VOAL

VOAL

Please Wait ...
0%

Më i paguari në Youtube është 7 vjeç, ka fituar 22 milionë dollarë

By | December 4, 2018

Komentet

Trumpi më 3-5 qershor do të vizitojë Mbretërinë e Bashkuar

Presidenti i Shteteve të Bashkuara, Donald Trump, në fillim të qershorit, do të zhvillojë një vizitë treditore në Britaninë e Madhe.

Presidenti Trump do të jetë mysafir i Mbretëreshës Elizabeth si dhe do të ketë bisedime me kryeministren, Theresa May.

Kryeministrja May tha se vizita do të jetë “mundësi për të fuqizuar raportet tashmë të ngushta mes dy vendeve”.

Presidenti Trump më 14 mars tha se mirëpret një marrëveshje të gjerë tregtare ndërmjet Uashingtonit dhe Londrës, pas daljes së Britanisë nga Bashkimi Evropian.

Trump ishte për vizitë në Britani edhe në vitin 2018. Gjatë kësaj vizite, ai ishte takuar me kryeministren britanike, Theresa May, Mbretëreshën Elizabeta II dhe kishte vizituar një klub golfi në Skoci.

Kjo vizitë u shënua me protesta, ku vetëm në Londër, mijëra njerëz dolën në rrugë për të shprehur shqetësimet e tyre me politikat e presidentit Trump.

Një anije e Luftës së Dytë Botërore gjendet në brigjet e Australisë

Mbetjet e një anijeje të Australisë, e fundosur nga një nëndetëse japoneze në Luftën e Dytë Botërore, u gjetën pas 77 vjetësh, thanë zyrtarët.

Anija SS Iron Crown u godit nga një torpedo jashtë shtetit të Viktorias në vitin 1942. Tridhjetetetë njerëz mbetën të vrarë, ndërsa pesë anëtarë të ekuipazhit mbijetuan.

Anija u fundos brenda 60 sekondash pas sulmit në Ngushticën Bass.

Arkeologët detarë thanë se gjetja e mbetjeve të saj është “një ngjarje me rëndësi kombëtare”.

Ekipi i kërkimeve nga Muzeu Australian Detar i gjeti mbetjet rreth 100 kilometra larg Viktorias dhe rreth 700 metra nën sipërfaqen e oqeanit.

Anija ka qenë duke transportuar minerale nga Australia e Jugut në Uellsin e Ri Jugor në kohën kur është sulmuar.

Pesë të mbijetuarit janë shpëtuar nga një anije tjetër.

Ditë zie kombëtare dhe gjendje emergjence, në Sri Lankë mbahet funerali i parë masiv

Ka shkuar në 310 numri i viktimave që humbën jetën tragjikisht në sulmet terroriste që përgjakën Pashkët në Sri Lanka.

Teksa vendi ka shpallur gjendjen e jashtëzakonshme si edhe ditë zie kombëtare, ka nisur edhe funerali i parë masiv për tu dhënë lamtumirën e fundit shumë prej viktimave.

Ai po zhvillohet në kishën e Shën Sebastianit në Negombo, në veri të Kolombos, e cila ishte nën shënjestrën e sulmeve të së dielës.

Gjithashtu u mbajt një moment heshtjeje rreth orës 8:30, moment që përkonte me kohën kur shpërthyen 6 bombat e para.

 

Flamujt u ulën në gjysmë shtizë dhe njerëzit përkulën kokën në respekt të viktimave që humbën jetën si edhe 500 personave që mbetën të plagosur gjatë sulmeve.

Qeveria e Sri Lankës ka bërë përgjegjës për sulmin grupin islamik “National Thowheed Jamath (NTJ)”.

Ky grup nuk ka histori të sulmeve në shkallë të gjerë, por vitin e kaluar u fajësua për dëmtimin e statujave budiste.

Megjithatë, as NTJ, as ndonjë grup tjetër nuk kanë pranuar kryerjen e bombardimeve të së dielës, teksa policia ka arrestuar rreth 40 persona.

 

Gjendja e jashtëzakonshme i jep policisë dhe ushtrisë pushtetin për të kapur dhe marrë në pyetje të dyshuarit pa urdhër të gjykatës, kompetenca që janë përdorur për herë të fundit gjatë luftës civile të vendit.

