PAK SHI TRËNDAFILIT TË ÇAMËRISË
-Sonte të ujita me pikat e shiut të syve të mi

Ec koha ime t’i takojmë trëndafilit
Sy e vesh t’i bëhemi kohës së tij
Më u ba fytyra ma e bukur së e Mona Lizës
Tê gjitha bukuritë më i lënë nën hije

S’di cilit më i ba lutje shiut a syrit tim
Të më sjell pakëz shi
T”ia ujitii rrënjët e trëndafilit të kopshtit tim
E jetës t’i them së unë e atdheu

Jemi besatue mes vete pa asnjë dëshmitarë
Kurrë mos më u hidhërue me njeri-tjetrin
Në asnjërën kohë edhe të pakohës sonë
Veç për liri më iu ba peng ti okës së gjyshërve

Edhe kur s’është koha për dashuri t’shejtë
Dashurinë më e rujtë mu në zemrën e çlirimtares
Sa herë të më vie muza e idolit tim prej poeti
Më i çmend demonët që çdo çast na urrejnë

Ndoshta s’kam pasur kohë nga luftërat e shekujve
Më e dashtë njeriun që ma ka dashur shpirti
Fajtor jqm dhe për të gjallë më djeg ferri i Dantes
Por zemrën e lash këtu bashkë me tokën e ndarë

Sikur dashuritë e thyera në njëqind copa atomi
Sonte të ujita trëndafil me pikat e shiut të syve të mi.
E krijuar më 14 janar 2023 AGIM DESKU

PARAJSA E EMRIT TIM

Në njëmijë e një netë eca
Nëpër legjendat e Rozafës
Nuk e di se si e gjeta parajsën
Në bukurinë e Tanagrës të pava
Kur sytë e tu shndërrisnin jetën
Aty pash vargun e dhembjes
Rreth e rrotull botës më sjelli jeta
Për të zënë një vend në tokë
Dhe një mes yjeve dhe diellit
Më u ba flakë e rreze drite
E kisha premtim nga hyji
Vargun që me vite e kërkova
E gjeta tek zanat që ma kishin rue
Në gji dhe në shpirtin e miqve të mi
Trokita në portën e poetit rebel
Ishte gota që mbushej helm e vrerë
Mbeta i dehur bashkë me kujtimet
Për pak më u ba asht i thyer
Së shekujt nuk më pranuan për njeri
Atë ditë kur u gozhdua Krishti
Retë e zeza ranë mbi emrin tim
Sa shpejt më pagëzoj nëna në Agim
Ndoshta nuk e kisha ditur kurrë emrin tim.
8 Prill 2023 AGIM DESKU

ROBINJA

Të kanë thënë
Ma shumë se me zemër
Robinja ime

Me secilën lule
Të kanë krahasu

Trëndafili i shpirt
Të kanë thirrë
Nëpër secilën kohë

Breza të kanë rujtë
Si sytë e ballit
Dhe në sy të kanë pikturu

Hyji të ka shndrru
Në hyjëri

Rrugën për Olimp
Poetët ta kanë shtrue me lule
Mbrëmjeve kur s’ka hënë
Yjet të bëjnë dritë

Robinja ime
Kështu e thërriste babai
Nënën time.

06 Prill 2023 AGIM DESKU

KA ÇKA S’KA

Ka çka s’ka
Ka të mirë
Ma të mirë së unë

Ka çka s’ka
Ma i keq se unë
As ti s’je

E di së jam i keq
Së e mbaj fjalën
Me njëqind dryna
Në zemër e prangosi

Hi e pluhur atdheu
Bëhem
Për fjalën që brezat ma rujtën

Sot s’mund ta gjej ma
Edhe nëse njëqind herë vdes
Për të

Ka çka s’ka
Me fytyrë e të paftyrë
Këtu qëlloftë njeriu
Kur është ma i keqi së unë

Eh ka çka s’ka në këtë jetë
Një botë e dhembshme
Plotë plagë të shpirtave kryeneq
Që vdesin kot se koti
E s’dinë të vdesin për dashurinë.

