Oliver Jenc Schmitt:Komunizmi në Shqipëri ishte regjim ilegjitim, komunistët erdhën në pushtet nëpërmjet luftës civile.

Oliver Jenc Schmitt: Skenderbeu është figurë madhështore. Por unë e hedh poshtë përshkrimin që i bëhet Skënderbeut nga shkolla enveriste. Shqipërisë i duhet një shkollë kritike e historisë. Nuk jam përpjekur ta çmitizoj Skendërbeun, por ta përshkruaj ashtu siç ishte, pra Zot i Arbërisë. Ata qe e kritikuan nuk e kishin lexuar ende librin. Shqipërise i duhet nje shkolle kritike e historisë.

Oliver Jens Schmitt: Shqiptaret e Kosovës e dinë se kush është Vuçiç. Kryeministri shqiptar nuk mund të negociojë në emër të Kosoves me Beogradin. Kultura demokratike në Kosovë është më e zhvilluar se në Shqipëri dhe më pak autoritare se në Tiranë.

Adi Krasta: Si e keni ndjekur shkëmbimin e territoreve midis zotërinjve Vuçiç, Thaçi dhe Rama. Në një ombrellë dëshirash sipas kritikëve të treve dhe te atyre që merren edhe me teori konspiracioni por edhe të atyre që lexojnë atë që ndodh si mbas një avokature të një poli shumë të rëndësishëm në botë që është ai i zotit Soros. Më lejoni t’ua bëj pyetjen shqiptarçe. Në këtë mes, do të kishte një humbës? Do të kishe një fajtor? Nëse do të kishte kush do të ishte?

Oliver Jens Schmitt: Albin Kurti ka të drejtë kur thotë se Serbia ka nevojë për një Willy Brandt per te kerkuar falje per genocidin e ushtruar ne Kosove.

Schmitt: Humbësi do të jetë pa dyshim e gjithë popullsia sepse unë mendoj që e ardhmja e Ballkanit do të jetë brenda Evropës. Por më lejoni të bëjë disa vërejte. Në radhë të parë unë mendoj që Shqipëria nuk është mëmëdheu i shqiptarëve në Kosovë. Kosova është shteti i dytë shqiptar dhe unë nuk mendoj që Shqipëria duhet të mbrojë interesin e kosovarëve. Kjo është e qartë, i takon qeverisë në Prishtinë d.mth, unë nuk kuptoj pse Kryeministri i Shqipërisë mund të hyjë në negociatat me Kryeministrin e Serbisë. Mendoj që kosovarët dinë shumë më mirë sesa politikanët në Tiranë se kush është Vuçiç. Vuçiç është propagandisti i politikës ‘Serbisë së madhe’. Në vitet ‘90 ai ka përkrahur dhe krimet e bëra nga qeveria e Millosheviçit. Kjo është vërejtja e dytë që negociatat duhen të jenë drejtpërdrejtë midis Prishtinës dhe Beogradit. Është e qartë që Beogradi deri tani nuk e ka njohur pavarësinë e Kosovës. Por kjo është një kusht themelor për negociatat. D.m.th unë mendoj kjo është pikëpamja ime personale që Shqipëria të kuptoj pozitën dhe interesin e kosovarëve. Mendoj qe negociatat pa kosovarët nuk mund të kryhen edhe në interesin e Shqipërisë.