Pas fitores së Partisë Demokratike më 22 Mars 1992, më 30 korrik 1993 lideri i PS Fatos Nano u arrestua dhe u burgos me akuzën për korrupsion dhe abuzim detyre. Burgosja e tij u be problemi kryesor i Shqipërise post komuniste, sepse shumë socialistë besonin se kjo burgosje ishte shkase e opozicionit të Nanos ndaj qeverisë së Berishës, që kshte vetëm një vit që kish ardhur në pushtet.

Trashëgimtarja e Partisë së Punës ishte PS e cila konvertoi vetëm emrin por nuk u distancua kurrë nga krimet e diktaturës komuniste si krime kundër njerëzimit edhe sot pas 36 vitesh tranzicion.

Gjatë vitit 1994 në Shqipëri mbinë skemat piramidale dhe rënia e tyre në vitin 1997 shkaktoi një revoltë të armatosur të nxitur nga opozita kundër qeverisë me kërkesën për kthimin e parave të humbura në firmat piramidale. Kjo revoltë që u shoqërua me rënien e shtetit, ishte si luftë civile dhe u konsiderua “Revolucion i vonuar”, që nxori nga burgjet dhe e dëmshpërbleu dhe e rehabilitoi kastën e vjetër të nomenklaturës. Pas një amnistie nga Berisha më 1997, që asaj kohe ishte president u liruan nga burgjet gjithë zyrtarët e lartë të regjimit komunist duke nisur nga Ramiz Alia, Nexhmije Hoxha etj. Midis tyre doli nga Burgu i Bënçës edhe Fatos Nano, i cili nga zgjedhjet e jashtëzakonshme të qershorit 1997 u emërua kryeministër i Shqipërisë nga presidenti Rexhep Mejdani.

Ndërkohë drejtësia e vendosur pas tmerrit të 1997 i rehabilitoi ata që ishin arrestuar dhe burgosur gjatë qeverisjes së PD, që ishte qeveria e parë demokratike pas gati gjysmë shekulli diktaturë. Fatos Nano u shpall i pafajshëm dhe për tre vite e tetë muaj burg u zhdëmtua me 78 milionë lekë të vjetra, dmth për çdo muaj nga rreth 1 milionë e 800 mijë lektë të vjetra. Flasim për vitin 1997, kur rrogat e zyrtarëve më të lartë të shtetit shkonin rreth 4-5 qind mijë lekë të vjetra.

Ndërkohë lind pyetja legjitime se përse familje e të persekutuarve, të gjithë të pafajshëm nuk u zhdëmtuan me të njëjtin standart?

A kemi të drejtë të themi se viktimat e diktaturës janë persekutuar edhe këta 36 vjet tranzicion.

Burimi Lajme Arkiva – TV Klan 2001 Kryetari i Partisë Socialiste Fatos Nano, do të shtojë në xhepin e tij brenda pak ditësh së bashku me avokatin, 78 milion lekë të vjetra. Gjykata e Tiranës, i ka dhënë të drejtën sot liderit të mazhorancës socialiste, për t’u dëmshpërblyer për çdo ditë qëndrimi të tij në burgun e Bënçës. Trupi gjykues i kryesuar nga gjyqtari Martin Deda, ka pranuar kërkesën e tij, duke urdhëruar Ministrinë e Financave që t’i japë Nanos shifrën e kërkuar prej tij. Nga shuma e përgjithshme, pesë milion lekë të vjetra do të shkojnë në xhepin e mbrojtësve të Nanos, në procesin e viti 92, ku ai u dënua për vjedhje dhe shpërdorim detyre, por që më pas mori pafajësinë. Vendimi në fjalë erdhi pas kërkesës së bërë nga zoti Nano, i cili pas shpalljes si i pafajshëm kërkoi të dëmshpërblehej. Pas kësaj, Nano do të pres vetëm veprime teknike për të shtuar në xhepin e tij 73 milion lekë të vjetra./tvklan.al Gazetar – Patrik Sadikaj