Shqipëria luan ndeshjen e tretë në Ligën e Kombeve, në transfertë ndaj Izraelit. Kjo sfidë është tejet e rëndësishme nëse duam të kapim vendin e parë, në një grup totalisht të ekuilibruar.
Sfida e parë në Shqipëri, u mbyll me fitoren e kuqezinjve, 1-0, me gol të Xhakës, ndërkohë që në grupin C1, teksa edhe Izraeli e Skocia kanë luajtur nga dy ndeshje, të tria ekipet numërojnë nga 3 pikë.
FORMACIONET
Izraeli: Harush, Dasa, Natço, Kajal, Peretz, Dabur, Hemed, Jeini, Tuata, Ben Harush, Tibi. Trajner: Andreas Herzog
VOAL- Jannik Sinner (1) i frymëzuar, në finalen e Masters 1000 në Shangai mposhti serbin me rezultatin 7-6 (7/4) 6-3, duke fituar nga ana e tij trofeun e shtatë këtë sezon. Pas një seti të parë shumë të ekuilibruar, në të cilin rezistenca më e madhe e tirolit të jugut gjatë barazimit bëri diferencën, në të dytin italiani nuk e humbi mundësinë e parë që pati për të thyer shërbimin e serbit, duke marrë pak më pak se gjysmë ore në 4- 1.Pavarësisht përqindjes së mirë të serviseve të para (75%), 37-vjeçari nuk arriti kurrë të vërë në vështirësi Sinner, i cili jo vetëm konfirmon kështu formën e tij të shkëlqyer, por edhe i heq një titull rivalit të tij Carlos Alcaraz (2) – i cili ka 16 suksese – i pranishëm sot përkrah Federerit. RSI
Parada e futbollistëve shqiptarë në hapje të Ballkaniadës, më 6 tetor 1946.
Jetmira Delia-Kaci
Kombëtarja shqiptare e futbollit luajti të premten kundër Çekisë në kuadër të Ligës së Kombeve.
Ndeshja përfundoi me rezultat 2:0, në të mirë të Çekisë.
Kjo ishte ndeshja më e fundit ndërkombëtare, në kuadër të turneve të ndryshme, ndërsa e para e dokumentuar në Shqipëri daton nga viti 1913.
Ajo nuk ishte një ndeshje mes dy skuadrave, por mes ekipit të Shkodrës atëkohë, që quhej “Indipendenca”, dhe ushtrisë austriake.
Kjo është, po ashtu, një prej shumë të dhënave dhe dokumenteve e objekteve me rëndësi, që flasin për zanafillën e kësaj loje kaq popullore në Shqipëri.
Të gjitha gjenden në Muzeun e Futbollit në zyrat e Federatës Shqiptare të Futbollit (FSHF) në Tiranë.
Muzeu u hap në vitin 2011, por, prej dy vjetësh, është i hapur për vizitorët që duan të njihen me historinë e futbollit.
Muzeu i Futbollit në Shqipëri.
Prifti anglez zëvendësoi topin prej lecke me top të vërtetë
Sipas të dhënave të grumbulluara nga Federata Shqiptare e Futbollit, historia e futbollit i ka fillimet e saj në dekadën e parë të shekullit XX.
Vitet 1905-1908 thuhet se u përshkuan me përpjekjet e “djemënisë” shkodrane për të shijuar dhe provuar lojën e re, që në atë kohë njihej si “topkëmbë”.
Loro Boriçi ngre kupën e fituesit në Ballkaniadën e vitit 1946. Ai ka qenë një nga futbollistët më të mirë. Stadiumi i Shkodrës mban emrin e tij.
Topi ishte prej leckash të trasha dhe ruante formën e rrumbullakët.
Më 1908, pastaj, Kolegjin Saveran në Shkodër e vizitoi një prift anglez, i quajtur John Ruter, i cili solli me vete një top dhe disa rregulla bazike, që u bënë pikënisje për zhvillimin e mëtejshëm të lojës së futbollit.
