Ka ndërruar jetë nobelisti shqiptaro-amerikan, Ferid Murad, i cili njihet si shpikësi i viagrës. Ishte analisti Ilir Ibrahimi ai që njoftoi për lajmin, duke shkruar “prehu në paqe Dr. Ferid Murad”. “Një shqiptar amerikan i madh, një laureat i Nobelit në Mjekësi, dhe mbi të gjitha, një humanist i madh. Ka qenë nder dhe privilegj i madh që pata rastin të takoj”, shkroi Murad.

Murad lindi më 14 shtator 1936 në Whiting në Indiana të SHBA-së. Prindërit e tij ishin Henrietta Josephine Bowman nga Alton, Illinois dhe Xhabir Murat Ejupi, një emigrant shqiptar nga Gostivari. Ferid Murad ishte një mjek dhe farmakolog dhe në vitin 1998 fitoi Çmimin Nobel në Fiziologji dhe Mjekësi.

Hulumtimi kryesor i Murad-it tregoi se nitroglicerina dhe ilaçet e lidhura me to funksionuan duke lëshuar oksid nitrik në trup, i cili relakson muskujt e lëmuar duke ngritur GMP ciklike ndërqelizore. Në vitin 2015, Murad nënshkroi Deklaratën e Mainau mbi Ndryshimet Klimatike në ditën e fundit të Takimit të 65-të të Laureatëve të Nobelit Lindau. Deklarata u nënshkrua nga gjithsej 76 laureatë dhe iu dorëzua Presidentit të atëhershëm të Francës, François Hollande, si pjesë e samitit të suksesshëm të klimës COP21 në Paris.bw