Për Tyn’zonë (Kushtuar rinisë kryengritëse të Tiranës)- Nga REX KASUMAJ

June 20, 2026

Poezia ime e parë revolucionare në jetë, e shkruar sot…

Qershor, 2026

.

Cili varg poezie

sado i pabukur

provincial

që aq shumë duron

shëmtinë e tiranisë

të shkruaj përballon

.

Ç’figura të befta

plot magji ylberore

e mall

nga rr’fimi bien

kur ai, o Zot, hijeson

në përrallë

.

Cila vesë muzgu

pa xixëllonja s’do

të vuante

kur tirani sykeq

bukurinë do t’u

truante

.

Pse gjirin për fëmijën

nëna do të humbte

një natë

kur tirani

fshehtë sehironte

mbi Dhéun e ngratë

.

Kush? Rinia e harruar

njëj agu u zgjua

dhe i bëri be’në

kjo tokë e jona është

për Tyn’zonë, Skënderbenë…

.

R

• twitter

  Follow
• facebook
• linkedin

Fjalë kyçe: Rex Kasumaj