Pamela Ndocaj, specialiste e marrëdhënieve me publikun në Federatën Shqiptare të Futbollit, tregon për Radion Evropa e Lirë se të gjitha këto janë të dhëna të mbledhura gojarisht, ndërsa dëshmia e parë është një fotografi e ndeshjes së “Indipendencës” me ekipin e ushtrisë austriake, që ndodhej në Shkodër.
“Kemi fotografinë që e zyrtarizon këtë ndeshje, që u luajt me kohë të plotë, me rregulla loje, me gjyqtarë dhe me topin e vërtetë që e solli prifti anglez”, tregon Ndocaj.
Pamja nga ndeshja e vitit 1913. Fotografi e siguruar nga Muzeu i Futbollit Shqiptar.
“Më pas, më 1919, kemi bashkimin e disa shoqërive, nëpërmjet të cilave u themelua shoqëria ‘Vllaznia’. Ky moment njihet në historinë e futbollit si pikënisje e formimit edhe të shoqërive të tjera në Shqipëri. Efektet e formimit të tyre filluan të ndiheshin në Tiranë, Elbasan, Durrës, Vlorë, Korçë etj.”, shpjegon Ndocaj.
Ajo shton se në atë kohë u luajtën disa ndeshje ndërkombëtare me ekipe si “Cernagora”, “Cetinja”, “Podgorica” etj., që për nga emrat duket se vinin nga Mali i Zi.
Në Muzeun e Futbollit në Tiranë gjenden edhe dëshmi të tjera, siç është dekreti mbretëror i 6 qershorit të vitit 1930, për krijimin e Federatës Sportive, ku Federata e Futbollit ishte e para.
Top futbolli i viteve ’30.
Gjithashtu, gjendet dokumenti i Kongresit të Federatës Botërore të Futbollit – FIFA, që u mbajt në maj të vitit 1932 në Stokholm të Suedisë, ku Shqipëria u pranua me të drejta të plota në FIFA, si dhe dokumenti i pranimit të Shqipërisë në UEFA – Federatën Evropiane të Futbollit – si anëtare themeluese në vitin 1954.
Uniforma e ekipit kombëtar të Shqipërisë në vitet ’50.
Objektet e veçanta në muze
Specialistja e FSHF-së, Ndocaj, thotë se kultura e ruajtjes së objekteve historike në Shqipëri është pak e kultivuar.
Megjithatë, në këtë muze ka disa objekte me vlerë.
“Mund të përmendim disa, si topat origjinalë të viteve ‘30, ‘40, ‘50, këpucë origjinale, madje edhe ato të prodhuara në Shqipëri nga Ndërmarrja e Mjeteve Mësimore. Pastaj, medalje origjinale të fituara nga ekipi ‘Shpresa’ si kampion i Ballkanit në vitin 1978 dhe më pas më 1981…”, tregon Ndocaj.
Këpucë futbolli të viteve ’50-’60.
“Në muze kemi këpucët origjinale të golashënuesit më të mirë të kombëtares, Erion Bogdani, me 18 gola. Po ashtu të Alban Bushit, që është golashënuesi i dytë më i mirë, me 14 gola”, thotë ajo.
Përgjatë historisë së futbollit shqiptar ka edhe disa data me rëndësi, të dokumentuara me fotografi, si viti 1946, kur kombëtarja fitoi Lojërat Ballkanike, apo viti 1967 kur kombëtarja barazoi me Republikën Federale të Gjermanisë, në atë kohë nënkampione e botës.
Datat me rëndësi përfshijnë edhe fitore të tjera të kombëtares, ashtu si edhe zgjedhjen e Armand Dukës anëtar i komitetit ekzekutiv të UEFA-s në vitin 2019 dhe, pesë vjet më vonë, zëvendëspresident i këtij komiteti.