Qeveria bllokoi aksesin edhe në rrjetet sociale si: Facebook, WhatsApp dhe Instagram pas shpërthimeve.

IRA e Re merr përgjegjësinë për vrasjen e gazetares

Lyra McKee

Grupi i ashtuquajtur IRA e Re e pranoi përgjegjësinë për vrasjen e gazetares Lyra McKee në Irlandën e Veriut.

Përmes një deklarate, grupi tha se kërkon “falje të sinqertë” për familjen dhe miqtë e saj.

McKee, 29 vjeçe, u qëllua në kokë të enjten e kaluar, derisa mbulonte disa trazira në qytetin Londonderi.

Grupi i disidentëve republikanë IRA e Re besohet të jetë formuar midis viteve 2011-2012.

Ai e kundërshton marrëveshjen e nënshkruar në të Premten e Madhe të vitit 1998, me të cilën grupi IRA, apo Ushtria Republikane Irlandeze, ka pranuar një zgjidhje politike, pas dhunës disavjeçare në Irlandën e Veriut.

IRA ka luftuar për fundin e sundimit britanik në Irlandën e Veriut dhe ribashkimin e Irlandës.

Marrëveshja e së Premtes së Madhe ka qenë rezultat i negociatave intensive që kanë përfshirë qeveritë e Mbretërisë së Bashkuar dhe të Irlandës së Veriut.

IRA e Re thuhet se lidhet me katër vrasje.

Arrin në 290 numri i të vrarëve në Sri Lankë

Shpërthimet e shumëfishta në kisha dhe hotele të dielën e pashkëve në Sri Lankë, shkaktuan 290 të vrarë dhe 500 të plagosur, duke shënuar një nga ngjarjet më të dhunshme në atë vend në dhjetë vitet e fundit.

Gjashtë shpërthimet e para, që filluan në mëngjesin e së dielës, ishin të bashkërenduara dhe shkaktuan numrin më të madh të viktimave, ndërsa dy shpërthime më të vogla ndodhën disa orë më vonë.

Në shënjestër ishin turistët dhe besimtarët që po merrnin pjesë në lutjet e Pashkëve në kishat e tre qyteteve.

Më vonë zyrtarët thanë se një mjet shpërthyes u çmontua në afërsi të aeroportit kryesor të Kolombos.

Shpërthimet tronditën ishullin që ishte në një paqe relative që nga përfundimi i luftës civile dhjetë vjet më parë.

Trembëdhjetë veta janë arrestuar në lidhje me sulmet, për të cilat ende askush nuk ka marrë përgjegjësinë.

Kryeministri i Sri Lankës, Ranil Wickremesinghe, pranoi para gazetarëve të dielën se qeveria kishte njohuri për sulme të mundshme. “Informatat ishin aty”, tha ai, por nuk ishte në gjendje të thotë, “përse nuk u morën masa të duhura parandaluese”.

Rreth 30 të huaj, përfshirë amerikanë, britanikë, indianë, turq, japonezë, kinezë dhe portugezë, janë në mesin e të vrarëve dhe të plagosurve. Të shtrira në Oqeanin Indian, plazhet me rërë të bardhë të Sri Lankës, janë të njohura për turistët që vizitojnë Azinë Jugore.

Autoritetet shpallën shtetrrethimin gjatë natës së të dielës, ndërsa e hoqën atë të hënën. Sri Lanka bllokoi qasjen në rrjetet sociale përfshirë Facebook-un dhe WhatsApp-in, në një përpjekje për të penguar vërshimin e “dezinformatave dhe thashethemeve”. Shkollat janë mbyllur deri të martën dhe policia u ka kërkuar qytetarëve që të qëndrojnë në shtëpi.

Pas përhapjes së thashethemet për sulme të reja të mundshme, kryeministri Ranil Wickremesinghe u bëri thirrje qytetarëve që të qëndrojnë të “fortë dhe të bashkuar”. Duke i dënuar “sulmet qyqare”, ai bëri thirrje që të shmangen raportimet e pavërtetuara dhe spekulimet. Qeveria po ndërmerr veprimet për të kontrolluar situatën”, shkroi ai.

