Pas ndarjes nga jeta në moshën 89-vjeçare, regjisori i njohur Dhimitër Anagnosti do të përcillet për në banesën e fundit në vendlindjen e tij, në Vuno të Himarës. Anagnosti lindi aty më 23 janar 1936, duke mbetur një nga figurat më të rëndësishme të kinematografisë shqiptare.

Sipas njoftimit zyrtar, homazhet për Anagnostin do të zhvillohen nesër, më 2 shtator, në hollin e Teatrit të Operas dhe Baletit në Tiranë, ku familjarë, miq, kolegë dhe dashamirës të artit do të kenë mundësi t’i japin lamtumirën e fundit mjeshtrit të ekranit.

Anagnosti u shua pas mesnate, pas një sëmundjeje të gjatë, duke lënë pas një trashëgimi të pasur artistike me filma që shënuan breza të tërë. bw