PËRSHPIRTJE PËR VLADIN- Nga Albert HABAZAJ

July 27, 2025

Muzikantit, pianistit të talentuar dhe pedagogut të shumë muzikantëve të rinj

Vladimir Kapo (1942- 26 korrik 2024)

.

Iku pa buzëqeshur

Dhe s’u kthye më,

Malli na ka tretur

Shqetësimi s’na lë.

.

Na vështron së larti

Mirësia dhe arti,

Prejardhja dhe fati

Nga Mëma dhe Ati.

.

Vladi është muzikë,

Në pianon e tij,

Kush tha që ka ikë

Prapë do të na vijë.

.

Nuk lindin dy herë

Njerëz – mjaltë e nder,

Do të ketë të tjerë

S’besoj me kaq vlerë.

.

Qeshur në kujtesë

Ditë vere e bukur,

Sytë e tij – një shpresë

Shpirt i pakëputur…

.

Pa buzëqeshur iku

Meteor korriku,

Cigaren s’e fiku

Kafen sa e ciku…

.

Ndritshmërisht me ne

Me yjet, shpërndan re.

.

Vlorë, e shtunë 26.07.2025

• twitter

  Follow
• facebook
• linkedin

Fjalë kyçe: ALBERT HABAZAJ, Vladimir Kapo