Ministri i Mbrojtjes, Ruwan Wijewardene, akuzoi ekstremistët për sulmet.

Presidenti, Maithripala Sirisena, tha se ka urdhëruar një forcë të posaçme të policisë dhe ushtrisë që të hetojë se kush qëndron pas sulmeve.

Të krishterët përbëjnë 7.5 për qind të popullsisë së dominuar nga budistët të kombit 21 milionësh.

Sri Lanka kishte përjetuar gati një çerek shekulli të dhunës e sulmeve terroriste gjate luftës së përgjakshme civile të udhëhequr nga guerilët që e quanin veten ‘tigrat tamilë’, një grup që luftonte për pavarësinë e atij komuniteti. Por kryengritja mori fund në vitin 2009.

Që nga ajo kohë vendi përjetoi një formë të jo qëndrueshmërisë politike, incidente sporadike të dhunës fetare e etnike, por nuk pati ndonjë akt të tillë dhune si ai që dërmoi qetësinë e vendit të dielën.

Dhuna e së dielës u dënua gjerësisht nga udhëheqës në mbarë botën. Kryeministri indian Narendra Modi, tha se “nuk ka vend për barbarizëm të tillë në rajonin tonë”.

Një zëdhënës i Sekretarit të Përgjithshëm të OKB-së, Antonio Guterres, tha se udhëheqësi i Kombeve të Bashkuara është “i tronditur nga sulmet terroriste” në “një ditë të shenjtë për të krishterët në mbarë botën”.

Gjatë meshës tradicionale të Pashkëve në Romë, Papa Françesku dënoi sulmet duke ngushëlluar “viktimat e një dhune mizore”.

Gjatë një interviste ne një rrjet televiziv lokal, arqipeshkvi i Kolombos, Malcolm Ranjith, u bëri thirrje qytetarëve të qëndrojnë të qetë. Ai u bëri thirrje autoriteteve që të kryejnë një hetim të paanshëm dhe të dënojnë “pa mëshirë” përgjegjësit, sepse “vetëm kafshët mund të sillen asisoj”. za

Japoni: Foshnja më e vogël në botë del nga spitali

Mediat japoneze raportojnë se djaloshi më i vogël në botë është i gatshëm të shkojë në shtëpi.

Ryusuke Sekino ka arritur në 3.37 kilogramë pasi kaloi pesë muaj në spitalin qendror të distriktit Nagano në Japoni, shkruan agjencia e lajmeve Kyodo.

Kur u lind foshnja peshonte vetëm 258 gramë.

Nëna e Ryusuke, Toshiko Sekino, tha se djali i saj dukej aq i brishtë pas lindjes saqë “ajo nuk ishte e sigurt se si ta prekte atë”.

Mjekja Takehiko Hiroma tha se kishte vështirësi në trajtimin mjekësor të “foshnjës më të vogël”.

“Sepse, menjëherë pas lindjes, enët e gjakut ishin shumë të holla për të përballuar infuzionin”, tha ajo.

Ryusuke për 10 gramë theu rekordin e foshnjës më të vogël të lindur në Tokio në muajin gusht të vitit të kaluar.

“Shkalla e mbijetesës e foshnjave të lindura që peshojnë më pak se 1 kilogram është rreth 90 për qind në Japoni, por shkalla e mbijetesës së foshnjave të lindura që peshojnë më pak se 300 gramë është e ulët, sidomos për meshkujt”, raporton Kyodo.

Agjencia e lajmeve citon regjistrin për foshnjat më të vogla të universitetit amerikan në Iowa, sipas të cilit rekordin paraprak për foshnje më të vogël e mbante një djalosh i lindur në spitalin universitar Keio i cili peshonte 268 gramë.

Foshnja Ryusuke u lëshua nga spitali në 20 shkurt.

Foshnja “më e vogël e botës” do të shkojë në shtëpi, ndërsa njëkohësisht do të evidentohet listën e faqes së internetit të Regjistrit Japonez të foshnjave më të vogla, që ka të regjistruar 25 foshnje anekënd botës që kanë peshuar më pak se 300 gramë kur kanë lindur, e që kanë mbijetuar. Në mesin e tyre, gjashtë foshnje janë djem. aa

Ekstremistët budistë përgjakin Sri Lankën me të krishterë

Ministri i Mbrojtjes i Sri Lankës ka njoftuar se policia e këtij vendi i ka arrestuar shtatë persona në lidhje me sulmet e sotme në Sri Lankë, në të cilat u vranë së paku 207 njerëz.