04 Prill 2023 AGIM DESKU

LUMI I JETËS
-Mikes që m’u bë pergamenë e lirisë

Ç’të them për ty e detin
Jeni të njëjtë
Mund të mateni edhe me fjalën time
Askujt s’ia kam fal veç teje

Më vjen keq për Titanikun
Por fundosja e tij na dha fuqi
Më e rujtë besën e dhënë

Sa herë biente shi
Mbi lumin tim të bardhë
Ti ke flurue në vend të pulëbardhave
Stuhitë m’i ke ndalue me ambrellën e shpirtit

Edhe pse larg i kishim valët e detit
Të rrahurat në zemër valëviteshin njëjtë

Sa herë e kemi marrë n’gryk detin
Kemi dashtë më e pi
Më u deh si dy të krisur

E më humb larg sysh
Ku s’jeton asnjë njeri i urrejtun. 22 mars 2023 AGIM DESKU

KËNGË ZANE

Shpesh herë të marr peng
E di që je këngë zane
Edhe pse jeton nëpër secilin gur
Së bashku me të bukurën e detit dhe tokës
Atëherë vjen i njëjti varg i poetit
Për të qenë fjalë e zemrës
Më duhet të rri zgjuar nëtëve të pafund
Më u përballë me etjen e tokës
Që m’i ngjan thatësive sahariane
Nganjëherë të marr në përqafimin tim
Si dhuratë që më ka lënë Zoti i luleve
Më u lutë agimit për shi
Më ardhë pranverat para marsit kryeneq
Trëndafilat na presin ditën tonë
Kur lutemi për shpirtin luftarak
Të secilës betejë të luftëtarëve
Që ëndrrat m’i bënë fjalë të lirë
Sot jam zënë me secilën këngë
Që nuk e ka emrin e heroit tim
Të gurëve të pandarë të Rozafës
Ku sërish dua të dëgjoj këngën e zanave
Ndoshta pas pesë shekujve të mallit
Na duhet më u shndrrue në varg loti
Më u pa së bashku në dritën e diellit
Vetëm atëherë do ta kemi fatin e zotave. 21 mars 2023 AGIM DESKU

ME POETËT NGRITËM TROLLIN MBI RE

Kurrë nuk i besova Lasgushit
Pse deti i Serembes ishte i pafund
Në valët e tij dremiste vargu i poetit
Këtu e ndjeva shpirtin tim të gjallë

Mes dy poetëve i gjeta dy rreze të diellit
Pranova të fundosem pak para Titanikut
Vetëm Serembes t’i shpëtojnë lirikat e gjalla
Dashuriçkat që poetët ndonjëherë vdesin për to

Tjetër vdekje s’kanë asnjë poetë
Fjala për plagët e dhembjes i mban gjallë
Për tokën e lirë pa asnjë pushtues trualli
Nëse për tokën e falin dashurinë dhe kokën

Edhe pse larg më rri fjala e poetit gjatë shekujve
Orët e zanave m’i kanë sjell në secilin gur atdheu
M’i kanë muros rrënjët e mia pellazge
Ku tjetër përpos në kalanë e Rozafës

Nuk përfundojnë këtu plagët që m’i kanë krijue
Demonët s’ka kush t’i pagëzoj në djajë të Mojsiut
Ecin të lirë dhe ma vrasin lirinë e çlirimtarëve
Dikush është mëkatar pse koha ime ka pak diell. 8 Mars 2023 AGIM DESKU

MUZA

Para syve të mi e gjeta muzën
Në pranverën e parë të vitit 1999
Si sot në njërin gjeth të trëndafilit
Që sapo kishte çelë marsit rebël

Blbilat në të njëjtën ditë i këndonin
Të bukurës more që çajti detin
E kurrë ma nuk u kthye në folen e vet
Pranvera e paska rujtur muzën time

Diku nën thellësitë e Titanikut
Vetëm simfonitë e Betovenit s’fundoseshin
Lirisë i jam betue që ta nxjerri nga ferri
O dashuri s’kam për të gëzue asnjëherë

Si sot i kujtoj betejat e luftëtarëve
Çlirimtarët paskan qenë shpëtimtarët e mia
Në dyluftim me demonët sërish jam ngritë
Në olimp nëse një ditë takoj muzën time

Gotat për të vërtetat e jetës do t’i ngriti
Për luftëtarin që u shdrru në hero të lirisë
Një për besnikërinë e muzës që më vie pas
Dhe për zemrën time nga syri i keq të mos plasë.

7 Mars 2023 AGIM DESKU

U LA RICA
-Diedikim piktorit!
-Një histori e rrallë e vet historisë së perëndeshës Ularica!

