Zëdhënësja e Shtëpisë së Bardhë, Karoline Leavitt, deklaroi se operacioni ushtarak i Shteteve të Bashkuara të Amerikës në Iran po zhvillohet me sukses dhe në përputhje me planin e parashikuar.

Sipas saj, deri tani janë goditur mbi 11,000 objektiva, ndërsa sulmet me raketa dhe dronë nga Irani janë ulur me rreth 90% që nga fillimi i konfliktit.

“Ushtria jonë vazhdon të shkatërrojë bazën industriale mbrojtëse të Iranit, me rreth 70% të objekteve të prodhimit të raketave, dronëve dhe pajisjeve detare të dëmtuara ose të shkatërruara,” u shpreh ajo.

Leavitt shtoi se SHBA-të kanë goditur rëndë edhe kapacitetet detare të Iranit, duke shkatërruar mbi 150 anije, përfshirë rreth 92% të mjeteve më të mëdha detare.

Ajo theksoi se këto zhvillime kanë dobësuar ndjeshëm aftësinë ushtarake të Iranit, ndërsa operacioni vijon të jetë në fokus të strategjisë amerikane në rajon. gsh