Sipas të dhënave më të reja, numri i të vdekurve nga shtatë shpërthimet në kisha dhe hotele ka shkuar në 207 dhe mund të rritet më vonë për shkak të numrit të madh të njerëzve të plagosur.

Shumica e viktimave janë qytetarë të Sri Lankës, por autoritetet kanë njoftuar se rreth 30 persona me shtetësi të huaj janë në mesin e të vrarëve. Besohet se edhe disa qytetarë britanikë janë vrarë në këto sulme.

Askush nuk e ka marrë ende përgjegjësinë për sulmin, por ministri i brendshëm, Ruwan Wijewardene, tha se sulmuesit janë identifikuar dhe ata janë ekstremistë fetarë.

Qeveria e ka shpallur orën policore, e cila ka hyrë në fuqi menjëherë. Autoritetet i kanë bllokuar edhe rrjetet sociale dhe shërbimet tjera të dërgimit të mesazheve përmes internetit dhe telefonave.

Fillimisht Sri Lanka u godit nga gjashtë shpërthime, tri prej të cilave ndodhën në kisha dhe tri të tjera në hotele luksoze. Më vonë ndodhën edhe dy shpërthime tjera, duke e çuar në tetë numrin e përgjithshëm të shpërthimeve, shkruan “The Guardian”, transmeton Gazeta Express.

Përleshje mes forcave ruse dhe iraniane në Siri

Në qytetet Deyrizor dhe Halep kanë ndodhur përleshje mes forcave ruse dhe iraniane, të cilët mbështesin regjimin e Bashar al-Asadit.

Sipas informacionit të marrë nga burimet lokale në këto dy qytete siriane, policët ushtarakë rusë janë përleshur me Rojet Revolucionare Iraniane, në qarkun Mayadin të Deyrizorit.

Në përleshje pretendohet se kanë humbur jetën 2 iranianë, ndërsa 4 ushtarë rusë janë plagosur.

Irani dhe Rusia ende nuk kanë dhënë deklaratë zyrtare.

Burimet gjithashtu theksuan se në afërsi të Aeroportit të Halepit, ku intensivisht janë terroristët e huaj të mbështetur nga Irani, ka ndodhur përleshje mes grupeve të mbështetura nga Irani dhe forcat ruse.

Edhe në muajin janar kishin ndodhur përleshje të ashpra mes forcave të Asadit të mbështetura nga Rusia dhe forcave iraniane. aa

Irlanda e Veriut – Përplasjet e dhunshme mes protestuesve dhe policisë, humb jetën gazetarja

Konfrontimet e dhunshme mes manifestuesve nacionalistë dhe policisë kanë përfunduar në tragjedi, ku për pasojë ka humbur jetën një gazetare e cila po raportonte ngjarjen.


Ngjarja ka ndodhur mbrëmjen e të enjtes në Londonderry, në Irlandën e Veriut, teksa policia ka njoftuar se vrasja e gazetares Lyra McKee, 29-vjeç, po hetohet si “një incident terrorist”.

Gjatë protestës janë lëshuar disa shishe molotov ndaj makinave të policisë, duke i vënë flakën.

Protestat nisën pasi autoritetet kontrolluan disa shtëpi, në kuadër të hetimeve për shpërthimin e një makine në muajin janar.

Dyshohet se vrasësit e gazetares janë disidentë republikanë që i përkasin grupit “IRA”, një organizatë e armatosur që ka luftuar për pavarësinë irlandeze, por që sot nuk është me aktive.

Peru, vetëvritet ish-presidenti, akuzohej për korrupsion

Në Lima, vdiq të mërkurën ish presidenti i Perusë Alan Garcia, pak orë pasi kishte qëlluar veten në kokë për t’iu shmangur arrestimit në lidhje me një hetim për ryshfet. Ai ishte 69 vjeç.

