“Topi i zjarrit” u vu re pak pas mesnatës të së dielës – Disa fragmente mund të kenë arritur në tokë

VOAL- Një asteroid ka ndriçuar qiellin e natës mbi Berlin. Ngjarja ka ndodhur natën ndërmjet të shtunës dhe të dielës, kur trupi qiellor me diametër rreth një metër u dogj në kontakt me atmosferën. Një shfaqje që u pa vetëm nga kryeqyteti gjerman, por edhe nga Lajpcigu dhe Praga. Janë të shumta videot që janë publikuar në rrjetet sociale orët e fundit.

Sipas llogaritjeve të agjencisë amerikane të hapësirës NASA, pika e pritshme e goditjes për asteroidin ishte afër Nennhausen, një qytet me gati dy mijë banorë që ndodhet rreth shtatëdhjetë kilometra në perëndim të kryeqytetit gjerman. Një fizikan nga Agjencia Evropiane e Hapësirës (ESA), i konsultuar nga Spiegel, beson se disa fragmente mund të kenë arritur në tokë.

Trupi qiellor që po afrohej ishte zbuluar disa orë më parë nga astronomi hungarez dhe “gjuetari i asteroideve” Krisztián Sárneczky. Emri i përkohshëm i objektit të djegur në atmosferë ishte Sar2736.rsi-eb