Vizita nga fëmijët deri te delegacionet e huaja
Muzeu i Futbollit vizitohet kryesisht nga delegacione të huaja, që për arsye pune e vizitojnë Federatën Shqiptare të Futbollit, si dhe grupe interesi, si skuadra futbolli dhe akademi të ndryshme futbollistike.
“Në fokusin tonë kanë qenë fëmijët, pasi janë e ardhmja e vendit, prandaj kemi mirëpritur nxënës nga shkolla dhe qendra edukimi, kryesisht gjatë verës”, thotë, po ashtu, Ndocaj.
Pamela Ndocaj, duke u shpjeguar fëmijëve historinë e futbollit shqiptar.
Ajo tregon se edhe qytetarë shqiptarë që jetojnë jashtë vendit, zgjedhin ta vizitojnë muzeun, kur gjenden në pushime në Shqipëri.
“Por, ka ndodhur që kanë ardhur edhe turistë të huaj”, thotë ajo.
Statistika për numrin e vizitorëve thotë se nuk ka, pasi hyrja është e lirë dhe nuk ka biletë.
Rikonstruksioni i Muzeut të Futbollit, sipas saj, është një proces i vazhdueshëm, pasi historia e futbollit shqiptar vijon të shkruhet çdo ditë.
“Suksesi i fundit ishte kualifikimi në Kampionatin Evropian këtë vit dhe sigurisht që e meriton një stendë më vete. Gjithashtu, duhen përfshirë bluzat origjinale, suvenirët, flamujt e kapitenëve që këmbehen gjatë ndeshjeve”, thotë Ndocaj.
Vitin e ardhshëm, në Shqipëri organizohet Kampionati Evropian për moshat nën 17 vjeç, ndërsa Shqipëria ka aplikuar edhe për të organizuar Kampionatin Evropian për moshat nën 21 vjeç. REL
Federata Shqiptare e Futbollit dënon me forcë aktet e turpshme që ndodhën gjatë ndeshjes së sotme kundër Çekisë. Koret raciste dhe përdhosja e flamurit shqiptar janë të patolerueshme dhe nuk i takojnë fushës së futbollit. Ky akt i rëndë përbën një sulm të hapur ndaj vlerave të futbollit dhe respektit midis kombeve.
Federata Shqiptare e Futbollit dënon fuqimisht çdo formë të racizmit dhe fyerjes ndaj simboleve kombëtare dhe do të dërgojë një notë proteste në UEFA, duke kërkuar masa të menjëhershme disiplinore. FSHF reagoi menjëherë që në pushimin e pjesës së parë duke u kërkuar organizatorëve marrjen e masave të menjëhershme ndaj këtyre akteve për të mos radikalizuar veprimet me ndërprerjen e lojës.
Futbolli është një lojë që bashkon dhe unifikon gjithë popujt duke promovuar barazinë dhe respektin për të gjithë, pavarësisht kombësisë apo përkatësisë etnike. Shqiptarët, si pjesë e familjes së madhe futbollistike, do të qëndrojnë gjithmonë në mbrojtje të këtyre vlerave dhe nuk do të tolerojnë asnjë formë racizmi apo urrejtjeje duke dënuar me forcë çdokënd që tenton të përdhosë bukurinë e këtij sporti.
Pavarësisht ndeshjes së sotme, Kombëtarja jonë ka treguar gjithmonë forcë dhe guxim për të përballuar çdo vështirësi duke u ngritur pikërisht atëherë kur lind nevoja. Bashkë me tifozët do të lëmë pas këtë ndeshje dhe bëhemi gati për të shkuar në Gjeorgji për një rezultat pozitiv.bw
Me rezultatin 2-0 mbyllet ndeshja, ku çekët ngjiten në kuotën e 6 pikëve, ndërsa kuqezinjtë mbeten me 3.
Kujtojmë së në dy ndeshjet e fundit të luajtura në Pragë, Shqipëria barazoi 1-1 me Çekinë në eliminatoret e Euro 2024 dhe fitoi 2-1 me Ukrainën (fushë asnjanëse), në sfidën e vlefshme për Grupin B1 të Ligës së Kombeve.
