Pas publikimit të raportit, Prokuroria Publike ka iniciuar një lëndë dhe ka njoftuar se po zhvillon një fazë para-hetuese në komunë.

Edhe Zyra e Auditorit Shtetëror ka konstatuar në raportin e saj më të fundit se një kompleks hotelier është ndërtuar pa leje, si dhe se 23 objekte hoteliere kanë shfrytëzuar në mënyrë të paligjshme hapësira publike dhe kanë vendosur pajisje urbane. Megjithëse Komuna e Ohrit ka refuzuar 4.847 kërkesa për legalizim, autoritetet kompetente nuk kanë ndërmarrë masa për largimin e tyre, kanë konstatuar auditorët. Pas publikimit të raportit, Prokuroria Publike ka iniciuar një lëndë dhe ka njoftuar se po zhvillon një fazë para-hetuese në komunë.

Rreziku nga objektet e ndërtuara në mënyrë të paligjshme qëndron në faktin se ato nuk kalojnë kontrollet e sigurisë dhe as nuk janë të regjistruara në sistem si objekte ekzistuese, gjë që paraqet rrezik të madh në rast zjarresh apo fatkeqësish natyrore, sidomos duke pasur parasysh se mirëpresin mysafirë, thonë ekspertët e ndërtimit për Radio Evropa e Lirë.

Profesori Goran Markovski nga Fakulteti i Ndërtimtarisë në Shkup thotë se objektet që janë nisur të ndërtohen pa leje janë ndërtime të paligjshme, pavarësisht se çfarë dokumentacioni mund të kenë marrë më vonë.

Sipas tij, veçanërisht problematike është kur këto ndërtime legalizohen pasi tashmë janë përfunduar, sepse, siç thekson ai, procedura e legalizimit dhe regjistrimit në kadastër shpesh reduktohet vetëm në dorëzimin e një incizimi gjeodezik dhe pagesën e taksave komunale, ka kaluar këto objekte në kontrolle të stabilitetit, kapacitetit mbajtës, rezistencës sizmike apo mbrojtjes kundër zjarrit.

“Kjo është e papranueshme. Një objekt i paligjshëm mund të ndërtohet aq pa cilësi sa që mund të shembet vetvetiu dhe të lëndojë dikë. Mund të ketë shkallë të pasigurta ose, për shembull, nëse objekti është hotel dhe ka ashensor – kush e kontrollon atë në një ndërtim të paligjshëm? Kush ka nënshkruar se ashensori është në rregull, nëse instalimi elektrik është vendosur sipas standardeve dhe nëse rryma është lidhur siç duhet?”, paralajmëron ai.

Në Ohër është ndërtuar një hotel pa leje ndërtimi dhe pa pagesë për rregullimin e tokës ndërtimore, ndërsa 23 objekte hoteliere kanë përdorur hapësira publike pa leje, duke vendosur pajisje urbane si konstruksione fikse dhe streha me shtylla çeliku, si dhe hapësira të mbyllura me ndarje prej xhami, kanë konstatuar auditorët shtetërorë në raportin e tyre më të fundit./REL