Voal – Voal.ch shkruan për rëndësinë e vitaminave dhe bën një listë të tyre për rolin dhe ku i gjeni ato me shumicë.
Vitamina A
Themelore për shqisën e të parit, një mungesë e mundshme shkakton probleme në sy. Por jo vetëm kaq: është gjithashtu një antioxidant i fuqishëm dhe ka veti anti-inflamator. Sipas hulumtimit të publikuar në Neuroscience, vitamina A duket të jetë e përfshira edhe në proceset e trurit në procesin e të mësuarit dhe kujtesës, pasi që ajo vepron në qeliza të caktuara për këto funksione.
Vitamina A gjendet në: perimet jeshile dhe të verdha (spinaq, lakër, karrota dhe kungull), vezë, gjalpë, vajrat e mëlçisë tek peshku, banane, kajsi, qershi, bizele, speca, majdanoz.
Vitamina B
Bashkimi bën fuqinë: nëse merren së bashku, vitaminat e grupit B i japin dorë duke i ndihmuar në veçanti studentët. Përveç pjesëmarrjes në reaksionet ato do të konvertohet në energji, në fakt, janë të përfshira në nivele të ndryshme në proceset si të mësuarit, kujtesës dhe përqendrimit.
Vitamina B1 gjendet kryesisht në soje, drithërat, arra, gruri, B2 është e pranishme në maja, tek e verdha e vezës, bizele dhe kos, ndërsa B3 gjendet në mëlçi , peshk, dhe maja.
Për të marrë vitaminë B6, atë e gjejmë tek mëlçia e viçit, peshku, shpezët, thjerrëzat, spinaqi, bananet. B12, në mëlçi. në midhje,në havjar, salmonin e kuq, drithëra, në ton, qumësht dhe derivatet e tyre. Me vitaminë B17 janë të pasura kajsitë, luleshtrydhet, fasulet etj.
Vitamina B9 (Acidi folik)
Është vitamina e nënave të ardhme, e amësisë: nëse je duke pritur një fëmijë, dmth je shtatzanë, për gruan është e rëndësishme të konsumojë një integrator me bazë të acidit folik, që parandalon spina bifida tek fëmija, një difekt i vertebrave i bebeve. Përveç kësaj Vitamina B9 vepron në bashkëpunim të ngushtë me Vitaminën B12 në formimin e rruazave të kuqe dhe në funksionimin e hekurit.
Perimet me gjethe jeshile të tilla si spinaqi, zarzavate si rrepa, brokoli dhe asparagus, ato janë të pasura me vitaminë B9 ose acidi folik.
Vitamina C
Kjo vitaminë ndikon në mënyrë të veçantë me vetitë e saj për të përforcuar sistemin imunitar, prandaj është shumë e vlefshme sidomos gjatë periudhës së dimrit kundër influencave dhe sëmundjeve. Vitamina C gjithashtu ushtron një veprim pozitiv në sintezën e kolagjenit, kështu që ajo ndikon për të forcuar e enëve të gjakut, për të nxitur shërimin plagëve dhe ndikon në përshpejtimin e ngjitjes të kockave pas thyerjeve dhe mban të shëndetshëm dhëmbët dhe mishrat.
Gjendet në fruta dhe agrume, kivi, speca, majdanoz, patate, domate, fruta të freskëta në përgjithësi dhe tek shumica e perimeve.
Vitamina D
Esenciale për kockat dhe dhëmbët, Vitamina D ndërhyn në rregullimin e metabolizmit të kalçiumit dhe forsforit, duke rregulluar absorbimin e zorrëve. Prodhohet nga lëkura kur kjo i ekspozohet diellit, por edhe konsumohet si vitaminë, që blihet në farmaci, përveçse gjendet edhe në ushqime.
Gjendet tek e verdha e vezës, vaji peshkut, mëlçia e peshkut, gjalpë, midhje, ton, salmon, bajame dhe ribes, fruta pylli, që quhen boronica të kuqe.
Vitamina E
Ajo është një antioksidant i fuqishëm, duke mbrojtur inde të ndryshme (duke përfshirë edhe lëkurën) kundër dëmit të shkaktuar shkaktarët përgjegjës për plakjen e qelizave. Ajo luan një rol të rëndësishëm në forcimin e sistemit imunitar.
Gjendet në vajrat bimore, embrioni i gruri, gati tek të gjitha farërat, tek vezët, perimet jeshile, mëlçitë, qumështi, arrat, kikirikët, bishtajoret e gjithë drithërat.
Vitamina H (Biotina)
Ajo luan një rol të rëndësishëm në funksionimin e palcës kockore dhe shëndetin e lëkurës, dhe sidomos në shëndetin e flokëve. Kontribuon në formimin e acideve yndyrore dhe lehtëson metabolizmin e aminoacideve dhe karbohidrateve.
Vitamina H gjendet në disa ushqime të caktuara, për shembull tek peshku, qumështi, djathi, e verdha e vezës, lloje të ndryshme të mishit, si viçi, mish qengji, mish derri dhe ai i pulës.
Gjithashtu mund të gjendet në disa perime:domate, bizele, fasule, karrota, mollë, arra dhe spinaq.
Vitamina K
Është vitamina antihemorragjike, që do të thotë se vitamina K është e përfshirë në koagulimin e gjakut dhe është e nevojshme është për prodhimin normal në mëlçi, të faktorëve të koagulimit.
Ushqime të pasura me vitaminë K janë: perimet me gjethe jeshile (spinaq, brokoli, asparagus, lakërishtë, lakër, lulelakër, bizele), bishtajore: fasule, soje; ullinj, mish, drithëra, qumështi dhe produktet e qumështit.
Vitamina P (niacina)
Është e përfshirë në rregullimin e sistemit nervor (duket të luajë një rol në kontrollin e ankthit) dhe në metabolizmin e karbohidrateve, yndyrave dhe proteinave. Rol të njohur ka në parandalimin e një sëmundje që njihet me emrin pelagra që lidhet me mungesën e saj prej kequshqyerjes dhe një kohë ishte shumë e përhapur.
Burimet e Vitaminës P janë tek limoni, rrushi, kumbulla, rrushi i thatë, grejpfrut, kajsia, qershia, manaferra, manaferrat e egra.
Komentet