

blank

blank

blank

blank

Stadiumi atë natë 4 shtatori u bë “zjarr” nga brohorimat, këngët dhe koret e tifozëve shqiptar për Kombëtaren pas një triumfi historik dhe heroik ndaj kampionëve të Europës që u “gjunjëzuan” që në takimin e tyre të parë pasi triumfuan në Portugali ndaj këtyre të fundit në finalen e EURO 2004.

Festa nuk do të mbaronte me kaq, të gjithë rrugët e kryeqytetit, më ekzaktësisht më shumë në Bulevardin “Dëshmorët e Kombit”, rruga e stadiumit “Qemal Stafa”, gjithashtu edhe sheshi i qendrës së Tiranës në sheshin “Skënderbej”, ku pamjet do të ruhen thellë në memorien e çdo shqiptari, sidomos të atyre që e përjetuan në stadiumin e tej mbushur të gjithë kuqezi.

blank

Marjeta Pronjari [ Zaçe ] – Nderi i Kombit tim! – Nga ADRIATIK DOSTI

 

E dashur mikja ime e mire dhe shume e hereshme Marieta …sot ti ke 70 vjetorin e dites tende te shenuar te lindjes…dhe u befsh 100 …jetofsh gjate e pac rini te perhereshme …

Jo rastesisht kete shkrim – urim per ty po e shoqeroj me kete foto te vecante historike e arkivore tenden e te sportit kombetar shqiptar…

Sepse per familjen tende, per ne komunitetin sportiv shqiptar, per femijet e tu, per ne miqte e tu te shumte brenda e jashte Shqiperie ti ke qene e mbetesh simbol ngahera Marieta jone e dashur , shume e perkushtuar dhe e respektuar ….figure e madhe, ikone , legjende e krenari e jona e sportit por edhe e qytetarise…thene me shqip fare Nderi i Kombit tone ne shume drejtime …

Dhe ne fakt qe te dy qofte ti e qofte Kushtrimi yt e i joni bashke me ate c’ka i dhate sportit cilesor shqiptar per vite me radhe meritoni vertet titullin e larte te Nderit prej kombit e popullit tuaj…ani pse ky Presidenti yne i ka bere corap emrat e kontributet e atyre qe duhen nderuar e te atyre qe duhen harruar…

Une e vura kete foto o Marieta …per te te kujtuar edhe ate rini tenden Vullkan…ate kohe kur u bere krenaria jone kombetare sportive e qytetare…..ate kohe te buzeqeshjes tende te embel e te sinqerte…ate kohe te 31 rekordeve kombetare njeri me emocionues se tjetri…ate kohe kur ne krah tend erdhi per te mos ikur me kurre i mrekullueshmi yne Kushtrim Zace…nje tjeter emer legjende per sportin shqiptar…e pra ishte koha kur ne mburreshim e krenoheshim me te drejte me ju te dy …jo thjesht ne miqte tuaj te afert por krejt Shqiperia…

Une dua te te kujtoj Forever si nje kampione e madhe e vendit tim ne sportin e bukur e te veshtire te Atletikes…si nje volejbolliste e shkelqyer e kombetares shqiptare…si nje bashkeshorte model e nje njeriu te rralle si Kushtrimi…si nje nene shembellore e dy femijeve te mrekullueshem si Henri e Megi…si nje femer teper te qyteteruar, te emanicipuar e te civilizuar edhe ne ato kohe te zeza sterre qe kaloi Atdheu im e i yti bashke…e si nje mike te rralle, te mencur e te cmuar te vlerave te vecanta sportive e njerezore…

Dua te te kujtoj si nje femer e grua teper kurajoze…qe cau ne jete permes sakrificash te pa numerta e u be me merite krenaria e Atdheut te vet….

Dua te te kujtoj edhe si petagoge , drejtuese e sportit shqiptar…deputete e politikane qe kurdohere punove e luftove per te miren e vendit e te popullit tend … pa kurrfare interesi personal e pa e bere kurre pis emrin tend e te familjes tende te respektuar…

Dua te te kujtoj edhe si nje Gjyshe e dashur e si nje mike e rralle qe vit pas viti ja shton fort peshen miqesise e behesh e vlere si Vera e vjeter dhe e hereshme e Qilarit…apo edhe e Butit sic thoni ju ne Korcen tende te dashur …

Une por edhe krejt komuniteti sportiv shqiptar le te te kujtojne permes kesaj fotoje ty por edhe trajnerin tend te mrekullueshem te asaj kohe te pa harruarin Taqo Duka …si nje kampione e rekordmene te nje lloji e cilesie sportive te vecante e krejt unikale…e te niveleve te larta boterore…

Le te kujtojme ty Marieta …edhe per rastin e pa perseritshem deri me sot ne historine e sportit kombetar shqiptar kur ti vetem 15 vjecare u shpalle Mjeshtre Sporti e tre vite me pas edhe Mjeshtre e Merituar…

Dhe ishte ajo kohe kur kercimet e tua mbi steke qe u ndalen tek 1.78 [ edhe pse injoranca e dashakeqesia e kohes se djeshme te mohoi rekordin fantastik te asaj periudhe 1.80 teksa e kerceve kete larttesi ne Elbasan …e me pas ”dikushi ” zbuloi se steka ishte me hark ???]…dhe gjithcka u shnderrua ne nje zhgenjim te madh e te pa merituar… rekord ky qe ne nivelin nderkombetar te atletikens boterore te asaj kohe te rendiste ne 10 kercyeset me te mira te botes…

Une e brezi im…nuk mund te harrojme dot Marjeta Pronjarin qe tronditi festivalin e Rinise sportive boterore ne Torino me performancen e saj fantastike ….apo edhe Marieten e rrezultateve te shkelqyera ne turneun e Laipsigut e ne europianin e Vjenes…

Eshte nje histori me vete …krenare e brilante jeta jote sportive, familjare e qytetare mikja ime e mire Marieta… absolutisht nje nder emrat me te medhenj te krejt historise se sportit kombetar shqiptar te te gjitha koherave…. ndaj sot ne kete 70 vjetor jubilar tendin gjej rastin fatlum te te uroj nga zemra me shume mall, respekt e konsiderate …shume shendet, jete te gjate…miresi e mbaresi e pac cdo te mire ne jeten tende e te familjes tende …

Maredhenia jone e gjate profesionale e miqesore me ka detyruar ngahera qe respektit reciprok mes nesh ti jape kurdohere vendin e duhur …ndaj mbetem i privilegjur qe perpos se e jetova LIVE shkelqimin tend sportiv per vite me radhe…vazhdoj te mbetem nje mik teper i afert e i sinqerte i yti e i familjes tende te nderuar e te respektuar…

Faleminderit per gjithcka te mire qe i dhe Atdheut e popullit tend nder dekada ….

Gezuar qofsh ngahera Marieta Zace !


blank
blank
blank
blank
blank
blank
blank
blank
blank
blank
blank
blank
Send this to a friend