E pava me sytë e mi Ularicën
Sa bukur ia pikturuan trupin perëndeshës
Lumit të jetës ia morën ngjyrat e ylberit
Piktorët u zunë secili me artin e vet

Më i miri ishte maestro Idriz Berisha
Me këngën e vajit ia ngjyrosi fytyrën
Fjalën për qendresën ia shënova në varg
Gêrshetat e nusërisë ia fali Doruntinës

Në rikthimin e shënjtë të kultit tim fishtian
Një histori e rrallë e vet historisë
Sa të thella i gjeta rrënjët e mia dardane
Në çdo shekull Dardania ka nga një perëndeshë

Haikun e poetit e ka krijue edhe para poetit
Çfarë më duhet poezia nëse s’i takoj perëndeshat
Dua të notojmë në lumin e jetës me piktorin
T’ia pikturojmë kurorën mbretërore të fisit tim

Dhembjet e perēndeshës i mbajë nën lëkurë
Një plagë ma shumë çdo ditë më shtohet
Kur fluturoj bashkë me zogjtë për perëndim
Një lutje më takon ta rikthej Itakën time

I dimë unë e Zeusi cilët ishin zotnat pellazg
Të gjitha i kam lexue në ditarin e Homerit
Por toka ka një histori betejash për liri
Në asnjërën kohë nuk i kanë mungue heronjtë

As lumentë ku janë la perëndeshat e mia
Dashuritë i kanë rujtë për t’i shëru plagët e betejave
Nëse njeriu harron poeti nuk i harron rrënjët
As edhe atëherë kur është i zënë peng i atdheut

Ps:Në pusin e Jarinës ku e kanë pa duke u la Ricën nê lum dhe ky vendbanim i vjetër quhet Ularica!..

Shtutgard,5 Mars 2023

PEJA IME

Nuk e di cili i rujtëm ëndrrat
Ma shumë unë apo ti Peja ime
Unë të pash ëndërr
Në qytetin e Siparuntit
Ku lumi i bardhë të qëndron pranë
T’i rrëfen kujtimet që s’kthehen ma
Edhe shekujve ia kalojmë
Sa të vjetër jemi
Bukën burrit e të paburrit ia falem
Peja ime e viteve të ferrit e lirisë
Peja ime e Lidhjës së Pejës
E Mullirit të Haxhi Zekës
E Muzeut ku ruhen gurët e lashtësisë
Djepat që rritën luftëtarë të atdheut
Peja ime u bëre fole e këngës e zemrës sime
Të kam borxh vargun ma të bukur Fishtian.
15 mars 2023 AGIM DESK

PRANVERA NË DRENICË

Bilbilat erdhen sot të bashkar para neve
Lutjet për diellin u bënë vargje të poetit
Etja për ta ngrit gotën më erdhi për një çast
Retë shpejtuan ta sjellin pranverën ma herët
Tek porta e diellit s’vonouan rrezet për lulet
Ëndrrat e lirisë i gjeta në zjarrët e Prekazit
Ti Drenicë e paske rujtur burrninë e heroinave
Mbi ferrin je ngritur në Promethe të gjallë
Atdheu ia ka fal dashurinë çlirimtareve
Vetëm ëndrra për tu bashkue na bën heronj
Asnjëherë nuk harrohet Purgatori i Dantes
Verë Çamërie dua të ngriti poezive të mia
Ethet për festën e bashkimit tani më zënë
Sytë e mi do t’i ndërroj me sytë e tu Drenicë
Edhe nëse hero i fundit i dashurisë mbetëm
Lexoj flakën e diellit dhe emrin tënd të flaktë
Ah sa gjatë jetova sot sa një mijë vite të arta
Jetën e krijova në varg e vargun e bëra jetë.

27 Shkurt 2023 AGIM DESKU

 

 

ORKIDE

Im zot
çfarë të bëj me lahutarin
Kujt do t’ia lenë kujtim
këngën e tij

Çfarë t’i ruaj
në gjeth trëndafili
A kemi ende kohë
kur lirinë e kishim shpirt

A u tret ashtin im diku
ku bren miza hekur
Ku retë e bardha
ishin bërë gati për shi

Më i rujtë
në kopshtin e Edenit
orkidetë
Ktheva ta ndaloj harresën
e qiellit për shi

Ajkunë
fort i buzëqeshe lahutarit
Puthjen s`kishe kohë më ia fal
Së koha nuk ishte për dashuri

Para atdheut
fytyrën e kishe plot diell
Njëqind kapedanave ju dhe gji më pi
Deri sa lindem unë e Rozafa

Të dytë u bëmë dhe për atdhe
Lule për pranverat e marsit kryeneq.

