Lagjia Flon

Të paktën njëqind njerëz sulmuan lagjen Flon të shtunën mbrëma – Dy dyqane të grabitura, shtatë të arrestuar

VOAL- Ethet e revoltës që shpërtheu në Francë arritën edhe në Lozanë. Natën e së dielës ka pasur trazira në qendër, në lagjen Flon. Gjatë dhunës së nxitur nga rreth 200 persona, një dyqan prduktesh elektronike FNAC dhe një dyqan këpucësh u dëmtuan dhe u plaçkitën. Policia, e cila mbërriti me mjete antirebelimi, arrestoi shtatë persona. Kështu ka raportuar media online “20 minuta”, e cila ka rindërtuar dinamikën e ngjarjeve.

Gjithçka filloi me një apel në internet, i cili qarkulloi në rrjetet sociale dhe u bë viral në Snapchat dhe Tiktok. Duke marrë si model trazirat franceze, disa njerëz kishin ftuar popullsinë vendase të merrte pjesë në revoltë. Shumë prej tyre janë bashkuar, duke sjellë “më shumë se njëqind njerëz” në rrugët e Flonit, sipas dëshmitarëve dhe oficerëve të policisë.

Gjithashtu sipas raportimit të “20 minutave”, në orët e para të mbrëmjes disa rebelë kanë hyrë në FNAC, kanë thyer derën e dyqanit dhe kanë sulmuar agjentët. Dyqane të tjera kanë qenë gjithashtu në shënjestër, si një shitës me pakicë këpucësh. Demonstruesit janë përfshirë në përleshje me policinë që ndërhyri për të shuar trazirat.

Disa njësi të policisë së trazirave kanë mbërritur në ndihmë rreth mesnatës, raportojnë mediat online. “Në disa raste, oficerëve të policisë u  është dashur të shpërndajnë të rinjtë me kapuç dhe agresivë, të cilët gjuanin me gurë dhe bomba molotovi”, thuhet në raportin e policisë së Lozanës pak para orës 5 të mëngjesit. Megjithatë, asnjë pjesëtar i zbatimit të ligjit nuk u lëndua. U përfshinë rreth pesëdhjetë policë nga Kantoni Vaud, Lozana dhe komunat përreth.

“Pamë njerëz që vraponin. Pamë policinë që kalonte, por nga larg”, dëshmoi një i ri banor i lagjes.

Sipas “20 minutave”, gjatë natës janë bërë shtatë arrestime, gjashtë prej të cilave të mitur. Sipas disa dëshmitarëve, shumë pjesëmarrës në trazira ishin nën moshën 15 vjeçare. rsi-eb