Kombëtarja shqiptare e futbollit do të luajë në transfertën e Pragës me Çekinë në orën 20:45 ndeshjen e tretë të Grupit B1 të Ligës së Kombeve, shkruan Syri.net.
Të dy ekipet kanë nga 3 pikë pas dy ndeshjeve të para, ndaj në sfidën mes tyre do të kërkojnë fitoren, për të “luftuar” deri në fund për vendin e parë në grup.
Tashmë janë publikuar dhe formacionet zyrtare të kësaj përballjeje, që mund t’i shihni në tabelën e mëposhtme.
Ekipi i Kosovës, Kampionati Europian i Parashutizmit
VOA/Raimond Kola
Ekipi Kosovës për fluturimet me parashutë u rendit i dyti në kampionatin europian në Gjirokastër pas ekipit të Çekisë që zuri vendin e parë.
Ndërsa parashutisti nga Kosova, Migjen Shala u rendit i treti pas pilotit serb Ivan Pavlov dhe pilotit gjerman Linus Schubert në garën individuale ku morën pjesë 100 pilotë nga 22 vende europiane.
Migjen Shala i tha Zërit të Amerikës se merrej prej tetë vitesh me fluturimet dhe këtë vit kishte zhvilluar stërvitje intensive për t`u përfaqësuar sa më mirë.
“Merrem që prej tetë vite me fluturime, por këtë vit jam përgatitur më shumë për këtë kampionat. Sigurisht jemi krenarë së bashku me pjesëtarët e tjerë të ekipit të përfaqësojmë vendi tonë Kosovën dhe si shqiptarë të kemi medalje europiane”, tregon ai.
Federata Aeronautike e Kosovës u paraqit në këtë kampionat europian me 7 sportistë mes të cilëve dy femra.
Kosovare Leskovci është njëra prej tyre. Ajo thotë se ndonëse hedhja me parashutë është një sport sfidant për femrat, ajo po ia del më së miri.
“Kam tetë vite që merrem me këtë sport. Është më e vështrië se për një mashkull sepse ne vajzat kemi përgjegjësi më të mëdha: familja, puna, shkolla, shtëpia, por mundohemi atë kohën e vogël që e kemi ta shfrytëzojmë të stërvitemi edhe të vijmë të pëfaqësojmë sa më denjësisht shtetin tonë Kosovën.”
Ekipi shqiptar u skualifikua më herët në kampionatin europian ndërsa katër parashutistët shqiptarë ndonëse kaluan në 20 më të mirët në garën individuale nuk morën vende në renditjen kryesore.
Tifozi më i veçantë i kampionatit ishte Noeli dyvjeçar, babai i të cilit garonte për Slloveninë dhe nëna ishte në garë me ekipin çek.
Kampionati europian për parashutizmin mbahet për herë të parë në Gjirokastër, një qytet që mbrohet nga UNESCO.
Drejtori teknik i aeronautikes shqiptare, Alket Islami thotë se ky kampionati europian i shërben më së miri edhe turizmit në qytetin e gurtë.
“Me këtë kampionat në nivel europian bëhet një reklamë e madhe për Gjirokastrën, për Shqipërinë. Këtu kanë ardhur mbi 200 pilotë bashkë me delegacionet. Jam shumë i sigurtë që do kthehen përsëri. Kishim pilotë që kanë ardhur për herë të parë dhe po ikin me përshtypjet më të mira për këtë pesiazh ideal, për këtë mikëpritje, për këtë trashëgimi kulturore qe e kanë ndjerë gjithandej dhe për këtë gastronomi që nuk do ta harrojnë kurrë”, thotë ai.
Aerodromi i Gjirokastrës është çertifikuar për fluturime sportive dhe qeveria shqiptare ka deklaruar se deri në fund të këtij viti do të shpallë garën për ndërtimin e një aeroporti.