18 shkurt 2023 AGIM DESKU

DASHURINË E LANË PENG
-Urime 14 Shkurti shqipe!

Një ditë si zakonisht
e ngrita gotën miqësisht

Në vargje e uroj tërë botën

Shqipeve rrezet e diellit
Dhe një gotë ngriti
për bukurinë e tyre

Brezave ishin çlirimtare
Të atdhedashurisë
Hyjri nga Tanagra deri me sot
Ia kalojnë secilës Mona Lizë

Vitet i kam dëshmitar për besnikërinë
Kurrë s`kishin kohë për dashuri
Atdheun e kishin në zemër
Puthjet i lanë peng
Për luftëtarët e rënë.

14 shkurt 2023 Agim Desku

DETI

Njerëzit e mi
A fjetët mjaft këto ditë dimri
Unë kisha me thënë
Koha është më u zgjue
O sot o kurrë ma

Ne ende flejmë
Poetët e kanë zënë Olimpin

Neve na ka zënë gjumi i thellë
Ma i thellë së vet deti
Ma i gjërë së krejt sipërfaqja e tij

Edhe kur Bajlozët vijnë
Dhe bëjnë kërdi në këto anë

A ngjajmë në durimin e detit

Në fundosjen e Titanikut
Si të një flete dushku
Kush ngjanë

Për rreth nesh janë demonët
Që bota i toleron. Shkurt 2023 AGIM DESKU

LETËR E PA LEXUAR

E di së janë bërë letra shumë të shkrueme
E mendova ta zgjoj heshtjen që më plasi
Më 1912 ishte Isa Buletini në Vlorë
Kur u shpallë Pavarësia

Në këtë letër dua t’i kujtoj dy Kongreset famkeqe
Kongresin e Berlinit dhe Konferëncën e Londrës
Shqipërisë iu mor gjysma e Shqipërisë
Burgu i vetëm i Evropës mbetëm ne shqiptarët

Të plaqkitur,të rrahur e të sharë e në fund të vrarë
Më tokën tonë të shenjtë pa të drejta e pa liri
Nuk ishim pushtues si fqinjtë tonë
Çfarë faji na randon pse neve na masakruan

Bijtë ma të mirë na i zhdukën para syve të nënave
Evropa i ka mëkatët e veta dhe duhet të na bashkoj
Ashtu siç ishim para Kongreseve të Ndarjeve
Të na kërkojnë fale tërë bota

Dua të dëgjojmë këngë të Bashkimit jo të Ndarjes
Rrugën për Evropë e kemi trasue me gjakun e çlirimtarëve
Tjetër udhë nuk na vyen përpos Rrugës së Kombit
Fqinjtë kanë shumë nëkate

Për hirë të pakicës së vet
Ata duhet më na kërkue falje për gjenocidin ndaj neve
Pastaj vjen dëmshpërblimi
Evropa nëse do më qenë e lirë dhe e bashkuar

Me neve e pa vrasës
Ose me vrasës e pa neve.

EH,KY ZË LAHUTE

Eh ky zë lahute edhe diellin e skuq
Edhe pse qëndron si shkëmb shqipesh
M`I bën roje fytyrës që ma kërkojë të paftyerit
Kur atyre iu mungon fytyra e vet

Nuk ia sheh ma fytyrën e tij
Se sa ia sheh këmbët e gjarpërit

Le ta di edhe dielli
Së këtu jetoj unë me rrezet e tij
Le ta di edhe i paftyeri
Së këtu jetoj unë me fytyrë të diellit

Le ta di edhe mik e armik
Edhe vet djalli dhe biri i tij
Së diellin askujt nuk ia fali
Për aq sq jetë atdheu kam

Për të gjallë timin s`do ia fal askujt
Diellin as dashurinë që mezi e nxora
Sikur në legjendat e Gjergj Elez Alisë
Shtatë pash nën dhe grapova

Dhe shtatë pash në qiell u ngrita
Diellin askujt nuk ia fali
As për të gjallë të Ajkunës
Së bota në perandorë thonë ka mbetë

