VOAL- Menaxheri i kantierit të rindërtimit shpjegon se katedralja e Parisit do të jetë e para në Francë që do të pajiset me një sistem të ri parandalimi nga zjarri.
Katedralja Notre-Dame në Paris, e shkatërruar nga një zjarr në 2019 dhe e cila, pasi të ketë përfunduar puna e rindërtimit, pritet të rihapet për publikun më 8 dhjetor 2024, do të pajiset me një sistem krejt të ri parandalimi nga zjarri, njoftoi të mërkurën Philippe Jost, personi përgjegjës i kantierit.

Është “një pajisje mjegulluese, e cila po vendoset në papafingo dhe në majë – për të mbytur çdo shpërthim të mundshëm zjarri – një risi absolute për një katedrale në Francë”, shtoi ish krahu i djathtë i gjeneralit Jean – Louis Georgelin, të cili e pasoi pas vdekjes së papritur të këtij të fundit verën e kaluar.

“Të gjitha masat paraprake janë marrë për të rimenduar plotësisht mbrojtjen nga zjarri” të Notre-Dame de Paris, një kryevepër e artit gotik, e cila sapo të rihapet mund të mirëpresë “14 milionë vizitorë” në vit, ose dy milionë më shumë se para zjarrit, tha Jost para Komisionit të Çështjeve Kulturore të Asamblesë Kombëtare.rsi-eb