Rafael Nadal, 38 vjeç, njoftoi tërheqjen e tij nga tenisi këtë të enjte. Në një video që zgjat më shumë se 4 minuta, Nadal jep që në fillim lajmin: “Jam këtu për të njoftuar se po tërhiqem nga tenisi profesionist. Ishin vite të vështira, sidomos dy të fundit. Nuk isha në gjendje të luaja pa kufizime. Është pa dyshim një vendim i vështirë, që më mori pak kohë për ta marrë, por në këtë jetë çdo gjë ka një fillim dhe një fund,” e nis Nadal.
Besoj se është koha e duhur për t’i dhënë fund një karriere të gjatë dhe shumë më të suksesshme nga sa mund ta imagjinoja”, shton ai.
“Por unë jam shumë i lumtur që turneu im i fundit është finalja e Kupës Davis që përfaqëson vendin tim, është një rreth i plotë që vjen, pasi një nga gëzimet e mia të para si tenist ishte finalja në Sevilje, në 2004. Ndihem me fat që isha në gjendja të përjetojë gjithçka.”sn
Kanë kaluar 11 vite nga aksidenti tragjik që i ndryshoi përgjithmonë jetën Mikael Shumakerit. Që atëherë familja e pilotit legjendar të Formulës 1 ka ruajtur rreptësisht privatësinë dhe informacionet për gjendjen e tij shëndetësore janë shumë të pakta.
Megjithatë me kalimin e kohës, janë zbuluar disa detaje, si për shembull mënyra sesi ish-piloti i Ferrarit komunikon me njerëzit që ka pranë.
“Shumaker nuk flet, ai komunikon me sy”, deklaronte kohë më parë Elisabeta Gregoraçi, ish-gruaja e Flavio Briatores. “Babai dhe unë kuptohemi në një mënyrë tjetër tani”, janë fjalët e të birit, Mik, që lënë të kuptohet se me shumë mundësi Shumakeri nuk mund të flasë.
SI ËSHTË SOT – Shumakeri aktualisht jeton në Majorka në vilën që bashkëshortja, Korina, e bleu në vitin 2018 nga Florentino Perez, president i Real Madridit. Vila shtrihet në një sipërfaqe prej 1500 metra katrorë dhe ka dy pishina, një helipad, një palestër dhe një kopsht të madh me palma. Ish-shefi i Ferrarit, Zhan Tod, ka folur për rikuperimin e Shumakerit në shumë raste: “Mikael është këtu, kështu që nuk më mungon.
Por ai nuk është më Mikaeli që ishte dikur. Ai është i ndryshëm dhe udhëhiqet mrekullisht nga gruaja dhe fëmijët e tij, që e mbrojnë dhe kujdesen për të”, ishte shprehur francezi. Vetëm disa ditë më parë mediat në gjermani raportuan se Mikael Shumaker ishte shfaqur për herë të parë në publik pas 11 vitesh, duke marrë pjesë në dasmën e vajzës Xhina Maria. Sipas raportimeve, legjenda e Formulës 1 ishte i pranishëm në dasmë gjatë festimeve.
Për të siguruar privatësinë u morën masa të forta, teksa thuhet se të gjithë të ftuarit në dasmë duhej të dorëzonin celularët e tyre në derë, në mënyrë që askush të mos mund të bënte fotografi të 55-vjeçarit.
FJALËT ALARMUESE TË MJEKUT
Ndërkohë së fundmi për gjendjen e mundshme të Shumakerit ka folur mjeku i njohur Jussi Posti, shef i departamentit te neurokirurgjisë dhe dëmtimeve cerebrale nga traumat në spitalin universitar të Turkut në Finlandë.
Informacioni i pakët në dispozicion nuk lë të kuptohet për ndonjë progres:
“Në bazë të asaj që dimë, nuk mendoj se ai bën një jetë shumë aktive. Të gjitha informacionet që kemi tregojnë se ai nuk është mirë. Pacientët që detyrohen të qëndrojnë në krevat për periudha të gjata bëhen të brishtë dhe të ngurtësuar deri në atë pikë sa nuk është më e mundur të ngrihen nga krevati pas kaq shumë vitesh.