Në trekëndshin e Otrantos rrimë
Duke pritur Godon për t`i hapur letrat
Kutinë e Pandorës për ta rihapur një ditë
Të dielën toka më pret lutjen time

Nuk di çfarë të bëj kur njeriu më shfaqet në hyjni
Me perëndeshën e perëndive qenka shkrue të jetoj
Do tëë jetoj në ëndrra se kurrë ma nuk më persëritën
Edhe pse në olimp e ka nda veten me poezinë.
8 shkurt 2023 Agim Desku

LUTJE

Nuk është mëkat më u lutë
Të gjej miq të mirë për zemër
Sikur më u lutë për shi pranverës
Të çelin lulet ma herët së herave tjera

Me duhet më u lutë për miq të mirë
Që na falin buzëqeshje të hareshme
Si për diellin kur na fal dritën
Ëndrra për miqt e mirë është e gjatë

Vazhdon ta kërkon të bukurën
Në tokë dhe det
Dhe shndërrohet në romane të jetës

Miqt e mirë diku janë
Jetojnë me diellin
Shpirtin e kanë plotë dritë
Në zemër na trokasin

Miqt e mirë janë vet yjet
Ngjyrat ma të bukura në shpirt i mbajnë
Flasin me zërin e bilbilave
Jetojnë në zemrat tona.
03 shkurt 2023 AGIM DESKU

KOHË PROMETHEU

Kur e shoh kohën tënde
Në fytyrën time
Po e harroj ku jam unë
Së tokën time e harrova
Për njëmijë vjet

S`di që mund t`ia bashkoj
Ma as plagët që mu bënë lot
Së për të pagjeturit as që bëhet fjalë
S`kanë kohë së ka rënë shi

Vesa bashkë me retë e bardha
E kanë mbulue tokën që më takon mua
Rozafa është bekimi im i parë
Pas tragjedisë së Tivarit

Tragjeditë tona janë edhe para Shekspirit
Apo edhe Shekspiri na del një pellazg i urryer
Nga civilizimet botërore që janë të vona

Kohën tonë nuk e shoh askund
Do të dëshiroja të di rrugën e saj
Nëse zbret nga qielli rrugës së frymarrjes
Kah unë marr frymë me zemër atdheu

Jam zënë me natën e fundit të ferrit
Ferr u bëfsha nëse rri sërish këmbkryq
S`dua më jetu si burrë i drejtë
Në sofrën plotë hileqarë
As të më lavdërojnë për atdhetar

Dua të shndërrohem në një burrë për dreq
Edhe pse më dinë për ma të keqin e kohës
Sepse vetë kjo kohë arriti të ma mund të mirën
I lumtë së si më zgjodhi për njeriun e harruar.31 janar 2023 AGIM DESKU

MË NGJANË NË ART
-Poetit që s`ka vdekje

Del në dritare poet te të shoh
Së vetëm ti ke pranverë siç e dëshiron
Në varg ma ringjallë Prometheun e mallit
Edhe kur botës i mungon fryma e artit

E di që demonë të ndaluan të bëhsh varg
Më duhet t`i vizitoj shkëmbinjët e gurtë
nëse ta rikthej kohën e artë të olimpit
Ma thonë piturat në ekspozitën e artit të shtatë

Poet si ti nuk lind ma vetëm Heminguejt i ngjanë
T’i them këto fjalë me të cilat jetova kohën e ferrit
I ika prangosjes nga Purgatorët e Dantes
Ku u ushqeva me të zitë e ullirit siç e thonë

Të thanë poet mos rri me heshtjen së të prangosin
Koha e demonëve që fundosen Titanikun ende jeton
Nga ferri e zgjodhe të bukurën e varfër të vargut
Me simfonitë e nëntë të Betovenit e qave Ajkunën

Bëhu valë deti lum poeti dhe rri me pulëbardhat e agimeve
Ushqej me shpirt të hyjnive dhe këndoje këngën e bilbilave

Poet sa më ngjanë në lumen e Ali Podrimjes
Dhe legjendën e ëndrrave di ta bësh ëndërr të vërtetë
për të bukurën e detit.

