Pianisti i njohur i xhazit, kompozitori dhe lideri i grupit Ahmad Jamal ka vdekur në moshën 92-vjeçare. Lajmin e hidhur e ka konfirmuar bashkëshortja e tij, shkruan BBC.

Ndërkohë, vajza e tij tha për New York Times se babai i saj ndërroi jetë pasi vuante nga kanceri në prostatë.
Ahmad Jamal ishte një mik i përjetshëm i ikonës së xhazit Miles Davis dhe ndikoi në një brez muzikantësh.
Ai ishte i njohur për një stil të rrallë loje – shpesh duke vendosur heshtje mes notave. Jamal, i cili e quajti xhazin “muzikë klasike amerikane”, tha gjatë jetës së tij se i pëlqente të nderonte ato që ai përshkroi si ‘hapësira në muzikë’.

Ai e filloi karrierën e tij të xhazit prej shtatë dekadash si adoleshent në epokën bebop të spektaklit virtuoz, por stili i tij evoluoi me shpejtësi. Miku i përjetshëm i Jamalit, trumpetisti Miles Davis, deklaroi më herët se; “I gjithë frymëzimi im vjen nga Ahmad Jamal”.

Jamal fitoi çmime të panumërta gjatë karrierës së tij, duke përfshirë Ordre des Arts dhe des Lettres të Francës më 2007 dhe një çmim Grammy Lifetime Achievement në 2017. “Unë jam ende duke evoluar, sa herë që ulem në piano,” tha Jamal në një intervistë të vitit 2022 me Times.bw