Sipas asaj që dimë, nuk ka pasur asnjë ndryshim në gjendjen e tij në dekadën e fundit. Dyshoj se ka ndryshuar diçka e papritur në këtë fazë. Në përgjithësi, pacientë të ngjashëm mund të shërohen më së miri në dy vitet e para pas traumës, ndërsa më vonë niveli i rikuperimit mbetet fiks pa përmirësim. Këta lloj pacientësh janë si modele eksperimentale në rastin më të mirë”, është shprehur mjeku.bw
Gruaja e Mikael Shumakerit, Korina, ka ruajtur gjithnjë me shumë rreptësi detajet e gjendjes së legjendës së Formulës 1 për më shumë sesa një dekadë, që prej aksidentit në ski që i ndryshoi.
Por Shumaker thuhet se është parë në publik për herë të parë pas 11 vitesh, pasi ka marrë pjesë në dasmën e vajzës Xhina-Maria. 27-vjeçarja u martua me bashkëshortin Iain Bethke të shtunën e kaluar në një ceremoni magjepsëse në vilën e familjes në Majorka. Mediat në Gjermani kanë raportuar se legjenda e Formulës 1 ishte i pranishëm në dasmë gjatë festimeve. Shumaker vazhdon të kërkojë kujdes mjekësor gjatë gjithë kohës pas aksidentit të tij në ski që ndryshoi jetën më shumë sesa një dekadë më parë. Ai u rrëzua teksa bënte ski në Alpet Franceze, duke përplasur kokën në një shkëmb. Megjithëse mbijetoi, shtatë herë kampioni i botës kaloi 1 muaj në koma.
Që kur u lejua të kthehej në shtëpinë e familjes në Liqenin e Gjenevës në shtator 2014, ai është në kujdesin e gruas së tij, Korina, dhe të një ekipi mjekësh. Duke mbrojtur ashpër privatësinë e burrit të saj, Korina ka lejuar vetëm disa miq dhe të afërm të besuar të zgjedhur që ta vizitojnë ish-pilotin, dhe vetëm një pjesë e vogël e njerëzve brenda dhe jashtë familjes Shumaker thuhet se dinë detajet e gjendjes së tij. Por pjesëmarrja e Shumakerit në dasmën e vajzës së tij mund të jetë sinjali i një ndryshimi në qëndrimin e familjes. Edhe pse më parë ai ishte dërguar nga shtëpia e familjes në vilën e tyre në Majorka, këtë herë ishte ndryshe pasi raportohet se Shumaker është shfaqur para të gjithë të ftuarve të tjerë në dasmë. Për të siguruar privatësinë e legjendës së F1 u morën masa të forta, teksa thuhet se të gjithë të ftuarit duhej të dorëzonin celularët e tyre në derë, në mënyrë që askush të mos mund të bënte fotografi të 55-vjeçarit. Por një paraqitje e parë për shumë vite përpara anëtarëve të familjes më të gjerë dhe të tjerëve, është një shenjë se qasja e Korinës mund të jetë zbutur.
Gazeta spanjolle “Ultima Hora” raportoi se ceremonia zgjati rreth gjysmë ore dhe se të çifti i thanë “po” njëri-tjetrit rreth orës 16:00. Vila ku u organizua ceremoninë u ble nga Korina në vitin 2017, e cila thuhet se ka paguar rreth 27 milionë paund për blerjen e pronës nga presidenti i Real Madridit, Florentino Perez. Por kjo mund të mos jetë ngjarja e fundit familjare në muajt e ardhshëm që mund të shohë Mikael Shumakerin të shfaqet përsëri para njerëzve. Ndonëse ende nuk është konfirmuar fejesa, modelja daneze, Laila Hasanoviç, la të kuptohet se i dashuri i saj, Mik Shumaker, djali i legjendës së F1, i ka propozuar, duke treguar edhe unazën e diamantit në gishtin e saj në një postim të bërë në “Instagram”.