MBRËMJA ME POEZINË

Këtë mbrëmje kur hëna mungon
Yjet zbriten pa frikë së takojnë stuhitë
E bajlozve që kishin kalue detin

Sonte e mora lajmin e gëzuar
Së vargu s’do të mbetet pa u krijue
As fjala e bukur pa u thënë për Rozafën

Fal saj sot kalaja është ngrit në këmbë
Dhe Gjergji vdiq për të jetue një ditë
I lirë si vet vargu që krijojnë poetët

Apo edhe betejat e luftëtarëve
Që u ngritën në çlirimtar të atdheut

Këtë mbrëmje fati deshi të më gëzoj
Së yjet janë shndërruar në shërues plagësh
Që me vite dhembjet e mia u bënë det

Kam mendue sonte më u rebelue
Më u ba një palaço i dehur për dhembjet
Që shekujt m’i kanë shndërrue në ferr

Ndërsa unë e sakrifikova dashurinë e Eves
Me Mollën e Kuqe të ndarë mes meje dhe Adamit
Krijuam Kopshtin e trëndafilave të Edenit

Me Kalorësit e Venedikut shëtitem të lirē
Nëpër shkëlqimin e ngjyrave të ylberit u pajtuem
Së poezia një ditë do të na bashkon

Sot e them ma mirë së nesër nëse është vonë
E di se nuk është koha për dashuri
Së në Kumanovë Mirsad Ndrecaj është aty
Askush se thonë së yjet edhe në vargje ndriçojnë. 24 Janar 2023 AGIM DESKU

KA SHQIPËRI
-Fishtiane

Ka Shqipëri
Së ka Kosovë e Malësi
Preshevë dhe Iliridë
E Çamëri

Ka Shqipëri
Së ka flamur e burrëresha
Ka edhe ndonjë burrë

Ka Shqipëri nëse fol drejt
Kur betohem unë e ti
Në shpatën e Skënderbeut

Ka Shqipêri
Kah fluturojnë shqipet
Në Mirëditë e Filat
Në Pejë e Berat
Në Shkup e Ulqin
Në Preshevë e Tiranë

Edhe në Qafëthanë
Ka Shqipëri në çifteli
Ka në Shkodër Fishtën e gjallë
E do të ketë sa të ketë jetë
Së ka zot e Kastriot

Në Çamëri ka çlirimtarë

Ka Shqipëri në vargun e poetit
Ka edhe dashuri në poezinë e tij

Ka në Shqipëri edhe hyjni
Që na ruajnë me xhelozi
Nga syri i keq e tradhti

Ka në Shqipëri diell e hënë
Ka dhe baba e nënë

Eh,dhe çfarë nuk ka
në Shqipëri
Askund në botë nuk ka
Ka vajza dhe djem të ri
Ky margaritar është një pasuri.
24 Janar 2023 AGIM DESKU

PËR TY

Për ty do të qan toka
Nëse emri yt tretët në pafundësi

Perëndesha duhet të jeton
Me e mbrojtje fisin e saj
Nga stuhitë e Etnës

Perëndeshë
Dua të qaj me lot të zemrës
Dua yjeve të ju marr ndriçimin
Ai ndiçm të takon vetëm shpirtit tënd

Perëndeshë
Dua të qaj për ëndrrën
Kurt ë pash në gjumë
Dhe mora gotën të dehem
Në këtë dehje u përzien lumenjt
Që rrjedhin faqeve të mia.19 Janar 2023 AGIM DESKU

KUFIRI I DHEMBJES
-Mërgimi kafshatë që s’kapërdihet o vëlla!

Në Purgatorin e Dantes më rri dhembja ime
Ndoshta pse kot i lindem Zotit dje
Çfarë mëkati bëmë më i marrë rrugët e mërgimit
Pse na duhet më ia kthye shpinën jetës

Kujt t`ia lemë lotët nëpër sytë e perëndeshës
Kur lotët e saj më përcjellin rrugës që s`ka fund
E lumenjt mbushën grimca dhembjesh e lot shpirti
Për më u ba një ditë det i çmendurisë së fatit tim

Ah ,mërgim si s`më ndalon zoti im të vie tek ti
As nuk ka lutje që i shëron plagët e jetës në dyluftim
Me të cilat po përballëm dje dhe sot
E kurrë çlirimtar i zemrës nuk mujta më u ba

Edhe pse dashurinë time ia fala atdheut të robëruem
Atëherë kur shekujt na prangosen në shpirt e zemër
Së mërgimi është kafshatë që s`kapërdihet o vëlla
Dhe ia humbë bukurinë e fytyrës perëndeshës

