Zëvendësi i Donald Trumpit ka udhëtuar në Seul pas lançimit të ri të pasuksesshëm të raketës nga Pheniani dhe një ditë pasi Koreja e Veriut me paradë ushtarake kremtoi lindjen e themeluesit të saj Kim Li-sung

SEUL – Zëvendëspresidenti amerikan, Mike Pence, në kuadër të vizitës dhjetëditore në Azi ka udhëtuar në Korenë e Jugut, në kulmin e tensioneve për shkak të programit bërthamor të Koresë së Veriut, transmeton Anadolu Agency (AA).

Zëvendësi i Donald Trump ka udhëtuar në Seul pas lançimit të ri të pasuksesshëm të raketës nga Pheniani afër Sinpa-s në brigjet lindore dhe një ditë pasi Koreja e Veriut me paradë ushtarake kremtoi lindjen e themeluesit të saj Kim Li-sung.

Pence, i cili është biri i një veterani të Luftës Koreane, në Seul erdhi në shoqërim të bashkëshortes dhe dy vajzave, ndërsa në kuadër të vizitës do të vendosë kurorë lulesh në Varrezën Kombëtare në Seul dhe do t’ju bashkohet trupave amerikane dhe koreanojugore në meshën e Pashkëve.

Vizita e tij në Korenë e Jugut interpretohet si shenjë mbështetjeje ndaj aleatëve amerikanë në rrethana të tensioneve të rritura për shkak të programit koreanoverior të armatosjes