Volejbolli, bota e sportit në Shqipëri është në zi pasi Vangjel Koja ndërron jetë në moshën 92-vjeçare. Koja, ose siç njihej ndryshe si “babai” i volejbollit ishte një nga figurat me të shquara të këtij sporti.
Ish sportisti universal si atlet, basketbollist dhe volejbollist, kulmin e karrierës sportive e kishte si trajner i Dinamos në volejboll për meshkuj, ku vendosi diktatin e tij te kjo skuadër, kampione absolute në vitet ’70-’90 dhe ku arriti të hynte mes 4 më të mirave në Evropë.
461320169 10232989287184358 4559444160371305025 N
Koja ka dhënë një kontribut të madh edhe si trajner i ekipit Kombëtar në volejboll, praktikisht të gjithë jetën e tij e vendosi në dispozicion të sportit. Ndarja nga jeta e Vangjel Kojës është një humbje e madhe për sportin shqiptar.
Tifozët shqiptarë shpalosin baner me mbishkrimin “Kosova është Shqipëri” gjatë ndeshjes mes Shqipërisë dhe Ukrainës në Ligën e Kombeve, Pragë, Çeki, shtator 2024.
Shqipëria është buzë fitimit të së drejtës për ta organizuar së bashku me Serbinë Kampionatin Evropian të futbollit për nën 21-vjeçarët në vitin 2027 – gjë që ka shkaktuar zemërim në mesin e tifozëve në Shqipëri dhe në Kosovë.
Federata Evropiane e Futbollit (UEFA) njoftoi më 26 shtator se vetëm kërkesa e përbashkët e Shqipërisë dhe e Serbisë ka zënë afatin për organizimin e turneut, ndërsa Komiteti Ekzekutiv i saj pritet ta pranojë zyrtarisht kërkesën e dy shteteve jofqinje gjatë një takimi më 16 dhjetor.
Kur Federata Shqiptare e Futbollit (FSHF) njoftoi në muajin maj se u bë bashkë me atë të Serbisë për ta planifikuar organizimin e turneut me 16 kombëtare, i cili zhvillohet çdo dy vjet, ajo u përball me shumë kritika, sidomos në Kosovë. Por, ajo s’u zmbraps në synimin e saj, megjithëse i priti reagimet.
Grupi zyrtar i mbështetësve të Shqipërisë, i njohur si “Tifozat Kuq e Zi”, ka kërcënuar se do ta ndërpresë mbështetjen për kombëtaren, për shkak të këtij organizimi.
“Ky organizim assesi nuk mund të quhet i Shqipërisë, pasi FSHF-ja nuk ka kompetencë të flasë në emër të shqiptarëve dhe Shqipërisë, por vetëm në emër të vetin si organizatë, e që pas këtij akti do të gjejë mbështetje vetëm te punonjësit e vet që u jep pagë”, tha grupi në Facebook.
Shefi i futbollit shqiptar, Armand Duka, nuk iu përgjigj kërkesës së Radios Evropa e Lirë për koment, por ai kishte thënë më herët këtë vit për Associated Press se “ky është 100 për qind projekt futbolli”.
Pas lajmit të së enjtes, FSHF-ja u detyrua ta mbyllte hapësirën për komente në të gjitha postimet në llogaritë e veta në rrjetet sociale, për shkak të reagimeve.
Kryetari i Federatës së Futbollit të Kosovës (FFK), Agim Ademi, kishte thënë më herët këtë vit se nuk i kishte pëlqyer lajmi për organizimin e Euro U21 mes Shqipërisë dhe Serbisë, por se kjo ishte “çështje e Federatës Shqiptare” dhe se Kosova nuk ka infrastrukturë për të menduar një organizim të tillë me Shqipërinë.