E më u deh në gotën e ngritur për të bukurën e ëndrrës
Për flakën që e djeg dashurinë e zjarrtë të çlirimtares
Dhe vargun tim ç`ma bën hi e pluhur si në legjendat e Gjergjit
Ndoshta fati im doli nga ëndrrat e u ba dritë heronjësh

Do të rikthehem sërish edhe ma i fortë së Prometheu
E di që perëndesha është zot i tokës dhe qiellit
Vetëm në vargun e poetit e ëndërron veten të lirë
Ndërsa kufirit të dhembjes i them larg nga unë. 19 Janr 2023 AGIM DESKU

PËRËNDESHË

Kujt ia more buzëqeshjen
Perëndeshë
Hënës ma thot shpirti
Dritën nga kush e ke

Zemra ma thotë nga dielli

Shkëlqimin përrallor të fytyrës
E ke ikonë të atdhedashurisë
E besoj veç nga yjët e mbrëmjes
e ke

Në fatin tim je varg i bukur
I nxjerr thellësive titanikiane
I murosur me gurët e Rozafës

Perëndeshë ia kalon secilës bukuri
Edhe Mona Liza mbetët nën hijen tënde

Nëse do ishe nuse e Çamërisë
Nga çdo anë të shqipeve
Krushqê e dasmorë do vinin për ty

Më i thye çdo kufi e më të percjell ty
E bukura detit e hyjnesha e tokës

Ç’fat do të kishte jeta perëndeshë
Nëse një ditë na i bashkon emrat e shqipeve
Në Agim e Bashkim dhe në Eli e Marie

Ndoshta duhet më i protestue vargunt tim
E më e bashku me shqipet në fluturim

Drita e diellit si në kohë të Homerit më ndriçue
Perëndeshë që më rri mbi re të bardha
Zbrit në tokë pash sytë e tu

Përmes shkallëve të zemrës sime
Nuri yt më ia ndriçue vargun poetit
Është në pritje të perëndeshës! 18 janar 2023 AGIM DESKU
ÇASTE OLIMPI

Sa me fat jeni që jeni afër yjeve
Me emrin e perëndive në gji
Ngadalë zbritni shkallëve të ozonit
Për t’u ngrit në çaste olimpi

Dhe është me fat Prometheu
Që i keni fal fuqinë e perëndive
Për të ecur flakës së diellit
Pa u vonue për të ndrit jetën

Sa herë unë vonohëm në dashuri
E kam afër zemrës perëndeshën
Etjen e Eves e shujmë së bashku me Adamin
Bregut të buzëve të thara në Kalimero

Dhe deti merr ngjyrën e mbrëmjes
Hëna buzëqesh me fyryrën e perëndeshës
Nuk bën mëkat kur më merr edhe mua
Për fjalën që ia kam fal mikes sime të shenjtë

Perëndeshë sa m`i ngjan Afërditës se qiellit pa stuhi
Akropolit ia keni krijue këmbët me krahët e mbretëreshave
Dorën në zjarr e vëj me zemër dhe lutem për perëndeshën
Sa fat kam që i takoj kësaj epoke pa mëkate për dashurinë.
02 Janar 2023 AGIM DESKU

LUFTË QENSH

Luftë
Të shitofshin zanat
Kurrë mos u rritësh
Ma e madhe
E vogël si hije mbetësh

Asnjëherë
Mos ta dëgjofsha emrin
Së je thikë pas shpine
Hijenë që hynë e del ferrit

Ashtin
Ma ke ba hi e pluhur
Edhe mua
Ti qen bir qeni
Në demon të luftërave
Jetoni qenë të urryer për së gjalli

Mjaft jetova në luftë qensh
Dje dhe sot
Nesër ndoshta zgjohem në Promethe

Sikur të vdiqnin qentë e luftërave
Lirisë ia puthi ballin
Si çlirimtares duart e betejave.16 janar 2023 AGIM DESKU

IKONAT E ATDHEDASHURISË

-Hisen e Arsim Bruçaj,luftëtarë të batalionit “Atlantiku’’,që erdhen nga Amerika ,babë e djalë me luftue për çlirimin e Kosovës më 1998

Në mendje e zemër e kishin lirinë
Atdheun e prangosr në fund të ferrit
Dhe agimi i zënte të zgjuar
Ditët i kishin të errëta pa lirinë e Kosovës