Garcia i zgjedhur dy herë president, ishte një orator i aftë. Fillimisht u zgjodh si përfaqësues i zjarrtë i së majtës dhe më pas si nxitës po aq i pasionuar i investimeve të huaja dhe tregtisë së lirë. Vitet e fundit, atij nuk iu ndanë akuzat për korrupsion gjë që ai e mohonte vazhdimisht.

Garcia ishte një nga nëntë personat për të cilët një gjykatës kishte urdhëruar arrestimin të mërkurën, për përfshirjen e dyshuar në një skandal ryshfetesh të dhëna nga firma Odebrecht, një kompani braziliane ndërtimi. Kjo çoi në skandalin më të madh të korrupsionit në Amerikën Latine, kur firma pranoi në vitin 2016 se kishte paguar ryshfete për politikanët në të gjithë rajonin për të siguruar kontrata fitimprurëse.

Anëtarë të partisë së Garcias e njoftuan vdekjen e tij përpara njerëzve të mbledhur jashtë spitalit Casimiro Ulloa, ku ai pësoi tre arreste kardiake dhe iu nënshtrua një operacioni.

Vietnamezja e akuzuar për vrasjen e Kim Jong-nam do lirohet nga burgu

Kuala Lumpur

Vietnamezja Doan Thi Huong, kundër të cilës në Malajzi zhvillohet proces gjyqësor për vrasjen e Kim Jong-nam, gjysëm-vëllait të udhëheqësit verikorean Kim Jong-un, do të lirohet në maj të këtij viti, deklaroi avokati i saj, raporton Anadolu Agency (AA).

“Sipas informacioneve që kemi marrë nga zyrtarët e burgut, Houng do të lirohet në seancën e caktuar më 3 maj”, ka thënë avokati i të akuzuarës.

Gjykata në Malajzi në fillim të marsit liroi indonezianen Siti Aisyah, e cila gjithashtu ishte e dyshuar për vrasjen e Kim Jong-nam, i cili u vra në shkurt të vitit 2017 në Kuala Lumpur.

Aisyah fillimisht ngarkohej se më 13 shkurt 2017 me helmin VX vrau Kim Jong-nam në aeroportin ndërkombëtar në Kuala Lumpur.

Gjykata solli vendim për lirimin e saj pasiqë Prokuroria hodhi poshtë akuzat ndërsa 27-vjeçarja Siti Aisyah kaloi dy vite në paraburgim.

Aisyah dhe Huong u arrestuan pasi në xhirimet e kamerave të survejimit u panë duke iu afruar Kim Jong-nam dhe kontaktojnë me të. Pak më pas disidenti verikorean vdiq.

Aisyah gjatë mbrojtjes tha se ishte afruar pasi disa japonezë apo koreanë i kanë ofruar 90 dollarë për pjesëmarrje në kamerë të fshehur e cila do të emetohej në televizion.

Ekspertët e forenzikës në trupin dhe nën thonjët e Aisyah nuk gjetën gjurmë të substancës kimike VX, për dallim të Houng, tek e cila u gjetën gjurmë të tilla.

Kim Jong-nam ishte vëllai i madh i udhëheqësit verikorean Kim Jong-un. Në Korenë e Veriut ai nuk kishte asnjë titull, pasiqë kishte lindur nga një marrëdhënie jashtë martesore të ish-liderit të Koresë së Veriut me aktoren Sung Hae-rim.

Vajza që qan në kufirin SHBA-Meksikë fituese e World Press Photo

SHBA

Një vogëlushe që qan me ngashëri, e cila sapo është nga prindërit e saj në kufirin me Meksikën në Teksas është shpallur fotoja fituese e ‘World Press Photo 2019’.

Fotoja është realizuar nga fotografi John Moore. Afër vogëlushes ndodhet një agjent me uniformën e kufirit amerikan. “Është një nder i madh për mua që jam fituesi i këtij konkursi.

Qëllimi im që kur fillova të merrem me fotografitë e emigracionit dhe sigurisë së kufijve dhjetë vjet më parë, ishte të hedh dritë mbi një temë që thuhet shpesh vetëm nëpërmjet statistikave. Jam shumë krenar që shoh si kjo punë po ndikon në një audiencë globale “- ka thënë fotografi John Moore.