Shqipëria gëzon mbështetje të madhe mes futbolldashësve në Kosovë, një pjesë e të cilëve kanë aspirata për një kombëtare të përbashkët. Për shembull, njëri ndër grupet më të njohura të tifozëve në Kosovë, “Plisat”, refuzon ta mbështesë kombëtaren e Kosovës, dhe është ndjekëse e rregullt e kombëtares shqiptare.
Grupi zyrtar i tifozëve të kombëtares së Kosovës, “Dardanët”, e quajti “të turpshëm” për Shqipërinë organizimin e mundshëm të këtij turneu me Serbinë.
“Shqiptarët e Kosovës nuk kanë nevojë për poshtërim moral dhe emocional, por për ndihmë dhe përkrahje. Ngjarja edhe do të organizohet, por turpi do të jetojë përjetë dhe nuk do të falet. Kosova nuk do ta falë. Jo në emrin tonë”, shkroi grupi i mbështetësve të Kosovës.
Serbia nuk e njeh shtetësinë e Kosovës, ku shqiptarët përbëjnë mbi 90 për qind të popullsisë, dhe tensionet mes dy vendeve fqinje vazhdojnë të jenë të larta edhe pas përfundimit të luftës së përgjakshme më 1999.
Shumë kundërshtarë të organizimit Shqipëri-Serbi e kanë kujtuar hedhjen e një droni me flamurin e “Shqipërisë së Madhe” në ndeshjen e futbollit midis Serbisë dhe Shqipërisë, në Beograd, në vitin 2014, e cila shkaktoi përleshje mes futbollistëve në stadium, dhe thirrje nacionaliste të serbëve kundër shqiptarëve.
Ata kanë përmendur luftën në Kosovë dhe incidentin e 2014-tës në kryeqendrën serbe si ndër arsyet pse Shqipëria nuk është dashur ta merrte parasysh organizimin e këtij turneu së bashku me Serbinë.
Pak muaj pasi Shqipëria dhe Serbia bënë të ditur synimin e tyre, federatat e dy shteteve u bënë ndër më të gjobiturat nga UEFA për incidente nacionaliste që tifozët e tyre i shkaktuan gjatë Kampionatit Evropian të futbollit 2024 në Gjermani.
Tifozët shqiptarë dhe ata serbë shpalosën pankarta me motive politike në lidhje me Kosovën, si dhe thirrje të ndryshme nacionaliste kundër njëri-tjetrit.
Në njërin nga këto incidente u përfshi edhe sulmuesi i Shqipërisë, Mirlind Daku, i lindur dhe rritur në Kosovë – i cili edhe u dënua për shkak se mori një megafon dhe iu bashkua thirrjeve të tifozëve kundër serbëve.
Kombëtarja e Shqipërisë ka një numër të madh futbollistësh me origjinë nga Kosova.
Në Kosovë, ditëve të fundit ka pasur edhe thirrje në mesin e komunitetit të futbollit që lojtarët kosovarë ta shqyrtojnë përfaqësimin e Shqipërisë.
Kosova u bë pjesë e UEFA-s dhe shtëpisë botërore të futbollit, FIFA, më 2016 – dhe që atëherë ka kombëtaren e vet të njohur, me të cilën përfaqësohet në gara ndërkombëtare.
Sipas një rregulloreje të UEFA-s, ekipet kombëtare të Kosovës dhe Serbisë nuk lejohen të takohen mes vete në garat evropiane.
Duka – i cili është edhe nënkryetar i UEFA-s – tha gjithashtu se me këtë organizim “ne mund ta japim një mesazh shumë të mirë politik”.
“Ndoshta 10 vjet më parë ka qenë e paimagjinueshme që ne të garonin për një organizim të tillë”, tha Duka.
Ai gjithashtu e pranoi se Shqipëria kishte më shumë shanse ta fitonte organizimin e Euro U21 më 2027 duke garuar së bashku me një shtet tjetër.REL
Komentet