Çdo plagë ishte edhe plagë e shpirtit të tyre
Çdo zë i nënave dëgjohej deri mbi re të bardha
E kënga ishte tretur me thell se vet Titaniku
A jetohej larg popullit pyetnin njeri-tjetrin

Babë e djalë malësorët e ëndrrave të mia
Kur me çdo kusht u nisën drejt atdheut
Me vdekë a më jetue nën thundrat e armikut
A më e puthë në ballë nënën plakë

A më ia fshijë lotët e saj njëqind vjeqe
A më u ba urë e veriut të Mitrovicës
A më i shikue s si na ndajnë sërish atdheun
Jo i tha djali babait e babai djalit

Dhe fluturuan më i matë fuqitë e zemrave
Mos më u zgjue kurrë ma para ëndrrave të trishta
Më i thënë armikut ja ku jam e ku je ti
Unë në vendin tim e ti pushtues i mallkuar

Eh ,Kosovë ç`fat ke me luftëtarët e lirisë
Që të erdhën nga fundi i botës së lirë
E të liruan nga ferri ma i thellë se vet Titaniku
Hisen e Arsim Bruçaj luftëtarë të ‘’Atlantikut’’.
Pejë ,o9 Janar 2023 Agim Desku

A I TAKOVA JETËS NDONJËHERË

Ndoshta jetën e pyeta një ditë
Të pakohë
A të takova ndonjëherë në jetë
Në gëzime a veç në hidhërime
Vetëm në urrejtje mos më thuaj
Së u takuam
Nëse ndonjëherë u takuam
Miqësisht apo djallëzisht
Dhe jemi pa sy me sy
Ti e di
Së sa e sa herë jam shndërrue
Në robin tënd
Ti kurrë nuk ishe robinja ime
Atë ditë kur erdha në këtë jetë
Kur vaji im i zgjoj krismat e burrave
Kleopartën e kisha në sytë e mi
Më e nxjerr fisin tim nga ferri i Dantes

Më e zënë sërish fronin e mbretit
Më i dalë përpara flakës së diellit
Edhe më u ba hi zjarri isha i gatshëm
Më m’u djeg asht e rrasht
Siç më digjet çdo çast shpirti im
Për lirinë e çames sime.Janar 2023 AGIM DESKU

GJYGJI I FJALËS

Sot ia bëjnë gjygjin fjalës
Edhe pa qenë prezent
Ani kush se
Askushi
Sot pas fjalës
T’i bëjnë gjygj edhe jetës
Se për dashuri nuk po flasim
Atë e çmendin
Sot jeto nëse të jetohet
Dashuro nëse te dashurohet
Vdis nëse të vdiset
Për të gjitha ia bëjnë gjygjin fjalës. Janar 2023 AGIM DESKU

KUTIA E PANDORËS

Kam bërë mëkat
Aromën e trëndafilit nuk ia mora
As nuk e putha siç i kam mësue
Më i puthë lulet
E kisha detin në mes nesh
Valët e tij kryeneqe
Që e fundosen Titanikun
Nuk e di se si shpëtova
Apo pse s’kisha urrejtje për njeriun
Por prap jam i vrarë
Së bashku me thellësitë titanikiane
Edhe me simfonitë e Betovenit presim
Të hapet Kutia e Pandorës
T’i rikthehemi vetvetes
Veç zotit tim t’i them zot
E askujt tjetër
Le të plasë bota
Shekujt e vramë po ia falim zotit
Më ia ba gjygjin mëkatit
S’paskan pasur faj brezat
Se liria qenka e shtrejtë
Si mishi e thoni.
Agim Desku

THJESHTË

Besova në rebelimim tim
Që do të ndodhë sonte
Së jemi popull gjak nxehtë
Por edhe ftofemi lehtë
Kur afrohet dymbëdhjetëshi
Thjeshtë një dopio ta ngriti
S’më la veriu të dehem
Yjet e muzikës nuk i dëgjova
Ndonjë këngë kreshnikësh
Më e forcue fuqinë e burrnisë
Që ka kohë nuk e kam takue
Tek unë besa as në lagjen time
Mezi e takova agun e mëngjest
Nga ëndrrat e viteve të harruara
Mezi e dija së si më quajnë
Vetëm kur më thirrnin alo Agim
Eh, veriu i lënë shkret me vite
I harruar he na u harroftë emri. 01 janar 2023 AGIM DESKU