Pa dritën e botimit libri i Agim Mehmetit “E vërteta për FARK-un”. Fillet e organizimit të Sistemit të Mbrojtjes së Republikës së Kosovës 1991-1998
Libri në pdf mund të lexohet dhe shkarkohet për lexim me vegzën në vijim: https://shorturl.at/swxIV
Shënime biografike të autorit Agim Mehmeti
Agim Mehmeti u lind më 10.03.1955 në fshatin Botushë të Gjakovës, nga babai Rrustemi, veteran i arsimit dhe nëna Raza, shtëpiake. Si familje arsimdashëse ka qenë në vazhdimësi në vëzhgim të pushtetit serbosllav. Shko-llimin fillor e kreu në fshatin Molliq. Vitin e parë të shkollës së mesme e ka kryer në shkollën Normale të Gjakovës, pastaj ka dhën ndryshimin e lëndëve, Gjuhë Frenge dhe Latine dhe vitin e dytë është regjistruar në gjimnazin „Vllezërit Frashëri“ në Deçan. Qysh në vitin e tretë gjimnaz ka bërë kërkesën për Akademinë Ushtarake Tokësore në Beograd, dhe pas pranimit për një vitë bëhet bursist i kësaj akademie. Që nga viti 1973 deri në vitin 1977 vijoi studimet tri vite në këtë Akademi, kurse vitin e katërt në Sarajevë, ku mori gradën e nëntogerit. Punoi në në Qendrën Shkollore Ushtarake në Sarajevë Në vitin 1978 përparohet në gradën e togerit. Në 1981 u përparua në gradën e kapitenit, ndërsa në vitin 1985 në graden e kapitenit të klasit të parë.
Në viti 1983 u përparua në thirrjen ligjërues i Shkollave të Larta Ushtarake, ku vazhdo të ligjërojë lendën e taktikës. Nga viti 1980-1986 merr pjesë në shumë ushtrime ushtarake të kadetëve dhe strukturave të ndryshme të kazermës në cilësin e vëzhguesit, bashkërenditësit (koordinuesit) dhe të inspektimit. Si ligjërues në shkollat ushtarake dhe pjesëmarrja në stërvitjet e ndryshme teorike dhe taktike e ka begatuar përvojen e tij me artin ushtarak, që i shërbeu për organizimet ushtarake për luftën në Kosovë…
Pas burgosjes së të vëllait Bajram Mehmetit i akuzuar për aktivitet kundërrevolucionar, i cili aso kohe e kishte mbaruar Gjimnazin Ushtarak në Beograd dhe ishte student i vitit të dytë të Akademisë Ushtarake Tokësore dhe u dënua nga Gjykata Ushtarake e Beogradit me dy vite e gjsmë burg të rëndë u krijuan kushtet që edhe Agimi 24 orë të ishte nënë vëzhgim që t`i përgatitet terreni dhe në bazë të planeve si çdoherë kundër shqiptarëve, Agim Mehmeti burgoset më 2 qershor 1986. Më 19 shtator 1986 sipas procesit gjyqësor tërsisht të kurdisur dhe në bazë të dëshmive të rrejshme u dënua më 3 vjetë e 9 muaj burg. Nga grupi i të dënuarve prej 10 vetash Agimi ishte i pari në aktakuzë.
Më 3-02-1989 lirohet nga burgu me kusht dhe kthehet në kazermen „Marshali Tito“ në Sarajevë. Në korrik të vitit 1991 braktis-dezerton nga APJ. Shkon në Kosovë me qëllim për të në Shqipëri, por rrethanat dhe kushtet ishin shumë të rënda dhe pas këshillimeve të bëra me dashamirët e tij, ndërron drejtimin dhe kalon në Kroaci, mandej në Slloveni për strehim dhe pas një kohe të shkurtër kalon në Zvicër, ku edhe veproi e jetoi me familjen e tij. Veprimtaria e tij në Zvicër ka qenë orjentuar në lidhshmërinë dhe bashkëpunimin me oficerët shqiptarë që kishin braktisur APJ-n, që të organizoheshin për mbrojtjen dhe lirinë e atdheut – Kosovës së pushtuar nga Serbia. Përveç veprimtarisë organizative atdhetare profesionale si oficer madhor në bashkëveprim me oficerët e tjerë dhe veprimtar të çështjes kombëtare në mërgatë përcjell vazhdimisht rrjedhat dhe ngjarjet në kohë dhe hapësirë. Autori ka shkruar librin: “ E VËRTETA PËR FARK-un“ me të dhëna e dëshmi të shumta që për të vërtetën e FARK-ut. Vdiq në spitalin e Cyrihut në Zvicër më 3 Veror (Gusht) 2015. (A.F.)

Komentet